Respublika investitsiya dasturini samarali bajarish, yirik va strategik jihatdan muhim investitsiya loyihalari o‘z vaqtida amalga oshirilishini ta’minlash, vazirliklar va idoralarning investitsiya loyihalarini, eng avvalo xorijiy sarmoyalar ishtirokidagi investitsiya loyihalarini amalga oshirishga doir faoliyatini muvofiqlashtirishni kuchaytirish maqsadida Vazirlar Mahkamasi qaror qiladi:

2. Belgilansinki, O‘zbekiston Respublikasi investitsiya dasturiga kiritilgan loyihalarning amalga oshirilishi ustidan davlat monitoringi:

vazirliklar va idoralarning tashabbusi bo‘lgan investitsiya loyihalari va takliflar yuzasidan Investitsiyalar bo‘yicha davlat qo‘mitasi Vazirlar Mahkamasining tegishli axborot-tahlil departamentlari bilan birgalikda, shuningdek, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari hamda xorijiy investitsiyalar ishtirokidagi korxonalarning tashabbusi bo‘lgan investitsiya loyihalari va takliflar yuzasidan Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda Vazirlar Mahkamasining Investitsiya dasturlari departamenti tomonidan;

xorijiy investitsiyalar ishtirokidagi yirik va strategik jihatdan muhim investitsiya loyihalarini amalga oshirish yuzasidan — doimiy ishlovchi O‘zbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari bo‘yicha Idoralararo kengash tomonidan ta’minlanadi.

3. Belgilansinki:

bazaviy tuzilmani belgilovchi korxonalarning va iqtisodiyotning boshqa aloqador tarmoqlari va sohalaridagi korxonalarning rivojlanishiga ko‘maklashuvchi ishlab chiqarishlar qurilishi;

respublika Hukumati kafolati ostida xorijiy sarmoya jalb qilingan obyektlar qurilishi;

eksport salohiyatini rivojlantirishga qaratilgan yuqori texnologiyali va ilm-fanni ko‘plab talab qiladigan ishlab chiqarishlarning joriy etilishi;

mineral-xomashyo resurslari va qishloq xo‘jaligi xomashyosini chuqur qayta ishlashni, raqobatga bardoshli tayyor mahsulot ishlab chiqarishni ta’minlaydigan texnologiya jihatidan o‘zaro bog‘liq ishlab chiqarishlarning barpo etilishi (shu jumladan, mahalliylashtirish dasturlari doirasida);

ishlab chiqarish infratuzilmasiga va ijtimoiy infratuzilmaga investitsiyalar qo‘yilishi amalga oshirilishi ustidan monitoring Idoralararo kengash tomonidan amalga oshiriladigan xorijiy investitsiyalar ishtirokidagi yirik va strategik jihatdan muhim investitsiya loyihalarini tanlashning asosiy mezonlari hisoblanadi.

4. O‘zbekiston Respublikasi Vazirlar Mahkamasining Investitsiya dasturlari departamenti, Makroiqtisodiyot va statistika vazirligi, Moliya vazirligi, Markaziy banki 2000-yilgi respublika investitsiya dasturini ro‘yobga chiqarishda 3-ilovaga* muvofiq xorijiy investitsiyalar ishtirokidagi yirik va strategik jihatdan muhim loyihalar amalga oshirilishi ustidan monitoring olib borsinlar.

7. Investitsiya loyihalarining buyurtmachilari bo‘lgan vazirliklar va idoralarning, shuningdek, boshqa manfaatdor vazirliklar va idoralarning rahbarlariga davlat monitoringini tashkil etish uchun zarur bo‘lgan axborot to‘liq va o‘z vaqtida taqdim etilishi uchun shaxsiy javobgarlik yuklansin.

8. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov zimmasiga yuklansin.