LexUZ sharhi
Mazkur hujjatda ko‘rsatilgan import va eksport kontraktini hisobga qo‘yish to‘g‘risidagi guvohnomalar O‘zbekiston Respublikasi Prezidentining 2011-yil 25-avgustdagi PQ-1604-son qaroriga asosan 2011-yilning 1-sentabridan bekor qilingan.
O‘zbekiston Respublikasi Prezidentining “O‘zbekiston Respublikasida tashqi savdo faoliyatini yanada erkinlashtirish chora-tadbirlari to‘g‘risida” 2003-yil 26-sentabrdagi PF-3321-son Farmonini bajarish yuzasidan, shuningdek respublikada import operatsiyalarini amalga oshirishni yanada tartibga solish maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 2020-yil 14-maydagi 283-sonli qaroriga asosan 2020-yil 16-avgustdan o‘z kuchini yo‘qotadi — Qonun hujjatlari ma’lumotlari milliy bazasi, 15.05.2020-y., 09/20/283/0587)
2. 2003-yil 1-oktabrdan boshlab O‘zbekiston Respublikasi Davlat bojxona qo‘mitasi tomonidan Davlat soliq qo‘mitasi, Tashqi iqtisodiy aloqalar agentligi, Markaziy bank, vakolatli banklar hamda boshqa manfaatdor vazirliklar va idoralar bilan birgalikda Tashqi savdo operatsiyalarining yagona elektron axborot tizimi amalga kiritilishi ma’lumot uchun qabul qilinsin.
Oldingi tahrirga qarang.
Belgilansinki, O‘zbekiston Respublikasi Davlat bojxona qo‘mitasi bojxona yuk deklaratsiyalari asosida ma’lumotlarning elektron bazasini shakllantiradi hamda tovarlarning kelib tushishi yoki yuklab jo‘natilishi to‘g‘risidagi axborotlarning Tashqi savdo operatsiyalarining yagona elektron axborot tizimiga o‘z vaqtida va to‘g‘ri kiritilishi uchun javob beradi.
(2-bandning ikkinchi xatboshisi O‘zbekiston Respublikasi Vazirlar Mahkamasining 2020-yil 14-maydagi 283-sonli qarori tahririda — Qonun hujjatlari ma’lumotlari milliy bazasi, 15.05.2020-y., 09/20/283/0587 — 2020-yil 16-avgustdan kuchga kiradi)
O‘zbekiston Respublikasi Markaziy banki va Davlat soliq qo‘mitasi bilan birgalikda zimmasiga monitoring olib borish va Tashqi savdo operatsiyalarining yagona elektron axborot tizimi bilan ishlash funksiyalari yuklangan rahbarlar, xodimlar va texnik xodimlarni tayyorlash va qayta tayyorlashni ta’minlasin;
manfaatdor vazirliklar va idoralar bilan birgalikda Bojxona kodeksiga muvofiq O‘zbekiston Respublikasida tovarlar va transport vositalarini bojxonadan keyin nazorat qilish tizimini joriy etish, shu jumladan Davlat bojxona qo‘mitasi va uning hududiy boshqarmalari tuzilmasida uni amalga oshirish bo‘yicha bo‘linmalar tashkil etish yuzasidan takliflar tayyorlasin va Vazirlar Mahkamasiga kiritsin.
Oldingi tahrirga qarang.
4. Belgilab qo‘yilsinki, O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKda ekspertizadan o‘tkaziladigan va ro‘yxatga olinadigan import kontraktlari bo‘yicha ma’lumotlarni xo‘jalik yurituvchi subyektlar tomonidan Tashqi savdo operatsiyalarining yagona elektron axborot tizimiga kiritish ushbu Markazning tegishli xulosasi mavjud bo‘lgan taqdirda amalga oshiriladi.
(4-band O‘zbekiston Respublikasi Vazirlar Mahkamasining 2020-yil 14-maydagi 283-sonli qarori tahririda — Qonun hujjatlari ma’lumotlari milliy bazasi, 15.05.2020-y., 09/20/283/0587 — 2020-yil 16-avgustdan kuchga kiradi)
Oldingi tahrirga qarang.
(5-band O‘zbekiston Respublikasi Vazirlar Mahkamasining 2020-yil 14-maydagi 283-sonli qaroriga asosan 2020-yil 16-avgustdan o‘z kuchini yo‘qotadi — Qonun hujjatlari ma’lumotlari milliy bazasi, 15.05.2020-y., 09/20/283/0587)
6. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.
7. O‘zbekiston Respublikasi Adliya vazirligi Tashqi iqtisodiy aloqalar agentligi, Moliya vazirligi, Davlat bojxona qo‘mitasi hamda boshqa manfaatdor vazirliklar va idoralar bilan birgalikda bir oy muddatda amaldagi idoraviy normativ hujjatlarni ushbu qarorga muvofiqlashtirsin.
8. Mazkur qarorning bajarilishini nazorat qilish O‘zbekiston Respublikasining Bosh vaziri O‘.T. Sultonov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2020-yil 14-maydagi 283-sonli qaroriga asosan 2020-yil 16-avgustdan o‘z kuchini yo‘qotadi — Qonun hujjatlari ma’lumotlari milliy bazasi, 15.05.2020-y., 09/20/283/0587)
Oldingi tahrirga qarang.
(1-band O‘zbekiston Respublikasi Vazirlar Mahkamasining 2020-yil 14-maydagi 283-sonli qaroriga asosan 2020-yil 16-avgustdan o‘z kuchini yo‘qotadi — Qonun hujjatlari ma’lumotlari milliy bazasi, 15.05.2020-y., 09/20/283/0587)
Oldingi tahrirga qarang.
(2-band O‘zbekiston Respublikasining 2021-yil 26-yanvardagi 37-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 27.01.2021-y., 09/21/37/0067-son)
Oldingi tahrirga qarang.
(3-band O‘zbekiston Respublikasi Vazirlar Mahkamasining 2018-yil 6-iyundagi 427-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 07.06.2018-y., 09/18/427/1321-son)
4. O‘zbekiston Respublikasi Vazirlar Mahkamasining “O‘zbekiston Respublikasida birja va yarmarka savdosini yanada takomillashtirish chora-tadbirlari to‘g‘risida” 1999-yil 6-maydagi 223-son qaroriga 2-ilova 2-bandining uchinchi xatboshidagi (O‘zbekiston Respublikasi QT, 1999-y., 5-son, 25-modda) “bojxona xizmati hududiy bo‘linmalarida – bir ish kunida” so‘zlari “import qiluvchi xo‘jalik yurituvchi subyekt davlat ro‘yxatidan o‘tkazilgan joydagi Davlat bojxona qo‘mitasi hududiy boshqarmalarining valyutani nazorat qilish bo‘limlarida – ikki ish kunida, hujjatlar topshirilgan kundan tashqari” so‘zlari bilan almashtirilsin.
Oldingi tahrirga qarang.
(5-band O‘zbekiston Respublikasining 2021-yil 26-yanvardagi 37-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 27.01.2021-y., 09/21/37/0067-son)
6. O‘zbekiston Respublikasi Vazirlar Mahkamasining “Ichki valyuta bozorini yanada erkinlashtirish chora-tadbirlari to‘g‘risida” 2003-yil 16-iyuldagi 317-son qaroriga ilova (O‘zbekiston Respublikasi QT, 2003-y., 7-son, 63-modda) 1-bandining ikkinchi jumlasiga “avans to‘lovlari” so‘zlaridan keyin “import kontraktlari import qiluvchi korxona davlat ro‘yxatidan o‘tkazilgan joydagi Davlat bojxona qo‘mitasi hududiy boshqarmalarining valyutani nazorat qilish bo‘limlarida hisobga qo‘yilgandan keyin” so‘zlari qo‘shilsin.