Xorazm viloyatida turizm sohasida ko‘rsatilayotgan xizmatlar sifatini yanada yaxshilash, ijtimoiy infratuzilma obyektlarini qurish va rekonstruksiya qilishga yo‘naltirilgan qo‘shimcha loyihalarni amalga oshirish uchun qulay shart-sharoitlar yaratish maqsadida Vazirlar Mahkamasi qaror qiladi:
1. Xorazm viloyati hokimligi, O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi, Madaniyat va sport ishlari vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Iqtisodiyot vazirligi, “O‘ztransgaz” aksiyadorlik kompaniyasi, “O‘zbekturizm” milliy kompaniyasi hamda O‘zbekiston Respublikasi Prezidentining “Xorazm viloyatining sanoat salohiyatini, infratuzilmasi va turizm sohasini rivojlantirish, obodonchilikni va aholi suv ta’minotini tubdan yaxshilash bo‘yicha kompleks dasturiy chora-tadbirlarni ishlab chiqish to‘g‘risida” 2012-yil 25-oktabrdagi F–3921-son farmoyishi bilan tuzilgan Xorazm viloyatida turizm sohasini rivojlantirish dasturini ishlab chiqish bo‘yicha ishchi guruhning:
davlat mulkining 1-ilovaga* muvofiq bo‘sh turgan obyektlarini investitsiya majburiyatlari qabul qilish sharti bilan sotish;
*1-ilova rus tilidagi matnda berilgan.
Urganch shahri, O‘zbekiston ko‘chasi manzilida joylashgan, “O‘ztransgaz” aksiyadorlik kompaniyasining “Urganchtransgaz” shu’ba korxonasiga tegishli bo‘lgan sobiq “Bolalar dunyosi” do‘koni binosini baholash tashkiloti tomonidan aniqlangan 970,42 mln so‘m miqdoridagi qiymat bo‘yicha, 275,0 mln so‘m miqdoridagi dastlabki to‘lovni to‘lagan va qolgan summani choraklar bo‘yicha teng ulushlarda taqsimlab 5 yilda bo‘lib-bo‘lib to‘lagan holda “Infinbank” xususiy ochiq aksiyadorlik tijorat bankiga uning Xorazm viloyatidagi filialini tashkil etish uchun sotish;
2-ilovaga* muvofiq yangi turizm obyektlarini 2013—2015-yillar davrida Xorazm viloyatida turizm sohasini rivojlantirish dasturiga kiritish to‘g‘risidagi takliflariga rozilik berilsin.
*2-ilova rus tilidagi matnda berilgan.
investorlar jahon standartlariga muvofiq bo‘lgan, kamida uch yulduzli mehmonxona darajasida munosib xizmat ko‘rsatish sifatiga ega bo‘lgan zamonaviy mehmonxonalar, shuningdek ushbu qarorga 1-ilovada ko‘rsatilgan davlat mulki obyektlari bazasida xizmatlar sohasining boshqa obyektlarini barpo etish bo‘yicha investitsiya majburiyatlarini o‘z zimmasiga oladilar;
sobiq “Bolalar dunyosi” do‘konining binosini sotishdan tushgan mablag‘lar summasi 275,0 mln so‘mini binoning balans qiymatini qoplash uchun “O‘ztransgaz” aksiyadorlik kompaniyasining “Urganchtransgaz” shu’ba korxonasiga va 695,42 mln so‘mini xayriya tarzida — Xiva tumanida joylashgan va Xorazm viloyatida turizm sohasini rivojlantirish dasturi doirasida buziladigan ko‘chmas mulk obyektlarini buzish xarajatlarini qoplash uchun Xorazm viloyati hokimligining maxsus hisob raqamiga yo‘naltirish yo‘li bilan taqsimlanadi.
3. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi “Kengashlar uyi” binosini (Xiva shahri, Markaz ko‘chasi, 1-uy manzilida) va FHDY binosini (Urganch shahri, Xonqa ko‘chasi, N.Kubro nomidagi bog‘ hududi manzilida) sotishdan tushgan mablag‘larni Xiva tumanida joylashgan va Xorazm viloyatida turizm sohasini rivojlantirish dasturi doirasida buziladigan ko‘chmas mulk obyektlarini buzish xarajatlarini qoplash uchun Xorazm viloyati hokimligining maxsus hisob raqamiga o‘tkazsin.
4. O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi, Xorazm viloyati hokimligi balansda saqlovchilar hamda “O‘zbekturizm” milliy kompaniyasi bilan birgalikda investitsiya majburiyatlari to‘liq hajmda bajarilgandan keyin, obyektga mulk egasi huquqini berish sharti bilan investitsiyalar kiritish jadvalini tasdiqlagan holda investorlar bilan ushbu qarorga 1-ilovada ko‘rsatilgan davlat mulki obyektlari bo‘yicha tegishli oldi-sotdi shartnomalarini tuzsinlar.
balansda saqlovchilar bilan birgalikda – ushbu qarorga 1-ilovada ko‘rsatilgan davlat mulki obyektlarining investorlarga berilishi-qabul qilinishini;
O‘zbekiston Respublikasi “Yergeodezkadastr” davlat qo‘mitasi bilan birgalikda — ushbu qarorga 1-ilovada ko‘rsatilgan davlat mulki obyektlariga kadastr hujjatlari rasmiylashtirilishini;
O‘zbekiston Respublikasi Davlat arxitektura va qurilish qo‘mitasi bilan birgalikda — ta’mirlash-qurilish ishlarini amalga oshirish uchun investorlarga zarur bo‘lgan ruxsatnoma va loyiha-smeta hujjatlari tasdiqlanishini;
O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi bilan birgalikda — Urganch shahri FHDYsining yangi bino qurilishi tugallangunga qadar foydalanilmayotgan davlat mulki binosida vaqtincha joylashtirilishini (ijara to‘lovisiz) ta’minlasin.
6. “O‘ztransgaz” aksiyadorlik kompaniyasi “Urganchtransgaz” shu’ba korxonasi tomonidan “Infinbank” xususiy ochiq aksiyadorlik tijorat banki bilan sobiq “Bolalar dunyosi” do‘koni binosining oldi-sotdi shartnomasi tuzilishini ta’minlasin.
7. Xorazm viloyati hokimligi, O‘zbekiston Respublikasi Davlat soliq qo‘mitasi hamda Aloqa, axborotlashtirish va telekommunikatsiya texnologiyalari davlat qo‘mitasining Toshkent axborot texnologiyalari universiteti Urganch filialining Urganch shahri, Yangi Urganch ko‘chasi, 18-uy manzilida joylashgan ma’muriy binosini Xorazm viloyati davlat soliq boshqarmasiga tekin berish to‘g‘risidagi taklifiga rozilik berilsin.
8. Toshkent axborot texnologiyalari universitetining Urganch filiali joriy yilning sentyabr oyi oxirigacha ushbu qarorning 7-bandida ko‘rsatilgan ko‘chmas mulkni belgilangan tartibda topshirsin, Xorazm viloyati davlat soliq boshqarmasi balansga qabul qilsin va undan maqsadli foydalanilishini ta’minlasin.
9. “O‘zbekenergo” Davlat aksiyadorlik kompaniyasi va “O‘zkommunxizmat” agentligi Xorazm viloyati hokimligi hamda tanlab olingan investorlar bilan birgalikda ikki hafta muddatda O‘zbekiston Respublikasi Vazirlar Mahkamasiga ushbu qarorga ilovalarda ko‘rsatilgan barpo etiladigan mehmonxonalarni zamonaviy energiya samaradorligi yuqori bo‘lgan isitish tizimlari va energiyani tejaydigan bug‘qozonlari bilan jihozlash bo‘yicha asoslangan takliflar kiritsinlar.
10. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov va O‘zbekiston Respublikasi Bosh vazirining o‘rinbosari B.I. Zakirov zimmasiga yuklansin.