Ota-onalar qarovisiz qolgan bolalarga homiylik qilishning oilaviy shakllarini yanada rivojlantirish va qo‘llab-quvvatlash, “SOS — O‘zbekiston bolalar mahallalari” uyushmasining yetim bolalarni uyg‘un kamol toptirishga va tarbiyalashga yo‘naltirilgan xayriya faoliyatini kengaytirishga ko‘maklashish maqsadida Vazirlar Mahkamasi qaror qiladi:
1. “O‘zbekiston bolalar mahallalari”ni tashkil etish, qurish, jihozlash va O‘zbekiston Respublikasida ular bilan bog‘liq loyihalarning faoliyat ko‘rsatishi to‘g‘risida O‘zbekiston Respublikasi Hukumati va “SOS — Kinderdorf Interneshnl” xalqaro jamiyati (Avstriya) o‘rtasida 1997-yilda tuzilgan shartnomaga (keyingi o‘rinlarda shartnoma deb ataladi) muvofiq:
respublikada “SOS — Kinderdorf Interneshnl” xalqaro jamiyati mablag‘lari hisobiga Samarqand va Toshkent shaharlarida qurilgan ikkita “SOS — bolalar mahallalari” faoliyat ko‘rsatayotganligi;
2011-yilda Uyushmaning yangi “SOS — Urganch bolalar mahallasi” filiali negizida SOS-oilalarni tashkil etish va ularni Urganch shahri mahallalari hududidagi yakka tartibdagi uylarda (kvartiralarda) joylashtirish hisobiga hamjamiyatga integratsiyalashni nazarda tutuvchi yangi “SOS — bolalar mahallalari” dasturi amalga oshirilayotganligi;
“SOS — Kinderdorf Interneshnl” xalqaro jamiyatining O‘zbekistondagi vakillik ofisi, “SOS - O‘zbekiston bolalar mahallalari” uyushmasi, shuningdek Uyushmaning amalga oshirilayotgan barcha loyihalari Shartnomada nazarda tutilgan imtiyozlar va preferensiyalardan, shu jumladan soliqlar, bojxona to‘lovlari va boshqa to‘lovlar bo‘yicha imtiyozlar va preferensiyalardan foydalanayotganligi ma’lumot uchun qabul qilinsin.
2. “SOS — O‘zbekiston bolalar mahallalari” uyushmasi va O‘zbekiston Respublikasi Xalq ta’limi vazirligining SOS-oilalarning tarbiyachilariga (SOS-onalarga) va ularning yordamchilariga (SOS-oilaviy yordamchilarga) ish haqi va unga tenglashtirilgan to‘lovlar bo‘yicha xarajatlarni 2012-yil 1-yanvardan boshlab “Mehribonlik” uylari uchun belgilangan tartibda budjetdan moliyalashtirishga qabul qilish to‘g‘risidagi Moliya vazirligi bilan kelishilgan taklifi ma’qullansin.
Tarbiyachilarga (SOS-onalarga) va ularning yordamchilariga (SOS-oilaviy yordamchilarga) bolalar bilan kecha-kunduz, shu jumladan tungi paytda ishlaganligi uchun ularning ish haqi stavkasiga 100 foiz miqdorida ustama belgilansin.
3. O‘zbekiston Respublikasi Moliya vazirligi ushbu qarorning 2-bandiga muvofiq 2012-yil 1-yanvardan boshlab “SOS — bolalar mahallalari”ning qo‘shimcha xarajatlarini moliyalashtirish uchun O‘zbekiston Respublikasining Davlat budjetida “Ta’lim” moddasi bo‘yicha nazarda tutilayotgan mablag‘lar hisobiga zarur budjet mablag‘lari ajratilishini ta’minlasin.
4. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N.Aripov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
I. Vazirlar Mahkamasining “SOS — O‘zbekiston bolalar mahallalari” uyushmasini tashkil etish to‘g‘risida” 1997-yil 31-dekabrdagi 585-son qarorida:
1) 12-banddagi “Oxunboboyev ko‘chasi, 15-uy” so‘zlari “Nukus ko‘chasi, 79-uy” so‘zlari bilan almashtirilsin;
“1. “SOS — O‘zbekiston bolalar mahallalari” uyushmasi (keyingi o‘rinlarda Uyushma deb ataladi) “SOS — O‘zbekiston bolalar mahallalari”ni tashkil etish, qurish, jihozlash va O‘zbekiston Respublikasida ular bilan bog‘liq loyihalarning faoliyat ko‘rsatishi to‘g‘risida O‘zbekiston Respublikasi Hukumati va “SOS — Kinderdorf Interneshnl” xalqaro jamiyati (Avstriya) o‘rtasida 1997-yilda tuzilgan shartnomaga muvofiq, ota-onalar qarovisiz qolgan bolalarni, shuningdek ota-onalar qarovisiz qolish ehtimoli bo‘lgan bolalarni jismoniy, intellektual va ma’naviy kamol toptirish uchun qulay sharoitlar yaratish maqsadida “SOS — Kinderdorf Interneshnl” xalqaro jamiyati tomonidan ta’sis etiladi”;
v) 4-banddagi “Oxunboboyev ko‘chasi, 15-uy” so‘zlari “Nukus ko‘chasi, 79-uy” so‘zlari bilan almashtirilsin;
ikkinchi xatboshidagi “yetim bolalarni” so‘zlari “ota-onalar qarovisiz qolgan bolalarni” so‘zlari bilan almashtirilsin;
uchinchi xatboshidagi “yetim va tashlab ketilgan bolalarni” so‘zlari “ota-onalar qarovisiz qolgan bolalarni” so‘zlari bilan almashtirilsin;
to‘rtinchi xatboshidagi “yetim bolalarga” va “yetim bolalarni” so‘zlari tegishli ravishda “ota-onalar qarovisiz qolgan bolalarga” va “ota-onalar qarovisiz qolgan bolalarni” so‘zlari bilan almashtirilsin;
to‘qqizinchi xatboshidagi “yetim bolalar uchun insonparvarlik dasturlarini hamda German Gmaynerning pedagogik g‘oyalarini” so‘zlari “ota-onalar qarovisiz qolgan bolalar uchun insonparvarlik dasturlarini, hamda German Gmaynerning pedagogik g‘oyalarini, shuningdek ota-onalar qarovisiz qolish ehtimoli bo‘lgan bolalar uchun oilani mustahkamlash dasturlarini” so‘zlari bilan almashtirilsin;
“8. Uyushma o‘z faoliyatida O‘zbekiston Respublikasining “Nodavlat notijorat tashkilotlar to‘g‘risida”gi, “O‘zbekiston Respublikasidagi jamoat birlashmalari to‘g‘risida”gi qonunlariga, boshqa qonun hujjatlariga, shuningdek ushbu Nizomga va o‘z Ustaviga amal qiladi”;
ikkinchi xatboshidagi “yetim bolalarni” so‘zlari “ota-onalar qarovisiz qolgan bolalarni, shuningdek ota-onalar qarovisiz qolish ehtimoli bo‘lgan bolalar uchun oilani mustahkamlash dasturlarini” so‘zlari bilan almashtirilsin;
“SOS — O‘zbekiston bolalar mahallalari”ni tashkil etish, qurish, jihozlash va O‘zbekiston Respublikasida ular bilan bog‘liq loyihalarning faoliyat ko‘rsatishi to‘g‘risida O‘zbekiston Respublikasi Hukumati va “SOS — Kinderdorf Interneshnl” xalqaro jamiyati (Avstriya) o‘rtasida 1997-yilda tuzilgan shartnomada nazarda tutilgan imtiyozlar va preferensiyalardan o‘z faoliyati doirasida foydalanish”;
z) 10-bandning uchinchi xatboshidagi “ushbu Nizomga” so‘zlari “ushbu Nizomga va o‘z Ustaviga” so‘zlari bilan almashtirilsin;
i) 13-bandning to‘rtinchi xatboshidagi “yetim bolalarni” so‘zlari “ota-onalar qarovisiz qolgan bolalarni” so‘zlari bilan almashtirilsin;
“16. Uyushma boshqaruv organlarining vakolatlari, ularni shakllantirish (saylash) va faoliyatini tashkil etish tartibi Ustavga muvofiq belgilanadi”;
o) 33-bandning ikkinchi xatboshidagi “25 kishidan” so‘zlari “25 raqamidan” so‘zlari bilan almashtirilsin;
“Uyushma a’zolari Ustavga muvofiq boshqa huquqlarga, shuningdek boshqa majburiyatlarga ega bo‘lishlari mumkin”;
“38. Uyushmaning a’zolari tomonidan badal to‘lash miqdorlari, muddatlari va tartibi Uyushma boshqaruvi tomonidan belgilanadi”;
II. Vazirlar Mahkamasining “Ota-onasining qarovisiz qolgan va to‘liq davlat ta’minotida bo‘lgan bolalar uchun bolalar shaharchalari to‘g‘risidagi Nizomni tasdiqlash haqida” 2008-yil 22-maydagi 104-son qarorida (O‘zbekiston Respublikasi QT, 2008-y., 5-son, 22-modda):
1) 3-bandning ikkinchi xatboshidagi, shuningdek 4-bandning birinchi va ikkinchi xatboshidagi “SOS” abbreviaturasi “SOS” abbreviaturasi bilan almashtirilsin;
2) Ota-onasining qarovisiz qolgan va to‘liq davlat ta’minotida bo‘lgan bolalar uchun bolalar shaharchalari to‘g‘risidagi Nizomda:
“O‘zbekiston Respublikasida tashkil etilgan va faoliyat ko‘rsatayotgan “SOS — O‘zbekiston Bolalar mahallalari” uyushmasining tarbiyaviy muassasalari maqomiga ko‘ra Bolalar shaharchalariga tenglashtiriladi va ularga nisbatan ushbu Nizom “SOS — Kinderdorf Interneshnl” xalqaro jamiyati va “SOS — O‘zbekiston bolalar mahallalari” uyushmasining tegishli hujjatlarida nazarda tutilgan xususiyatlar hisobga olingan holda qisman moliyalashtirish uchun davlat budjetidan ajratiladigan mablag‘lardan foydalanish yuzasidan qo‘llaniladi”;
“Davlat budjeti mablag‘lari hisobiga qisman mablag‘ bilan ta’minlanadi, ya’ni faoliyat ko‘rsatayotgan va yangidan tashkil etilgan “SOS — O‘zbekiston bolalar mahallalari” uyushmasining bolalar mahallalari ta’minoti uchun xarajatlar, xususan — ushbu Nizomning 66-bandida nazarda tutilgan xarajatlar, kommunal xizmatlar, tarbiyachilarga (SOS-onalarga) va ularning yordamchilariga (SOS-oilaviy yordamchilarga) to‘lanadigan ish haqi hamda ish haqiga tenglashtirilgan boshqa to‘lovlar xarajatlari qoplanadi”.