O‘zbekiston Respublikasi Prezidentining “O‘zbekiston Respublikasi Prezidenti Devoni nizomi va tuzilmasini tasdiqlash to‘g‘risida” 2011-yil 18-martdagi PF-4295-son Farmoniga muvofiq Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasining ayrim qarorlariga ilovaga muvofiq o‘zgartirishlar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.

1. Vazirlar Mahkamasining “O‘zbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarini qabul qilishni uyushtirish hamda shu maqsadlar uchun davlat budjetidan ajratiladigan mablag‘larni sarflash tartibi to‘g‘risida” 1994-yil 23-martdagi 158-son qarorida:

a) 2-band quyidagi tahrirda bayon qilinsin:

“2. Belgilab qo‘yilsinki, rahbarlar tashriflari va delegatsiyalarni, shuningdek ayrim shaxslarni qabul qilish xarajatlari smetasi O‘zbekiston Respublikasi Hukumatining qarorlari bilan belgilangan tartibda tasdiqlanadi”;

b) O‘zbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarini qabul qilishni uyushtirish hamda shu maqsadlar uchun davlat budjetidan ajratiladigan mablag‘larni sarflash tartibi to‘g‘risidagi nizomda:

1.1-banddagi “Oliy Majlisi Raisining” so‘zlari “Oliy Majlisi Qonunchilik palatasining Spikeri yoki Oliy Majlisi Senati Raisining” so‘zlari bilan almashtirilsin;

1.5-banddagi “Oliy Kengashi Kotibiyati” so‘zlari “Oliy Majlisi Qonunchilik palatasi devoni va Oliy Majlisi Senati devoni” so‘zlari bilan almashtirilsin;

2.5-bandda:

birinchi xatboshidagi “Prezidentning davlatlararo va millatlararo munosabatlar masalalari bo‘yicha Davlat maslahatchisi” so‘zlari “Maslahatchi — O‘zbekiston Respublikasi Prezidenti protokol xizmatining rahbari” so‘zlari bilan almashtirilsin;

to‘rtinchi xatboshi quyidagi tahrirda bayon qilinsin:

“Agar qabul marosimi O‘zbekiston Respublikasi Qonunchilik palatasi yoki Oliy Majlisi Senati nomidan uyushtirilgan bo‘lsa, esdalik sovg‘alari parlament nomidan topshiriladi. Bunda tashkiliy masalalar tegishli ravishda O‘zbekiston Respublikasi Oliy Majlisi Qonunchilik palatasining Spikeri yoki Oliy Majlisi Senati Raisi bilan kelishgan holda Oliy Majlis Qonunchilik palatasi devoni va Oliy Majlis Senati devoni tomonidan hal etiladi”.

4. Vazirlar Mahkamasining “O‘zbekiston Respublikasi Prezidenti apparati Nazorat inspeksiyasi va uning joylardagi organlari moddiy bazasini mustahkamlash masalalari to‘g‘risida” 1995-yil 9-noyabrdagi 426-son qarori o‘z kuchini yo‘qotgan deb hisoblansin.

7. Vazirlar Mahkamasining “O‘zbekiston Respublikasi Favqulodda vaziyatlar vazirligi faoliyatini tashkil etish masalalari to‘g‘risida” 2001-yil 28-iyundagi 278-son qaroridan 1-band chiqarib tashlansin.

10. Vazirlar Mahkamasining 2010-yil 19-fevraldagi 30-son qarori (O‘zbekiston Respublikasi QT, 2010-y., 2-son, 11-modda) bilan tasdiqlangan O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi to‘g‘risidagi nizomning 28-bandida:

birinchi xatboshidagi “O‘zbekiston Respublikasi Prezidenti bilan kelishgan holda” so‘zlari “belgilangan tartibda” so‘zlari bilan almashtirilsin;

ikkinchi xatboshidagi “belgilangan tartibda” so‘zlari chiqarib tashlansin.

11. Vazirlar Mahkamasining 2011-yil 11-maydagi 131-son qarori bilan tasdiqlangan O‘zbekiston Respublikasi Vazirlar Mahkamasi huzuridagi Yer qa’rini geologik o‘rganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi to‘g‘risidagi nizom 15-bandining birinchi xatboshidagi “O‘zbekiston Respublikasi Prezidenti” so‘zlari “belgilangan tartibda O‘zbekiston Respublikasi Vazirlar Mahkamasi” so‘zlari bilan almashtirilsin.