Vazirlar Mahkamasining “Mahalliylashtirish dasturiga tuzatishlar kiritish mexanizmini soddalashtirishga doir qo‘shimcha chora-tadbirlar to‘g‘risida” 2009-yil 2-apreldagi 94-son qaroriga muvofiq hamda raqobatbardoshli, eksportga yo‘naltirilgan va importning o‘rnini bosadigan mahsulotlar ishlab chiqarishni yanada rag‘batlantirish, tarmoq ichida va tarmoqlararo sanoat kooperatsiyasini, shu jumladan respublikaning kichik biznes va yirik korxonalari o‘rtasida mustahkamlash maqsadida Vazirlar Mahkamasi qaror qiladi:

1. Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturining amalga oshirilishini ta’minlash bo‘yicha maxsus komissiyaning O‘zbekiston Respublikasi Prezidentining 2009-yil 27-yanvardagi PQ-1048-son qarori bilan ma’qullangan 2009-yilda sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga (keyingi o‘rinlarda Mahalliylashtirish dasturi deb ataladi):

Mahalliylashtirish dasturining 2a-ilovasiga Butlovchi uzellar va detallar ishlab chiqarishni mahalliylashtirishning 1-ilovaga* muvofiq yangi loyihalarini kiritish to‘g‘risidagi;

Mahalliylashtirish dasturining 3a-ilovasiga Mahsulotlarning tayyor turlari, xomashyo va materiallar ishlab chiqarishni mahalliylashtirishning 2-ilovaga* muvofiq yangi loyihalarini kiritish to‘g‘risidagi;

Mahalliylashtirish dasturidan korxonalarning tugatilganligi, ichki bozorda ehtiyojning yo‘qligi, shuningdek ishlab chiqarilayotgan mahsulotning narxi va sifati bo‘yicha raqobatga bardoshli emasligi sababli 3-ilovaga* muvofiq loyihalarni chiqarib tashlash to‘g‘risidagi taklifi qabul qilinsin.

2. Belgilab qo‘yilsinki, ushbu qaror bilan Mahalliylashtirish dasturiga kiritilgan loyihalarni amalga oshiruvchi korxonalarga O‘zbekiston Respublikasi Prezidentining “2009-yilda sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturi to‘g‘risida” 2009-yil 27-yanvardagi PQ-1048-son qarorining 3-bandida nazarda tutilgan imtiyozlar bojxona to‘lovlari bo‘yicha — ushbu qaror qabul qilingan vaqtdan boshlab, soliqlar bo‘yicha esa — 2009-yil 1-dekabrdan boshlab qo‘llanadi.

3. O‘zbekiston Respublikasi Iqtisodiyot vazirligi loyihaning tashabbuskorlari bilan birgalikda ikki hafta muddatda 1 va 2-ilovalarga muvofiq mahalliylashtirilayotgan mahsulotlarni ishlab chiqarish yuzasidan ishlab chiqarishni tashkil etish hamda prognoz hajmlarini bajarishning tarmoq jadvallarini tasdiqlasin.

4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.