Oldingi tahrirga qarang.
Iqtisodiyot tarmoqlari va ijtimoiy sohani rivojlantirish bo‘yicha ustuvor loyihalarni amalga oshirish uchun davlatlar, davlatlarning hukumatlari, xalqaro va chet el hukumat tashkilotlari, chet el fuqarolari, shuningdek xalqaro va chet el nohukumat tashkilotlarining beg‘araz texnik ko‘magi doirasida O‘zbekiston Respublikasiga grantlar jalb etish hajmini yanada ko‘paytirish, shuningdek grantlarni jalb etishga doir ishlar maqsadga yo‘naltirilgan tarzda va samarali olib borilishi uchun vazirliklar, idoralar va tashkilotlar rahbarlari va mansabdor shaxslarini rag‘batlantirishni kuchaytirish va ularning shaxsiy javobgarligini oshirish maqsadida Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
1. Keyingi yillarda O‘zbekiston Respublikasiga iqtisodiyot tarmoqlari va ijtimoiy sohani rivojlantirish uchun beg‘araz texnik ko‘makni (grantlarni) jalb etishni tashkil qilishning, shuningdek ajratiladigan mablag‘lardan maqsadli va samarali foydalanish uchun hisob va nazoratning yagona yaxlit tizimi yaratilganligi ma’lumot uchun qabul qilinsin.
O‘zbekiston Respublikasiga beg‘araz texnik ko‘mak (grantlar)ni keng jalb etish bo‘yicha tashabbus ko‘rsatish ishlari tizimli asosda olib borilishi, shuningdek ko‘rsatib o‘tilgan mablag‘lardan qat’iy maqsadli va samarali foydalanilishini ta’minlash vazirliklar, idoralar, xo‘jalik birlashmalari va tashkilotlar rahbarlarining eng muhim vazifalaridan biri deb hisoblansin.
2. Quyidagi tartib belgilansin, unga muvofiq vazirliklar, idoralar, xo‘jalik birlashmalari va tashkilotlarning rahbarlari va mutaxassislari:
grantlarni jalb etish, ulardan maqsadli va samarali foydalanish bo‘yicha tashabbus ko‘rsatib va samarali ishlashni tizimli asosda olib borganligi uchun, loyihaning ahamiyati va shaxsiy ulush hisobga olingan holda, hisobot yarim yili va yil yakunlari bo‘yicha bir lavozim maoshidan besh lavozim maoshigacha miqdorda mukofotlanadi;
grantlar jalb etish ishi zarur darajada tashkil etilmaganligi, loyiha takliflari o‘z vaqtida va sifatli tayyorlanmaganligi, loyihalarni amalga oshirishning zarur samaradorligi ta’minlanmaganligi, shuningdek jalb etilgan grant mablag‘laridan boshqa maqsadlardan foydalanilganligi uchun qonun hujjatlarida belgilangan tartibda javobgarlikka tortiladi.
Oldingi tahrirga qarang.
(2-bandning to‘rtinchi xatboshi O‘zbekiston Respublikasi Prezidentining 2009-yil 1-dekabrdagi PQ-1236-son qaroriga asosan chiqarilgan — O‘R QHT, 2009-y., 49-son, 522-modda)
3. O‘zbekiston Respublikasiga jalb etiladigan texnik ko‘mak hajmlari tizimli asosda ko‘paytirilishini ta’minlaganligi uchun vazirliklar, idoralar va tashkilotlarning rahbarlari va mansabdor shaxslarini rag‘batlantirish va mas’uliyatini oshirish tartibi to‘g‘risidagi nizom 1-ilovaga muvofiq tasdiqlansin.
4. O‘zbekiston Respublikasi Bosh vaziri Sh.M. Mirziyoyev, Vazirlar Mahkamasi Bosh vazirining o‘rinbosarlari — Komplekslarning rahbarlari texnik ko‘mak loyihalarini (grantlarni) jalb etish va amalga oshirish masalalari, shu jumladan loyiha takliflari sifatli tayyorlanishi, ular o‘z vaqtida kelishilishi, moliyalashtirish jalb etilishi, shuningdek mablag‘lardan samarali foydalanilishi uchun mutasaddilik qilinadigan vazirliklar va idoralar rahbarlarining shaxsiy hisobotlarini har chorakda eshitsinlar.
Oldingi tahrirga qarang.
(5-band O‘zbekiston Respublikasi Vazirlar Mahkamasining 2013-yil 29-martdagi 90-sonli qaroriga asosan o‘z kuchini yo‘qotgan — O‘R QHT, 2013-y., 14-son, 179-modda)
Oldingi tahrirga qarang.
(6-band O‘zbekiston Respublikasi Vazirlar Mahkamasining 2013-yil 29-martdagi 90-sonli qaroriga asosan o‘z kuchini yo‘qotgan — O‘R QHT, 2013-y., 14-son, 179-modda)
Oldingi tahrirga qarang.
(7-band O‘zbekiston Respublikasi Vazirlar Mahkamasining 2013-yil 29-martdagi 90-sonli qaroriga asosan o‘z kuchini yo‘qotgan — O‘R QHT, 2013-y., 14-son, 179-modda)
8. O‘zbekiston Respublikasi Tashqi ishlar vazirligi O‘zbekiston Respublikasi Tashqi iqtisodiy aloqalar, investitsiyalar va savdo vazirligi bilan birgalikda bir oy muddatda xorijiy investitsiyalarni jalb etish, shu jumladan, birinchi navbatda, ushbu qarorda belgilangan loyihalarni amalga oshirish uchun texnik ko‘mak mablag‘larini (grantlarni) jalb etish bo‘yicha chet eldagi diplomatik vakolatxonalar ishini faollashtirish yuzasidan kompleks chora-tadbirlarni ishlab chiqsin va tasdiqlasin.
9. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
Oldingi tahrirga qarang.
1. Ushbu Nizom davlatlar, davlatlarning hukumatlari, xalqaro va chet el hukumat tashkilotlari, chet el fuqarolari, shuningdek xalqaro va chet el nohukumat tashkilotlarining O‘zbekiston Respublikasiga jalb etiladigan beg‘araz texnik ko‘magi (keyingi o‘rinlarda grantlar deb yuritiladi) hajmini ko‘paytirish tizimli asosda ta’minlanganligi uchun vazirliklar, idoralar va tashkilotlarning rahbarlari va mansabdor shaxslarini rag‘batlantirish va mas’uliyatini oshirish tartibini belgilaydi.
(1-band O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
2. O‘zbekiston Respublikasiga grantlarni jalb etish jarayonidagi faol ishtiroki uchun rag‘batlantirish va taqdirlash tizimi O‘zbekiston Respublikasiga grantlarni jalb etish jarayonida bevosita qatnashadigan vazirliklar, idoralar va tashkilotlar rahbarlari va xodimlari, O‘zbekiston Respublikasining chet eldagi diplomatik vakolatxonalari boshliqlari va xodimlari, xalqaro moliyaviy institutlardagi O‘zbekiston Respublikasidan boshqaruvchilar ofislarining mansabdor shaxslari uchun belgilanadi.
Oldingi tahrirga qarang.
3. Rag‘batlantirish va taqdirlash xodimlar mehnatini rag‘batlantirishning qonunchilikda belgilangan boshqa usullari bilan birgalikda maxsus pul to‘lovlari (keyingi o‘rinlarda “mukofotlash” deb yuritiladi) shaklida belgilanadi.
(3-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
O‘zbekiston Respublikasi Davlat budjetidan moliyalashtiriladigan tashkilotlar uchun — budjet tashkilotlari xodimlarini moddiy rag‘batlantirish maxsus jamg‘armasi mablag‘lari, shuningdek budjetdan tashqari mablag‘lar.
(4-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 26-apreldagi 122-sonli qarori tahririda — O‘R QHT, 2016-y., 17-son, 176-modda)
5. Rag‘batlantirish chora-tadbirlarini qo‘llash uchun quyidagilar O‘zbekiston Respublikasiga grantlar jalb etish jarayonida aniq har bir xodimning ishtiroki darajasini baholashning asosiy mezonlari hisoblanadi:
grantlarni jalb etish masalalarida tashabbus ko‘rsatish, uyushqoqlik va izchillik, beg‘araz texnik ko‘mak loyihalarini olg‘a siljitish;
grantni jalb etish yoki loyihani amalga oshirish jarayonida texnik-iqtisodiy asoslash va texnik-iqtisodiy hisob-kitobni, boshqa loyiha hujjatlarini tayyorlashning sifat darajasi;
loyiha bilan uning parametrlarida belgilanganiga qaraganda samaradorlikning yuqoriroq ko‘rsatkichlariga erishish.
6. Grantlarni jalb etish, ulardan maqsadli va samarali foydalanish bo‘yicha tashabbus ko‘rsatib va samarali ishlash tizimli asosda olib borilganligi uchun, loyihaning ahamiyati va shaxsiy ulush hisobga olingan holda, ushbu Nizomning 5-bandida ko‘rsatilgan mezonlarga muvofiq vazirliklar, idoralar, xo‘jalik birlashmalari va tashkilotlarning rahbarlari va mutaxassislari hisobot yarim yili va yil yakunlari bo‘yicha lavozim maoshlarining bir baravaridan besh baravarigacha miqdorda mukofotlanadilar.
Oldingi tahrirga qarang.
7. Mukofotlarning aniq miqdorlari va mukofotlanadigan mansabdor shaxslar ro‘yxati har bir aniq loyiha bo‘yicha tegishli tuzilmalarning taqdimnomasiga ko‘ra O‘zbekiston Respublikasi Moliya vazirligi tomonidan Tashqi iqtisodiy aloqalar, investitsiyalar va savdo vazirligi bilan birgalikda aniqlashtiriladi va tasdiqlanadi.
(7-bandning birinchi xatboshi O‘zbekiston Respublikasi Vazirlar Mahkamasining 2009-yil 28-dekabrdagi 334-son qarori tahririda — O‘R QHT, 2009-y., 52-son, 572-modda)
Oldingi tahrirga qarang.
Mukofotlash O‘zbekiston Respublikasi Moliya vazirligi tomonidan Tashqi iqtisodiy aloqalar, investitsiyalar va savdo vazirligi bilan birgalikda tasdiqlangan ro‘yxat asosda:
(7-bandning ikkinchi xatboshi O‘zbekiston Respublikasi Vazirlar Mahkamasining 2009-yil 28-dekabrdagi 334-son qarori tahririda — O‘R QHT, 2009-y., 52-son, 572-modda)
vazirliklar, idoralar va tashkilotlar rahbarlarini mukofotlash — mutasaddilik qiladigan O‘zbekiston Respublikasi Bosh vazirining o‘rinbosari qaroriga muvofiq amalga oshiriladi.
grantlarni jalb etish ishi zarur tarzda tashkil etilmaganligi, bu loyiha hujjatlarini o‘z vaqtida va sifatli tayyorlashga, loyihani amalga oshirish samaradorligiga, grantlar jalb etish prognozlari bajarilishiga bevosita ta’sir etganligi;
respublika Hukumati tomonidan, grantlar ajratish to‘g‘risidagi bitimlar, loyiha parametrlari bilan belgilangan grantlarni jalb etish muddatlari va loyihalarni amalga oshirish muddatlari barbod qilinganligi;
loyihani amalga oshirish shartlari buzilganligi munosabati bilan loyihaning parametrlarida belgilangan samaradorlik ko‘rsatkichlariga erishilmaganligi;
Oldingi tahrirga qarang.
jalb etilgan grant mablag‘laridan boshqa maqsadda foydalanilganligi uchun qonunchilikda belgilangan tartibda javobgarlikka tortiladilar.
(8-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
9. Ushbu Nizomning 8-bandida ko‘rsatilgan qoida buzilishi uchun O‘zbekiston Respublikasi vazirliklari, idoralari va tashkilotlarining rahbarlari va mansabdor shaxslariga nisbatan O‘zbekiston Respublikasi qonunchiligida belgilangan tartibda intizomiy jazoning quyidagi choralari qo‘llanilishi mumkin:
(9-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
10. Intizomiy jazo choralari O‘zbekiston Respublikasi Moliya vazirligining grantlar jalb etilishi va loyihalar amalga oshirilishi to‘g‘risidagi xulosasi hisobga olingan holda:
vazirliklar, idoralar va tashkilotlar rahbarlariga — mutasaddilik qiladigan O‘zbekiston Respublikasi Bosh vazirining o‘rinbosari qaroriga muvofiq ko‘riladi.
11. Aniq bir ijrochilar tomonidan grantlarni jalb etish yuzasidan amalga oshirilgan tadbirlar natijalari tegishli vazirliklar va idoralar hay’atlarida tanqidiy ko‘rib chiqiladi.
12. Grantlarni jalb etish masalalari bo‘yicha vazirliklar, idoralar va tashkilotlar rahbarlarining hisobotlari har chorakda mutasaddilik qiladigan O‘zbekiston Respublikasi Bosh vazirining o‘rinbosarlari tomonidan eshitiladi.