O‘zbekiston Respublikasi Prezidentining “Iqtisodiyotning real sektori korxonalarini qo‘llab-quvvatlash, ularning barqaror ishlashini ta’minlash va eksport salohiyatini oshirish chora-tadbirlari dasturi to‘g‘risida” 2008-yil 29-noyabrdagi PF-4058-son Farmoni hamda O‘zbekiston Respublikasi Prezidentining “O‘zbekiston Respublikasining 2009-yilgi asosiy makroiqtisodiy ko‘rsatkichlari va Davlat budjeti parametrlari to‘g‘risida” 2009-yil 29-dekabrdagi PQ-1024-son qaroriga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S.Azimov zimmasiga yuklansin.

2. Vazirlar Mahkamasining 2003-yil 3-iyuldagi 302-son qarori (O‘zbekiston Respublikasi QT, 2003-y., 7-son, 57-modda) bilan tasdiqlangan O‘zbekiston Respublikasi hududida kapital qurilishda tanlov savdolari to‘g‘risidagi nizomda:

a) 47-bandning o‘ninchi xatboshidagi uchinchi jumlaga “Bunda” so‘zidan keyin “mamlakatimizning tovar ishlab chiqaruvchilari (ishlarni bajaruvchilari, xizmatlar ko‘rsatuvchilari) uchun qonun hujjatlarida nazarda tutilgan narx preferensiyalari to‘g‘risidagi ma’lumotlar mavjud bo‘lgan” so‘zlari qo‘shilsin;

b) 53-bandga “tijorat qismi” so‘zlaridan keyin “tovar (ishlar, xizmatlar) narxidan” so‘zlari qo‘shilsin;

v) 74-banddan keyin quyidagi mazmundagi 74¹-band qo‘shilsin:

“74¹. Qatnashchilarning tijorat takliflarini teng shartlarga keltirish maqsadida ular bo‘yicha qonun hujjatlariga muvofiq import qiluvchilar qo‘shilgan qiymat solig‘idan ozod qilinadigan tovarlar (ishlar, xizmatlar)ni importga yetkazib beriladigan tender takliflari qatnashchilarning tender takliflarini baholashda ko‘rsatib o‘tilgan soliq summasi qo‘shimcha ravishda hisobga olinadi”;

g) 76-band quyidagi tahrirda bayon qilinsin:

“76. Savdolarning turidan qat’i nazar, tanlov savdolari g‘olibi tanlov komissiyasining yopiq majlisida aniqlanadi. Tender komissiyasi g‘oliblarni eng ko‘p raqobatli narxlar, yetkazib berish va ishlarni bajarish (xizmatlar ko‘rsatish) shartlari, to‘lov hamda tender shartlarida belgilangan boshqa mezonlar bo‘yicha, shuningdek tender savdolarida mamlakatimiz ishlab chiqaruvchilariga narx preferensiyalari berish tartibini tartibga soladigan boshqa normativ-huquqiy hujjatlar talablariga muvofiq aniqlaydi. Tanlov savdolari g‘olibi tanlov qatnashchilari ishtirokida e’lon qilinadi, ishtirok etmagan qatnashchilar belgilangan tartibda xabardor qilinadi”.