O‘zbekiston Respublikasi Prezidentining “O‘zbekiston Respublikasida OIV infeksiyasi tarqalishiga qarshi kurash samaradorligini oshirishga doir qo‘shimcha chora-tadbirlar to‘g‘risida” 2008-yil 26-dekabrdagi PQ-1023-son qarorini bajarish yuzasidan Vazirlar Mahkamasi qaror qiladi:
Respublika OITSga qarshi kurash markazi tuzilmasi va mintaqaviy markazlarning namunaviy tuzilmasi 1 va 2-ilovalarga muvofiq;
2009 — 2011-yillarda O‘zbekiston Respublikasida OIV infeksiyasi tarqalishi profilaktikasi bo‘yicha sa’y-harakatlar milliy rejasi 4-ilovaga muvofiq tasdiqlansin.
2. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar va idoralar 2009 — 2011-yillarda O‘zbekiston Respublikasida OIV infeksiyasi tarqalishi profilaktikasi bo‘yicha sa’y-harakatlar milliy rejasini bajarish uchun qabul qilsinlar va uning o‘z vaqtida bajarilishini ta’minlasinlar.
Oldingi tahrirga qarang.
Belgilansinki, vazirliklar, idoralar va boshqa tashkilotlar har chorakda Respublika favqulodda epidemiyaga qarshi kurashish komissiyasi majlisiga 2009 — 2011-yillarda O‘zbekiston Respublikasida OIV infeksiyasi tarqalishi profilaktikasi bo‘yicha sa’y-harakatlar milliy rejasiga kiritilgan tadbirlarning bajarilishi to‘g‘risida hisobotlar taqdim etadilar.
(2-bandning ikkinchi xatboshisi O‘zbekiston Respublikasi Vazirlar Mahkamasining 2019-yil 23-fevraldagi 161-sonli qarori tahririda — Qonun hujjatlari ma’lumotlari milliy bazasi, 23.02.2019-y., 09/19/161/2600-son)
3. O‘zbekiston Respublikasi Sog‘liqni saqlash vazirligi manfaatdor vazirliklar va idoralar, shuningdek Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda:
2009-2010-yillar mobaynida budjet mablag‘lari va budjetdan tashqari mablag‘lar, xalqaro tashkilotlarning grantlari va qarzlarini jalb etish hisobiga OITSga qarshi kurash Respublika va mintaqaviy markazlarining zamonaviy davolash-diagnostika asbob-uskunalari bilan qo‘shimcha ravishda jihozlanishini va ta’mirlash-rekonstruksiya qilish ishlari amalga oshirilishini;
OITSga qarshi kurash markazlarining tayyorlangan va yuqori malakali mutaxassislar bilan butlanishini;
OIV infeksiyasiga qarshi kurash sohasida faoliyat olib borayotgan tibbiyot xodimlari va boshqa mutaxassislarning malakasi doimiy va muntazam ravishda oshirilishini nazarda tutadigan tizim yaratilishini ta’minlasin.
OITSga qarshi kurash markazlari faoliyati muvofiqlashtirilishini, shuningdek ular tomonidan diagnostika va davolashning yagona standartlariga rioya etish nazorat qilinishini, davolash-profilaktika muassasalari amaliyotiga ilg‘or xalqaro tajriba hisobga olingan holda zamonaviy tibbiyot texnologiyalari joriy etilishini;
OIV infeksiyasi profilaktikasi, davolash, bemorlarga qarash masalalarini integratsiyalashning sog‘liqni saqlash amaliyotiga, barcha davolash-profilaktika muassasalari faoliyatiga joriy etilishini ta’minlasin;
chet el tajribasini va aholi salomatligi saqlanishini hisobga olgan holda OIV infeksiyasini diagnostika qilish va davolashning O‘zbekistonda qo‘llanayotgan metodlari samaradorligini baholash bo‘yicha tadqiqotlarni amalga oshirsin.
5. O‘zbekiston Respublikasi Hukumatining 5-ilovaga muvofiq ayrim qarorlari o‘z kuchini yo‘qotgan deb hisoblansin.
6. O‘zbekiston Respublikasi Sog‘liqni saqlash vazirligi Adliya vazirligi va boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Qosimov zimmasiga yuklansin.
1. Ushbu Nizom O‘zbekiston Respublikasi Sog‘liqni saqlash vazirligining Respublika OITSga qarshi kurash markazi, Qoraqalpog‘iston Respublikasi Sog‘liqni saqlash vazirligining OITSga qarshi kurash markazi, viloyatlar va Toshkent shahar sog‘liqni saqlash boshqarmalarining OITSga qarshi kurash markazlari (keyingi o‘rinlarda Markazlar deb ataladi) faoliyatini tashkil etish tartibini belgilaydi.
2. Markazlar alohida tipdagi davlat mustaqil ixtisoslashtirilgan yuqumli kasalliklar tibbiyot muassasalari hisoblanadi. O‘zbekiston Respublikasi Sog‘liqni saqlash vazirligining Respublika OITSga qarshi kurash markazi tibbiyot xodimlari va boshqa mutaxassislarni qayta tayyorlash va ularning malakasini oshirish uchun klinik, o‘quv bazasi hisoblanadi.
Oldingi tahrirga qarang.
3. Markazlar o‘z faoliyatida O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga va boshqa hujjatlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa qonunchilik hujjatlariga, ushbu Nizomga, shuningdek O‘zbekiston Respublikasi Sog‘liqni saqlash vazirligining buyruqlari va farmoyishlariga amal qiladi.
(3-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
4. Markazlar faoliyati OIV infeksiyasiga chalingan shaxslar profilaktikasi, diagnostikasi, ularni davolash, psixologik va ijtimoiy qo‘llab-quvvatlashning tengligi tamoyiliga asoslanadi.
5. Markazlar mustaqil balansga, banklarda hisob raqamlariga, o‘z nomi yozilgan gerbli muhrga, shuningdek faoliyatini amalga oshirish uchun zarur bo‘lgan boshqa belgilarga ega bo‘ladi.
aholiga OIV/OITS diagnostikasi, uni davolash va uning profilaktikasi bo‘yicha ixtisoslashtirilgan tibbiy xizmat ko‘rsatish;
tibbiyot muassasalariga OIV infeksiyasi profilaktikasi, diagnostikasi va uni davolashning zamonaviy usullari joriy etilishini metodik ta’minlash.
7. Quyidagilar O‘zbekiston Respublikasi Sog‘liqni saqlash vazirligining Respublika OITSga qarshi kurash markazining asosiy vazifalari hisoblanadi:
OITSga qarshi kurash mintaqaviy markazlari faoliyatiga tashkiliy-metodik rahbarlikni amalga oshirish;
OIV infeksiyasi va qo‘shimcha kasalliklar tarqalishining oldini olishga yo‘naltirilgan profilaktik, epidemiyaga qarshi, diagnostika, davolash tadbirlarini amalga oshirish;
OIV infeksiyasi yuqishi intensivligiga ta’sir ko‘rsatadigan omillarni aniqlash va ularning faolligini baholash bo‘yicha maxsus epidemiologik tadqiqotlar o‘tkazish;
OIV infeksiyasiga chalingan shaxslarga ularning salomatligini va mehnatga layoqatini saqlash uchun zarur bo‘lgan diagnostika va tibbiy yordam ko‘rsatishni tashkil etish hamda amalga oshirish, shuningdek OIV/OITS va qo‘shimcha kasalliklar diagnostikasini amalga oshiruvchi muassasalarga tibbiy yordam ko‘rsatish;
profilaktika, diagnostika va davolash tadbirlariga ajratilgan mablag‘lardan maqsadli va samarali foydalanilishini ta’minlash;
OIV/OITSni profilaktika, diagnostika qilish va davolashning O‘zbekistonda qo‘llanayotgan metodlari samaradorligini fuqarolar salomatligini va millat genofondini muhofaza qilish nuqtai nazaridan tahlil qilish va baholash;
OIV/OITSni diagnostika, profilaktika qilish va davolashning inson salomatligi uchun xavfsiz metodlarini qo‘llanish bo‘yicha xorijiy mamlakatlar tajribasini o‘rganish va tahlil qilish, ma’lumotlarining tegishli bazasini shakllantirish va yuritish;
OIV infeksiyasi tarqalishiga qarshi kurash olib borish masalalari bo‘yicha tibbiyot xodimlari, boshqa mutaxassislarni qayta tayyorlash va ularning malakasini oshirishda qatnashish.
8. Qoraqalpog‘iston Respublikasi Sog‘liqni saqlash vazirligi, viloyatlar va Toshkent shahar sog‘liqni saqlash boshqarmalarining OITSga qarshi kurash markazlarining asosiy vazifalari:
OITSga qarshi kurash markazi faoliyat ko‘rsatayotgan hududda OIV infeksiyasi va qo‘shimcha kasalliklar tarqalishining oldini olishga yo‘naltirilgan profilaktika, epidemiyaga qarshi, diagnostika, davolash tadbirlari amalga oshirilishini muvofiqlashtirish;
OIV infeksiyasini laboratoriyada diagnostika qilishni tashkil etish va amalga oshirish, davolash-diagnostika tadbirlari ustidan klinik-laboratoriya kuzatuvini ta’minlash, shuningdek OIV infeksiyasi va qo‘shimcha kasalliklar diagnostikasini amalga oshiruvchi muassasalarga tibbiy yordam ko‘rsatish;
OIV infeksiyasiga chalingan shaxslarga tibbiy yordam ko‘rsatish, shu jumladan ularni dispanser ko‘rigidan o‘tkazish, ularning hayot sifatini yaxshilash uchun zarur bo‘lgan davolash tadbirlarini amalga oshirish;
joriy epidemiologik vaziyat monitoringini olib borish, OIV infeksiyasi yuqishi intensivligiga ta’sir ko‘rsatadigan omillarni aniqlash va ularning faolligini baholash bo‘yicha maxsus epidemiologik tadqiqotlar o‘tkazish;
profilaktika, diagnostika va davolash tadbirlariga ajratilgan mablag‘lardan maqsadli va samarali foydalanilishini ta’minlash;
Oldingi tahrirga qarang.
9. Markazlar belgilangan maqsadlarga erishish va yuklangan vazifalarni bajarish uchun qonunchilikda belgilangan tartibda:
(9-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
o‘z faoliyatini ushbu Nizomda va boshqa normativ-huquqiy hujjatlarda nazarda tutilgan vazifalar doirasida rejalashtirish va amalga oshirish;
xo‘jalik faoliyatini amalga oshirish jarayonida yaratilgan intellektual mulk obyektlariga mualliflik huquqlarini olish va ulardan foydalanish;
Oldingi tahrirga qarang.
O‘zbekiston Respublikasining qonunchiligiga va xalqaro shartnomalariga muvofiq yuridik shaxslar bilan ilmiy-texnik hamkorlikni amalga oshirish;
(9-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
qonunchilikka, Markazlarning maqsadi va vazifalariga zid bo‘lmagan faoliyatning boshqa turlarini amalga oshirish huquqiga ega.
(9-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
profilaktik, epidemiyaga qarshi, diagnostika, davolash tadbirlarini va boshqa tadbirlarni tashkil etish va amalga oshirishga;
davolash-profilaktika muassasalarida OIV infeksiyasining yuqishini oldini olish bo‘yicha tadbirlar amalga oshirilishi, shuningdek davolash-profilaktika muassasalarida amalga oshirilayotgan o‘z vaqtida diagnostika qilish va davolash tadbirlari sifatli amalga oshirilishi yuzasidan monitoring olib borishga;
OIV infeksiyasi bo‘yicha vaziyatning rivojlanishi to‘g‘risidagi ma’lumotlarning ishonchliligini va davlat organlari, yuqori tashkilotlar va nazorat organlarining o‘z vaqtida xabardor qilinishini ta’minlashga;
OIV infeksiyasi tarqalishining psixologik, ijtimoiy va boshqa oqibatlarini kamaytirish tadbirlarini amalga oshirishga;
Oldingi tahrirga qarang.
Markazlarning xodimlari uchun qonunchilikda nazarda tutilgan mehnatni tashkil etish va mehnatga haq to‘lash shart-sharoitlarini, texnika xavfsizligini, ijtimoiy ta’minotni va aniq yo‘naltirilgan ijtimoiy himoyani kafolatlashga;
(10-bandning oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Markazlarning moddiy-texnika bazasini mustahkamlashga va zamonaviy tibbiyot texnikasi va eng yangi texnologiyalar bilan rivojlantirishga;
Oldingi tahrirga qarang.
(10-bandning to‘qqizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
O‘zbekiston Respublikasi Sog‘liqni saqlash vazirligining Respublika OITSga qarshi kurash markaziga qo‘shimcha ravishda quyidagilar bo‘yicha majburiyatlar yuklanadi:
O‘zbekiston Respublikasi Sog‘liqni saqlash vazirligi tomonidan tasdiqlangan klinik standartlarga muvofiq OIV infeksiyasiga chalingan bemorlarga yuqori malakali ixtisoslashtirilgan davolash-profilaktika va statsionar yordam ko‘rsatish, shuningdek Qoraqalpog‘iston Respublikasi Sog‘liqni saqlash vazirligining OITSga qarshi kurash markaziga, viloyatlar va Toshkent shahar sog‘liqni saqlash boshqarmalarining OITSga qarshi kurash markazlariga maslahat yordami va tashkiliy-metodik yordam ko‘rsatish;
OIV infeksiyasi masalalari bo‘yicha tibbiyot xodimlari va boshqa mutaxassislarni qayta tayyorlash va ularning malakasini oshirish tadbirlarini muntazam tashkil etish.
11. O‘zbekiston Respublikasi Sog‘liqni saqlash vazirligining Respublika OITSga qarshi kurash markaziga O‘zbekiston Respublikasi Sog‘liqni saqlash vaziri tomonidan lavozimga tayinlanadigan va lavozimdan ozod qilinadigan direktor rahbarlik qiladi.
12. Qoraqalpog‘iston Respublikasi Sog‘liqni saqlash vazirligining OITSga qarshi kurash markaziga, viloyatlar va Toshkent shahar sog‘liqni saqlash boshqarmalarining OITSga qarshi kurash markazlariga Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda O‘zbekiston Respublikasi Sog‘liqni saqlash vaziri tomonidan lavozimga tayinlanadigan va lavozimdan ozod qilinadigan bosh vrach rahbarlik qiladi.
13. O‘zbekiston Respublikasi Sog‘liqni saqlash vazirligining Respublika OITSga qarshi kurash markazi direktorining O‘zbekiston Respublikasi Sog‘liqni saqlash vazirligi bilan kelishgan holda Respublika markazi direktori tomonidan lavozimga tayinlanadigan va lavozimdan ozod qilinadigan ikki nafar o‘rinbosari bo‘ladi.
14. Qoraqalpog‘iston Respublikasi Sog‘liqni saqlash vazirligining OITSga qarshi kurash markazi bosh vrachining, viloyatlar va Toshkent shahar sog‘liqni saqlash boshqarmalarining OITSga qarshi kurash markazlari bosh vrachlarining O‘zbekiston Respublikasi Sog‘liqni saqlash vazirligi bilan kelishgan holda tegishli ravishda Qoraqalpog‘iston Respublikasi Sog‘liqni saqlash vazirligi yoki hududiy sog‘liqni saqlash boshqarmasi tomonidan lavozimga tayinlanadigan va lavozimdan ozod qilinadigan ikki nafar o‘rinbosari bo‘ladi.
15. O‘zbekiston Respublikasi Sog‘liqni saqlash vazirligining Respublika OITSga qarshi kurash markazi direktori va Qoraqalpog‘iston Respublikasi Sog‘liqni saqlash vazirligining OITSga qarshi kurash markazi bosh vrachi, viloyatlar va Toshkent shahar sog‘liqni saqlash boshqarmalarining OITSga qarshi kurash markazlari bosh vrachlari belgilangan tartibda Markazlarning faoliyatiga umumiy rahbarlik qiladilar, ishlarni tashkil qiladilar, Markazlar nomidan ishonchnomasiz ish ko‘radilar, barcha tashkilotlarda ularning manfaatlarini ifodalaydilar, belgilangan tartibda Markazlarning mol-mulkini tasarruf qiladilar, shartnomalar, shu jumladan mehnat shartnomalari tuzadilar, ishonchnomalar beradilar, banklarda hisob raqamlari ochadilar, moliyaviy mablag‘larni tasarruf etish huquqidan foydalanadilar, shtatlarni tasdiqlaydilar, buyruqlar chiqaradilar va Markazlarning faoliyati natijalari yuzasidan shaxsan javob beradilar.
16. O‘zbekiston Respublikasi Sog‘liqni saqlash vazirligining Respublika OITSga qarshi kurash markazi direktori bo‘lmagan vaqtda uning vazifalarini O‘zbekiston Respublikasi Sog‘liqni saqlash vazirligi bilan kelishgan holda uning o‘rinbosarlaridan biri bajaradi.
17. Qoraqalpog‘iston Respublikasi Sog‘liqni saqlash vazirligining OITSga qarshi kurash markazi, viloyatlar va Toshkent shahar sog‘liqni saqlash boshqarmalarining OITSga qarshi kurash markazlari bosh vrachlari bo‘lmagan vaqtda ularning vazifalarini tegishli ravishda Qoraqalpog‘iston Respublikasi Sog‘liqni saqlash vazirligi yoki hududiy sog‘liqni saqlash boshqarmasi bilan kelishgan holda ularning o‘rinbosarlaridan biri bajaradi.
Oldingi tahrirga qarang.
(18-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
19. Markazlar faoliyat maqsadlariga muvofiq, belgilangan tartibda o‘z mol-mulkiga egalik qiladilar, undan foydalanadilar va uni tasarruf etadilar, bunda budjet mablag‘laridan va budjetdan tashqari mablag‘lardan samarali foydalanilishini ta’minlaydilar.
Asosiy fondlar, shuningdek boshqa moddiy boyliklar va moliyaviy resurslar Markazlarning mol-mulkini tashkil etadi.
Oldingi tahrirga qarang.
20. Markazlar asbob-uskunalar va mol-mulkni qonunchilikda belgilangan tartibda balansdan chiqarish huquqiga egadirlar.
(20-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
21. Davlat budjeti mablag‘lari, budjetdan tashqari mablag‘lar va qonunchilikda taqiqlanmagan boshqa manbalar Markazlar faoliyatini moliyalashtirish manbalari hisoblanadi.
(21-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
22. Markazlar qonunchilikda belgilangan tartibda buxgalteriya hisobi va hisobotini yuritadilar hamda ularni O‘zbekiston Respublikasi Sog‘liqni saqlash vazirligiga ham taqdim etadilar, hujjatlarning saqlanishi va kelishilgan ro‘yxatga muvofiq ularning davlat tomonidan saqlashga berilishi uchun javob beradilar.
(22-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
23. Markazlarning moliya-xo‘jalik faoliyatini nazorat qilish va tekshirish sog‘liqni saqlash organlari, soliq va moliya organlari, davlat boshqa organlari tomonidan ularning vakolatlari doirasida, shuningdek qonunchilikda nazarda tutilgan tartibda auditorlik tashkilotlari bilan tuzilgan shartnomalar asosida auditorlik tashkilotlari tomonidan amalga oshiriladi.
(23-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
25. Markazlarni qayta tashkil etish va tugatish qonunchilikda belgilangan tartibda amalga oshiriladi.
(25-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
T/r | Tadbirlar mazmuni | Bajarish muddati | Mas’ul bajaruvchilar | Amalga oshirish mexanizmi, kutilayotgan natijalar |
I. OIV infeksiyasi tarqalishiga qarshi kurash sohasida profilaktik tadbirlarni amalga oshirish | ||||
1. | 2009 — 2011-yillarda OIV infeksiyasi tarqalishi profilaktikasi va oldini olish tadbirlarining tarmoq va hududiy rejalarini ishlab chiqish va tasdiqlash. | 2009-yil yanvar | Sog‘liqni saqlash vazirligi, Ichki ishlar vazirligi, Mehnat va aholini ijtimoiy muhofaza qilish vazirligi, Xalq ta’limi vazirligi, Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi, Mudofaa vazirligi, Madaniyat va sport ishlari vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari | Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari, vazirliklar va idoralarning tegishli qarorlari. Barcha darajalarda OIV infeksiyasi tarqalishiga qarshi kurash bo‘yicha maqsadga yo‘naltirilgan ishlarni ta’minlash. |
2. | OIV/OITS tarqalishiga ko‘maklashadigan jamiyatga qarshi hodisalar (fohishabozlik va giyohvandlik)ni tugatishga yo‘naltirilgan chora-tadbirlar kompleksini ishlab chiqish va kiritish. | Ishlab chiqish — 2009-yil I chorak, amalga oshirish — doimo | Ichki ishlar vazirligi, Bosh prokuratura, Sog‘liqni saqlash vazirligi, Xotin-qizlar qo‘mitasi, “Mahalla” jamg‘armasi, “Kamolot” �shlar ijtimoiy harakati, Respublika milliy g‘oya va mafkura ilmiy-amaliy markazi, Respublika Ma’naviyat targ‘ibot markazi, boshqa vazirliklar va idoralar | Respublika komissiyasi tomonidan tasdiqlanadigan tadbirlar kompleksi. Aholi va ayniqsa yosh avlod o‘rtasida sog‘lom turmush tarzini shakllantirish. Bo‘lajak avlodning nosog‘lom turmush tarzi yuritishning halokatli oqibatlari haqidagi bilim darajasini oshirish. |
3. | O‘zbekiston Respublikasida bepul donorlik faoliyati doirasida chora-tadbirlarni amalga oshirish. | Tasdiqlangan tadbirlar muddatlariga muvofiq | Sog‘liqni saqlash vazirligi, “Qon inson xizmatida” jamg‘armasi, “Kamolot” yoshlar ijtimoiy harakati, Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi, O‘zA, Milliy teleradiokompaniya, Qizil Yarim oy jamiyati | Qon xavfsizligini va qon qismlarining zarur zaxirasini ta’minlash. |
4. | Tibbiyot muassasalarida qon va uning qismlarini saqlash, qayta ishlash, transportda tashish va foydalanish bo‘yicha yo‘riqnomani ishlab chiqish va tasdiqlash. | Buyruqni tasdiqlash — 2009-yil I chorak, amalga oshirish — doimo | Sog‘liqni saqlash vazirligi, Davlat bojxona qo‘mitasi | Sog‘liqni saqlash vazirligining buyrug‘i. Tibbiyot muassasalarida qonning xavfsizligini ta’minlash, qon va uning qismlarini saqlash, qayta ishlash, transportda tashish va foydalanish ustidan nazoratni kuchaytirish. |
5. | Homilador ayollarda OIV infeksiyasini o‘z vaqtida aniqlash va OIV infeksiyasining onadan bolaga o‘tishi profilaktikasi bo‘yicha chora-tadbirlar kompleksini ishlab chiqish va amalga oshirish. | Ishlab chiqish — 2009-yil I chorak, amalga oshirish — doimo | Sog‘liqni saqlash vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari | Sog‘liqni saqlash vazirligining buyrug‘i. OIV infeksiyasiga chalingan bolalar tug‘ilishining oldini olish. |
6. | OIV bilan og‘rigan onalardan tug‘ilgan, dispanser kuzatuvi ostidagi 1 yoshgacha bolalarni sut aralashmasi bilan ta’minlash tizimini tashkil etishga doir takliflar ishlab chiqish. | 2009-yil I yarim yillik | Sog‘liqni saqlash vazirligi, Mehnat va aholini ijtimoiy muhofaza qilish vazirligi, Moliya vazirligi | OIV infeksiyasining onadan bolaga o‘tishining oldini olishni ta’minlash. |
7. | 2009-yilda va keyingi yillarda Sog‘liqni saqlash vazirligi va Fanlar akademiyasining davlat ilmiy-texnik dasturlari va innovatsiya ishlari dasturlari rejasiga quyidagilarga yo‘naltirilgan loyihalarni kiritish: — OITS rivojlanishi va tarqalishiga ko‘maklashadigan sabablarni aniqlash bo‘yicha tadqiqotlar o‘tkazish; | 2009-yil yanvar, tadqiqotlar o‘tkazish — tasdiqlangan rejaga muvofiq | Sog‘liqni saqlash vazirligi, Fanlar akademiyasi, Fan va texnologiyalarni rivojlantirishni muvofiqlashtirish qo‘mitasi | O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasiga taqdim etish uchun davlat ilmiy-texnik dasturlari va innovatsiya ishlari dasturlari rejasi. |
— OIV/OITS diagnostikasi va uni davolashning O‘zbekistonda qo‘llanilayotgan metodlari samaradorligini tahlil qilish va baholash; | OIV infeksiyasi va u bilan bog‘liq kasalliklar profilaktikasi va ularni davolash bo‘yicha ilmiy tadqiqotlarni rivojlantirish. | |||
— OIV/OITSni davolash uchun antiretrovirus terapiyani qo‘llashning xorijiy tajribasini o‘rganish va tahlil qilish. | Tavsiyalar bilan birga OIV infeksiyasi diagnos�ikasi va uni davolashning qo‘llanilayotgan metodlari to‘g‘risida tahliliy ma’lumotnoma. | |||
II. OITSga qarshi kurash markazlari va davolash-profilaktika muassasalarining moddiy-texnika bazasini mustahkamlash | ||||
8. | O‘zbekiston Respublikasi Sog‘liqni saqlash vazirligining Respublika OITSga qarshi kurash markazi huzurida zamonaviy asbob-uskunalar bilan jihozlangan klinika tashkil etish. | 2009-yil IV chorak | Sog‘liqni saqlash vazirligi | Sog‘liqni saqlash vazirligining buyrug‘i. OIV/OITSni davolash bo‘yicha ixtisoslashtirilgan tibbiy yordam ko‘rsatish. OIV/OITSga qarshi kurash sohasida ishlaydigan mutaxassislarni tayyorlash va ularning malakasini oshirish uchun klinik baza tashkil etish. |
9. | Respublika va mintaqaviy OITSga qarshi kurash markazlarida, idoraviy laboratoriyalarda ta’mirlash-rekonstruksiya ishlarini amalga oshirish, ularni zamonaviy tibbiyot va diagnostika asbob-uskunalari bilan jihozlash. | 2009 — 2011-yillar mobaynida, alohida jadval bo‘yicha | Sog‘liqni saqlash vazirligi, Ichki ishlar vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari | Ta’mirlash-rekonstruksiya ishlarini amalga oshirish va jihozlash jadvali. Muassasalarning moddiy-texnika bazasini mustahkamlash. |
10. | Mamlakatimiz korxonalari negizida OITSni davolash uchun zarur bo‘lgan zamonaviy tibbiyot asbob-uskunalari, tibbiy maqsaddagi buyumlar hamda dori-darmonlar ishlab chiqarishni tashkil etishga doir takliflarni ishlab chiqish va kiritish. | 2009-yil I yarim yillik | “O‘zfarmsanoat” davlat konserni, Fanlar akademiyasi, Sog‘liqni saqlash vazirligi | Takliflar turkumi. Mamlakatimizda dori-darmonlar va tibbiy buyumlar ishlab chiqarishni tashkil etish. |
III. OIV infeksiyasi masalalari bo‘yicha mutaxassislarni doimo va tizimli tayyorlashni va ularning malakasini oshirishni ta’minlash | ||||
11. | Respublika va mintaqaviy OITSga qarshi kurash markazlari rahbar tibbiyot xodimlarini egallab turgan lavozimiga muvofiqligi yuzasidan attestatsiyadan o‘tkazish. | 2009-yil I chorak, keyinchalik — har yili | Sog‘liqni saqlash vazirligi | Attestatsiya komissiyasi tarkibi tasdiqlangan va tarkibga manfaatdor vazirliklar va idoralarning vakillari kiritilgan holda Sog‘liqni saqlash vazirligining buyrug‘i. Rahbarlik lavozimlariga yuqori malakali mutaxassislarni tanlashni takomillashtirish. |
12. | Respublika va mintaqaviy OITSga qarshi kurash markazlari kadrlar bilan ta’minlanganligining holatini o‘rganish hamda ularni har tomonlama tayyorlangan yuqori malakali mutaxassislar bilan ta’minlash ishlarini tashkil etish. | O‘rganish — 2009-yil yanvar-fevral, ta’minlash — jadvalga muvofiq yil mobaynida | Sog‘liqni saqlash vazirligi | O‘rganish va kadrlar bilan ta’minlash jadvali. Kadrlar bilan ta’minlash bo‘yicha tahliliy materiallar. Respublika va mintaqaviy OITSga qarshi kurash markazlarini yuqori malakali mutaxassislar bilan ta’minlash. |
13. | Toshkent vrachlar malakasini oshirish instituti va respublika tibbiyot oliy o‘quv yurtlarining vrachlar malakasini oshirish fakultetlari bazasida OIV/OITS profilaktikasi va davolash bo‘yicha maxsus kurslar tashkil etish. | Ishlab chiqish — 2009-yil I chorak, amalga oshirish — o‘quv rejasiga muvofiq har yili | Sog‘liqni saqlash vazirligi | Mutaxassislar malakasini oshirish rejasi. Tibbiyot xodimlari malakasini oshirishni ta’minlash. |
14. | OIV infeksiyasi yuqishi xavfi yuqori bo‘lgan guruhlar bilan ishlaydigan mutaxassislar uchun OIV infeksiyasi, giyohvandlik va jinsiy aloqa vositasida yuqadigan infeksiyalar profilaktikasi masalalari bo‘yicha seminarlar tashkil etish. | Doimo, seminarlar o‘tkazish rejasiga muvofiq | Sog‘liqni saqlash vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Ichki ishlar vazirligi, Mehnat va aholini ijtimoiy muhofaza qilish vazirligi | Mutaxassislar malakasini oshirish rejasi. Xavf yuqori bo‘lgan guruhlar bilan ishlaydigan mutaxassislarning bilim darajasini oshirish. |
15. | Tibbiyot kollejlari va oliy o‘quv yurtlarining klinik fanlari o‘quv dasturlariga OIV infeksiyasi profilaktikasi va uni davolash bo‘yicha mavzuli blokni kiritish. | Ishlab chiqish — 2009-yil I chorak, amalga oshirish — o‘quv rejasiga muvofiq har yili | O‘rta maxsus, kasb-hunar ta’limi markazi, Sog‘liqni saqlash vazirligi | O‘quv rejalari. OIV infeksiyasi profilaktikasi va uni davolash to‘g‘risidagi bilimlarga ega bo‘lgan tibbiyot mutaxassislarini tayyorlashni ta’minlash. |
IV. OIV infeksiyasi profilaktikasi masalalari bo‘yicha tizimli axborot-tushuntirish ishlarini tashkil etish | ||||
16. | OIV infeksiyasi tarqalishi bilan bog‘liq muammolarni o‘rganish bo‘yicha sotsiologik tadqiqotlar o‘tkazish. Aniq tavsiyalar ishlab chiqish. | Muntazam ravishda, rejaga muvofiq | Sog‘liqni saqlash vazirligi, “Ijtimoiy fikr” markazi, Strategik va mintaqalararo tadqiqotlar instituti | Sotsiologik tadqiqotlar o‘tkazish jadvali. Tavsiyalar bilan birgalikda sotsiologik tadqiqotlar natijalari bo‘yicha tahliliy materiallar. |
17. | Qu�idagilarni ishlab chiqish va ko‘rib chiqish uchun kiritish: — yuqumli kasalliklar profilaktikasi, shaxsiy gigiyena masalalari bo‘yicha o‘quv qo‘llanmalari, o‘quv-metodik, ta’lim materiallari, o‘quv filmlari tayyorlash bo‘yicha takliflar; | Ishlab chiqish — 2009-yil I yarim yillik, amalga oshirish — tasdiqlangan tadbirlar rejasiga muvofiq | Sog‘liqni saqlash vazirligi, Xalq ta’limi vazirligi, Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi, o‘quv yurtlariga ega bo‘lgan vazirliklar va idoralar, Respublika milliy g‘oya va mafkura ilmiy-amaliy markazi, Respublika Ma’naviyat targ‘ibot markazi, Xotin-qizlar qo‘mitasi, “Mahalla” jamg‘armasi, “Kamolot” yoshlar ijtimoiy harakati, Milliy teleradiokompaniyasi | Tavsiyalar, o‘quv qo‘llanmalari, o‘quv filmlari, axborot-ta’lim materiallari. |
— O‘zbekiston xalqining mentaliteti, ma’naviy-axloqiy negizlari va an’anaviy qadriyatlarini hisobga oladigan aholi o‘rtasida OIV/OITS profilaktikasi masalalari bo‘yicha axborot-tushuntirish ishlari olib borish bo‘yicha metodik tavsiyalar; | Respublika milliy g‘oya va mafkura ilmiy-amaliy markazining tavsiyalariga muvofiq o‘quv-metodik, axborot-ta’lim materiallari va qo‘llanmalar mazmunini takomillashtirish va sifatini oshirish. | |||
— umumta’lim maktablari, tibbiy ixtisoslikdan boshqa oliy va o‘rta maxsus o‘quv yurtlarining o‘quv dasturlariga yuqumli kasalliklar profilaktikasi, shaxsiy gigiyena masalalari bo‘yicha soatlar joriy etish bo‘yicha takliflar. | Yoshlarning sog‘lom turmush tarzini shakllantirish va OIV infeksiyasi profilaktikasi masalalari bo‘yicha bilimlari darajasini oshirish. | |||
18. | Ommaviy axborot vositalarida ma’naviy boy, jismoniy sog‘lom va uyg‘un yoshlarni kamol toptirishga yo‘naltirilgan OITS profilaktikasi masalalari bo‘yicha tushuntirish ishlarini tashkil etish. | Doimo, tasdiqlangan yoritish rejasiga muvofiq | Milliy teleradiokompaniya, O‘zA, Sog‘liqni saqlash vazirligi, “Kamolot” yoshlar ijtimoiy harakati, “Mahalla” jamg‘armasi, Xotin-qizlar qo‘mitasi | Yoritish rejasi. Aholining tibbiy savodxonligini oshirish. |
V. OIV infeksiyasi tarqalishiga qarshi kurash sohasidagi faoliyatni amalga oshirayotgan xalqaro va xorijiy tashkilotlar bilan mustahkam o‘zaro hamkorlikni va ishlarni muvofiqlashtirishni ta’minlash | ||||
19. | OIV/OITS profilaktikasi, diagnostikasi va uni davolash masalalari bo‘yicha ilg‘or tajribani o‘rganish uchun mutaxassislarning chet elga safarlarini tashkil etish. | Muntazam ravishda, rejaga muvofiq | Sog‘liqni saqlash vazirligi, Tashqi ishlar vazirligi | Mutaxassislar malakasini oshirish jadvali. Tajriba ayirboshlash, mutaxassislar malakasini oshirish. |
20. | OIV infeksiyasi profilaktikasi, diagnostikasi va uni davolash masalalari bo‘yicha tajriba almashish maqsadida xorijiy mamlakatlarning mutaxassislari ishtirokida konferensiyalar, seminarlar va boshqa tadbirlarni tashkil etish va o‘tkazish. | 2009 — 2011-yillar, konferensiyalar o‘tkazish rejasiga muvofiq | Sog‘liqni saqlash vazirligi, Tashqi ishlar vazirligi, manfaatdor vazirliklar va idoralar, Nohukumat, notijorat tashkilotlari milliy uyushmasi | Sog‘liqni saqlash vazirligining buyrug‘i. Konferensiyalar materiallari. |
21. | Xalqaro va xorijiy tashkilotlarning mablag‘lari hisobiga O‘zbekistonda amalga oshiriladigan OITSga qarshi kurash sohasidagi loyihalar va dasturlarni muvofiqlashtirish va monitoring olib borish tartibi to‘g‘risidagi nizomni ishlab chiqish va tasdiqlash. | Ishlab chiqish — 2009-yil I yarim yillik | Sog‘liqni saqlash vazirligi, A�liya vazirligi, Tashqi ishlar vazirligi, Moliya vazirligi, Strategik va mintaqalararo tadqiqotlar instituti | Monitoring olib borish tartibi tasdiqlangan holda komissiyaning majlisi qarori. Loyihalar va dasturlarni muvofiqlashtirishni hamda ularning samarali amalga oshirilishi ustidan nazoratni ta’minlash. |
22. | OIV/OITSga, sil va bezgakka qarshi kurash bo‘yicha global jamg‘armaning dasturlarini amalga oshirish samaradorligini va uning grant mablag‘laridan maqsadli foydalanilishini o‘rganish. | 2009-yil II chorak | Sog‘liqni saqlash vazirligi, Moliya vazirligi, Adliya vazirligi | Tavsiyalar bilan birgalikda tahliliy materiallar. Loyihalar amalga oshirilishi samaradorligini oshirish. |
1. O‘zbekiston Respublikasi Vazirlar Mahkamasining “Respublika favqulodda epidemiyaga qarshi kurashish komissiyasining OITS/OIV (orttirilgan immunitet tanqisligi sindromi/OIV kasalligi) epidemiyasi tarqalishiga qarshi kurashish strategik dasturini muvofiqlashtirish bo‘yicha kichik komissiyasi to‘g‘risida” 2003-yil 14-maydagi 214-son qarori.
2. Vazirlar Mahkamasining “O‘zbekiston Respublikasi Bosh vazirining o‘rinbosari — Oliy va o‘rta maxsus ta’lim vaziri boshchilik qiladigan respublika komissiyalari va kengashlari tarkiblarini tasdiqlash to‘g‘risida” 2004-yil 4-noyabrdagi 519-son qaroriga 8-ilova.