O‘zbekiston Respublikasi Prezidentining 2006-yil 27-sentabrdagi PQ-475-sonli “Qimmatli qog‘ozlar bozorini yanada rivojlantirish chora-tadbirlari to‘g‘risida”gi Qarorining (O‘zbekiston Respublikasi qonun hujjatlari to‘plami, 2006-yil 39-son, 387-modda, 51-52-son, 507-modda) ijrosini ta’minlash maqsadida, O‘zbekiston Respublikasi Davlat mulki qo‘mitasi huzuridagi Qimmatli qog‘ozlar bozori faoliyatini muvofiqlashtirish va nazorat qilish markazi, O‘zbekiston Respublikasi Davlat mulkini boshqarish davlat qo‘mitasi, O‘zbekiston Respublikasi Moliya vazirligi va O‘zbekiston Respublikasi Markaziy bank Boshqaruvi qaror qiladi:
1. Qimmatli qog‘ozlar bozoridagi institutsional investorlar faoliyatining professional standartlari to‘g‘risidagi nizom ilovaga muvofiq tasdiqlansin.
2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiritilsin.
Qimmatli qog‘ozlar bozori faoliyatini muvofiqlashtirish va nazorat qilish markazi, Davlat mulkini boshqarish davlat qo‘mitasi, Moliya vazirligi va Markaziy banki Boshqaruvining 2008-yil 7-noyabrdagi 2008-32, 01/QQBFMNQM-18/20, 102, 306-V-sonli qarori bilan
TASDIQLANGAN
TASDIQLANGAN
Oldingi tahrirga qarang.
Mazkur Nizom O‘zbekiston Respublikasi Prezidentining 2006-yil 27-sentabrdagi PQ-475-sonli “Qimmatli qog‘ozlar bozorini yanada rivojlantirish chora-tadbirlari to‘g‘risida”gi Qarori (O‘zbekiston Respublikasi qonunchilik hujjatlari to‘plami, 2006-yil 39-son, 387-modda, 51-52-son, 507-modda) va boshqa qonunchilik hujjatlariga muvofiq, institutsional investorlarning qimmatli qog‘ozlar bozoridagi professional faoliyati standartlarini belgilaydi.
(muqaddima O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
1. Qimmatli qog‘ozlar bozorida institutsional investor (keyingi o‘rinda — institutsional investor) bo‘lib, investitsiya fondlari, sug‘urta kompaniyalari va tijorat banklari hisoblanadi.
2. Kapitalni ko‘paytirishni va uni likvidli shaklda saqlanishini ta’minlash, institutsional investorlarning asosiy maqsadi hisoblanadi.
3. Qimmatli qog‘ozlarga faol ravishda pul mablag‘larini qo‘yish, institutsional investorlarning asosiy funksiyasi hisoblanadi.
4. Institutsional investorlar moliyaviy barqarorlikni ta’minlash maqsadida o‘z aktivlarini ishonchlilik, diversifikatsiyalash, qaytarishlilik, foydalilik va likvidlilik tamoyillari asosida qimmatli qog‘ozlarga investitsiya qiladilar.
5. Institutsional investorlar qimmatli qog‘ozlar bozorida investitsiyalarni amalga oshirishda quyidagi asosiy tamoyillarga rioya qilishlari lozim:
6. Investitsiyalarni professional boshqarish institutsional investorlar tomonidan quyidagi yo‘llar bilan ta’minlanadi:
zarurat tug‘ilganda, qimmatli qog‘ozlari investitsiya obyekti bo‘lishi mumkin bo‘lgan emitentning affillangan shaxsi hisoblanmagan investitsiya maslahatchilarini investitsiya jarayoniga va tegishli malakaga ega bo‘lgan (investitsiya aktivlarini ishonchli boshqaruvchi) tashkilot mutaxassislarini investitsiya aktivlarini boshqarish jarayoniga jalb qilish;
investitsiya qilishning asosiy yo‘nalishlari (siyosati) ko‘rsatilgan yillik biznes-rejani ishlab chiqish va tasdiqlash;
qimmatli qog‘ozlar bozorida investitsiya faoliyatini tashkil qilish (investitsiyalash obyektlarini tahlil qilish, investitsiya qilinadigan mablag‘larni investitsiyalash obyektlari o‘rtasida taqsimlash nisbatini aniqlash, daromadlilikni davriy baholash).
7. Manfaatlarda yuzaga kelishi mumkin bo‘lgan ziddiyatlarni oldini olish maqsadida, institutsional investorning ta’sischilari va mansabdor shaxslari investitsiya qilish to‘g‘risidagi qaror qabul qiluvchi organ tomonidan tegishli qaror qabul qilingunga qadar, o‘zining investitsiya obyekti bilan affillanganligi to‘g‘risida axborot berishi kerak.
9. Institutsional investorlar qimmatli qog‘ozlar bozorida investitsiyalarni amalga oshirishda quyidagilarni bajarishlari shart:
Oldingi tahrirga qarang.
a) qimmatli qog‘ozlar bozori to‘g‘risidagi qonunchilik va monopoliyaga qarshi qaratilgan qonunchilik hujjatlari, shuningdek, mazkur Nizom talablariga rioya qilish;
(9-bandning “a” kichik bandi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
b) investitsiya tavakkalchiligi to‘g‘ri (adekvat) baholashni amalga oshirish va samarali investitsiya qarorlarini qabul qilish uchun zarur bo‘lgan moliyaviy, texnik, axborot resurslari va malakali xodimlarning mavjudligini ta’minlash;
v) o‘zlik mablag‘lari (kapitallari)ning va boshqa moliyaviy ko‘rsatkichlarning yetarliligi va qonunchilikda o‘rnatilgan majburiy me’yorlarga muvofiqligini ta’minlash;
10. Institutsional investor o‘z huquqlarini amalga oshirishda va majburiyatlarini bajarishda o‘z mijozlarining manfaatlariga rioya etishi lozim.
10. Institutsional investor o‘z huquqlarini amalga oshirishda va majburiyatlarini bajarishda o‘z mijozlarining manfaatlariga rioya etishi lozim.
12. Investitsiya aktivlari bo‘yicha zarar ko‘rish xavfini kamaytirish maqsadida institutsional investorlar qonunchilikda o‘rnatilgan me’yoriy talablarga rioya qilgan holda ushbu aktivlarni diversifikatsiyasini ta’minlaydilar.
Oldingi tahrirga qarang.
13. Institutsional investorlar axborotlarining shaffofligi qonunchilik hujjatlarida belgilangan tartibda axborotlarni oshkor etish orqali ta’minlanadi.
(13-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
14. Institutsional investorning ijroiya organi institutsional investorning ta’sischilari oldida, har yili qimmatli qog‘ozlarga qilingan investitsiyalar to‘g‘risida hisobot berishga majbur.
15. Institutsional investorning xodimlari va boshqaruv organi a’zolari tomonidan xizmat va maxfiy axborotlardan foydalanish tartibi qonunchilik bilan belgilanadi.
16. Institutsional investor tomonidan qimmatli qog‘ozlar bilan bajarilgan operatsiyalar bo‘yicha hujjatlarning saqlanilishi qonunchilikka muvofiq amalga oshiriladi.
Oldingi tahrirga qarang.
17. Mazkur Nizom talablarini buzganlikda aybdor shaxslar qonunchilik hujjatlarida belgilangan tartibda javobgar bo‘ladilar.
(17-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
18. Mazkur Nizom O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi bilan kelishilgan.