O‘zbekiston Respublikasi Prezidentining “2006 — 2008-yillarda to‘qimachilik sanoati korxonalarini modernizatsiya qilish va texnikaviy qayta jihozlash Dasturi to‘g‘risida” 2006-yil 13-noyabrdagi PQ-510-son qarorining bajarilishini ta’minlash maqsadida Vazirlar Mahkamasi qaror qiladi:

1. Quyidagilar:

“Gurlan” aksiyadorlik jamiyati bazasidagi “MURUVVAT-TEKS” xorijiy shu’ba korxonasi to‘qimachilik kompleksini tashkil etish” loyihasi O‘zbekiston Respublikasi Prezidentining “2006 — 2008-yillarda to‘qimachilik sanoati korxonalarini modernizatsiya qilish va texnikaviy qayta jihozlash Dasturi to‘g‘risida” 2006-yil 13-noyabrdagi PQ-510-son qarori 1-ilovasiga kiritilganligi;

ushbu loyiha doirasida “MURUVVAT-TEKS” xorijiy shu’ba korxonasi bilan “Zeromax GmbH” (Shveysariya) kompaniyasi o‘rtasida umumiy summasi 12526846 AQSh dollari bo‘lgan texnologik va yordamchi asbob-uskunalar, ehtiyot qismlar hamda texnologik jihozlar yetkazib berish yuzasidan 2006-yil 17-noyabrdagi № ZM/MT-001 raqamli import kontrakti tuzilganligi;

Yengil sanoat korxonalarini qurish, qayta ixtisoslashtirish va modernizatsiya qilishga doir takliflarni ko‘rib chiqish bo‘yicha idoralararo ekspert kengashi tomonidan ushbu kontrakt doirasida chetdan keltirilgan va bojxona to‘lovlari to‘lashdan ozod qilinadigan texnologik va yordamchi asbob-uskunalar, ehtiyot qismlar hamda texnologik jihozlar ro‘yxati yuzasidan ijobiy xulosa berilganligi ma’lumot uchun qabul qilinsin.

2. Mazkur kontrakt doirasida olib kirish vaqtida “Gurlan” aksiyadorlik jamiyati bazasidagi “MURUVVAT-TEKS” xorijiy shu’ba korxonasi O‘zbekiston Respublikasi Prezidentining “2006 — 2008-yillarda to‘qimachilik sanoati korxonalarini modernizatsiya qilish va texnikaviy qayta jihozlash Dasturi to‘g‘risida” 2006-yil 13-noyabrdagi PQ-510-son qarorining 5-bandiga muvofiq bojxona to‘lovlari (bojxona rasmiylashtiruvi yig‘imlaridan tashqari) to‘lashdan ozod qilinadigan texnologik va yordamchi asbob-uskunalar, ehtiyot qismlar hamda texnologik jihozlar ro‘yxati ilovaga* muvofiq tasdiqlansin.

3. O‘zbekiston Respublikasi Moliya vazirligi, Davlat soliq qo‘mitasi bo‘shab qoladigan mablag‘lardan “Gurlan” aksiyadorlik jamiyati bazasidagi “MURUVVAT-TEKS” xorijiy shu’ba korxonasi tomonidan ishlab chiqarishni texnikaviy qayta jihozlash va modernizatsiya qilish, tayyor mahsulotlarning yangi turlarini o‘zlashtirish, o‘z aylanma mablag‘larini to‘ldirish uchun maqsadli foydalanilishi ustidan qat’iy nazorat o‘rnatsinlar. Ushbu mablag‘lardan belgilangan maqsadda foydalanilmagan taqdirda ular korxonaga nisbatan qonun hujjatlarida nazarda tutilgan jarima sanksiyalari qo‘llagan holda to‘liq hajmda davlat budjetiga undiriladi.

4. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.