LexUZ sharhi
Mazkur qaror O‘zbekiston Respublikasi Moliya vazirligi, Iqtisodiyot vazirligi va Davlat soliq qo‘mitasining 2017-yil 27-noyabrdagi 165, 151 va 2017-68-sonli “Savdo faoliyatini amalga oshiruvchi yakka tartibdagi tadbirkorlarning daromadlarini va tovar operatsiyalarini hisobga olish tartibi to‘g‘risidagi nizomni tasdiqlash haqida”gi qaroriga (ro‘yxat raqami 2958, 29.12.2017-y.) asosan o‘z kuchini yo‘qotgan.
O‘zbekiston Respublikasi “Davlat soliq xizmati to‘g‘risida”gi Qonunining 7-moddasi va O‘zbekiston Respublikasi Vazirlar Mahkamasining 2002-yil 26-noyabrdagi “Yuridik va jismoniy shaxslarni ro‘yxatdan o‘tkazishni hamda ular tomonidan savdo faoliyati amalga oshirilishini tartibga solish chora-tadbirlari to‘g‘risida”gi 407-son qaroriga (O‘zbekiston Respublikasi qonun hujjatlari to‘plami, 2002-y., 22-son, 179-modda) muvofiq qaror qilamiz:
1. O‘zbekiston Respublikasi Moliya vazirligi, Makroiqtisodiyot va statistika vazirligi va Davlat soliq qo‘mitasining 2002-yil 20-dekabrdagi 139, 2-0-9/26, 2002-92-son qarori bilan tasdiqlangan Savdo faoliyatini amalga oshiruvchi yakka tartibdagi tadbirkorlar tomonidan tovar operatsiyalari va daromadlarni hisobga olish tartibi to‘g‘risidagi nizomga (2003-yil 8-yanvar, ro‘yxat raqami 1197 — Me’yoriy hujjatlar axborotnomasi, 2003-y., 1-2-son) ilovaga* muvofiq qo‘shimcha kiritilsin.
* Ilova rus tilidagi matnda berilgan.
2. Mazkur qaror O‘zbekiston Respublikasi Adliya vazirligida davlat ro‘yxatiga olingan kundan boshlab o‘n kun o‘tgach kuchga kiradi.