LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Vazirlar Mahkamasining “Kommunal xo‘jaligida energiyani tejaydigan texnologiyalarni joriy etish kompleks dasturini amalga oshirish chora-tadbirlari to‘g‘risida” 2005-yil 5-noyabrdagi 241-son qaroriga muvofiq “O‘zdavneftgazinspeksiya” tomonidan “Sanoatkontexnazorat” davlat inspeksiyasi, “O‘zkommunxizmat” agentligi, O‘zbekiston Respublikasi Iqtisodiyot vazirligi, Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda Respublika budjetidan va mahalliy budjetlardan moliyalashtiriladigan korxonalar va tashkilotlardagi tabiiy gazdan foydalaniladigan mavjud bug‘ qozonlari va isitish tizimlarini o‘rganish bo‘yicha ishlar olib borildi.
O‘rganish davomida Respublika budjetidan va mahalliy budjetlardan moliyalashtiriladigan korxonalar va tashkilotlarning 3526 obyektida 10980 ma’naviy eskirgan va tejamsiz bug‘ qozoni agregatlaridan foydalanilayotganligi aniqlandi. Foydalanilayotgan bug‘ qozoni agregatlarida issiqlik energiyasi ishlab chiqarish uchun tabiiy gaz sarfi salmog‘i mamlakatimiz ishlab chiqaruvchilari tomonidan ishlab chiqarilayotgan zamonaviy bug‘ qozoni agregatlari ko‘rsatkichlaridan 25-30 foiz ortiqdir.
Resurslarni tejaydigan zamonaviy texnologiyalarni joriy etish, tabiiy gaz iste’molini va ishlab chiqarilayotgan issiqlik energiyasi nobudgarchiligini qisqartirish maqsadida Vazirlar Mahkamasi qaror qiladi:
1. Respublika budjetidan va mahalliy budjetlardan moliyalashtiriladigan korxonalar va tashkilotlarning ma’naviy eskirgan va tejamsiz bug‘ qozoni agregatlarini 2007-2008-yillarda respublika mintaqalari bo‘yicha mamlakatimizda ishlab chiqarilgan resurslarni tejaydigan zamonaviy bug‘ qozoni agregatlari, tabiiy sirkulatsiyali maishiy bug‘ qozonlari bilan almashtirish dasturi (keyingi o‘rinlarda matnda “Dastur” deb yuritiladi) 1-2-ilovalarga* muvofiq tasdiqlansin.
* Ilovalar rus tilidagi matnda berilgan.
2. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari “O‘zdavneftgazinspeksiya”, “Sanoatkontexnazorat” davlat inspeksiyasi, “O‘zkommunxizmat” agentligi bilan birgalikda bir oy muddatda Respublika budjetidan va mahalliy budjetlardan moliyalashtiriladigan korxonalar va tashkilotlarning ma’naviy eskirgan va tejamsiz bug‘ qozoni agregatlarini 2007-2008-yillarda shaharlar, tumanlar bo‘yicha almashtirishning mintaqaviy dasturlarini ishlab chiqsinlar va tasdiqlasinlar.
bug‘ qozoni agregatlarini o‘rnatishga “Sanoatkontexnazorat” davlat inspeksiyasining tegishli ruxsatnomalariga ega bo‘lgan ixtisoslashtirilgan korxonalar qo‘yiladilar;
Oldingi tahrirga qarang.
bug‘ qozoni agregatlarining aniq obyektga texnik tutashtirilishi, belgilangan standartlarga muvofiqligi, obyektlarning tabiiy gaz bilan ta’minlanganligi va yoqilg‘ining muqobil turlaridan foydalanish imkoniyati ustidan nazorat qilish va mas’uliyat “Sanoatkontexnazorat” davlat inspeksiyasi, “O‘zdavneftgazinspeksiya”, “O‘ztransgaz” aksiyadorlik kompaniyasiga yuklanadi.
(3-bandning uchinchi xatboshisi O‘zbekiston Respublikasi Vazirlar Mahkamasining 2006-yil 3-noyabrdagi 227-sonli qarori tahririda— O‘R QHT, 2006-y., 45-son, 443-modda)
4. Dasturning bajarilishi uchun shaxsiy javobgarlik Qoraqalpog‘iston Respublikasi Vazirlar Kengashiga, viloyatlar va Toshkent shahar hokimliklariga, tegishli vazirliklar, idoralar, Respublika budjeti va mahalliy budjetlardan moliyalashtiriladigan korxonalar va tashkilotlarning rahbarlariga yuklansin.
5. “O‘zdavneftgazinspeksiya” va “Sanoatkontexnazorat” davlat inspeksiyasining hisob-kitobi bo‘yicha ma’naviy eskirgan va tejamsiz bug‘ qozoni agregatlarini resurslarni tejaydigan zamonaviy bug‘ qozoni agregatlari, tabiiy sirkulatsiyali maishiy bug‘ qozonlari bilan almashtirish natijasida tabiiy gaz iste’moli qisqarishi hisobiga budjet mablag‘larini tejash iste’mol qilinadigan gaz qiymatining 50 foizigachani tashkil etishi ma’lumot uchun qabul qilinsin.
2007-2008-yillarga Davlat budjeti parametlarini shakllantirishda vazirliklar, idoralar va mintaqalarning asoslangan hisob-kitoblari bo‘yicha Respublika budjetidan va mahalliy budjetlardan moliyalashtiriladigan korxonalar va tashkilotlarning ma’naviy eskirgan va tejamsiz bug‘ qozoni agregatlarini almashtirish uchun zarur mablag‘larni nazarda tutsin;
Dasturni bajarish uchun ajratilgan budjet mablag‘laridan maqsadli foydalanilishi ustidan nazoratni amalga oshirsin.
7. Belgilansinki, Yoqilg‘i-energetika resurslarini tejash bo‘yicha komissiya Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, Respublika budjetidan va mahalliy budjetlardan moliyalashtiriladigan korxonalar va tashkilotlarning takliflari va asoslangan hisob-kitoblari asosida, zarurat bo‘lganda, Dasturga o‘zgartirishlar kiritish to‘g‘risida qaror qabul qiladi va O‘zbekiston Respublikasi Moliya vazirligi bilan kelishgan holda ma’naviy eskirgan va tejamsiz bug‘ qozonlarini almashtirish uchun budjetdan ajratiladigan mablag‘larga obyektlar bo‘yicha tuzatish kiritadi.
Oldingi tahrirga qarang.
8. “O‘zdavneftgazinspeksiya” “Sanoatkontexnazorat” davlat inspeksiyasi, “O‘ztransgaz” aksiyadorlik kompaniyasi, “O‘zkommunxizmat” agentligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda Dasturning bajarilishi ustidan doimiy monitoring olib borsin va yilning har choragida uning bajarilishi to‘g‘risida Vazirlar Mahkamasiga axborot taqdim etsin.
(8-band O‘zbekiston Respublikasi Vazirlar Mahkamasining 2006-yil 3-noyabrdagi 227-sonli qarori tahririda — O‘R QHT, 2006-y., 45-son, 443-modda)
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari N.M.Xanov zimmasiga yuklansin.