LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasining 2006-yil 15-sentabrda qabul qilingan “Mikromoliyalash to‘g‘risida”gi O‘RQ-50-sonli Qonunining 24-moddasiga muvofiq Vazirlar Mahkamasi qaror qiladi:
1. Vazirlar Mahkamasining “Tijorat banklarining kichik tadbirkorlikni rivojlantirishda qatnashishini rag‘batlantirishga doir qo‘shimcha chora-tadbirlar to‘g‘risida” 2000-yil 19-maydagi 195-son qaroriga (O‘zbekiston Respublikasi QT, 2000-y., 5-son, 25-modda) ilovaga muvofiq o‘zgartirishlar kiritilsin.
2. Vazirlar Mahkamasining “O‘zbekiston Respublikasida mikrokreditlashni rivojlantirish chora-tadbirlari to‘g‘risida” 2002-yil 30-avgustdagi 309-son qarori o‘z kuchini yo‘qotgan deb hisoblansin.
1. Tijorat banklari tomonidan kichik tadbirkorlik subyektlariga, dehqon va fermer xo‘jaliklariga Imtiyozli kredit berish maxsus jamg‘armasi hisobidan kredit berish tartibi to‘g‘risidagi nizomda (2-ilova);
“3. Yakka tartibdagi tadbirkorlarga, dehqon va fermer xo‘jaliklariga, shuningdek kichik tadbirkorlikning boshqa subyektlariga tijorat banklari tomonidan Imtiyozli kredit berish maxsus jamg‘armasi mablag‘lari hisobidan mikrokredit berish “Mikromoliyalash to‘g‘risida”gi O‘zbekiston Respublikasining Qonuniga, shuningdek tijorat banklari tomonidan belgilanadigan mikromoliyaviy xizmatlar ko‘rsatish qoidalariga muvofiq amalga oshiriladi”;
“4. Imtiyozli kredit berish jamg‘armasi mablag‘lari hisobidan mikrokreditlar ushbu Nizomning 13-bandiga muvofiq belgilanadigan foiz stavkasi bo‘yicha beriladi, “Mikrokreditbank” aksiyadorlik-tijorat banki tomonidan beriladigan mikrokreditlar bundan mustasno”;
19-bandning birinchi xatboshidagi “muomaladan chiqarilgan, garov predmeti bo‘la oladigan buyumlar bundan mustasno” so‘zlari “(muomaladan chiqarilgan buyumlar, shuningdek qonun hujjatlariga muvofiq garov predmeti bo‘la olmaydigan boshqa mol-mulk va/yoki mulkiy huquqlar (talablar) bundan mustasno)”
28-bandning uchinchi xatboshidagi “kalendar bo‘yicha navbatli tartibda” so‘zlari “qonun hujjatlarida belgilangan navbatli tartibda” so‘zlari bilan almashtirilsin.
2. Tijorat banklari tomonidan Imtiyozli kredit berish maxsus jamg‘armasini shakllantirish tartibi to‘g‘risidagi nizom (3-ilova) 2-bandining birinchi xatboshi quyidagi tahrirda bayon qilinsin:
“2. Tijorat banklari Imtiyozli kredit berish jamg‘armasini dehqon va fermer xo‘jaliklariga, tovarlar (ishlar, xizmatlar) ishlab chiqarish bilan band bo‘lgan kichik tadbirkorlik subyektlariga, shuningdek yuqori texnologiyali va innovatsiya loyihalarini amalga oshirish uchun imtiyozli kredit va mikrokreditlar berish uchun tashkil etadi”.