O‘zbekiston Respublikasi hududida lotereyalar, totalizatorlar va tavakkalchilikka asoslangan boshqa o‘yinlar tashkil etish faoliyatini amalga oshirishni tartibga solish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga 2007-yil 1-yanvardan boshlab o‘zgartirishlar kiritilsin.

2. Vazirliklar va idoralar O‘zbekiston Respublikasi Adliya vazirligi bilan birgalikda bir oy muddatda idoraviy normativ hujjatlarning ushbu qarorga muvofiqlashtirilishini ta’minlasinlar.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.

1. Vazirlar Mahkamasining 1999-yil 5-fevraldagi 54-son qarori (O‘zbekiston Respublikasi QT, 1999-y., 2-son, 9-modda) bilan tasdiqlangan Mahsulot (ishlar, xizmatlar)ni ishlab chiqarish va sotish xarajatlarining tarkibi hamda moliyaviy natijalarni shakllantirish tartibi to‘g‘risida nizomga 1-ilova II bo‘limining nomi quyidagi tahrirda bayon qilinsin:

“Banklar, sug‘urta tashkilotlari, videosalonlar, videoko‘rsatuv, video va audioga yozish punktlari, kimoshdi savdolari, kazino, nodavlat organlari tomonidan o‘tkaziladigan lotereya o‘yinlari, ommaviy konsert-tomosha tadbirlari, shuningdek 1995-yil 1-yanvargacha amalda bo‘lgan soliq solish tartibini saqlab qolgan xorijiy investitsiyalar ishtirokidagi ishlab chiqarish korxonalari uchun soliq olinadigan bazadan chiqarilmaydigan xarajatlarning qo‘shimcha moddalari”.

4. Vazirlar Mahkamasining “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish bilan bog‘liq axborotni berish tartibi to‘g‘risida” 2006-yil 30-iyundagi 126-son qaroriga 2-ilova (Pul mablag‘lari va boshqa mulk bilan bog‘liq operatsiyalar to‘g‘risida ma’lumotlar)ga 1-ilovadagi (O‘zbekiston Respublikasi QT, 2006-y., 6-son, 47-modda) “Tavakkalchilikka asoslangan o‘yin avtomatlari zallari tashkil etish faoliyatini amalga oshiruvchi yuridik shaxslar” pozitsiyasi chiqarib tashlansin.