Attestatsiya jarayonida to‘plangan tajribalarni inobatga olgan holda qaror qilamiz:

1. O‘zbekiston Respublikasi Oliy va o‘rta maxsus ta’lim vazirligi O‘rta maxsus, kasb-hunar ta’limi markazi, Vazirlar Mahkamasi huzuridagi Davlat test markazi, Mehnat va aholini ijtimoiy muhofaza qilish vazirliklarining 2005-yil 24-martdagi 05/Q, 01-77 va 01/1185-sonli qarori bilan tasdiqlangan Akademik litsey va kasb-hunar kollejlari direktor o‘rinbosarlari, pedagog va muhandis-pedagog kadrlari attestatsiyasi to‘g‘risidagi nizomga (2005-yil 28-mart, ro‘yxat raqami 1462 — O‘zbekiston Respublikasi Qonun hujjatlari to‘plami, 2005-yil 12-13-son, 97-modda) ilovaga muvofiq o‘zgartirish va qo‘shimchalar kiritilsin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kundan keyin kuchga kiritilsin.

1. Nizomning 5-bandi quyidagi tahrirdagi uchinchi xatboshi bilan to‘ldirilsin:

“Attestatsiya jarayonida mahalliy hokimiyat va jamoatchilik tashkilotlari vakillari, kasaba uyushma xodimlari ovoz berish huquqiga ega bo‘lmagan holda, kuzatuvchi sifatida ishtirok etishlari mumkin.”.

2. Nizomning 16-bandi uchinchi xatboshi quyidagi tahrirda bayon qilinsin:

“mansab vazifalarida belgilangan masalalar bo‘yicha test sinovi va suhbatdan o‘tkaziladi. Suhbat jarayonida berilgan savol va javoblar maxsus (sahifalangan, bog‘langan, muhrlangan) jurnalda qayd etiladi.”.

3. Nizomning 18-bandi uchinchi xatboshi quyidagi tahrirda bayon qilinsin:

“pedagog kadrlar o‘z mutaxassisligi, lavozim vazifalari va me’yoriy-huquqiy, ma’naviy-ma’rifiy masalalar bo‘yicha malaka sinovi (test, yozma yoki ijodiy ish) va suhbatdan o‘tkaziladi. Suhbat jarayonida berilgan savol va javoblar maxsus (sahifalangan, bog‘langan, muhrlangan) jurnalda qayd etiladi.”.

4. Nizomning 19-bandi birinchi xatboshi quyidagi tahrirda bayon qilinsin:

“Attestatsiya komissiyasi direktor o‘rinbosari va pedagoglar faoliyati haqidagi ma’lumotlar, malaka sinovi (test, yozma yoki ijodiy ish) va suhbat natijalari asosida umumiy xulosani qabul qiladi.”.

5. Nizomning 20-bandi ikkinchi xatboshi quyidagi tahrirda bayon qilinsin:

“Komissiya attestatsiya natijalariga ko‘ra:

direktor o‘rinbosarlari haqida “Attestatsiyadan o‘tdi” yoki “Attestatsiyadan o‘tmadi”;

pedagoglar haqida “Attestatsiyadan o‘tdi”, “Attestatsiyadan shartli o‘tdi” yoki “Attestatsiyadan o‘tmadi” deb xulosa chiqaradi.”.

6. Nizomning 22-bandi quyidagi tahrirda bayon qilinsin:

“Attestatsiyadan shartli o‘tdi” deb e’tirof etilgan pedagoglar kamida 6 oydan so‘ng qayta attestatsiyadan o‘tkaziladi.”.

7. Nizomning 29-bandi quyidagi tahrirda bayon qilinsin:

“Direktor o‘rinbosari va pedagoglar attestatsiyasi to‘g‘risidagi mehnat nizolari qonunchilikda belgilangan tartibda ko‘rib chiqiladi.”.