Ҳужжат кучини йўқотган " " 05.08.2019

«ТАСДИҚЛАНГАН»

Ўзбекистон Республикаси
Меҳнат вазирининг
1996 йил 15 июлдаги
44-II-сонли буйруғи

«КЕЛИШИЛГАН»
Ўзбекистон Республикаси
Ички ишлар вазирлиги билан
Б. ПАРПИЕВ
1996 йил 15 ноябрь

«КЕЛИШИЛГАН»
Ўзбекистон Республикаси
Миллий хавфсизлик қўмитаси билан
Р. МИГМАНОВ
1996 йил 19 ноябрь

«КЕЛИШИЛГАН»

Ўзбекистон Республикаси
Ташқи ишлар вазирлиги билан
И. ИРГАШЕВ
1996 йил 18 ноябрь

ЎЗБЕКИСТОН РЕСПУБЛИКАСИДА ХОРИЖИЙ ИШЧИ КУЧЛАРИНИ ЖАЛБ ҚИЛИШ ВА УЛАРДАН ФОЙДАЛАНИШ ТАРТИБИ ТЎҒРИСИДАГИ НИЗОМНИ ҚЎЛЛАШ ТАРТИБИ БЎЙИЧА
Йўриқнома
[Ўзбекистон Республикаси Адлия вазирлиги томонидан 1996 йил 20 ноябрда 285-сон билан давлат рўйхатидан ўтказилган]
 LexUZ шарҳи
Мазкур буйруқ Ўзбекистон Республикаси бандлик ва меҳнат муносабатлари вазирининг 2019 йил 24 июлдаги 31-2019/Б-сонли ««Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги низомни» қўллаш тартиби тўғрисидаги йўриқнома, шунингдек, унга ўзгартириш ва қўшимчаларни ўз кучини йўқотган деб топиш ҳақида»ги буйруғига (рўйхат рақами 285-3, 05.08.2019 й.) асосан ўз кучини йўқотган.
I. УМУМИЙ ҚОИДАЛАР
1. Мазкур Йўриқнома Ўзбекистон Республикаси меҳнат ва аҳолини ижтимоий муҳофаза қилиш вазирлиги қошидаги Ташқи миграция агентлиги (кейинчалик — Агентлик) томонидан Ўзбекистон Республикаси Вазирлар Маҳкамасининг 1995 йил 19 октябрдаги 408-сон қарори билан тасдиқланган Ўзбекистон Республикасида хорижий ишчи кучларини жалб қилиш ва улардан фойдаланиш тартиби тўғрисидаги Низомни қўллаш тартибини белгилайди ва қуйидагиларни кўзда тутади:
ўзбекистонлик юридик шахсларга, Ўзбекистон Республикаси ҳудудида фаолият кўрсатаётган хорижий инвестиция иштирокидаги корхоналарга, шунингдек ўз шахсий хўжалигида ёлланган ходимлар меҳнатидан фойдаланувчи (бундан буён «иш берувчи» дейилади) айрим ўзбекистонлик ва Ўзбекистон Республикаси ҳудудида яшовчи хорижий жисмоний шахсларга хорижий ишчи кучларини жалб қилиш рухсатномасини бериш (узайтириш);
хорижий мутахассисларга Ўзбекистон Республикасида меҳнат фаолияти ҳуқуқи тасдиқномасини бериш (узайтириш);
иш берувчи томонидан юридик ва жисмоний шахсларнинг «Ўзбекистон Республикасида хорижий ишчи кучларини жалб қилиш ва улардан фойдаланиш тартиби тўғрисидаги Низом»га риоя қилганлиги мониторингини амалга ошириш;
иш берувчи ва хорижий мутахассисларга нисбатан «Ўзбекистон Республикасида хорижий ишчи кучларини жалб қилиш ва улардан фойдаланиш тартиби тўғрисидаги Низом»ни бузганлик учун жазо чораларини қўллаш;
иш берувчиларнинг ҳисобини юритиш ва хорижий мутахассислар тўғрисида маълумотлар базасини яратиш.
II. ИШ БЕРУВЧИЛАРГА ЎЗБЕКИСТОН РЕСПУБЛИКАСИДА ХОРИЖИЙ ИШЧИ КУЧЛАРИНИ ЖАЛБ ҚИЛИШ РУХСАТНОМАСИНИ БЕРИШ
ЎЗБЕКИСТОН РЕСПУБЛИКАСИДА ХОРИЖИЙ ИШЧИ КУЧЛАРИНИ ЖАЛБ ҚИЛИШ ВА УЛАРДАН ФОЙДАЛАНИШ РУХСАТНОМАСИНИ БЕРИШ
2. Ўзбекистон Республикасида хорижий ишчи кучларини жалб қилиш ва улардан фойдаланиш рухсатномалари Агентлик томонидан берилади.
3. Рухсатномани олиш учун иш берувчи Агентликка қуйидаги ҳужжатларни тақдим этади:
ариза (раҳбар томонидан имзоланган ва ташкилот муҳри билан тасдиқланган) бир нусхада (1-илова);
контракт лойиҳаси ёки хорижий фуқаролар ёхуд чет эл фирмалари билан тузилган хорижий мутахассисларни жалб қилиш мақсади ва шартлари тўғрисидаги олдидан аҳдлашилганликни тасдиқловчи бошқа ҳужжатлар;
хорижий мутахассисга берилган фотосуратли анкета (2-илова);
рухсатномани расмийлаштириш ва бериш учун тўлов тўланганлиги ҳақидаги банк (касса) ҳужжати ва Агентликнинг талабига кўра бошқа керакли ҳужжатлар;
ВИЧ-инфекция йўқлиги тўғрисида сертификат.
4. Ҳужжатлар пакетини кўриб чиқиш ва рухсатномани бериш иш берувчи ушбу йўриқноманинг 3-бандида назарда тутилган ҳужжатларни берган кундан бошлаб 30 кун мобайнида — Агентлик томонидан амалга оширилади.
Ишлаб чиқаришда юқори малакали ва ноёб тажрибага эга бўлган хорижий мутахассисларга Ўзбекистон Республикасида иш фаолиятини амалга ошириш учун рухсатномаларни бериш, иш берувчи томонидан мазкур Йўриқноманинг 3-бандида кўрсатилган ҳужжатлар топширилган кундан бошлаб 15 кун ичида амалга оширилади.
5. Рухсатнома Агентлик раҳбари томонидан ёки у бўлмаган тақдирда Ўзбекистон Республикаси Меҳнат ва аҳолини ижтимоий муҳофаза қилиш вазирининг буйруғи билан вакил қилинган масъул мансабдор шахс томонидан имзоланади. Масъул шахснинг имзоси гербли муҳр билан тасдиқланади.
6. Иш берувчиларга «рухсатномалар» 1 йил муддатга берилади.
Меҳнат контракти муддатини узайтириш томонларнинг розилигига кўра ва иш берувчининг мазкур йўриқноманинг 3-бандида назарда тутилган ҳужжатларни бериши асосида, меҳнат шартномасининг амалда бўлиш муддати тугагунга қадар, амалга оширилади.
7. Расмийлаштирилган «рухсатномалар» иш берувчининг вакилига топширилади. «Рухсатнома»ни олишда вакил рухсатномани олганлиги тўғрисида китобда имзо чекиши ва рухсатноманинг нусхасини топшириши лозим.
«Рухсатнома»ни беришда вакилга қуйидагилар эълон қилинади:
— берилган рухсатноманинг амал қилиш муддати;
— Ўзбекистон Республикасида хорижий ишчи кучини жалб қилиш ва ундан фойдаланиш тартиби ва «Ўзбекистон Республикасида хорижий ишчи кучини жалб қилиш ва ундан фойдаланиш тартиби» тўғрисидаги Низом, шунингдек мазкур йўриқномани бузганлик учун жавобгарлик тушунтирилади.
8. Рухсатномалар Агентликка топширилиши лозим:
— юридик шахс тугатилганда;
— Мажбуриятлар ёки Ўзбекистон Республикаси қонунчилиги бузилгани учун хорижий ишчи кучини жалб қилиш ва ундан фойдаланишда иш берувчи томонидан бундай ҳуқуқни йўқотганда;
— рухсатнома (меҳнат контракти) амал қилиш муддати тугаганда;
— иш берувчи томонидан мазкур йўриқнома шартлари бузилганда;
— суднинг қарорига кўра.
«РУХСАТНОМА»НИНГ АМАЛ ҚИЛИШ МУДДАТИНИ УЗАЙТИРИШ
9. Рухсатноманинг амал қилиш муддатини узайтириш Агентлик томонидан ўрнатилган тартибда рухсатномани олиш каби унинг амал қилиш муддати тугагунча 30 кун аввал амалга оширилади.
Рухсатномани узайтириш мазкур Йўриқноманинг 6-бандида кўзда тутилган муддатга бир марта амалга оширилади. Шундан сўнг янги рухсатнома берилади.
Рухсатноманинг амал қилиш муддатини узайтириш учун иш берувчи ёки унинг вакили ўрнатилган тартибда Агентликка қуйидаги ҳужжатларни тақдим этади:
ариза (раҳбар томонидан имзоланган ва ташкилот муҳри билан тасдиқланган) (1-илова);
рухсатноманинг аввал берилган асл нусхаси.
ЙЎҚОЛГАН РУХСАТНОМА ЎРНИГА ЯНГИ «РУХСАТНОМА»НИ БЕРИШ
10. Ҳужжат (рухсатнома) йўқолганлиги тўғрисида иш берувчи рухсатномани берган органни хабардор қилмоғи лозим. Аризада йўқолиш ҳолати, вақти ва жойи кўрсатилиб, янги рухсатномани расмийлаштириш ва бериш учун тўлов амалга оширилганини тасдиқловчи банк (касса) ҳужжати илова қилинади.
Йўқотиш сабаблари текширилганидан сўнг (иш берувчининг ёзма тушунтириши) 15 кун мобайнида янги рухсатнома берилади.
III. ИШ БЕРУВЧИ ТОМОНИДАН ЎЗБЕКИСТОН РЕСПУБЛИКАСИДА ХОРИЖИЙ ИШЧИ КУЧИНИ ЖАЛБ ҚИЛИШ ВА УНДАН ФОЙДАЛАНИШ ШАРТЛАРИНИ ТАЪМИНЛАШ
11. Меҳнат фаолиятини амалга ошириш учун Ўзбекистонга келган хорижий фуқаро иш берувчининг республикада хорижий ишчи кучини жалб қилиш ва ундан фойдаланишга берилган рухсатномага асосан Ўзбекистон Республикаси ҳудудида ёлланиши мумкин
12. Ўзбекистон Республикасида хорижий ишчи кучини жалб қилиш ва улардан фойдаланиш тартибига асосан иш берувчилар чет элда турган фуқаро билан муайян лавозимга дастлабки меҳнат шартномасини тузадилар.
Меҳнат шартномасини иккала томон имзолаб, шундан сўнг иш берувчи ёки унинг томонидан вакил қилинган шахс қуйидаги ҳужжатларни тақдим этган ҳолда хорижий мутахассиснинг меҳнат фаолиятини амалга ошириш ҳуқуқини берувчи ҳужжатни олиш учун Агентликка мурожаат этади:
ариза (раҳбар томонидан имзоланган ва ташкилот муҳри билан тасдиқланган) 2 нусхада (3-илова);
хорижий мутахассисга анкета (раҳбар томонидан имзоланган ва ташкилот муҳри билан тасдиқланган анкета) икки нусхада берилади (2-илова);
Ўзбекистон Республикаси ҳудудига хорижий мутахассисларни жалб қилиш мақсади ва шартлари тўғрисидаги олдидан аҳдлашилганликни тасдиқловчи меҳнат шартномаси лойиҳаси;
Муҳр билан тасдиқланган раҳбарнинг мажбуриятлари (4-илова);
3х4 ҳажмдаги 2 дона фотосурат;
Хорижий ишчининг миллий паспорти нусхаси (визанинг амал қилиш муддати кўрсатилади);
Аризада кўрсатилган лавозимга иш берувчи томонидан жалб қилинувчи хорижий мутахассисларда тегишли маълумот, малака ёки мутахассисликнинг мавжудлигини тасдиқловчи ҳужжатлар;
Ўзбекистон Республикасининг меҳнат ва аҳоли бандлигининг ҳудудий органидан Ўзбекистон Республикаси ҳудудига хорижий фуқарони жалб қилишнинг мақсадга мувофиқлиги тўғрисидаги хат;
Амалдаги рухсатноманинг нусхаси (рухсатномани олмаган ташкилотлардан ташқари);
Тасдиқномани расмийлаштириш ва бериш учун ўрнатилган тўлов тўланганлигини тасдиқловчи банк ҳужжати.
Хорижий фуқаро Ўзбекистон Республикасида истиқомат қилаётган бўлса, ҳужжатлар қуйидаги меҳнат визаларидан бирининг мавжудлигида қабул қилинади: «Е» ишчи визаси, «В-1», «В-2» ёки хизмат «S-3» визаси.
Тасдиқномани узайтириш учун мазкур банднинг 10-чи хатбошисида кўрсатилган ҳужжатдан ташқари аввал берилган тасдиқноманинг асл нусхасини кўрсатган ҳолда айни ҳужжатлар пакети тақдим қилинади.
13. Ишдан бўшаш муносабати билан меҳнат шартномаларини муддатдан аввал бекор қилган, шунингдек ўзбошимчалик билан иш жойини қолдирган ҳолатларда иш берувчилар Агентликка унинг бўшаганлиги тўғрисида буйруқ нусхасини тақдим этиб, бекор қилиш учун мазкур мутахассисга «тасдиқнома»ни қайтариб беришади.
ЎЗБЕКИСТОН РЕСПУБЛИКАСИ ИЧКИ ИШЛАРИ ОРГАНЛАРИ ВА ТИВ КОНСУЛЛИК БОШҚАРМАСИ БИЛАН РУХСАТНОМАЛАР ВА ТАСДИҚНОМАЛАРНИ КЎРИБ ЧИҚИШ, МАЪҚУЛЛАШ ТАРТИБИ
14. Ҳужжатларни қабул қилиш ҳар бир ҳужжатнинг тўғри тўлдирилганлиги текширилгандан сўнг амалга оширилади ва қабул қилинган ҳужжатлар пакети ишга расмийлаштирилиб ёхуд юридик ёки жисмоний шахснинг рўйхатга олинган ишнинг мавжуд бўлган материалларига бириктирилади.
15. Ўзбекистон Республикасига муддати ўтган виза билан ёки 3 кундан ортиқ бўлган муддатда ОВД дан рўйхатдан ўтмасдан, «ёллаш бўйича ишга қабул қилиниши мумкин эмас» белгили туристик виза бўйича дам олиш ва байрам кунларини ҳисобга олган ҳолда меҳнат фаолиятини амалга ошириш ҳуқуқини тасдиқловчи ҳужжатлар пакети қабул қилинмайди.
16. Ҳужжатлар пакетида рўйхатга кўра камчиликлар бўлса ёки уларни тўлдиришда хатога йўл қўйилган бўлса, улар қабул қилинмайди ва қайта расмийлаштириш учун қайтарилади. Бунда ходим қайтаришнинг аниқ сабабларини эълон қилмоғи лозим.
17. Иш берувчилардан олинган иш материаллари бўйича Агентлик ҳудудий ички ишлар органидан чет эл фуқаросига Ўзбекистон Республикасида меҳнат фаолиятини амалга ошириш ҳуқуқини берувчи тасдиқномани бериш мақсадга мувофиқ (5-илова)
5 кун мобайнида (дам олиш ва байрам кунлари бундан мустасно) ички ишлар органларидан салбий фикр олинмаган ишлар Агентлик комиссияси томонидан кўриб чиқилишига берилади.
18. Агентлик Меҳнат ва аҳолини ижтимоий муҳофаза қилиш Вазирлиги, Ўзбекистон Республикаси ТИВ Консуллик бошқармаси ва ички ишларнинг ҳудудий органига қуйидаги маълумотларни тақдим этади:
— республика ҳудудида ишчи кучини жалб қилиш ва ундан фойдаланиш учун берилган рухсатнома муддати кўрсатилган хорижий мутахассислар рўйхати ва/ёки раҳбар имзоси ва Агентлик муҳри билан тасдиқланган Ўзбекистон Республикасида меҳнат фаолиятини амалга ошириш тасдиқномалари;
— республика ҳудудида ишчи кучини жалб қилиш ва ундан фойдаланиш учун берилган рухсатномаларни бериш ёки муддатини узайтиришда рад жавобини олган хорижий мутахассислар ва/ёки раҳбар имзоси ва Агентлик муҳри билан тасдиқланган рад этиш сабаблари кўрсатилган ҳолда Ўзбекистон Республикасида меҳнат фаолиятини амалга ошириш ҳуқуқи тасдиқномасининг рўйхати.
19. Ўзбекистон Республикасининг консуллик бошқармаси иш берувчиларнинг виза кўмаги бўйича хорижий мутахассисларга Агентлик томонидан берилган меҳнат фаолиятини амалга ошириш ҳуқуқини «тасдиқлаш» муддатига «меҳнат визаси»ни беради.
Агентлик томонидан Ўзбекистон Республикасида меҳнат фаолиятини амалга ошириш ҳуқуқи тасдиқномасини бериш ёки муддатини узайтиришда рад жавобини олган хорижий мутахассисларга Ўзбекистон Республикаси ТИВ Консуллик бошқармаси меҳнат визасини беришни рад этади.
20. Ички ишларнинг ҳудудий органи иш берувчиларнинг аризаларига кўра хорижий мутахассисларнинг миллий паспортларини рўйхатга олади ёки Агентлик томонидан берилган меҳнат фаолиятини ошириш ҳуқуқи тасдиқномасининг муддатини узайтиради.
21. Агентлик томонидан республика ҳудудида меҳнат фаолиятини ошириш ҳуқуқига тасдиқномани бериш ёки унинг амал қилиш муддатини узайтиришда рад этилган хорижий мутахассисларга, шунингдек республика ҳудудида тасдиқномасиз меҳнат визаси ёки Агентлик томонидан берилган меҳнат фаолияти ҳуқуқига тасдиқноманинг муддати узайтирилмаган ҳолатда ҳудудий ички ишлар органлари ўз ваколатига кўра виза ва миллий паспортлар рўйхатга олинганлигининг амал қилиш муддатини қисқартиради, миллий паспортларни рўйхатга олмайди ва унинг амал қилиш муддатини узайтирмайди.
Республикага касб фаолиятини амалга ошириш мақсадида кириб келган ва «Ўзбекистон Республикасида хорижий ишчи кучларини жалб қилиш ва ундан фойдаланиш тартиби тўғрисидаги Низом» талабларини бузган ҳолда ишга қабул қилинган хорижий фуқароларга нисбатан ички ишларнинг ҳудудий органлари Агентликнинг ёзма маълумотига кўра Ўзбекистон Республикаси Вазирлар Маҳкамасининг 19.10.1995 йилдаги Қарорига 2-иловага мувофиқ уларни республикадан чиқариш чораларини қўллайди.
22. Хорижий ишчи кучини қўшимча жалб қилиш учун рухсат олиш учун иш берувчилар 12-бандга мувофиқ ҳужжатлар пакетини тақдим этиб, у мазкур йўриқномага мувофиқ кўриб чиқилади. Ҳужжатлар пакети мавжуд иш материалларига илова қилинади.
23. Ҳужжатлар пакети аризачиларга қайтарилмайди.
БЛАНКЛАРНИ ТЎЛДИРИШ ТАРТИБИ ВА РУХСАТНОМА ВА ТАСДИҚНОМАЛАРНИ БЕРИШ
24. Ишчи кучини жалб қилиш ва ундан фойдаланиш учун рухсатномалар, ҳамда меҳнат фаолияти ҳуқуқига эгалик тасдиқномалари бланклари Агентлик комиссияси томонидан ижобий қарор қабул қилингандан кейин тўлдирилади.
25. Ишчи кучини жалб қилиш ва ундан фойдаланиш учун рухсатномалар, ҳамда меҳнат фаолияти ҳуқуқига эгалик тасдиқномалари бланклари Агентлик бошлиғи ёки у бўлмаган пайтда унинг ваколатларини бажарувчи масъул шахс томонидан имзоланади ва ҳужжатларни берган органнинг муҳри билан тасдиқланади.
Миллий паспортда мазкур Йўриқноманинг 12 ва 15-бандларига зид бўлмаган амалдаги виза мавжуд бўлганда тасдиқнома мазкур Йўриқноманинг 7-бандида кўзда тутилган тартибда имзоланган ҳолда топширилади.
Рухсатнома ва тасдиқномани расмийлаштириш ва бериш учун минимал ойлик иш ҳақининг 10 бараварида тўлов олинади.
26. Комиссия томонидан тегишли қарор қабул қилингунча Ўзбекистон Республикасига хорижий мутахассиснинг кириш факти ўрнатилганда ёки мазкур Йўриқноманинг 12 ва 15-бандларига зид бўлган виза бўйича киришда Агентлик тасдиқномани берганлик тўғрисидаги қарорни бекор қилади ва бу ҳақда иш берувчи, Меҳнат ва аҳолини ижтимоий муҳофаза қилиш вазирлиги, Ўзбекистон Республикаси ТИВ Консуллик бошқаруви ва ички ишларнинг ҳудудий органини хабардор қилади.
27. Агентлик «рухсатномалар» ва «тасдиқномалар» бланкаларининг қатъий ҳисобини юритади.
Рухсатнома бланкасининг юза томонида Ўзбекистон Республикасининг герби ва «Ўзбекистон Республикасида хорижий ишчи кучини жалб қилиш ва ундан фойдаланиш учун рухсатнома» ёзуви мавжуд.
Бланкда қуйидаги маълумотлар кўрсатилади:
— рухсатномани берган орган номи;
— берилган сана;
— иш берувчининг номи ва у ҳақидаги маълумотлар;
— ишчилар ҳақида маълумотлар;
— рухсатноманинг амал қилиш муддати;
— узайтириш муддати;
— Агентлик раҳбарининг имзоси;
— гербли муҳр;
— хорижий мутахассисларнинг максимал жалб қилинадиган сони.
28. Тасдиқнома бланкасининг олд томонида Ўзбекистон Республикасининг герби ва «Меҳнат фаолиятини амалга ошириш учун рухсатнома» ёзуви мавжуд.
Бланкда қуйидаги маълумотлар кўрсатилади:
— «тасдиқнома»ни берган орган номи»;
— хорижий мутахассиснинг сурати;
— фуқаролиги, Ф.И.О;
— миллий паспорт ҳақида маълумотлар;
— ишга қабул қилувчи иш берувчининг номи;
— тасдиқнома амал қилувчи ҳудуд;
— амал қилиш муддати;
— фаолият тури;
— берилган сана;
— Агентлик раҳбарининг имзоси;
— герб муҳри.
МАЗКУР ЙЎРИҚНОМАДА ЎРНАТИЛГАН ТАРТИБ ҚЎЛЛАНИЛМАЙДИГАН ХОРИЖИЙ ФУҚАРОЛАРНИНГ АЛОҲИДА ТОИФАСИ
29. Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низом қуйидаги хорижий фуқароларга нисбатан қўлланилмайди:
дипломатик ва консуллик муассасаларининг, Ўзбекистон Республикаси ҳудудидаги дипломатик мақомдан фойдаланувчи ташкилотларнинг ходимларига;
Ўзбекистон Республикаси Ташқи ишлар вазирлигида аккредитация қилинган хорижий давлатларнинг халқаро ҳукуматлараро ташкилотлари ва ҳукумат ташкилотлари ваколатхоналари ходимларига;
3 ойгача муддатга келадиган, Ўзбекистон Республикаси ҳудудида ишлаётган ёки ташкил этилаётган қўшма корхоналар ёки фирмаларнинг таъсисчилари ёки пайчилари ҳисобланадиганларга;
давлатлараро битимларга мувофиқ ташкил этилган Ўзбекистон ҳудудидаги муассасаларда ишловчи фан ва маданият арбобларига;
таътил вақтида Ўзбекистон олий касб таълими таълим муассасалари дастурлари доирасида ишлаб чиқариш амалиётини ўтаётган талабаларга;
Ўзбекистон Республикасида аккредитация қилинган мухбирлар ва журналистларга;
Ўзбекистон Республикаси Адлия вазирлигида аккредитация қилинган нодавлат нотижорат ташкилотларининг хамда халқаро ва хорижий нодавлат нотижорат ташкилотларининг ваколатхоналари ходимларига;
Ўзбекистон Республикаси Ташқи иқтисодий алоқалар, инвестициялар ва савдо вазирлиги томонидан аккредитация қилинган хорижий тижорат ташкилотлари ваколатхоналари ходимларига;
Ўзбекистон академиялари ва олий касб таълими таълим муассасаларида маърузалар курсини ўқиш ва бошқа ишлар учун жалб қилинган маърузачилар ва йўриқчиларга;
Ўзбекистон Республикасининг хорижий мамлакатлар билан тузилган давлатлараро битимларга кўра ишга жойлаштиришнинг бошқа хил тартиби белгиланган шахсларга.
КОМИССИЯДА ҲУЖЖАТЛАР ПАКЕТИНИ КЎРИБ ЧИҚИШ ТАРТИБИ
30. Иш берувчилар томонидан тақдим этилган материаллар бўйича ўз вақтида ва объектив қарор қабул қилинишини таъминлаш мақсадида Агентлик томонидан таркиби Ўзбекистон Республикаси меҳнат ва аҳолини ижтимоий муҳофаза қилиш вазирлиги билан маъқулланадиган комиссия тузилади.
31. Ҳужжатлар пакетини кўриб чиқиш бўйича комиссия хорижий ишчи кучларини жалб қилиш ва улардан фойдаланиш учун рухсатнома беришда Ўзбекистон Республикаси фуқароларининг бўш иш жойларини эгаллаш бўйича устунлик ҳуқуқлари принципидан, сўралаётган жойда қадри бир хил ишчи кучлари борлигидан келиб чиқиши керак.
Иш берувчи хорижий ишчига меҳнат фаолиятини амалга ошириш учун рухсатнома олиш учун мурожаат қилгандан сўнг Агентлик иш берувчининг рўйхатдан ўтган жойининг Бандликка кўмаклашиш ва ижтимоий ҳимоялаш Марказига мутахассис мавжуд эмаслиги ва тегишли мутахассислик бўйича вакант жойлар мавжудлиги юзасидан, меҳнат шартлари ва тўловлари кўрсатилган ҳолда сўровнома юборади. Агентлик томонидан мутахассислар мавжуд эмаслиги тўғрисида жавоб олган тақдирда хорижий мутахассисларга рухсатнома бериши масаласи умумий асосларда ҳал этилади. Бундай сўровларни кўриб чиқиш муддати 30 кундан ошмаслиги лозим (ишлаб чиқаришда юқори малакага ва ноёб тажрибага эга хорижий фуқароларга — 15 кундан).
32. Рухсатнома ва тасдиқнома бериш тўғрисида қарор ушбу Йўриқноманинг 3 ва 12-бандларида назарда тутилган ҳужжатларни берган кундан бошлаб 30 кун мобайнида — комиссия томонидан қабул қилинади (ишлаб чиқаришда юқори малакага ва ноёб тажрибага эга хорижий фуқароларга — 15 кундан).
33. Хорижий ишчи кучини жалб қилиш ва ундан фойдаланиш учун рухсатнома беришни рад этиш тўғрисидаги асосланган қарор аризачига ушбу қарор қабул қилингандан сўнг бир ҳафта муддатда юборилади.
34. Зарурат туғилганда комиссия ҳужжатлар пакетини иш берувчи иштирокида кўриб чиқади.
35. Кўриб чиқилаётган ҳужжатлар бўйича комиссия қуйидаги асосларга кўра салбий қарорни қабул қилишга ҳақли:
а) иш берувчи томонидан хорижий мутахассисларнинг ҳуқуқлари бузилишига олиб келувчи Ўзбекистон Республикаси қонунчилигининг бузилиши учун,
б) Агентликда «рухсатнома» олингунча қадар ишга хорижий мутахассисни қабул қилганлик учун;
в) Номига бошқа иш берувчидан олинган рухсатнома асосида меҳнат шартномаси асосида хорижий мутахассисни ишга қабул қилгани учун.
IV. ИШ БЕРУВЧИ ТОМОНИДАН ЎЗБЕКИСТОН РЕСПУБЛИКАСИДА ХОРИЖИЙ ИШЧИ КУЧИНИ ЖАЛБ ҚИЛИШ ВА УНДАН ФОЙДАЛАНИШ ТАРТИБИГА РИОЯ ҚИЛИНИШИНИ ТЕКШИРИШ
36. Иш берувчи томонидан Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низом қоидаларига риоя қилишни текшириш Ўзбекистон Республикаси Меҳнат ва аҳолини ижтимоий муҳофаза қилиш вазирлиги Давлат ҳуқуқий инспекция ходимлари томонидан амалга оширилади.
Ҳудудий бошқармаларнинг инспекцияларида мазкур ишни ташкиллаштириш ушбу бошқармаларнинг раҳбарларига юклатилади.
37. Давлат меҳнат ҳуқуқ инспекцияси ходимлари хорижий мутахассисларнинг ишга жойлашиш қонуниятлари ва меҳнат шароитлари, шунингдек Ўзбекистон Республикаси қонунчилигига мувофиқ хорижий мутахассисларнинг ҳуқуқлари риоя қилинишини текширишни амалга оширади.
38. Назоратни ташкиллаштириш учун меҳнат ҳуқуқ инспекцияси ходимлари иш берувчилар, шунингдек Агентлик томонидан тақдим қилинган Ўзбекистон Республикасида хорижий ишчи кучини жалб қилиш ва ундан фойдаланишга рухсатномаларнинг мавжудлиги ва тўғри расмийлаштирилганлиги тўғрисида маълумотга эга бўлишлари керак.
39. Туман (шаҳар) аҳолини ижтимоий муҳофаза қилиш ва бандлигини таъминлаш марказларининг давлат ҳуқуқ инспекторлари ўз ишини қуйидаги асосий йўналишлар бўйича ташкиллаштиради:
— иш берувчиларга Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низом талаблари ва уни бузганлик учун жавобгарлигини тушунтириш;
— хорижий мутахассисларнинг ҳуқуқларини таъминлаш бўйича иш берувчиларга услубий ва амалий ёрдам кўрсатиш, «рухсатномалар»нинг амал қилиш муддатини назорат қилиш;
— иш берувчилар томонидан хорижий фуқароларни уларга Ўзбекистон Республикасида меҳнат фаолиятини амалга ошириш учун тасдиқнома олинганидан кейингина ишга қабул қилиш шартига риоя қилинишини текшириш;
— хорижий фуқароларнинг малакали тузилишини текшириш;
— хорижий мутахассисларни ишга қабул қилишда «Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низом» талаблари бузилиш ҳолатларини аниқлаш;
— ҳудудий меҳнат органлари ўртасида интизомнинг бузилишига йўл қўйган хорижий мутахассислар ҳақидаги маълумотни ўзаро алмаштириш.
40. Текшириш ҳудудий бошқармаларнинг инспекциялари томонидан ўрнатилган режага асосан амалга оширилади. Текшириш натижалари кейинчалик Агентликка хабар берган ҳолда тегишли ҳудудий бошқарманинг инспекция бошлиғига ҳисобот берилади, шунингдек иш берувчига аниқланган интизом бузилишлари ҳақида ёзма хабарнома юборилиб, уни бартараф этиш муддатлари кўрсатилади.
Агентлик ходимлари жойларга чиқиш йўли билан иш берувчиларнинг фаолиятини текширишга жалб қилиниши мумкин.
41. Туман (шаҳар) аҳолини ижтимоий муҳофаза қилиш ва бандлигини таъминлаш марказларининг давлат ҳуқуқ инспекторлари ўзига юклатилган вазифаларни бажаришда хушмуомала, вазмин, одобли бўлмоғи, хизмат вазифасини бажаришда юқори жавобгарлиги тўғрисида унутмаслиги лозим.
ХОРИЖИЙ МУТАХАССИСЛАР БИЛАН ИШЛАЙДИГАН АГЕНТЛИКЛАРНИНГ АСОСИЙ ВАЗИФАЛАРИ
43. Агентликнинг Ўзбекистон Республикаси Меҳнат ва аҳолини ижтимоий муҳофаза қилиш вазирлигига мурожаат қилиши муносабати билан давлат меҳнат ҳуқуқ инспекцияси ходимлари иш берувчиларнинг иштирокида қонунчиликда ўрнатилган тартибда хорижий мутахассисларнинг ишга жойлашиш қонуниятлари ва меҳнат шароитлари, шунингдек Ўзбекистон Республикаси қонунчилигига мувофиқ хорижий мутахассисларнинг ҳуқуқлари риоя қилинишини текширишни амалга оширади. Интизомий бузилишлар аниқланганда улар иш берувчиларни рухсатнома олиш зарурлиги ёки унинг амал қилиш муддатини узайтириш тўғрисида огоҳлантириб, кўрсатмалар бажарилишини назорат қиладилар.
Текшириш натижаларига кўра далолатнома тузилиб, унинг нусхалари Агентлик ва иш берувчига тақдим этилади.
44. Иш натижаларига кўра Агентлик ҳар ойнинг 10-чи санасигача Ўзбекистон Республикаси Меҳнат ва аҳолини ижтимоий муҳофаза қилиш вазирлигига жамланган маълумотларни тақдим этади.
V. «ЎЗБЕКИСТОН РЕСПУБЛИКАСИДА ХОРИЖИЙ ИШЧИ КУЧИНИ ЖАЛБ ҚИЛИШ ВА УНДАН ФОЙДАЛАНИШ ТАРТИБИ ТЎҒРИСИДАГИ НИЗОМ» ТАЛАБЛАРИНИ БУЗГАНЛИК УЧУН ИШ БЕРУВЧИЛАРГА НИСБАТАН ТАЪСИР ЧОРАЛАРИНИНГ ҚЎЛЛАНИЛИШ ТАРТИБИ
45. Мазкур Йўриқноманинг 11-бандига мувофиқ иш берувчи Агентликда Ўзбекистон Республикасида хорижий ишчи кучини жалб қилиш ва ундан фойдаланиш учун рухсатнома ва Ўзбекистон Республикаси ҳудудида меҳнат фаолияти ҳуқуқига эгалик тасдиқномасини олганидан кейингина хорижий мутахассисларни жалб қилиш ва ундан фойдаланишга ҳақли.
46. Иш берувчидаги Ўзбекистон Республикасида хорижий ишчи кучини жалб қилиш ва ундан фойдаланиш рухсатномаси бошқа иш берувчиларга берилмаслиги керак, ва рухсатнома асосида жалб қилинадиган хорижий ходимлар бошқа иш берувчига ишлаш учун ўтказилиши мумкин эмас.
47. Иш берувчи ўз корхонасида республика ҳудудида туристик, меҳмон визаси ёки «ёллаш бўйича ишлаш ҳуқуқисиз» ёки «EXIT» белгиси қўйилган виза бўйича истиқомат қилувчи хорижлик фуқарони жалб қилиши ва ундан фойдаланишга ҳақли эмас.
48. Мазкур Йўриқноманинг 15, шунингдек Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низомнинг 3, 11 ва 14-бандларида кўзда тутилган талабларни бузганлиги аниқланганда Агентлик йўл қўйилган бузилишлар бартараф этилгунга қадар рухсатноманинг амал қилишини тўхтатиб қўйиши ёки муайян муддатда уни бартараф этилиши лозимлиги тўғрисида кўрсатма бериши мумкин. Бузилишлар ўрнатилган муддатда бартараф этилмаган тақдирда рухсатнома ва тасдиқнома Агентликнинг қарорига кўра бекор қилиниши мумкин.
Бузилиш фактлари бўйича Агентлик Ўзбекистон Республикаси Меҳнат ва аҳолини ижтимоий муҳофаза қилиш вазирлиги, ички ишлар органлари ва Ўзбекистон Республикаси ТИВ Консуллик бошқармасини хабардор этади.
49. Иш берувчи томонидан Ўзбекистон Республикасининг қонунчилиги бузилганлиги аниқланган тақдирда Агентлик 3 ойгача бўлган муддатга хорижий ишчи кучини қўшимча тарзда жалб қилишга ҳужжатлар пакетини қабул қилишни бекор қилиши мумкин.
50. Иш берувчи томонидан аввал берилган рухсатноманинг бекор қилинишига олиб келган бузилишларнинг бартараф этилганлиги тўғрисида ёзма хабарнома тақдим этилганидан сўнг Агентлик ҳужжатлар қабулини тиклайди.
51. Мазкур Йўриқноманинг 47-банди бузилиб хорижий мутахассисларни ишга қабул қилиш фактлари бўйича Агентлик республика ҳудудида меҳнат фаолияти ҳуқуқини берувчи тасдиқномани олиш учун ҳужжатлар пакетини қабул қилишни тўхтатади ва бу ҳақда Меҳнат ва аҳолини ижтимоий муҳофаза қилиш вазирлиги, ички ишлар органлари ва Ўзбекистон Республикаси ТИВ Консуллик бошқармасини хабардор этади.
VI. АГЕНТЛИКДА ИШ БЕРУВЧИЛАР ҲИСОБИНИ ЮРИТИШ
52. «Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низом»га мувофиқ Агентлик иш берувчилар ва «рухсатнома» ва «тасдиқнома» олган хорижий мутахассисларнинг ҳисобини юритади.
53. Ҳокимиятлар ва прокуратура, Ўзбекистон Республикаси МҲХ ва ИИВ нинг сўровномаларига кўра Агентлик барча иш берувчилар, шунингдек «рухсатнома» ва тасдиқномаларни олган хорижий мутахассислар тўғрисида маълумотномалар беради.
54. Агентликларнинг маълумотлар банкида рухсатнома ва тасдиқнома олиш учун ҳужжатлар пакети билан мурожаат қилган иш берувчилар, шунингдек Ўзбекистон ҳудудида истиқомат қилиш муддати, рухсатнома ва тасдиқнома муддатлари кўрсатилган ҳолда ҳисобга олинади.
55. Ҳар бир иш берувчи ва хорижий мутахассис номига иш юритилиб, у ишларни рўйхатга олиш китобида рўйхатга олинади. Китоб бўйича тартиб рақами айни пайтда иш муқовасида қўйилган тартиб рақами ҳамдир ва у иш муқовасида қўйилади. Ишлар ҳисобини юритиш китоби рақамланган, тикилган ва муҳр билан тасдиқланган бўлиши даркор.
56. Иш берувчилар ва хорижий мутахассисларнинг «иш»лари жавонларда сақланади. Муайян иш берувчиларга тегишли ёзишма «иш»га бириктирилади.
57. Иш берувчилар ва хорижий мутахассисларга очилган архив ишлари 5 йил муддатгача сақланади.
58. Йўқ қилинган ишлар, шунингдек бекор қилинган ва бузилган бланкалар бўйича Агентлик раҳбари томонидан тасдиқланган махсус комиссия томонидан далолатнома тузилади.
Ушбу комиссия таркибига юрист ҳам киритилади. Ишлар бекор қилинганлиги тўғрисидаги далолатномалар доимий равишда сақланади. Бекор қилинган ва бузиб қўйилган бланклар тўғрисидаги актлар 1 йилгача сақланади.
59. Ишлар ҳисобини юритиш китобларида ишлар қачон йўқ қилингани ва уларнинг йўқотилгани тўғрисидаги далолатномалар кўрсатилади.
60. Рухсатнома ва тасдиқнома бланкалари Агентлик томонидан тайёрланади.
61. Агентлик ҳар чоракда Ўзбекистон Республикасининг Меҳнат ва аҳолини ижтимоий муҳофаза қилиш вазирлиги ва ҳудудий ички ишлар органларига муайян иш берувчиларни кўрсатган ҳолда хорижий мутахассисларнинг сони, малакавий тузилиши, ташриф муддатлари тўғрисидаги маълумотларни тақдим этади.
‎‎Чиқ. № ______________________ ‎ ‎ ‎ ‎ ‎‎«_____» _____________________
‎ ‎ ‎ ‎ ‎ ‎

‎‎Ташқи меҳнат миграцияси масалалари бўйича Агентлик бошлиғига‎‎
‎

‎ ‎ ‎ ‎

‎‎АРИЗА
‎

 ‎ ‎ ‎ ‎

‎‎«Ташинтерм» ҚК Ўзбекистон Республикаси Вазирлар Маҳкамасининг 1995 й. 19 октябрдаги 408-сонли қарорига мувофиқ хорижий ишчи кучини жалб қилиш ва ундан фойдаланиш ҳуқуқига рухсатнома беришингизни (узайтиришингизни) сўрайди.
‎Илова: таъсис ҳужжатлари

‎ ‎ ‎ ‎ ‎ ‎ ‎ ‎ ‎ ‎
‎ Директор ‎

‎‎______________________________________(Ф.И.О., имзо)

‎‎М.Ў.

 ‎ ‎ ‎ ‎
‎ ‎

Хорижий мутахассис
‎АНКЕТАСИ
‎ ‎

 ‎
1. Ф.И.О.
‎2. Паспорт бўйича Ф.И.О.
‎3. Туғилган сана ва жойи
‎4. Фуқаролик:
‎5. Паспорт серия ва рақами:
‎6. Жинси (эркак/аёл):
‎7. Хорижда яшаш манзили:
‎8. Маълумоти, мутахассислиги:
‎9. Охирги иш жойи (корхонанинг номи ва лавозими)
‎10. Иш берувчи тўғрисидаги маълумотлар (корхона номи ва фаолият тури):
‎11. Иш ҳақи, мунтазамлиги:
‎12. Шартнома бўйича лавозими:
‎13. Ўзбекистонга аввалги ташрифлари:
‎14. Виза рақами ва тури, Визалар ва рўйхатдан ўтказиш бўлими (ОВИР)да рўйхатдан ўтиш муддатлари:
‎15. Ўзбекистонда яшаш манзили:
‎16. Айни пайтда хорижий фуқаронинг яшаш жойи (мамлакат):
‎

‎‎Директор ___________________________________________ (Ф.И.О., имзо)
‎

 ‎ ‎
‎

‎‎«___» __________ 20___ й

 ‎ ‎
‎

‎‎М.Ў.

 ‎ ‎
‎‎Чиқ. № ______________________ ‎ ‎‎«____» ______________________
‎ ‎ ‎

‎‎Ташқи меҳнат миграцияси масалалари бўйича Агентлик бошлиғига
‎

‎ ‎

‎‎АРИЗА
‎

 ‎ ‎ ‎ ‎

«Ташинтерм» ҚК хорижий ишчи кучини жалб қилиш ва ундан фойдаланиш ‎ҳуқуқига олинган рухсатнома асосида хорижий мутахассисларга меҳнат фаолияти ҳуқуқига эгалик тасдиқномасини беришингизни (узайтиришингизни) сўрайди:

‎ ‎ ‎ ‎ ‎ ‎ ‎ ‎ ‎ ‎

Т/р‎

‎‎Ф.И.О.

Туғилган йили‎‎
‎

Фуқаролиги‎‎

Паспорт №‎

Меҳнат шартномасининг муддати

‎ ‎‎ ‎ ‎
‎ ‎ ‎ ‎ ‎ ‎ ‎ ‎ ‎ ‎
1.
‎2. ва ҳ.
‎Илова: анкеталар ______ дона‎
‎‎Директор______________________________ ‎ ‎ ‎ ‎ ‎
‎

(Ф.И.О., имзо)
‎ М.Ў.

 ‎ ‎ ‎ ‎ ‎
‎ ‎ ‎ ‎

‎‎МАЖБУРИЯТ
‎

 ‎ ‎ ‎ ‎

Мен, _________________________________________________________________________________________________________, ____________________________________________________________________________________________ иш берувчиси (корхона номи)

‎ ‎ ‎ ‎ ‎ ‎ ‎ ‎ ‎ ‎

«Ўзбекистон Республикасида хорижий ишчи кучини жалб қилиш ва ундан фойдаланиш тартиби тўғрисидаги Низом» билан тўлиқ танишиб чиқдим ва қуйидаги мажбуриятларни бўйнимга оламан:
‎а) қуйидаги хорижий фуқароларга Ўзбекистон Республикасида хорижий ишчи кучини жалб қилиш ва ундан фойдаланиш учун рухсат олишга ҳужжатлар пакетини тақдим этмаслик: Ўзбекистон Республикасида вақтинча истиқомат қилувчи, Республикада муддати тугаган виза ёки ИИБ да 3 кундан кўп бўлган муддатда рўйхатга турмасдан жойлашган ёки Ўзбекистон Республикасига туристик, «меҳмон» визаси ёки «ишга ёллаш ҳуқуқисиз» белгиси қўйилган визаси бор бўлган шахслар;
‎б) Ўзбекистон Республикасида вақтинча истиқомат қилувчи, республика ҳудудида меҳнат фаолияти ҳуқуқига тасдиқномага эга бўлмаган хорижий фуқароларни ишга қабул қилмаслик;
‎в) Иш берувчидаги рухсатнома бошқа иш берувчиларга берилган хорижий мутахассисни ишга қабул қилмаслик;
‎г) «Рухсатнома» муддати тугагунга қадар ишдан бўшатилган хорижий мутахассислар ҳақида Ташқи меҳнат миграцияси агентлигини хабардор этиш ва ҳужжатларни бекор қилишга тақдим этиш;
‎д) тегишли органларга ёлғон маълумотни тақдим этмаслик;
‎е) давлатга қарши иш ташлашлар ёки бошқа конституцияга қарши сиёсий тадбирларда иштирок этмаслик ва уларда хорижий мутахассисларнинг иштирок этишига йўл қўймаслик;
‎ж) Ўзбекистон Республикасининг қонунчилигига зид бўлган ҳаракатларни амалга оширмаслик ва хорижий мутахассислар томонидан бузилишлар йўлга қўйилиши ҳақида Ташқи меҳнат миграцияси масалалари Агентлиги хабардор этиш, уларга қарши жиноий иш қўзғатиш, Ўзбекистон Республикаси қонунчилиги бўйича уларни жиноий, маъмурий, фуқаролик ёки бошқа жавобгарликка тортиш;
‎з) Агентликка иш берувчи томонидан тақдим этилган маълумотларда ҳар қандай ўзгаришлар (корхона ҳақидаги қисқа маълумотлар, таъсис ҳужжатлари, аризалар, анкеталар, паспорт маълумотлари ва ҳ.) ҳақида бир ҳафта муддатда Ташқи меҳнат миграцияси масалалари Агентлигини хабардор этиш (ўзгартиш учун асос бўлган барча тегишли ҳужжатларнинг нусхалари илова қилинади).
‎и) берилган рухсатномалар ва тасдиқномаларнинг амал қилиш муддати тугаган тақдирда ёки корхона тугатилганда бир ҳафта муддатда Агентликни хабардор этиш.
‎Мен томондан Ўзбекистон Республикаси қонунчилиги ва мазкур мажбурият бузилган тақдирда Агентлик томонидан берилган рухсатнома (тасдиқнома)нинг рад этилиши, бекор қилиниши ёки ҳаракатдан тўхтатилиши мумкинлиги ҳақида огоҳлантирилдим.

‎ ‎ ‎ ‎ ‎ ‎ ‎ ‎ ‎ ‎
‎ ‎‎Иш берувчи _______________________________ ‎ ‎ ‎ ‎ ‎
‎

(Ф.И.О., имзо ва сана)
‎
‎ М.Ў.

‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎
‎ ‎ ‎ ‎ ‎ ‎

Ташқи меҳнат миграцияси масалалари бўйича
‎ Агентлик бошлиғига

Сиздан хорижий мутахассисларга Тошкент шаҳрида меҳнат фаолияти ҳуқуқи тасдиқномаси берилиши масаласи бўйича фикрингизни билдиришингизни сўраймиз.

Илова: анкеталар __________________ дона. ва _______ варақда аризалар. ‎ ‎ ‎ ‎ ‎
‎ Бошлиқ ____________________ ‎ ‎ ‎ ‎ ‎ ‎
‎

(Ф.И.О., имзо)
‎
‎ М.Ў.
‎

‎ ‎ ‎ ‎ ‎ ‎
‎ ‎ ‎ ‎ ‎ ‎ ‎ ‎ ‎ ‎