1.07.00.00.00 Молия ва кредит тўғрисидаги қонунчилик. Банк фаолияти / 07.09.00.00 Солиқ қонунчилиги / 07.09.01.00 Умумий қоидалар]
[ТСЗ:
1.Молия / Солиқлар (йиғимлар, божлар)]
Ўзбекистон Республикаси Президентининг
Фармони
Солиқ органлари фаолиятини институционал жиҳатдан такомиллаштириш ва солиқ маъмуриятчилигида замонавий ёндашувларни жорий этиш чора-тадбирлари тўғрисида
Мамлакатимизда солиқ маъмуриятчилигини замонавий босқичга олиб чиқиш, солиқ сиёсатини янада такомиллаштириш, солиқ органлари фаолиятини институционал жиҳатдан трансформация қилиш, солиқларнинг йиғилувчанлигини ошириш, солиқ назоратининг самарадорлигини кучайтириш ҳамда солиқ тўловчиларга кўрсатиладиган хизматлар сифатини яхшилаш мақсадида қарор қиламан:
I. Асосий мақсадлар
1. Қуйидагилар ушбу Фармонни қабул қилишдан кўзланган асосий мақсадлар этиб белгилансин:
(а) 2030 йилга қадар:
(i) Жаҳон банкининг «Business ready» рейтингида солиқ йўналиши бўйича биринчи даражага чиқиш;
(ii) ҳуқуқбузарликлар профилактикаси устуворлиги принципини қўллаш орқали солиқларни ихтиёрий тўлаш улушини 98 фоизга етказиш;
(iii) солиқ қонунчилигини бузиш ҳолатларининг олдини олиш ва юқори хавфларни икки баробар камайтириш;
(iv) жами солиқ тушумлари миқдорини икки баробарга ошириш;
(б) солиқ хизматлари сифатини яхшилаш ва солиқ тўловчиларнинг солиқ органларига бўлган ишончини мустаҳкамлаш.
II. Солиқ маъмуриятчилигини такомиллаштириш йўналишлари
2. Қуйидагилар солиқ маъмуриятчилиги ва солиқ органлари фаолиятини ривожлантиришнинг асосий устувор йўналишлари этиб белгилансин:
(а) солиқ органлари томонидан солиқ тўловчиларга жаҳон стандартлари талаблари даражасида хизмат кўрсатиш ва солиқ хизматларидан фойдаланиш учун қулай шарт-шароит яратиш;
(б) тадбиркорлик субъектлари ўртасида соғлом рақобат муҳитини шакллантириш мақсадида солиқ хавфларини бошқаришда «Compliance risk management» (CRM) тизимини янада такомиллаштириш;
(в) рақамлаштириш ва инновацион ечимлар орқали сунъий интеллектдан фойдаланган ҳолда солиқ маъмуриятчилиги самарадорлигини ошириш ҳамда солиқ тўловчиларга молиявий ва маъмурий юкни камайтириш;
(г) солиқ органларида ўрта ва узоқ муддатга мўлжалланган кадрлар сиёсатини ишлаб чиқиш ва амалга ошириш.
3. 2026 — 2030 йилларда солиқ маъмуриятчилиги ва солиқ органлари фаолиятини ривожлантириш бўйича «йўл харитаси» 1-иловага мувофиқ тасдиқлансин.
III. Солиқ тўловчиларга хизмат кўрсатишда замонавий ёндашувларни жорий этиш
4. Белгилансинки:
(а) 2026 йил 1 июлдан бошлаб:
(i) текширувдан олдинги таҳлил доирасида аниқланган тафовутлар бўйича аниқлаштирилган солиқ ҳисоботини ёки асословчи ҳужжатларни тақдим этиш мажбурияти бекор қилинади;
(ii) солиқ хавфи ўрта бўлган солиқ тўловчиларга аниқланган хавфлар тўғрисида хабарнома юбориш тизими жорий этилади. Бунда аниқланган камчиликлар бир ой ичида бартараф этилган тақдирда, солиқ текширувлари ўтказилмайди;
(iii) янги ташкил этилган тадбиркорлик субъектларига уларнинг ихтиёрига кўра дастлабки 6 ой давомида солиқ ва молиявий ҳисоботларни юбориш хизмати «Soliq-servis» АЖ томонидан бепул амалга оширилади;
(iv) туман фермерлари кенгашлари ҳузуридаги Фермер хўжаликларида бухгалтерия ҳисоби ва ҳисоботини юритиш марказлари амалдаги молиялаштириш тартиби ва моддий-техника базасини сақлаб қолган ҳолда «Soliq-servis» АЖ тасарруфига ўтказилади;
(б) 2026 йил 1 августдан бошлаб солиқ органларининг мижозларга йўналтирилганлик индекси жорий этилади. Бунда солиқ тўловчилар томонидан:
(i) солиқ хизматларидан фойдаланиш имконияти ва қулайлиги, шунингдек, солиқ органлари томонидан кўрсатиладиган хизматлар сифатини;
(ii) солиқ мажбуриятларини бажариш учун сарфланадиган вақт ҳамда солиқ органларининг солиқ тўловчилар билан ўзаро ҳамкорлиги даражасини баҳолаш имконияти яратилади;
(в) 2027 йил 1 январдан бошлаб:
(i) якуний истеъмолчиларга реализация қилинадиган нефть ва газ маҳсулотлари бўйича акциз солиғи ва норуда қурилиш материаллари бўйича ер қаъридан фойдаланганлик учун солиқ, қишлоқ хўжалиги ерлари учун сув ресурсларидан фойдаланганлик учун солиқ ҳисоботлари проактив тартибда шакллантирилади;
(ii) қишлоқ хўжалигига мўлжалланган ерлар бўйича солиқ ваколатли органларнинг солиқ органларига тақдим этган маълумотлари асосида ҳисоблаб чиқарилади ва солиқ тўловчи томонидан солиқ ҳисоботини тақдим этиш мажбурияти бекор қилинади;
(iii) жисмоний шахсларнинг ипотека кредитларини қоплашга йўналтирилган даромадлари бўйича солиқ имтиёзларини қўллаш идоралараро ахборот тизими маълумотлари асосида проактив тартибда амалга оширилади. Бунда имтиёз қўллаш натижасида юзага келган ортиқча сумма жисмоний шахснинг мурожаатига асосан 10 иш куни ичида қайтарилади.
5. Белгилансинки, қуйидаги солиқ тўловчиларнинг солиқ маъмуриятчилиги, солиқ ҳисобини юритиш ва назорати тегишинча туманлар (шаҳарлар) солиқ инспекцияларида амалга оширилади, бундан йирик солиқ тўловчилар мустасно:
(а) 2026 йил 1 июлдан бошлаб бозорлар ва савдо комплекслари, шунингдек, савдо, умумий овқатланиш, хизмат кўрсатиш ва қишлоқ хўжалиги корхоналари, якка тартибдаги тадбиркорлар ва ўзини ўзи банд қилган шахслар;
(б) 2027 йил 1 январдан бошлаб барча солиқ тўловчилар.
IV. Солиқ хавфларини бошқариш тизимини такомиллаштириш
6. Шундай тартиб ўрнатилсинки, унга мувофиқ:
(а) 2027 йил 1 январдан бошлаб солиқ хавфи даражаси паст бўлган солиқ тўловчиларга ноль даражали солиқ ставкасини қўллаш ва кўчмас мулклар хариди ҳисобидан ҳосил бўлган қўшилган қиймат солиғининг салбий фарқ суммасини қоплаш (қайтариш) 3 кун муддатда автоматлаштирилган тарзда амалга оширилади. Бунда солиқ тўловчиларнинг айрим тоифалари учун қўшилган қиймат солиғи суммаси ўрнини тезлаштирилган тарзда қоплашнинг амалдаги тартиби сақлаб қолинади;
(а) 2026 йил 1 сентябрга қадар солиқ органларининг бизнес жараёнларини хавфларни бошқариш бўйича халқаро стандартларга (ISO 22301 ва ISO 31000) мувофиқлаштирсин;
(б) 2026 йил 1 ноябрга қадар Халқаро валюта жамғармаси, Иқтисодий ҳамкорлик ва тараққиёт ташкилоти тавсиялари ҳамда халқаро стандартларга асосан солиқ тўловчиларнинг солиқ хавфларини олдиндан бартараф этишга қаратилган «Хавфларни тоифалаш (Risk Differentiation Framework)» ва «Хавфларни кўриб чиқиш (Risk Review)» ахборот тизимларини ишлаб чиқсин. Бунда:
(i) 2027 йил 1 январдан бошлаб кимё саноати соҳасида фаолият юритаётган йирик солиқ тўловчиларга нисбатан;
(ii) 2027 йил 1 июлдан бошлаб барча йирик солиқ тўловчиларга нисбатан жорий этилсин.
8. Шундай тартиб ўрнатилсинки, унга мувофиқ 2026 йил 1 июлдан бошлаб давлат улуши 50 фоиз ва ундан юқори бўлган деҳқон бозорлари ва савдо комплекслари балансидаги нотурар жой объектларини ижарага бериш фақат «E-auksion» электрон савдо платформаси орқали амалга оширилади.
V. Йирик солиқ тўловчилар бўйича солиқ маъмуриятчилигини такомиллаштириш
9. 2026 йил 1 июлдан бошлаб солиқ тўловчиларни йирик солиқ тўловчилар тоифасига киритиш мезонлари 2-иловага мувофиқ тасдиқлансин.
10. Белгилансинки:
(а) 2027 йилдан 1 январдан бошлаб аввалги йилнинг 1 июль ҳолатига кетма-кет келадиган охирги ўн икки ойлик давр бўйича Давлат бюджетига тўланган солиқлар, йиғимлар ва давлат божи, шунингдек, солиқ бўлмаган тўловлари ҳажми базавий ҳисоблаш миқдорининг 500 минг бараваридан ортиқ бўлган корхоналар ва тижорат банклари йирик солиқ тўловчилар тоифасига кирувчи ўта йирик солиқ тўловчилар деб эътироф этилади ҳамда уларнинг рўйхати Ўзбекистон Республикаси Президентининг қарори билан тасдиқланади;
(б) ўта йирик солиқ тўловчиларнинг солиқ маъмуриятчилиги йирик солиқ тўловчилар учун белгиланган тартибда амалга оширилади.
11. Иқтисодиёт ва молия вазирлиги 2026 йил 15 июлга қадар Йирик солиқ тўловчилар бўйича ҳудудлараро солиқ инспекцияси ва ҳудудий солиқ органлари маъмуриятчилигидаги корхоналар рўйхатининг ўзгариши муносабати билан 2026 йил учун Давлат бюджети даромадларининг прогноз кўрсаткичларини уларга белгиланган тартибда тегишли ўзгартиришларни киритган ҳолда қайта тасдиқласин. Прогноз кўрсаткичларини қайта тасдиқлашда солиқ тўловчилар кесимида даромадлар режасини ишлаб чиқиш учун фойдаланилган чораклик кўрсаткичларга ўзгартириш киритишга йўл қўйилмайди.
12. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ушбу Фармоннинг 11-бандига мувофиқ тасдиқланган прогноз кўрсаткичларидан келиб чиқиб, уч иш куни ичида туман (шаҳар) прогноз кўрсаткичларини қайта тасдиқласин.
VI. Солиқ органларида кадрлар салоҳиятини ошириш ва ходимларни ижтимоий қўллаб-қувватлаш
13. Белгилансинки:
(а) 2026/2027 ўқув йилидан бошлаб бакалавриат таълим йўналишлари ва магистратура мутахассисликларида кадрлар тайёрлаш, шунингдек, қайта тайёрлаш ва малакасини ошириш мақсадида Солиқ қўмитаси ҳузурида Солиқ олий мактаби ҳамда унинг таркибида юридик шахс мақомига эга бўлмаган Малака ошириш ва компетенцияларни ривожлантириш маркази ҳамда Солиққа оид тадқиқотлар маркази ташкил этилади;
(б) Олий таълим, фан ва инновациялар вазирлиги балансида бўлган Тошкент шаҳри Кичик ҳалқа йўли кўчаси 3 ва 3а-уй манзилларидаги бино ва иншоотлар оператив бошқарув ҳуқуқи асосида Солиқ олий мактабига бепул ўтказиб берилади. Бунда Туркий давлатлар халқаро университети томонидан ушбу бино ва иншоотлардан текин фойдаланиш ҳуқуқи сақлаб қолинади;
(в) 2026 йил 1 июндан бошлаб:
(i) 3-иловага мувофиқ халқаро малака даражалари ва (ёки) сертификатларига эга бўлган барча даражадаги солиқ хизмати ходимларига ҳар ойлик иш ҳақига қўшимча равишда лавозим маошининг 100 фоизи миқдорида устама ҳақи тўланади. Бунда ушбу устама ҳақи тўловлари Солиқ қўмитасининг Моддий ёрдам, ижтимоий ҳимоя, солиқ органларини ривожлантириш ва кўзда тутилмаган харажатлар махсус жамғармаси (кейинги ўринларда — Махсус жамғарма) маблағлари ҳисобидан амалга оширилади;
(ii) солиқ хизмати ходимларига кўп йил ишлаганлик учун тўланадиган ҳар ойлик устама миқдори 4-иловага мувофиқ 150 фоизгача оширилади;
(г) солиқларни тўлаш муддатини бузганлик учун пенялар, шу жумладан, давлат солиқ хизмати органлари томонидан ўтказилган текширувлар натижасида қўшимча ундирилган суммалар бўйича пенялар ҳамда солиқ қонунчилигини бузганлик учун қўлланган молиявий жазо чоралари суммаларининг Махсус жамғармани шакллантиришга йўналтириладиган қисми 40 фоиз этиб белгиланади;
(д) 2027 йил 1 январдан бошлаб солиқ соҳасида алоҳида ташаббус кўрсатган, солиқ тизими ривожига ҳисса қўшган шахсларни рағбатлантириш мақсадида «Солиқ хизмати фидойиси» кўкрак нишони таъсис этилади.
14. Солиқ қўмитаси:
(а) икки ой муддатда Иқтисодиёт ва молия вазирлиги ҳамда Олий таълим, фан ва инновациялар вазирлиги билан биргаликда Солиқ олий мактаби фаолиятини йўлга қўйиш, солиқ соҳасида таълим, илм-фан ва амалиётни ўзаро интеграцияловчи кадрлар тайёрлаш тизимини жорий этиш юзасидан норматив-ҳуқуқий ҳужжат лойиҳасини Вазирлар Маҳкамасига киритсин;
(б) Бошқарув самарадорлиги агентлиги билан биргаликда 2027 йил 1 январга қадар инсон ресурсларини ривожлантириш ва бошқаришда меритократия тамойилига асосланган Инсон ресурслари салоҳиятини ошириш (HR Capacity Development) стратегиясини ишлаб чиқиб, тасдиқласин.
15. Солиқ қўмитасининг ташкилий тузилмаси 5-иловага мувофиқ тасдиқлансин. Бунда Солиқ қўмитасининг ташкилий тузилмасига киритилган ташкилотлар давлат мулки бўлган бино ва иншоотларга текин фойдаланиш ҳуқуқи асосида жойлаштирилади.
VII. Фармон ижросини ташкил этиш, таъминлаш ва назорат
16. Мазкур Фармонда назарда тутилган солиқ маъмуриятчилигини такомиллаштиришда янги инструментларни жорий этиш билан боғлиқ дастурий маҳсулотларни ишлаб чиқиш ва техник имкониятларни яратиш харажатлари Солиқ қўмитасининг Махсус жамғармаси маблағлари ҳисобидан молиялаштирилади.
17. Ўзбекистон Республикаси Президентининг айрим ҳужжатларига 6-иловага мувофиқ ўзгартириш ва қўшимчалар киритилсин.
18. Солиқ қўмитаси икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.
19. Мазкур Фармоннинг ижросини самарали ташкил қилишга масъул ва шахсан жавобгар этиб Солиқ қўмитаси раиси Ф.Ж. Пулатов белгилансин.
20. Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2026 йил 19 май,
ПФ-95-сон
Ўзбекистон Республикаси Президентининг 2026 йил 19 майдаги ПФ-95-сон Фармонига 1-ИЛОВА
2026 — 2030 йилларда солиқ маъмуриятчилиги ва солиқ органлари фаолиятини ривожлантириш бўйича
«ЙЎЛ ХАРИТАСИ»
Т/р
Чора-тадбирлар номи
Амалга ошириш механизми
Амалга ошириш шакли
Ижро муддати
Масъул ижрочилар
I. Солиқ тўловчиларга хизмат кўрсатишда замонавий ёндашувларни жорий этиш
2. Солиқ тўловчиларни рўйхатга олиш маълумотлар базасида солиқ маъмуриятчилигидаги асосий ўлчовлар (фаолият тури, фаолият жойи, алоқа маълумотлари, фаоллик ҳолати ва бошқалар) тўғрисидаги маълумотларни баҳолашдан ўтказиш, бошқарув ёки ички аудит ҳисоботларини тайёрлаш.
Амалий чора-тадбирлар
Ҳар чоракда
Солиқ қўмитаси
4.
Солиққа оид ҳуқуқбузарликлар ва ҳуқуқбузарларга қўлланган чоралар юзасидан турли вазиятларга доир солиқ қўлланмаларини ишлаб чиқиш.
Солиқ тўловчиларда энг кўп аниқланган солиққа оид ҳуқуқбузарликлар ва ҳуқуқбузарларга қўлланган чоралар юзасидан турли вазиятларга доир солиқ қўлланмаларини ишлаб чиқиш, статистик-таҳлилий маълумотлар, мавжуд хавф-хатарлар ҳамда солиқ маъмуриятчилигидаги камчиликларни расмий саҳифаларда эълон қилиб бориш.
1. Жисмоний шахсларнинг ипотека кредитлари ва уларни қоплашга доир маълумотларни олиш юзасидан идоралараро ахборот алмашинувини йўлга қўйиш.
Амалий чора-тадбирлар
2026 йил октябрь
Солиқ қўмитаси,
Марказий банк,
Адлия вазирлиги,
манфаатдор вазирлик ва идоралар
2. Жисмоний шахсларнинг ипотека кредитларини қоплашга йўналтирилган даромадлари бўйича солиқ имтиёзларини қўллашни идоралараро ахборот тизими маълумотлари асосида проактив тартибда амалга ошириш тартибини ишлаб чиқиш.
Норматив-ҳуқуқий ҳужжат лойиҳаси
2026 йил август
6.
Қўшилган қиймат солиғини юридик шахснинг ҳар бир алоҳида бўлинмаси жойлашган жой бўйича бюджетга тўлаш тартибини жорий этиш.
Қурилиш корхоналари томонидан солиқ бўйича ҳисобга қўйилган жойдан бошқа жойда бажарилган ишлар бўйича қўшилган қиймат солиғини ушбу корхонанинг алоҳида бўлинмаси жойлашган жой бўйича тўлаш тартибини жорий этиш юзасидан Ўзбекистон Республикаси Президенти Администрациясига таклиф киритиш.
Амалий чора-тадбирлар
2026 йил июнь
Иқтисодиёт ва молия вазирлиги,
Солиқ қўмитаси
7.
«Soliq-servis» АЖ томонидан фермер хўжаликларининг бухгалтерия ҳисобини юритиш тартибини жорий этиш.
«Soliq-servis» АЖ томонидан фермер хўжаликларига бухгалтерия ҳисоби ва ҳисоботини юритиш хизматларини кўрсатиш тартибини белгилаш, бунда фермер хўжалигининг банк ҳисобварағидаги пул маблағлари фермер хўжалиги раҳбари томонидан бошқарилишини назарда тутиш.
Идоравий ҳужжат лойиҳаси
2026 йил июль
Солиқ қўмитаси,
Иқтисодиёт ва молия вазирлиги
8.
Заргарлик буюмларини ишлаб чиқариш ёки уларни чакана сотиш фаолияти билан шуғулланувчи тадбиркорлик субъектларини молиявий қўллаб-қувватлаш.
Заргарлик буюмларини ишлаб чиқариш ёки уларни чакана сотиш фаолияти билан шуғулланувчи тадбиркорлик субъектларига қўшилган қиймат солиғининг бир қисмини қайтаришда 2026 йилнинг январь-февраль ойлари учун тақдим этилган солиқ ҳисоботига мувофиқ ҳисобланган солиқ суммаси 2026 йил 25 майга қадар тўлиқ тўланганда, ушбу даврлар учун солиқни қайтариб бериш.
Амалий чора-тадбирлар
2026 йил 1 июнь
Солиқ қўмитаси,
Иқтисодиёт ва молия вазирлиги
II. Солиқ хатарларини бошқаришда «Compliance risk management» (СRM) тизимини янада такомиллаштириш ва тадбиркорлик субъектлари ўртасида соғлом рақобат муҳитини шакллантириш
Солиқ хатарларини бошқаришда «Compliance risk management» (CRM) тизимини такомиллаштириб бориш.
1. Хавфларни баҳолаш методологияларини такомиллаштириш, маълумотларни таҳлил қилиш имкониятларини яхшилаш ва юқори даражадаги хавфларни бартараф этиш бўйича йиллик режани тасдиқлаш.
Амалий чора-тадбирлар
Ҳар йили декабрь
Солиқ қўмитаси
2. Халқаро экспертлар ва мутахассисларни жалб қилган ҳолда солиқ маъмуриятчилиги хавфларини бошқариш тизими бўйича таклиф ва хулосаларни олиш.
2027 йил март
3. Солиқ текширувларини ўтказувчи ходимлар малакасини ошириб бориш ҳамда солиқ аудитини ўтказувчи юқори малакали ходимлар сонини босқичма-босқич 2000 тагача етказиш.
Режа-жадвал
2026 — 2030 йиллар
10.
Тадбиркорлик фаолиятини давлат рўйхатидан ўтмасдан амалга ошириш ҳолатларининг олдини олиш.
Солиқ органлари ходимлари томонидан ўз хизмат вазифаларини бажариш жараёнида тадбиркорлик фаолиятини давлат рўйхатидан ўтмасдан амалга ошириш ҳолатлари аниқланганда сайёр солиқ текширувини ўтказишга асос бўлишини белгилаш.
Қарз (молиявий ёрдам) ва омборда омонат сақлаш шартномаларини солиқ органларида электрон тарзда ҳисобга қўйиш тартибини белгилаш.
Норматив-ҳуқуқий ҳужжат лойиҳаси
2026 йил сентябрь
Солиқ қўмитаси,
Адлия вазирлиги
12.
Хавфларни автоматлаштирилган таҳлил қилиш модулини баҳолаш.
1. Хавфларни автоматлаштирилган таҳлил қилиш модули самарадорлигини баҳолаш асосида солиқ тўловчиларнинг хатти-ҳаракатларини башорат қилиш ва солиқ маъмуриятчилигидаги хавфларни аниқлашни таъминлаш.
Амалий чора-тадбирлар
2026 йил октябрь
Солиқ қўмитаси
2. «Солиқ хавфини аниқлаш, таҳлил қилиш ва баҳолаш» автоматлаштирилган дастурини (CRM) Халқаро валюта жамғармаси (IMF) ҳамда Иқтисодий ҳамкорлик ва тараққиёт ташкилоти (OECD) экспертларини жалб этган ҳолда мустақил ташқи экспертизадан ўтказиш.
2026 йил декабрь
3. Экспертиза хулосаси асосида ушбу дастурни такомиллаштириш.
2027 йил март
13.
Солиқ маъмуриятчилигини яхшилашга қаратилган кенг қамровли режалар (Compliance Improvement Plan) ишлаб чиқиш.
Яширин иқтисодиёт улушини қисқартириш ва унга қарши курашиш, бизнесни соядан чиқаришга қаратилган кенг қамровли режаларни ишлаб чиқиш.
Амалий чора-тадбирлар
2026 йил июль
Солиқ қўмитаси
14.
Солиқ бўшлиқларини аниқлаш (Revenue Administration Gap) тизимини жорий этиш.
1. Замонавий таҳлилий усуллардан фойдаланган ҳолда солиқдан қочиш усулларини ҳар томонлама баҳолашни амалга ошириш учун солиқ бўшлиқларини аниқлаш дастурини амалга ошириш.
Амалий чора-тадбирлар
2028 йил январь
Солиқ қўмитаси
2. Солиқдан қочиш механизмларини ва тушум йўқотишларини аниқлаш учун таҳлилий маълумотлардан фойдаланадиган солиқ бўшлиғини ўрганиш дастурини (пастдан юқорига) жорий этиш.
2029 йил январь
15.
Солиқ аудитини ўтказиш тартибини такомиллаштириш.
1. Солиқ аудити миллий режасини ишлаб чиқиш ва тасдиқлаш.
Амалий чора-тадбирлар
Ҳар йили декабрь
Солиқ қўмитаси
2. Солиқ аудитини ўтказиш билан боғлиқ маълумотлар базаси тўлиқлиги ва ҳаққонийлигини таъминлаш орқали натижадорлигини ошириш.
Ҳар чоракда
3. Соҳалар, ҳудудлар ҳамда солиқ турлари кесимида юқори хавфларни ва бюджетга потенциал тўланиши лозим бўлган солиқ суммасини аниқлаш, солиқ назорати тадбирлари натижадорлигини ошириш ҳамда хавфларни пасайтиришга қаратилган аниқ чора-тадбирларни белгилаш.
Ҳар чоракда
4. Тасодифий аудит ҳолатларини танлаш услубиётини ишлаб чиқиш, аниқ мезонлар ва тартибларни белгилаш.
Ички идоравий ҳужжат
2026 йил август
5. Солиқ аудити жараёнларини рақамлаштириш.
Амалий чора-тадбирлар
2027 йил январь
16.
Солиқ маъмуриятчилигида сунъий интеллект технологияларини жорий этиш масалалари бўйича давлат-хусусий шерикликни кенгайтириш.
Давлат-хусусий шериклик шартномалари асосида солиқ хавфи юқори бўлган соҳаларда солиқ базасини яшириш ҳолатларини автоматик равишда аниқлашни таъминлайдиган сунъий интеллект технологияларига асосланган ахборот тизимларини ишлаб чиқиш.
Амалий чора-тадбирлар
2026 йил июль
Солиқ қўмитаси
17.
Реализация қилинган товарлар (хизматлар) учун тўловларни жисмоний шахснинг банк карталарига қабул қилиш орқали солиқ базасини яшириш ҳолатларининг олдини олиш.
Жисмоний шахсдан бошқа жисмоний шахснинг банк карталарига (бундан яқин қариндошлар мустасно) календарь ой давомида базавий ҳисоблаш миқдорининг беш юз бараварига тенг ёки ундан ошадиган умумий суммада маблағлар бир ёки бир нечта банк карталаридан ёхуд электрон ҳамёнлардан келиб тушганда солиқ органларига маълумот тақдим этиш тартибини ишлаб чиқиш. Бунда маблағларни қабул қилиб олган жисмоний шахслар томонидан жами йиллик даромадлар тўғрисидаги декларацияни мажбурий тарзда тақдим этиш тартибини белгилаш.
1. Солиқ хавфи даражаси паст бўлган солиқ тўловчиларга ноль даражали солиқ ставкасини қўллаш ва кўчмас мулклар хариди ҳисобидан ҳосил бўлган қўшилган қиймат солиғининг салбий фарқ суммасини 3 кун муддатда автоматлаштирилган тарзда қоплаш (қайтариш) тартибини жорий қилиш.
Норматив-ҳуқуқий ҳужжат лойиҳаси
2026 йил август
Солиқ қўмитаси,
Иқтисодиёт ва молия вазирлиги
2. Қўшилган қиймат солиғининг салбий фарқ суммасини қоплаш (қайтариш) тартибини тўлиқ автоматлаштириш юзасидан Вазирлар Маҳкамасига таклиф киритиш.
Амалий чора-тадбирлар
2027 йил июнь
III. Рақамлаштириш ва инновацион ечимлар орқали самарадорликни ошириш ҳамда солиқ тўловчиларга молиявий ва маъмурий юкни камайтириш
19.
Маълумотларни бошқариш ва хавфсизликни кучайтириш бўйича Солиқ қўмитаси ходимларининг малакасини ошириш.
Маълумотларнинг ишончли муҳофазасини таъминлаш (шифрлаш ва кўп омилли аутентификация усулларини жорий этиш), киберхавфсизликка доир мунтазам аудит текширувларини амалга ошириш, хавфсизлик қоидаларига қатъий риоя этиш ҳамда Солиқ қўмитаси ахборот хавфсизлиги ходимлари учун инновацион ечимларни ўрганишга қаратилган ўқув тренингларни ташкил этиш.
Амалий чора-тадбирлар
2026 йил август
Солиқ қўмитаси,
Рақамли технологиялар вазирлиги
20.
Солиқ органларининг ягона интеграциялашган ахборот-ресурс базасида йирик ҳажмдаги маълумотлар билан ишлаш жараёнларини такомиллаштириш.
1. Маълумотлар базасини босқичма-босқич транзакцион ва таҳлилий (аналитик) қисмларга ажратиш ҳамда солиқ мажбуриятларини бажариш билан боғлиқ маълумотларни вазирлик ва идоралардан электрон тарзда тўғридан-тўғри олишни йўлга қўйиш.
Амалий чора-тадбирлар
2026 йил ноябрь
Солиқ қўмитаси,
Рақамли технологиялар вазирлиги,
манфаатдор вазирлик ва идоралар
2. Маълумотларни манбаларга қараб тоифалаш ҳамда улардан самарали фойдаланиш имкониятини таъминлаш.
2027 йил март
3. Йирик ҳажмдаги маълумотларни таҳлил қилиш имкониятларини жорий этиш.
2028 йил апрель
21.
Солиқ маъмуриятчилигини яхшилашга қаратилган кенг қамровли режалар (Compliance Improvement Plan) ишлаб чиқиш.
Солиқ тизимининг самарадорлигини ошириш, бюджет тушумларини барқарор таъминлаш ҳамда тадбиркорлик субъектлари учун қулай ва шаффоф муҳит яратиш имкониятига эга бўлган солиқ маъмуриятчилигини яхшилашга қаратилган кенг қамровли режаларни ишлаб чиқиш.
Амалий чора-тадбирлар
2027 йил январь
Солиқ қўмитаси,
Иқтисодиёт ва молия вазирлиги,
Иқтисодий жиноятларга қарши курашиш департаменти
22.
Солиқ органларининг маълумотлар базасини такомиллаштириш ва оптималлаштириш.
1. Солиқ органлари маълумотлар базасини фаолият йўналишларига кўра босқичма-босқич OLTP (онлайн транзакцияларни қайта ишлаш) ва OLAP (онлайн аналитик ишлов бериш) тизимларига ажратиш.
Амалий чора-тадбирлар
2028 йил сентябрь
Солиқ қўмитаси,
Рақамли технологиялар вазирлиги
2. Таҳлилий маълумотлар тайёрлаш ва қайта ишлашни тезлаштириш орқали солиқ базасини кенгайтириш.
2029 йил январь
23.
Электр энергияси абонентларининг кадастр ҳужжатлари ва шахсий ҳисобрақамларини реал вақт режимида ўзаро мувофиқлаштириб бориш.
Электр энергияси маълумотлар базасини кадастр органлари маълумотлар базаси билан мувофиқлаштириш.
Амалий чора-тадбирлар
2026 йил октябрь
Энергетика вазирлиги,
Кадастр агентлиги,
Солиқ қўмитаси
24.
Солиқсиз тушумлар устидан назоратни ташкил этиш ва уларнинг аниқ ҳисоби юритилишини таъминлаш.
1. Ваколатли давлат органи ва ташкилотлар томонидан ундириладиган солиқсиз тушумлар ва мажбурий тўловлар бўйича солиқ органларига ҳисобот топшириш тартибини жорий этиш.
Норматив-ҳуқуқий ҳужжат лойиҳаси
2026 йил декабрь
Солиқ қўмитаси,
Адлия вазирлиги,
Иқтисодиёт ва молия вазирлиги
2. Солиқ қўмитасида умумий штат бирликлари доирасида солиқсиз тушумлар ва мажбурий тўловларни назорат қилиш бўйича алоҳида таркибий тузилма ташкил қилиш.
Амалий чора-тадбирлар
Бир ой муддатда
Солиқ қўмитаси
IV. Кадрлар сиёсатини ишлаб чиқиш ва жорий этиш, инклюзивлик ва креатив фикрлаш тизимини жорий этиш, операцион хавфларни бартараф этиш ҳамда ходимларнинг компетенцияси ва иш самарадорлигини ошириш
25.
Солиқ органлари учун махсус формали кийим-бош жорий қилиш.
Солиқ идоралари мансабдор шахслари учун янги формали кийим-бош ва фарқловчи белгиларни жорий этиш тўғрисида қарор лойиҳасини Вазирлар Маҳкамасига киритиш.
Норматив-ҳуқуқий ҳужжат лойиҳаси
2026 йил июль
Солиқ қўмитаси,
Иқтисодиёт ва молия вазирлиги
26.
Солиқ соҳасида алоҳида ташаббус кўрсатган солиқ идоралари ходимларини рағбатлантириш мақсадида «Солиқ хизмати фидойиси» кўкрак нишонини таъсис этиш.
1. Инсон ресурсларини ривожлантириш ва бошқаришда «Инсон ресурслари салоҳиятини ошириш» (HR Capacity Development) ва «Истеъдодларни бошқариш» (Talent Management) дастурларини ишлаб чиқиш.
2. Инсон ресурсларини шакллантиришда режалаштириш ва рекрутинг автоматлаштирилган тизимини ишлаб чиқиш.
3. Натижадорликка йўналтирилган «ROWE» тизими тамойили асосида ишлайдиган ҳамда KPI асосида баҳолаш имкониятига эга бўлган «Assessment» маркази фаолиятини йўлга қўйиш.
Амалий чора -тадбирлар
2026 йил июль
Солиқ қўмитаси,
Бошқарув самарадорлиги агентлиги
4. Олий ўқув юртларининг 4-курс талабалари ўртасида танлов ўтказиб, иқтидорли талабаларнинг тўлов контрактларини солиқ органларининг бюджетдан ташқари жамғармаси маблағлари ҳисобидан тўлаш ва солиқ органларига ишга жалб қилиш механизмини яратиш.
Идоравий ҳужжат
Доимий
28.
Коррупцияга қарши қонунчилик талаблари асосида норматив-ҳуқуқий базани қайта кўриб чиқиш.
Коррупцияга қарши қонун ҳужжатлари талабларига мувофиқ солиқ қонунчилигини тартибга солиш соҳасидаги норматив-ҳуқуқий ҳужжатларни уларда мавжуд коррупцион хавфларни бартараф этиш нуқтаи назаридан кўриб чиққан ҳолда такомиллаштириб бориш.
Таҳлилий маълумотнома
2026 йил июль
Солиқ қўмитаси,
Бош прокуратура,
Адлия вазирлиги
29.
Солиқ хизмати органларида мавжуд коррупциявий хавф-хатарларни минималлаштириш чораларини кўриш ҳамда ишчанлик муҳитини яхшилаш.
1. Солиқ хизмати органлари ходимлари ўртасида коррупцион ҳолатларнинг олди олинганлиги бўйича баҳолаш механизмини йўлга қўйиш.
Амалий чора-тадбирлар
2026 йил июль
Солиқ қўмитаси
2. Солиқ тўловчилар ва фуқароларга хизмат кўрсатишда учраётган маиший коррупция ҳамда тадбиркорлик фаолиятини юритишга тўсиқ бўлаётган бюрократик тўсиқлар рўйхатини ишлаб чиқиш орқали инсон омилини камайтириш ва соҳани рақамлаштириш ишларини олиб бориш.
Амалий чора-тадбирлар
Доимий
3. Солиқ органларининг мавжуд функцияларини амалга ошириш жараёнларини автоматлаштириб бориш.
Амалий чора-тадбирлар
Доимий
Ўзбекистон Республикаси Президентининг 2026 йил 19 майдаги ПФ-95-сон Фармонига 2-ИЛОВА
Солиқ тўловчиларни йирик солиқ тўловчилар тоифасига киритиш
МЕЗОНЛАРИ
1. Қуйидагилар йирик солиқ тўловчилар тоифасига киритилади:
(а) Давлат бюджетига тўланадиган солиқлар, йиғимлар ва давлат божи, шунингдек, солиқ бўлмаган тўловлар ҳажмидан қатъи назар:
(i) тижорат банклари, суғурта ташкилотлари, товар-хомашё, валюта ва фонд биржалари, тамаки маҳсулотларини ишлаб чиқарувчилар, мобил алоқа хизматларини кўрсатувчи юридик шахслар;
(ii) «Навоий кон-металлургия комбинати» АЖ, «Олмалиқ КМК» АЖ, «Ўзбекистон темир йўллари» АЖ, «Ўзкимёсаноат» АЖ, «Ўзбекистон металлургия комбинати» АЖ, «Ўзавтосаноат» АК ҳамда уларнинг таъсисчилигидаги ташкилотлар;
(iii) Ўзбекистон Республикасининг ҳаво бўшлиғидан йўловчиларни ташиш мақсадларида фойдаланувчи, халқаро ҳаво алоқаларини амалга оширувчи ва уларнинг таркибига кирувчи юридик шахслар;
(iv) Ўзбекистон Республикаси ҳудуди реализация қилиш жойи деб эътироф этиладиган электрон шаклдаги хизматларни кўрсатувчи чет эл юридик шахслари;
(v) маҳсулот тақсимотига оид битим бўйича ишларни бажаришда иштирок этаётган ташкилотлар;
(vi) углеводород хомашёси ва минерал ресурсларни қазиб олувчи, қайта ишловчи, етказиб берувчи ва сотувчи ҳамда электр энергиясини ишлаб чиқарувчи ва етказиб берувчи юридик шахслар (бундан автомобилларга ёнилғи қуйиш шохобчалари, электромобилларни қувватлантириш станциялари ва фаолият юритаётганига 2 йилдан кўп бўлмаган юридик шахслар мустасно), шунингдек, уларга товар (хизмат) етказиб берувчи чет эл юридик шахсларининг Ўзбекистон Республикасидаги доимий муассасалари (бўлинмалари);
(vii) бир вақтнинг ўзида йирик солиқ тўловчилар тоифасига киритилган юридик шахслар томонидан устав фондида (устав капиталида) 20 фоиз миқдорида ва ундан ортиқ улуш билан янги ташкил этилган ҳамда ўзаро ҳисобварақ-фактураларни расмийлаштирган юридик шахслар, бундан нодавлат нотижорат ташкилотлар ва айланмадан олинадиган солиқни тўловчи корхоналар мустасно;
(б) бир вақтнинг ўзида Давлат бюджетига тўланган солиқлар, йиғимлар ва давлат божи, шунингдек, солиқ бўлмаган тўловлари ҳажми базавий ҳисоблаш миқдорининг икки юз қирқ минг бараваридан ва доимий ишчилар сони юз нафардан кам бўлмаган юридик шахслар, бундан пахта-тўқимачилик кластерлари, тўқимачилик маҳсулотлари ишлаб чиқарувчи корхоналар, алкоголь маҳсулотларини ишлаб чиқарувчи ва улгуржи савдоси билан шуғулланувчи корхоналар, цемент ва қурилиш материалларини ишлаб чиқарувчи корхоналар ҳамда улгуржи ва чакана савдо корхоналари мустасно. Бунда:
(i) мазкур юридик шахслар 2026 йилда 1 апрель ҳолатига ҳамда келгуси йилларда 1 июль ҳолатига кетма-кет келадиган охирги ўн икки ойлик давр бўйича солиқ органлари ахборот тизимидаги кўрсаткичларга асосан аниқланади;
(ii) ушбу мезонга тўғри келадиган юридик шахслар ҳар йили 1 январдан Иқтисодиёт ва молия вазирлиги билан келишилган ҳолда Солиқ қўмитаси томонидан йирик солиқ тўловчилар тоифасига ўтказилади.
2. Мазкур илованинг 1-банди «а» кичик бандида назарда тутилган мезонларга тўғри келадиган юридик шахслар ушбу мезонга тўғри келган йилдан кейинги йилнинг 1-санасидан (Ўзбекистон Республикаси ҳудуди реализация қилиш жойи деб эътироф этиладиган электрон шаклдаги хизматларни кўрсатувчи чет эл юридик шахслари солиқ органида ҳисобга қўйилган санадан) эътиборан йирик солиқ тўловчилар тоифасига ўтказилади.
3. Солиқ қўмитаси 2026 йил 1 июлга қадар йирик солиқ тўловчиларнинг рўйхатини қайта шакллантирган ҳолда ўзининг расмий веб-сайтига жойлаштиради, ушбу рўйхат ўзгарган тақдирда, янгилаб борилишини, шунингдек, рўйхатдаги ўзгаришлар бўйича солиқ тўловчиларни бир иш куни ичида солиқ тўловчининг шахсий кабинети орқали хабардор қилишни таъминлайди.
Изоҳ: Солиқ қўмитаси, зарур ҳолларда, Иқтисодиёт ва молия вазирлиги билан келишилган ҳолда ушбу мезонларга ўзгартириш киритиши мумкин.
Ўзбекистон Республикаси Президентининг 2026 йил 19 майдаги ПФ-95-сон Фармонига 3-ИЛОВА
Солиқ хизмати ходимларининг ҳар ойлик иш ҳақига қўшимча устама ҳақи тўланадиган халқаро малака даражалари ва (ёки) сертификатлар
РЎЙХАТИ
1. Сертификатланган ички аудитор (CIA)
2. Бошқарув ҳисоби бўйича халқаро профессионал квалификация (CIMA)
4. «Сертификатланган дипломли бухгалтер (ACCA Membership)» халқаро сертификати ёки барча ACCA имтиҳонларини муваффақиятли тамомлаган ходим (F3 ва ундан юқори)
5. Халқаро молиявий ҳисобот бўйича диплом (DipIFR) сертификати
6. «Молиявий риск менежери (FRM)» таваккалчиликни бошқаришга оид халқаро сертификати ёки барча (Part I — Part II) FRM имтиҳонларидан муваффақиятли ўтган ходим
7. Сертификатланган халқаро профессионал бухгалтер (CIPA)
1. Мазкур рўйхатда келтирилган халқаро малака даражалари ва (ёки) сертификатлар амалда бўлган даврда устама тўланади.
2. Ушбу халқаро малака даражалари ва (ёки) сертификатлардан бир нечтаси мавжуд бўлган тақдирда, биттаси бўйича устама тўланади.
Ўзбекистон Республикаси Президентининг 2026 йил 19 майдаги ПФ-95-сон Фармонига 4-ИЛОВА
Солиқ хизмати ходимларига кўп йил ишлаганлик учун тўланадиган ҳар ойлик устама миқдорлари
Т/р
Иш стажи
Рағбатлантириш коэффициентини инобатга олган ҳолда ҳар ойлик устама миқдорлари
1.
1 йилдан 3 йилгача
30 фоиз
2.
3 йилдан 5 йилгача
60 фоиз
3.
5 йилдан 10 йилгача
80 фоиз
4.
10 йилдан 15 йилгача
100 фоиз
5.
15 йилдан 20 йилгача
120 фоиз
6.
20 йилдан юқори
150 фоиз
Ўзбекистон Республикаси Президентининг 2025 йил 19 майдаги ПФ-95-сон Фармонига 5-ИЛОВА
Ўзбекистон Республикаси Солиқ қўмитасининг
ТАШКИЛИЙ ТУЗИЛМАСИ
Ўзбекистон Республикаси Солиқ қўмитаси
Йирик солиқ тўловчилар бўйича ҳудудлараро солиқ инспекцияси
«Янги технологиялар» илмий-ахборот маркази» АЖ
Рақамли маркировка қоидаларига риоя қилинишини назорат қилиш бўйича ҳудудлараро солиқ инспекцияси
«Солиқ-сервис» АЖ
Солиқ олий мактаби
«Солиқ маълумотларини қайта ишлаш маркази» МЧЖ
Қорақалпоғистон Республикаси, вилоятлар ва Тошкент шаҳри солиқ бошқармалари
«Ғазалкент соғломлаштириш маркази» ДМ
Туман (шаҳар) солиқ инспекциялари
Ўзбекистон Республикаси Президентининг 2026 йил 19 майдаги ПФ-95-сон Фармонига 6-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2023 йил 12 июндаги «Камбағалликни қисқартиришда тадбиркорлик субъектлари билан ўзаро манфаатли ҳамкорлик ўрнатишга қаратилган чора-тадбирлар тўғрисида»ги ПФ-93-сон Фармонида:
(а) 3-банднинг «г» кичик банди «вакил» сўзидан кейин «ҳамда Солиқ қўмитаси» сўзлари билан тўлдирилсин;
Солиқ ва божхона маъмуриятчилигини соддалаштириш йўналишида:
а)
Қўшилган қиймат солиғи суммаси ўрнини қоплаш (қайтариш) ва барча солиқ турлари бўйича мавжуд ортиқча тўлов суммасини қайтариш муддати.
Амалдаги муддат 2 баравар қисқартирилади
1 кун
б)
Божхона назоратини амалга оширишда қўлланиладиган хавфни бошқариш даражаси.
«яшил йўлак»
»;
(ii) 5-позиция чиқариб ташлансин.
2. Ўзбекистон Республикаси Президентининг 2024 йил 19 апрелдаги «Лотереялар ва таваккалчиликка асосланган ўйинларни ташкил этиш ва ўтказишни тартибга солишни такомиллаштириш чора-тадбирлари тўғрисида»ги ПФ-68-сон Фармонида:
«3. 2026 йил 1 июлдан бошлаб уч йил муддатга ҳуқуқий эксперимент тариқасида лотереяларни ташкил этиш, Интернет тармоғидаги ўйинлар ва букмекерлик фаолиятини солиққа тортишнинг қуйидаги тартиблари ўрнатилсин»;
(ii) қуйидаги мазмундаги тўртинчи хатбоши билан тўлдирилсин:
«Агентлик Иқтисодиёт ва молия вазирлиги, Солиқ қўмитаси ҳамда бошқа манфаатдор вазирлик ва идоралар билан биргаликда 2027 йил 1 январга қадар Ўзбекистон Республикасининг Солиқ кодексига лотереяларни ташкил этиш, Интернет тармоғидаги ўйинлар ва букмекерлик фаолиятини солиққа тортиш механизмини белгилашга қаратилган ўзгартириш ва қўшимчалар киритишни назарда тутувчи қонун лойиҳасини Вазирлар Маҳкамасига киритсин»;
(б) 4-банднинг «б» кичик бандидан «Солиқ кодекси,» сўзлари чиқариб ташлансин.
3. Ўзбекистон Республикаси Президентининг 2025 йил 19 августдаги «Ўзбекистон Республикаси Президентининг тадбиркорлар билан V очиқ мулоқотида белгиланган вазифаларни амалга ошириш чора-тадбирлари тўғрисида»ги ПФ-138-сон Фармонининг 14-банди қуйидаги таҳрирда баён этилсин:
«14. Солиқ қўмитаси:
(а) Иқтисодиёт ва молия вазирлиги, тегишли вазирлик ва идоралар ҳамда маҳаллий давлат ҳокимияти органлари билан биргаликда 2026 йил 1 июлдан 2027 йил 1 июлга қадар ҳуқуқий эксперимент доирасида Навоий вилоятида солиқлар бўйича тўловларни амалга ошириш, ортиқча тўлов ва қарздорлик суммаларини ягона ғазначилик ҳисобварағи орқали ўзаро ҳисобга олиш тизимини жорий қилсин;
(б) 2027 йил 1 сентябрга қадар ҳуқуқий эксперимент натижалари асосида ягона ғазначилик ҳисобварағини бошқа ҳудудларда жорий этиш бўйича таклифларни Вазирлар Маҳкамасига киритсин».
4. Ўзбекистон Республикаси Президентининг 2019 йил 10 июлдаги «Солиқ маъмуриятчилигини такомиллаштириш бўйича қўшимча чора-тадбирлар тўғрисида»ги ПҚ-4389-сон қарорига 1-илованинг 4-бобида:
(д) 5-банднинг биринчи хатбошисидаги «Давлат солиқ қўмитаси» сўзлари «Солиқ қўмитаси» сўзлари билан алмаштирилсин.
6. Ўзбекистон Республикаси Президентининг 2021 йил 4 июндаги «Кўчма савдо фаолиятига ахборот технологияларини жорий этиш ва савдо автомати орқали чакана савдо фаолияти билан шуғулланувчи тадбиркорлик субъектларини қўллаб-қувватлаш чора-тадбирлари тўғрисида»ги ПҚ-5136-сон қарорининг 2-банди учинчи хатбошиси «36 ой муддатга» сўзларидан кейин «, Қорақалпоғистон Республикасида эса 60 ой муддатга» сўзлари билан тўлдирилсин.
7. Ўзбекистон Республикаси Президентининг 2021 йил 29 июндаги «Давлат органлари ва ташкилотларига юридик хизмат кўрсатиш фаолиятини янада такомиллаштириш чора-тадбирлари тўғрисида»ги ПҚ-5168-сон қарори 6-бандининг иккинчи хатбошиси «бундан маъмурий жавобгарлик ва маъмурий суд ишларини юритиш тўғрисидаги,» сўзларидан кейин «солиқ текширувига оид,» сўзлари билан тўлдирилсин.
8. Ўзбекистон Республикаси Президентининг 2021 йил 4 октябрдаги «Чакана савдо ва хизмат кўрсатиш соҳасида назорат-касса техникасидан фойдаланишни такомиллаштиришга доир қўшимча чора-тадбирлар тўғрисида»ги ПҚ-5252-сон қарори 1-бандининг «а» кичик банди иккинчи хатбошиси қуйидаги таҳрирда баён этилсин:
«чакана савдо, умумий овқатланиш ва аҳолига маиший хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида харид чекининг фискал белгисини матрицали штрих код (QR-код) ёрдамида сканерлаш орқали рўйхатдан ўтказган жисмоний шахсларнинг банк карталарига ой якуни билан харид суммасининг базавий ҳисоблаш миқдорининг 60 бараваридан ошмаган қисмидан 1 фоизи республика бюджетидан қайтарилади, бундан автомобиль сотиб олганлик учун, темир йўл ва авиа чипта хариди, коммунал ва алоқа хизмати учун тўлов ҳамда ўзини-ўзи банд қилган шахслар ва якка тартибдаги тадбиркорлар томонидан рақамли платформаларда генерация қилинган махсус QR код орқали берилган харид чеклари мустасно».
9. Ўзбекистон Республикаси Президентининг 2022 йил 7 декабрдаги «Ер ости сув ресурсларини муҳофаза қилиш ва улардан оқилона фойдаланишни тартибга солиш бўйича қўшимча чора-тадбирлар тўғрисида»ги ПҚ-439-сон қарорининг 7-банди қуйидаги таҳрирда баён этилсин:
«7. Тоғ-кон саноати ва геология вазирлиги:
ер ости сувларидан фойдаланувчилар томонидан сув олиш иншоотларида ўрнатилган сувни ҳисобга олиш воситалари пломбаланиши, рўйхатга олиниши ва ишчи ҳолатининг мониторингини таъминлаб борсин;
Солиқ қўмитаси билан биргаликда ер ости сувларидан фойдаланувчилар томонидан сувни ҳисобга олиш воситаларисиз сув олинганида солиқ тўловини белгиланган солиқ ставкасининг беш баравари миқдорида ундириш чораларини кўрсин».
10. Ўзбекистон Республикаси Президентининг 2024 йил 23 январдаги «Тадбиркорлик субъектларининг барқарорлик рейтингини жорий этиш чора-тадбирлари тўғрисида»ги ПҚ-39-сон қарори 4-бандининг «а» кичик банди қуйидаги мазмундаги жумла билан тўлдирилсин:
«Мазкур тартиб тадбиркорлик субъектини қайта ташкил этиш натижасида ҳуқуқий ворисда ҳосил бўлган қўшилган қиймат солиғининг салбий фарқ суммасига нисбатан татбиқ этилмайди».
11. Ўзбекистон Республикаси Президентининг 2026 йил 13 мартдаги «Қашқадарё вилоятини ижтимоий-иқтисодий ривожлантиришга қаратилган чора-тадбирларни янада жадаллаштириш тўғрисида»ги ПҚ-96-сон қарорига 1-илованинг 10-позицияси «Амалга ошириш механизми» устуни 2-бандидаги «бюджет олдидаги» сўзлари «солиқ» сўзи билан алмаштирилсин.
(Қонунчилик маълумотлари миллий базаси, 20.05.2026 й., 06/26/95/0508-сон)
