Ҳужжат кучини йўқотган " " 01.07.2025

ЎЗБЕКИСТОН РЕСПУБЛИКАСИ ДАВЛАТ МУЛКИ ҚЎМИТАСИ ҲУЗУРИДАГИ ҚИММАТБАҲО ҚОҒОЗЛАР БОЗОРИ ФАОЛИЯТИНИ МУВОФИҚЛАШТИРИШ ВА НАЗОРАТ ҚИЛИШ МАРКАЗИ БОШ ДИРЕКТОРИНИНГ

Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисида низомни тасдиқлаш ҳақида

[Ўзбекистон Республикаси Адлия вазирлиги томонидан 2002 йил 23 апрелда 1131-сон билан давлат рўйхатидан ўтказилган]

LexUZ шарҳи

Мазкур буйруқ Ўзбекистон Республикаси адлия вазирининг 2025 йил 29 мартдаги 7-мҳ-сонли «Айрим идоравий норматив-ҳуқуқий ҳужжатларни Идоравий норматив-ҳуқуқий ҳужжатларнинг давлат реестридан чиқариш тўғрисида»ги буйруғига (рўйхат рақами 3615, 29.03.2025 й.) асосан 2025 йил 1 июлдан давлат реестридан чиқарилади.

Ўзбекистон Республикасининг «Қимматли қоғозлар бозори тўғрисида»ги Қонунига ва Ўзбекистон Республикаси Вазирлар Маҳкамасининг 2019 йил 7 августдаги 650-сон «Ўзбекистон Республикаси Капитал бозорини ривожлантириш агентлиги ва Ўзбекистон Республикаси Капитал бозорини ривожлантириш агентлиги ҳузуридаги Капитал бозорини ривожлантиришга кўмаклашиш жамғармаси тўғрисидаги низомларни тасдиқлаш ҳақида»ги қарорига мувофиқ буюраман:

1. Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Адлия вазирлигида давлат рўйхатидан ўтказилгандан кейин бир ой ўтгач кучга киртилсин.

3. Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази томонидан 1998 йил 4 апрелдаги 05-1-18/296-сон билан тасдиқланган Қимматли қоғозлар тўғрисидаги қонун ҳужжатларини бузганлик учун санкцияларни расмийлаштириш ва қўллаш тартиби тўғрисидаги низом (рўйхат рақами 439-сон 1998 йил 22 май), шунингдек Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиш маркази томонидан 2001 йил 4 июндаги 2001-5-сон билан тасдиқланган «Қимматли қоғозлар тўғрисидаги қонун ҳужжатларини бузганлик учун санкцияларни расмийлаштириш ва қўллаш тартиби ҳақидаги низомга ўзгартириш ва қўшимчалар киритиш тўғрисидаги буйруқ (рўйхат рақами 439-1-сон, 2001 йил 16 июнь) ўз кучини юқотган деб ҳисоблансин.

Бош директор М.С. ЮНУСМАТОВ

Тошкент ш.,

2002 йил 13 март,

2002-04-сон

Ўзбекистон Республикаси Давлат мулки қўмитаси ҳузуридаги Қимматли қоғозлар бозори фаолиятини мувофиқлаштириш ва назорат қилиши маркази бош директорининг 2002 йил 13 мартдаги 2002-04-сон буйруғи билан

ТАСДИҚЛАГАН

Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисидаги низомни тасдиқлаш ҳақидаги

НИЗОМ

Мазкур Низом Ўзбекистон Республикасининг «Қимматли қоғозлар бозори тўғрисида»ги ва «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунлари, шунингдек Ўзбекистон Республикаси бошқа норматив ҳуқуқий ҳужжатлари талабларини бузганлиги учун ишларни кўриб чиқиш ва санкцияларни қўллаш тартибини белгилайди (бундан буён матнда — қимматли қоғозлар бозори тўғрисидаги қонунчилик ҳужжатлари деб юритилади).

(муқаддима Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

I. УМУМИЙ ҚОИДАЛАР

1. Қимматли қоғозлар бозори тўғрисидаги қонунчилик ҳужжатларини бузган қимматли қоғозлар бозори иштирокчиларига қўлланилади:

(1-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Ўзбекистон Республикаси «Қимматли қоғозлар бозори тўғрисида»ги Қонунининг 56-моддасида ва Ўзбекистон Республикаси Вазирлар Маҳкамасининг 2019 йил 7 августдаги 650-сон қарори билан тасдиқланган Ўзбекистон Республикаси Капитал бозорини ривожлантириш агентлиги тўғрисидаги низомда назарда тутилган санкциялар.

Қимматли қоғозлар бозори тўғрисидаги қонунчилик ҳужжатларини бузган қимматли қоғозлар бозори иштирокчиларининг мансабдор шахсларига Ўзбекистон Республикаси Маъмурий жавобгарлик тўғрисидаги Кодексининг 174¹-моддасида назарда тутилган маъмурий жазо қўлланилади.

(1-банднинг учинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

2. Ўзбекистон Республикаси Капитал бозорини ривожлантириш агентлиги (бундан буён матнда Агентлик деб юритилади) ва унинг ҳудудий органлари ишларни кўриб чиқиш ва санкцияларни қўллаш бўйича ваколатли органлардир.

Мазкур Низомнинг 1-бандининг иккинчи хатбошисида назарда тутилган санкцияларни Агентлик ва унинг ҳудудий органлари томонидан қўллаш, қонунчилик ҳужжатларида назарда тутилган ҳолларда ва тартибда амалга оширилади.

(2-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Ўзбекистон Республикаси Маъмурий жавобгарлик тўғрисидаги Кодексининг 245-моддасига мувофиқ ушбу Кодекснинг 174¹-моддасида назарда тутилган маъмурий ҳуқуқбузарликлар бўйича ишлар маъмурий ишлар бўйича судялар томонидан кўриб чиқилади.

3. Агентлик ва унинг ҳудудий органлари:

ишнинг ҳолатини ўз вақтида аниқлаш ва уни қонунчилик ҳужжатларида белгиланган тартибда ҳал этиш;

(3-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

қабул қилинган қарор ижросини назорат қилишни таъминлайдилар.

4. Агентликка қимматли қоғозлар бозори профессионал иштирокчилари ва биржалар ҳамда Агентлик томонидан қимматли қоғозларни чиқарилиши рўйҳатга олинган эмитентларга нисбатан қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишлар тегишли.

(4-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Агентликнинг ҳудудий органларига:

a) улар томонидан қимматли қоғозларни чиқарилиши рўйҳатга олинган эмитентларга нисбатан қимматли қоғозлар бозори тўғрисидаги қонунчилик ҳужжатларини бузганлик тўғрисидаги;

б) агар уларнинг ҳудудида жойлашган қимматли қоғозлар бозорининг бошқа иштирокчилари томонидан қимматли қоғозлар бозори тўғрисидаги қонунчилик ҳужжатлари бузилганлик тўғрисидаги ишлар тегишлидир, мазкур Низомнинг 4-бандининг биринчи хатбошисида назарда тутилган ҳолларни истисно этганда.

Агар қимматли қоғозлар бозори тўғрисидаги қонунчилик ҳужжатларини бузиш юридик шахснинг тизимидаги бошқармаси томонидан амалга оширилган бўлса, мазкур иш у жойлашган жойдаги Агентликнинг ҳудудий органи томонидан кўриб чиқилади.

(4-банднинг учинчи — бешинчи хатбошилари Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

LexUZ шарҳи

Қаранг: Ўзбекистон Республикаси «Қимматли қоғозлар бозори тўғрисида»ги Қонуннинг 55-моддаси.

5. Агентлик қуйидагиларга ҳақли:

қимматли қоғозлар бозорининг ҳар қандай иштирокчисига (бир нечта иштирокчисига) нисбатан ишни иш юритишга қабул қилиш ва кўриб чиқиш ёки Агентликнинг тегишли ҳудудий органига кўриб чиқиш учун топшириш;

Агентликнинг ҳудудий органи иш юритувидаги ишни уни кўриб чиқишнинг исталган босқичида қабул қилиш.

Олдинги таҳрирга қаранг.

II. Қимматли қоғозлар бозори тўғрисидаги қонунчилик ҳужжатлари бузилганлиги тўғрисидаги ишларни кўриб чиқиш тартиби

(II бобнинг номи Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

6. Агентлик ёҳуд унинг ҳудудий органлари томонидан қимматли қоғозлар бозори тўғрисидаги қонунчилик ҳужжатлари бузилганлик тўғрисидаги ишларни иш юритишга қабул қилиш учун қуйидагилар асос ҳисобланади:

(6-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

жисмоний ва юридик шахсларнинг ариза шикоят ва бошқа хабарлари;

ҳужжатлар ва бошқа ҳужжатли манбалар, шу жумладан текширишлар давомида олинган, шунингдек ҳисобот тарзида олинган маълумотлар;

оммавий ахборот воситалари хабарлари;

қимматли қоғозлар бозори иштирокчиларининг бундай бузилишларга олиб келадиган хатти-ҳаракатлари (ҳаракатсизлиги) ҳақида далолат берувчи бошқа маълумотлар

7. Қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишларни кўриб чиқиш учун Агентлик томонидан (Агентликнинг ҳудудий органлари) қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги ишларни кўриб чиқиш бўйича комиссия (кейинги ўринларда — комиссия деб юритилади) тузилади.

(7-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

LexUZ шарҳи

Қаранг: Ўзбекистон Республикасининг «Қимматли қоғозлар бозори тўғрисида»ги Қонуннинг 8-боби.

Муайян ишни кўриб чиқиш учун комиссия шахсий таркиби комиссия раиси, аъзолари, шунингдек комиссия аъзоси бўлмаган котибдан иборат таркибда Агентлик бош директори (Агентликнинг ҳудудий органи бошлиғи) томонидан ишни иш юритишга қабул қилиш тўғрисидаги қарорда белгиланади.

Комиссия таркибига Агентлик (Агентликнинг ҳудудий органи) мансабдор шахслари ва ҳодимлари, шунингдек бошқа давлат бошқаруви ва нодавлат нотижорат ташкилотларининг вакиллари, шу жумладан қимматли қоғозлар бозори профессионал иштирокчиларининг бирлашмалари (уюшмалари) вакиллари киритилиши мумкин. Комиссия аъзоларининг умумий сони тоқ бўлиши ва уч кишидан кам бўлмаслиги лозим.

Комиссия мажлиси учун кворум комиссия аъзоларининг умумий сонини камида 75 фоизини ташкил этади.

Комиссия аъзосининг узрли сабабларига кўра иштирок этиш мумкин бўлмаган тақдирда, унинг йўқлиги бутун давр учун ёҳуд ишни кўриб чиқиш бутун муддати давомида Агентлик бош директорининг (Агентликнинг ҳудудий органи) буйруғи асосида алмаштириш амалга оширилади.

8. Агентлик бошқармалари (Агентликнинг ҳудудий органлари бўлимлари) бошлиқлари Агентлик директорига (Агентлик ҳудудий органи бошлиғига) қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишни кўриб чиқишда асослаган материаллар асосида тақдим этади.

Маъмурий ҳуқуқбузарлик белгилари аниқланган тақдирда Агентлик бошқармалари (Агентликнинг ҳудудий органлари бўлимлари) бошлиқлари ўз ваколатларига мувофиқ Агентлик директорига (Агентликнинг ҳудудий органи бошлиғига) қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишларни кўриб чиқишга қабул қилмасдан, уларни судга жўнатишни асосланган материаллар асосида тақдим этадилар.

(8-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

LexUZ шарҳи

Қаранг: Ўзбекистон Республикасининг «Қимматли қоғозлар бозори тўғрисида»ги Қонуни.

9. Етарли асослар мавжуд бўлганда Агентлик директори (Агентликнинг ҳудудий органи бошлиғи) ишларни қабул қилиш тўғрисида қарор қабул қилади (1-илова) ва ишни кўриб чиқиши учун комиссияга юборади.

Ишларни қабул қилиш тўғрисидаги қарорнинг нусхаси уч кундан кечиктирмасдан жавобгарликка тортиладиган шахсга буюртма хат билан юборилиши ёки имзо остида топширилиши ёҳуд (агар мавжуд бўлса) электрон почта орқали юборилиши лозим.

Қимматли қоғозлар бозори тўғрисидаги қонунчилик ҳужжатларини бузганлик тўғрисидаги иш қонун бузилиш ҳолатлари аниқланган кундан бошлаб икки ой ичида иш юритувга қабул қилинади.

(9-банднинг учинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

10. Қимматли қоғозлар бозори тўғрисидаги қонунчилик ҳужжатларини бузганлик тўғрисидаги иш иш юритувга қабул қилиниши мумкин эмас ва кўриб чиқилаётган иш қуйидаги ҳолларда тугатилиши керак:

(10-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

қимматли қоғозлар бозори тўғрисидаги қонунчилик ҳужжатлари бузилмаганлиги;

(10-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

юридик шахснинг тўловга қобилиятсиз (банкрот) деб тан олиниши ёки тугатилиши ёхуд жисмоний шахс вафот этганлиги муносабати билан;

жавобгарликни белгиловчи қонунчилик нормасининг бекор қилиниши;

жавобгарликка тортилаётган қимматли қоғозлар бозори иштирокчисига (унинг мансабдор шахсига) нисбатан мазкур холат юзасидан жиноят иши мавжуд бўлганда;

мазкур Низомга мувофиқ жавобгарлика тортилаётган қимматли қоғозлар бозорининг иштирокчисига нисбатан қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишнинг мавжудлиги;

(10-банднинг олтинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

жавобгарликка тортилаётган шахсга нибатан Агентликнинг (Агентликнинг ҳудудий органи) санкцияларни қўллаш тўғрисидаги қарори ёҳуд иш юритишни тўхтатиш тўғрисидаги бекор қилинмаган қарор мавжудлиги;

қимматли қоғозлар бозори иштирокчисига нисбатан худди шу иш бўйича суднинг иш юритувида ишнинг ёки ушбу холат бўйича суднинг қонуний кучга кирган қарорнинг мавжудлиги;

қимматли қоғозлар бозори тўғрисидаги қонунчилик ҳужжатларини бузилганлиги тўғрисидаги иш жисмоний ёки юридик шахснинг ариза, шикоят ёки бошқа хабари асосида бузилган ҳуқуқлар тикланганлиги муносабати билан уни кўриб чиқмасдан қолдириш тўғрисида ёзма ёҳуд электрон мурожаати келиб тушганда.

(10-банднинг тўққизинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

11. Қимматли қоғозлар бозори тўғрисидаги қонунчилик ҳужжатларини бузганлик тўғрисидаги иш комиссия томонидан ишни кўриб чиқишга қабул қилиш тўғрисида қарор қабул қилинган кундан эътиборан бир ой ичида кўриб чиқилади. Ишни кўриб чиқиш муддати Агентлик директори (ҳудудий орган бошлиғи) томонидан бир ойдан ортиқ бўлмаган муддатга узайтирилиши мумкин.

(11-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

12. Ишда иштирок этаётган шахслар йиғилиш ўтказиладиган санадан камида уч кун олдин ишни кўриб чиқиш жойи ва вақти тўғрисида ёзма равишда хабардор қилинади. Ишда иштирок этаётган шахслар жавобгарликка тортиладиган шахс, ҳуқуқлари бузилган шахс, эксперт ва таржимон, шунингдек иш бўйича ойдинлик киритиши мумкин бўлган ҳар қандай вазиятни биладиган шахс сифатида тан олинади.

Комиссиянинг мажлисига ёзма хабарнома ишда иштирок этувчи шахсга буюртма хат билан юборилади ёки имзо остида топширилади ёҳуд хабарнома фактини аниқлашни таъминловчи алоқа воситаларидан (телефакс, телефон, электрон почта ва бошқалар) фойдаланган ҳолда юборилади ва юридик шахснинг номи (жисмоний шахснинг фамилияси, исми, шарифи) кўрсатилади.

13. Ишда иштирок этаётган шахслар комиссия мажлисларига келишлари ва узларига маълум бўлган маълумот ва ҳолатлар ҳамда ишга тегишли ҳужжатларни тақдим этиши ҳақида хабар беришлари лозим.

Агар шахслар ишни кўриб чиқиш жойи ва вақти тўғрисида белгиланган тартибда хабардор қилинган бўлса, иш аризачи ва жавобгар сифатида жалб қилинган шахслар иштирокисиз кўриб чиқилиши мумкин.

14. Ишни кўриб чиқишга тайёргарлик кўриш жараёнида комиссия қуйидаги ҳуқуқларга эга:

зарур ҳужжатларни тақдим этишни талаб қилиш, улардан нусхалар олиш ва уларни иш материалларига қонунчилик ҳужжатларида белгиланган тартибда қўшиш;

(14-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

ишда иштирок этаётган шахслардан, шу жумладан уларнинг раҳбарлари (мансабдор шахслари) ва ходимларидан ёзма ва оғзаки тушунтиришлар олиш;

сўровлар асосида қимматли қоғозлар бозорида қонун бузилиш ҳолатларини ўрганиш учун зарур бўлган қимматли қоғозлар бозори қатнашчиларига нисбатан бошқа давлат органларидан ахборот ва материалларни олиш, шунингдек мазкур фактларни биргаликда ўрганиш;

келишув асосида бошқа шахсларни ишда иштирок этишга жалб қилиш.

Комиссия иш ҳолатларини ўз вақтида, ҳар томонлама ва ҳолисона аниқлаш учун бошқа чоралар хам кўриш ҳуқуқига эга.

15. Ишни кўриб чиқиш комиссия таркибини эълон қилиш билан бошланади. Комиссия раиси қуйидагиларни эълон қилади: қайси ишни кўриб чиқиш кераклиги ва шахслар, ишда иштирок этаётган шахсларга уларнинг ҳуқуқ ва мажбуриятларини тушунтиради, ишда иштирок этаётган шахсларнинг ваколатларини белгилайди. Шундан сўнг қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишни иш юритувга қабул қилиш тўғрисида қарор қабул қилади.

(15-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

16. Йиғилишда комиссия қуйидаги масалаларни аниқлайди:

қимматли қоғозлар бозори тўғрисидаги қонунчилик ҳужжатлари бузилганлигидан далолат берувчи маълумотларнинг мавжудлиги;

(16-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

қонунбузарликни ихтиёрий равишда бартараф этиш учун барча чораларнинг кўрилганлиги;

жавобгарликка тортиладиган шахснинг ишни кечиктириш ва бундай кечикишнинг сабаблари, ҳужжатлар билан олдиндан танишиш илтимосномалари ва бошқалар.

17. Қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишни кўриб чиқишда уларнинг раҳбарлари ва/ёки уларнинг вакиллари юридик шахслар номидан иштирок этишга ҳақлидир.

(17-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Юридик шахс раҳбарлари ўз ваколатларини, ўз ҳизмат мавқеини тасдиқловчи ҳужжатлар билан тасдиқлайдилар.

Вакилларнинг ваколатлари ишончномада белгиланиши керак.

18. Кўриб чиқилаётган иш бўйича махсус билимларга эҳтиёж пайдо бўлганда, комиссия давлат бошқарув органлари (вазирликлар ва идоралар), шунингдек хўжалик юритувчи субъектлар ва ташкилотларнинг вакилларидан экспертни келишув асосида жалб қилиш ҳуқуқига эга.

(18-банднинг биринчи хатбошиси Ўзбекистон Республикаси адлия вазирининг 2024 йил 12 февралдаги 7-мҳ-сонли буйруғи (рўйхат рақами 3496, 12.02.2024 й.) таҳририда — Қонунчилик маълумотлари миллий базаси, 13.02.2024 й., 10/24/3496/0121-сон)

Банклар томонидан қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишларни кўриб чиқишда эксперт сифатида Ўзбекистон Республикаси Марказий банкининг ваколатли вакили келишилган ҳолда таклиф этилади.

(18-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

19. Жавобгарликка тортилаётган шахс комиссияси томонидан таклиф этилган экспертнинг номзодидан норози бўлган тақдирда, мазкур шахс ўз ҳисобидан бошқа экспертни таклиф қилишга ҳақли.

20. Эксперт экспертиза предмети билан боғлиқ иш материаллари билан танишиш, хулоса бериш учун зарур бўлган қўшимча иш материаллари бериш тўғрисида илтимоснома киритиш, ишни кўриб чиқишда йиғилишда иштирок этиш ва ишда иштирок этаётган шахсга ва бошқа шахсларга саволлар бериш ҳуқуқига эга.

21. Жавобгарликка тортиладиган шахс (унинг вакили) қуйидаги ҳуқуқларга эга:

иш материаллари билан танишиб чиқиш ва улардан кўчирмалар олиш;

далилларни тақдим этиш;

далилларни текшириш ва ишни муҳокама қилишда иштирок этиш;

ариза бериш;

иш бўйича қарор устидан шикоят қилиш;

оғзаки ва ёзма тушунтиришлар бериш;

адвокат хизматларидан фойдаланиш;

бошқа ҳуқуқлардан фойдаланиш.

22. Кўриб чиқилаётган иш бўйича далиллар аниқ маълумотлар бўлиб, унинг асосида комиссия қонун бузилишининг мавжудлиги ёки мавжуд эмаслиги, шунингдек ишни тўғри кўриб чиқиш учун зарур бўлган бошқа ҳолатларни аниқлайди.

Ишда иштирок этаётган шахслар кўриб чиқилаётган иш бўйича далил сифатида хизмат қилиши мумкин бўлган ҳолатларни аниқлаш учун маълумотлар тақдим этишлари шарт ва била туриб ёлғон (нотўғри) маълумотларни тақдим этганлиги учун жавобгардирлар.

23. Комиссия мажлисида котиб комиссия раиси ва барча аъзолар томонидан имзоланадиган мажлис баённомасини юритади. Котиб бўлмаган тақдирда мажлис баённомасини юритиш комиссия раиси томонидан комиссия аъзоларидан бирига топширилиши мумкин.

24. Ишни кўриб чиқиш кечиктирилиши мумкин:

қўшимча далилларни олиш ёки эксперт ва (ёки) бошқа шахсларни ишга жалб қилиш зарурлиги муносабати билан;

ушбу йиғилишда ишни кўриб чиқиш мумкин бўлмаган бошқа ҳолларда.

Ишни кечиктирганда, ишни кўриб чиқиш муддати тўхтамайди, аммо кўриб чиқиш жараёни бошидан бошланади.

25. Агентликда (Агентликнинг ҳудудий органида) судда ва (ёки) солиқ ва ҳуқуқни муҳофаза қилиш органларида бошқа кўриб чиқилаётган ишнинг натижалари учун аҳамиятга эга бўлганда, комиссия томонидан талаб қилинган маълумотлар (ахборот, далиллар) тақдим этилмаган тақдирда кўриб чиқиш тўхтатилиб қўйилиши мумкин.

Ишни кўриб чиқиш унинг кўриб чиқилишини тўхтатишга сабаб бўлган ҳолатлар бартараф этилгандан кейин қайта тикланади.

Ишни кўриб чиқиш тўхтатилганда ишни кўриб чиқиш муддати тўхтатилади ва иш қайта бошланган пайтдан бошлаб давом этади. Ишни кўриб чиқиш ишни тўхтатиб қўйишдан олдин комиссия мажлиси тугаган пайтдан бошлаб давом этади.

26. Комиссия мажлисининг баённомасида комиссиянинг ишни кўриб чиқишни кечиктириш, тўхтатиб туриш ёки қайта тиклаш тўғрисидаги қарори акс эттирилади. Ишни кўриб чиқишни кечиктириш, тўхтатиб туриш ёки қайта тиклаш тўғрисидаги баённомадан кўчирма комиссия раиси томонидан имзоланади ва қарор қабул қилинган кундан бошлаб уч кун муддатда жавобгарликка тортиладиган шахсга юборилади.

26¹. Мазкур Низомнинг 6-бандига мувофиқ Агентлик директори (Агентликнинг рухсати билан ишда иштирок этаётган шахслар томонидан содир этилган қўшимча қоидабузарликларга тааллуқли ҳужжатлар иш юритувига қабул қилинган ишларга қўшиб қўйилади.

Кўрсатилган ҳужжатлар ишга қўшилганда мажлис баённомасида комиссиянинг мақсадли қарори акс эттирилади. Комиссия раиси томонидан имзоланган мазкур материалларни киритиш тўғрисидаги мажлис баённомасидан кўчирма баённома имзоланган кундан эътиборан уч кун муддатда жавобгарликка тортиладиган шахсга (шахсларга) юборилади. Бунда мазкур Низомнинг 11-бандида белгиланган тартибда ишни кўриб чиқиш муддати узайтирилиши мумкин.

Ишда иштирок этмаган шахс (шахслар) томонидан содир этилган қоидабузарликлар аниқланган тақдирда, комиссия тақдимномасига асосан Агентлик директори (Агентликнинг ишни алоҳида иш юритишга ажратиш тўғрисида қарор қабул қилади. Мазкур ишни кўриб чиқиш муддатини ҳисоблаш ишни алоҳида иш юритишга ажратиш тўғрисидаги қарор қабул қилинган кундан бошланади.

27. Қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишни кўриб чиқиш натижалари бўйича комиссия, мажлис баённомасида комиссия томонидан аниқланган ҳолатлар баён этилади ва ишни кўриб чиқиш натижасида келган хулосаларни белгиловчи қарор қабул қилади.

(27-банднинг биринчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Агар қабуд қилинган қарордан норози бўлган комиссия раиси ёки аъзолари ўз фикрини ёзма тарзда баён қилишга ва уни комиссия баённомасига қўшиб қўйишга ҳақлидир.

28. Комиссия қарори ишда иштирок этаётган шахслар иштирокисиз, комиссия мажлисида иштирок этаётган комиссия аъзоларининг оддий кўпчилик овози билан очиқ овоз бериш орқали қабул қилинади.

Комиссия раиси ва аъзолари овоз беришда бетараф бўлиш ҳуқуқига эга эмаслар. Раис ўз овозини охирида тақдим этади.

29. Комиссия қуйидаги қарорлар қабул қилиш ҳуқуқига эга:

қимматли қоғозлар бозори тўғрисидаги қонунчилик ҳужжатлари бузилишини бартараф этиш бўйича кўрсатмалар киритиш;

(29-банднинг иккинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

инвесторлар, қимматли қоғозлар эгалари, давлат манфаатлари бўйича давлат божи тўламасдан судга даъво аризаси киритиш;

қимматли қоғозлар бозорининг профессионал иштирокчиси сифатида қимматли қоғозлар бозорида профессионал фаолиятни амалга ошириш учун берилган лицензиянинг амал қилишини ўн иш кунидан ортиқ бўлмаган муддатга тўхтатиб туриш;

қонунчилик ҳужжатларида назарда тутилган ҳолларда ва тартибда қимматли қоғозлар бозори иштирокчилари томонидан қимматли қоғозлар бозорида алоҳида операцияларни ўтказишнинг ўн иш кунидан ортиқ бўлмаган муддатга тўхтатиб туриш;

(29-банднинг бешинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

қонунчилик ҳужжатларида белгиланган тартибда қимматли қоғозлар билан профессионал фаолиятни амалга ошириш ҳуқуқини берувчи малака аттестацини тўхтатиб туриш ёки маҳрум этиш;

(29-банднинг олтинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

ишни бошқа ваколатли органларга юбориш;

иш юритишни тугатиш.

Мазкур банднинг иккинчи — олтинчи хатбошида назарда тутилган, қимматли қоғозлар бозори тўғрисидаги қонунчилик ҳужжатларини бузганлик тўғрисидаги ишни кўриб чиқиш натижаларига қараб бир ёки бир вақтнинг ўзида бир нечта санкциялар комиссия қарорида кўрсатилиши мумкин.

(29-банднинг тўққизинчи хатбошиси Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

30. Комиссия қарорига асосан беш кун муддат ичида қимматли қоғозлар бозори тўғрисидаги қонунчилик ҳужжатларини бузилишини бартараф этиш тўғрисида кўрсатма расмийлаштирилади ва/ёки Агентликнинг (Агентликнинг ҳудудий органи) 2, 3-иловага мувофиқ шаклдаги қарори чиқарилади.

(30-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

31. Иш юритишни тугатиш тўғрисидаги қарор мазкур Низомнинг 10-бандида (4-илова) назарда тутилган ҳолларда чиқарилади.

32. Агентлик қарори (кўрсатмаси) нусхаси Агентлик (Агентликнинг ҳудудий органи) томонидан қабул қилинган кундан эътиборан уч кун ичида буюртма хат орқали ёки имзо остида ёҳуд электрон почта орқали (агар мавжуд бўлса) қарор чиқарилган шахсга топширилади ва унинг аризасига кўра ҳуқуқлари бузилган шахсга ҳамда қарор ижросини таъминлашлари лозим бўлган қимматли қоғозлар бозори иштирокчиларига юборилади.

Қарор (кўрсатма) юборилганлиги тўғрисида почта ва бошқа ҳужжатлар иш материалларига қўшиб қўйилади.

33. Агентлик ва унинг ҳудуий органлари шахснинг юқори бошқарув органига жавобгарликка тортилган шахсни меҳнат қонунчилигига мувофиқ унинг мансабдор шахсларига интизомий жавобгарлик чораларини қабул қилиш ва/ёки улар томонидан бевосита етказилган зарар миқдорини ундириш, агар бу шахсга моддий жавобгарлик етказилган бўлса, тавсия этишга ҳақли.

III. Қарор ва кўрсатмаларни бажариш

34. Кўрсатмани бажариш муддати бир ой, бартараф этиш бир ойдан кўпроқ вақтни талаб қиладиган қоидабузарлик ҳоллари бундан мустасно.

35. Қимматли қоғозлар бозори иштирокчилари қарорда белгиланган муддат давомида санкцияларни қўллаш тўғрисидаги қарор ижросини таъминлашлари шарт.

37. Агентликнинг (Агентлик ҳудудий органининг) қарори ёки кўрсатмасини ижро этган шахс, қарор ёки кўрсатма ижроси тўғрисидаги далилларни Агентликка (Агентлик ҳудудий органига) тақдим этади.

38. Қимматли қоғозлар бозори тўғрисидаги қонунчилик ҳужжатлари бузилишига йўл қўйган қимматли қоғозлар бозори иштирокчисини қарор ёки кўрсатмани ижро этиши етказилган зарарни қоплаш мажбуриятини бажаришдан озод қилмайди.

(38-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

39. Қарор ёки кўрсатма ижроси қуйидаги ҳолларда тўхтатилади:

жавобгарликни белгиловчи қонунчилик нормасининг бекор қилиниши.

40. Қимматли қоғозлар бозори иштирокчилари қарор ёки кўрсатмани бажариш муддатини узайтириш тўғрисида илтимоснома беришлари мумкин.

Мазкур муддатни узайтириш тўғрисида қарор ишни кўриб чиққан комиссия томонидан қабул қилинади, мазкур Низомнинг 8-бандининг учинчи хатбошисидаги ҳолатлар бундан мустасно.

Агар узайтириш ҳақидаги илтимоснома қаноатлантирилса, комиссия раиси ва аъзолари томонидан имзоланадиган комиссия қарори чиқарилади.

IV. Қарор ва кўрсатмалар устидан шикоят қилиш тартиби

41. Мазкур Низомнинг 42-бандида белгиланган тартибда Агентликнинг (Агентлик ҳудудий органининг) қарори ёки кўрсатмаси устидан шикоят қилиниши мумкин.

42. Қимматли қоғозлар бозори иштирокчилари қабул қилинган чоралардан норози бўлган тақдирда:

Агентлик ҳудудий органининг қарори устидан ўзининг норозилиги тўғрисидаги ариза билан Агентликка ёки суд тартибида;

Агентлик қарорлари устидан — суд тартибида шикоят қилишлари мумкин.

Бўйсунув тартибида юқори турувчи органга шикоят берилганлиги, шундай шикоят шикоят билан судга судга шикоят қилиш ҳуқуқидан маҳрум этмайди.

Қимматли қоғозлар бозори иштирокчилари томонидан судга шикоят бериш суд қарори қонуний кучга киргунга қадар улар томонидан шикоят қилинаётган ҳаракат ёки қарорнинг ижросини тўхтатиб туради. Қимматли қоғозлар бозори иштирокчилари тегишли тасдиқловчи ҳужжатларни илова қилган ҳолда судга шикоят бериш тўғрисида Агентликни (Агентликнинг ҳудудий органини) хабардор қилишлари шарт.

43. Агентлик томонидан аризани кўриб чиқилиши унинг келиб тушган кундан бошлаб 15 кундан кечиктирмай зудлик билан кўриб чиқилади, қўшимча ўрганиш ва текширишни талаб қилувчи ариза бўлса, бир ойгача бўлган муддатда амалга оширилади.

V. Якунловчи қоидалар

46. Қимматли қоғозлар бозори иштирокчилари қимматли қоғозлар бозори тўғрисидаги қонунчилик ҳужжатларини бузганлиги учун Агентлик ёки унинг ҳудудий органи томонидан аниқланган кундан бошлаб уч йил мобайнида жавобгарликка тортилиши мумкин.

(46-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

47. Агентлик ва Агентликнинг ҳудудий органи қимматли қоғозлар бозори тўғрисидаги қонунчилик ҳужжатларини бузганлиги ва қўлланилган санкцияларни ҳисобга олиш реестрини юритади.

(47-банд Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Қимматли қоғозлар бозори тўғрисидаги қонунчиликнинг бузилиш бўйича иш материалларининг ҳар бири алоҳида папкада сақланади.

48. Агентлик ва унинг ҳудудий органлари ходимлари ўз фаолияти давомида олинган тижорат ва ҳизмат маълумотларининг махфийлигига риоя этишлари шарт.

Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва санкция қўллаш тартиби тўғрисидаги низомга
1-ИЛОВА

ЎЗБЕКИСТОН РЕСПУБЛИКАСИНИНГ ҚИММАТЛИ ҚОҒОЗЛАР БОЗОРИ ТЎҒРИСИДАГИ ҚОНУНЧИЛИК ҲУЖЖАТЛАРИНИ БУЗГАНЛИК ТЎҒРИСИДАГИ ИШЛАРНИ ИШ ЮРИТУВИГА ҚАБУЛ ҚИЛИШ ТЎҒРИСИДАГИ ҚАРОР

«___»_________________20___ й.	_________________________
(қабул қилинган сана)		(қабул қилинган жой)
Капитал бозорини ривожлантириш агентлиги (Агентликнинг ҳудудий органи) тақдим этилган материалларни кўриб чиқиб
___________________________________________________________________________,
(иш юритувига қабул қилиш учун асос)
уларни қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги ишни иш юритувига қабул қилиш учун етарли деб топди.
Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисидаги низомнинг _____ бандига мувофиқ (рўйхат рақами, 1131-сон 2002 йил 23 апрелдаги)
ҚАРОР:
1. Ишни иш юритувига қабул қилиш ______________ модданинг __________бандида назарда тутилган қоидабузарлик асосида «_______________________________________________» ____________________________________________________________________________


(қонунчилик ҳужжатининг номи)
_____________________________________________________________________нисбатан
(юридик шахнинг номи (жисмоний шахс Ф.И.Ш.), манзили)
2. Ишни кўриб чиқиш бўйича комиссия таркиби тасдиқлансин:
____________________________________________________________________________
(комиссиянинг шахсий таркиби)
Ҳуқуқлари бузилган шахс сифатида ишда иштирок этишга жалб қилиш
___________________________________________________________________________
(юридик шахслар учун-номи; фамиляси, исми, шарифи – жисмоний шахслар учун)
Директор (Агентликнинг ҳудудий органлари бошлиқлари)	____________ (имзо)	__________________ (Ф.И.Ш.)

(1-илова Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва санкция қўллаш тартиби тўғрисидаги низомга
2-ИЛОВА

ҚАРОР
«___»_____________20___й.		______________________
(қабул қилинган сана)		(қабул қилинган жой)
Капитал бозорини ривожлантириш агентлиги (Агентликнинг ҳудудий органи) қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги ______ - сонли ишни кўриб чиқиш натижалари бўйича _____________________________________________________________________нисбатан
юридик шах номи (жисмоний шахс Ф.И.Ш.), манзили
_________ моддани ___________ бандининг _____________ кичик бандини бузганлиги учун ____________________________________________________________________________:
(қонунчилик ҳужжатининг номи)
Капитал бозорини ривожлантириш агентлиги (Агентликнинг ҳудудий органи) қарори асосида ташкил этилган қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги ишларни кўриб чиқиш бўйича комиссия қарорига асосан: ___________________________________________________________________________
ЎРНАТИЛГАН:
____________________________________________________________________________
(ишни кўриб чиқишда белгиланган ҳолатлар баён қилинади ва ушбу қоидабузарликларни содир этганлик учун жавобгарликни назарда тутувчи қонунчилик ҳужжатлари белгиланган бандлари, моддалари кўрсатилади )
Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисидаги низомнинг 29 ва 30-бандларига риоя қилган ҳолда (рўйхат рақами. 1131-сон 2002 йил 23 апрелдаги) Капитал бозорини ривожлантириш агентлиги (Агентликнинг ҳудудий органлари)
ҚАРОР:
_____________________________________________________________________нисбатан
(юридик шахнинг номи (жисмоний шахс Ф.И.Ш.))
____________________________________________________________________________ ____________________________________________________________________________
Мазкур қарор устидан судга шикоят қилиниши мумкин.

Директор (Агентликнинг ҳудудий органлари бошлиқлари)	_____________ (имзо)	______________________ (Ф.И.Ш.)

(2-илова Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва санкция қўллаш тартиби тўғрисидаги низомга
3-ИЛОВА

ЎЗБЕКИСТОН РЕСПУБЛИКАСИНИНГ ҚИММАТЛИ ҚОҒОЗЛАР БОЗОРИ ТЎҒРИСИДАГИ ҚОНУНЧИЛИК ҲУЖЖАТЛАРИНИ БУЗИЛИШИНИ БАРТАРАФ ЭТИШ ТЎҒРИСИДАГИ ЙЎРИҚНОМА
«___»___________20___й.		______________________
(қабул қилинган сана)		(қабул қилинган жой)
Капитал бозорини ривожлантириш агентлиги (Агентликнинг ҳудудий органи) қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги _________ - сонли ишни кўриб чиқиш натижалари бўйича, _____________________________________________________________________нисбатан
(юридик шах номи (жисмоний шахс Ф.И.Ш.), манзили)
_________ моддани __________ бандининг ______________ кичик бандини бузганлиги учун «__________________________________________________________________________»
(қонунчилик ҳужжатининг номи)
Капитал бозорини ривожлантириш агентлиги (Агентликнинг ҳудудий органи) қарори асосида ташкил этилган қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги ишларни кўриб чиқиш бўйича комиссия томонидан тақдим этилган иш материаллари бўйича __________ _________ -сон таркиби: ____________________________________________________________________________
ЎРНАТИЛГАН:
____________________________________________________________________________
(ишни кўриб чиқишда белгиланган ҳолатлар баён қилинади ва ушбу қоидабузарликларни содир этганлик учун жавобгарликни назарда тутувчи қонунчилик ҳужжатлари белгиланган бандлари, моддалари кўрсатилади )
_________________ модданинг ______________________бандига асосланиб
«__________________________________________________________________________»
(қонунчилик ҳужжатининг номи)
ва Капитал бозорини ривожлантириш агентлиги (Агентликнинг ҳудудий органи) Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисидаги низомнинг ___ бандига (рўйхат рақами, 1131-сон 2002 йил 23 апрелдаги)
КЎРСАТМА:
Йўл қўйилган қоидабузарликларни бартараф этиш ва ушбу йўриқноманинг ижро этилиши тўғрисидаги ахборотни қуйидаги муддатгача тақдим этиш ___ __________ 20___ й тасдиқловчи ҳужжатларни илова қилган ҳолда.
Директор (Агентликнинг ҳудудий органлари бошлиқлари)	______________ ^(имзо)	______________________ ^(Ф.И.Ш.)

(3-илова Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва санкция қўллаш тартиби тўғрисидаги низомга
4-ИЛОВА

ИШ ЮРИТИШНИ ТУГАТИШ ТЎҒРИСИДА ҚАРОР
«___»___________200__г.		______________________
^{(қабул қилинган сана)}		^{(қабул қилинган жой)}
Капитал бозорини ривожлантириш агентлиги (Агентликнинг ҳудудий органи) қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги _______ - сонли ишни кўриб чиқиш натижалари бўйича, _____________________________________________________________________нисбатан
(юридик шах номи (жисмоний шахс Ф.И.Ш.), манзили)
моддани _______________ бандининг __________________ кичик бандини бузганлиги учун «__________________________________________________________________________»
(қонунчилик ҳужжатининг номи)
Капитал бозорини ривожлантириш агентлиги (Агентликнинг ҳудудий органи) қарори асосида ташкил этилган қимматли қоғозлар бозори тўғрисидаги Ўзбекистон Республикаси қонунчилик ҳужжатларини бузганлик тўғрисидаги ишларни кўриб чиқиш бўйича комиссия томонидан тақдим этилган иш материаллари бўйича _________ ________ -сон таркиби: ____________________________________________________________________________
ЎРНАТИЛГАН:
____________________________________________________________________________
(ишни кўриб чиқишда белгиланган ҳолатлар баён қилинади ва ушбу қоидабузарликларни содир этганлик учун жавобгарликни назарда тутувчи қонунчилик ҳужжатлари белгиланган бандлари, моддалари кўрсатилади )
________________ модданинг ____________________бандига асосланиб
«__________________________________________________________________________»
(қонунчилик ҳужжатининг номи)
ва Капитал бозорини ривожлантириш агентлиги (Агентликнинг ҳудудий органи) Қимматли қоғозлар бозори тўғрисидаги Ўзбекистон Республикаси қонунчилигининг бузилишига доир ишларни кўриб чиқиш ва жазо қўллаш тартиби тўғрисидаги низомнинг _____ бандига (рўйхат рақами. 1131-сон 2002 йил 23 апрелдаги)
ҚАРОР:

_______ моддани ________ бандининг ________ кичик бандидаги бузилиши тўғрисидаги иш
«__________________________________________________________________________»
(қонунчилик ҳужжатининг номи)
__________________________________________иш юритишга қабул қилишга нисбатан иш юритишни тўхтатиш ____________________________________________________________________________
(юридик шахнинг номи (жисмоний шахс Ф.И.Ш.))

Директор (Агентликнинг ҳудудий органлари бошлиқлари)	______________ ^(имзо)	______________________ (Ф.И.Ш.)

(4-илова Ўзбекистон Республикаси адлия вазирининг 2021 йил 30 ноябрдаги 20-мҳ-сонли буйруғи (рўйхат рақами 3338, 30.11.2021 й.) таҳририда — Қонунчилик маълумотлари миллий базаси, 30.11.2021 й., 10/21/3338/1117-сон)

(Ўзбекистон Республикаси қонунчилик тўплами, 2007 й., 4-6-сон, 48-модда; Ўзбекистон Республикаси қонунчилик тўплами, 2008 й., 49-сон, 488-модда; Ўзбекистон Республикаси қонунчилик тўплами, 2010 й., 37-сон, 323-модда; Ўзбекистон Республикаси қонунчилик тўплами, 2012 й., 33-34-сон, 402-модда; Қонунчилик маълумотлари миллий базаси, 07.10.2019 й., 07/19/1131-8/3873-сон; 30.11.2021 й., 10/21/3338/1117-сон; 13.02.2024 й., 10/24/3496/0121-сон)