Ўзбекистон Республикаси Президентининг
қарори
Мўғулистонга олий даражадаги ташриф давомида қишлоқ хўжалиги ва озиқ-овқат соҳаларида эришилган келишувларни амалга ошириш чора-тадбирлари тўғрисида
Ўзбекистон Республикаси Президентининг жорий йил 24-25 июнь кунлари Мўғулистонга давлат ташрифи давомида эришилган келишувлар доирасида қишлоқ хўжалиги ва озиқ-овқат соҳаларида белгиланган вазифаларнинг ўз вақтида ва тўлиқ амалга оширилишини таъминлаш мақсадида қарор қиламан:
I. Мақсадлар
Олдинги таҳрирга қаранг.
1. Ўзбекистон ва Мўғулистон ўртасида 2025 — 2027 йилларда қишлоқ хўжалиги ва озиқ-овқат соҳаларида амалга ошириладиган чора-тадбирларнинг асосий кўрсаткичлари этиб қуйидагилар белгилансин:
(1-банднинг биринчи хатбошиси Ўзбекистон Республикаси Президентининг 2026 йил 11 февралдаги ПҚ-58-сонли қарори таҳририда — Қонунчилик маълумотлари миллий базаси, 16.02.2026 й., 07/26/58/0143-сон)
Олдинги таҳрирга қаранг.
(а) Мўғулистондан Ўзбекистонга 200 минг бош, шундан 2026-2027 йилларда Навоий вилоятига қўшимча 70 минг бош майда шохли молларни олиб келиш ва маҳаллий шароитда наслчилик-селекция ишлари ёрдамида кўпайтириш орқали уларнинг сонини 2029 йил якунига қадар 1 млн бошга етказиш;
(1-банднинг «а» кичик банди Ўзбекистон Республикаси Президентининг 2026 йил 11 февралдаги ПҚ-58-сонли қарори таҳририда — Қонунчилик маълумотлари миллий базаси, 16.02.2026 й., 07/26/58/0143-сон)
(б) босқичма-босқич жун ва кашемирни қайта ишлаш ҳамда тайёр маҳсулотлар ишлаб чиқаришни йўлга қўйиш;
(в) мева-сабзавот ва озиқ-овқат маҳсулотларининг Мўғулистонга экспорт ҳажмини ҳар йили ошириб бориб, 10 баробарга кўпайтириш чораларини кўриш;
(г) Ўзбекистон ва Мўғулистон ўртасида қишлоқ хўжалиги маҳсулотлари ишлаб чиқариш соҳасида тажриба алмашиш ва мутахассислар малакасини оширишни йўлга қўйиш.
II. Мўғулистондан майда шохли молларни импорт қилишни давлат томонидан қўллаб-қувватлаш
2. Белгилансинки, 2025 йил 1 августдан 2027 йил 31 декабрга қадар Мўғулистондан майда шохли молларни Ўзбекистонга импорт қилишда тадбиркорлик субъектларига:
(а) ҳаво транспортида ташиш харажатларининг 50 фоизи Давлат бюджети ҳисобидан қоплаб берилади. Бунда ушбу кичик бандда назарда тутилган харажатлар учун талаб этиладиган маблағлар Давлат бюджети параметрларида Қишлоқ хўжалиги вазирлигига чорвачилик хўжаликлари томонидан хорижий давлатлардан импорт қилинган наслдор қорамол, қўй ва эчки, она балиқ ва жўжаларни сотиб олиш харажатларининг бир қисмини қоплаб бериш учун ажратилган маблағлар доирасида молиялаштирилади;
(б) қўшилган қиймат солиғини тўлаш муддатини фоизлар ҳисобланмаган ҳолда тўлов таъминотисиз кечиктириб тўлаш имконияти берилади.
Олдинги таҳрирга қаранг.
3. Иқтисодиёт ва молия вазирлиги бошқа харажатларни қайта кўриб чиқиш ҳисобидан 2027 йил учун Давлат бюджети параметрларида ушбу қарорнинг 2-банди «б» кичик бандида кўрсатилган тўловларни қоплаб бериш бўйича харажатларни назарда тутсин.
Божхона қўмитаси Ветеринария ва чорвачиликни ривожлантириш қўмитаси билан биргаликда мазкур тартибдан фойдаланган тадбиркорлик субъектлари реестрини, кечиктирилган қўшилган қиймат солиғи суммаси кўрсатилган холда Иқтисодиёт ва молия вазирлигига тақдим этсин. Бунда:
(i) Иқтисодиёт ва молия вазирлиги тақдим этилган рўйхат асосида зарур маблағларни Божхона қўмитасига ўтказиб беради;
(ii) Божхона қўмитаси ўтказилган маблағларни тадбиркорлик субъектларининг шахсий ҳисобварағига ўтказиш орқали уларнинг қарздорликларини сўндириш чораларини кўради;
(iii) мазкур тартиб доирасида тадбиркорлик субъектларининг шахсий ҳисобварақларига ўтказилган қўшилган қиймат солиғи суммалари ҳисобга олинмайди.
(3-банд Ўзбекистон Республикаси Президентининг 2025 йил 26 декабрдаги ПҚ-388-сонли қарори таҳририда — Қонунчилик маълумотлари миллий базаси, 29.12.2025 й., 07/25/388/1235-сон. Кучга кириш санаси — 2026 йил 1 январь)
4. Марказий банк, Иқтисодиёт ва молия вазирлиги ҳамда Қишлоқ хўжалиги вазирлигининг Мўғулистондан майда шохли молларни Ўзбекистонга импорт қилишда қуйидаги таклифларига розилик берилсин:
(а) чорвачилик йўналишида жалб қилинган халқаро молия институтларининг кредит маблағларини тадбиркорлик субъектларига йиллик 10 фоиз ставкада (шундан 3 фоиз банк маржаси) 5 йил муддатга 2 йиллик имтиёзли давр билан ажратиш. Бунда тижорат банкларининг мазкур кичик бандда назарда тутилган кредитларни имтиёзли шартларда ажратиш билан боғлиқ харажатлари Давлат бюджетига тўланадиган дивидендларини мос равишда камайтириш ҳисобига қопланади;
(б) тадбиркорлик субъектларига ажратиладиган кредит маблағлари учун суғурта механизмидан фойдаланган ҳолда мол-мулк гаров таъминотини 50 фоизгача этиб белгилаш.
5. Ветеринария ва чорвачиликни ривожлантириш қўмитасига (кейинги ўринларда — Ветеринария қўмитаси) Қорақалпоғистон Республикаси Вазирлар Кенгаши Раиси ва вилоят ҳокимларининг кафиллиги асосида бир ой муддатда қайтариш шарти билан Ветеринария хизмати ва чорвачиликни ривожлантириш жамғармаси маблағлари ҳисобидан тадбиркорлик субъектларига Мўғулистондан майда шохли молларни етказиб беришда молиявий кўмак кўрсатиш ҳуқуқи берилсин.
6. Мўғулистондан Ўзбекистонга импорт қилинадиган майда шохли молларнинг ҳудудлар кесимидаги тақсимоти 1-иловага мувофиқ тасдиқлансин.
7. Бухоро, Жиззах, Наманган, Навоий, Самарқанд, Сурхондарё, Қашқадарё ва Тошкент вилоятлари ҳокимлари бир ҳафта муддатда майда шохли молларни парваришлаш учун озуқа ери, чорвачилик мажмуаси ва мутахассиси (ветеринар) мавжуд бўлган тадбиркорлар рўйхатини шакллантириб, Ветеринария қўмитасига тақдим этсин.
8. Белгилаб қўйилсинки, Яйлов ерларидан самарали фойдаланишни ташкил этиш ва уларни муҳофаза қилиш, қоракўлчилик, тери ва жун саноати соҳаларини янада ривожлантириш бўйича республика комиссияси қарорига асосан Қорақалпоғистон, Бухоро, Жиззах, Қашқадарё, Навоий, Самарқанд ва Сурхондарё яйлов хўжаликлари балансидаги ерлар Мўғулистондан майда шохли молларни Ўзбекистонга камида 1 000 бош импорт қилган тадбиркорлик субъектларига қуйидаги шартлар асосида тўғридан-тўғри ижарага берилади:
(а) наслчилик ва селекция ишларини ривожлантириш орқали импорт қилинган майда шохли молларнинг бош сонини кўпайтириб бориш;
(б) яйловларда озуқабоп ўсимлик турларидан бўлган изен, терескен, қуйровуқ, камфоросма, чўғон, эркак ўт, оқ (қора) саксовул экилишини ташкил қилиш.
III. Мўғулистонга мева-сабзавот ва озиқ-овқат маҳсулотларини экспорт қилиш ишларини ташкиллаштириш
9. Ўсимликлар карантини ва ҳимояси агентлиги Инвестициялар, саноат ва савдо вазирлиги, Савдо-саноат палатаси билан биргаликда 2025-2026 йилларда:
(а) Мўғулистоннинг йирик савдо марказларида «Ўзбекистон маҳсулотлари» ярмаркасини ташкил этсин ҳамда қишлоқ хўжалиги маҳсулотларини Ўзбекистондан экспорт қилиб, келгусида бошқа давлатларга реэкспортни амалга оширсин;
(б) Улан-Батор шаҳридаги йирик савдо майдонларида Ўзбекистон маҳсулотлари стендини ташкил этиб борсин;
(в) Ўзбекистон-Мўғулистон савдо уйини ташкил этсин;
(г) Мўғулистоннинг импортчи корхоналари вакилларидан иборат делегациянинг Ўзбекистонга ташрифини ташкил этган ҳолда бизнес учрашувлар ўтказсин.
IV. Майин жундан аралаш ип ва мато ишлаб чиқаришни ташкил этиш
10. Савдо-саноат палатаси, «Ўзтўқимачиликсаноат» уюшмаси ва Қишлоқ хўжалиги вазирлигининг қуйидаги таклифларига розилик берилсин:
(а) 2025 йил якунига қадар Ўзбекистон тўқимачилик фабрикаларида дастлабки босқичда синов тариқасида аралаш ип ва мато ишлаб чиқариш учун Мўғулистондан «Ўзсаноатэкспорт» АЖ орқали марказлашган ҳолда майин жун ва кашемир олиб келиш. Бунда «Савдони ривожлантириш компанияси» АЖ ушбу мақсадлар учун «Ўзсаноатэкспорт» АЖга унинг буюртманомасига асосан белгиланган тартибда маблағ ажратади;
(б) 2026 йил якунига қадар Мўғулистондан импорт қилинган майда шохли моллардан олинадиган жунни қайта ишлаш бўйича маҳаллий мутахассисларнинг Мўғулистоннинг кашемир ишлаб чиқариш ва тўқимачилик корхоналарида малакасини оширган ҳолда жунни қайта ишлаш корхонасини ташкил этиш.
V. Қишлоқ хўжалиги маҳсулотлари ишлаб чиқариш соҳасида тажриба алмашиш ва мутахассислар малакасини оширишни йўлга қўйиш
11. Агросаноатни ривожлантириш агентлиги 2026 йил якунига қадар Мўғулистонга совуққа чидамли ва серҳосил 10 минг дона мева кўчатларини томчилатиб суғориш технологиялари билан бирга етказсин ҳамда 15 гектар ер майдонида замонавий саноатлашган интенсив боғ ташкил этишга кўмаклашсин. Бунда мева кўчатлари ва томчилатиб суғориш технологияларини сотиб олиб, уни Мўғулистонга етказиш харажатларини қоплаш Агросаноатни ривожлантириш ва қўллаб-қувватлаш давлат мақсадли жамғармаси маблағлари ҳисобидан Агросаноатни ривожлантириш агентлиги ҳузуридаги «Агросаноат инноваторлари» МЧЖ томонидан амалга оширилади.
12. Қишлоқ хўжалиги вазирлиги 2026/2027 ўқув йилидан бошлаб Тошкент давлат аграр университети ва Мўғулистон табиий фанлар университети ўртасида магистратура мутахассисликлари бўйича қўшма таълим дастурлари жорий этилишини таъминласин.
VI. Қарор ижросини ташкил этиш, таъминлаш ва назорат
13. Бош вазир ўринбосарлари Ж. Қўчқоров ва Ж. Ходжаев икки ой муддатда Ўзбекистон ва Мўғулистон ўртасида эришилган келишувлар ва лойиҳаларни молиялаштириш ҳамда тадбиркорлик субъектларини айланма маблағлар билан таъминлаш мақсадида Саноатни ривожлантириш жамғармасига 50 млн АҚШ доллари ҳамда Савдога кўмаклашиш жамғармасига 50 млн АҚШ доллари эквивалентида 2030 йил 31 декабрга қадар қайтариш шарти билан паст фоизли маблағ жалб қилиш бўйича Ўзбекистон Республикаси Президенти Администрациясига таклиф киритсин.
14. Вазирлар Маҳкамаси (Ходжаев) икки ҳафта муддатда мазкур қарорнинг 2 ва 4-бандларига мувофиқ қуйидагиларни тасдиқласин:
(а) ҳаво транспортида ташиш харажатларининг 50 фоизини Давлат бюджети ҳисобидан қоплаб бериш бўйича вақтинчалик тартибни;
(б) Ветеринария хизмати ва чорвачиликни ривожлантириш жамғармаси маблағлари ҳисобидан тадбиркорлик субъектларига Мўғулистондан майда шохли молларни олиб келиш учун молиявий кўмак бериш бўйича вақтинчалик тартибни.
15. Транспорт вазирлиги ўн кун муддатда:
(а) Ветеринария қўмитаси билан биргаликда майда шохли молларни Мўғулистондан Ўзбекистонга ҳаво транспорти орқали олиб келиш;
(б) Ўсимликлар карантини ва ҳимояси агентлиги билан биргаликда қишлоқ хўжалиги маҳсулотларини Ўзбекистондан Мўғулистонга ҳаво транспорти орқали экспорт қилишни ташкил этиш чораларини кўрсин.
16. Ветеринария қўмитаси бир ҳафта муддатда Мўғулистондан импорт қилинадиган майда шохли моллар насли, вазни ва ёши бўйича талабларни ишлаб чиқиб, ҳудудлар ва тадбиркорларга етказсин.
17. 2025-2026 йилларда Ўзбекистон ва Мўғулистон ўртасида қишлоқ хўжалиги соҳасида амалга ошириладиган чора-тадбирлар бўйича «йўл харитаси» 2-иловага мувофиқ тасдиқлансин.
18. Мазкур қарор ижросини самарали ташкил қилишга масъул ва шахсий жавобгар этиб қуйидагилар белгилансин:
(а) қишлоқ хўжалиги вазири И. Абдураҳмонов — Мўғулистонда сабзавот ва полиз экинларини етиштириш ҳамда аграр соҳада илмий ҳамкорликни самарали йўлга қўйишга;
(б) қишлоқ хўжалиги вазири И. Абдураҳмонов ва Ветеринария қўмитаси раиси Б. Норқобилов — Мўғулистондан Ўзбекистонга импорт қилинадиган майда шохли молларни ҳаво транспортида олиб келиш харажатларининг бир қисмини қоплаб беришга;
(в) Ветеринария қўмитаси раиси Б. Норқобилов:
(i) Мўғулистондан майда шохли молларни Ўзбекистонга импорт қилиш ҳамда наслчилик ва селекция ишларини ривожлантириш орқали уларнинг сонини маҳаллий шароитга мослаштирган ҳолда 2029 йил якунига қадар 1 млн бошга етказиш;
(ii) Мўғулистондан олиб келинадиган майда шохли молларни маҳаллий шароитга мослаштириш, уларни кўпайтириш бўйича чораларнинг натижадорлиги, тақдим этилган имтиёзларнинг самарадорлиги юзасидан Ўзбекистон Республикаси Президенти Администрациясига ҳар ой якуни билан ҳисобот киритиб боришга;
(г) Ўсимликлар карантини ва ҳимояси агентлиги директори И. Эргашев — Мўғулистонга мева-сабзавот ва озиқ-овқат маҳсулотлари экспорти ҳажмини кескин оширишга;
(д) Савдо-саноат палатаси раиси Д. Вахобов — Мўғулистондан Ўзбекистонга импорт қилинадиган майда шохли молларнинг жунини қайта ишлашга.
19. Қарор ижроси учун масъул вазирлик ва идоралар фаолиятини мувофиқлаштириш ҳамда назорат қилиш Бош вазир ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 17 июль,
ПҚ-225-сон
Олдинги таҳрирга қаранг.
Ўзбекистон Республикаси Президентининг 2025 йил 17 июлдаги ПҚ-225-сон қарорига
1-ИЛОВА
Мўғулистондан Ўзбекистонга импорт қилинадиган майда шохли молларнинг ҳудудлар кесимидаги
ТАҚСИМОТИ

Т/р

Ҳудудлар номи

Қўйлар бош сони

Эчкилар бош сони

1.

Бухоро вилояти

5 600

2.

Жиззах вилояти

41 600

8 400

3.

Наманган вилояти

5 000

4.

Навоий вилояти

110 000

5.

Сурхондарё вилояти

1 400

6.

Самарқанд вилояти

1 400

7.

Қашқадарё вилояти

10 000

8.

Тошкент вилояти

11 000

5 600

Жами:

181 000

19 000

Изоҳ: Қорақалпоғистон Республикаси Вазирлар Кенгаши ва вилоятлар ҳокимликларининг таклифига асосан Ветеринария қўмитаси томонидан ушбу рўйхатга ўзгартиришлар киритилиши мумкин.
(1-илованинг матни Ўзбекистон Республикаси Президентининг 2026 йил 11 февралдаги ПҚ-58-сонли қарори таҳририда — Қонунчилик маълумотлари миллий базаси, 16.02.2026 й., 07/26/58/0143-сон)
Ўзбекистон Республикаси Президентининг 2025 йил 17 июлдаги ПҚ-225-сон қарорига
2-ИЛОВА
2025-2026 йилларда Ўзбекистон ва Мўғулистон ўртасида қишлоқ хўжалиги соҳасида амалга ошириладиган чора-тадбирлар бўйича
«ЙЎЛ ХАРИТАСИ»

Т/р

Лойиҳа номи

Амалга ошириш механизми

Ижро муддати

Масъуллар

1.

Мўғулистон тадбиркорлари билан ҳамкорликда гўшт маҳсулотлари ишлаб чиқариш бўйича кооперация фаолиятини йўлга қўйиш.

1. Мўғулистоннинг 27 та кушхона эгалари ва ўзбекистонлик тадбиркорлар ўртасида музокаралар ўтказиш.

2025 йил октябрь

Ветеринария қўмитаси

(Норқобилов)

2. Музокаралар натижасига кўра Мўғулистон ҳудудида кооперацияларни ташкил этиш.

Келишувга мувофиқ

2.

Мўғулистондан 100 минг бош қўй ва эчкиларни олиб келишни ташкил этиш.

1. Мўғулистондан майда шохли қорамолларни олиб келиш ва карантин тадбирларини ўтказиш бўйича ушбу давлатнинг ваколатли органи билан музокаралар олиб бориш.

2025 йил октябрь

Ветеринария қўмитаси

(Норқобилов)

2. Олиб келинадиган қўй ва эчкилар сонини 1 млн бошга етказиш.

2025 — 2029 йиллар

3.

Мўғулистон билан ҳамкорликда йирик ва майда шохли қорамолларни сунъий уруғлантириш, уларнинг наслини яхшилаш, наслчилик-селекция ишлари бўйича ҳамкорликни кенгайтириш.

1. Мўғулистон томони билан қорамол селекцияси бўйича ҳамкорликни кенгайтириш юзасидан музокаралар олиб бориш.

2025 йил октябрь

Ветеринария қўмитаси

(Норқобилов)

2. Ўзбекистондан 20 минг дозагача наслли қорамол уруғини беғараз Мўғулистонга етказиш.

2026 йил

3. Наслчилик-селекция бўйича тажриба алмашиш ва ҳамкорликда мутахассислар тайёрлашни йўлга қўйиш.

Доимий

4.

Кейинги 5 йилда Мўғулистондан келтириладиган қўй-эчкилар сонини 1 млн бошга етказиш.

1. Бухоро, Жиззах, Қашқадарё, Наманган, Навоий, Самарқанд, Сурхондарё ва Тошкент вилоятлари ҳокимликлари билан биргаликда ташаббускорларни аниқлаш.

2025 йил август

Ветеринария қўмитаси

(Норқобилов)

2. Мўғулистонлик ҳамкорлар билан шартномалар тузиш.

2025 йил сентябрь

Бухоро, Жиззах, Қашқадарё, Наманган, Навоий, Самарқанд, Сурхондарё ва Тошкент вилоятлари ҳокимликлари

3. Тузилган шартномаларга мувофиқ қўй-эчкиларни карантинда сақлаш ва келтириш чораларини кўриш.

2025-2026 йиллар

4. Хўжаликларга қўй-эчкилар бош сонидан келиб чиқиб яйлов ер майдонларини ажратиш.

2026 — 2029 йиллар

5. Хўжаликларга зооветеринария хизматлари кўрсатилишини ҳамда наслчилик ишларини тизимли ташкил этиш.

6. Режа асосида қўй-эчкилар бош сони ҳамда маҳсулот ишлаб чиқариш кўрсаткичларига эришишни таъминлаш.

2026 — 2029 йиллар

5.

Ўзбекистон тўқимачилик фабрикаларида дастлабки босқичда синов тариқасида аралаш ип ва мато ишлаб чиқариш учун Мўғулистондан «Ўзсаноатэкспорт» АЖ орқали марказлашган ҳолда майин жун ва кашемирни олиб келиш.

1. Мўғулистонлик ҳамкорлар билан музокаралар олиб бориш.

2025 йил сентябрь

Савдо-саноат палатаси

(Ваҳобов),

Қишлоқ хўжалиги вазирлиги

(Абдураҳмонов),

«Ўзтўқимачиликсаноат» уюшмаси

(Ваҳобов),

«Ўзсаноатэкспорт» АЖ

(Намозов),

«Савдони ривожлантириш компанияси» АЖ

(Бобоев)

2. Импорт шартномаларини имзолаш.

2025 йил октябрь

3. «Савдони ривожлантириш компанияси» АЖ томонидан «Ўзсаноатэкспорт» АЖга унинг буюртманомасига асосан тўғридан-тўғри маблағ ажратиш.

Буюртмага асосан

4. Имзоланган шартномалар асосида маҳсулотларни импорт қилишни таъминлаш.

2025 йил декабрь

6.

Мўғулистондан келтирилган қўй-эчкилардан олинадиган жун маҳсулотини қайта ишлашни ташкил этиш.

1. Жунни қайта ишлаш бўйича маҳаллий мутахассисларни Мўғулистоннинг кашемир ва тўқимачилик саноати корхоналари фаолиятини ўрганиш учун юбориш.

2025 йил сентябрь

Савдо-саноат палатаси

(Ваҳобов),

«Ўзтўқимачиликсаноат» уюшмаси

(Ваҳобов),

Навоий вилояти ҳокимлиги

(Турсунов)

2. Мўғулистонлик мутахассисларни жалб этган ҳолда ўзбекистонлик тадбиркор ва мутахассисларнинг билим ва малакасини ошириш.

2025 йил октябрь

3. Жунни қайта ишлаш лойиҳасини амалга оширувчи ташаббускорларни аниқлаш.

4. Лойиҳанинг техник-иқтисодий асосини ишлаб чиқиш ва молиялаштириш.

5. Лойиҳани ишга тушириш.

2026 йил

7.

Интенсив балиқчилик тажрибасини Мўғулистонга трансфер қилиш ва балиқ турларини алмашишни йўлга қўйиш.

1. Аквакультура шароитида балиқларни етиштириш, интенсив балиқчилик бўйича бизнес-режаларни ишлаб чиқиш ва Мўғулистон томонига тақдим этиш.

2025 йил октябрь

Қишлоқ хўжалиги вазирлиги

(Абдураҳмонов),

Балиқчилик илмий-тадқиқот институти

(Қурбанов),

«Ўзбекбалиқсаноат» уюшмаси

(Мусаев)

2. Мўғулистонда Ўзбекистон совуқ сув ва илиқ сув (сибир бакрабалиғи, гулмоҳи, зоғорабалиқ) балиқларини интенсив усулда етиштириш технологияларини амалга ошириш.

2025-2026 йиллар

3. Мўғулистоннинг ноёб совуқ сув балиқларининг (осиё гулмоҳиси, олабуға) личинкасини олиб келиш ва иқлимлаштириш.

Келишувга асосан

8.

Мўғулистонга қишлоқ хўжалиги ва озиқ-овқат маҳсулотлари экспортини кенгайтириш.

1. Мўғулистон хусусий сектор вакиллари билан музокаралар ўтказиш ва экспорт шартномаларини имзолаш.

2025 йил сентябрь

Инвестициялар, саноат ва савдо вазирлиги

(Кудратов),

Ўсимликлар карантини ва ҳимояси агентлиги

(Эргашев),

Савдо-саноат палатаси

(Ваҳобов)

2. Келишув ва шартномаларга мувофиқ Ўзбекистондан мева-сабзавот ва озиқ-овқат маҳсулотларининг Мўғулистонга экспорт ҳажмини 10 баробарга ошириш чораларини кўриш.

2025 — 2029 йиллар

3. Қишлоқ хўжалиги маҳсулотларини Ўзбекистондан экспорт қилиб, келгусида бошқа давлатларга реэкспортини амалга оширишни бошлаш.

4. Улан-Батор шаҳридаги йирик савдо майдонларида Ўзбекистон маҳсулотлари стендини ташкил этиш.

5. Ўзбекистон-Мўғулистон савдо уйини ташкил этиш.

6. Улан-Батор шаҳридаги йирик савдо марказларида Ўзбекистон маҳсулотлари стендини ташкил этиш орқали ярмаркалар ўтказиш.

7. Мўғулистонда «Ўзбекистон маҳсулотлари» ярмаркасини ташкил этиш.

Келишувга асосан

9.

Ўзбекистон тажрибаси асосида Мўғулистонда деҳқончилик ва мева-сабзавотчиликни ривожлантириш.

1. Мўғулистон деҳқончилик ва ўсимликшунослик институтига тажриба-синов учун 15 турдаги сабзавот ва полиз экинлари уруғликларининг намуналарини тақдим этиш.

Икки ой муддатда

Қишлоқ хўжалиги вазирлиги

(Абдураҳмонов),

Қишлоқ хўжалигида билим ва инновациялар миллий маркази

(Намозов)

2. Мўғулистон Деҳқончилик институтининг 4 нафар мутахассиси тажриба ва малакасини Ўзбекистонда ошириш.

2025 йил август

Қишлоқ хўжалиги вазирлиги

(Абдураҳмонов),

Қишлоқ хўжалигида билим ва инновациялар миллий маркази

(Намозов)

3. Етказиб берилган сабзавот-полиз экинлари уруғларини 2 гектар дала тажриба майдонларида экиш ва синовдан ўтказиш.

2026 йил май

Қишлоқ хўжалиги вазирлиги

(Абдураҳмонов),

Қишлоқ хўжалигида билим ва инновациялар миллий маркази

(Намозов)

4. Мўғулистоннинг 5 гектар ҳудудида боғдорчилик ҳудудини яратиш учун 10 минг дона кўчатларни тақдим этиш ва экишни ташкил этиш.

2026 йил май

Агросаноатни ривожлантириш агентлиги

(Абдуллаев)

5. Сабзавот-полиз ва интенсив боғ майдонларида томчилатиб суғориш технологиялари ва кўчатларни сотиб олиш ҳамда етказиб бериш харажатлари Агросаноатни ривожлантириш агентлиги ҳузуридаги «Агросаноат инноваторлари» МЧЖ томонидан молиялаштирилишини таъминлаш.

2026 йил

Агросаноатни ривожлантириш агентлиги

(Абдуллаев)

10.

Мўғулистонда сувни тежайдиган технологияларни жорий қилишда Ўзбекистон тажрибасини татбиқ этиш.

1. Сув тежайдиган технологияларни жорий қилишнинг афзалликлари ва усуллари бўйича қўлланмалар ишлаб чиқиб, Мўғулистон Озиқ-овқат, қишлоқ хўжалиги ва енгил саноат вазирлигига 200 нусхада тақдим этиш.

2026 йил май

Сув хўжалиги вазирлиги

(Ш. Хамраев),

Қишлоқ хўжалиги вазирлиги

(Абдураҳмонов),

Агросаноатни ривожлантириш агентлиги

(Абдуллаев)

2. Мўғулистон Атроф-муҳит ва иқлим ўзгариши вазирлиги билан ҳамкорликда тажриба-синов тариқасида 10 гектар ерга сув тежовчи технологияларни етказиб бериш ва лойиҳани амалга ошириш.

3. Мўғулистоннинг сув танқис ҳудудларида дарахт экиш учун зарур технологияларни етказиб бериш.

2026 йил май

Тошкент кимё технология илмий-тадқиқот институти

(Жалилов)

11.

Мўғулистон ҳудудида помидор ва тарвуз етиштиришни ташкил этиш.

1. Мўғулистон ҳудудида 2026 йилда жами 3 000 гектар майдонда, шундан, Андижон, Наманган, Фарғона, Тошкент, Самарқанд вилоятлари томонидан 200 гектардан помидор ва Қашқадарё, Сурхондарё, Жиззах, Сирдарё, Хоразм вилоятлари томонидан 300 гектардан тарвуз етиштиришни ташкил этиш учун:

Икки ҳафта муддатда

Андижон, Наманган, Фарғона, Тошкент, Самарқанд, Қашқадарё, Сурхондарё, Жиззах, Сирдарё, Хоразм вилоятлари ҳокимликлари

помидор ва тарвуз етиштирувчи маҳаллий тадбиркорлар рўйхатини шакллантириб, Вазирлар Маҳкамасига киритиш;

2025 йил сентябрь

Вилоятлар ҳокимликлари

Мўғулистон томони билан музокаралар ўтказиш ва ер ажратиш масаласини ҳал этиш;

2025 йил октябрь

Вилоятлар ҳокимликлари

Мўғулистоннинг тупроқ-иқлим шароити ва помидор ҳамда тарвуз етиштириш имкониятларини ўрганиш учун мутахассислар ва тадбиркорларнинг хизмат сафарини ташкил этиш.

2026 йил

Қишлоқ хўжалиги вазирлиги

(Абдураҳмонов),

вилоятлар ҳокимликлари,

Қишлоқ хўжалиги вазирлиги

(Абдураҳмонов)

2. Вилоят ҳокимликлари томонидан таклиф этилган тадбиркорларга Мўғулистон ҳудудида маҳсулот етиштиришни ташкил этишга амалий ёрдам кўрсатиш.

12.

Илмий-тадқиқот ташкилотлари ва олий таълим муассасалари ўртасида қишлоқ хўжалиги ва ветеринария соҳасида ҳамкорликни ривожлантириш.

1. Мўғулистон томони билан ҳамкорлик йўналишларини белгилаб олиш.

2025 йил сентябрь

Қишлоқ хўжалиги вазирлиги

(Абдураҳмонов),

Ветеринария қўмитаси

(Норқобилов),

Қишлоқ хўжалигида билим ва инновациялар миллий маркази

(Намозов),

Тошкент давлат аграр университети

(Обломуродов),

Самарқанд давлат ветеринария медицинаси, чорвачилик ва биотехнологиялар университети

(Юнусов)

2. Мутахассислар ва талабалар алмашинувини йўлга қўйиш.

2025-2026 йиллар

(Қонунчилик маълумотлари миллий базаси, 19.07.2025 й., 07/25/225/0630-сон; 29.12.2025 й., 07/25/388/1235-сон; 16.02.2026 й., 07/26/58/0143-сон)