|
Ҳужжат кучини йўқотган " " 11.06.2004
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИДА НОШИРЛИК ФАОЛИЯТИ БИЛАН ШУFУЛЛАНИШ МАСАЛАЛАРИНИ ТАРТИБГА СОЛИШ ТЎFРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2004 йил 11 июндаги 275-сонли «Ноширлик фаолиятини лицензиялаш тўғрисидаги Низомни тасдиқлаш ҳақида»ги қарорига асосан ўз кучини йўқотган.
Ўзбекистон Республикасининг «Ноширлик фаолияти тўғрисида»ги Қонунига мувофиқ Вазирлар Маҳкамаси қарор қилади:
1. Ўзбекистон Республикасида Ноширлик фаолияти билан шуғулланувчиларни давлат рўйхатидан ўтказиш ва уларга лицензия бериш тартиби иловага мувофиқ тасдиқлансин.
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2002 йил 28 июндаги 236-сон қарорига асосан ўз кучини йўқотган)
3. Белгилаб қўйилсинки, Ўзбекистон Республикасининг жисмоний шахслари ҳам Вазирлар Маҳкамасидан белгиланган тартибда лицензия олганларидан сўнг ноширлик фаолияти билан шуғулланишга ҳақлидирлар.
Олдинги таҳрирга қаранг.
Ўзбекистон матбуот ва ахборот агентлиги:
(4-банднинг биринчи хатбоши Ўзбекистон Республикаси Вазирлар Маҳкамасининг 2002 йил 28 августдаги 305-сон қарори тахририда)
давлат рўйхатидан ўтган ва лицензия олган нашриётларни (ноширларни) ягона давлат реестрига киритишни амалга оширсин;
бир ой муддатда тегишли вазирликлар ва идоралар билан биргаликда Ўзбекистон Республикасида матбаа корхоналари очиш ва ишга тушириш тартибини белгилаш ҳақида Вазирлар Маҳкамасига таклиф киритсин.
5. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А. Азизхўжаев зиммасига юклансин.
Ўзбекистон Республикаси Бош вазири Ў. СУЛТОНОВ
Тошкент ш.,
1997 йил 11 август,
393-сон
Вазирлар Маҳкамасининг 1997 йил 11 августдаги 393-сон қарорига
ИЛОВА
ИЛОВА
Ўзбекистон Республикасида ноширлик фаолияти билан шуғулланувчиларни давлат рўйхатидан ўтказиш ва уларга лицензия бериш
ТАРТИБИ
1. Ноширлик фаолияти деганда нашриётларни ташкил этиш, босма маҳсулотини тайёрлаш, нашр этиш ва уни тарқатишга оид фаолият тушунилади.
Босма маҳсулот деганда, нусхаси ва тайёрлаш усулидан қатъи назар, китоблар, газета ва журналлар, рисолалар, альбомлар, плакатлар, буклетлар, откриткалар тушунилади.
Ношир деганда босма маҳсулотни тайёрлаш ва нашр этишни амалга оширувчи юридик ёки жисмоний шахс тушунилади.
2. Ўзбекистон Республикасида юридик ва жисмоний шахслар Ўзбекистон Республикаси Давлат матбуот қўмитасида давлат рўйхатига олингандан, уларга белгиланган тартибда лицензия берилганидан кейин ноширлик фаолияти билан шуғулланишлари мумкин.
3. Қуйидагилар лицензия олмай туриб, ноширлик фаолияти билан шуғулланиш ҳуқуқига эгадир:
давлат ҳокимияти ва бошқарув идоралари, суд, прокуратура ва хўжалик судлари органлари расмий материалларни, меъёрий ва бошқа ҳужжатлар тўпламларини нашр этишда;
корхоналар, ташкилотлар, ўқув юртлари ва илмий муассасалар ўз фаолиятлари учун зарур бўлган оммавий тарқатиш ёки қўлёзма ҳуқуқида кўпайтиришга мўлжалланмаган материалларни нашр этишда.
4. Муассис нашриёт уставини ишлаб чиқади. Нашриёт уставида унинг дастури, фаолияти йўналишлари ва вазифалари, ташкилий-ҳуқуқий шакли, номи, манзили, бошқариш ва назорат органлари, фойданинг тақсимоти ва фондларни ҳосил қилиш тартиби, ҳаммуассисларни қабул қилиш ва чиқариш, нашриётни қайта тузиш ва тугатиш тартиблари белгиланади.
5. Ноширлик фаолиятини давлат рўйхатидан ўтказиш учун давлат тилида ёзилган ҳужжатлар тақдим этилади.
Рўйхатдан ўтказиш тўғрисидаги аризада қуйидагилар кўрсатилиши керак:
муассис (ҳаммуассис);
ноширнинг номи ва манзили;
ихтисослашуви;
маблағ билан таъминланиш манбаи.
Аризага устав, шунингдек рўйхатдан ўтиш йиғимларини тўлаганлик тўғрисидаги ҳужжат қўшиб тақдим этилади.
6. Давлат рўйхатидан ўтиб, ташкилий масалалар ҳал этилгандан сўнг лицензия бериш ҳақидаги ариза у берилган кундан бошлаб бир ой муддатда кўриб чиқилиши керак.
7. Лицензия 5 йил муддатга берилади. Аризачининг асосланган илтимоси бўйича лицензия муддати тегишли тўловдан сўнг яна шунча муддатга узайтирилиши мумкин. Лицензия муддатининг узайтирилганлиги ёзма шаклда тасдиқланади.
Ўзбекистон Республикаси Давлат матбуот қўмитасида ноширнинг (нашриётнинг) давлат рўйхатидан ўтказилганлиги ва тегишли йиғимларнинг тўланганлиги ҳақидаги ҳужжатларнинг аризага илова қилиб топширилиши лицензия бериш учун асос бўлади.
9. Ноширлик фаолияти билан шуғулланувчилар давлат рўйхатидан ўтказилганлиги учун улардан қуйидаги миқдорларда йиғим ундирилади:
рўйхатдан ўтказилганлиги учун — энг кам ойлик иш ҳақининг 10 баравари миқдорида;
қайта рўйхатдан ўтказилганлиги учун — рўйхатдан ўтказилганлик учун белгиланган йиғимнинг 20 фоизи миқдорида.
Ноширлик фаолиятига лицензия берилганлиги учун қуйидаги миқдорларда давлат пошлинаси ундирилади:
энг кам ойлик иш ҳақининг 4 баравари миқдорида;
лицензия дубликати берилганлиги учун — лицензия берилганлиги учун белгиланган давлат пошлинасининг 50 фоизи миқдорида.
Ноширлик фаолияти болалар адабиёти, норматив маълумотномалар, фан ва техникага оид адабиётлар, маълумотнома-қомусий китоблар, шунингдек ногиронларга мўлжалланган маҳсулотларни чоп этишга ихтисослашган нашриётлар тўловларни белгиланганидан 50 фоиз кам миқдорда тўлайдилар.
10. Тўловлардан тушадиган маблағлар қуйидагича тақсимланади:
давлат рўйхатидан ўтказилганлиги учун тўловлар — давлат рўйхатидан ўтказиш ва лицензия беришга доир ҳужжатлар тайёрлашга кетган сарф-харажатларни қоплаш учун Давлат матбуот қўмитасига;
лицензия учун тўловлар — республика бюджетига.
11. Давлат рўйхатидан ўтказиш ва лицензия бериш учун зарур бўлган ҳужжатлар тегишли равишда тайёрланмаган бўлса, шунингдек улар амалдаги қонун талабларига ва мазкур тартибларга мос бўлмаса ариза рад этилиши ёки кўриб чиқиш муддати ҳужжатлар тўлиқ ҳолда тақдим этилмагунча кечиктирилиши мумкин.
Ҳужжатлар қайтадан расмийлаштирилган тақдирда, улар 10 кун ичида такроран кўриб чиқилади.
Қуйидаги ҳолларда ҳам давлат рўйхатидан ўтказиш ва лицензия бериш рад этилиши мумкин:
худди шу номдаги нашриёт аввал давлат рўйхатидан ўтказилган ва лицензия олган ва уни амал қилиш муддати тугамаган бўлса;
мазкур юридик ва жисмоний шахсга берилган лицензия бекор қилинган кундан бошлаб икки йил ўтмасдан олдин ариза берилган бўлса;
нашриётнинг таъсис этилиши ноширлик ишида монополияга олиб келса.
12. Давлат рўйхатидан ўтказмаслик ва лицензия бермаслик ҳақидаги қарор ҳар томонлама асосланган бўлиши ва сўровчига ёзма шаклда юборилиши керак.
13. Давлат рўйхатидан ўтган ва лицензия олган нашриётлар Ўзбекистон Республикаси Давлат матбуот қўмитасига, шунингдек Давлат матбуот қўмитаси тасдиқлайдиган рўйхат бўйича ташкилотлар ва муассасаларга ўз маҳсулотларининг бепул назорат нусхаларини юборишга мажбурдирлар.
14. Берилган лицензия қуйидаги ҳолларда бекор қилиниши мумкин:
а) лицензия олиш учун тақдим этилган материалларда сохта маълумотлар борлиги аниқланса;
б) агар таъсисчи ва нашриёт лицензия олгандан кейин олти ой мобайнида ноширлик маҳсулоти чиқаришни таъминлай олмаса;
в) Ўзбекистон Республикасининг қонунларида назарда тутилган бошқа ҳолларда.
1-ИЛОВА
Ўзбекистон Республикасида давлат рўйхатидан ўтган ва лицензия олган нашриётларни (ноширларни) ҳисобга олиш ягона
ДАВЛАТ РЕЕСТРИ
|
Ҳисоб рақами ва реестрга киритилган сана |
Берилган лицензия рақами ва сана |
Нашриётларнинг номи |
Юридик манзили |
Тугатилганлик тўғрисида маълумот |
| | | | | |
2-ИЛОВА
Ўзбекистон Республикаси Давлат матбуот қўмитаси
|
Ноширлик фаолияти билан шуғулланувчиларнинг давлат рўйхатидан ўтказилганлиги тўғрисида | |
|
ГУВОҲНОМА | |
| Мазкур гувоҳнома_______________________________________________________ | |
|
(нашриёт номи) | |
| рўйхатдан ўтказилган______________________________________________га берилди. | |
|
(нашриётнинг номи) | |
| | |
| | |
| Рўйхатдан ўтказилган сана 199__йил «___»_________________ | |
| Реестр №__________________________ | |
| | |
| М.Ў. |
Имзо_________________(Ф. И. О.) |
| |
(«Ўздавматбуотқўм» раиси) |
