Ўзбекистон Республикаси Вазирлар Маҳкамасининг
қарори
МУСОДАРА ҚИЛИНГАН, ЭГАСИЗ МОЛ-МУЛКНИ, ВОРИСЛИК ҲУҚУҚИ БЎЙИЧА ДАВЛАТ ИХТИЁРИГА ЎТГАН МОЛ-МУЛКНИ ВА ХАЗИНАЛАРНИ ҲИСОБГА ОЛИШ, БАҲОЛАШ ВА СОТИШ ТАРТИБИ ҲАҚИДАГИ НИЗОМГА ЎЗГАРТИРИШ ВА ҚЎШИМЧАЛАР КИРИТИШ ТЎFРИСИДА
 LexUZ шарҳи
Мазкур қарорнинг мусодара қилинган ва эгасиз мол-мулкка оид қисми Ўзбекистон Республикаси Вазирлар Маҳкамасининг 2003 йил 21 январда қабул қилинган 36-сонли «Давлат даромадига ўтказиладиган мол-мулкни ҳисобга олиш, баҳолаш ва сотиш тартиби тўғрисидаги Низомни тасдиқлаш ҳақида»ги қарорига асосан ўз кучини йўқотган.
Мусодара қилинган, эгасиз мол-мулкни, ворислик ҳуқуқи бўйича давлат ихтиёрига ўтган мол-мулкни ва хазиналарни сотишдан тушган маблағларнинг ўз вақтида ҳисобга олинишини ва бюджетга тушишини ҳамда савдо ташкилотларининг ушбу суммалар бўйича бюджет билан ўзаро ҳисоб-китоб қилишини соддалаштиришни таъминлаш мақсадида Вазирлар Маҳкамаси қарор қилади:
Ўзбекистон Республикаси Вазирлар Маҳкамасининг 1993 йил 22 мартдаги 151-сон қарори билан тасдиқланган «Мусодара қилинган, эгасиз мол-мулкни, ворислик ҳуқуқи бўйича давлат ихтиёрига ўтган мол-мулкни ва хазиналарни ҳисобга олиш, баҳолаш ва сотиш тартиби ҳақидаги низом»га иловага мувофиқ ўзгартириш ва қўшимчалар киритилсин.
Ўзбекистон Республикаси Бош вазири Ў. СУЛТОНОВ
Тошкент ш.,
1997 йил 13 июнь,
295-сон
Вазирлар Маҳкамасининг 1997 йил 13 июндаги 295-сон қарорига
ИЛОВА
«Мусодара қилинган, эгасиз мол-мулкни, ворислик ҳуқуқи бўйича давлат ихтиёрига ўтган мол-мулкни ва хазиналарни ҳисобга олиш, баҳолаш ва сотиш тартиби ҳақидаги низом»га киритиладиган
ўзгартириш ва қўшимчалар
1. 5-банднинг иккинчи хатбошидаги «аниқланган» сўзи «жойлашган ёки сақланган» сўзлари билан алмаштирилсин.
2. 8-банддаги «маҳаллий органлар томонидан махсус ажратилган давлат савдоси ва матлубот кооперацияси дўконлари» сўзлари чиқариб ташлансин ва «шу мақсадлар учун сўзларидан» сўнг «маҳаллий бошқарув органлари томонидан махсус ажратилган дўконлар, шунингдек, Республика фонд биржаси ва Республика кўчмас мулк биржаси ёки уларнинг филиаллари орқали амалга оширилади. Бунда кўчмас мулк объектларини сотиш Республика кўчмас мулк биржаси орқали, акцияларни сотиш Республика фонд биржаси орқали белгиланган тартибда амалга оширилади. Автотранспорт воситаларини сотиш уларни белгиланган тартибда кимошди савдоларига қўйиш йўли билан амалга оширилади» сўзлари билан тўлдирилсин.
3. 12-банд «буюмлар» сўзларидан кейин «комиссия аъзолари иштирокида» сўзлари билан тўлдирилсин.
4. 13-банд қуйидаги таҳрирда баён этилсин:
«Мол-мулкни сотиш учун топшириш, қабул қилиб олиш ва сотиш шартлари, бу мол-мулк учун бюджет билан ҳисоб-китоб қилиш тартиби мусодара қилинган ва эгасиз мол-мулкни сотиш учун алоҳида ажратилган дўконлар, Республика фонд биржаси ва кўчмас мулк биржаси билан комиссия томонидан тузиладиган шартномаларда акс эттирилади».
5. 16-банднинг биринчи хатбошида «солиқ органига берилади» сўзлари «солиқ органига ҳамда бир нусхаси молия органига берилади» сўзлари билан алмаштирилсин.
6. 17-банддаги биринчи хатбоши қуйидаги гап билан тўлдирилсин:
«Алоҳида ҳолларда мол-мулкни Ўзбекистон давлат қимматбаҳо буюмлар хазинасига (шунингдек музейлар, кутубхоналар, архивлар, илмий муассасаларга баҳолаш далолатномасига кўра бепул) беришда таклиф этилган баҳоловчи мутахассислар ва экспертларга ҳақ тўлаш билан боғлиқ харажатлар республика бюджетида ушбу мақсадлар учун назарда тутилган маблағлар ҳисобидан амалга оширилади».
7. 18-банд қуйидаги таҳрирда баён этилсин:
«Сотиш учун қабул қилинган мол-мулк учун бюджет билан ҳисоб-китоб қилиш савдо ташкилоти томонидан шартномада келишилган муддат давомида, лекин мол-мулк сотилган вақтдан сўнг узоғи билан ўн кунда тегишли суммани бюджет даромадига ўтказиш йўли билан амалга оширилади.
Бунда эгасиз, мусодара қилинган мол-мулкни сотишдан тушган маблағлар, савдо ташкилоти ҳақи (савдо чегирмаси) чиқариб ташлангач, бюджетга (80 фоизи) ҳамда Ўзбекистон Республикаси ҳудудий солиқ ва божхона органларининг махсус фондига (20 фоизи) ўтказилади».
8. 19-банддаги «0,5 фоизи миқдорида» сўзлари «Ўзбекистон Республикаси қонунчилигида белгиланган миқдорда» сўзлари билан алмаштирилсин.
9. 20-банд «мусодара қилинган» сўзларидан кейин «ва эгасиз» сўзлари билан тўлдирилсин.
10. 21-банд «илмий муассасаларга» сўзларидан кейин «баҳолаш далолатномасига кўра» сўзлари билан тўлдирилсин.
11. 23-банд «қимматбаҳо қоғозлар» сўзларидан кейин «акциялардан ташқари» сўзлари билан тўлдирилсин.
12. 33-банддаги биринчи ва учинчи хатбошилар қуйидагича янги таҳрирда баён этилсин:
«Агар мол-мулк ҳали сотилмаган ёки қайта ишлашга берилмаган бўлса мол-мулкни қайтариш уни қайтариш тўғрисида ариза берилган кундан бошлаб ўн кун муддатда солиқ органи томонидан амалга оширилади. Аризага ушбу мол-мулк давлат ихтиёрига ўтказиш тўғрисидаги қарорнинг бекор қилинганлигини тасдиқловчи тегишли давлат органи томонидан берилган ҳужжатнинг тасдиқланган нусхаси илова қилинади».
«Агар бу мол-мулк сотилган ёки қайта ишлашга берилган бўлса унинг қийматини қоплаш унинг эгаси ёки ворислари томонидан мол-мулкни (сотиш билан боғлиқ харажатларни чиқариб ташламай сотишдан амалда тушган сумма) қайтариш тўғрисида ариза берилган кундан бошлаб ўн кун муддатда молия органи томонидан тегишли бюджетдан амалга оширилади. Мол-мулкнинг қиймати (суммаси) баҳоси тегишли давлат органларининг мусодара қилишни бекор қилиш ёки мол-мулкнинг бир қисмини хатга олишдан озод этиш (рўйхатдан чиқариш) тўғрисидаги қарори кучга кирган кунда амалда бўлган шартномавий (бозор) нархлар бўйича белгиланади.
Бунда, агар сотилган мол-мулк қийматидан бошқа ташкилотларнинг жорий счётларига маблағ ўтказилган бўлса мол-мулк қийматининг тегишли қисми ушбу ташкилотлар ҳисобидан қопланади».
13. 33-банднинг охирги хатбошидаги «Давлат солиқ бош бошқармаси» сўзлари «Давлат солиқ қўмитаси» сўзлари билан алмаштирилсин.