|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
РЕСПУБЛИКА ДАВОЛАШ МУАССАСАЛАРИНИНГ ТЕХНИК ЖИҲОЗЛАНИШИНИ МУСТАҲКАМЛАШ ЧОРА-ТАДБИРЛАРИ ТЎFРИСИДА
[Кўчирма]
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Мамлакат аҳолиси соғлиғини мустаҳкамлашга, тиббий ёрдам кўрсатишни тубдан яхшилашга катта аҳамият бериб ҳамда республика соғлиқни сақлаш тизими даволаш муассасаларини юқори технологияли асбоб-ускуналар ва техниканинг энг янги турлари билан таъминлаш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги томонидан «Сименс» акциядорлик жамияти (ГФР) билан республикага 23,3 млн. Германия маркаси суммасида юқори технологияли тиббий асбоб-ускуналар етказиб беришга контракт тузилганлиги маълумот учун қабул қилинсин.
Ўзбекистон Республикаси Ташқи иқтисодий алоқалар вазирлиги контрактни белгиланган тартибда рўйхатдан ўтказсин.
2. Тиббий асбоб-ускуналар харид қилишни маблағ билан таъминлаш:
контракт қийматининг 85 фоизи (19,8 млн. Германия маркаси) «Гермес» (ГФР) суғурта жамиятининг суғурта қопламаси остида «Берлинер Банк АГ» (ГФР) банки кредити ҳисобига;
контракт қийматининг 15 фоизи (3,5 млн. Германия маркаси) «Берлинер Банк АГ»нинг қисқа муддатли (1,5 йил) кредити ҳисобига амалга оширилишига розилик берилсин.
Чет эл банкининг кредитларини қайтариш Ўзбекистон Республикаси давлат бюджети маблағлари ҳисобига 1-иловага* мувофиқ амалга оширилади.
* 1-илова берилмайди
3. Ўзбекистон Республикаси Бош вазирининг ўринбосари Б. С. Ҳамидов мазкур лойиҳа бўйича кредитор — Германия банкига ва Ўзбекистон Республикаси Ташқи иқтисодий фаолият миллий банкига ҳукумат кафолатларини беришга вакил қилинсин.
4. Ўзбекистон Республикаси Адлия вазирлиги Ўзбекистон Республикаси Ҳукумати кафолати бўйича юридик хулосани чет эл банклари билан банклараро битимга илова шаклида белгиланган тартибда расмийлаштирсин.
5. Ўзбекистон Республикаси Ташқи иқтисодий фаолият миллий банки икки ой муддатда кредит битими тузсин ва «Берлинер Банк АГ» Германия банкининг «Гермес» (ГФР) жамиятининг суғурта қопламаси остидаги маблағлари Ўзбекистон Республикаси соғлиқни сақлаш вазирлиги учун қайта молиялаштирилишини таъминласин.
6. «Сименс» ҳиссадорлик жамиятининг тиббий асбоб-ускуналарини етказиб бериш назарда тутилган даволаш муассасалари рўйхати 2-иловага* мувофиқ тасдиқлансин.
* 2-илова берилмайди
7. Ўзбекистон Республикаси соғлиқни сақлаш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Ўзбекистон Республикаси Фанлар академияси:
тиббий асбоб-ускуналарнинг аниқ йўналтирилишини, уларнинг ўз вақтида монтаж қилинишини, Ўзбекистон аҳолиси манфаатлари йўлида улардан самарали ва кенг фойдаланилишини;
1998 йилда ва кейинги йилларда кредит республика ва маҳаллий бюджетларда тиббий асбоб-ускуналар ва техника харид қилиш учун назарда тутилган маблағлар ҳисобига ўз вақтида қайтарилишини таъминласинлар.
8. Ўзбекистон Республикаси Молия вазирлиги 1998 йилга ва кейинги йилларга бюджет лойиҳасини ишлаб чиқишда кредит бўйича қарзларни қайтариш зарурлигини ва унга хизмат кўрсатиш билан боғлиқ харажатларни ҳисобга олсин.
10. Мазкур қарорнинг бажарилишини назорат қилиш Ўзбекистон Республикасининг Бош вазири Ў. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1997 йил 6 июнь,
285-сон
