Ўзбекистон Республикаси Президентининг

Қарори

Қоракўлчилик тармоғини янада ривожлантириш бўйича қўшимча чора-тадбирлар тўғрисида

Бугунги кунда мамлакатимизда қоракўлчилик тармоғи корхоналарини модернизация қилиш, ишлаб чиқариш қувватларини техник ва технологик жиҳатдан янгилаш, ўзбек қоракўли брендини яратиш ва дунё миқёсида тарғиб қилиш, соҳанинг инвестициявий жозибадорлигини ошириш борасида кенг қамровли ишлар амалга оширилмоқда.

Шу билан бирга, майда шохли наслдор молларни кўпайтириш, шунингдек, уларни сўйиш, тери ва жунини қайта ишлаш, гўшт-сут маҳсулотлари, ярим тайёр ва тайёр маҳсулотлар ишлаб чиқариш корхоналарини ташкил қилиш, тармоққа ривожланган хорижий давлатлар тажрибасини ва инновацион технологияларни жорий этиш, сув билан таъминланмаган яйловларда янги сув иншоотларини қуриш ва мавжудларини модернизация қилиш борасида бир қатор тизимли муаммолар сақланиб қолмоқда.

Шунингдек, мавжуд яйловлар ҳосилдорлигини ошириш, уруғчилик майдонларини кенгайтириш, наслчилик ишларини янада такомиллаштириш, соҳада экспортбоп қоракўл ва қоракўлча тери етиштириш аҳволи бугунги кун талабига жавоб бермайди.

Юқоридагиларни инобатга олиб, қоракўлчилик тармоғини давлат томонидан қўллаб-қувватлаш, яйловлардан самарали фойдаланиш ва яйловлардан фойдаланишда солиқ имтиёзларини қўллаш, уруғчилик ишини йўлга қуйиш, наслчилик ишларини такомиллаштиришда субсидия бериш тартибини қўллаш ҳамда соҳанинг илмий салоҳиятини янада мустаҳкамлаш мақсадида:

Олдинги таҳрирга қаранг.

(1-банд Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан ўз кучини йўқотган — Қонунчилик маълумотлари миллий базаси, 08.10.2021 й., 06/21/6320/0940-сон)

Олдинги таҳрирга қаранг.

2. Молия вазирлиги қоракўлчилик соҳасини янада ривожлантириш мақсадида Молия вазирлигининг вақтинча бўш турган маблағлари (Ўзбекистон Республикаси Давлат бюджети ва давлат мақсадли жамғармалари маблағлари, бюджетни қўллаб-қувватлаш учун жалб қилинадиган халқаро молия институтлари ва хорижий ҳукумат молия ташкилотларининг кредитлари, суверен халқаро облигацияларни чиқариш ва қонун билан тақиқланмаган бошқа манбалар) ҳисобидан 2021 йилда 15 февралга қадар 100 миллиард сўм, 1 майга қадар 50 миллиард сўм ва 1 августга қадар 50 миллиард сўм маблағларни тижорат банкларига Марказий банк асосий ставкасида ажратсин.

(2-банднинг биринчи хатбошиси Ўзбекистон Республикаси Президентининг 2022 йил 26 апрелдаги ПҚ-224-сон қарори таҳририда — Қонунчилик маълумотлари миллий базаси, 27.04.2022 й., 07/22/224/0349-сон)

Олдинги таҳрирга қаранг.

Тижорат банклари мазкур бандга асосан ажратиладиган маблағларни «Яйлов хўжалигини ривожлантириш» уюшмаси (кейинги ўринларда — Уюшма) аъзоларига 5 йил муддатгача, шу жумладан уч йиллик имтиёзли давр билан Марказий банкнинг асосий ставкасига 4 фоизлик банк маржасини қўшиш орқали ҳисобланадиган ставка бўйича кредит сифатида қуйидаги мақсадларга тақдим этилишини таъминласин:

(2-банднинг иккинчи хатбошиси Ўзбекистон Республикаси Президентининг 2022 йил 26 апрелдаги ПҚ-224-сон қарори таҳририда — Қонунчилик маълумотлари миллий базаси, 27.04.2022 й., 07/22/224/0349-сон)

наслчилик қоракўлчилик хўжаликларидан қўйлар харид қилиш;

қоракўлчилик соҳасида экспортбоп қоракўл ва қоракўлча терини қайта ишлаш ҳамда тайёр маҳсулот ишлаб чиқариш корхоналарини ташкил этиш;

Олдинги таҳрирга қаранг.

қоракўлчилик ва каврак етиштириш билан шуғулланадиган хўжалик юритувчи субъектлар томонидан озуқа цехлари (гранулятор)ни ташкил этилишини ҳамда қишлоқ хўжалиги техникалари ва агрегатлари, ресурс тежовчи ускуналар ва замонавий технологиялар харид қилинишини молиялаштириш;

(2-банднинг бешинчи хатбошиси Ўзбекистон Республикаси Президентининг 2022 йил 27 апрелдаги ПФ-116-сонли Фармони таҳририда — Қонунчилик маълумотлари миллий базаси, 28.04.2022 й., 06/22/116/0353-сон)

Олдинги таҳрирга қаранг.

каврак ўсимлиги кўчати ва уруғини сотиб олиш;

(2-банд Ўзбекистон Республикаси Президентининг 2022 йил 27 апрелдаги ПФ-116-сонли Фармонига асосан олтинчи хатбоши билан тўлдирилган — Қонунчилик маълумотлари миллий базаси, 28.04.2022 й., 06/22/116/0353-сон)

Олдинги таҳрирга қаранг.

хом ашё, материаллар ва фурнитуралар сотиб олиш;

(2-банд Ўзбекистон Республикаси Президентининг 2021 йил 14 апрелдаги ПҚ-5075-сон қарорига асосан олтинчи хатбоши билан тўлдирилган — Қонун ҳужжатлари маълумотлари миллий базаси, 14.04.2021 й., 07/21/5075/0332-сон)

сув чиқариш иншоотларини барпо этиш ҳамда мавжудларини таъмирлаш ва модернизация қилиш.

Олдинги таҳрирга қаранг.

(2-банднинг тўққизинчи хатбошиси Ўзбекистон Республикаси Президентининг 2023 йил 10 ноябрдаги ПФ-193-сонли Фармонига асосан чиқарилган — Қонунчилик маълумотлари миллий базаси, 11.11.2023 й., 06/23/193/0844-сон)

Олдинги таҳрирга қаранг.

Ипакчилик ва жун саноатини ривожлантириш қўмитаси тижорат банклари билан биргаликда ажратилаётган маблағларнинг мақсадли йўналтирилишини ташкил қилсин ва ҳар чорак якуни бўйича маблағларнинг сарфланиши юзасидан Вазирлар Маҳкамаси ҳамда Молия вазирлигига ҳисобот киритилишини таъминласин.

(2-банднинг тўққизинчи хатбошиси Ўзбекистон Республикаси Президентининг 2022 йил 26 апрелдаги ПҚ-224-сон қарори таҳририда — Қонунчилик маълумотлари миллий базаси, 27.04.2022 й., 07/22/224/0349-сон)

Ажратилган маблағларнинг мақсадли ишлатилиши Ўзбекистон Республикаси Молия вазирлигининг Давлат молиявий назорати департаменти томонидан назорат қилинади.

(2-банд Ўзбекистон Республикаси Президентининг 2021 йил 14 апрелдаги ПҚ-5075-сон қарорига асосан тўққизинчи ва ўнинчи хатбошилар билан тўлдирилган — Қонун ҳужжатлари маълумотлари миллий базаси, 14.04.2021 й., 07/21/5075/0332-сон)

3. Шундай тартиб ўрнатилсинки, унга кўра:

Олдинги таҳрирга қаранг.

(3-банднинг иккинчи хатбошиси Ўзбекистон Республикаси Президентининг 2025 йил 30 январдаги ПҚ-34-сонли қарорига асосан чиқарилган — Қонунчилик маълумотлари миллий базаси, 31.01.2025 й., 07/25/34/0096-сон)

Олдинги таҳрирга қаранг.

2022 йил 1 январга қадар қоракўлчиликни ривожлантириш лойиҳаларини амалга ошириш доирасида харид қилинадиган товарлар (ишлар, хизматлар) ва транспорт воситалари божхона божидан озод қилинади;

(3-банд Ўзбекистон Республикаси Президентининг 2021 йил 14 апрелдаги ПҚ-5075-сон қарорига асосан учинчи хатбоши билан тўлдирилган — Қонун ҳужжатлари маълумотлари миллий базаси, 14.04.2021 й., 07/21/5075/0332-сон)

Олдинги таҳрирга қаранг.

(3-банднинг тўртинчи хатбошиси Ўзбекистон Республикаси Президентининг 2022 йил 30 декабрдаги ПҚ-471-сонли қарорига асосан 2023 йил 1 январдан чиқарилади — Қонунчилик маълумотлари миллий базаси, 01.01.2023 й., 07/23/471/0001-сон)

Олдинги таҳрирга қаранг.

(3-банднинг тўртинчи хатбошиси Ўзбекистон Республикаси Президентининг 2025 йил 30 январдаги ПҚ-34-сонли қарорига асосан чиқарилган — Қонунчилик маълумотлари миллий базаси, 31.01.2025 й., 07/25/34/0096-сон)

4. Қўмита Ветеринария ва чорвачиликни ривожлантириш давлат қўмитаси, Инвестициялар ва ташқи савдо вазирлиги ҳамда Давлат божхона қўмитаси билан биргаликда 2021 йил 20 мартга қадар Уюшмага аъзо бўлган хўжаликлар томонидан Ўзбекистон Республикаси божхона чегараси орқали қўй, унинг гўшти ва ички органлари, ошланган ёки қайта ишланган қоракўл терисининг олиб чиқилишини мониторинг қилиш ва тегишли давлат органлари билан маълумот алмашиш тартибини Вазирлар Маҳкамасига киритсин.

Олдинги таҳрирга қаранг.

5. Ветеринария ва чорвачиликни ривожлантириш қўмитаси «Ўзстандарт» агентлиги ва Давлат божхона қўмитаси билан биргаликда экспортга йўналтирилган тирик қўй ва улардан олинган гўшт маҳсулотларини ташқи бозорларга чиқаришда халқаро стандартлар ва талаблар асосида тегишли ҳужжатларни сифатли тайёрлаш, импорт қилувчи мамлакатлар талабларини экспорт қилувчи корхоналарга етказишни таъминласин ҳамда экспорт қилишда уларга ҳар томонлама кўмаклашсин.

(5-банд Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

6. Қўмита, Инновацион ривожланиш вазирлиги ва Уюшманинг:

илм-фан ва ишлаб чиқаришнинг мустаҳкам интеграциясини таъминлаш, илмий ва инновацион фаолиятни самарали ташкил этиш, халқаро ҳамкорликни ривожлантириш мақсадида Қоракўлчилик ва чўл экологияси илмий-тадқиқот институти тузилмасида Марказлашган илмий-наслчилик тажриба лабораторияси (кейинги ўринларда — наслчилик лабораторияси)ни ташкил этиш;

наслчилик лабораториясини Қоракўлчилик ва чўл экологияси илмий-тадқиқот институтининг бўш турган Самарқанд вилояти, Самарқанд шаҳри, Мирзо Улуғбек кўчаси, 47-уй манзилидаги биносига ижара тўловининг «ноль» ставкаси асосида жойлаштириш тўғрисидаги таклифлари маъқуллансин.

Наслчилик лабораториясининг асосий вазифалари этиб қуйидагилар белгилансин:

соҳада маҳаллий ва хорижий фан ютуқларини татбиқ этиш асосида табиий серпуштликка, юқори ҳаётчанлик ва мослашиш хусусиятига эга бўлган қўш маҳсулдор янги қўй зотларини яратишнинг лаборатор тажрибаларини олиб бориш;

наслдор қоракўл қўйларининг сифат кўрсаткичлари (қўй вазни, саноатбоп жун, қоракўл териси сатҳи ва гул типи)ни яхшилаш бўйича тажрибалар ўтказиш ва тавсиялар ишлаб чиқиш;

илмий-наслчилик тажриба станцияларида юқори наслдор элита синфига мансуб наслли қўйлар отарларини илмий асосда ташкил этиш ва сунъий уруғлантириш ишларини тизимли йўлга қўйиш.

7. Давлат геология ва минерал ресурслар қўмитаси Қўмитанинг буюртмаларига асосан яйловларда ер ости сув манбаларини аниқлаш ва хулоса бериш бепул амалга оширилишини таъминласин.

Олдинги таҳрирга қаранг.

(8-банд Ўзбекистон Республикаси Президентининг 2022 йил 29 декабрдаги ПҚ-462-сонли қарорига асосан ўз кучини йўқотган — Қонунчилик маълумотлари миллий базаси, 29.12.2022 й., 07/22/462/1135-сон)

9. Ўзбекистон Республикаси Президентининг айрим қарорларига 2-иловага мувофиқ ўзгартиришлар киритилсин.

10. Қўмита икки ой муддатда:

хорижий давлатлардан импорт қилинган наслдор қўй ва эчкининг, шунингдек, қоракўл зотли қўйларнинг ҳар бир эмбрионига Ўзбекистон Республикасининг республика бюджети маблағлари ҳисобидан субсидия тақдим этиш тартибини;

бошқа манфаатдор вазирлик ва идоралар билан биргаликда қонун ҳужжатларига ушбу қарордан келиб чиқадиган ўзгартиришлар тўғрисидаги таклифни Вазирлар Маҳкамасига киритсин.

11. Мазкур қарор ижросини самарали ташкил этишга масъул ҳамда шахсий жавобгар этиб Қўмита раиси Б.Қ. Шарипов белгилансин.

Қарорнинг ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.

Амалга оширилаётган чора-тадбирлар натижадорлиги юзасидан Вазирлар Маҳкамасига ҳар ярим йил якуни бўйича ахборот киритиб борилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 9 февраль,

ПҚ-4984-сон

Олдинги таҳрирга қаранг.

(1-илова Ўзбекистон Республикаси Президентининг 2021 йил 7 октябрдаги ПФ-6320-сонли Фармонига асосан ўз кучини йўқотган — Қонунчилик маълумотлари миллий базаси, 08.10.2021 й., 06/21/6320/0940-сон)

Ўзбекистон Республикаси Президентининг 2021 йил 9 февралдаги ПҚ-4984-сон қарорига
2-ИЛОВА

Ўзбекистон Республикаси Президентининг айрим қарорларига киритилаётган ўзгартиришлар

1. Ўзбекистон Республикаси Президентининг 2017 йил 16 мартдаги «Чорвачиликда иқтисодий ислоҳотларни чуқурлаштиришга доир қўшимча чора-тадбирлар тўғрисида»ги ПҚ-2841-сон қарорида:

7-банднинг иккинчи — бешинчи хатбошилари қуйидаги таҳрирдаги иккинчи — тўққизинчи хатбошилар билан алмаштирилсин:

«майда шохли моллар, шу жумладан қоракўл қўйларининг наслини қайта тиклаш, юқори маҳсулдор зот типларини яратиш ва жорий этиш бўйича қоракўлчилик субъектлари ҳамда ташкилотларининг фаолиятини мувофиқлаштириш, республикада қоракўл қўйларнинг элита генофондининг сақлаб қолиниши устидан мониторингни олиб бориш;

табиий яйловларнинг ҳолатини яхшилаш, қурғоқчиликка ва иссиққа чидамли яйлов озуқабоп ўсимликлар навларини яратиш, яйловларни деградациядан чиқаришда илғор технологияларини жорий этиш ҳамда инвестицияларни жалб этишга кўмаклашиш;

қоракўлчилик кластерларига илмий ва инновацион ёндашувларни қўллаган ҳолда майда шохли моллар, шу жумладан қоракўл қўйларини кўпайтириш, кластер иштирокчилари ўртасида кооперация алоқаларини йўлга қўйиш, хом ашёни чуқур қайта ишлаш ва маҳсулот ишлаб чиқаришни ташкиллаштириш, яйловлардан самарали фойдаланиш, уларнинг ҳолати ёмонлашиб кетишининг олдини олиш бўйича юклатилган мажбуриятлар ижросини мониторинг қилиш ва жамоатчилик назоратини амалга ошириш;

ички ва тармоқлараро, жумладан, майда шохли моллар, туя, йилқи ва йирик шохли молларни етиштиришга ҳамда улардан олинадиган хом ашёларни чуқур қайта ишлашга ихтисослаштирилган корхоналар, шунингдек, қоракўлчилик хўжаликлари ҳамда тайёр маҳсулот ишлаб чиқарувчилар ўртасида кооперацияни ривожлантириш;

соҳага хорижий инвестицияларни кенг жалб этиш орқали самарали ва замонавий технологияларни жорий этишга кўмаклашиш;

жаҳон бозоридаги талаб ва таклифни инобатга олган ҳолда майда шохли моллар, туя, йилқи ва йирик шохли моллардан олинадиган хом ашёларни чуқур қайта ишлаш ва экспорт учун тайёр маҳсулот ишлаб чиқариш бўйича маркетинг тадқиқотларини амалга ошириш;

малакали кадрлар тайёрлаш ва соҳанинг илмий салоҳиятини ошириш, шунингдек, ишлаб чиқариш, таълим ва фаннинг ўзаро интеграцияси учун қулай шарт-шароитларни шакллантириш;

Уюшма аъзоларининг ҳуқуқлари ва қонуний манфаатларини, жумладан, давлат ва хўжалик бошқаруви органлари, маҳаллий давлат ҳокимияти органлари билан ўзаро муносабатларда, назорат қилувчи органлар томонидан текширишлар ўтказиш жараёнида, шунингдек, судларда ишларни кўришда ҳимоя қилиш»;

б) 9-бандининг иккинчи хатбоши қуйидаги таҳрирда баён этилсин:

«республика «Қоракўлчилик» уюшмаси раиси ва унинг ўринбосарлари Уюшма аъзоларининг умумий йиғилиши қарорига мувофиқ сайланади ва Ўзбекистон Республикаси Вазирлар Маҳкамаси томонидан лавозимга тасдиқланади. «Қоракўл» ҳудудий уюшмаларининг раҳбарлари республика «Қоракўлчилик» уюшмаси бошқарув раисининг қарорига биноан тасдиқланади;».

2. Ўзбекистон Республикаси Президентининг 2019 йил 28 мартдаги «Ўзбекистон Республикаси Ветеринария ва чорвачиликни ривожлантириш давлат қўмитаси фаолиятини ташкил этиш тўғрисида»ги ПҚ-4254-сон қарори 3-бандининг олтинчи хатбошисидан «Қоракўлчилик» Республика уюшмаси» сўзлари чиқариб ташлансин.

3. Ўзбекистон Республикаси Президентининг 2019 йил 31 июлдаги «Пиллачилик тармоғида чуқур қайта ишлашни ривожлантириш бўйича қўшимча чора-тадбирлар тўғрисида»ги ПҚ-4411-сон қарорига 2-илованинг матни қуйидаги таҳрирда баён этилсин:

«Пиллачилик кластерларини ташкил этадиган «Ўзбекипаксаноат» уюшмаси таркибидаги корхоналар
РЎЙХАТИ

Т/р	Пиллани қайта ишлаш корхоналари номи	Бириктирилган ҳудудлар номи
Қорақалпоғистон Республикаси
1.	«Jayhun Silk» масъулияти чекланган жамият	Амударё
		Қонликўл
		Нукус
		Хўжайли
		Шуманай
		Тахиатош
		Кегейли
		Чимбой
2.	«Bustan silk» масъулияти чекланган жамият	Элликқалъа
3.	«Biy Bazar Silk Carpets» масъулияти чекланган жамият	Тўрткўл
4.	«KKR IPAK CLUSTER» масъулияти чекланган жамият	Беруний
Андижон вилояти
5.	«Andijan silk co» масъулияти чекланган жамияти қўшма корхонаси	Пахтаобод
		Избоскан
		Андижон
		Марҳамат
6.	«Asaka ipagi» масъулияти чекланган жамият	Асака
7.	«Oltinkoʼl zar ipagi « масъулияти чекланган жамият	Олтинкўл
8.	«Andijon-xanoy ipagi» масъулияти чекланган жамият	Балиқчи
		Бўз
		Улуғнор
9.	«Xarir tola» масъулияти чекланган жамият	Жалақудуқ
		Қўрғонтепа
		Булоқбоши
10.	«Sapfir sanoat» масъулияти чекланган жамият	Хўжаобод
10.	«Sapfir sanoat» масъулияти чекланган жамият	Шаҳрихон
Бухоро вилояти
11.	«Bukhara brilliant silk» масъулияти чекланган жамият	Пешку
11.	«Bukhara brilliant silk» масъулияти чекланган жамият	Шофиркон
12.	«Romstar» масъулияти чекланган жамият шаклидаги Ўзбекистон-Америка-Россия қўшма корхонаси	Ромитан
12.		Жондор
13.	«Кумушкент ипаги» масъулияти чекланган жамият	Вобкент
13.	«Кумушкент ипаги» масъулияти чекланган жамият	Когон
14.	«Silk Service» масъулияти чекланган жамият	Бухоро
15.	«Olot ipak tolasi» масъулияти чекланган жамият	Олот
16.	«Qorakoʼl ipak cluster» масъулияти чекланган жамият	Қоракўл
17.	«Gʼijduvon ipag tola» масъулияти чекланган жамият	Ғиждувон
Жиззах вилояти
18.	«Silk expert processing» масъулияти чекланган жамият	Фориш
		Дўстлик
		Зафаробод
		Пахтакор
19.	«Al Abbos silk» масъулияти чекланган жамият	Арнасой
19.	«Al Abbos silk» масъулияти чекланган жамият	Мирзачўл
20.	«Zomin asl ipak tolasi» хусусий корхонаси	Бахмал
		Зомин
		Зарбдор
		Ш. Рашидов
		Янгиобод
21.	«Gʼallaorol silk eksport» масъулияти чекланган жамият	Ғаллаорол
Қашқадарё вилояти
22.	«Radiant silk» масъулияти чекланган жамият	Ғузор
		Деҳқонобод
		Қамаши
		Қарши
		Миришкор
		Муборак
		Нишон
23.	«Shakhrisabz silk production» масъулияти чекланган жамият	Китоб
23.	«Shakhrisabz silk production» масъулияти чекланган жамият	Шаҳрисабз
24.	«Yakkabogʼ silk production» масъулияти чекланган жамият	Яккабоғ
25.	«Chiroqchi-tolasi» масъулияти чекланган жамият	Чироқчи
26.	«Koson silk» масъулияти чекланган жамият	Косон
27.	«Kasbi silk» масъулияти чекланган жамият	Касби
Навоий вилояти
28.	«Al-aziz ipagi» масъулияти чекланган жамият	Конимех
28.	«Al-aziz ipagi» масъулияти чекланган жамият	Навбаҳор
29.	«Xatirchi pilla xazinasi» хусусий корхонаси	Хатирчи
30.	«Ipak qurti urugʻi» масъулияти чекланган жамият	Кармана
31.	«Qiziltepa Pillachilik» масъулияти чекланган жамият	Қизилтепа
32.	«Navoiy silk production 2020» масъулияти чекланган жамият	Нурота
Наманган вилояти
33.	«Verigrow ipagi» масъулияти чекланган жамият шаклидаги хорижий корхона	Мингбулоқ
		Чуст
		Косонсой
34.	«Golden silk» шуъба корхонаси	Наманган
35.	«Fabrictex» масъулияти чекланган жамият	Норин
35.	«Fabrictex» масъулияти чекланган жамият	Учқўрғон
36.	«Marjon tola fayz» масъулияти чекланган жамият	Уйчи
37.	«Zilol silk» масъулияти чекланган жамият	Тўрақўрғон
38.	«Sof ipak invest» масъулияти чекланган жамият	Чортоқ
38.	«Sof ipak invest» масъулияти чекланган жамият	Поп
39.	«Silkrow» масъулияти чекланган жамият	Янгиқўрғон
Самарқанд вилояти
40.	«Kumush tola» хусусий корхонаси	Каттақўрғон
41.	«Samarkand silk ao» масъулияти чекланган жамият	Нарпай
42.	«Elbek t.r.j» масъулияти чекланган жамият	Пастдарғом
		Самарқанд
		Нуробод
43.	«Oqdaryo ipagi» масъулияти чекланган жамият	Оқдарё
44.	«Ziyovuddin silk» масъулияти чекланган жамият	Пахтачи
45.	«Jomboy silk» масъулияти чекланган жамият	Жомбой
45.	«Jomboy silk» масъулияти чекланган жамият	Қўшработ
46.	«Zar oltin pilla» масъулияти чекланган жамият	Булунғур
47.	«Tayloq ipagi» масъулияти чекланган жамият	Тайлоқ
48.	«Payariq ipagi» масъулияти чекланган жамият	Пайариқ
49.	«Urgut Silk Fiber Company» масъулияти чекланган жамият	Ургут
50.	«Ishtixon silk» масъулияти чекланган жамият	Иштихон
Сирдарё вилояти
51.	«Agro global» масъулияти чекланган жамият шаклидаги қўшма корхона	Оқолтин
		Боёвут
		Сайхунобод
		Гулистон
		Сардоба
		Сирдарё
		Мирзаобод
		Ховос
Сурхондарё вилояти
52.	«Surxon ipagi» масъулияти чекланган жамият	Ангор
		Бойсун
		Қизириқ
		Музработ
		Шеробод
		Бандихон
53.	«Inter silk pro» масъулияти чекланган жамият шаклидаги Ўзбекистон-Хитой қўшма корхонаси	Термиз
		Олтинсой
		Шўрчи
54.	«Sino silk» масъулияти чекланган жамият	Денов
		Узун
		Сариосиё
55.	«Silk village» масъулияти чекланган жамият	Жарқўрғон
56.	«Silk town» масъулияти чекланган жамият	Қумқўрғон
Тошкент вилояти
57.	«Ravnaq-silk» масъулияти чекланган жамият шаклидаги қўшма корхонаси	Бекобод
58.	«Turan silk» масъулияти чекланган жамият	Оққўрғон
59.	«Tashkent Silk Pro» масъулияти чекланган жамият	Бўка
60.	«Bio Farm Elit» масъулияти чекланган жамият	Янгийўл
61.	«Jinjuz silk co» масъулияти чекланган жамият шаклидаги хорижий корхона	Оҳангарон
61.		Пискент
62.	«Олтин пилла 2020» масъулияти чекланган жамият	Чиноз
		Ўртачирчиқ
		Юқоричирчиқ
63.	«Javoxir Silver Silk» масъулияти чекланган жамият	Бўстонлиқ
63.	«Javoxir Silver Silk» масъулияти чекланган жамият	Қибрай
64.	«TCT Agrocluster» масъулияти чекланган жамият	Қуйичирчиқ
Фарғона вилояти
65.	«Nurli tong silk» масъулияти чекланган жамият	Ўзбекистон
		Қўштепа
		Фурқат
		Қувасой ш.
		Риштон
66.	«Beshariq ipagi» масъулияти чекланган жамият	Бешариқ
67.	«Dangʼara ipagi» масъулияти чекланган жамият	Данғара
68.	«Silk World Business» масъулияти чекланган жамият	Бағдод
69.	«Капитал инвестком» масъулияти чекланган жамият қошидаги «Водил ипак йигирув» шуъба корхонаси	Олтиариқ
		Фарғона
		Фарғона ш.
		Қува
		Бувайда
70.	«Toshloq silk» масъулияти чекланган жамият	Тошлоқ
70.	«Toshloq silk» масъулияти чекланган жамият	Ёзёвон
71.	«Водий маржони» хусусий корхонаси	Сўх
72.	«Uchkoʼprik ipagi» масъулияти чекланган жамият	Учкўприк
Хоразм вилояти
73.	«Кhiva silk fabric» масъулияти чекланган жамият	Гурлан
		Қўшкўпир
		Хива
		Янгибозор
74.	«Хorazm pilla xolding» масъулияти чекланган жамият	Урганч
		Хонқа
		Янгиариқ
		Ҳазорасп
		Тупроққалъа
75.	«Bogʼot Silk Co» масъулияти чекланган жамият	Боғот
76.	«Shovot pilla» масъулияти чекланган жамият	Шовот

Изоҳ: Мазкур рўйхатга, зарурат бўлганда, «Ўзбекипаксаноат» уюшмаси томонидан Ўзбекистон Республикаси Вазирлар Маҳкамаси билан келишилган ҳолда ўзгартиришлар киритилиши мумкин».

4. Ўзбекистон Республикаси Президентининг 2020 йил 26 июндаги «Республикада қўлда тўқилган гиламчилик соҳасини ривожлантириш чора-тадбирлари тўғрисида»ги ПҚ-4759-сон қарорининг 3-бандидаги «Ветеринария ва чорвачиликни ривожлантириш давлат қўмитаси» сўзлари «Пиллачилик ва қоракўлчиликни ривожлантириш қўмитаси» сўзлари билан алмаштирилсин.

5. Ўзбекистон Республикаси Президентининг 2020 йил 2 сентябрдаги «Ўзбекистон Республикаси Пиллачилик ва қоракўлчиликни ривожлантириш қўмитаси фаолиятини ташкил этиш тўғрисида»ги ПҚ-4817-сон қарорида:

а) 1-банднинг тўртинчи хатбошисидаги «Ўзбекистон Республикаси Пиллачилик ва қоракўлчиликни ривожлантириш қўмитаси ҳудудий бошқармаларининг» сўзлари «Қорақалпоғистон Республикаси Пиллачилик ва қоракўлчиликни ривожлантириш қўмитаси, вилоятлар Пиллачилик ва қоракўлчиликни ривожлантириш бошқармалари» сўзлари билан алмаштирилсин;

б) 3-банддаги «Қўмита ҳудудий бошқармалари» ва «Қўмитанинг ҳудудий бошқармалари» сўзлари «Қорақалпоғистон Республикаси Пиллачилик ва қоракўлчиликни ривожлантириш қўмитаси, вилоятлар Пиллачилик ва қоракўлчиликни ривожлантириш бошқармалари» сўзлари билан алмаштирилсин;

в) 5-банднинг учинчи хатбошисидаги «Қорақалпоғистон Республикаси пиллачилик ва қоракўлчиликни ривожлантириш бошқармаси бошлиғи» сўзлари «Қорақалпоғистон Республикаси Пиллачилик ва қоракўлчиликни ривожлантириш қўмитаси раиси» сўзлари билан алмаштирилсин;

г) 3-илованинг номланиши қуйидаги таҳрирда баён этилсин:

«Қорақалпоғистон Республикаси Пиллачилик ва қоракўлчиликни ривожлантириш қўмитаси, вилоятлар Пиллачилик ва қоракўлчиликни ривожлантириш бошқармаларининг НАМУНАВИЙ ТУЗИЛМАСИ».

(Қонун ҳужжатлари маълумотлари миллий базаси, 10.02.2021 й., 07/21/4984/0098-сон; 14.04.2021 й., 07/21/5075/0332-сон; Қонунчилик маълумотлари миллий базаси, 08.10.2021 й., 06/21/6320/0940-сон; 27.04.2022 й., 07/22/224/0349-сон; 28.04.2022 й., 06/22/116/0353-сон; 29.12.2022 й., 07/22/462/1135-сон; 01.01.2023 й., 07/23/471/0001-сон; 11.11.2023 й., 06/23/193/0844-сон; 16.02.2024 й., 06/24/36/0130-сон; 31.01.2025 й., 07/25/34/0096-сон)