Ўзбекистон Республикаси Президентининг
Қарори
Қишлоқ хўжалигини ривожлантириш халқаро жамғармаси иштирокида «Қишлоқ хўжалигини диверсификация ва модернизация қилиш» лойиҳасини амалга оширишга доир қўшимча чора-тадбирлар тўғрисида
Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган Стратегияси ижросини таъминлаш, Қишлоқ хўжалигини ривожлантириш халқаро жамғармаси билан ҳамкорликни кенгайтириш, шунингдек, маҳсулот ишлаб чиқаришни диверсификация қилиш ва қўшилган қиймат занжирини яратишни кенгайтириш асосида қишлоқ аҳолиси бандлиги ва даромадини ошириш мақсадида:
1. Ўзбекистон Республикаси Президентининг 2018 йил 20 ноябрдаги «Қишлоқ хўжалигини ривожлантириш халқаро жамғармаси иштирокида «Қишлоқ хўжалигини диверсификация ва модернизация қилиш» лойиҳасини амалга ошириш чора-тадбирлари тўғрисида»ги ПҚ-4021-сон қарорига асосан:
а) «Қишлоқ хўжалигини диверсификация ва модернизация қилиш» лойиҳаси (кейинги ўринларда — Лойиҳа) доирасида 2020 йил 4 августда Ўзбекистон Республикаси ва Қишлоқ хўжалигини ривожлантириш халқаро жамғармаси ўртасида қўшимча 46,2 млн АҚШ доллари миқдоридаги кредит, шунингдек, 800 минг АҚШ доллари миқдоридаги грант маблағлари бўйича қарз битимининг (кейинги ўринларда — қарз битими) имзоланганлиги;
б) Лойиҳани амалга ошириш доирасида:
Қишлоқ хўжалигини ривожлантириш халқаро жамғармасининг кредити ҳисобидан харид қилинадиган товарлар (ишлар, хизматлар) ва транспорт воситалари божхона тўловларидан (божхона расмийлаштируви учун йиғимлардан ташқари), қўшилган қиймат солиғидан ва йиғимлардан;
иштирок этаётган жисмоний шахслар — Ўзбекистон Республикаси норезидентлари даромадлари жисмоний шахсларнинг даромадларидан олинадиган солиқдан озод қилинганлиги маълумот учун қабул қилинсин.
2. Қарз битимига мувофиқ Лойиҳа доирасида жалб этиладиган қўшимча қарз маблағлари қуйидагиларга йўналтирилиши белгилансин:
қишлоқ хўжалигида диверсификация қилишни молиялаштириш бўйича кредит ажратиш учун — 39,8 млн АҚШ доллари. Бунда кластер ва кооперациялар ҳамда уларга аъзо бўлган тадбиркорлик субъектларини қўллаб-қувватлашга — 30,3 млн АҚШ доллари, ёшлар ва аёллар учун — 5 млн АҚШ доллари миқдорида, Тадбиркорлик фаолиятини қўллаб-қувватлаш давлат жамғармасига 4,5 млн АҚШ доллари миқдорида кредитлар ажратилади;
ирригация тизимларини модернизация қилиш учун — 3,1 млн АҚШ доллари. Бунда ўрмон фонди ерларида тик қудуқ қазиш ва насос ўрнатиш орқали сув чиқаришга 2 млн АҚШ доллари сарфланади;
қишлоқ хўжалигида билим, инновация ва агрохизматлар тизимини ривожлантириш бўйича — 4,1 млн АҚШ доллари.
3. Қуйидагилар:
«Қишлоқ хўжалигини диверсификация ва модернизация қилиш» лойиҳаси техник-иқтисодий асосининг асосий кўрсаткичлари 1-иловага мувофиқ;
«Қишлоқ хўжалигини диверсификация ва модернизация қилиш» лойиҳасига жалб этиладиган қўшимча молиялаштириш доирасида Қишлоқ хўжалигини ривожлантириш халқаро жамғармасининг қарз маблағларини сўндириш, фоиз ва комиссия тўловларини амалга ошириш прогноз жадвали 2-иловага мувофиқ;
Қишлоқ хўжалигини ривожлантириш халқаро жамғармасининг «Қишлоқ хўжалигини диверсификация ва модернизация қилиш» лойиҳаси доирасида маблағлардан фойдаланиш бўйича «Йўл харитаси» 3-иловага мувофиқ тасдиқлансин.
4. Белгилансинки:
Қишлоқ хўжалиги вазирлиги Лойиҳанинг ўз вақтида ва тўлиқ амалга оширилишини ҳамда натижадорлигини таъминлайди;
Лойиҳада иштирок этувчи тижорат банклари зиммасига кредит линиясини бошқариш, Қишлоқ хўжалигини ривожлантириш халқаро жамғармаси қарзининг ўз вақтида ўзлаштирилиши ва мақсадли фойдаланилишини таъминлаш, шунингдек, сублойиҳаларни амалга ошириш бўйича ҳисобот ва мониторингни юритиш вазифалари юкланади.
5. Қишлоқ хўжалигини ривожлантириш халқаро жамғармасининг 35 325 000 АҚШ доллари миқдоридаги қарз маблағларининг қайтарилиши тўлиқлигича Лойиҳа доирасида тижорат банкларига қайта кредитланадиган маблағларнинг қайтарилиши ҳисобидан ҳамда қолган 10 875 000 АҚШ доллари миқдоридаги қарз маблағларининг қайтарилиши Ўзбекистон Республикаси давлат бюджетидан амалга оширилади.
6. Лойиҳа доирасида Қишлоқ хўжалигини ривожлантириш халқаро жамғармасининг қарз маблағларини қайта кредитлаш битимларида субсидиар қарзнинг фоиз ставкаси «Қишлоқ хўжалигини диверсификация ва модернизация қилиш» лойиҳаси доирасида Қишлоқ хўжалигини ривожлантириш халқаро жамғармаси қарз маблағларидан фойдаланиш тартиби тўғрисидаги Низомга асосан белгилансин.
7. Қишлоқ хўжалиги вазирлигига бир ой муддатда «Қишлоқ хўжалигини диверсификация ва модернизация қилиш» лойиҳасига жалб этиладиган қўшимча молиялаштириш маблағлари доирасида Қишлоқ хўжалигини ривожлантириш халқаро жамғармаси қарз маблағларидан фойдаланиш тартиби тўғрисидаги Низомга ўзгартиришлар киритиш ҳамда Молия вазирлиги ва Марказий банкка тасдиқлаш учун киритиш вазифаси юклатилсин.
8. Молия вазирига Лойиҳа доирасида Қишлоқ хўжалигини ривожлантириш халқаро жамғармаси қарз маблағлари бўйича қайта молиялаштириш битимларини, шунингдек, заруриятга кўра, уларга тегишли ўзгартиришларни имзолаш ваколати берилсин.
9. Ташқи ишлар вазирлиги Қишлоқ хўжалиги вазирлигининг буюртманомалари бўйича Лойиҳани амалга оширишда иштирок этувчи хорижий мутахассисларга кириш визалари тез фурсатларда расмийлаштирилишини таъминласин.
10. Ички ишлар вазирлиги Қишлоқ хўжалиги вазирлигининг буюртманомалари бўйича Лойиҳани амалга оширишда иштирок этувчи хорижий мутахассисларга кўп марталик визалар расмийлаштирилиши, берилиши ва муддати узайтирилишини, шунингдек, Ўзбекистон Республикасида вақтинча рўйхатга қўйилиши ва муддати узайтирилишини тез фурсатларда таъминласин.
11. Ҳисоб палатаси Лойиҳа доирасидаги маблағларнинг мақсадли ажратилиши ва сарфланиши устидан доимий назорат ўрнатсин ҳамда ҳар ярим йилда Ўзбекистон Республикаси Президенти Администрациясига ахборот киритиб борсин.
12. Коррупцияга қарши курашиш агентлиги Лойиҳа доирасида ажратилган маблағларнинг мақсадли ишлатилиши жараёнида очиқлик ва ошкораликни таъминлаш устидан доимий назорат ўрнатсин.
13. Ушбу қарорда белгиланган чора-тадбирларнинг самарали ва ўз вақтида амалга оширилишини таъминлаш мақсадида:
а) қишлоқ хўжалиги вазири Ж. Ходжаев:
бир ҳафта муддатда масъул ижрочилар иштирокида мажлис ўтказиб, уларнинг аниқ вазифаларини белгилаб берсин;
икки ҳафта муддатда Андижон, Наманган ва Фарғона вилоятлари ҳокимликлари билан биргаликда Лойиҳа доирасида маблағлардан фойдаланиш бўйича ҳудудлар кесимида «Йўл харита»ларини тасдиқласин;
Инвестициялар ва ташқи савдо вазирлиги (Вафаев), Молия вазирлиги (Эргашев), Марказий банк (Холхужаев) билан биргаликда бир ой муддатда Лойиҳани амалга оширишга масъул бўлган ходимлар учун хорижий консультантларни жалб қилган ҳолда икки кунлик семинар ташкил қилсин;
молиялаштирилган сублойиҳалар тўғрисида, шунингдек, уларнинг сифатли амалга оширилиши устидан мониторинг натижалари юзасидан ҳар чорак якуни бўйича Вазирлар Маҳкамасига маълумот киритиб борсин;
б) Андижон, Наманган ва Фарғона вилоятлари ҳокимликлари бир ой муддатда Лойиҳа доирасида амалга ошириладиган чора-тадбирлар юзасидан ташаббускорлар иштирокида тақдимотлар ўтказсин;
в) қишлоқ хўжалиги вазири Ж. Ходжаев:
Қишлоқ хўжалиги вазирлиги ҳузурида соҳанинг етук маҳаллий мутахассисларидан иборат бўлган илмий-техник кенгашни шакллантириб, у томонидан Лойиҳанинг компонентлари доирасидаги техник топшириқлар амалга оширилиши, ҳужжатларнинг кўриб чиқилиши ва дастлабки хулоса берилишини;
қишлоқ хўжалигида билим, инновациялар ва агрохизматлар тизими доирасида илмий-тадқиқот ва инновация йўналишларига маблағларни ажратишда соҳани ривожлантиришнинг устувор вазифаларига мувофиқлиги, иқтисодий самарадорлиги ва асосланганлигига алоҳида эътибор қаратилишини;
Лойиҳани амалга оширишда қишлоқ хўжалигига ихтисослашган олий таълим муассасаларини кенг жалб қилиб, амалий семинар ва ўқув курслари ташкил этилишини;
Лойиҳа доирасида иқтисод қилинган маблағларни молиялаштиришнинг устувор йўналишларидан келиб чиқиб, Қишлоқ хўжалигини ривожлантириш халқаро жамғармаси билан келишган ҳолда қайта тақсимланишини таъминласин.
Қишлоқ хўжалиги вазирига, зарур ҳолларда, ушбу қарорнинг 1 ва 3-иловалари билан тасдиқланган Лойиҳа техник-иқтисодий асосининг асосий кўрсаткичлари ҳамда «Йўл харитаси»га ўзгартириш ва қўшимчалар киритиш ҳуқуқи берилсин.
14. Ўзбекистон Республикаси Президентининг 2018 йил 20 ноябрдаги «Қишлоқ хўжалигини ривожлантириш халқаро жамғармаси иштирокида «Қишлоқ хўжалигини диверсификация ва модернизация қилиш» лойиҳасини амалга ошириш чора-тадбирлари тўғрисида»ги ПҚ-4021-сон қарорига 4-иловага мувофиқ ўзгартиришлар киритилсин.
15. Қишлоқ хўжалиги вазирлиги икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Ў.И. Барноев зиммаларига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 15 сентябрь,
ПҚ-4830-сон
Ўзбекистон Республикаси Президентининг 2020 йил 15 сентябрдаги ПҚ-4830-сон қарорига
1-ИЛОВА
«Қишлоқ хўжалигини диверсификация ва модернизация қилиш» лойиҳаси техник-иқтисодий асосининг асосий кўрсаткичлари

Т/р

Лойиҳалар

Ўлчов бирлиги

ЖАМИ

Андижон

Наманган

Фарғона

I КОМПОНЕНТ: Қишлоқ хўжалигини диверсификация қилишни молиялаштириш

1.

Интенсив боғлар

гектар

1 050

338

347

365

2.

Иссиқхоналар

гектар

41

10

13

18

3.

Музлаткичли омборхоналар

тонна

24 500

8 000

10 000

6 500

4.

Қайта ишлаш қувватлари

тонна

27 000

9 000

9 000

9 000

5.

Чорвачиликни ривожлантириш

бош қорамол

3 820

1 290

1 270

1 260

II КОМПОНЕНТ: Ирригация тизимларини модернизация қилиш

6.

Суғориш каналлари

км

50

15

15

20

7.

Суғориш қудуқлари

дона

15

5

5

5

8.

Электр насосли каналлар

дона

15

5

5

5

9.

Дизель насосли каналлар

дона

15

5

5

5

10.

Агрометеорологик станция

дона

3

1

1

1

11.

Тик қудуқ тизимлари

дона

36

12

12

12

III КОМПОНЕНТ: Қишлоқ хўжалигида билим, инновация ва агрохизматлар тизимини ривожлантириш

12.

Тадбиркорларни ўқитиш

тадбиркор сони

1 000

330

340

330

13.

«Organic» ва «Global GAP» стандартларини жорий этиш (йилига)

корхона сони

15

5

5

5

14.

Кўргазма майдонлари

гектар

15

5

5

5

15.

Ветеринария клиникалари (шу жумладан мобил клиникалар)

дона

4

1

2

1

* Ушбу кўрсаткичларга Қишлоқ хўжалигини ривожлантириш халқаро жамғармаси билан келишилган ҳолда лойиҳа-смета ҳужжатлари, товарлар (иш ва хизматлар) етказиб бериш бўйича тендер савдолари натижасига кўра ўзгартириш киритиш мумкин.
Ўзбекистон Республикаси Президентининг 2020 йил 15 сентябрдаги ПҚ-4830-сон қарорига
2-ИЛОВА
«Қишлоқ хўжалигини диверсификация ва модернизация қилиш» лойиҳасига жалб этиладиган қўшимча молиялаштириш доирасида Қишлоқ хўжалигини ривожлантириш халқаро жамғармасининг қарз маблағларини сўндириш, фоиз ва комиссия тўловларини амалга ошириш
ПРОГНОЗ ЖАДВАЛИ

Кредит муддати — 25 йил

Имтиёзли муддат — 5 йил

Фоиз ставкаси — 1,4 фоиз

Хизмат кўрсатганлик учун комиссия — 1,54 фоиз

минг АҚШ доллари

Тўлов санаси

Ўзлаштириш

Кредит баланси

Фоиз суммаси

Хизмат кўрсатганлик

учун ҳақи

Асосий қарз бўйича тўловлар суммаси

Жами тўланадиган сумма

15.04.2020

-

-

-

-

15.10.2020

9 484

9 484

-

-

-

15.04.2021

9 959

19 443

67

74

141

15.10.2021

9 959

29 403

138

152

291

15.04.2022

6 471

35 874

208

229

437

15.10.2022

6 471

42 345

255

281

536

15.04.2023

1 674

44 019

300

330

629

15.10.2023

1 674

45 692

313

345

658

15.04.2024

254

45 946

325

358

683

15.10.2024

254

46 200

327

360

687

15.04.2025

46 200

327

360

1 155

1 842

15.10.2025

45 045

329

362

1 155

1 845

15.04.2026

43 890

319

351

1 155

1 825

15.10.2026

42 735

312

344

1 155

1 811

15.04.2027

41 580

302

333

1 155

1 790

15.10.2027

40 425

296

326

1 155

1 776

15.04.2028

39 270

288

316

1 155

1 759

15.10.2028

38 115

279

307

1 155

1 742

15.04.2029

36 960

270

297

1 155

1 722

15.10.2029

35 805

263

289

1 155

1 707

15.04.2030

34 650

253

279

1 155

1 687

15.10.2030

33 495

247

271

1 155

1 673

15.04.2031

32 340

237

261

1 155

1 653

15.10.2031

31 185

230

253

1 155

1 638

15.04.2032

30 030

222

244

1 155

1 621

15.10.2032

28 875

214

235

1 155

1 604

15.04.2033

27 720

204

225

1 155

1 584

15.10.2033

26 565

197

217

1 155

1 569

15.04.2034

25 410

188

207

1 155

1 550

15.10.2034

24 255

181

199

1 155

1 535

15.04.2035

23 100

172

189

1 155

1 516

15.10.2035

21 945

164

181

1 155

1 500

15.04.2036

20 790

156

172

1 155

1 483

15.10.2036

19 635

148

163

1 155

1 466

15.04.2037

18 480

139

153

1 155

1 447

15.10.2037

17 325

132

145

1 155

1 431

15.04.2038

16 170

123

135

1 155

1 413

15.10.2038

15 015

115

127

1 155

1 397

15.04.2039

13 860

106

117

1 155

1 378

15.10.2039

12 705

99

109

1 155

1 362

15.04.2040

11 550

90

99

1 155

1 345

15.10.2040

10 395

82

90

1 155

1 328

15.04.2041

9 240

74

81

1 155

1 310

15.10.2041

8 085

66

72

1 155

1 293

15.04.2042

6 930

57

63

1 155

1 275

15.10.2042

5 775

49

54

1 155

1 259

15.04.2043

4 620

41

45

1 155

1 241

15.10.2043

3 465

33

36

1 155

1 224

15.04.2044

2 310

25

27

1 155

1 207

15.10.2044

1 155

16

18

1 155

1 190

Жами

46 200

8 979

9 877

46 200

65 057

Ўзбекистон Республикаси Президентининг 2020 йил 15 сентябрдаги ПҚ-4830-сон қарорига
3-ИЛОВА
Қишлоқ хўжалигини ривожлантириш халқаро жамғармасининг «Қишлоқ хўжалигини диверсификация ва модернизация қилиш» лойиҳаси доирасида маблағлардан фойдаланиш бўйича
«ЙЎЛ ХАРИТАСИ»

Т/р

Чора-тадбир номи

Кредит суммаси
(минг долл.)

Амалга ошириш механизми

Амалга ошириш муддати

Масъул ижрочилар

БИРИНЧИ КОМПОНЕНТ:
Қишлоқ хўжалигини диверсификация қилишни молиялаштириш

1.

Қишлоқ хўжалиги маҳсулотлари ишлаб чиқарувчилари ўртасида кооперацияни рағбатлантириш ва фаолиятини диверсификация қилишни қўллаб-қувватлаш учун кредит линияси:

(кооперация ва кластерларга аъзо бўлган ташаббускорларга кредит ажратиш, бунда ҳар бир суб-қарз олувчи учун кредит линиясидан 500 минг АҚШ долларигача 10 йил муддатгача ажратилади.

Кредит линияси фақат мева-сабзавотчилик (иссиқхона, интенсив боғ, қайта ишлаш, музлаткичли омборхона) ва чорвачилик (йирик ва майда шохли қорамол, паррандачилик, балиқчилик, ипакчилик, асаларичилик ва бошқалар) тармоғидаги кооперациялар ва кластерларга аъзо бўлган ташаббускорларнинг қуйидаги фаолиятларини қўллаб-қувватлашга йўналтирилади:

1. Интенсив боғ (ҳар бир вилоятда ўртача 330 га майдонда);

2. Иссиқхоналар (ҳар бир вилоятда ўртача 11 га майдонда);

3. Музлаткичли омборхоналар барпо этиш (ҳар бир вилоятда 6 минг тоннадан);

4. Чорвачиликни ривожлантириш (ҳар бир вилоятда 1030 бош).

30 325

1. Мева-сабзавотчилик тармоғидаги кооперациялар ва кластерлар орасидан ташаббускорларни аниқлаш.

2020 йил якунига қадар

Қишлоқ хўжалиги вазирлиги (Ходжаев), Андижон, Наманган
ва Фарғона вилоятлари ҳокимликлари,
тижорат банклари

2. Танлаб олинган ташаббускорлар учун «йўл хариталари»ни ишлаб чиқиш ва Қишлоқ хўжалигини ривожлантириш халқаро жамғармасининг (кейинги ўринларда — Жамғарма) талабларига жавоб берадиган лойиҳаларни танлаб олиш.

2021 йил

июнь

3. Жамғарма талабларига асосан ташаббускорларнинг сублойиҳа ҳужжатларини ишлаб чиқиш.

2021 йил давомида

4. Тижорат банки томонидан маъқулланган сублойиҳаларни Агросаноат мажмуи ва озиқ-овқат таъминоти соҳасидаги лойиҳаларни амалга ошириш агентлигига тақдим этиш.

доимий

5. Сублойиҳалар ҳужжатларини кўриб чиқиш ва молиялаштириш.

бизнес-режага асосан

6. Сублойиҳаларнинг амалга ошири-лишини тизимли назорат қилиш.

доимий

2.

Аграр соҳада кичик тадбиркорликни ривожлантириш ва уларнинг фаолиятини диверсификация қилиш учун кредит линияси:

35 ёшгача ёшлар ва аёлларга соддалаштирилган тартибда 50 минг АҚШ долларигача, 10 йилгача кредит ажратилади.

1. Интенсив боғ (ҳар бир вилоятда ўртача 17 га майдонда);

2. Иссиқхоналар (ҳар бир вилоятда 2 га майдонда);

3. Музлаткичли омборхоналар барпо этиш (ҳар бир вилоятда 2 минг тоннадан);

4. Чорвачиликни ривожлантириш (ҳар бир вилоятда 240 бош).

5 000

1. Мева-сабзавотчилик йўналишида ёш ташаббускорларни аниқлаш.

2020 йил якунига қадар

Қишлоқ хўжалиги вазирлиги (Ходжаев), Андижон, Наманган ва Фарғона вилоятлари ҳокимликлари, тижорат банклари, Ёшлар ишлари агентлиги ва унинг вилоят тузилмалари

2. Жамғарма талабларига жавоб берадиган энг мақбул лойиҳаларни танлаб олиш.

3. Жамғарма талабларига асосан ташаббускорларнинг лойиҳа ҳужжатларини ишлаб чиқиш.

2021 йил

июнь

4. Тижорат банклари томонидан маъқулланган лойиҳаларни Қишлоқ хўжалиги вазирлиги ҳузуридаги Агросаноат агентлигига тақдим этиш.

2021 йил давомида

5. Лойиҳа ҳужжатларини кўриб чиқиш ва молиялаштириш.

бизнес-режага асосан

6. Лойиҳанинг амалга оширилишини тизимли назорат қилиш.

доимий

3.

Лойиҳани амалга ошириш ҳудудида мева-сабзавотчилик кластерларига ва кооперацияларга кафиллик ва компенсация ажратиш мақсадида Тадбиркорлик фаолиятини қўллаб-қувватлаш давлат жамғармасини молиявий қўллаб қувватлаш.

4 500

Молия вазирлиги, Тадбиркорлик фаолиятини қўллаб-қувватлаш давлат жамғармаси ҳамда Агросаноат мажмуи ва озиқ-овқат таъминоти соҳасидаги лойиҳаларни амалга ошириш агентлиги ўртасида уч томонлама шартнома имзолаш.

2021 йил июнь-июль

Молия вазирлиги (Ишметов),

Қишлоқ хўжалиги вазирлиги (Ходжаев),

Тадбиркорлик фаолиятини қўллаб-қувватлаш давлат жамғармаси (Исмаилов)

ИККИНЧИ КОМПОНЕНТ:
Ирригация тизимларини модернизация қилиш

4.

Андижон, Наманган ва Фарғона вилоятларида ирригация тизимларини модернизация қилиш.

1 126

1. Вилоят ҳокимликлари ва Ирригация тизимлари ҳавза бошқармалари билан биргаликда ирригация тизимларининг дастлабки рўйхатини ва географик жойлашувини аниқлаш ва тасдиқлаш.

2022 йил январь-февраль

Қишлоқ хўжалиги вазирлиги (Ходжаев),

Сув хўжалиги вазирлиги (Хамроев),

Андижон, Наманган ва Фарғона вилоятлари ҳокимликлари

2. Ирригация тизимларининг лойиҳа ҳужжатларини ишлаб чиқиш, қурилиш ишларини назорат қилиш ҳамда ирригация тизимларидан фойдаланиш бўйича техник талабнома ишлаб чиқиш ва тендер тадбирларини амалга ошириш.

2022 йил

март

3. Мустақил ташкилот томонидан лойиҳа ҳужжатларининг ўрганиб чиқилиши ва атроф муҳитга таъсирини баҳолаш.

2022 йил апрель

4. Қурилиш ишларини амалга ошириш бўйича пудратчи ташкилотни танлаш ва қурилиш ишларини режалаштириш.

2022 йил

июнь

5. Лойиҳа устидан тизимли назорат ўрнатиш.

доимий

5.

Андижон, Наманган ва Фарғона вилоятларидаги ўрмон фонди ерларида тик қудуқ қазиш ва насос ўрнатиш орқали сув чиқариш.

2 000

1. Техник топшириқни ишлаб чиқиш, Жамғарма билан келишиш ва тендер тадбирларини амалга ошириш.

2021 йил февраль

Ўрмон хўжалиги давлат қўмитаси (Бакиров),

Сув хўжалиги вазирлиги (Хамроев),

Андижон, Наманган
ва Фарғона вилоятлари ҳокимликлари

2. Лойиҳа ҳужжатларини ишлаб чиқиш, қурилиш ишларини назорат қилиш ҳамда техник талабнома ишлаб чиқиш ва тендерни амалга ошириш.

2021 йил апрель

3. Мустақил ташкилот томонидан лойиҳа ҳужжатларини ўрганиш ва атроф муҳитга таъсирини баҳолаш.

2021 йил

Июнь

4. Қурилиш ишларини амалга ошириш бўйича пудратчи ташкилотни танлаш ва қурилиш ишларини режалаштириш.

2021 йил

июль

5. Лойиҳа устидан тизимли назорат ўрнатиш.

доимий

УЧИНЧИ КОМПОНЕНТ:
Қишлоқ хўжалигида билим, инновация ва агрохизматлар тизимини ривожлантириш

6.

Лойиҳа ҳудудларидаги Агрохизмат марказларида озиқ-овқат тармоғида кластерларни яратиш ва уларнинг фаолиятига кўмак бериш, жумладан озиқ-овқат маҳсулотларини қайта ишлаш ва сифат назорати, «Organic» ва «Global GAP» сертификация тизимининг жорий этилишини комплекс таҳлил этиш ва шундан келиб чиқиб, тадбиркорлик субъектлари учун тайёр лойиҳаларни ишлаб чиқиш.

173,3

1. Техник талабнома тайёрлаш ва Жамғарма билан келишиш.

2021 йил январь

Қишлоқ хўжалиги вазирлиги (Ходжаев), Андижон, Фарғона ва Наманган вилоятлари ҳокимликлари

2. Халқаро ва маҳаллий экспертларни жалб қилиш учун тендер тадбирларини амалга ошириш.

2021 йил февраль

3. Хорижий экспертлар томонидан ишлаб чиқилган таҳлилий маълумотлар асосида молиялаштирилиши зарур бўлган соҳалар бўйича аниқ лойиҳаларнинг ҳужжатларини тайёрлаш ҳамда Жамғарма билан келишиш.

2021 йил март — октябрь

7.

1 000 нафардан ортиқ Агрохизматлар марказлари ходимлари малакасини ошириш, шу жумладан соҳа мутахассислари, фермер, кластер ва кооперациялар вакилларига хорижий етакчи экспертларни жалб этган ҳолда замонавий технологиялар ва инновацияларга ўқитиш, хусусан:

озиқ-овқат саноати стандартларини (ISO 22000, HACCP, ISO 17025) жорий этиш;

лойиҳа доирасидаги тадбирлар, кредит линияси шартлари ва уни ўзлаштириш тартиблари;

балиқчилик, чорвачилик, ипакчилик, мева-сабзавотчилик ва бошқа тармоқ йўналишларида TOT (Training of trainers) дастури асосида ўқув семинарларини ташкил этишга ўқитиш;

лойиҳани ам�лга ошириш даврида эришилган натижалар, илғор тажрибалар ва олинган билимларни тарғиб қилиш.

952,4

1. Семинарлар ташкил этиш учун техник талабномаларни ишлаб чиқиш, Жамғарма билан келишиш ва тендер тадбирларини амалга ошириш.

2022 йил январь — март

Қишлоқ хўжалиги вазирлиги (Ходжаев), Андижон, Наманган ва Фарғона вилоятлари ҳокимликлари

2. Тренингларни агрохизматлар марказларида ташкил этиш.

2022 йил декабрь

8.

Андижон, Наманган ва Фарғона вилоятларидаги Агрохизматлар марказларида:

илғор технологияларни қўллаш бўйича очиқ майдонда ва иссиқхонада кўргазма майдончаларини ҳамда дала мактабларини ташкил қилиш;

ветеринария клиникасини (жумладан, мобиль хизмат кўрсатиш) ташкил этиш ва жаҳон стандартлари асосида замонавий лаборатория ускуналари билан таъминлаш;

Агрохизмат марказлари фаолияти ва хизмат кўрсатиш турларининг онлайн платформасини ва рақамли бошқарув тизимини жорий этиш.

2 426,3

1. Хорижий ва маҳаллий экспертлар ҳамкорлигида вилоят Агрохизмат марказлари орқали замонавий технологияларни татбиқ қилишни қўллаб-қувватлаш:

Қишлоқ хўжалиги вазирлиги (Ходжаев), Сув хўжалиги вазирлиги (Хамроев),
Деҳқон, фермер ва томорқа ер эгалари кенгаши (Хайитов),

Андижон, Наманган ва Фарғона вилоятлари ҳокимликлари

кўргазма майдонларида қурилиш ишларини амалга ошириш бўйича пудратчи ташкилотни танлаш учун техник талабномаларни ишлаб чиқиш ва тендер тадбирларини амалга ошириш;

2022 йил февраль

махсус асбоб-ускуналарини харид қилиш ва ўрнатиш бўйича шартнома имзолаш, молиялаштиришни очиш;

2022 йил март

кўргазма майдонлари ва агрометео-рологик станцияларни ташкил этиш.

2022 йил
II чорак

2. Замонавий технологияларни татбиқ қилишда лойиҳа ҳудудида фаолият олиб бораётган деҳқон ва фермер хўжаликлари малакасининг мунтазам равишда оширилишини таъминлаш.

доимий

3. Тадбирларнинг амалга оширилиши устидан тизимли назорат ўрнатиш.

доимий

9.

Лойиҳа бошқарувини амалга ошириш.

497

Лойиҳа доирасида белгиланган вазифаларнинг амалга оширилишини мувофиқлаштириш ва чора-тадбирларнинг ўз вақтида сифатли бажарилишини таъминлаш.

2021 — 2025 йиллар

Қишлоқ хўжалиги вазирлиги (Ходжаев), Андижон, Фарғона ва Наманган вилоятлари ҳокимликлари

Ўзбекистон Республикаси Президентининг 2020 йил 15 сентябрдаги ПҚ-4830-сон қарорига
4-ИЛОВА
Ўзбекистон Республикаси Президентининг 2018 йил 20 ноябрдаги «Қишлоқ хўжалигини ривожлантириш халқаро жамғармаси иштирокида «Қишлоқ хўжалигини диверсификация ва модернизация қилиш» лойиҳасини амалга ошириш чора-тадбирлари тўғрисида»ги ПҚ-4021-сон қарорига киритилаётган ўзгартиришлар
1. 1-банднинг тўртинчи хатбошидаги «6 йил (2018 — 2023 йиллар)» сўзлари «7 йил (2019 — 2025 йиллар)» сўзлари билан алмаштирилсин.
2. 3-банднинг иккинчи хатбоши, қарорнинг 1-иловаси ўз кучини йўқотган деб ҳисоблансин.
3. 2-банднинг учинчи хатбошида, 4 ва 5-бандларда ҳамда 6-банднинг учинчи ва тўртинчи хатбошиларидаги «Агросаноат мажмуи ва озиқ-овқат таъминоти соҳасидаги лойиҳаларни амалга ошириш агентлиги» сўзлари «Ўзбекистон Республикаси Қишлоқ хўжалиги вазирлиги» сўзлари билан алмаштирилсин.

(Қонун ҳужжатлари маълумотлари миллий базаси, 16.09.2020 й., 07/20/4830/1290-сон)