1.13.00.00.00 Таълим. Фан. Маданият / 13.01.00.00 Таълим / 13.01.08.00 Таълим турлари / 13.01.08.01 Мактабгача таълим ва тарбия]
[ТСЗ:
1.Ижтимоий-маданий масалалар / Таълим]
Ўзбекистон Республикаси Вазирлар Маҳкамасининг
қарори
Тошкент шаҳридаги давлат ихтисосташтирилган мактабгача таълим муассасалари фаолиятини янада такомиллаштириш чора-тадбирлар тўғрисида
Вазирлар Маҳкамасининг «Мактабгача таълим ташкилотлари фаолиятини янада такомиллаштириш чора-тадбирлар тўғрисида» 2019 йил 13 майдаги 391-сон қарорига мувофиқ, шунингдек, ривожланишида жисмоний ёки руҳий нуқсонлари бўлган болалар учун давлат ихтисослаштирилган мактабгача таълим муассасаларининг табақалаштирилган тармоғини оптималлаштириш мақсадида Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлиги ва Соғлиқни сақлаш вазирлигининг 2019 йил октябр ойидан бошлаб, Тошкент шаҳридаги давлат ихтисослаштирилган мактабгача таълим муассасалари тармоғини оптималлаштириш ва кейинчалик болалар контингентини ҳисобга олган ҳолда, уларни давлат кўп тармоқли ихтисослаштирилган мактабгача таълим ташкилотларига ва умумий типдаги давлат мактабгача таълим ташкилотларига ўзгартириш тўғрисидаги таклифларига розилик берилсин.
2. Ўзбекистон Республикаси Мактабгача таълим вазирлиги Тошкент шаҳар ҳокимлиги билан биргаликда Тошкент шаҳридаги давлат ихтисослаштирилган мактабгача таълим ташкилотларининг фаолияти бўйича ўтказилган таҳлил асосида Ўзбекистон Республикаси Давлат бюджети маблағларидан оқилона, самарали ва мақсадли фойдаланиш мақсадида Тошкент шаҳридаги 49 та давлат ихтисослаштирилган мактабгача таълим ташкилотларини, хусусан:
18 та давлат ихтисослаштирилган мактабгача таълим ташкилотларини 1-иловага мувофиқ рўйхат бўйича давлат кўп тармоқли ихтисослаштирилган мактабгача таълим ташкилотлари этиб;
31 та давлат ихтисослаштирилган мактабгача таълим ташкилотларини 2-иловага мувофиқ рўйхат бўйича умумий типдаги давлат мактабгача таълим ташкилотлари этиб қайта ташкил этилсин.
3. Ўзбекистон Республикаси Мактабгача таълим вазирлиги ва Соғлиқни сақлаш вазирлиги қайта ташкил этилаётган давлат кўп тармоқли ихтисослаштирилган мактабгача таълим ташкилотлари ва умумий типдаги давлат мактабгача таълим ташкилотлари фаолиятини ташкил этиш тадбирлари режасини бир ой муддатда тасдиқласин ва амалга оширсин.
4. Белгилаб қўйилсинки:
ушбу қарорда назарда тутилган тадбирлар амалдаги штат бўйича ходимлар сони ва давлат ихтисослаштирилган мактабгача таълим ташкилотларини сақлаш учун бюджетдан ажратилган маблағлар доирасида амалга оширилади;
давлат ихтисослаштирилган мактабгача таълим ташкилотлари тармоғининг оптималлаштирилиши натижасида бўшайдиган маблағлар давлат кўп тармоқли ихтисослаштирилган мактабгача таълим ташкилотларининг моддий-техник базасини ривожлантириш, шу жумладан уларни тиббий асбоб-ускуналар билан жиҳозлаш, коррекция воситалари, дори-дармонлар ва тиббий буюмлар билан таъминлаш тадбирларини амалга оширишга йўллантирилади;
умумий типдаги давлат мактабгача таълим ташкилотларига ўзгартириладиган давлат ихтисослаштирилган мактабгача таълим ташкилотларига Вазирлар Маҳкамасининг «Мактабгача таълим муассасалари фаолиятини янада такомиллаштириш чора-тадбирлари тўғрисида» 2019 йил 13 майдаги 391-сон қарори билан белгиланган тартибда тиббий-психологик-педагогик комиссияси томонидан берилган хулоса асосида қабул қилинган тарбияланувчилар ўтказилган коррекция-педагогик ва реабилитация тадбирларининг натижаларига кўра, тегишли давлат кўп тармоқли ихтисослаштирилган мактабгача таълим ташкилотларига ўтказилади ёки ушбу муассасада қолади;
кейинчалик болалар умумий типдаги давлат мактабгача таълим ташкилотига Ўзбекистон Республикаси Вазирлар Маҳкамаси томонидан белгиланган тартибда қабул қилинади.
LexUZ шарҳи
Қаранг: Вазирлар Маҳкамасининг 2019 йил 13 майдаги 391-сон қарори билан тасдиқланган Умумий турдаги давлат ва нодавлат мактабгача таълим ташкилотлари тўғрисидаги низом.
5. Ўзбекистон Республикаси Иқтисодиёт ва саноат вазирлиги, Молия вазирлиги Мактабгача таълим вазирлиги билан биргаликда қайта ташкил этилаётган давлат кўп тармоқли ихтисослаштирилган мактабгача таълим ташкилотларининг бино ва иншоотларини ажратилган бюджет маблағлари доирасида реконструкция қилиш, капитал таъмирлаш ва жиҳозлашни 2020 — 2022 йилларга ва келгуси йилларга мўлжалланган Ўзбекистон Республикаси Инвестиция дастурига белгилангани тартибда киритсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдуҳакимов, Ўзбекистон Республикаси мактабгача таълим вазири А.В. Шин ва Ўзбекистон Республикаси соғлиқни сақлаш вазири А.К. Шадманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 30 сентябрь,
826-сон
Вазирлар Маҳкамасининг 2019 йил 30 сентябрдаги 826-сон қарорига 1-ИЛОВА
Давлат кўп тармоқли ихтисослаштирилган мактабгача таълим ташкилотларига ўзгартирилаётган давлат ихтисослаштирилган мактабгача таълим ташкилотларининг
РЎЙХАТИ
Т/р
Ташкилот жойлашган жой
Ташкилот рақами
Амалдаги ихтисослиги
1.
Бектемир тумани
574-сон
Кўп тармоқли
2.
Миробод тумани
282-сон
Логопедик
3.
Мирзо Улуғбек тумани
375-сон
Ақлий ва руҳий ривожланишда орқада қолаётган болалар учун
4.
Мирзо Улуғбек тумани
390-сон
Санаторий типидаги
5.
Сергели тумани
46-сон
Ортопедик
6.
Сергели тумани
508-сон
Логопедик
7.
Учтепа тумани
431-сон
Кўп тармоқли
8.
Учтепа тумани
404-сон
Кўп тармоқли
9.
Чилонзор тумани
289-сон
Ақлий ва руҳий ривожланишда орқада қолаётган болалар учун
10.
Чилонзор тумани
322-сон
Кўриш қобилияти бузилган болалар учун
11.
Шайхонтоҳур тумани
321-сон
Логопедик
12.
Олмазор тумани
522-сон
Логопедик
13.
Юнусобод тумани
480-сон
Кўп тармоқли
14.
Юнусобод тумани
442-сон
Кўп тармоқли
15.
Юнусобод тумани
560-сон
Кўп тармоқли
16.
Яккасарой тумани
369-сон
Ақлий ва руҳий ривожланишда орқада қолаётган болалар учун
Изоҳ. Ўзбекистон Республикаси Мактабгача таълим вазирлиги «Мактабгача таълим ва тарбия тўғрисида»ги Ўзбекистон Республикаси Қонунининг 10-моддасига мувофиқ ушбу иловада кўрсатилган мактабгача таълим ташкилотларини қайта ташкил этиш ва тугатиш ҳуқуқига эга.
(1-илова Ўзбекистон Республикаси Вазирлар Маҳкамасининг 2022 йил 19 октябрдаги 612-сонли қарорига асосан изоҳ билан тўлдирилган — Қонунчилик маълумотлари миллий базаси, 20.10.2022 й., 09/22/612/0949-сон)
Вазирлар Маҳкамасининг 2019 йил 30 сентябрдаги 826-сон қарорига 2-ИЛОВА
Умумий типдаги давлат мактабгача таълим ташкилотларига ўзгартирилаётган давлат ихтисослаштирилган мактабгача таълим ташкилотларининг
Изоҳ. Ўзбекистон Республикаси Мактабгача таълим вазирлиги «Мактабгача таълим ва тарбия тўғрисида»ги Ўзбекистон Республикаси Қонунининг 10-моддасига мувофиқ ушбу иловада кўрсатилган мактабгача таълим ташкилотларини қайта ташкил этиш ва тугатиш ҳуқуқига эга.
(2-илова Ўзбекистон Республикаси Вазирлар Маҳкамасининг 2022 йил 19 октябрдаги 612-сонли қарорига асосан изоҳ билан тўлдирилган — Қонунчилик маълумотлари миллий базаси, 20.10.2022 й., 09/22/612/0949-сон)
LexUZ шарҳи