«Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» Ўзбекистон Республикасининг 2018 йил 18 апрелдаги ЎРҚ-476-сон Қонунига, Ўзбекистон Республикаси Президентининг «Ўзбекистон Республикаси Мудофаа саноати давлат қўмитасини ташкил этиш тўғрисида» 2017 йил 20 ноябрдаги ПФ-5246-сон Фармонига мувофиқ ҳамда Ўзбекистон Республикаси Мудофаа саноати давлат қўмитаси ва олий ҳарбий таълим муассасалари ҳарбий тайёргарлик ўқув бўлинмаларининг фуқаро ходимлари меҳнатига ҳақ тўлаш ҳамда уларни моддий рағбатлантиришни такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Н.С. Отажонов, Ўзбекистон Республикаси Мудофаа вазири А.А. Азизов, Олий ва ўрта махсус таълим вазири И.У. Мажидов ҳамда Мудофаа саноати давлат қўмитаси раиси А.С. Ибадуллаев зиммасига юклансин.

1. Вазирлар Маҳкамасининг «Давлат ҳокимияти ва бошқаруви органлари, суд органлари ва нотариал идоралар ходимлари меҳнатига ҳақ тўлашнинг тариф сеткасини жорий этиш тўғрисида» 1996 йил 12 апрелдаги 147-сон қарорига 3-илованинг номида:

а) «Бирлашган штаби» сўзлари «Бош штаби» сўзлари билан алмаштирилсин;

б) «Ўзбекистон Республикаси Туризмни ривожлантириш давлат қўмитаси» сўзларидан сўнг «Ўзбекистон Республикаси Мудофаа саноати давлат қўмитаси» сўзлари қўшилсин.

2. Вазирлар Маҳкамасининг «Ўзбекистон Республикаси Мудофаа вазирлиги ва Қуролли Кучлари Бирлашган штабининг фуқаро ходимлари меҳнатига ҳақ тўлашни такомиллаштириш тўғрисида» 2013 йил 24 январдаги 17-сон қарорида:

а) қарорнинг номи қуйидаги таҳрирда баён этилсин:

б) қарорнинг муқаддимасида:

«Бирлашган штабининг» сўзлари «Бош штабининг» сўзлари билан алмаштирилсин;

«Қуролли Кучлар Бош штабининг» сўзларидан сўнг «Мудофаа саноати давлат қўмитаси ва олий ҳарбий таълим муассасалари ҳарбий тайёргарлик ўқув бўлинмаларининг» сўзлари қўшилсин;

в) 1-банднинг биринчи хатбошидаги «Ўзбекистон Республикаси Мудофаа вазирлигининг» сўзларидан сўнг «Мудофаа саноати давлат қўмитаси ва унинг идоравий мансуб ташкилотлари, шунингдек, олий ҳарбий таълим муассасалари ҳарбий тайёргарлик ўқув бўлинмаларининг» сўзлари қўшилсин;

г) 3-банд қуйидаги таҳрирда баён этилсин:

«Белгилаб қўйилсинки, ушбу қарорни амалга ошириш билан боғлиқ харажатлар:

Ўзбекистон Республикаси Мудофаа вазирлиги бўйича — ҳар йили ажратиладиган бюджет маблағлари доирасида;

Мудофаа саноати давлат қўмитаси ва унинг идоравий мансуб ташкилотлари, шунингдек, олий ҳарбий таълим муассасалари ҳарбий тайёргарлик ўқув бўлинмалари бўйича — ҳар йили ажратиладиган бюджет маблағлари, бюджетдан ташқари ва қонун ҳужжатларида тақиқланмаган бошқа манбалар доирасида амалга оширилади».