|
Ҳужжат кучини йўқотган " " 30.06.2021
|
Ўзбекистон Республикаси Вазирлар Маҳкамасининг
қарори
Фуқарони жамғариб бориладиган пенсия тизимида ҳисобга қўйиш бўйича давлат хизматлари кўрсатишнинг маъмурий регламентини тасдиқлаш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 29 июндаги 402-сонли ««Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида»ги қарорига асосан ўз кучини йўқотган.
Ўзбекистон Республикаси Президентининг «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида» 2017 йил 12 декабрдаги ПФ-5278-сон Фармонига мувофиқ ва фуқарони жамғариб бориладиган пенсия тизимида ҳисобга қўйиш бўйича давлат хизматлари тизимини янада такомиллаштириш мақсадида Вазирлар Маҳкамаси қарор қилади:
1. Фуқарони жамғариб бориладиган пенсия тизимида ҳисобга қўйиш бўйича давлат хизматлари кўрсатишнинг маъмурий регламенти 1-иловага мувофиқ тасдиқлансин ва 2018 йил 1 апрелдан бошлаб амалга киритилсин.
2. Белгилансинки, 2018 йил 1 апрелдан бошлаб юридик ва жисмоний шахслар фуқарони жамғариб бориладиган пенсия тизимида ҳисобга қўйиш бўйича давлат хизматлари олиш учун фақат Давлат хизматлари марказига ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб аталади) орқали мурожаат қиладилар.
3. АТБ «Ўзбекистон Республикаси Халқ банки» (кейинги ўринларда Халқ банки деб аталади):
ўн кун муддатда — давлат хизматлари кўрсатиш учун зарур ҳужжатлар ва бошқа ҳужжатларнинг намунавий шаклларини, бланкаларини ишлаб чиқсин ҳамда Ўзбекистон Республикаси Адлия вазирлиги билан келишган ҳолда тасдиқланишини;
Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Ўзбекистон Республикаси Адлия вазирлиги ҳузуридаги Давлат хизматлари агентлиги билан биргаликда 2018 йил 1 апрелгача бўлган муддатда давлат хизматлари кўрсатувчи бўлинмаларнинг ЯИДХПга уланишини;
Ўзбекистон Республикаси Адлия вазирлиги ҳузуридаги Давлат хизматлари агентлиги ва Ўзбекистон Республикаси Савдо-саноат палатаси билан биргаликда 2018 йил мобайнида ҳар чоракда камида бир марта Халқ банки ва Давлат хизматлари марказларининг ходимлари иштирокида тасдиқланган маъмурий регламентни амалда қўллашнинг самарадорлиги ва натижадорлиги даражасини оширишга йўналтирилган ўқув семинарлари ташкил этилиши ва ўтказилишини таъминласин.
4. Ўзбекистон Республикаси Ахборот технологиялари ва коммуникацияларини ривожлантириш вазирлиги Ўзбекистон Республикаси Адлия вазирлиги ҳузуридаги Давлат хизматлари агентлиги билан биргаликда 2018 йил 1 апрелгача бўлган муддатда ЯИДХПда фуқарони жамғариб бориладиган пенсия тизимида ҳисобга қўйиш давлат хизмати кўрсатишнинг ҳар бир босқичида жисмоний ва юридик шахслар мурожаатларининг кўриб чиқилишини кузатиб бориш тартиботини жорий этсин.
5. Ўзбекистон Республикаси Адлия вазирлиги ҳузуридаги Давлат хизматлари агентлиги:
фуқарони жамғариб бориладиган пенсия тизимида ҳисобга қўйиш давлат хизматлари кўрсатишнинг белгиланган тартибига риоя этилиши юзасидан Халқ банки ва бошқа ташкилотлар фаолияти юзасидан, шу жумладан ЯИДХП орқали доимий назорат ўрнатсин;
тасдиқланган маъмурий регламент талабларини бузганлик учун Халқ банки ва бошқа ташкилотлар мансабдор шахсларига нисбатан маъмурий жазолар қўлласин.
6. Вазирлар Маҳкамасининг «Фуқароларнинг жамғариб бориладиган пенсия таъминоти тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2004 йил 21 декабрдаги 595-сон қарорига (Ўзбекистон Республикаси ҚТ, 2004 й., 12-сон, 110-модда) 2-иловага мувофиқ ўзгартиришлар киритилсин.
7. Белгилаб қўйилсинки, Халқ банки ва Ўзбекистон Республикаси Адлия вазирлиги ҳузуридаги Давлат хизматлари агентлиги раҳбарлари ушбу қарорда назарда тутилган вазифаларнинг ўз вақтида, тўлиқ ва сифатли бажарилиши учун шахсан жавоб берадилар.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси адлия вазири Р.К. Давлетов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 26 март,
238-сон
Вазирлар Маҳкамасининг 2018 йил 26 мартдаги 238-сон қарорига
1-ИЛОВА
1-ИЛОВА
Фуқарони жамғариб бориладиган пенсия тизимида ҳисобга қўйиш давлат хизматлари кўрсатишнинг
МАЪМУРИЙ РЕГЛАМЕНТИ
1-боб. Умумий қоидалар
1. Ушбу Регламент Ўзбекистон Республикаси фуқароси, шу жумладан чет эл фуқаролари ва фуқаролиги бўлмаган шахсларни (кейинги ўринларда фуқаролар деб аталади) жамғариб бориладиган пенсия тизимида ҳисобга қўйиш тартибини (кейинги ўринларда ЖБПТ деб аталади) белгилайди.
2. ЖБПТда иштирок этиш мажбурий ёки ихтиёрий тартибда амалга оширилади.
Иш берувчиларнинг, шунингдек, меҳнат фаолиятини меҳнат шартномаси асосида амалга оширувчи фуқароларнинг жамғариб бориладиган пенсия тизимида иштирок этиши, агар қонун ҳужжатларида бошқача қоидалар назарда тутилмаган бўлса, мажбурийдир.
ЖБПТда ихтиёрий тартибда юридик шахс бўлмасдан тадбиркорлик фаолияти билан шуғулланувчи якка тартибдаги тадбиркорлар ва деҳқон хўжаликлари аъзолари ва бошқа фуқаролар иштирок этади.
ЖБПТда мажбурий тарзда иштирок этишда ЖБПТда ҳисобга қўйишга мурожаатни иш берувчи беради.
ЖБПТда ихтиёрий тарзда иштирок этишда ЖБПТда ҳисобга қўйишга мурожаатни фуқаро беради.
3. Фуқарони ЖБПТда ҳисобга қўйишни АТБ «Ўзбекистон Республикаси Халқ банки» (кейинги ўринларда Халқ банки деб аталади) амалга оширади.
4. Давлат хизматлари марказлари ва Халқ банки ўртасида ахборот алмашинуви электрон рақамли имзони (кейинги ўринларда ЭРИ деб аталади) мажбурий тартибда қўллаш орқали фақат идоралараро электрон ўзаро боғланиш ёрдамида амалга оширилади.
5. Фуқарони жамғариб бориладиган пенсия тизимига ҳисобга қўйиш ишлари мазкур Регламентга 1-иловага мувофиқ схема асосида амалга оширилади.
2-боб. Давлат хизматлари кўрсатиш тартиби
6. Иш берувчи ёки фуқаро (кейинги ўринларда аризачи деб аталади) фуқарони ЖБПТда ҳисобга қўйиш учун Давлат хизматлари марказларига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида (кейинги ўринларда ЯИДХП деб аталади) давлат хизматини электрон тарзда олиш учун рўйхатдан ўтади.
7. Ўзи келиб мурожаат этган тақдирда Давлат хизматлари маркази ходими аризачи номидан, ЯИДХП орқали мурожаат этган тақдирда эса аризачи мустақил равишда мазкур Регламентга 2-иловага мувофиқ шаклдаги давлат хизмати олиш учун анкетани электрон тарзда тўлдиради.
Агар фуқаронинг паспортида фуқаронинг идентификация рақами (шахсий код) кўрсатилмаган бўлса, у ҳолда аризачи яшаш жойи бўйича ички ишлар органларидан фуқаронинг идентификация рақами (шахсий кодини) сўраб олади ва уни аниқлагандан сўнг давлат хизмати олиш учун анкетанинг тегишли устунига зарур ёзувни киритади.
Истеъмолчилардан ушбу бандда кўрсатилмаган маълумотларни, шунингдек, бошқа ҳужжатларни тақдим этишни талаб қилиш қатъиян тақиқланади.
8. Анкетага зарур маълумотларни расмийлаштиргандан ва киритгандан сўнг аризачи уни ўз ЭРИ билан тасдиқлайди.
Ўзи келиб мурожаат этган тақдирда, сўровномани ЭРИ билан тасдиқлаш имконияти бўлмаган ҳолларда тегишли имзолар идентификация қилишнинг бошқа воситалари (дактилоскопия, электрон имзо ва бошқалар) билан ҳам тасдиқланиши мумкин.
(8-банд Ўзбекистон Республикаси Вазирлар Маҳкамасининг 2019 йил 2 июлдаги 548-сонли қарори таҳририда — Қонун ҳужжатлари маълумотлари миллий базаси, 02.07.2019 й., 09/19/548/3362-сон)
9. Фуқарони ЖБПТда ҳисобга қўйиш бепул амалга оширилади.
10. Анкетада нотўғри маълумотлар кўрсатилиши давлат хизмати кўрсатишни рад этиш учун асос ҳисобланади.
(10-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 2 июлдаги 548-сонли қарори таҳририда — Қонун ҳужжатлари маълумотлари миллий базаси, 02.07.2019 й., 09/19/548/3362-сон)
Давлат хизматларини кўрсатишни бошқа асослар бўйича рад этиш қатъиян тақиқланади.
11. Аризачи давлат хизмати олишдан уни кўрсатилишининг ҳар қандай босқичда тўхтатиш ҳуқуқига эга.
Аризачи давлат хизмати олишни рад этган тақдирда унинг анкетаси кўриб чиқилмайди.
12. Ўзи келиб мурожаат этганда Давлат хизматлари марказлари анкета тўлдирилган вақтдан бошлаб бир соат мобайнида уни фуқарони ЖБПТда ҳисобга қўйиш учун Халқ банкига юборади.
ЯИДХП орқали мурожаат қилинганда эса анкета автоматик тарзда Халқ банкига юборилади.
13. Халқ банки анкета келиб тушгандан сўнг бир кун ичида Давлат хизматлари марказига (ўзи келиб мурожаат этган тақдирда) ёки аризачига ЯИДХП орқали (электрон тарзда мурожаат этган тақдирда) фуқаро ЖБПТда ҳисобга қўйилганлиги тўғрисида хабарнома юборади.
Давлат хизматлари маркази фуқаро ЖБПТда ҳисобга қўйилганлиги тўғрисида хабарнома келиб тушгандан сўнг бир соат мобайнида бу ҳақда фуқарони хабардор қилади.
14. ЖБПТда ҳисобга қўйилган фуқароларга жамғариб бориладиган пенсия дафтарчаси белгиланган тартибда тақдим этилади.
3-боб. Якунловчи қоидалар
15. Давлат хизматлари марказлари ва Халқ банки фуқарони ЖБПТда ҳисобга қўйиш натижасида олинган маълумотларнинг махфийлигини таъминлаши лозим.
16. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Давлат хизматлари марказлари ушбу регламент талаблари ижроси бўйича давлат органлари ва бошқа ташкилотларнинг фаолияти юзасидан, шу жумладан ЯИДХП орқали, доимий назоратни ва мониторингни амалга оширадилар.
17. Аризачи Халқ банки ходимларнинг хатти-ҳаракатлари юзасидан қонун ҳужжатларида белгиланган тартибда шикоят қилиши мумкин.
18. Ушбу Регламент талаблари бузилишида айбдор шахслар қонун ҳужжатларида белгиланган тартибда жавоб берадилар.
Фуқарони жамғариб бориладиган пенсия тизимида ҳисобга қўйиш давлат хизматлари кўрсатишнинг маъмурий регламентига
1-ИЛОВА
1-ИЛОВА
Фуқарони жамғариб бориладиган пенсия тизимига ҳисобга қўйиш ишларини амалга ошириш
СХЕМАСИ
Фуқарони жамғариб бориладиган пенсия тизимида ҳисобга қўйиш давлат хизматлари кўрсатишнинг маъмурий регламентига
2-ИЛОВА
2-ИЛОВА
|
(сана) |
__________________ (тартиб рақами) | ||||||||
|
Фуқарони жамғариб бориладиган пенсия тизимида |
|||||||||
|
ҳисобга қўйиш бўйича давлат хизматлари кўрсатиш |
|||||||||
|
СЎРОВНОМАСИ |
|||||||||
|
2. Исми: | |||||||||
|
3. Отасининг исми: | |||||||||
|
4. Жинси: | |||||||||
|
5. Туғилган санаси: |
|||||||||
|
кун |
ой |
йил | |||||||
|
6. Туғилган жойи: | |||||||||
|
6.2. Туман (шаҳар): | |||||||||
|
6.3. Аҳоли пункти: | |||||||||
|
7. Сўровнома тўлдирилган санада яшаш (доимий яшаш жойи бўйича рўйхатда турган) жойи: | |||||||||
|
7.1. Вилоят (Қорақалпоғистон Республикаси, Тошкент шаҳри) |
|||||||||
|
7.2. Туман (шаҳар) |
|||||||||
|
7.3. Аҳоли пункти: |
|||||||||
|
7.4. Кўча: |
|||||||||
|
7.5. Уй рақами: |
|||||||||
|
7.6. Хонадон рақами: |
|||||||||
|
8. Паспорт маълумотлари: | |||||||||
|
8.1. Серияси: |
8.2. Рақам |
||||||||
|
8.3. Берилган вақти: |
кун |
ой |
йил |
||||||
|
8.4. Берилган жойи: |
|||||||||
|
ИДЕНТИФИКАЦИЯ РАҚАМИ |
|||||||||
(2-илова Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
Вазирлар Маҳкамасининг 2018 йил 26 мартдаги 238-сон қарорига
2-ИЛОВА
2-ИЛОВА
Вазирлар Маҳкамасининг «Фуқароларнинг жамғариб бориладиган пенсия таъминоти тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2004 йил 21 декабрдаги 595-сон қарорига киритилаётган ўзгартиришлар
1. 6-бандда:
а) иккинчи хатбоши чиқариб ташлансин;
б) учинчи хатбоши иккинчи хатбоши деб ҳисоблансин.
2. 1-иловада:
а) 7-банд қуйидаги таҳрирда баён қилинсин:
«7. Иш берувчилар, шунингдек, меҳнат фаолиятини меҳнат шартномаси асосида амалга ошираётган фуқаролар учун жамғариб бориладиган пенсия тизимида қатнашиш мажбурий ҳисобланади, агар қонун ҳужжатларида бошқача ҳоллар назарда тутилмаган бўлса.
Фуқарони жамғариб бориладиган пенсия тизимида ҳисобга қўйиш Ўзбекистон Республикаси Вазирлар Маҳкамаси томонидан белгиланадиган тартибда амалга оширилади.
Халқ банкининг филиали фуқаро жамғариб бориладиган пенсия тизимида ҳисобга олингандан бошлаб икки иш куни мобайнида жамғариб бориладиган пенсия дафтарчасини расмийлаштиради»;
в) 10-банднинг биринчи хатбошидаги «филиалидан» сўзи чиқариб ташлансин;
г) 11-банднинг иккинчи хатбоши чиқариб ташлансин;
д) 12-бандда:
биринчи ва иккинчи хатбошилар чиқариб ташлансин;
учинчи хатбоши биринчи хатбоши деб ҳисоблансин;
е) 28-банднинг учинчи хатбошидаги «филиалидан» сўзи чиқариб ташлансин.
3. 2-иловада:
а) 9 ва 10-бандлар қуйидаги таҳрирда баён қилинсин:
«9. Фуқарони жамғариб бориладиган пенсия тизимида ҳисобга олишда шахсий жамғариб бориладиган пенсия ҳисобварағининг доимий шахсий тартиб рақамини бериш белгиланган тартибда амалга оширилади.
10. Фуқарони жамғариб бориладиган пенсия тизимида ҳисобга қўйиш давлат хизмати олишда шахсий жамғариб бориладиган пенсия ҳисобварағини очиш учун сўровнома асос ҳисобланади»;
б) 11 ва 12-бандлар ўз кучини йўқотган деб ҳисоблансин.
(Қонун ҳужжатлари маълумотлари миллий базаси, 28.03.2018 й., 09/18/238/0453-сон; 02.07.2019 й., 09/19/548/3362-сон; 29.09.2020 й., 09/20/593/1340-сон)
