|
Ҳужжат кучини йўқотган " " 14.08.2017
|
Ўзбекистон Республикаси Вазирлар Маҳкамасининг
қарори
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ КАТТА ВА АЛОҲИДА МУҲИМ СУВ ХЎЖАЛИГИ ОБЪЕКТЛАРИНИНГ ТЕХНИК ҲОЛАТИНИ ҲАМДА БЕХАТАР ИШЛАШИНИ НАЗОРАТ ҚИЛИШ ДАВЛАТ ИНСПЕКЦИЯСИ («ДАВСУВХЎЖАЛИКНАЗОРАТ» ИНСПЕКЦИЯСИ) ФАОЛИЯТИНИ ТАКОМИЛЛАШТИРИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2017 йил 9 августдаги 606-сонли «Ўзбекистон Республикаси Фавқулодда вазиятлар вазирлиги, Ўзбекистон Республикаси Фавқулодда вазиятлар вазирлиги ҳузуридаги Гидрометеорология хизмати маркази ва Ўзбекистон Республикаси Фавқулодда вазиятлар вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси тўғрисидаги низомларни тасдиқлаш ҳақида»ги қарорига асосан ўз кучини йўқотган.
Ўзбекистон Республикаси Президентининг «Республика давлат бошқаруви органлари тизимини такомиллаштириш тўғрисида» 2003 йил 9 декабрдаги ПФ–3358-сон Фармонига мувофиқ, шунингдек катта ва алоҳида муҳим сув хўжалиги объектларининг техник ҳолати ҳамда бехатар ишлаши устидан назоратни кучайтириш мақсадида Вазирлар Маҳкамаси қарор қилади:
1. Қуйидагилар:
катта ва алоҳида муҳим сув хўжалиги объектлари техник ҳолатининг ишончлилиги ҳамда уларнинг бехатар ишлаши таъминланиши;
катта ва алоҳида муҳим сув хўжалиги объектлари лойиҳалаштирилиши, қурилиши, улардан фойдаланилиши, уларнинг реконструкция қилиниши ва таъмирланиши, шу жумладан лойиҳалар экспертизаси ташкил этилиши, қурилиш сифатининг ва фойдаланишга қабул қилиб олишнинг назорат қилиниши;
катта ва алоҳида муҳим сув хўжалиги объектларининг ишончли қўриқланиши ташкил этилиши устидан давлат назоратини амалга ошириш Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси) фаолиятининг асосий вазифалари этиб белгилансин.
2. Қуйидагилар:
Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси) тўғрисидаги низом 3-иловага мувофиқ тасдиқлансин.
3. «Давсувхўжаликназорат» инспекцияси марказий аппарати ходимларининг чекланган умумий сони 17 нафар, шу жумладан бошқарув ходимлари сони 12 нафар этиб белгилансин.
«Давсувхўжаликназорат» инспекцияси бошлиғига, зарурият бўлганда, ходимларнинг белгиланган чекланган умумий сони доирасида «Давсувхўжаликназорат» инспекцияси марказий аппарати тузилмасига ўзгартиришлар киритиш ҳуқуқи берилсин.
4. Қуйидагилар:
Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси)ни ташкил этиш ва унинг фаолияти масалалари тўғрисида» 1999 йил 30 мартдаги 143-сон қарори 1-бандининг учинчи, тўртинчи хатбоши, қарорнинг 2-банди ва қарорга 2 ва 3-иловалар;
Вазирлар Маҳкамасининг «Гидротехника иншоотларининг хавфсизлиги тўғрисида»ги Ўзбекистон Республикаси Қонунини амалга ошириш чора-тадбирлари тўғрисида» 1999 йил 16 ноябрдаги 499-сон қарорига 3-илованинг 3-банди (Ўзбекистон Республикаси ҚТ, 1999 й., 11-сон, 66-модда) ўз кучини йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2004 йил 20 апрель,
186-сон
Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси)нинг ташкилий тузилмаси
Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси) марказий аппаратининг тузилмаси
Вазирлар Маҳкамасининг
2004 йил 20 апрелдаги 186-сон қарорига
3-ИЛОВА
2004 йил 20 апрелдаги 186-сон қарорига
3-ИЛОВА
Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси) тўғрисида
НИЗОМ
I. Умумий қоидалар
1. Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси (кейинги ўринларда «Давсувхўжаликназорат» инспекцияси деб аталади) гидротехника иншоотлари хавфсизлиги устидан давлат назорати соҳасидаги махсус ваколатли давлат бошқарув органи ҳисобланади.
«Давсувхўжаликназорат» инспекцияси ўз фаолиятида Ўзбекистон Республикаси Вазирлар Маҳкамасига ҳисоб беради.
2. «Давсувхўжаликназорат» инспекцияси тизимига маҳаллий давлат бошқарув органларидан мустақил бўлган ва бевосита «Давсувхўжаликназорат» инспекциясига ҳисоб берадиган ҳудудий инспекторлар киради.
3. «Давсувхўжаликназорат» инспекцияси ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлисининг қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, шунингдек мазкур Низомга амал қилади.
4. «Давсувхўжаликназорат» инспекцияси ўз фаолиятини давлат бошқарувининг бошқа органлари, ҳуқуқни муҳофаза қилиш органлари, маҳаллий давлат ҳокимияти органлари, жамоат бирлашмалари ва бошқа ташкилотлар билан ўзаро ҳамкорликда амалга оширади.
5. «Давсувхўжаликназорат» инспекцияси ва унинг ҳудудий бўлинмаларининг моддий-техник таъминоти, шунингдек «Давсувхўжаликназорат» инспекцияси тизими ходимлари меҳнатига ҳақ тўлаш «Давсувхўжаликназорат» инспекциясига бюджетдан ажратиладиган маблағлар доирасида Ўзбекистон Республикаси Давлат бюджети маблағлари ҳисобига амалга оширилади.
(5-банд Ўзбекистон Республикаси Вазирлар Маҳкамасининг 2016 йил 26 апрелдаги 122-сонли қарори таҳририда — ЎР ҚҲТ, 2016 й., 17-сон, 176-модда)
6. «Давсувхўжаликназорат» инспекцияси юридик шахс ҳисобланади, Ўзбекистон Республикаси Давлат герби тасвири туширилган ва ўз номи ёзилган муҳрга эга бўлади.
II. «Давсувхўжаликназорат» инспекциясининг вазифалари ва функциялари
7. Қуйидагилар:
катта ва алоҳида муҳим сув хўжалиги объектлари техник ҳолатининг ишончлилиги ва уларнинг бехатар ишлаши таъминланиши;
катта ва алоҳида муҳим сув хўжалиги объектларининг лойиҳалаштирилиши, қурилиши, улардан фойдаланилиши, уларнинг реконструкция қилиниши ва таъмирланиши, шу жумладан лойиҳалар экспертизаси ташкил этилиши, қурилиш сифатининг ва фойдаланишга қабул қилиб олишнинг назорат қилиниши;
катта ва алоҳида муҳим сув хўжалиги объектларининг ишончли қўриқланиши ташкил этилиши устидан давлат назоратини амалга ошириш «Давсувхўжаликназорат» инспекциясининг асосий вазифалари ҳисобланади.
8. «Давсувхўжаликназорат» инспекцияси ўзига юкланган вазифаларнинг бажарилиши учун қуйидаги функцияларни амалга оширади:
тегишли вазирликлар ва идоралар билан биргаликда капиталлиги I, II, III класс бўлган гидротехника иншоотларининг техник ҳолати ҳамда бехатар ишлаши билан боғлиқ ҳодисаларнинг олдини олишга доир таклифларни ишлаб чиқади;
манфаатдор вазирликлар ва идоралар билан биргаликда гидротехника иншоотлари техник ҳолатининг ишончлилигини ҳамда бехатар ишлашини экспертизадан ўтказади;
гидротехника иншоотларининг техник ва хавфсизлик ҳолатининг ишончлилиги билан боғлиқ идоралараро ва давлатлараро комиссиялар ишида қатнашади;
гидротехника иншоотларининг хавфсизлик қоидалари ва мезонлари ишлаб чиқилиши ва тасдиқланишини ташкил этади;
гидротехника иншоотларини жойлаштиришда, гидротехника иншоотларини лойиҳалаш учун топшириқларни келишишда, уларни қуриш ва реконструкция қилиш лойиҳаларини келишишда, гидротехника иншоотларини қуриш сифатини назорат қилишда, уларни фойдаланишга қабул қилишда, шунингдек гидротехника иншоотларидан фойдаланиш қоидаларини келишишда қатнашади;
хўжалик фаолиятини ёки бошқа фаолиятни амалга ошириш учун гидротехника иншоотлари ҳудудлари, дарёлар ўзанлари ва уларга туташ тўғоннинг қуйи ва юқори ҳудудларидан (сув муҳофазаси зоналарида ер участкалари бериш бундан мустасно) фойдаланишни келишади;
гидротехника иншоотларининг хавфсизлиги соҳасида норматив-ҳуқуқий ҳужжатлар лойиҳаларини ишлаб чиқишда қатнашади;
гидротехника иншоотларининг ҳолатини ва улар ҳолатининг хавфсизлик декларацияларига мувофиқлигини текширишни ташкил этади;
гидротехника иншоотларининг хавфсизлик декларацияларини белгиланган тартибда тасдиқлайди;
гидротехника иншоотларининг техник ҳолатини натурада кузатиш ва диагностикани амалга оширади;
гидротехника иншоотларининг кадастрини юритади;
ваколатли органларга сув муҳофазаси зоналарини, сув омборлари, дарёлар, каналлар ва коллекторларнинг қирғоқбўйи полосаларини белгилаш ишларини ташкил этишда кўмаклашади, ушбу зоналар ва полосаларга қўйиладиган талабларнинг бажарилиши устидан назоратни амалга оширади;
республиканинг тегишли вазирликлари ва идоралари билан биргаликда давлатлараро ва чегарабўйи сув хўжалиги объектларидан фойдаланиш масалаларини чегарадош давлатлар билан тартибга солишда қатнашади.
9. «Давсувхўжаликназорат» инспекцияси ўзига юкланган вазифалар ва функцияларни бевосита, шунингдек ўзига бўйсунувчи ҳудудий инспекторлар орқали ҳал қилади.
III. «Давсувхўжаликназорат» инспекциясининг ҳуқуқлари ва жавобгарлиги
10. «Давсувхўжаликназорат» инспекцияси ўзига юкланган вазифалар ва функцияларни бажариш учун қуйидаги ҳуқуқларга эга:
гидротехника иншоотларига белгиланган тартибда кириш, гидротехника иншоотларининг хавфсизлиги ва техник назоратни ташкил этиш масалаларига доир материаллар билан танишиб чиқиш;
ўз ваколати доирасида ва қонун ҳужжатларида белгиланган тартибда гидротехника иншоотларидан фойдаланилиши, уларнинг техник ва хавфсизлик ҳолати устидан назоратни амалга ошириш учун вазирликлар, идоралар, хўжалик бирлашмалари, корхоналар, муассасалар ва ташкилотлар ишини текшириш;
гидротехника иншоотлари техник ҳолатининг ишончлилиги, улардан фойдаланиш ва уларнинг хавфсизлигини таъминлаш билан боғлиқ масалалар бўйича вазирликлар ва идораларнинг, шунингдек, корхоналар ва ташкилотлар раҳбарларининг маърузаларини, ахборотларини ва хабарларини эшитиш;
тегишли вазирликлар, идоралар, корхоналар ва ташкилотлардан гидротехника иншоотлари техник ҳолатининг ишончлилиги, улардан фойдаланиш ва уларнинг хавфсизлигини таъминлаш билан боғлиқ масалалар бўйича меъёрий ҳужжатлар, тадбирлар режалари, буйруқлар, йўриқномалар, ҳужжатлар, маълумотлар ва материалларни талаб қилиш ва олиш, зарурият бўлганда, республиканинг тегишли вазирликлари ва идоралари мутахассисларини жалб қилиш;
гидротехника иншоотларининг хавфсизлигини таъминлаш тўғрисида ёзма кўрсатмалар бериш, шунингдек гидротехника иншоотлари хавфсизлиги нормалари ва қоидалари қўпол равишда бузилган ҳолларда хавфлилиги юқори бўлган объектлар жумласига кирувчи гидротехника иншоотларини лойиҳалаштириш, қуриш ва улардан фойдаланиш бўйича фаолиятни амалга ошириш учун берилган лицензияларнинг амал қилишини тўхтатиб туриш ва тўхтатиш тўғрисида таклифлар киритиш;
сув хўжалиги объектларидан фойдаланиш ёхуд дарёлар ўзанлари ва уларга туташ тўғоннинг қуйи ва юқори ҳудудларида хўжалик фаолиятини ва бошқа фаолиятни амалга ошираётган ташкилотлар фаолиятини, агар мазкур фаолият гидротехника иншоотларининг хавфсизлигига салбий таъсир кўрсатиши мумкин бўлса, белгиланган тартибда тақиқлаш ёки чеклаш.
«Давсувхўжаликназорат» инспекцияси Ўзбекистон Республикаси қонун ҳужжатларига мувофиқ бошқа ҳуқуқларга ҳам эга бўлиши мумкин.
11. «Давсувхўжаликназорат» инспекцияси ўзига юкланган вазифаларнинг самарали бажарилиши учун жавоб беради.
12. «Давсувхўжаликназорат» инспекциясининг мансабдор шахслари ва унинг ҳудудий инспекторлари ўз хизмат вазифаларини зарур даражада бажармаганликлари учун қонун ҳужжатларида белгиланган тартибда жавоб берадилар.
IV. «Давсувхўжаликназорат» инспекцияси фаолиятини ташкил этиш
Олдинги таҳрирга қаранг.
13. «Давсувхўжаликназорат» инспекциясига белгиланган тартибда Ўзбекистон Республикаси Вазирлар Маҳкамаси томонидан лавозимга тайинланадиган ва лавозимдан озод қилинадиган бошлиқ бошчилик қилади.
(13-банднинг биринчи хатбоши Ўзбекистон Республикаси Вазирлар Маҳкамасининг 2010 йил 5 июндаги 108-сонли қарори таҳририда — ЎР ҚҲТ, 2010 й., 23-сон, 183-модда)
«Давсувхўжаликназорат» инспекцияси ходимлари мақомига ва меҳнатга ҳақ тўлаш шартлари бўйича:
бошлиқ — вазирга;
бошқарув аппарати катта мутахассислари — вазирликларнинг мустақил бошқармаси бошлиқларига;
мутахассислар — вазирликларнинг бўлим бошлиқларига;
ҳудудий инспекторлар — вилоят ҳокимликларининг тегишли мустақил бўлимлари раҳбарларига тенглаштирилади.
14. «Давсувхўжаликназорат» инспекцияси бошлиғи:
«Давсувхўжаликназорат» инспекцияси фаолиятига якка бошчилик асосида умумий раҳбарлик қилади, «Давсувхўжаликназорат» инспекциясига юкланган вазифалар ва функцияларнинг бажарилиши учун шахсан жавоб беради;
«Давсувхўжаликназорат» инспекцияси марказий аппарати тузилмасига ходимларнинг белгиланган умумий сони доирасида ўзгартиришлар киритади, штат жадвалини, шунингдек «Давсувхўжаликназорат» инспекцияси марказий аппарати харажатлари сметасини тасдиқлайди;
«Давсувхўжаликназорат» инспекцияси марказий аппарати ходимларини, ҳудудий инспекторларни белгиланган тартибда лавозимга тайинлайди ва лавозимдан озод қилади.
Бошлиқ қонун ҳужжатларига мувофиқ бошқа ваколатларни амалга оширади.
15. «Давсувхўжаликназорат» инспекциясида йирик гидротехника ва бошқа муҳандислик иншоотларини лойиҳалаш, қуриш ва улардан фойдаланиш соҳасидаги етакчи мутахассислардан иборат Эксперт кенгаши тузилади.
«Давсувхўжаликназорат» инспекциясининг бошлиғи лавозимига кўра Эксперт кенгашининг раиси ҳисобланади. Эксперт кенгашининг шахсий таркиби Ўзбекистон Республикаси Вазирлар Маҳкамаси билан келишилади.
Эксперт кенгаши гидротехника иншоотларидан бехатар фойдаланиш ва уларнинг ишончли ишлашининг энг муҳим масалаларини кўриб чиқади, гидротехника иншоотларининг барқарор ва бехатар ишлаши учун уларни реконструкция қилиш ва қайта жиҳозлаш бўйича кечиктириб бўлмайдиган ишларни амалга ошириш юзасидан тавсияномалар беради.
Эксперт кенгашининг қарорлари, қоидага кўра, «Давсувхўжаликназорат» инспекцияси бошлиғининг буйруқлари билан амалга оширилади.
Эксперт кенгаши мажлисларига алоҳида вазирликлар ва идоралар, корхоналар, муассасалар ва ташкилотларнинг манфаатларига тегишли масалаларни ҳал қилиш учун уларнинг вакиллари таклиф этилади.
16. «Давсувхўжаликназорат» инспекциясининг инспекторлари гидротехника иншоотларининг техник ҳолати ва бехатар ишлаши устидан назорат ўрнатиш юзасидан жойларда ўз фаолиятини «Давсувхўжаликназорат» инспекцияси томонидан тасдиқланган тадбирларга мувофиқ амалга оширадилар.
17. «Давсувхўжаликназорат» инспекциясини қайта ташкил этиш ва тугатиш қонун ҳужжатларида белгиланган тартибда амалга оширилади.
(Ўзбекистон Республикаси қонун ҳужжатлари тўплами, 2004 й.,16-сон, 185-модда; 2010 й., 23-сон, 183-модда; 2016 й., 17-сон, 176-модда)
