Ҳужжат кучини йўқотган " " 16.06.2020

Ўзбекистон Республикаси Вазирлар Маҳкамасининг

қарори

Ўзбекистон Республикаси Вазирлар Маҳкамасининг 1993 йил 19 августдаги 423-сон ва 1994 йил 3 ноябрдаги 533-сон қарорларига ўзгартиришлар киритиш тўғрисида

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2020 йил 16 июндаги 384-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида («Давлат божи тўғрисида»ги Ўзбекистон Республикаси Қонуни)» қарорига асосан ўз кучини йўқотган.

Ўзбекистон Республикаси Президентининг «Ўзбекистон Республикасида паспорт тизимини такомиллаштириш тўғрисида» 1999 йил 26 февралдаги ПФ-2240-сон Фармонига мувофиқ Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг «Хорижий валютадаги давлат божлари, йиғимлар ҳамда солиқ бўлмаган бошқа тўловлар ставкалари тўғрисида» 1993 йил 19 августдаги 423-сон қарорига ҳамда Вазирлар Маҳкамасининг 1994 йил 3 ноябрдаги 533-сон қарори (Ўзбекистон Республикаси ҚТ, 1994 й., 11-сон, 49-модда) билан тасдиқланган давлат божи ставкаларига 1 ва 2-иловаларга мувофиқ ўзгартиришлар киритилсин.

2. Ўзбекистон Республикаси Вазирлар Маҳкамасининг «Давлат божи ставкаларига қўшимчалар киритиш тўғрисида» 1998 йил 14 октябрдаги 443-сон қарори (Ўзбекистон Республикаси ҚТ, 1998 й., 10-сон, 37-модда) ўз кучини йўқотган деб ҳисоблансин.

Вазирлар Маҳкамасининг Раиси И. КАРИМОВ

Тошкент ш.,

1999 йил 30 апрель,

205-сон

Вазирлар Маҳкамасининг 1999 йил
30 апрелдаги 205-сон қарорига
1-ИЛОВА

Ўзбекистон Республикаси Вазирлар Маҳкамасининг «Хорижий валютадаги давлат божлари, йиғимлар ҳамда солиқ бўлмаган бошқа тўловлар ставкалари тўғрисида» 1993 йил 19 августдаги 423-сон қарорига киритилаётган

ўзгартиришлар

1. Қарорнинг 3-бандидаги «Вазирлар Маҳкамаси ҳузуридаги Давлат солиқ бош бошқармаси» сўзлари «Давлат солиқ қўмитаси» сўзлари билан алмаштирилсин.

2. 1-иловада:

олтинчи хатбоши чиқариб ташлансин;

ўнинчи хатбошидаги «Вазирлар Маҳкамаси ҳузуридаги Давлат солиқ бош бошқармаси» сўзлари «Давлат солиқ қўмитаси» сўзлари билан алмаштирилсин;

ўнбиринчи хатбошидаги «Вазирлар Маҳкамаси ҳузуридаги Давлат солиқ бош бошқармаси» сўзлари «ва Давлат солиқ қўмитаси» сўзлари билан алмаштирилсин.

3. 2-илованинг IX бўлимидаги 6, 7 ва 8-бандлар қуйидаги таҳрирда баён қилинсин:

«6. Чет эл фуқароларини ва фуқаролиги бўлмаган шахсларни келиш визаси амалда бўлиши муддатига вақтинча рўйхатдан ўтказганлик ҳамда вақтинча рўйхатдан ўтказишни виза амалда бўлишининг узайтирилган муддатигача узайтирганлик учун: ‎	‎
— 1 ойгача‎	20 АҚШ доллари‎
—2 ойгача‎‎	40 АҚШ доллари‎
—3 ойгача‎‎	60 АҚШ доллари‎
—6 ойгача‎‎	100 АҚШ доллари‎
— 1 йилгача	200 АҚШ доллари‎
7. МДҲ қатнашчилари бўлган давлатлар фуқароларини, шунингдек, МДҲ қатнашчилари бўлган давлатлардан келган, собиқ СССР паспортлари бўлган, паспортларида фуқаролик белгиси бўлмаган шахсларни вақтинча рўйхатдан ўтказганлик учун: ‎	‎
— уч суткадан олти ойгача муддатга ‎	5 АҚШ доллари‎
— олти ойдан ортиқ муддатга ‎	10 АҚШ доллари‎
8. Чет эл фуқароларининг, шу жумладан, МДҲ қатнашчилари бўлган давлатлар фуқаросининг ёки фуқаролиги бўлмаган шахсларнинг ҳужжатларини Ўзбекистон Республикасида доимий яшаши учун кўриб чиққанлик ва расмийлаштирганлик учун». ‎	50 АҚШ доллари‎

4. «Бож, йиғим ва солиқ бўлмаган бошқа тўловлардан валюта тушумларини тақсимлаш» жадвалининг 14-бандидаги 2-устун матни қуйидаги таҳрирда баён қилинсин:

«Кетиш ва кетиш-келиш визалари берганлик ва уларни узайтирганлик, вақтинча рўйхатдан ўтказганлик, доимий яшаш учун ҳужжатларни расмийлаштирганлик учун олинадиган давлат божи».

Вазирлар Маҳкамасининг 1999 йил
30 апрелдаги 205-сон қарорига
2-ИЛОВА

Вазирлар Маҳкамасининг 1994 йил 3 ноябрдаги 533-сон қарори билан тасдиқланган давлат божи ставкаларига киритилаётган

ўзгартиришлар

1. 6-банд қуйидаги таҳрирда баён қилинсин.

«6. Паспорт ёки унинг ўрнини босувчи ҳужжат, чет элга кетиш ва чет элдан келиш ҳуқуқини берадиган ҳужжатларни берганлик учун:

а) Ўзбекистон Республикаси фуқароси паспортини берганлик учун ‎	‎	энг кам ойлик иш ҳақининг 30 фоизи миқдорида;‎
б) фуқаролиги бўлмаган шахсга, шу жумладан, ‎«Ўзбекистон Республикаси фуқаролиги тўғрисида»ги Ўзбекистон Республикасининг Қонуни кучга киргандан кейин Ўзбекистон Республикасига келган ва бирон-бир давлат фуқаролигига мансублигини исботлай ололмаган шахсларга фуқаролиги бўлмаган шахс гувоҳномасини берганлик ёки гувоҳноманинг амал қилиш муддатини узайтирганлик учун	‎	энг кам ойлик иш ҳақининг 40 фоизи миқдорида‎;
в) Ўзбекистон Республикаси фуқароларига чет элга кетиш ҳуқуқини берувчи ижозат ёзувини қўйиб берганлик учун‎	‎	энг кам ойлик иш ҳақининг 50 фоизи миқдорида‎;‎
г) Ўзбекистон Республикасида доимий яшовчи чет эл фуқароси ва фуқаролиги бўлмаган шахс миллий паспортига ёки унинг ўрнини босувчи пайтнинг ўзида кетиш ва келиш визаси берганлик учун‎	‎	энг кам ойлик иш ҳақининг 80 фоизи миқдорида‎;‎‎
д) кетиш ва келиш ҳуқуқини берувчи илгари берилган ҳужжатларга бирон-бир ўзгартириш киритганлик учун (амал қилиш муддатини узайтириш бундан мустасно)‎	‎	энг кам ойлик иш ҳақининг 10 фоизи миқдорида‎;‎‎‎
е) Ўзбекистон Республикаси фуқароларига, чет эл фуқароларига, фуқаролиги бўлмаган шахсларга Ўзбекистон Республикасига таклиф қилишга оид ҳужжатлар берганлик учун‎	‎	энг кам ойлик иш ҳақининг 10 фоизи миқдорида‎;‎‎‎‎
ж) чет эл фуқароларига, шу жумладан, МДҲ қатнашчилари бўлган давлатлар фуқароларига ва фуқаролиги бўлмаган шахсларга, шу жумладан, «Ўзбекистон Республикаси фуқаролиги тўғрисида»ги‎ Ўзбекистон Республикасининг Қонуни кучга киргандан кейин Ўзбекистон Республикасига келган ва бирон-бир давлат фуқаролигига мансублигини исботлай ололмаган шахсларга яшаш учун рухсатнома берганлик ёки унинг амал қилиш муддатини узайтирганлик учун	‎	энг кам ойлик иш ҳақининг 20 фоизи миқдорида‎;‎‎‎‎‎
з) чет эл фуқароларига, шу жумладан, МДҲ қатнашчилари бўлган давлатлар фуқароларига ва фуқаролиги бўлмаган шахсларга, шу жумладан, «Ўзбекистон Республикаси фуқаролиги тўғрисида»ги Ўзбекистон Республикасининг Қонуни кучга киргандан кейин Ўзбекистон Республикасига келган ва бирон-бир давлат фуқаролигига мансублигини исботлай ололмаган шахсларга яшаш учун берилган йўқотиб қўйилган рухсатнома ўрнига янгисини берганлик учун‎	‎	энг кам ойлик иш ҳақининг 50 фоизи миқдорида‎;‎‎‎‎‎‎
и) йўқотиб қўйилган паспортлар ва уларнинг ўрнини босувчи ҳужжатлар ёки Ўзбекистон Республикасига таклиф қилишга оид ҳужжатлар ўрнига янгисини берганлик учун ‎	‎	мазкур банднинг тегишли равишда «а», «б», «е» кичик миқдорларда».‎
‎	‎	‎

2. 7-банд қуйидаги таҳрирда баён қилинсин:

«7. Бошқа ишларни амалга оширганлик учун

а)‎ Ўзбекистон Республикаси фуқаролигига қабул қилиш ёки фуқаролигидан чиқариш тўғрисидаги аризалардан	‎	энг кам ойлик иш ҳақининг икки баравари миқдорида;
б)‎ Ўзбекистон Республикаси фуқароларини рўйхатдан ўтказганлик ва чиқарганлик учун	‎	энг кам ойлик иш ҳақининг 2 фоизи миқдорида;
в) ‎ чет эл фуқароларини, шу жумладан, МДҲ қатнашчилари бўлган давлатлар фуқароларини ва фуқаролиги бўлмаган шахсларни доимий рўйхатдан ўтказганлик ва чиқарганлик учун	‎	энг кам ойлик иш ҳақининг 2 фоизи миқдорида;
г)‎ ов қилиш ҳуқуқини берувчи рухсатномалар берганлик учун	‎	энг кам ойлик иш ҳақининг 20 фоизи миқдорида;
д) ‎ Ўзбекистон Республикаси фуқароларига ва фуқаролиги бўлмаган шахсларга чет мамлакатлардан юборилган пулларни тўлаганлик учун, пенсия ва алиментлар бундан мустасно‎ ‎	‎	‎‎юборилган сумманинг 10 фоизи миқдорида.

(Ўзбекистон Республикаси Ҳукуматининг қарорлари тўплами, 1999 й., 4-сон, 23-модда)