Ҳужжат кучини йўқотган " " 02.11.2015

Ўзбекистон Республикаси Вазирлар Маҳкамасининг

КОРПОРАТИВ БОШҚАРУВ МАРКАЗИНИ ТАШКИЛ ЭТИШ ТЎҒРИСИДА

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2015 йил 27 октябрдаги 305-сонли «Корпоратив бошқарув илмий-таълим марказининг самарали фаолиятини таъминлашга доир ташкилий чора-тадбирлар тўғрисида»ги қарорига асосан ўз кучини йўқотган.

Ўзбекистон Республикаси Президентининг «Ўзбекистон иқтисодиётида хусусий секторнинг улуши ва аҳамиятини тубдан ошириш чора-тадбирлари тўғрисида» 2003 йил 24 январдаги ПФ-3202-сон Фармонини бажариш юзасидан ҳамда хўжалик жамиятлари раҳбар бўғинларини тайёрлаш, қайта тайёрлаш ва уларнинг малакасини ошириш тизимини такомиллаштириш, корпоратив бошқарув шароитларида корхоналарни бошқариш самарадорлигини ошириш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамаси қошидаги Олий бизнес мактабининг таркибий бўлинмаси сифатида Корпоратив бошқарув ўқув маркази (кейинги ўринларда матнда Марказ деб юритилади) ташкил этилсин.

(1-банд Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

2. Қуйидагилар Корпоратив бошқарув марказининг асосий вазифалари этиб белгилансин:

акциядорларни, кузатув кенгашлари ва тафтиш комиссиялари аъзоларини корпоратив бошқарув, молиявий ва ишлаб чиқариш жиҳатидан таҳлил қилиш, корхона ва унинг ижро этувчи органлари фаолиятини назорат қилиш усулларига ўқитиш;

акциядорлик жамиятларининг бошқарув ижро этувчи органлари раҳбар ходимларини менежмент ва маркетингнинг замонавий усуллари бўйича тайёрлаш ва қайта тайёрлаш;

Олдинги таҳрирга қаранг.

инвестиция активларини ишончли бошқарувчиларни ҳамда давлатнинг ишончли вакили ходимларини ўқитиш ва малакасини ошириш

(2-банднинг тўртинчи хатбошиси Ўзбекистон Республикаси Вазирлар Маҳкамасининг 2009 йил 22 декабрдаги 323-сонли қарори таҳририда — ЎР ҚҲТ, 2009 й., 52-сон, 568-модда)

хусусийлаштириш, қимматли қоғозлар бозори, монополияга қарши тартибга солиш соҳасида ва бошқа иқтисодий тузилмаларда ишловчи мутахассисларнинг касб даражасини ошириш.

3. Қуйидагилар:

Корпоратив бошқарув марказининг ходимларнинг чекланган сони 14 кишидан иборат бўлган (ёрдамчи ходимлардан ташқари) ташкилий тузилмаси 1-иловага мувофиқ;

Ўзбекистон Республикаси Вазирлар Маҳкамаси қошидаги Олий бизнес мактабининг Корпоратив бошқарув маркази тўғрисидаги низом 2-иловага мувофиқ тасдиқлансин.

(3-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

Белгилансинки, Корпоратив бошқарув маркази раҳбари айни пайтда Ўзбекистон Республикаси Вазирлар Маҳкамаси қошидаги Олий бизнес мактаби директорининг ўринбосари ҳисобланади.

(3-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

4. Белгилаб қўйилсинки:

Марказга тингловчилар хўжалик юритувчи субъектлар буюртманомаларига кўра қабул қилинади;

Корпоратив бошқарув марказида ўқитиш Ўзбекистон Республикаси Вазирлар Маҳкамаси қошидаги Олий бизнес мактаби томонидан тасдиқланган ўқув дастурларига мувофиқ тўлов-контракт асосида амалга оширилади;

(4-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

тўлов-контракт асосида ўқитиш учун олинган маблағлар, республика ташкилотлари ва халқаро ташкилотларнинг грантлари, Ўзбекистон Республикаси Давлат рақобат қўмитасининг Хусусийлаштириш, бозор тузилмаларини ташкил этиш ва ривожлантириш давлат дастурини амалга ошириш сарф-харажатлари учун назарда тутилган маблағлари Марказ фаолиятини маблағ билан таъминлаш манбалари ҳисобланади;

(4-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

Корпоратив бошқарув марказида ўқишни муваффақиятли тугатган тингловчиларга белгиланган намунадаги сертификат берилади;

Корпоратив бошқарув марказининг доимий ишловчи профессор-ўқитувчилар таркиби ва ходимлари моддий-маиший шарт-шароитлар ва меҳнатга ҳақ тўлаш бўйича тегишли равишда Ўзбекистон Республикаси Вазирлар Маҳкамаси ҳузуридаги Олий бизнес мактабининг профессор-ўқитувчилар таркиби ва ходимларига тенглаштирилади.

(4-банднинг олтинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

5. Ўзбекистон Республикаси Давлат мулки қўмитаси Корпоратив бошқарув марказига зарур ўқув ва моддий-техника базасини яратиш, Корпоратив бошқарув маркази биноларини таъмирлаш учун 100,0 млн сўм ажратсин.

6. Ўзбекистон Республикаси Вазирлар Маҳкамасининг Ташқи иқтисодий алоқалар ва хорижий инвестициялар департаменти Корпоратив бошқарув марказига халқаро ташкилотлар грантларини жалб қилишда кўмаклашсин.

7. Корпоратив бошқарув маркази қуйидаги манзилга жойлаштирилсин: Тошкент шаҳри, Шаҳрисабз кўчаси, 42-уй.

Давлат мулки қўмитаси Тошкент шаҳар ҳокимлиги ва «Махсусқотишма» республика ташкилоти билан биргаликда кўрсатиб ўтилган бинонинг умумий майдони 1100 кв. метр бўлган учинчи қаватини Корпоратив бошқарув маркази балансига берсин.

«Ўзрангметлойиҳа» лойиҳалаштириш институти «Махсусқотишма» республика ташкилоти балансига учинчи қаватда «Махсусқотишма» республика ташкилоти бўшатаётган майдонга тенг миқдорда бинонинг бўш майдонларидан берсин.

(7-банд Ўзбекистон Республикаси Вазирлар Маҳкамасининг 2009 йил 2 февралдаги 32-сонли қарори таҳририда — ЎР ҚҲТ, 2009 й., 6-сон, 52-модда)

LexUZ шарҳи

7-бандга Ўзбекистон Республикаси Вазирлар Маҳкамасининг 2015 йил 2 апрелдаги 79-сонли қарорига асосан ўзгартириш киритилган. Рус тили матнига қаранг.

8. Ўзбекистон матбуот ва ахборот агентлиги Корпоратив бошқарув марказини кутубхонани тўлдириш учун босма ва китоб маҳсулотларининг (ижтимоий-сиёсий, иқтисодий, ҳуқуқий, тарихий нашрлар) назорат нусхаларини (1 нусха) олувчи ташкилотлар рўйхатига киритсин.

Ўзбекистон Республикаси Давлат статистика қўмитаси Корпоратив бошқарув марказини иқтисодий таҳлил ва корхоналарда корпоратив бошқарув дастурларини моделлаштириш учун ахборот бюллетенларини олувчи ташкилотлар рўйхатига киритсин.

Олдинги таҳрирга қаранг.

(9-банд Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарорига асосан ўз кучини йўқотган — ЎР ҚҲТ, 2015 й., 1-сон, 7-модда)

10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

Вазирлар Маҳкамасининг Раиси И. КАРИМОВ

Тошкент ш.,

2003 йил 4 июль,

Вазирлар Маҳкамасининг 2003 йил
4 июлдаги 304-сон қарорига
1-ИЛОВА

Ўзбекистон Республикаси Вазирлар Маҳкамаси қошидаги Олий бизнес мактабининг Корпоратив бошқарув марказининг

ТАШКИЛИЙ ТУЗИЛМАСИ

(1-илова Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

Вазирлар Маҳкамасининг 2003 йил
4 июлдаги 304-сон қарорига
2-ИЛОВА

Ўзбекистон Республикаси Вазирлар Маҳкамаси қошидаги Олий бизнес мактабининг Корпоратив бошқарув маркази тўғрисида

(2-илова номи Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

I. Умумий қоидалар

1. Ўзбекистон Республикаси Вазирлар Маҳкамаси қошидаги Олий бизнес мактабининг Корпоратив бошқарув ўқув маркази (кейинги ўринларда матнда «Марказ» деб юритилади) Ўзбекистон Республикаси Президентининг «Ўзбекистон иқтисодиётида хусусий секторнинг улуши ва аҳамиятини тубдан ошириш чора-тадбирлари тўғрисида» 2003 йил 24 январдаги ПФ-3202-сон Фармонига мувофиқ ташкил этилган ҳамда хўжалик жамиятлари учун раҳбар кадрлар тайёрлаш, уларни қайта тайёрлаш ва уларнинг малакасини ошириш бўйича Олий бизнес мактабининг таркибий таълим бўлинмаси ҳисобланади.

(1-банд Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

2. Марказ ўз фаолиятида Ўзбекистон Республикаси Конституцияси ва қонунларига, Олий Мажлиснинг қарорларига, Ўзбекистон Республикаси Президентининг фармонлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Вазирлар Маҳкамаси ҳузуридаги Олий бизнес мактабининг уставига ва мазкур Низомга амал қилади.

(2-банд Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

II. Марказ фаолиятининг ҳуқуқий асослари

3. Марказ Олий бизнес мактабининг ўз фаолиятини юридик шахс ташкил этмасдан амалга оширувчи таркибий бўлинмаси ҳисобланади.

4. Марказнинг тўлиқ номи:

ўзбек тилида — «Ўзбекистон Республикаси Вазирлар Маҳкамаси ҳузуридаги Олий бизнес мактабининг Корпоратив бошқарув маркази»;

рус тилида — Центр корпоративного управления Высшей школы бизнеса при Кабинете Министров Республики Узбекистан;

инглиз тилида — The Center for Corporate Management of the Нigher School of Bisiness the Cabinet of Ministers of the Republic of Uzbekistan.

(4-банд Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

Олдинги таҳрирга қаранг.

5. Марказнинг манзили: Тошкент шаҳри, Шаҳрисабз кўчаси, 42-уй.

(5-банд Ўзбекистон Республикаси Вазирлар Маҳкамасининг 2009 йил 2 февралдаги 32-сонли қарори таҳририда — ЎР ҚҲТ, 2009 й., 6-сон, 52-модда)

LexUZ шарҳи

5-бандга Ўзбекистон Республикаси Вазирлар Маҳкамасининг 2015 йил 2 апрелдаги 79-сонли қарорига асосан ўзгартириш киритилган. Рус тили матнига қаранг.

III. Марказнинг мақсад ва вазифалари

6. Республикада амалга оширилаётган демократик қайта ўзгартиришлар ва иқтисодий ислоҳотлар вазифалари ва устуворликларини ҳисобга олган ҳолда илғор халқаро дастурлар асосида хўжалик жамиятлари корпоратив бошқаруви раҳбарлари ва мутахассисларини тайёрлаш, қайта тайёрлаш ва уларнинг малакасини ошириш Марказнинг асосий мақсади ҳисобланади.

7. Олдинга қўйилган мақсадларга эришиш учун Марказга қуйидаги вазифалар юкланган:

хўжалик жамиятларининг кузатув кенгашлари ва тафтиш комиссиялари аъзоларини корпоратив бошқарув принципларига, молиявий ва ишлаб чиқариш таҳлили усулларига, корхоналар ижро этувчи органлари фаолиятини назорат қилишга ўқитиш;

хўжалик жамиятлари бошқаруви ижро этувчи органлари аъзоларини менежмент ва маркетингнинг илғор усуллари, бухгалтерия ҳисоби ва ҳисоботи асослари, бошқарувнинг корпоратив шакллари бўйича тайёрлаш ва қайта тайёрлаш;

Олдинги таҳрирга қаранг.

инвестиция активларини ишончли бошқарувчиларни ҳамда давлатнинг ишончли вакили ходимларини ўқитиш ва малакасини ошириш;

(7-банднинг тўртинчи хатбошиси Ўзбекистон Республикаси Вазирлар Маҳкамасининг 2009 йил 22 декабрдаги 323-сон қарори таҳририда — ЎР ҚҲТ, 2009 й., 52-сон, 568-модда)

давлат тасарруфидан чиқариш ва хусусийлаштириш, қимматли қоғозлар бозори, монополияга қарши ва тангликка қарши тартибга солиш соҳасида, давлатнинг бошқа иқтисодий тузилмаларида ишловчи мутахассисларнинг касб даражаси ва малакасини ошириш;

корхоналар молия-хўжалик фаолиятини бошқариш тизимини такомиллаштириш мақсадида илғор хорижий ва Ватанимиз тажрибасини умумлаштириш асосида тавсиялар, қўлланмалар ва ички корпоратив ҳужжатлар намуналарини ишлаб чиқиш;

Марказ ўқитувчилари ва тингловчиларининг корпоратив бошқарув соҳасида хорижий ўқув марказлари ва индустриал марказларда илғор жаҳон тажрибасини ўрганиш бўйича халқаро ташкилотлар ва институтлар билан ҳамкорлигини кенгайтириш;

Марказнинг ўқув жараёнига етакчи хорижий илмий ва ўқув юртлари профессорлари ва мутахассисларини жалб этиш, ўқув ва моддий-техника базани мустаҳкамлаш, кутубхона фондини барпо этиш учун халқаро ташкилотларнинг грантларини жалб этиш;

корпоратив бошқарув принципларини жорий этиш, ички корпоратив ҳужжатларни ишлаб чиқиш бўйича хўжалик жамиятларига шартнома асосида маслаҳат хизматлари кўрсатиш, қабул қилинган қонун ҳужжатлари ва норматив ҳужжатларни тушунтириш бўйича мавзули семинарлар ва давра суҳбатларини, шу жумладан республика минтақаларида ташкил этиш ва ўтказиш;

корпоратив бошқарув назарияси ва амалиёти бўйича тадқиқотлар олиб бориш, ҳам йирик, ҳам ўрта ва кичик корхоналар, шу жумладан қишлоқ хўжалигидаги тадбиркорлик тузилмалари учун кадрларни тайёрлаш ва қайта тайёрлашни такомиллаштириш учун ўқув, методик, маълумотнома ва ахборот материалларини ишлаб чиқиш;

Корпоратив бошқарув маркази тингловчилари ва бошқа манфаатдор шахсларнинг ўқув ва маслаҳат адабиётларининг электрон манбаларидан фойдаланишини таъминлаган ҳолда ўқув жараёнида замонавий ахборот технологияларидан фойдаланиш;

Олдинги таҳрирга қаранг.

корпоратив бошқарув, кичик бизнесни, тадбиркорликни ривожлантириш соҳасида дарсликлар, ўқув қўлланмалари ва бошқа адабиётларни ишлаб чиқиш ва нашр этиш.

(7-банднинг ўн иккинчи хатбошиси Ўзбекистон Республикаси Вазирлар Маҳкамасининг 2004 йил 17 январдаги 28-сон қарори таҳририда — Ўзбекистон Республикаси Қонун ҳужжатлари тўплами, 2004 й., 3-сон, 31-модда)

IV. Ўқув жараёнини ташкил этиш

8. Марказда ўқув жараёни тингловчиларнинг қуйидаги тоифалари:

кузатув кенгашлар аъзолари;

хўжалик жамиятлари ижро этувчи органлари аъзолари;

тафтиш комиссиялари аъзолари;

Олдинги таҳрирга қаранг.

инвестиция активларини ишончли бошқарувчилар ҳамда давлатнинг ишончли вакили ходимларини;

(8-банднинг бешинчи хатбошиси Ўзбекистон Республикаси Вазирлар Маҳкамасининг 2009 йил 22 декабрдаги 323-сонли қарори таҳририда — ЎР ҚҲТ, 2009 й., 52-сон, 568-модда)

иқтисодий тартибга солиш давлат органлари мутахассислари;

хусусий корхоналарнинг акциядорлари ва мулкдорлари учун тасдиқланган ўқув режаларига мувофиқ ўқув курслари шаклида амалга оширилади.

Олдинги таҳрирга қаранг.

9. Тингловчиларни Корпоратив бошқарув марказига қабул қилиш хўжалик юритувчи субъектларнинг буюртманомалари ҳамда давлат улушига эга бўлган корхоналар учун — Вазирлар Маҳкамаси ахборот-таҳлил департаментлари йўлланмалари бўйича амалга оширилади.

(9-банд Ўзбекистон Республикаси Вазирлар Маҳкамасининг 2005 йил 22 февралдаги 73-сон қарори таҳририда — Ўзбекистон Республикаси Қонун ҳужжатлари тўплами, 2005 й., 8-9-сон, 67-модда)

10. Комплекс тест синови, назорат ишлари якуний билимларни назорат қилиш шакли ҳисобланади.

11. Марказ тингловчиларни ўқув воситалари (ўқув адабиёти ва бошқа адабиётлар, аудиовизуал ва техник воситалар) билан таъминлайди.

12. Марказда ўқишни муваффақиятли тамомлаган тингловчиларга тугатганлик тўғрисида белгиланган намунадаги сертификат берилади.

13. Марказнинг тингловчиларига ўқиш даврида асосий иш жойида ўртача ойлик иш ҳақи сақланиб қолади. Бошқа шаҳарлик тингловчиларга асосий иш жойида ўқиш даврида амалдаги қонун ҳужжатларига мувофиқ суткалик харажатлар тўланади ҳамда ўқиш жойигача йўлкира берилади.

V. Марказнинг профессор-ўқитувчилар таркиби

14. Марказда ўқув жараёни юқори малакали профессорлар ва ўқитувчилар, амалиётчи мутахассислар, шу жумладан етакчи хорижий илмий ва ўқув юртлари, халқаро ташкилотларнинг профессорлари томонидан таъминланади.

15. Марказнинг доимий ишловчи профессор-ўқитувчилар таркиби ва ходимлари моддий-маиший шароитлар ва меҳнатга ҳақ тўлаш бўйича тегишли равишда Ўзбекистон Республикаси Вазирлар Маҳкамаси қошидаги Олий бизнес мактаби профессор-ўқитувчилар таркиби ва ходимларига тенглаштирилади.

(15-банд Ўзбекистон Республикаси Вазирлар Маҳкамасининг 2014 йил 31 декабрдаги 375-сонли қарори таҳририда — ЎР ҚҲТ, 2015 й., 1-сон, 7-модда)

VI. Марказни молиялаштириш ва ўқиш учун тўлов шакли

16. Марказни молиялаштириш:

белгиланган вазифаларга ва Марказ фаолияти йўналишларига мувофиқ хўжалик юритувчи субъектлар ва ташкилотларга кўрсатиладиган ўқитиш, маслаҳат хизматлари ва бошқа хизматлардан тушадиган маблағлар;

Ўзбекистон Республикаси Давлат мулки қўмитасининг Хусусийлаштириш, бозор тузилмаларини ташкил этиш ва ривожлантириш давлат дастурини амалга ошириш учун назарда тутилган маблағлари;

республика ва халқаро ташкилотларининг грантлари ва қонун ҳужжатларида тақиқланмаган бошқа манбалар ҳисобига амалга оширилади.

17. Марказда тингловчиларни ўқитиш тўлов-контракт асосида амалга оширилади. Тингловчилар белгиланган тартиб бузилганлиги ёки ўзлаштирмаганлиги учун тингловчилар сафидан чиқарилганда ўқиш учун тўланган пул қайтарилмайди.

18. Марказ Олий бизнес мактаби билан келишган ҳолда:

Марказ томонидан кўрсатиладиган хизматларга тарифлар, нархларни белгилайди;

ишлаб топилган ҳамда бошқа шахслар ва ташкилотлардан олинган маблағлардан ўқув ва моддий-техника базани ривожлантириш, меҳнатга ҳақ тўлаш, моддий рағбатлантириш ва мазкур Низомда назарда тутилган бошқа вазифалар учун фойдаланади.

VII. Марказнинг ташкилий тузилмаси

19. Марказ фаолиятига жорий раҳбарликни Ўзбекистон Республикаси Давлат мулки қўмитаси билан келишган ҳолда Олий бизнес мактаби директори томонидан тайинланадиган раҳбар амалга оширади, у айни вақтда Олий бизнес мактаби директорининг ўринбосари ҳисобланади.

20. Марказ раҳбари:

асосий мақсадлар ва юкланган вазифаларга биноан Марказ сиёсатини шакллантириш;

Марказ ходимлари ишини ташкил этиш ва раҳбарлик қилиш, ўз ваколатлари доирасида Марказ ходимлари томонидан бажарилиши мажбурий бўлган фармойишлар чиқариш;

ўқув режалари ва дастурларини, Марказнинг даромадлари ва харажатлари сметалари бўйича таклифларни тасдиқлаш учун Олий бизнес мактаби директорига киритиш;

хўжалик фаолиятидан олинган маблағлар доирасида меҳнатга ҳақ тўлаш ва профессор-ўқитувчилар таркибини моддий рағбатлантириш бўйича Олий бизнес мактаби директорига таклифлар киритиш ҳуқуқига эга.

21. Марказ раҳбари:

тингловчиларни ўқитиш сифати таъминланиши;

Марказга юкланган шартнома мажбуриятлари бажарилиши;

фойдаланиш учун берилган мол-мулкдан самарали фойдаланилиши ва уларнинг сақланиши учун жавоб беради.

VIII. Марказни қайта ташкил этиш ва тугатиш

22. Марказни қайта ташкил этиш ва тугатиш Ўзбекистон Республикаси қонун ҳужжатларида белгиланган тартибда амалга оширилади.

(Ўзбекистон Республикаси қонун ҳужжатлари тўплами, 2003 й., 13-сон, 106-модда; 2004 й., 3-сон, 31-модда; 2005 й., 8-9-сон, 67-модда; 2009 й., 6-сон, 52-модда, 52-сон, 568-модда; 2015 й., 1-сон, 7-модда)