Ўзбекистон Республикаси Соғлиқни сақлаш вазирлиги
Ўзбекистон Республикаси Ички ишлар вазирлигининг
Қарори
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомни тасдиқлаш ҳақида
[Ўзбекистон Республикаси Адлия вазирлиги томонидан 2013 йил 27 июнда рўйхатдан ўтказилди, рўйхат рақами 2472]
Ўзбекистон Республикаси Вазирлар Маҳкамасининг 2006 йил 2 августдаги 156-сон «Ўзбекистон Республикасида автомототранспорт воситаларини ва шаҳар электр транспорти воситаларини бошқариш ҳуқуқини бериш, ҳайдовчиларни тайёрлаш ва қайта тайёрлаш тартибини такомиллаштириш чоралари тўғрисида»ги қарорига (Ўзбекистон Республикаси қонун ҳужжатлари тўплами, 2006 й., 31-32-сон, 317-модда) мувофиқ Ўзбекистон Республикаси Соғлиқни сақлаш вазирлиги ва Ички ишлар вазирлиги қарор қилади:
1. Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Соғлиқни сақлаш вазири А. АЛИМОВ
Тошкент ш.,
2013 йил 11 июнь,
16-сон
Ички ишлар вазири Б. МАТЛЮБОВ
Тошкент ш.,
2013 йил 11 июнь,
14-сон
Ўзбекистон Республикаси Соғлиқни сақлаш вазирлиги ва Ички ишлар вазирлигининг 2013 йил 11 июндаги 16, 14-сон қарорига
ИЛОВА
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги
НИЗОМ
Олдинги таҳрирга қаранг.
Ушбу Низом ҳайдовчи ва ҳайдовчиликка номзодларни автомототранспорт воситаларини ва шаҳар электр транспорти воситаларини бошқаришга яроқлилигини текшириш учун тиббий кўрикдан ўтказиш тартибини белгилайди.
(муқаддима Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
1-боб. Умумий қоидалар
1. «А», «B», «С», «D» ва «Е» тоифаларидаги автомототранспорт воситалари ҳамда трамвай ва троллейбус (бундан буён матнда транспорт воситаси деб юритилади) ҳайдовчилари ва ҳайдовчиликка номзодлар, уларнинг соғлиғи транспорт воситаларини бошқаришга яроқлилигини аниқлаш мақсадида ушбу Низомда белгиланган тартибда мажбурий равишда тиббий кўрикдан ўтадилар.
2. Ҳайдовчилар, ушбу банднинг иккинчи хатбошисида кўрсатиб ўтилган ҳайдовчилардан ташқари, ҳар икки йилда бир маротаба тиббий кўрикдан ўтишлари шарт.
Тижорат асосида йўловчиларга хизмат кўрсатиш билан шуғулланувчи ҳайдовчилар тиббий кўрикдан ҳар йили ўтади.
Олдинги таҳрирга қаранг.
3. Ҳайдовчиликка номзодлар тегишли тоифадаги транспорт воситасини бошқариш ҳуқуқини олиш учун мажбурий равишда дастлабки тиббий кўрикдан, транспорт воситаларининг ҳайдовчилари эса мажбурий равишда даврий тиббий кўрикдан ўтказилади.
(3-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
4. Транспорт воситаларининг бирон бир тоифасини («А», «B», «С», «D» ва «Е») бошқариш ҳуқуқига ҳамда ушбу тоифа бўйича тиббий кўрикдан ўтиш муддати тугамаган тиббий хулосага эга ва қуйи тоифадаги (мисол учун «А» тоифа «B» тоифага нисбатан қуйи ҳисобланади) транспорт воситаларини бошқаришга номзодлар қўшимча кўрикдан ўтишлари шарт эмас.
Олдинги таҳрирга қаранг.
5. Ҳайдовчилар ва ҳайдовчиликка номзодларни тиббий кўрикдан ўтказиш давлат соғлиқни сақлаш тизимидаги даволаш-профилактика муассасалари ҳамда белгиланган тартибда лицензияга эга бўлган хусусий тиббиёт ташкилотлари (бундан буён матнда тиббиёт ташкилоти деб юритилади) қошида ташкил этиладиган тиббий ҳайдовчилик комиссиялари (бундан буён матнда тиббий комиссия деб юритилади) томонидан пуллик асосда амалга оширилади.
(5-банднинг биринчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
Қошида тиббий комиссиялар ташкил этиладиган давлат соғлиқни сақлаш тизимидаги даволаш-профилактика муассасалари ҳудудий соғлиқни сақлаш бошқармалари томонидан белгиланади.
(5-банднинг иккинчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
Ногиронлиги бўлган шахсларни махсус ускуналар билан қайта жиҳозланган ва автомат узатгичли енгил транспорт воситаларини бошқаришга яроқлилигини аниқлаш учун дастлабки ва даврий тиббий кўрикдан ўтказиш давлат соғлиқни сақлаш тизимидаги даволаш-профилактика муассасасининг тиббий комиссияси томонидан бепул амалга оширилади.
(5-банднинг учинчи хатбошиси Ўзбекистон Республикаси соғлиқни сақлаш вазирлигининг 2025 йил 15 майдаги 16-сон ва Ички ишлар вазирлигининг 2025 йил 6 майдаги 17-сонли қарори (рўйхат рақами 2472-4, 28.05.2025 й.) таҳририда — Қонунчилик маълумотлари миллий базаси, 28.05.2025 й., 10/25/2472-4/0477-сон. Кучга кириш санаси — 2025 йил 1 июнь)
Олдинги таҳрирга қаранг.
6. Тиббий комиссия қуйидаги таркибда тиббиёт ташкилоти раҳбариятининг буйруғига асосан ташкил этилади:
терапевт;
нарколог;
психиатр;
кардиолог;
травматолог-ортопед;
жарроҳ;
невропатолог;
офталмолог;
котиб.
(6-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
7. Зарур ҳолларда, яъни тиббий комиссия шифокорларининг соҳа йўналишига тегишли бўлмаган касалликлар аниқланганда, тиббий комиссия таркибига бошқа шифокор мутахассиси жалб этилиши мумкин.
Олдинги таҳрирга қаранг.
8. Тиббий кўрикдан ўтказиш муддати уч календарь кунидан ошмаслиги керак. Мураккаб, қўшимча тиббий текширув талаб этиладиган ҳолатларда ушбу муддат тиббиёт ташкилоти раҳбари томонидан асосланган ҳолда ўн календарь кунигача узайтирилиши мумкин.
(8-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
9. Тиббий кўрикдан ўтган шахсларга мазкур Низомнинг иловасига мувофиқ 083/ҳ шаклдаги электрон тиббий маълумотнома (бундан буён матнда 083/ҳ шаклдаги тиббий маълумотнома деб юритилади) берилади ва ушбу тиббий маълумотномада тиббий кўрик натижалари кўрсатиб ўтилади. Бунда, 083/ҳ шаклдаги тиббий маълумотнома Ўзбекистон Республикаси Ягона интерактив давлат хизматлари портали орқали юклаб олинади.
(9-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
10. Ўзбекистон Республикаси Вазирлар Маҳкамасининг 2018 йил 31 майдаги 408-сон қарори билан тасдиқланган Давлат таълим муассасалари ҳамда автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ва уларнинг малакасини ошириш бўйича нодавлат таълим хизматлари кўрсатиш фаолиятини амалга оширувчи бошқа юридик шахсларнинг ўқув гуруҳларини рўйхатга олиш, шунингдек, имтиҳонларни ўтказиш ва миллий ҳайдовчилик гувоҳномасини бериш тартиби тўғрисидаги низом (бундан буён матнда Миллий ҳайдовчилик гувоҳномасини бериш тартиби тўғрисидаги низом деб юритилади) талаблари асосида миллий ҳайдовчилик гувоҳномаларини олиш учун ҳайдовчиликка номзодлар ва даврий тиббий кўрикдан ўтадиган ҳайдовчилар томонидан 083/ҳ шаклдаги тиббий маълумотнома тақдим қилинади.
(10-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
2-боб. Тиббий кўрикдан ўтиш
Олдинги таҳрирга қаранг.
11. Тиббий кўрикдан ўтиш учун ҳайдовчилар ва ҳайдовчиликка номзодлар тиббий комиссияга паспорт ёки идентификацияловчи ID-карта ёхуд шахсни тасдиқловчи бошқа ҳужжатни кўрсатади.
(11-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
12. Тиббий кўрикдан ўтувчи шахсларга тиббий комиссия томонидан алоҳида амбулатор тиббий карта (025/ҳ шакли) расмийлаштирилади ва уларнинг рўйхати юритилади.
Олдинги таҳрирга қаранг.
13. Тиббий кўрикдан ўтаётган шахслар флюорографик текширувидан, RW қон текширувидан ва Ўзбекистон Республикасининг «Йўл ҳаракати тўғрисида»ги Қонуни билан тасдиқланган Транспорт воситаларини бошқаришга доир тиббий қарши кўрсатмалар рўйхати (бундан буён матнда Тиббий қарши кўрсатмалар деб юритилади) бўйича қуйидаги мутахассислар кўригидан ўтишлари шарт:
терапевт;
нарколог;
психиатр;
кардиолог;
травматолог-ортопед;
жарроҳ;
невропатолог;
офталмолог.
Тиббий кўрикдан ўтаётган 55 ва ундан ортиқ ёшдаги шахслар ЭКГ текширувидан ҳам ўтишлари шарт.
Ўтган бир йил мобайнида флюорографик текширувидан ўтган шахслар қўшимча равишда флюорографик текширувидан ўтишлари талаб этилмайди. Бунда охирги флюорографик текшируви натижалари тақдим этилиши лозим.
(13-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
14. Ҳайдовчиликка номзодлар ва ҳайдовчилар транспорт воситалари ҳайдовчиларини тайёрлаш ва қайта тайёрлаш билан шуғулланувчи таълим муассасаларига ўқишга киришидан бир ой олдин тиббий кўрикдан ўтишлари лозим.
Олдинги таҳрирга қаранг.
15. Миллий ҳайдовчилик гувоҳномасини бериш тартиби тўғрисидаги низомнинг 35-бандига мувофиқ агар Ўзбекистон Республикаси Ички ишлар вазирлигининг Давлат йўл ҳаракати хавфсизлиги хизмати (бундан буён матнда ДЙҲХХ деб юритилади) ҳудудий органлари ёки автотранспорт ташкилотларидаги мансабдор шахсларда ҳайдовчининг соғлиғига нисбатан шубҳа туғилган бўлса, унга белгиланган муддатдан олдин касбига лаёқати бўйича тиббий кўрикдан қайта ўтиш учун йўлланма берилиши мумкин.
(15-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
16. Миллий ҳайдовчилик гувоҳномасини бериш тартиби тўғрисидаги низомнинг 36-бандига мувофиқ агар ҳайдовчи касбига лаёқати бўйича тиббий кўрикдан қайта ўтишдан бўйин товласа ёки у тиббий комиссия томонидан автомототранспорт воситаларини бошқаришга нолойиқ деб топилса унга доир ҳужжатлар ҳудудий ДЙҲХХ ходими томонидан, белгиланган тартибда автомототранспорт воситасини бошқариш ҳуқуқидан маҳрум этиш масаласини кўриб чиқиш учун суд идораларига юборилади.
Ҳайдовчини тиббий кўрикдан қайта ўтказиш ҳақидаги қарор ҳудудий йўл ҳаракати хавфсизлиги бошқармаси бўлинмаларининг бошлиғи ёки гуруҳларининг катта инспектори, улар бўлмаганда эса ички ишлар бўлими бошлиғи ёки унинг ўринбосари томонидан қабул қилинади.
(16-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
17. Миллий ҳайдовчилик гувоҳномасини бериш тартиби тўғрисидаги низомнинг 37-бандига мувофиқ автомототранспорт воситаларини маст ҳолда бошқарганлиги учун бошқариш ҳуқуқидан маҳрум қилинган шахслар, миллий ҳайдовчилик гувоҳномасини қайтариб олиш учун, маҳрум қилиш муддатидан қатъи назар, маъмурий жазо муддати ниҳоясига етгач, мажбурий тиббий кўрикдан ўтишлари шарт.
(17-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
18. Миллий ҳайдовчилик гувоҳномасини бериш тартиби тўғрисидаги низомнинг 53-бандига мувофиқ тиббий комиссия томонидан қайта текширувдан ўтиш муддати белгиланган шахсларга миллий ҳайдовчилик гувоҳномасини беришда «Алоҳида белгилар учун» жойида «Tibbiy maʼlumotnoma majburiy» деган ёзув киритилади.
(18-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
19. Тиббий кўрик ўтказилаётган тиббиёт ташкилотида тиббий кўрикнинг айрим турларини ўтказиш имкони бўлмаган тақдирда, ҳайдовчи тиббий комиссиянинг қарорига кўра бошқа тиббиёт ташкилотига қўшимча тиббий кўрикдан пуллик асосда ўтиш учун юборилиши мумкин. Бунда, ҳайдовчига қайси тиббиёт ташкилотига бориши, унинг жойлашган манзили аниқ кўрсатилиши лозим.
(19-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
20. Ҳайдовчиларнинг транспорт воситаларини бошқаришга яроқлилигини тиббий кўрикдан ўтказиш Тиббий қарши кўрсатмалар рўйхатига асосан амалга оширилади.
(20-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
21. Тиббий кўрик натижалари тиббий комиссия томонидан очилган амбулатор тиббий картага (025/ҳ шакли) киритилади. Унда ҳайдовчининг ёки ҳайдовчиликка номзоднинг соғлиғи ҳолати акс эттирилади ва тиббий комиссиянинг транспорт воситаси бошқаришга яроқлилиги тўғрисидаги хулосаси кўрсатилади.
Олдинги таҳрирга қаранг.
22. Тиббий кўрикдан ўтаётган ҳайдовчи ёки ҳайдовчиликка номзод транспорт воситасини бошқаришга яроқлилиги тўғрисидаги хулосани ҳар бир шифокор ўзининг мутахассислиги бўйича Тиббий қарши кўрсатмалар рўйхатига асосланган ҳолда беради.
(22-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
23. Транспорт воситаларини бошқаришга яроқсиз деб хулоса қабул қилинган тақдирда шифокор ушбу хулосага асос бўлган Тиббий қарши кўрсатмалар рўйхатининг аниқ бандларини кўрсатади.
(23-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
24. 083/ҳ шаклдаги тиббий маълумотнома транспорт воситасини бошқаришга яроқлилик тўғрисидаги асосий тиббий ҳужжат бўлиб, тиббий комиссия раиси томонидан тўлдирилади ва тасдиқланади.
Ҳайдовчи ва ҳайдовчиликка номзодлар томонидан тақдим қилинган ҳужжатлар ҳамда 083/ҳ шаклдаги тиббий маълумотномалар нусхаси Ўзбекистон Республикаси Соғлиқни сақлаш вазирлигининг маълумотларни сақлаш ва қайта ишлаш марказида (Data center) сақланади.
(24-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
25. Тиббий қарши кўрсатмалар рўйхатида белгиланган ҳолларда истисно тариқасида транспорт воситаларини бошқаришга рухсат бериш (индивидуал ёндашув) тиббий комиссиялар томонидан қуйидаги асосларда амалга оширилиши мумкин:
(25-банднинг биринчи хатбошиси Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
касаллик тури бўйича ихтисослаштирилган тиббиёт ташкилоти (бўлими) хулосаси асосида;
(25-банднинг иккинчи хатбошиси Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
Олдинги таҳрирга қаранг.
протез бандлик ва меҳнат муносабатлари органлари протез устахоналарида назорат кўригидан ўтганлиги тўғрисидаги маълумотнома асосида (махсус ускуналар билан қайта жиҳозланган (қўл билан бошқариладиган) ва автомат узатгичли енгил транспорт воситаларини бошқаришга рухсат этилаётган чап оёғи тўлиқ ёки қисман ампутация қилинган шахсларга).
(25-банднинг учинчи хатбошиси Ўзбекистон Республикаси Соғлиқни сақлаш вазирлиги ва Ички ишлар вазирлигининг 2018 йил 25 апрелдаги 23, 32-сонли қарори (рўйхат рақами 2472-1, 12.05.2018 й.) таҳририда — Қонун ҳужжатлари маълумотлари миллий базаси, 14.05.2018 й., 10/18/2472-1/1213-сон)
26. Истисно тариқасида рухсат берилган тақдирда тиббий комиссия хулосаси 083/ҳ шаклдаги тиббий маълумотномага «индивидуал ёндашув асосида рухсат этилган» деган ёзув киритилади.
27. Истисно тариқасида автотранспорт воситаларини бошқаришга рухсат берилаётган шахсларга рухсат этилган тўла вазни 3500 килограммдан ортиқ бўлган, махсус товушли ва ёруғлик сигналлари билан жиҳозланган, ёки хавфли юкларни, шунингдек йўловчи ташишга мўлжалланган, ҳайдовчи ўриндиғидан ташқари ўриндиқлар сони саккизтадан ортиқ бўлган автомобилларни бошқариш тақиқланади.
Олдинги таҳрирга қаранг.
21-боб. Ногиронлиги бўлган шахсларни махсус ускуналар билан қайта жиҳозланган ва автомат узатгичли енгил транспорт воситаларини бошқариш учун тиббий кўрикдан ўтказиш
Олдинги таҳрирга қаранг.
271. Ногиронлиги бўлган шахслар махсус ускуналар билан қайта жиҳозланган ва автомат узатгичли енгил транспорт воситаларини бошқаришга яроқли эканликларини аниқлаш учун паспорт ёки идентификацияловчи ID-karta ёхуд шахсни тасдиқловчи бошқа ҳужжатни кўрсатган ҳолда ариза билан турар жойдаги давлат соғлиқни сақлаш тизимидаги даволаш-профилактика муассасасининг тиббий комиссиясига мурожаат қилади.
(271-банд Ўзбекистон Республикаси соғлиқни сақлаш вазирлигининг 2025 йил 15 майдаги 16-сон ва Ички ишлар вазирлигининг 2025 йил 6 майдаги 17-сонли қарори (рўйхат рақами 2472-4, 28.05.2025 й.) таҳририда — Қонунчилик маълумотлари миллий базаси, 28.05.2025 й., 10/25/2472-4/0477-сон. Кучга кириш санаси — 2025 йил 1 июнь)
Олдинги таҳрирга қаранг.
272. Ногиронлиги бўлган шахсларни давлат соғлиқни сақлаш тизимидаги даволаш-профилактика муассасасининг тиббий комиссиясида тиббий кўрикдан ўтказиш муддати 3 календарь кундан ошмаслиги керак. Тиббий кўрикдан ўтказиш муддати мураккаб, қўшимча тиббий кўрик талаб этилганда давлат соғлиқни сақлаш тизимидаги даволаш-профилактика муассасасининг тиббий комиссияси раҳбари томонидан, асосланган холда, 14 календарь кунига узайтирилиши мумкин.
Давлат соғлиқни сақлаш тизимидаги даволаш-профилактика муассасасининг тиббий комиссияси томонидан ногиронлиги бўлган шахсга 083ҳ шаклидаги тиббий маълумотнома фақат «Б» тоифасидаги шахсий транспорт воситасини бошқаришга яроқли ёки яроқсиз деб берилади.
(272-банд Ўзбекистон Республикаси соғлиқни сақлаш вазирининг 2025 йил 15 майдаги 16-сон ва Ички ишлар вазирининг 2025 йил 6 майдаги 17-сонли қарори (рўйхат рақами 2472-4, 28.05.2025 й.) таҳририда — Қонунчилик маълумотлари миллий базаси, 28.05.2025 й., 10/25/2472-4/0477-сон. Кучга кириш санаси — 2025 йил 1 июнь)
Олдинги таҳрирга қаранг.
(Ўзбекистон Республикаси соғлиқни сақлаш вазирлигининг 2025 йил 15 майдаги 16-сон ва Ички ишлар вазирлигининг 2025 йил 6 майдаги 17-сонли қарорига (рўйхат рақами 2472-4, 28.05.2025 й.) асосан 273-банднинг ўз кучини йўқотиш санаси — 2025 йил 1 июнь — Қонунчилик маълумотлари миллий базаси, 28.05.2025 й., 10/25/2472-4/0477-сон)
Олдинги таҳрирга қаранг.
(Ўзбекистон Республикаси соғлиқни сақлаш вазирлигининг 2025 йил 15 майдаги 16-сон ва Ички ишлар вазирлигининг 2025 йил 6 майдаги 17-сонли қарорига (рўйхат рақами 2472-4, 28.05.2025 й.) асосан 274-банднинг ўз кучини йўқотиш санаси — 2025 йил 1 июнь — Қонунчилик маълумотлари миллий базаси, 28.05.2025 й., 10/25/2472-4/0477-сон)
275. Қуйидагилар махсус ускуналар билан қайта жиҳозланган (қўл билан бошқариладиган) узатгичли енгил транспорт воситасини бошқаришга тиббий кўрсатма ҳисобланади:
ҳаракатнинг ифодаланган чегараланишига сабаб бўладиган оёқ кафт деформацияси;
оёқнинг 7 см ва ундан ортиқроқ калталиги;
бир ёки иккала сон суягининг ампутацион чўлтоқлиги, чўлтоқлик қайси қисмдан бўлиши ва протезлаш имкониятидан қатъий назар;
бир ёки иккала оёқ болдир соҳасининг ампутацион чўлтоқлиги;
бир томонлама сон ёки болдир қисми чўлтоғи, иккинчи оёқнинг ҳаракат ёки статик фаолиятининг ифодаланган даражадаги бузилиши билан (оёқ панжасининг ампутацион чўлтоқлиги, деформацияси, қон томир касалликлари, йирик периферик нервларнинг шикастланиши ва бошқалар);
юриш, ўтириш фаолиятининг бузилишига олиб келувчи умуртқа поғонаси, тос ёки иккала оёқларнинг турғун деформацияси ёки касалликлари (оёқларнинг анкилозловчи полиартрити, оғир даражадаги кифосколиоз ва спондилити, псевдоартроз, эндартерит II ва III даражаси, филоёқлилик ва бошқалар);
ўтириш ҳолати сақланган пастки оёқларнинг парези ёки фалажлиги;
чап оёқ қон томир ва нерв толаларининг шикастланиши, ифодаланган трофик бузилишлари билан.
276. Қуйидагилар автоматик трансмиссия воситаси ёрдамида транспорт воситасини бошқаришга тиббий кўрсатма ҳисобланади:
чап қўл ёки кафтнинг йўқлиги;
чап оёқ ёки оёқ панжасининг йўқлиги;
кафт ёки чап оёқ панжасининг деформацияси, ҳаракатнинг ифодаланган бузилишлари билан;
чап сон ёки болдир чўлтоқлиги, бир вақтнинг ўзида чап қўлнинг йўқлиги;
ўнг кафт бармоқ ёки фалангаларининг йўқлиги, шунингдек, фалангалараро бўғимларнинг ҳаракатсизлиги (бош бармоқнинг 2 та фалангаси йўқлиги, бош бармоқ сақланган ҳолда, ўнг қўлнинг иккита ва ундан ортиқ бармоқларининг йўқлиги ёки ҳаракатсизлиги, ёхуд битта бармоқнинг келтирувчи функциясининг йўқлиги);
мустақил ҳаракатланиш лаёқатининг I ва II даражали бузилиши билан кечувчи чап томонлама гемипарез.
(21-боб Ўзбекистон Республикаси Соғлиқни сақлаш вазирлиги ва Ички ишлар вазирлигининг 2018 йил 25 апрелдаги 23, 32-сонли қарорига (рўйхат рақами 2472-1, 12.05.2018 й.) асосан киритилган — Қонун ҳужжатлари маълумотлари миллий базаси, 14.05.2018 й., 10/18/2472-1/1213-сон)
3-боб. Тиббий комиссиялар томонидан бериладиган ҳужжатлар
Олдинги таҳрирга қаранг.
28. Транспорт воситаларини бошқаришга яроқли деб топилган шахсларга 083/ҳ шаклдаги тиббий маълумотнома берилади. Маълумотномада унинг ҳақиқий эканлигини текшириш имконини берувчи QR-код (матрик штрихли код) бўлади.
(28-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
29. Кўзойнак ёки эшитиш аппарати билан транспорт воситаларини бошқаришга яроқли деб топилганда тиббий маълумотноманинг «алоҳида белгилар» сўзларидан сўнг «кўзойнак (контакт линза) тақиш мажбурий» ёки «эшитиш аппарати мажбурий» деган белги қўйилади.
30. 083/ҳ шаклдаги тиббий маълумотнома унда кўрсатиб ўтилган муддатгача амал қилади.
Олдинги таҳрирга қаранг.
(31-банд Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарорига (рўйхат рақами 2472-3, 26.09.2024 й.) асосан ўз кучини йўқотган — Қонунчилик маълумотлари миллий базаси, 27.09.2024 й., 10/24/2472-3/0755-сон)
32. Ҳайдовчиликка номзод ёки ҳайдовчи тиббий комиссия томонидан тиббий кўрик натижалари бўйича транспорт воситасини бирон бир тоифасини ёки умуман транспорт воситаларини бошқаришга нолойиқ деб топилган тақдирда унга бериладиган 083/ҳ шаклдаги тиббий маълумотномада ушбу ҳақида тегишли белги қўйилади.
4-боб. Тиббий кўрикдан ўтказиш бўйича жавобгарлик ва низоларни ҳал қилиш
Олдинги таҳрирга қаранг.
33. Тиббий кўрикнинг сифатли ўтказилишига тиббий кўрикдан ўтказувчи тиббиёт ташкилотининг раҳбари жавобгар ҳисобланади.
(33-банд Ўзбекистон Республикаси Соғлиқни сақлаш вазирлигининг 2023 йил 30 октябрдаги 43-сон ва Ички ишлар вазирлигининг 2023 йил 27 октябрдаги 57-сонли қарори (рўйхат рақами 2472-2, 30.11.2023 й.) таҳририда — Қонунчилик маълумотлари миллий базаси, 01.12.2023 й., 10/23/2472-2/0914-сон)
34. Тиббий кўрик натижалари юзасидан норозиликлар Ўзбекистон Республикаси Соғлиқни сақлаш вазирлиги томонидан кўриб чиқилади.
35. Тиббий кўрикдан ўтиш жараёнида юзага келадиган низолар қонунчиликда белгиланган тартибда ҳал этилади.
5-боб. Якуний қоидалар
Олдинги таҳрирга қаранг.
36. Ушбу Низомнинг талабларини бузган айбдор шахслар қонунчилик ҳужжатларига мувофиқ жавобгарликка тортиладилар.
(36-банд Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)
37. Ушбу Низом Ўзбекистон Республикаси Меҳнат ва аҳолини ижтимоий муҳофаза қилиш вазирлиги ва Ўзбекистон касаба уюшмалари Федерацияси Кенгаши билан келишилган.
Меҳнат ва аҳолини ижтимоий муҳофаза қилиш вазири А. ХАЙИТОВ
2013 йил 5 июнь
Ўзбекистон касаба уюшмалари Федерацияси Кенгаши раиси Т. НАРБАЕВА
2013 йил 5 июнь
Олдинги таҳрирга қаранг.
Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низомга
ИЛОВА

ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ

(Ўзбекистон Республикаси давлат гербининг тасвири)

ЎЗБЕКИСТОН РЕСПУБЛИКАСИ СОҒЛИҚНИ САҚЛАШ ВАЗИРЛИГИ

Ҳайдовчининг (ҳайдовчиликка номзоднинг)

тиббий кўрикдан ўтказиш натижалари бўйича

МАЪЛУМОТНОМА

№

Тиббий муассаса номи:

(Тиббий кўрик ўтказувчи ташкилотнинг номи)

Ф.И.О.

(Олувчининг Ф.И.О.)

ЖШШИР

(Жисмоний шахснинг шахсий идентификация рақами)

Паспорт ёки ID-карта серияси ва рақами

(Серия ва рақам)

Туғилган санаси ва ёши

(кк.оо.йййй (ёш))

Яшаш жойи

(Доимий рўйхатдан ўтган манзили)

Иш жойи

(Ташкилот номи)

Тиббий кўрикдан ўтказиш санаси

(кк.оо.йййй)

Тиббий кўрик натижалари бўйича

ХУЛОСА*

1. «A» тоифадаги транспорт воситасини бошқаришга

2. «B» тоифадаги транспорт воситасини бошқаришга

3. «C» тоифадаги транспорт воситасини бошқаришга

4. «D» тоифадаги транспорт воситасини бошқаришга

5. «E» тоифадаги транспорт воситасини бошқаришга

6. Трамвай бошқаришга

7. Троллейбус бошқаришга

8. Ёлланиб ишлашга

9. Алоҳида белгилар

Ушбу маълумотноманинг амал қилиш муддати

кк.оо.йййй гача.

Комиссия раиси (Ф.И.О)

Ҳужжатни имзолаган тиббий комиссия таркиби

(Ф.И.О.)

(Ҳужжатнинг

ҳақиқийлигини

тасдиқловчи

QR-код)

(Ҳужжат

ноёб

рақами)

QR-код сканер қилинганда, ушбу ҳужжатнинг нусхаси Ўзбекистон Республикаси Соғлиқни сақлаш вазирлигининг расмий ахборот ресурсидан ssv.uz домени орқали генерация қилинади. 083/ҳ шаклдаги тиббий маълумотнома
* Хулосанинг 1 — 8-бандлари тўғрисига яроқли ёки яроқсиз деган белги қўйилади.
(илова Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарори (рўйхат рақами 2472-3, 26.09.2024 й.) таҳририда — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
(2-илова Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарорига (рўйхат рақами 2472-3, 26.09.2024 й.) асосан ўз кучини йўқотган — Қонунчилик маълумотлари миллий базаси, 27.09.2024 й., 10/24/2472-3/0755-сон)
Олдинги таҳрирга қаранг.
(3-илова Ўзбекистон Республикаси Соғлиқни сақлаш вазирлигининг 2024 йил 9 сентябрдаги 29-сон ва Ички ишлар вазирлигининг 2024 йил 9 сентябрдаги 21-сонли қарорига (рўйхат рақами 2472-3, 26.09.2024 й.) асосан ўз кучини йўқотган — Қонунчилик маълумотлари миллий базаси, 27.09.2024 й., 10/24/2472-3/0755-сон)

(Ўзбекистон Республикаси қонун ҳужжатлари тўплами, 2013 й., 26-сон, 343-модда; Қонун ҳужжатлари маълумотлари миллий базаси, 14.05.2018 й., 10/18/2472-1/1213-сон; Қонунчилик маълумотлари миллий базаси, 28.07.2021 й., 10/21/3313/0724-сон; 01.12.2023 й., 10/23/2472-2/0914-сон; 27.09.2024 й., 10/24/2472-3/0755-сон; 28.05.2025 й., 10/25/2472-4/0477-сон)