Ҳужжат кучини йўқотган " " 16.06.2020

Ўзбекистон Республикаси Вазирлар Маҳкамасининг

ЎЗБЕКИСТОН РЕСПУБЛИКАСИ ҲУКУМАТИНИНГ АЙРИМ ҚАРОРЛАРИГА ЎЗГАРТИРИШ ВА ҚЎШИМЧАЛАР КИРИТИШ ТЎҒРИСИДА (ЎЗБЕКИСТОН РЕСПУБЛИКАСИНИНГ «ИХТИРОЛАР, ФОЙДАЛИ МОДЕЛЛАР ВА САНОАТ НАМУНАЛАРИ ТЎҒРИСИДА»ГИ ЎЗБЕКИСТОН РЕСПУБЛИКАСИ ҚОНУНИГА ЎЗГАРТИШ ВА ҚЎШИМЧАЛАР КИРИТИШ ҲАҚИДА» 2008 ЙИЛ 30 ИЮЛДАГИ ЎРҚ-164-СОН ҚОНУНИ)

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2020 йил 16 июндаги 384-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида («Давлат божи тўғрисида»ги Ўзбекистон Республикаси Қонуни)» қарорига асосан ўз кучини йўқотган.

Ўзбекистон Республикасининг «Ихтиролар, фойдали моделлар ва саноат намуналари тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида» 2008 йил 30 июлдаги ЎРҚ-164-сон Қонунига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Қосимов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2008 йил 9 сентябрь,

204-сон

Вазирлар Маҳкамасининг 2008 йил 9 сентябрдаги 204-сон қарорига
ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

Олдинги таҳрирга қаранг.

(1-банд Ўзбекистон Республикаси Вазирлар Маҳкамасининг 2019 йил 9 октябрдаги 856-сонли қарорига асосан ўз кучини йўқотган — Қонун ҳужжатлари маълумотлари миллий базаси, 10.10.2019 й., 09/19/856/3890-сон)

2. Вазирлар Маҳкамасининг «Патент божлари тўғрисидаги Низомни ва патент божлари ставкаларини тасдиқлаш ҳақида» 2006 йил 20 апрелдаги 65-сон қарорига 2-иловада (Ўзбекистон Республикаси ҚТ, 2006 й., 4-сон, 26-модда):

1) 1-бўлимнинг 1.1-кичик бўлими қуйидаги таҳрирда баён қилинсин:

1.1. Буюртманома берилганлиги учун тўланадиган бож
1.1.1	Патент беришга, расмий экспертиза ўтказишга ва маълумотларни эълон қилишга буюртманома бериш:			Буюртманома бериш билан бир вақтда
	— битта ихтирога	1	420
	— ихтиролар гуруҳига, қўшимча равишда биттадан ортиқ бўлган ҳар бир ихтирога	0,5	210
	— 35 саҳифадан ортиқ бўлган тавсифнинг кейинги ҳар бир саҳифаси учун қўшимча равишда	0,01	0,4
1.1.2	Патент беришга, расмий экспертиза ўтказишга буюртманома бериш:
	— битта фойдали моделга	1	420
	— фойдали моделлар гуруҳига, қўшимча равишда биттадан ортиқ бўлган ҳар бир фойдали моделга	0,5	210
1.1.3	Патент беришга, расмий экспертиза ўтказишга буюртманома бериш:
	— саноат намунасининг битта вариантига	1	420
	— вариантларга, қўшимча равишда иккитадан ўнтагача бўлган ҳар бир вариант учун	0,5	210
	— вариантларга, қўшимча равишда ўнтадан ортиқ бўлган ҳар бир вариант учун	1	420

2) 1.2-кичик бўлимнинг 1.2.2-банди қуйидаги таҳрирда баён қилинсин:

1.2.2	Қуйидагиларга нисбатан илмий-техник экспертиза ўтказиш:
	а) битта ихтирога	3	1260	Илмий-техник экспертиза ўтказиш тўғрисида ариза бериш билан бир вақтда
	— ихтиролар гуруҳига, қўшимча равишда биттадан ортиқ бўлган ҳар бир ихтирога	3	1260
	— қўшимча равишда ўнтадан ортиқ бўлган формуланинг ҳар бир боғлиқ бўлган бандига	0,2	84
	— қўшимча равишда йигирматадан ортиқ бўлган формуланинг ҳар бир боғлиқ бўлган бандига	0,1	42
	б) битта саноат намунасига	3	1260	Расмий экспертиза ўтказилганлиги тўғрисидаги қарор юборилган санадан бошлаб уч ой мобайнида
	— қўшимча равишда иккитадан ўнтагача бўлган саноат намунасининг ҳар бир вариантига	1	420
	— қўшимча равишда ўнтадан ортиқ бўлган саноат намунасининг ҳар бир вариантига	2	840
	в) ихтиро учун берилган буюртманомада халқаро қидириш органларининг бири томонидан тайёрланган халқаро қидириш тўғрисида ҳисобот мажуд бўлган тақдирда, Патент кооперацияси тўғрисидаги шартномага мувофиқ бож миқдори қуйидагиларни ташкил этади:			Илмий-техник экспертиза ўтказиш тўғрисида ариза бериш билан бир вақтда
	— битта ихтирога	2,5	1000
	— ихтиролар гуруҳига, қўшимча равишда биттадан ортиқ бўлган ҳар бир навбатдаги ихтирога	2	840
	— қўшимча равишда ўнтадан ортиқ бўлган формуланинг ҳар бир боғлиқ бўлган бандига	0,2	84
	— қўшимча равишда йигирматадан ортиқ бўлган формуланинг ҳар бир боғлиқ бўлган бандига	0,1	42

3) 1.4-кичик бўлимнинг 1.4.2-банди қуйидаги таҳрирда баён қилинсин:

1.4.2	Буюртманома берилган санадан бошлаб ихтирога патентнинг амал қилишини сақлаш:			Уч йил учун – патент берилганлиги учун бож тўланганлигини тасдиқловчи ҳужжат билан бир вақтда. Кейинги йиллар учун – жорий йилнинг охирги уч ойи мобайнида
	— учинчи йил учун	0,2	84
	— тўртинчи — олтинчи йиллар учун	0,4	168
	— еттинчи — ўнинчи йиллар учун	0,5	210
	— ўн биринчи — ўн тўртинчи йиллар учун	0,7	294
	— ўн бешинчи — ўн олтинчи йиллар учун	0,9	378
	–– ўн еттинчи –– йигирманчи йиллар учун	1	420
	Ихтирога патентнинг амал қилишини ҳар йили буюртманома берилган санадан бошлаб узайтириш:
	— йигирма биринчи –– йигирма бешинчи йиллар учун	3	1260

4) 1.4-кичик бўлим 1.4.3-бандининг «Божнинг вазифаси» устунидаги «учинчи йилидан бошлаб», «уч йил учун» тегишли равишда «буюртманома берилган санадан бошлаб», «учинчи йили учун» сўзлари билан алмаштирилсин;

5) 1.4-кичик бўлимнинг 1.4.4-банди қуйидаги таҳрирда баён қилинсин:

1.4.4	Қўшимча бож:
	а) патентнинг амал қилиш муддати ўтгандан кейин 6 ойлик муддат берганлик учун	белгиланган бож миқдорининг 50 фоизи	Узайтириш тўғрисида ариза бериш билан бир вақтда
	б) ихтиро, фойдали модель, саноат намунасига патентнинг амал қилиш муддатини тиклаганлик учун	патентнинг амал қилишини сақлаб турганлик учун белгиланган бож миқдорининг 100 фоизи (патентнинг амал қилишини тиклаш тўғрисида ариза берилган сана тўғри келадиган йил учун)	Патентнинг амал қилишини тиклаш тўғрисида ариза бериш билан бир вақтда

6) 1.7-кичик бўлимнинг 1.7.2-банди қуйидаги таҳрирда баён қилинсин:

1.7.2	Муддатини узайтириш:
	а) ихтирога, фойдали моделга, саноат намунасига буюртманомалар саноат мулкини муҳофаза қилиш бўйича Париж конвенциясида белгиланган муддатдан кечикиб берилганда конвенцион устуворликни сўраш муддатини, лекин кўпи билан 2 ойга	0,5	210	Ариза бериш билан бир вақтда
	б) ихтирога илмий-техник экспертиза ўтказиш тўғрисида ариза бериш муддатини, лекин кўпи билан 2 ойга	0,5	210	Ариза бериш билан бир вақтда

(Ўзбекистон Республикаси қонун ҳужжатлари тўплами, 2008 й., 37-38-сон, 374-модда; Қонун ҳужжатлари маълумотлари миллий базаси, 10.10.2019 й., 09/19/856/3890-сон)