1.04.00.00.00 Oila qonunchiligi / 04.08.00.00 Oila, onalik, otalik va bolalikni himoya qilish va ijtimoiy qoʻllab-quvvatlash;
2.09.00.00.00 Tadbirkorlik va xoʻjalik faoliyati / 09.16.00.00 Aloqa / 09.16.11.00 Telekommunikatsiya]
[TSZ:
1.Ijtimoiy-madaniy masalalar / Taʼlim;
2.Ijtimoiy-madaniy masalalar / Ommaviy axborot vositalari. Noshirlik faoliyati.]
OʻZBEKISTON RESPUBLIKASI PREZIDENTINING
QARORI
Bolalar uchun moʻljallangan milliy kontentlar yaratish va ularni ommalashtirishni qoʻllab-quvvatlash chora-tadbirlari toʻgʻrisida
Bolalarni maʼnaviy-axloqiy jihatdan munosib tarbiyalash, ularda milliy va umuminsoniy qadriyatlarga hurmat va oʻzlikni anglash hissini shakllantirish mamlakatimizning kelgusi taraqqiyotini belgilaydigan eng muhim omillardan biri hisoblanadi. Hozirgi globallashuv jarayonida yosh avlod ongida turli axborot xurujlariga qarshi gʻoyaviy immunitetni kuchaytirish tobora dolzarb ahamiyatga ega boʻlib bormoqda.
Farzandlarimizni milliy oʻzligimiz mezonlariga zid boʻlgan kontentlarning salbiy taʼsiridan va salomatligiga zarar yetkazishi mumkin boʻlgan axborotlardan himoya qilish, shuningdek, ularni taʼlimga keng jalb etish, kasbga yoʻnaltirish hamda yuksak vatanparvarlik ruhida tarbiyalashga moʻljallangan milliy kontentlar yaratishni qoʻllab-quvvatlash maqsadida qaror qilaman:
1. Quyidagilar respublikada bolalar uchun moʻljallangan milliy kontentlar, jumladan, audiovizual va sanʼat asarlari, noshirlik va raqamli mahsulotlarni ishlab chiqarish hamda ularni ommalashtirishning ustuvor yoʻnalishlari etib belgilansin:
(a) bolalarning intellektual va ijodiy qobiliyatlarini rivojlantirish, ularda sogʻlom turmush tarzi koʻnikmasi, tabiatni asrab-avaylash, milliy qadriyatlarga hurmat va ona Vatanga sadoqat hissini tarbiyalashga xizmat qiluvchi kontentlar yaratish hamda ularni taʼlim va tarbiya dasturlari bilan integratsiya qilish;
(b) chet el kontentlarining bolalarning ongi va qalbiga taʼsirini muntazam tahlil qilib borish va tegishli takliflar ishlab chiqish, ushbu yoʻnalishda zararli trendlar, xatarli chellenjlarni aniqlash va ularga qarshi kontentlar ishlab chiqish, bolalar uchun xavfsiz axborot muhitini yaratish;
(v) ota-onalar va bolalarni internet tarmogʻidagi axborotlarni toʻgʻri baholashga hamda xavfli kontentlarni aniqlashga yoʻnaltiruvchi mexanizmlarni ishlab chiqish;
(g) bolalar uchun moʻljallangan kontentlar yaratish va ularni realizatsiya qilishni izchil qoʻllab-quvvatlash, ushbu yoʻnalishda yuqori bilim va malakaga ega kadrlar tayyorlash, ularning malakasini oshirish, sohada ilm-fan va texnologiyalarni rivojlantirish, shuningdek, xalqaro hamkorlikni kengaytirish.
2. Bolalar uchun moʻljallangan milliy kontentlar yaratishni muvofiqlashtiruvchi kengash (keyingi oʻrinlarda — Muvofiqlashtiruvchi kengash) tuzilsin, uning tarkibi hamda asosiy vazifalari 1 va 2-ilovalarga muvofiq tasdiqlansin.
[OKOZ:
1.03.00.00.00 Fuqarolik qonunchiligi / 03.03.00.00 Yuridik shaxslar / 03.03.10.00 Notijorat tashkilotlari / 03.03.10.05 Muassasalar]
3. Bolalar kontentini rivojlantirish markazi (keyingi oʻrinlarda — Markaz) tashkil etilganligi hamda 3-ilovaga muvofiq uning asosiy vazifalari belgilab olingani maʼlumot uchun qabul qilinsin.
4. Maktabgacha va maktab taʼlimi vazirligi hamda Markazning:
(a) Muvofiqlashtiruvchi kengashning ishchi organi sifatida Markazni belgilash;
(b) Qori Niyoziy nomidagi Tarbiya pedagogikasi milliy instituti, Markaz vakillari va malakali mutaxassislardan iborat tarkibda ekspertlar kengashini tuzish;
(4-bandning “b” kichik bandi Oʻzbekiston Respublikasi Prezidentining 2026-yil 6-maydagi PF-78-sonli Farmoni tahririda — Qonunchilik maʼlumotlari milliy bazasi, 07.05.2026-y., 06/26/78/0454-son)
(v) ekspertlar kengashi tomonidan Markaz buyurtmasiga asosan ishlab chiqariladigan kontentlarning gʻoyasi, mazmun-mohiyati, badiiy saviyasini koʻrib chiqish, loyiha va ssenariylarni saralash hamda ularni ishlab chiqarishga tavsiya etib borishni yoʻlga qoʻyish toʻgʻrisidagi taklifi maʼqullansin.
(4-bandning “v” kichik bandi Oʻzbekiston Respublikasi Prezidentining 2026-yil 6-maydagi PF-78-sonli Farmoni tahririda — Qonunchilik maʼlumotlari milliy bazasi, 07.05.2026-y., 06/26/78/0454-son)
1.07.00.00.00 Moliya va kredit toʻgʻrisidagi qonunchilik. Bank faoliyati / 07.09.00.00 Soliq qonunchiligi / 07.09.05.00 Soliqlar va yigʻimlar boʻyicha imtiyozlar hamda preferensiyalar]
(a) bolalar uchun moʻljallangan kontentlar yaratishdan olgan daromadi jami yillik daromadining kamida 80 foizini tashkil etgan yuridik shaxslar, shuningdek, Markaz:
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.09.00.00 Soliq qonunchiligi / 07.09.05.00 Soliqlar va yigʻimlar boʻyicha imtiyozlar hamda preferensiyalar]
(i) foyda soligʻi toʻlashdan ozod qilinadi;
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.09.00.00 Soliq qonunchiligi / 07.09.05.00 Soliqlar va yigʻimlar boʻyicha imtiyozlar hamda preferensiyalar]
(ii) ijtimoiy soliqni 1 foiz miqdorida toʻlaydi;
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.09.00.00 Soliq qonunchiligi / 07.09.05.00 Soliqlar va yigʻimlar boʻyicha imtiyozlar hamda preferensiyalar]
(b) yuridik shaxslarga bolalar uchun moʻljallangan kontentlar yaratish bilan bogʻliq boʻlgan xarajatlarini foyda soligʻini hisoblashda chegirib tashlash huquqi beriladi;
(v) yuridik shaxslar va Markaz tomonidan bolalar uchun moʻljallangan kontentlar yaratish uchun budjetga toʻlangan qoʻshilgan qiymat soligʻi soliq hisobotlari taqdim etilgandan keyin Davlat budjetidan ularga toʻliq miqdorda qaytariladi.
6. Iqtisodiyot va moliya vazirligi:
(a) Soliq qoʻmitasi, Maktabgacha va maktab taʼlimi vazirligi, Markaz bilan birgalikda bir oy muddatda ushbu qarorning 5-bandida nazarda tutilgan soliq imtiyozlarini taqdim etish boʻyicha qonun loyihasini;
(b) Madaniyat vazirligi, Soliq qoʻmitasi bilan birgalikda uch oy muddatda ushbu qarorning 5-bandida nazarda tutilgan soliq imtiyozlarini 2026-yil 1-yanvardan 2030-yil 1-yanvarga qadar milliy film va seriallar ishlab chiqaruvchi subyektlarga ham tatbiq etish boʻyicha normativ-huquqiy hujjat loyihasini Vazirlar Mahkamasiga kiritsin.
7. Bolalar uchun moʻljallangan kontentlar yaratishni qoʻllab-quvvatlash maqsadida belgilansinki:
(a) bolalar uchun moʻljallangan kontentlar yaratishni qoʻshimcha moliyalashtirish uchun har yili:
1.06.00.00.00 Ijtimoiy taʼminot va ijtimoiy sugʻurta toʻgʻrisidagi qonunchilik. Ijtimoiy himoya / 06.03.00.00 Ijtimoiy taʼminot va ijtimoiy sugʻurtani moliyalashtirish / 06.03.04.00 Budjetdan moliyalashtirish;
2.07.00.00.00 Moliya va kredit toʻgʻrisidagi qonunchilik. Bank faoliyati / 07.05.00.00 Respublika budjeti / 07.05.06.00 Ijtimoiy va boshqa sohalarni moliyalashtirish]
(i) ushbu qarorning 4-ilovasida belgilangan vazirlik va idoralar, shuningdek, boshqa davlat boshqaruvi organlari, shu jumladan, mahalliy ijro etuvchi hokimiyat organlari tomonidan ularga Davlat budjeti va budjetdan tashqari jamgʻarmalar, mahalliy budjet hisobidan ajratilgan mablagʻlar toʻgʻridan-toʻgʻri shartnomalar asosida Markazga yoʻnaltiriladi;
(7-band (a) kichik bandining ikkinchi xatboshisi Oʻzbekiston Respublikasi Prezidentining 2025-yil 28-iyuldagi PQ-232-sonli qarori tahririda)
1.03.00.00.00 Fuqarolik qonunchiligi / 03.08.00.00 Mulk huquqi va boshqa ashyoviy huquqlar / 03.08.04.00 Ommaviy mulk / 03.08.04.02 Respublika mulki]
(ii) Davlat aktivlarini boshqarish agentligi, Iqtisodiyot va moliya vazirligi tomonidan ustav fondi (ustav kapitali)da davlat ulushi 50 foiz hamda undan ortiq boʻlgan korxonalarning biznes-rejalarida mablagʻlar nazarda tutiladi hamda ushbu mablagʻlarning toʻgʻridan-toʻgʻri shartnomalar asosida Markazga ajratilishi tashkil etiladi;
(7-band (a) kichik bandining uchinchi xatboshisi Oʻzbekiston Respublikasi Prezidentining 2025-yil 28-iyuldagi PQ-232-sonli qarori tahririda)
(b) Markaz unga ajratilgan mablagʻlar, shu jumladan, Davlat budjeti mablagʻlari hisobidan ijodiy tanlov asosida ekspertlar kengashi xulosalariga muvofiq toʻgʻridan-toʻgʻri shartnomalar asosida bolalar uchun moʻljallangan kontentlar yaratish boʻyicha buyurtmalar beradi;
(7-bandning “b” kichik bandi Oʻzbekiston Respublikasi Prezidentining 2026-yil 6-maydagi PF-78-sonli Farmoni tahririda — Qonunchilik maʼlumotlari milliy bazasi, 07.05.2026-y., 06/26/78/0454-son)
[OKOZ:
1.03.00.00.00 Fuqarolik qonunchiligi / 03.14.00.00 Intellektual mulk / 03.14.02.00 Mualliflik huquqi;
2.07.00.00.00 Moliya va kredit toʻgʻrisidagi qonunchilik. Bank faoliyati / 07.01.00.00 Moliyaviy tizimning umumiy qoidalari;
3.13.00.00.00 Taʼlim. Fan. Madaniyat / 13.03.00.00 Madaniyat / 13.03.13.00 Kinematografiya]
(v) Markaz buyurtmasi asosida bolalar uchun moʻljallangan kontentlar yaratgan subyektlar 2030-yil 1-yanvarga qadar shartnomada nazarda tutgan holda ushbu kontentlarni bevosita oʻzlari tomonidan realizatsiya, shu jumladan, prokat qilishdan tushgan mablagʻning 50 foizini oʻz tasarrufiga olib qoladi va uni Markaz bilan kelishgan holda oʻz faoliyatini rivojlantirishga sarflaydi.
(a) Iqtisodiyot va moliya vazirligi Oʻzbekiston Respublikasi Prezidentining 2022-yil 27-iyundagi “Ommaviy axborot vositalarini qoʻllab-quvvatlash va jurnalistika sohasini rivojlantirish chora-tadbirlari toʻgʻrisida”gi PQ-294-son qaroriga asosan bolalarga moʻljallangan tele- va radio mahsulotlarni ishlab chiqarish va efirga uzatish boʻyicha eng yaxshi 30 ta loyiha uchun har yili Davlat budjetidan ajratiladigan mablagʻlarni Markazga yoʻnaltiradi. Bunda Markaz ushbu mablagʻlar hisobidan bolalar uchun moʻljallangan 2 ta maʼrifiy shou-dastur tayyorlaydi;
(8-bandning “a” kichik bandi Oʻzbekiston Respublikasi Prezidentining 2026-yil 6-maydagi PF-78-sonli Farmoni tahririda — Qonunchilik maʼlumotlari milliy bazasi, 07.05.2026-y., 06/26/78/0454-son)
[OKOZ:
1.06.00.00.00 Ijtimoiy taʼminot va ijtimoiy sugʻurta toʻgʻrisidagi qonunchilik. Ijtimoiy himoya / 06.03.00.00 Ijtimoiy taʼminot va ijtimoiy sugʻurtani moliyalashtirish / 06.03.04.00 Budjetdan moliyalashtirish;
2.07.00.00.00 Moliya va kredit toʻgʻrisidagi qonunchilik. Bank faoliyati / 07.05.00.00 Respublika budjeti / 07.05.05.00 Budjet tashkilotlari va muassasalarini moliyalashtirish]
(b) Markazning asosiy vazifalarini amalga oshirish maqsadida Markazga 2025-yilda Maktabgacha va maktab taʼlimi vazirligiga birinchi darajali budjet mablagʻlarini taqsimlovchi sifatida ajratilgan mablagʻlar hisobidan 20 milliard soʻm mablagʻ ajratiladi, 2026-yildan boshlab esa Maktabgacha va maktab taʼlimi vazirligining asoslangan hisob-kitoblariga koʻra zarur mablagʻlar Davlat budjeti parametrlarida nazarda tutiladi.
(9-band Oʻzbekiston Respublikasi Prezidentining 2026-yil 6-maydagi PF-78-sonli Farmoniga asosan oʻz kuchini yoʻqotgan — Qonunchilik maʼlumotlari milliy bazasi, 07.05.2026-y., 06/26/78/0454-son)
[OKOZ:
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.08.00 Taʼlim turlari / 13.01.08.01 Maktabgacha taʼlim va tarbiya]
10. Maktabgacha va maktab taʼlimi vazirligi 2025-yil 1-sentabrga qadar Qoraqalpogʻiston Respublikasi “Barkamol avlod” bolalar maktabida, 2026-yildan boshlab esa viloyatlar va Toshkent shahar “Barkamol avlod” bolalar maktablarida bosqichma-bosqich iqtidorli yoshlarni seleksiya qilish va ularning iqtidorini yanada rivojlantirish boʻyicha kreativ industriya yoʻnalishida toʻgaraklar (keyingi oʻrinlarda — toʻgaraklar) faoliyatini yoʻlga qoʻysin. Bunda:
[OKOZ:
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.08.00 Taʼlim turlari / 13.01.08.07 Maktabdan tashqari taʼlim]
(a) toʻgaraklar faoliyatini yoʻlga qoʻyish uchun “Barkamol avlod” bolalar maktablarining xonalarini taʼmirlash xarajatlari mahalliy budjetlarning qoʻshimcha manbalari hisobidan;
(b) zamonaviy kompyuter va texnikalar bilan jihozlash xarajatlari Maktabgacha va maktab taʼlimi vazirligiga ajratilgan Davlat budjeti mablagʻlari hamda vazirlikning budjetdan tashqari mablagʻlari hisobidan;
(v) toʻgaraklarga mashgʻulot olib borish uchun jalb etiladigan mutaxassislarning ish haqi Raqamli texnologiyalarni rivojlantirish jamgʻarmasi mablagʻlari hisobidan qoplanadi.
Belgilansinki, animatsiya va bolalar kontenti yoʻnalishidagi toʻgaraklarda mashgʻulotlar Markaz tavsiya etgan mutaxassislar tomonidan olib boriladi.
[OKOZ:
1.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.01.00 Axborotlashtirish;
2.13.00.00.00 Taʼlim. Fan. Madaniyat / 13.01.00.00 Taʼlim / 13.01.17.00 Olimpiadalar. Tanlovlar]
11. Raqamli texnologiyalar, kontentlar yaratish bilan bogʻliq zamonaviy kasblarni egallashga ishtiyoqi baland boʻlgan oʻquvchi-yoshlarni qoʻllab-quvvatlash, saralab olish hamda ularning bilim va koʻnikmalarini rivojlantirish maqsadida “Raqamli avlod” loyihasi amalga oshiriladi.
“Raqamli avlod” loyihasi doirasida har yili IT oromgoh, haftalik, musobaqa, “Raqamli avlod qizlari” tanlovi, sayyor tadbir, xakaton va boshqa tadbirlar oʻtkaziladi, shuningdek, har chorakda “Renessans” bolalar oromgohida oʻquv-seminar treninglari tashkil etiladi.
Mazkur bandda nazarda tutilgan tadbirlarning respublika bosqichi gʻoliblari xorijiy davlatlarga taʼlim sayohatiga yuboriladi.
12. Zamonaviy texnologiyalar asosida bolalar uchun moʻljallangan kontentlar yaratish yoʻnalishida yuqori malakali kadrlar tayyorlash maqsadida har yili:
[OKOZ:
1.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.01.00 Axborotlashtirish]
(a) “El-yurt umidi” jamgʻarmasi tomonidan jahondagi yetakchi oliy taʼlim tashkilotlarida bakalavriat dasturlari boʻyicha kadrlar tayyorlash uchun 5 ta kvota;
(b) Raqamli texnologiyalarni rivojlantirish jamgʻarmasi mablagʻlari doirasida jahondagi yetakchi kompaniyalarda amaliyot (stajirovka) oʻtash uchun 10 ta kvota ajratiladi.
[OKOZ:
1.10.00.00.00 Tashqi iqtisodiy faoliyat. Bojxona ishi / 10.02.00.00 Bojxona tarifini tartibga solish / 10.02.07.00 Tarif imtiyozlari va prefensiyalar;
2.10.00.00.00 Tashqi iqtisodiy faoliyat. Bojxona ishi / 10.03.00.00 Tarifsiz tartibga solish / 10.03.03.00 Olib kirishga cheklovlar va taqiqlar]
13. 2028-yil 1-iyunga qadar Oʻzbekistonda ishlab chiqarilmaydigan, belgilangan tartibda shakllantiriladigan roʻyxat boʻyicha Markaz tomonidan oʻz faoliyatida foydalanish maqsadida olib kiriladigan qurilma, dasturiy va texnik vositalar, butlovchi qismlar bojxona bojidan ozod etiladi.
[OKOZ:
1.03.00.00.00 Fuqarolik qonunchiligi / 03.11.00.00 Majburiyatlarning alohida turlari / 03.11.08.00 Bepul foydalanish;
2.08.00.00.00 Uy-joy qonunchiligi. Kommunal xoʻjalik / 08.06.00.00 Noturar joylar. Maʼmuriy binolar / 08.06.02.00 Noturar joy fondi obyektlariga mulk huquqi va boshqa huquqlar. Balansdan balansga berish]
14. Toshkent shahrining Mirzo Ulugʻbek tumani “Navnihol” mahalla fuqarolar yigʻini Tepamasjid koʻchasidagi 4-uyda joylashgan IT park hududidagi binoning 4000 kv. metrdan kam boʻlmagan qismi Maktabgacha va maktab taʼlimi vazirligi hamda Markazga tekin foydalanish huquqi asosida ajratilsin.
15. Bolalar uchun moʻljallangan milliy kontentlar yaratish va ularni ommalashtirishni qoʻllab-quvvatlash boʻyicha chora-tadbirlar rejasi 5-ilovaga muvofiq tasdiqlansin.
16. Iqtisodiyot va moliya vazirligi 2026-yildan boshlab har yili Davlat budjeti parametrlarida ushbu qaror ijrosi uchun zarur mablagʻlarning nazarda tutilishini taʼminlasin.
17. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Oʻzbekiston Respublikasi Prezidentining 2025-yil 15-maydagi PQ-183-son qaroriga 1-ILOVA
Bolalar uchun moʻljallangan milliy kontentlar yaratishni muvofiqlashtiruvchi kengash
TARKIBI
1.
S.Sh. Mirziyoyeva
—
Oʻzbekiston Respublikasi Prezidenti Administratsiyasi rahbari, Muvofiqlashtiruvchi kengash raisi
2.
D.M. Ziyamuxamedova
—
Oʻzbekiston Respublikasi Prezidenti Administratsiyasi rahbari kotibiyati mudiri, Muvofiqlashtiruvchi kengash raisi oʻrinbosari
3.
E.G. Karimova
—
maktabgacha va maktab taʼlimi vaziri
4.
O.A. Nazarbekov
—
madaniyat vaziri
5.
K.A. Sharipov
—
oliy taʼlim, fan va innovatsiyalar vaziri
6.
Sh.X. Shermatov
—
raqamli texnologiyalar vaziri
7.
S.S. Saidov
—
Oʻzbekiston Yozuvchilar uyushmasi raisi
8.
M.S. Matchonov
—
Oʻzbekiston kinoarboblari ijodiy uyushmasi raisi
9.
X.I. Ibragimov
—
Qori Niyoziy nomidagi Tarbiya pedagogikasi milliy instituti direktori
10.
Lavozimiga koʻra
—
Oʻzbekiston bolalar ijodkorlari uyushmasi raisi
11.
J.A. Axmedov
—
Bolalar kontentini rivojlantirish markazi rahbari, Muvofiqlashtiruvchi kengash kotibi
(1-ilovaning matni Oʻzbekiston Respublikasi Prezidentining 2026-yil 6-maydagi PF-78-sonli Farmoni tahririda — Qonunchilik maʼlumotlari milliy bazasi, 07.05.2026-y., 06/26/78/0454-son)
Oʻzbekiston Respublikasi Prezidentining 2025-yil 15-maydagi PQ-183-son qaroriga 2-ILOVA
Bolalar uchun moʻljallangan milliy kontentlar yaratishni muvofiqlashtiruvchi kengashning
ASOSIY VAZIFALARI
1. Bolalarga oid davlat axborot siyosatini ishlab chiqish va amalga oshirishda ishtirok etish, shuningdek, respublikada bolalar uchun moʻljallangan milliy kontentlarni yaratish hamda ularni ommalashtirishning ustuvor yoʻnalishlari izchil amalga oshirilishini tashkil etish.
2. Bolalar uchun moʻljallangan milliy kontentlar yaratish, realizatsiya qilish va ommalashtirishda davlat organlari va tashkilotlari faoliyatini muvofiqlashtirish, shuningdek, soha vakillari, tadbirkorlar va fuqarolik jamiyati institutlari faoliyatiga koʻmaklashish.
3. Bolalar ongida maʼnaviy qadriyatlar va milliy davlatchilik gʻoyalariga hurmat hissini shakllantirishga moʻljallangan kontentlar yaratish konsepsiyasini ishlab chiqish.
4. Oʻzbekiston milliy taraqqiyotini bolalar oʻrtasida sodda va taʼsirchan usullarda targʻib qilishga moʻljallangan maxsus multimedia va axborot loyihalarini ishlab chiqish hamda ularni amalga oshirish.
5. Bolalarga yoʻnaltirilgan tashqi va ichki axborot tahdidlarini muntazam tahlil qilish, ularning oldini olish choralarini koʻrish, bolalar uchun xavfsiz axborot muhitini yaratish ishlarini tashkil etish.
6. Bolalarning ongi va dunyoqarashini har xil zararli tashqi taʼsirlardan himoya qilish boʻyicha milliy media strategiyasini ishlab chiqish va uni amalga oshirish.
7.Bolalar uchun moʻljallangan kontentlar yaratishni moliyaviy qoʻllab-quvvatlash uchun davlat va xususiy sektor mablagʻlari, xalqaro grantlar jalb etilishini tashkil qilish.
8. Bolalar uchun moʻljallangan kontentlarni ommalashtirish, realizatsiya qilish va xalqaro bozorlarga olib chiqilishiga koʻmaklashish boʻyicha chora-tadbirlar koʻrish.
9. Bolalar uchun moʻljallangan kontentlar yaratish, bolalarni zararli kontentlardan himoya qilish boʻyicha xalqaro hamkorlikni rivojlantirish.
10. Bolalar uchun moʻljallangan milliy axborot muhitini hamda kontentlar yaratishni rivojlantirish boʻyicha normativ-huquqiy bazani takomillashtirish yuzasidan takliflar tayyorlash.
Oʻzbekiston Respublikasi Prezidentining 2025-yil 15-maydagi PQ-183-son qaroriga 3-ILOVA
Bolalar kontentini rivojlantirish markazining
ASOSIY VAZIFALARI
1. Bolalar uchun moʻljallangan tarbiyaviy, maʼrifiy ahamiyatga ega milliy kontentlar va targʻibot vositalari yaratishni qoʻllab-quvvatlash.
2. Xorijiy kontentlarning bolalar ongi va dunyoqarashiga taʼsirini tahlil qilish orqali ularning eng sara va foydali namunalarini oʻzbek tiliga tarjima qilish hamda ommaviy namoyishga tavsiya etish.
3. Respublika hududida bolalar uchun moʻljallangan zararli axborotlar tarqalishining oldini olishga hamda bolalar va ota-onalarning media savodxonligini oshirishga qaratilgan materiallar tayyorlashni yoʻlga qoʻyish.
4. Xorijda istiqomat qilayotgan vatandoshlar orasida bolalar uchun moʻljallangan milliy kontentlarni ommalashtirish boʻyicha chet ellardagi madaniy markazlar bilan hamkorlik qilish.
5. Bolalar uchun foydali hisoblangan kontentlarni tavsiya qiluvchi ijtimoiy tarmoq sahifalari va sunʼiy intellekt tizimlarini joriy etish.
6. Bolalar uchun moʻljallangan milliy kontentlarni yaratishga xorijiy mutaxassislarni jalb qilish boʻyicha xalqaro tashkilotlar bilan qoʻshma loyihalar ishlab chiqish va ularni amalga oshirish.
7. Bolalarga milliy madaniyat, sanʼat, adabiyot, tarix va maʼnaviy qadriyatlar haqida tushunchalar berishga, ularda ekologik madaniyatni shakllantirish hamda sogʻlom turmush tarzi koʻnikmasini rivojlantirishga moʻljallangan milliy kontentlar yaratishga oid loyihalarni joriy qilish.
8. Bolalarning oʻzbek tilida ravon soʻzlash va imloviy xatolarsiz yozish koʻnikmasini rivojlantirishga moʻljallangan interaktiv dasturlar yaratish.
Oʻzbekiston Respublikasi Prezidentining 2025-yil 15-maydagi PQ-183-son qaroriga 4-ILOVA
Bolalar uchun moʻljallangan milliy kontentlar yaratishni moliyalashtirish uchun mablagʻ ajratishga masʼul boʻlgan asosiy vazirlik va idoralar
ROʻYXATI
1.
Oʻzbekiston Respublikasi Prezidenti huzuridagi Ijtimoiy himoya milliy agentligi
2.
Bosh prokuratura
3.
Ichki ishlar vazirligi
4.
Mudofaa vazirligi
5.
Favqulodda vaziyatlar vazirligi
6.
Raqamli texnologiyalar vazirligi
7.
Energetika vazirligi
8.
Ekologiya, atrof-muhitni muhofaza qilish va iqlim oʻzgarishi vazirligi
9.
Transport vazirligi
10.
Madaniyat vazirligi
11.
Oliy taʼlim, fan va innovatsiyalar vazirligi
12.
Sogʻliqni saqlash vazirligi
13.
Sport vazirligi
14.
Qishloq xoʻjaligi vazirligi
15.
Suv xoʻjaligi vazirligi
16.
Bojxona qoʻmitasi
17.
Soliq qoʻmitasi
18.
Oila va xotin-qizlar qoʻmitasi
19.
Davlat aktivlarini boshqarish agentligi
20.
Yoshlar ishlari agentligi
21.
Oʻzbekiston mahallalari uyushmasi
Izoh: har bir vazirlik va idora tomonidan bolalar uchun moʻljallangan milliy kontentlar ishlab chiqarishni moliyalashtirish maqsadida bir moliya yilida ularga Davlat budjetidan ajratilgan mablagʻlar doirasida, shuningdek, budjetdan tashqari mablagʻlar va qonunchilik hujjatlari bilan taqiqlanmagan boshqa manbalar hisobidan mablagʻ ajratiladi.
Oʻzbekiston Respublikasi Prezidentining 2025-yil 15-maydagi PQ-183-son qaroriga 5-ILOVA
Bolalar uchun moʻljallangan milliy kontentlar yaratish va ularni ommalashtirishni qoʻllab-quvvatlash boʻyicha
Amalga oshirish va natijalarga erishish mexanizmlari
Ijro muddati
Moliyalashtirish manbalari
Masʼul ijrochilar
1.
Bolalar kontentini rivojlantirish markazi (keyingi oʻrinlarda — Markaz) faoliyatini samarali yoʻlga qoʻyishga koʻmaklashish.
1. Markazni kerakli jihozlar, texnika va materiallar, ehtiyot qismlari, dasturiy mahsulotlar, butlovchi buyumlar bilan taʼminlash.
2025-yil iyul
Maktabgacha va maktab taʼlimi vazirligining budjet va budjetdan tashqari mablagʻlari
Maktabgacha va maktab taʼlimi vazirligi, Markaz
2. Markaz faoliyatini samarali olib borish uchun unga har jihatdan koʻmaklash.
Doimiy
2.
Markaz buyurtmalariga asosan yaratiladigan kontentlarning gʻoyasi, mazmun-mohiyati, ijodiy-badiiy saviyasini koʻrib chiqish, loyiha va ssenariylarni saralash hamda ishlab chiqarishga tavsiya etib borish.
1. Qori Niyoziy nomidagi Tarbiya pedagogikasi milliy instituti, Markaz vakillari va malakali mutaxassislardan iborat tarkibda ekspertlar kengashini tuzish, zaruratga koʻra, uning tarkibiga oʻzgartish va qoʻshimchalar kiritib borish.
2025-yil iyun
Markaz mablagʻlari
Markaz, Maktabgacha va maktab taʼlimi vazirligi
2. Ekspertlar kengashi faoliyatiga oid hujjatlarni qabul qilish.
2025-yil iyun
3. Ekspertlar kengashi faoliyatini samarali yoʻlga qoʻyish.
Doimiy
4. Bolalar uchun moʻljallangan kontentlar boʻyicha bolalar, ularning ota-onalari va ekspertlarning fikr-mulohazalarini ekspertlar kengashi tomonidan muntazam oʻrganib, inobatga olib borish.
Har yili reja asosida
Markaz
3.
Bolalar uchun moʻljallangan kontentlar yaratishni muvofiqlashtirish va qoʻllab-quvvatlash.
1. Bolalar uchun moʻljallangan kontentlar yaratishning buyurtmalar rejasini ishlab chiqish.
Kelgusi yillar uchun har yili iyun (2025-2026-yillar uchun 2025-yil iyun)
Vazirlik va idoralarning budjet va budjetdan tashqari mablagʻlari
Vazirlik, idora, korxonalar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Markaz
2. Buyurtmalar rejasini tasdiqlash uchun Bolalar uchun moʻljallangan milliy kontentlar yaratishni muvofiqlashtiruvchi kengashga tasdiqlash uchun kiritish.
3. Buyurtmalar rejasiga muvofiq kontentlarni yuqori badiiy saviyada ishlab chiqishni tashkil qilish, taqdimotlarini oʻtkazish va keng ommalashtirish choralarini koʻrish.
Belgilangan muddatlarda
4.
Bolalar uchun moʻljallangan kontentlar yaratishni qoʻshimcha moliyalashtirish.
1. Vazirlik va idoralar, shuningdek, boshqa davlat boshqaruv organlari, shu jumladan, mahalliy ijro etuvchi hokimiyat organlari, ustav fondi (ustav kapitali)da davlat ulushi 50 foiz hamda undan ortiq boʻlgan korxonalar bilan Markaz oʻrtasida toʻgʻridan-toʻgʻri shartnomalar tuzish hamda boʻnak toʻlovlarini 30 foizdan yuqori boʻlgan miqdorda toʻlash.
Kelgusi yillar uchun har yili iyun (2025-2026-yillar uchun 2025-yil iyun)
Vazirlik va idoralarning budjet va budjetdan tashqari mablagʻlari
Vazirlik, idora, korxonalar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Markaz
2. Ushbu vazirlik, idora va korxonalar tomonidan shartnomalarda koʻrsatilgan mablagʻlarni Markazga oʻtkazish.
Har yili 1-aprelga qadar (2025-yil uchun 1-sentabrga qadar)
3. Bolalar uchun moʻljallangan kontentlar yaratishni tashkil etish.
Belgilangan muddatlarda
5.
Markaz buyurtmalariga asosan ishlab chiqilgan kontentlar boʻyicha mualliflik huquqi va turdosh huquqlarga oid munosabatlarni oqilona yoʻlga qoʻyish hamda kontentlardan samarali foydalanish.
1. Markaz buyurtmalariga, shu jumladan, vazirlik, idora va korxonalar tomonidan ajratilgan mablagʻlar hisobidan ishlab chiqiladigan kontentlarda mualliflik huquqi va turdosh huquqlarga oid munosabatlarni shartnomalarda aniq belgilash.
Bunda qoida tariqasida, kontentlardan foydalanishga boʻlgan mutlaq huquqlarni Markazga tegishli boʻlishini inobatga olish.
Shartnomalar tuzish davomida
Markaz, tegishli vazirlik, idora va korxona hamda boshqa subyektlar
2. Markaz buyurtmasi asosida kontent yaratgan subyektlar 2030-yil 1-yanvarga qadar shartnomada nazarda tutgan holda ushbu kontentlarni bevosita oʻzlari tomonidan realizatsiya, shu jumladan, prokat qilishdan tushgan mablagʻlarning 50 foizini oʻz tasarrufiga olib qolish, ular ushbu mablagʻlarni Markaz bilan kelishgan holda oʻz faoliyatlarini rivojlantirishga sarflashini yoʻlga qoʻyish.
Belgilangan muddatlarda
6.
Respublikada bolalar uchun ixtisoslashgan teleradiokanallar faoliyatini takomillashtirish hamda qoʻllab-quvvatlash.
2. “Bolajon” va “Aqlvoy” telekanallarining teleradio-eshittirishlarni uzatish va tarqatish, shuningdek, “Oʻzbektelekom” AJ tomonidan koʻrsatiladigan telekommunikatsiya xizmatlari bilan bogʻliq xarajatlarni Davlat budjeti mablagʻlari hisobidan qoplab berish.
2025-yil avgustdan boshlab doimiy
Davlat budjeti mablagʻlari
Iqtisodiyot va moliya vazirligi, Raqamli texnologiyalar vazirligi
3. Bolalar kontentini rivojlantirish markazi faoliyatini samarali yoʻlga qoʻyish uchun A. Avloniy nomidagi Pedagogik mahorat milliy instituti hududida markaz uchun ofis binosi, studiyalar hamda pavilyonlarni tashkil etish masalasini ijtimoiy va ishlab chiqarish infratuzilmasini rivojlantirish dasturiga kiritish.
2026-yil iyun
2026-2027-yillar Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida
Maktabgacha va maktab taʼlimi vazirligi, Iqtisodiyot va moliya vazirligi
7.
Bolalar uchun moʻljallangan eng yaxshi tele- va radiomahsulotlarni ishlab chiqarish va efirga uzatishni ragʻbatlantirib borish.
1. Markaz tomonidan bolalar uchun moʻljallangan tele- va radiomahsulotlarni ishlab chiqarish va efirga uzatish boʻyicha har yili eng yaxshi 30 ta loyiha uchun tanlovini eʼlon qilish.
Bunda har bir tanlov qiymatini bazaviy hisoblash miqdorining 300 baravarigacha miqdorda belgilash.
Har yili
Davlat budjeti mablagʻlari
Markaz
2. Oʻzbekiston Respublikasi Prezidentining 2022-yil 27 iyundagi “Ommaviy axborot vositalarini qoʻllab-quvvatlash va jurnalistika sohasini rivojlantirish chora-tadbirlari toʻgʻrisida”gi PQ-294-son qarori bilan ushbu maqsad uchun Axborot va ommaviy kommunikatsiyalar agentligiga Davlat budjeti hisobidan ajratilgan mablagʻlarni Markazga yoʻnaltirish.
Axborot va ommaviy kommunikatsiyalar agentligi, Iqtisodiyot va moliya vazirligi, Markaz
8.
“Barkamol avlod” bolalar maktablarida bosqichma-bosqich iqtidorli yoshlarni seleksiya qilish va ularning iqtidorini yanada rivojlantirish boʻyicha kreativ industriya yoʻnalishida toʻgaraklar (keyingi oʻrinlarda — toʻgaraklar) faoliyatini yoʻlga qoʻyish.
1. Qoraqalpogʻiston Respublikasi “Barkamol avlod” bolalar maktabida xonalarni taʼmirlash, jihozlash va toʻgaraklar faoliyatini yoʻlga qoʻyish.
2025-yil sentabr
Mahalliy budjet mablagʻlari, Maktabgacha va maktab taʼlimi vazirligining budjet hamda budjetdan tashqari mablagʻlari
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Maktabgacha va maktab taʼlimi vazirligi
2. Viloyatlar va Toshkent shahar “Barkamol avlod” bolalar maktablarida bosqichma-bosqich toʻgaraklar faoliyatini yoʻlga qoʻyish.
2026-yildan boshlab bosqichma- bosqich
3. Toʻgaraklarga jalb etilgan mutaxassislarga mehnatga haq toʻlashning eng kam miqdorining 30 baravari miqdorida lavozim maoshi toʻlash.
Bunda:
Maktabgacha va maktab taʼlimi vazirligi tomonidan faoliyati yoʻlga qoʻyiladigan toʻgaraklarga jalb etiladigan mutaxassislarga zarur mablagʻlarni ajratish uchun moliya yili boʻyicha tegishli hisob-kitoblar Raqamli texnologiyalar vazirligiga kiritiladi;
Raqamli texnologiyalar vazirligi ushbu taqdim etilgan hisob-kitoblarda koʻrsatilgan jami mablagʻlarni oʻn kun muddatda Maktabgacha va maktab taʼlimi vazirligiga oʻtkazib beradi.
Har yili 1-aprelga qadar (2025-yil uchun 1-avgustga qadar)
Raqamli texnologiyalarni rivojlantirish jamgʻarmasi mablagʻlari
Raqamli texnologiyalar vazirligi, Maktabgacha va maktab taʼlimi vazirligi
9.
“Raqamli avlod” loyihasi doirasida har yili “Raqamli avlod IT oromgohi”, “Raqamli avlod qizlari”, “Raqamli avlod IT haftaligi” va boshqa sayyor tadbir va tanlovlar, shuningdek, IT musobaqa va xakatonlar oʻtkazishni yoʻlga qoʻyish.
1. “Raqamli avlod” loyihasi doirasida tadbir va tanlovlarda ishtirok etishni tashkil qilish, oʻquvchi-yoshlar oʻzlarining kreativ gʻoyalarini, loyihalarini amalga oshirishlari uchun zamonaviy bino bilan taʼminlash.
2025-yil 31-dekabr
Mahalliy budjet mablagʻlari
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari
2. “Raqamli avlod” loyihasi doirasida tadbir va tanlovlarning respublika bosqichini oʻtkazish.
Har yili reja-jadval asosida
Maktabgacha va maktab taʼlimi vazirligining budjet hamda budjetdan tashqari mablagʻlari, Markaz mablagʻlari
Maktabgacha va maktab taʼlimi vazirligi, Markaz
3. “Raqamli avlod” loyihasi doirasida oʻtkazilgan tadbir va tanlovlar gʻoliblarini rivojlangan davlatlarga taʼlim sayohatiga yuborish.
Bunda “Digital Generation Uzbekistan” nodavlat notijorat tashkilotiga “Raqamli avlod” loyihasini amalga oshirishga hamda “Renessans” oromgohida oʻquv-seminar treninglarni tashkil etishga ruxsat berish.
Har yili reja-jadval asosida
Maktabgacha va maktab taʼlimi vazirligining budjet hamda budjetdan tashqari mablagʻlari
Maktabgacha va maktab taʼlimi vazirligi
10.
Zamonaviy texnologiyalar asosida bolalar uchun moʻljallangan kontentlar yaratish yoʻnalishida kadrlar tayyorlash.
1. Ushbu yoʻnalishda kadrlar tayyorlash boʻyicha har yili:
“El-yurt umidi” jamgʻarmasi tomonidan jahondagi yetakchi oliy taʼlim tashkilotlarida bakalavriat dasturlari boʻyicha kadrlar tayyorlash uchun 5 ta kvota;
Raqamli texnologiyalarni rivojlantirish jamgʻarmasi mablagʻlari doirasida jahondagi yetakchi kompaniyalarda amaliyot (stajirovka) oʻtash uchun 10 ta kvota ajratish.
Har yili yil davomida
“El-yurt umidi” jamgʻarmasi, Raqamli texnologiyalarni rivojlantirish jamgʻarmasi mablagʻlari
“El-yurt umidi” jamgʻarmasi, Raqamli texnologiyalar vazirligi, Maktabgacha va maktab taʼlimi vazirligi, Markaz
2. Markaz tomonidan tegishli vazirlik va idoralar bilan hamkorlikda tanlov asosida aniqlangan shaxslarga ushbu taʼlim grantlari va imkoniyatlardan foydalanishni yoʻlga qoʻyish.
11.
Bolalar uchun moʻljallangan kontentlar yaratish boʻyicha soliq imtiyozlari va boshqa preferensiyalarni taqdim etish.
Oʻzbekiston Respublikasi Prezidentining 2025-yil 15-maydagi “Bolalar uchun moʻljallangan milliy kontentlar yaratish va ularni ommalashtirishni qoʻllab-quvvatlash chora-tadbirlari toʻgʻrisida”gi PQ-183-son qarorida nazarda tutilgan:
soliq imtiyozlarini taqdim etish boʻyicha qonun loyihasini Vazirlar Mahkamasiga kiritish;
2025-yil iyun
Iqtisodiyot va moliya vazirligi, Soliq qoʻmitasi, Maktabgacha va maktab taʼlimi vazirligi
soliq imtiyozlari va boshqa preferensiyalarni qoʻllash tartibiga oid Hukumat qarori loyihasini Vazirlar Mahkamasiga kiritish.
2025-yil iyul
Soliq qoʻmitasi, Iqtisodiyot va moliya vazirligi, Maktabgacha va maktab taʼlimi vazirligi, Markaz
(5-ilova Oʻzbekiston Respublikasi Prezidentining 2026-yil 6-maydagi PF-78-sonli Farmoni tahririda — Qonunchilik maʼlumotlari milliy bazasi, 07.05.2026-y., 06/26/78/0454-son)
(Qonunchilik maʼlumotlari milliy bazasi, 17.05.2025-y., 07/25/183/0446-son; 17.09.2025-y., 07/25/277/0833-son; 07.05.2026-y., 06/26/78/0454-son)
