Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining
qoʻshma qarori
Fuqarolik jamiyati institutlarini qoʻllab-quvvatlashni yanada kuchaytirish chora-tadbirlari toʻgʻrisida
Keyingi yillarda mamlakatimizda fuqarolik jamiyati institutlari faoliyatini qoʻllab-quvvatlashning demokratik institutsional tizimini yaratish, ularning davlat va jamiyat hayotidagi rolini yanada kuchaytirish borasida tizimli ishlar amalga oshirildi.
Oʻzbekiston Respublikasi Oliy Majlisi, Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondlari faoliyati fuqarolik jamiyati institutlarining ijtimoiy, iqtisodiy, gumanitar masalalarni hal etishdagi ishtirokini ragʻbatlantirishda muhim ahamiyat kasb etdi.
Jumladan, 2014 — 2024-yillarda fuqarolik jamiyati institutlarining bandlik, ekologiya, yoshlar, aholining huquqiy ongi va huquqiy madaniyatini yuksaltirish, millatlararo totuvlikni mustahkamlash sohalaridagi 4 300 dan ziyod loyihalariga respublika va mahalliy budjetlardan 2 trln. 56 mlrd. soʻm ajratildi.
Shu bilan birga fuqarolik jamiyati institutlarini mamlakatda olib borilayotgan tub islohotlarning faol ishtirokchisiga aylantirish va ularni qoʻllab-quvvatlashni yanada kuchaytirish zarurati mavjud.
Yangi tahrirdagi Oʻzbekiston Respublikasi Konstitutsiyasining, “Oʻzbekiston — 2030” strategiyasi hamda 2021 — 2025-yillarda fuqarolik jamiyatini rivojlantirish konsepsiyasining ijrosini taʼminlash, fuqarolik jamiyati institutlarini davlat tomonidan qoʻllab-quvvatlashning shaffof va sogʻlom raqobat prinsipiga asoslangan tizimini yoʻlga qoʻyish, shuningdek ijtimoiy foydali dasturlar samaradorligini yanada oshirish maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:
1. Quyidagilar maʼlumot uchun qabul qilinsin:
Oʻzbekiston Respublikasi Prezidentining 2024-yil 26-avgustdagi “Fuqarolik jamiyati institutlarini davlat tomonidan qoʻllab-quvvatlash tizimini yanada takomillashtirish chora-tadbirlari toʻgʻrisida”gi PF-124-sonli Farmoni bilan Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondini hamda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondlarini (bundan buyon matnda hududiy jamoat fondlari deb yuritiladi) qoʻshib yuborish va ularning negizida Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondini hamda uning Qoraqalpogʻiston Respublikasi, viloyatlar va Toshkent shahrida alohida boʻlinmalarini tashkil etish toʻgʻrisidagi tashabbus qoʻllab-quvvatlanganligi;
Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi ijtimoiy sheriklik boʻyicha jamoat komissiyalari tomonidan tegishincha hududiy jamoat fondlarini hamda Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondini qoʻshib yuborish va ularning negizida Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondini tashkil etish toʻgʻrisidagi qarorlar qabul qilinganligi hamda ushbu qarorlar tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari tomonidan maʼqullanganligi.
2. Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasining 2024-yil 5-oktabrdagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondini hamda Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzuridagi nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondlarini qoʻshib yuborish va ularning negizida Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondini tashkil etish toʻgʻrisida”gi qarori maʼqullansin.
3. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondining asosiy vazifalari etib quyidagilar belgilansin:
Oʻzbekiston Respublikasining Davlat budjetidan, qonun hujjatlarida taqiqlanmagan boshqa manbalardan olinadigan mablagʻlarni jamlash, bu mablagʻlarning Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi hamda uning Qoraqalpogʻiston Respublikasi, viloyatlar va Toshkent shahridagi alohida boʻlinmalari tomonidan vertikal va shaffof tizim orqali fuqarolik jamiyati institutlarining faoliyatini rivojlantirishni ragʻbatlantirish hamda qoʻllab-quvvatlashga, ijtimoiy, iqtisodiy, gumanitar masalalarni hal etishda ularning davlat va jamiyat hayotida faol ishtirok etishiga qaratilgan dasturlar va loyihalarni amalga oshirish uchun taqsimlanishini tashkil etish;
fuqarolik jamiyati institutlarining moddiy-texnik jihatdan taʼminlanganlik darajasini oshirish, ularga huquqiy, maslahat, tashkiliy, texnik va boshqa xil yordam koʻrsatish bilan bogʻliq loyihalar hamda dasturlarni, ularning jamiyat manfaatlari va aholining haqiqiy ehtiyojlarini koʻzlagan, joylarda saqlanib qolayotgan dolzarb muammolarni, nogironligi boʻlgan shaxslarning huquqlari va manfaatlarini himoya qilishga, ularning ijtimoiy himoyasini yanada kuchaytirishga qaratilgan tashabbuslarini roʻyobga chiqarishga koʻmaklashish, shuningdek amalga oshirilayotgan loyiha va dasturlarning joriy monitoringini yoʻlga qoʻyish;
davlat organlari va fuqarolik jamiyati institutlari oʻrtasida oʻzaro manfaatli ijtimoiy sheriklikni yanada rivojlantirish, davlat va jamiyat hayotining barcha sohalarida taʼsirchan jamoatchilik nazorati olib borilishini ragʻbatlantirish;
fuqarolik jamiyati institutlarining xorijdagi vatandoshlar bilan aloqalarini yoʻlga qoʻyish hamda ularning xorijdagi uyushmalari bilan hamkorligini mustahkamlashga qaratilgan tashabbuslarini qoʻllab-quvvatlash.
4. Quyidagilar:
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi toʻgʻrisidagi nizom 1-ilovaga muvofiq;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondining tuzilmasi 2-ilovaga muvofiq;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi Ijro etuvchi devonining shtatlar jadvali 3-ilovaga muvofiq;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi Ijro etuvchi devoni xodimlarining mehnatiga Yagona tarif setkasi boʻyicha haq toʻlash razryadlari 4-ilovaga muvofiq;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi alohida boʻlinmalarining shtatlar jadvali 5-ilovaga muvofiq;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi alohida boʻlinmalari xodimlarining mehnatiga Yagona tarif setkasi boʻyicha haq toʻlash razryadlari 6-ilovaga muvofiq;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi toʻgʻrisidagi nizom 7-ilovaga muvofiq;
“Fuqarolik tashabbusi” milliy mukofoti toʻgʻrisidagi nizom 8-ilovaga muvofiq;
“Fuqarolik tashabbusi” milliy mukofotiga taqdim etilgan nomzodlarni koʻrib chiqish boʻyicha tashkiliy qoʻmita tarkibi 9-ilovaga muvofiq tasdiqlansin.
5. Belgilansinki:
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi (bundan buyon matnda Jamoat fondi deb yuritiladi) jami 45 ta, shu jumladan Jamoat fondining Ijro etuvchi devoni 17 ta, alohida boʻlinmalari 28 ta (har biri 2 tadan) shtat birligidan iborat boʻladi. Bunda, Jamoat fondi Ijro etuvchi devonining 17 ta shtat birligi Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondining amaldagi 3 ta va hududiy jamoat fondlarining bittadan shtat birliklari hisobidan shakllantiriladi;
Jamoat fondining Ijro etuvchi devoni faoliyatini saqlash xarajatlari, xodimlarining ish haqi va unga tenglashtirilgan toʻlovlar Oʻzbekiston Respublikasining respublika budjeti hisobidan, alohida boʻlinmalarining faoliyatini saqlash xarajatlari, xodimlarining ish haqi va unga tenglashtirilgan toʻlovlar tegishincha Qoraqalpogʻiston Respublikasi budjeti, viloyatlar va Toshkent shahar mahalliy budjetlari hisobidan amalga oshiriladi;
Jamoat fondini Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasining taqdimnomasiga binoan Oʻzbekiston Respublikasi Oliy Majlisi Qonunchilik palatasi Kengashining hamda Oʻzbekiston Respublikasi Oliy Majlisi Senati Kengashining qoʻshma qarori bilan lavozimga tayinlanadigan va lavozimidan ozod etiladigan direktor boshqaradi;
Jamoat fondi Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi hamda hududiy jamoat fondlarining huquq va majburiyatlari, shuningdek, shartnomalari boʻyicha huquqiy vorisi hisoblanadi.
6. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi:
Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondining qayta tashkil etilishi toʻgʻrisida ommaviy axborot vositalari orqali eʼlon bersin, kreditorlarni yozma ravishda xabardor qilsin, shuningdek ushbu jamoat fondini qayta tashkil etish bilan bogʻliq boshqa ishlar amaldagi qonunchilik hujjatlari talablariga muvofiq amalga oshirilishini taʼminlasin;
hududiy jamoat fondlarining topshirish hujjatlari amaldagi qonunchilik hujjatlari talablariga muvofiq rasmiylashtirilishiga koʻmaklashsin;
hududiy jamoat fondlarining qayta tashkil etilishi bilan bogʻliq ishlar ushbu jamoat fondlarining muassislari va vasiylik kengashlari vazifalarini bajaradigan organlar tomonidan amaldagi qonunchilik hujjatlari talablariga muvofiq amalga oshirilishini oʻrganib borsin;
hududiy jamoat fondlarining topshirish hujjatlarini, shu jumladan taʼsis hujjatlarini, ularning kreditorlari bilan hisob-kitoblar, shuningdek qayta tashkil etish bilan bogʻliq ishlar yakuniga koʻra hududiy jamoat fondlarining mol-mulki va boshqa hujjatlar qabul qilib olinishini taʼminlasin;
Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondining faoliyati toʻgʻrisidagi yakuniy hisobotni joriy yil 10-noyabrga qadar eʼlon qilsin;
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondining alohida boʻlinmalari toʻgʻrisidagi nizomlarni tasdiqlasin, Jamoat fondini va alohida boʻlinmalarni belgilangan tartibda adliya organlari tomonidan davlat roʻyxatidan oʻtkazish choralarini koʻrsin;
fuqarolik jamiyati institutlariga davlat subsidiyalari, davlat grantlari va davlat ijtimoiy buyurtmalarini ajratish tartibi va shartlari toʻgʻrisidagi nizomlarning yangi tahririni ishlab chiqsin hamda tasdiqlasin. Hujjatlar loyihalarida tanlovlar yoʻnalishlarini shakllantirish hamda ularning muhokamasi, loyihalar va buyurtmalarni taqdim qilish, ularni koʻrib chiqish va baholash jarayonlarini kuzatib borish hamda talab etiladigan hujjatlarni davlat organlarining maʼlumotlar bazalaridan onlayn olish elektron platforma orqali amalga oshirilishi nazarda tutiladi.
Belgilansinki, Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi tuzilguniga qadar ushbu parlament komissiyasi vazifalarini bajarib turadi.
7. Jamoat fondi Oʻzbekiston nodavlat notijorat tashkilotlari milliy assotsiatsiyasi bilan kelishilgan holda 2024-yil 1-dekabrga qadar “Fuqarolik tashabbusi” milliy mukofotining statuetkasi va sertifikatlar namunasini ishlab chiqsin hamda tasdiqlash uchun Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasiga kiritsin.
8. Oʻzbekiston Respublikasi Adliya vazirligi (A. Tashkulov) Jamoat fondi va uning alohida boʻlinmalarini davlat roʻyxatidan oʻtkazilishiga koʻmaklashsin.
9. Oʻzbekiston Respublikasi Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2025-yildan eʼtiboran Oʻzbekiston Respublikasining Davlat budjeti parametrlarida ushbu Qoʻshma qarorni amalga oshirish bilan bogʻliq xarajatlarni moliyalashtirish uchun zarur boʻlgan mablagʻlarni nazarda tutsin. Bunda:
Jamoat fondini va uning alohida boʻlinmalarini saqlash hamda ularning moddiy-texnika bazasini mustahkamlash bilan bogʻliq boʻlgan barcha xarajatlar fuqarolik jamiyati institutlarini qoʻllab-quvvatlash xarajatlarida nazarda tutilmaydi;
fuqarolik jamiyati institutlarini qoʻllab-quvvatlash bilan bogʻliq xarajatlar, shuningdek Jamoat fondi faoliyatini tashkil etish va uning xodimlari mehnatiga haq toʻlash xarajatlari Oʻzbekiston Respublikasi Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan har yili Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasining asoslantirilgan hisob-kitoblariga koʻra Oʻzbekiston Respublikasining Davlat budjeti parametrlarida nazarda tutiladi;
fuqarolik jamiyati institutlari uchun ajratilgan, hisobot yili oxirida foydalanilmay qolgan mablagʻlar Oʻzbekiston Respublikasining Davlat budjetiga qaytarilmaydi va ulardan kelgusi yili belgilangan tartibda foydalaniladi.
10. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari:
hududiy jamoat fondlarini qayta tashkil etish qonunchilik hujjatlari talablariga asosan amalga oshirilishiga koʻmaklashsin;
Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari huzurida fuqarolik jamiyati institutlari vakillaridan iborat boʻlgan maslahat guruhlarining faoliyatini jamoatchilik asosida yoʻlga qoʻyish choralarini koʻrsin;
Jamoat fondi alohida boʻlinmalarining faoliyatini tashkil etishga koʻmaklashsin.
11. Jamoat fondi Oʻzbekiston Respublikasi Oliy Majlisi Senati binolaridan foydalanish va xoʻjalik faoliyati boshqarmasi balansidagi Toshkent shahar, Islom Karimov koʻchasi, 9-uydagi binoga joylashtirilsin.
Oʻzbekiston Respublikasi Oliy Majlisi Senati binolaridan foydalanish va xoʻjalik faoliyati boshqarmasi:
Jamoat fondi ushbu binodan tekin foydalanishini va Jamoat fondi joylashtirilgan qismiga xizmat koʻrsatilishini;
Jamoat fondiga koʻrsatilgan kommunal xizmatlar uchun toʻlovlarni amalga oshirilishini taʼminlasin.
12. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining ayrim qoʻshma qarorlari 10-ilovaga muvofiq oʻz kuchini yoʻqotgan deb topilsin.
13. Ushbu Qoʻshma qarorning bajarilishini nazorat qilish Oʻzbekiston Respublikasi Oliy Majlisi Qonunchilik palatasi Spikerining birinchi oʻrinbosari A. Saidov va Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklatilsin.
14. Ushbu Qoʻshma qaror tasdiqlash uchun Oʻzbekiston Respublikasi Oliy Majlisi palatalarining majlislariga kiritilsin.
Oʻzbekiston Respublikasi Oliy Majlisi Qonunchilik palatasining Spikeri N. ISMOILOV
Toshkent sh.,
2024-yil 28-oktabr,
5005-IV-son
Oʻzbekiston Respublikasi Oliy Majlisi Senatining Raisi T. NARBAYEVA
Toshkent sh.,
2024-yil 28-oktabr,
KQ-842-IV-son
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
1-ILOVA
1-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi toʻgʻrisidagi
nizom
1-bob. Umumiy qoidalar
1. Ushbu Nizom Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondining (bundan buyon matnda Jamoat fondi deb yuritiladi) maqomi, maqsadi, asosiy vazifalari, huquq va majburiyatlari, hisobot berish, faoliyatini tashkil etish, shuningdek Jamoat fondini qayta tashkil etish va tugatish tartibini belgilaydi.
2. Jamoat fondi aʼzoligi boʻlmagan jamoat fondi boʻlib, mustaqil yuridik shaxsdir.
3. Jamoat fondi oʻz faoliyatini Oʻzbekiston Respublikasi Konstitutsiyasiga, qonunlariga, fuqarolik jamiyati institutlari faoliyatini tartibga soluvchi boshqa qonun hujjatlariga, shuningdek ushbu Nizomga asosan amalga oshiradi.
4. Jamoat fondi oʻz mol-mulkiga, mustaqil balansiga, milliy va chet el valyutasida hisobvaraqlariga, shu jumladan milliy va chet el valyutasida shaxsiy gʻazna hisobvaraqlariga, oʻz nomi davlat tilida yozilgan dumaloq muhriga, oʻz nomi yozilgan shtamplar va blankalariga hamda qonunchilik hujjatlarida belgilangan tartibda roʻyxatdan oʻtkazilgan ramziy belgilariga ega boʻladi.
Jamoat fondi oʻz nomidan shartnomalar tuzishi, mulkiy va shaxsiy nomulkiy huquqlarni olishi, majburiyatlarga ega boʻlishi, sudda daʼvogar va javobgar boʻlishi mumkin.
5. Jamoat fondining rasmiy nomi:
a) davlat tilidagi:
toʻliq nomi — Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi, qisqartirilgan nomi — Oʻzbekiston Respublikasi Oliy Majlisi huzuridagi jamoat fondi;
b) rus tilidagi:
toʻliq nomi — Obshestvenniy fond po podderjke institutov grajdanskogo obshestva pri Oliy Majlise Respubliki Uzbekistan, qisqartirilgan nomi — Obshestvenniy fond pri Oliy Majlise Respubliki Uzbekistan;
v) ingliz tilidagi:
toʻliq nomi — The Public Fund for support of civil society institutions under the Oliy Majlis of the Republic of Uzbekistan, qisqartirilgan nomi — The Public Fund under the Oliy Majlis of the Republic of Uzbekistan.
6. Jamoat fondi Oʻzbekiston Respublikasi Oliy Majlisi Qonunchilik palatasi va Senatining qoʻshma qaroriga binoan tashkil etiladi, uning faoliyati mamlakatning butun hududida amalga oshiriladi.
7. Jamoat fondining joylashgan yeri (pochta manzili): 100078, Toshkent shahri, Islom Karimov koʻchasi 9-uy.
2-bob. Jamoat fondining asosiy maqsad va vazifalari
8. Jamoat fondining asosiy maqsadi fuqarolik jamiyati institutlarini davlat tomonidan qoʻllab-quvvatlashning shaffof va sogʻlom raqobat tamoyiliga asoslangan tizimini yaratish, shuningdek davlat va jamiyat hayotida ularning faolligini yanada oshirish hamda ijtimoiy-iqtisodiy, madaniy-maʼnaviy va gumanitar sohalarni rivojlantirish boʻyicha ijtimoiy foydali dasturlar samaradorligini oshirishga qaratilgan tashabbuslarini qoʻllab-quvvatlashdan iborat.
9. Jamoat fondining asosiy vazifalari quyidagilardan iborat:
Oʻzbekiston Respublikasining Davlat budjetidan, qonun hujjatlarida taqiqlanmagan boshqa manbalardan olinadigan mablagʻlarni jamlash, ushbu mablagʻlarning Jamoat fondi hamda uning Qoraqalpogʻiston Respublikasi, viloyatlar va Toshkent shahridagi alohida boʻlinmalari tomonidan vertikal va shaffof tizim orqali fuqarolik jamiyati institutlarining faoliyatini rivojlantirishni ragʻbatlantirish hamda qoʻllab-quvvatlashga, ijtimoiy, iqtisodiy, gumanitar masalalarni hal etishda ularning davlat va jamiyat hayotida faol ishtirok etishiga qaratilgan dasturlar va loyihalarni amalga oshirish uchun taqsimlanishini tashkil etish;
fuqarolik jamiyati institutlarining moddiy-texnik taʼminoti darajasini oshirish, ularga huquqiy, tashkiliy, texnik va boshqa xil yordam koʻrsatish bilan bogʻliq loyihalar hamda dasturlarni, ularning jamiyat manfaatlari va aholining haqiqiy ehtiyojlarini koʻzlagan, joylarda saqlanib qolayotgan dolzarb muammolarni, nogironligi boʻlgan shaxslarning huquqlari hamda manfaatlarini himoya qilishga, ularning ijtimoiy himoyasini yanada kuchaytirishga qaratilgan tashabbuslarini roʻyobga chiqarishga koʻmaklashish, shuningdek amalga oshirilayotgan loyiha va dasturlarning joriy monitoringini yoʻlga qoʻyish;
davlat organlari va fuqarolik jamiyati institutlari oʻrtasida oʻzaro manfaatli ijtimoiy sheriklikni yanada rivojlantirish, davlat va jamiyat hayotining barcha sohalarida taʼsirchan jamoatchilik nazorati olib borilishini ragʻbatlantirish;
fuqarolik jamiyati institutlarining xorijdagi vatandoshlar bilan aloqalarini yoʻlga qoʻyish hamda ularning xorijdagi uyushmalari bilan hamkorligini mustahkamlashga qaratilgan tashabbuslarini qoʻllab-quvvatlash.
10. Jamoat fondi oʻz oldiga qoʻyilgan vazifalarni hal etish uchun quyidagi funksiyalarni amalga oshiradi:
fuqarolik jamiyati institutlariga Oʻzbekiston Respublikasi Davlat budjetidan mablagʻlar ajratish masalalarining koʻrib chiqilishida ishtirok etadi, respublika va Qoraqalpogʻiston Respublikasi budjeti, viloyatlar va Toshkent shahar mahalliy budjetlari hamda qonunchilik hujjatlarida taqiqlanmagan boshqa manbalardan olingan mablagʻlarni jamlaydi;
fuqarolik jamiyati institutlari tomonidan joylardagi ijtimoiy-iqtisodiy, madaniy-maʼnaviy va gumanitar sohalardagi muammolarni hal etish uchun zarur boʻladigan mablagʻlar hajmlari yuzasidan tegishli talabnomalarni Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga (bundan buyon matnda Parlament komissiyasi deb yuritiladi) kiritadi;
jamoatchilikni fuqarolik jamiyati institutlari va davlat organlarining aholi muammolarini hal etishga qaratilgan takliflarini muhokama qilish uchun jalb etadi va muhokama natijalarini umumlashtiradi;
sotsial va ijtimoiy ahamiyatga molik va ijtimoiy foydali maqsadlarga erishishga qaratilgan loyiha va dasturlarni qoʻllab-quvvatlash uchun tanlovlarning dolzarb mavzu va yoʻnalishlarini ishlab chiqadi hamda amalga oshiradi;
loyiha va dasturlarni qoʻllab-quvvatlash maqsadida ngo.gov.uz elektron tizimi orqali fuqarolik jamiyati institutlari uchun tanlovlar tashkil etadi;
oʻtkazilgan tanlovlar natijalariga koʻra gʻolib deb topilgan fuqarolik jamiyati institutlarining loyiha va dasturlarini ushbu fuqarolik jamiyati institutlari va Jamoat fondi oʻrtasida tuziladigan shartnomalar asosida moliyalashtiradi;
jamoatchilikni fuqarolik jamiyati institutlarini qoʻllab-quvvatlashga yoʻnaltirilgan mablagʻlarning shaffof, adolatli hamda maqsadli taqsimlanishi va sarflanishi masalalarini muhokama qilishga jalb etadi;
fuqarolik jamiyati institutlarining ijtimoiy-iqtisodiy rivojlantirish dasturlarini ishlab chiqishda, amalga oshirish hamda gumanitar masalalarni hal etishda koʻmaklashadi;
fuqarolik jamiyati institutlarining moddiy-texnika bazasini mustahkamlash, ularga huquqiy, tashkiliy, texnik va boshqa xil yordam koʻrsatish bilan bogʻliq loyihalar hamda dasturlarni amalga oshirishda moliyaviy yordam koʻrsatadi;
fuqarolik jamiyati institutlari faoliyatini rivojlantirish hamda ularning yutuqlarini targʻib qilish masalalari boʻyicha tadbirlar (konferensiyalar, davra suhbatlari, seminarlar, treninglar va shu kabilar) oʻtkazadi;
fuqarolik jamiyati institutlariga davlat organlari bilan ijtimoiy sheriklik yoʻnalishlari asosida aloqalar oʻrnatishda amaliy yordam koʻrsatadi;
fuqarolik jamiyati institutlarining taʼsirchan jamoatchilik nazorati mexanizmlarini joriy etishiga va ularning tashabbuslarini amaliyotda qoʻllashga koʻmaklashadi;
fuqarolik jamiyati institutlari tomonidan loyiha va dasturlarning amalga oshirilishini ular taqdim etgan hisobotlar asosida monitoring qiladi;
fuqarolik jamiyati institutlari tomonidan amalga oshirilgan loyiha va dasturlarning samaradorligi va natijadorligini tahlil qiladi;
fuqarolik jamiyati institutlarini davlat tomonidan qoʻllab-quvvatlash boʻyicha qonunchilik bazasini takomillashtirishga qaratilgan takliflar ishlab chiqadi;
ijtimoiy-iqtisodiy rivojlantirish dasturlari va normativ-huquqiy hujjatlar loyihalarining jamoatchilik muhokamasini hamda jamoatchilik ekspertizasini tashkil etishda fuqarolik jamiyati institutlarining tashabbuslarini qoʻllab-quvvatlaydi;
fuqarolik jamiyati institutlari faoliyatining milliy tajribalarini xalqaro miqyosda ommaviy axborot vositalari va ijtimoiy tarmoqlar orqali keng targʻib etishni qoʻllab-quvvatlaydi;
fuqarolik jamiyati institutlarining xorijiy ilgʻor tajribani oʻrganish va milliy tajribani targʻib etishga qaratilgan tashabbuslarini qoʻllab-quvvatlaydi;
xalqaro tashkilotlar, moliya institutlari va chet el nohukumat tashkilotlari bilan aloqalarni rivojlantiradi, ular bilan birgalikda tadbirlar oʻtkazadi, ularning grantlarini aniq ijtimoiy va umum ahamiyatga molik loyihalarni hal etishga, fuqarolik jamiyati institutlarini rivojlantirishni ragʻbatlantirishga jalb etadi;
fuqarolik jamiyati institutlarini davlat tomonidan qoʻllab-quvvatlash tizimiga zamonaviy IT-texnologiya dasturlarini keng joriy etadi;
fuqarolik jamiyati institutlari vakillarini, faol jamoatchilik vakillari hamda tashabbuskor fuqarolarni tegishincha “Fuqarolik jamiyatini rivojlantirishga qoʻshgan hissasi uchun” koʻkrak nishoni, “Fuqarolik tashabbusi” milliy mukofoti bilan taqdirlash boʻyicha barcha tashkiliy masalalarni koʻradi;
qonunchilikda belgilangan tartibda fuqarolik jamiyati institutlari faoliyatining normativ-huquqiy, moddiy-moliyaviy, tashkiliy jihatlariga bagʻishlangan adabiyotlar nashr etadi;
qonun hujjatlariga zid boʻlmagan boshqa funksiyalarni amalga oshiradi.
3-bob. Jamoat fondining huquq va majburiyatlari
11. Jamoat fondi quyidagi huquqlarga ega:
oʻz faoliyati sohasiga doir axborotni davlat organlaridan, fuqarolik jamiyati institutlaridan qonun hujjatlarida belgilangan tartibda olishga va oʻz faoliyati toʻgʻrisidagi axborotni tarqatish;
yuridik va jismoniy shaxslar bilan qonun hujjatlariga zid boʻlmagan va oʻz faoliyatini amalga oshirish uchun zarur boʻlgan bitimlar tuzish;
mulk huquqi va boshqa ashyoviy huquqlar asosida mol-mulkka ega boʻlish;
homiylik xayriyalari, grantlar va boshqa mablagʻlarni olish;
sudda, boshqa muassasalar va tashkilotlarda oʻz manfaatlarini ifodalash hamda himoya qilish;
xalqaro aloqalar oʻrnatish, hamkorlik toʻgʻrisida bitimlar tuzish va xalqaro dasturlar hamda loyihalarda ishtirok etish.
Jamoat fondi qonun hujjatlariga muvofiq boshqa huquqlarga ham ega boʻlishi mumkin.
12. Jamoat fondi:
oʻz faoliyatini Oʻzbekiston Respublikasining qonun hujjatlariga va ushbu Nizomga muvofiq amalga oshirishi;
har yili hisobot eʼlon qilishi, faoliyati va Jamoat fondi mol-mulkidan foydalanishning ochiq-oshkora boʻlishini taʼminlashi;
roʻyxatdan oʻtkazuvchi organlar vakillari Jamoat fondi tomonidan oʻtkazilayotgan tadbirlarda ishtirok etishiga imkon yaratishi;
oʻz faoliyati toʻgʻrisida Oʻzbekiston Respublikasi Hisob palatasiga, Parlament komissiyasiga, shuningdek roʻyxatdan oʻtkazuvchi organlarga, soliq va statistika organlariga qonunda belgilangan tartibda hisobot taqdim etishi shart.
Jamoat fondi oʻz faoliyatini ochiqlik va oshkoralik prinsiplari asosida amalga oshiradi, Oʻzbekiston Respublikasining Davlat budjetidan fuqarolik jamiyatining institutlariga beriladigan mablagʻlardan belgilangan maqsadda foydalanilishini taʼminlaydi.
Jamoat fondi oʻz faoliyati, fuqarolik jamiyati institutlari, ommaviy axborot vositalarining faoliyatini qoʻllab-quvvatlash doirasida ajratilgan mablagʻlarning taqsimlanishi hamda ishlatilishi toʻgʻrisidagi hisobotni har yili ommaviy axborot vositalarida eʼlon qiladi.
13. Jamoat fondi yuridik shaxsning Oʻzbekiston Respublikasi qonun hujjatlarida nazarda tutilgan barcha huquqlaridan foydalanadi. Jamoat fondi faoliyati va uni rivojlantirishning har yilgi dasturi Parlament komissiyasi tomonidan ishlab chiqiladi hamda tasdiqlanadi.
4-bob. Jamoat fondining mol-mulki
14. Jamoat fondining mol-mulkini asosiy fondlar va aylanma mablagʻlar, shuningdek Oʻzbekiston Respublikasining qonun hujjatlariga muvofiq qiymati Jamoat fondi balansida aks ettiriladigan boshqa mol-mulk tashkil etadi.
15. Jamoat fondi mablagʻlarini shakllantirish manbalari Oʻzbekiston Respublikasining Davlat budjeti mablagʻlari, yuridik va jismoniy shaxslarning (Oʻzbekiston Respublikasi rezidentlarining hamda norezidentlarining) ixtiyoriylik asosidagi homiylik xayriyalari, xalqaro tashkilotlar va moliya institutlarining, chet el tashkilotlarining grantlari hamda begʻaraz beriladigan mablagʻlari, qonun hujjatlarida taqiqlanmagan boshqa mablagʻlardir.
16. Jamoat fondining mol-mulkidan garov yoki majburiyatlarni taʼminlashning boshqa vositasi sifatida, shuningdek kreditlar berish uchun foydalanilishi mumkin emas.
17. Jamoat fondi oʻz majburiyatlari boʻyicha qonun hujjatlariga muvofiq undiruv qaratilishi mumkin boʻlgan oʻz mol-mulki bilan javob beradi.
5-bob. Jamoat fondini boshqarish
18. Jamoat fondining faoliyatiga rahbarlikni quyidagilar amalga oshiradi:
Jamoat fondining vasiylik kengashi vazifalarini bajaradigan Parlament komissiyasi;
Jamoat fondining boshqaruvi vazifalarini bajaradigan Fondning Ijro etuvchi devoni.
19. Parlament komissiyasi Jamoat fondining faoliyati ustidan nazoratni amalga oshiruvchi organdir.
20. Parlament komissiyasi:
Jamoat fondi mablagʻlarini fuqarolik jamiyati institutlarini qoʻllab-quvvatlash uchun ochiqlik, shaffoflik va adolatlilik prinsiplari asosida taqsimlaydi, fuqarolik jamiyati institutlarining va respublika ijro etuvchi hokimiyat organlarining takliflarini oʻrganish asosida aniq ijtimoiy-iqtisodiy masalalarini hal etishga, fuqarolarning ijtimoiy faolligini yanada oshirishga qaratilgan sotsial va ijtimoiy ahamiyatga molik va ijtimoiy foydali maqsadlarga erishishga qaratilgan dasturlarni moliyalashtirish boʻyicha qarorlar qabul qiladi;
joylardagi fuqarolik jamiyati institutlarini qoʻllab-quvvatlash uchun Qoraqalpogʻiston Respublikasi budjeti, viloyatlar va Toshkent shahar mahalliy budjetlaridan ajratiladigan mablagʻlarning hajmlarini Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari buyurtmalari asosida aniqlaydi hamda taqsimlaydi;
sotsial va ijtimoiy ahamiyatga molik va ijtimoiy foydali maqsadlarga erishishga qaratilgan loyihalarni qoʻllab-quvvatlash uchun tanlovlarning dolzarb mavzu va yoʻnalishlarini ishlab chiqadi, eʼlon qiladi hamda ularni oʻtkazish muddatlarini tasdiqlaydi;
fuqarolik jamiyati institutlarining va respublika ijro etuvchi hokimiyat organlarining dastur va loyihalarini ijtimoiy sheriklik sohalari kesimida dolzarb ijtimoiy ahamiyatini aniqlash, ularni moliyalashtirish boʻyicha qarorlar qabul qiladi;
Jamoat fondining ajratilgan mablagʻlardan maqsadli foydalanishi hamda fuqarolik jamiyati institutlarining moliyalashtirilgan loyihalari va dasturlarining ijrosi ustidan nazoratni amalga oshiradi;
fuqarolik jamiyati institutlarining davlat organlari bilan ijtimoiy sheriklik munosabatlarini rivojlantirishga koʻmaklashadi;
fuqarolik jamiyati institutlarini qoʻllab-quvvatlash tizimini takomillashtirish yuzasidan tavsiyalar ishlab chiqadi;
mamlakatimizda erkin fuqarolik jamiyatini shakllantirish va rivojlantirish, inson huquqlari va qonuniy manfaatlarini, demokratik qadriyatlarni himoya qilish, aholining siyosiy madaniyati va huquqiy ongini oshirish, davlat organlari va fuqarolik jamiyati institutlari oʻrtasida ijtimoiy sheriklik munosabatlarini mustahkamlash ishlariga munosib hissa qoʻshgan hamda jamiyatimizda barcha sohalarda amalga oshirilayotgan keng koʻlamli islohotlarda faol ishtirok etayotgan fuqarolik jamiyati institutlari vakillari hamda tashabbuskor fuqarolarni “Fuqarolik jamiyatini rivojlantirishga qoʻshgan hissasi uchun” koʻkrak nishoni bilan taqdirlaydi;
mamlakatimizda erkin fuqarolik jamiyatini shakllantirish va rivojlantirishga munosib hissa qoʻshgan fuqarolik jamiyati institutlari va faol jamoatchilik vakillari hamda tashabbuskor fuqarolarni “Fuqarolik tashabbusi” milliy mukofoti bilan taqdirlaydi.
Parlament komissiyasi qonun hujjatlariga muvofiq boshqa vakolatlarni ham amalga oshirishi mumkin.
21. Parlament komissiyasi aʼzolari bir vaqtning oʻzida Jamoat fondining Ijro etuvchi devoni va Taftish komissiyasi aʼzosi boʻlishi mumkin emas.
22. Parlament komissiyasining raisi, rais oʻrinbosari, masʼul kotibi va aʼzolari oʻz vazifalarini jamoatchilik asosida bajaradi.
23. Parlament komissiyasi vakolatlariga kiradigan masalalar Jamoat fondining Ijro etuvchi devoni yoki Taftish komissiyasiga hal etish uchun topshirilishi mumkin emas.
24. Parlament komissiyasining qarorlari Jamoat fondining Ijro etuvchi devoni va boshqa organlari uchun majburiydir.
25. Jamoat fondining Ijro etuvchi devoniga Jamoat fondi direktori rahbarlik qiladi.
Jamoat fondining tuzilmasi, vakolatlari va uni shakllantirish tartibi Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan belgilanadi.
26. Jamoat fondi direktori Parlament komissiyasining taqdimnomasiga binoan Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan lavozimiga tayinlanadi va lavozimidan ozod etiladi.
27. Jamoat fondi direktori:
Jamoat fondining faoliyatiga umumiy rahbarlikni amalga oshiradi va zimmasiga yuklatilgan vazifalarning bajarilishi uchun javobgardir;
Jamoat fondining faoliyatiga oid hujjatlarni imzolaydi;
davlat organlari va tashkilotlar, fuqarolik jamiyati institutlari, xalqaro tashkilotlar va chet el nohukumat tashkilotlari, shuningdek boshqa yuridik va jismoniy shaxslar bilan oʻzaro munosabatlarda Jamoat fondi nomidan ish koʻradi;
yuridik va jismoniy shaxslar bilan Jamoat fondining faoliyatiga taalluqli shartnomalarni tuzadi, Jamoat fondi nomidan ishonchnomasiz ish yuritadi;
Jamoat fondining xarajatlari smetasini tuzadi va Parlament komissiyasi bilan kelishilgan holda tasdiqlaydi;
oʻz vakolati doirasida buyruqlar, farmoyishlar va boshqa ichki hujjatlarni tasdiqlaydi;
Jamoat fondi va uning filiallari xodimlarini lavozimga tayinlaydi hamda lavozimidan ozod etadi, bundan Fond direktorining oʻrinbosari mustasno;
Jamoat fondining mol-mulkini, shu jumladan pul mablagʻlarini boshqaradi;
Parlament komissiyasiga Jamoat fondining faoliyati toʻgʻrisida yiliga kamida ikki marta hisobot taqdim etadi;
Parlament komissiyasi koʻrib chiqishi uchun zarur boʻlgan materiallar va takliflar tayyorlanishini hamda mazkur komissiya tomonidan qabul qilingan qarorlar va koʻrsatmalarning bajarilishini taʼminlaydi;
qonun hujjatlariga muvofiq boshqa vazifalarni amalga oshiradi.
28. Jamoat fondi direktorining oʻrinbosari Jamoat fondi direktorining tavsiyasi asosida, Parlament komissiyasining taqdimnomasiga binoan Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan lavozimga tayinlanadi va lavozimidan ozod etiladi.
Jamoat fondi direktorining oʻrinbosari Jamoat fondi direktori yoʻqligida yoki u oʻz vazifalarini amalga oshirishi mumkin boʻlmagan hollarda Jamoat fondi direktorining vazifasini bajarib turadi.
6-bob. Jamoat fondining alohida boʻlinmalari
29. Jamoat fondi Qoraqalpogʻiston Respublikasi, viloyatlar va Toshkent shahrida yuridik shaxs maqomiga ega boʻlgan alohida boʻlinmalariga (bundan buyon matnda alohida boʻlinmalar deb yuritiladi) ega boʻladi.
Alohida boʻlinmalar Parlament komissiyasi tomonidan tasdiqlangan nizom asosida faoliyat yuritadi.
Alohida boʻlinmalardagi mol-mulklar Jamoat fondi mol-mulki hisoblanadi. Alohida boʻlinmalarning hisob raqamlaridagi pul mablagʻlari Parlament komissiyasi tomonidan tasdiqlangan xarajatlar smetasiga asosan boʻlinmalar boshliqlari tomonidan tasarruf etiladi.
30. Alohida boʻlinmaga Parlament komissiyasi bilan kelishilgan holda Jamoat fondi direktori tomonidan tayinlanadigan boʻlinma boshligʻi rahbarlik qiladi.
31. Alohida boʻlinma boshligʻi:
alohida boʻlinma faoliyatiga rahbarlikni amalga oshiradi;
Jamoat fondi organlarining qarorlarini va ularning oʻz vakolatlari doirasida bergan boshqa topshiriqlarining bajarilishini tashkil etadi;
belgilangan tartibda Jamoat fondiga ish rejalarining bajarilishi va mablagʻlardan foydalanish yuzasidan hisobot beradi;
yillik xarajatlar smetasi xamda ish rejasini ishlab chiqadi va Jamoat fondiga taqdim etadi;
hududdagi davlat organlari, shuningdek boshqa yuridik va jismoniy shaxslar bilan munosabatlarda boʻlinma nomidan ish koʻradi;
hududdagi yuridik va jismoniy shaxslar bilan belgilangan tartibda shartnomalar va bitimlar tuzadi;
ajratilgan mol-mulk uchun javobgar hisoblanadi;
Parlament komissiyasi va Jamoat fondi Ijro etuvchi devoni tomonidan zimmasiga yuklatilgan boshqa vakolatlarni belgilangan tartibda amalga oshiradi.
Alohida boʻlinmalarning huquq va majburiyatlari, shu jumladan mol-mulkni boshqarish borasidagi huquqlari, ularni tugatish tartibi ularning nizomlarida belgilanadi.
7-bob. Jamoat fondi mablagʻlaridan foydalanish
32. Jamoat fondi mablagʻlari fuqarolik jamiyatining institutlariga ularning buyurtmanomalari asosida va Parlament komissiyasining qarorlariga muvofiq davlat subsidiyalari, grantlari, ijtimoiy buyurtmalari tariqasida ajratiladi.
Jamoat fondi mablagʻlarning maʼlum bir qismini davlat subsidiyalari, davlat grantlari va davlat ijtimoiy buyurtmalari shaklida alohida boʻlinmalarga yoʻnaltiradi.
Alohida boʻlinmalarga ajratilgan hamda hisobot yili oxirida foydalanilmay qolgan mablagʻlar Fondga qaytariladi.
Fuqarolik jamiyatining institutlarini qoʻllab-quvvatlash uchun Jamoat fondiga ajratilgan hamda hisobot yili oxirida foydalanilmay qolgan mablagʻlar Oʻzbekiston Respublikasining Davlat budjeti daromadiga qaytarilmaydi, balki ulardan belgilangan maqsadga muvofiq kelgusi yilda foydalaniladi.
33. Jamoat fondi mablagʻlarini taqsimlash tartibi Parlament komissiyasi tomonidan belgilanadi.
8-bob. Jamoat fondining faoliyatini saqlash xarajatlari, xodimlarning mehnatiga haq toʻlash va ragʻbatlantirish hamda tibbiy taʼminoti
34. Jamoat fondining Ijro etuvchi devoni faoliyatini saqlash xarajatlari, xodimlarining ish haqi va unga tenglashtirilgan toʻlovlari Oʻzbekiston Respublikasining respublika budjeti hisobidan, alohida boʻlinmalar faoliyatini saqlash xarajatlari, xodimlarining ish haqi va unga tenglashtirilgan toʻlovlari tegishincha Qoraqalpogʻiston Respublikasi budjeti, viloyatlar va Toshkent shahar mahalliy budjetlari hisobidan amalga oshiriladi.
35. Jamoat fondi direktori va uning oʻrinbosariga tegishincha Oʻzbekiston Respublikasi Oliy Majlisi palatalari devonlarining boshqarma boshligʻi va uning oʻrinbosari uchun belgilangan tibbiy taʼminot shartlari tatbiq etiladi.
36. Jamoat fondi xodimlariga belgilangan tarif setkasi lavozim maoshi 1,25 baravar oshirilgan miqdorda belgilanadi.
Jamoat fondi xodimlariga lavozim maoshi tarkibiga kiritiladigan 80 foiz (yordamchi texnik va xizmat koʻrsatuvchi xodimlarga 50 foiz) miqdorida qoʻshimcha haq, 40 foiz (yordamchi texnik va xizmat koʻrsatuvchi xodimlarga 20 foiz) miqdorida ragʻbatlantiruvchi koeffitsiyent, 15 foiz (yordamchi texnik va xizmat koʻrsatuvchi xodimlarga 10 foiz) miqdorida qoʻshimcha haq hamda uzoq muddat xizmat qilganlik uchun ushbu nizomga ilovada keltirilgan miqdorda ustama haq toʻlanadi.
Jamoat fondining direktori:
oʻz vazifalarini vijdonan, shuningdek alohida muhim va masʼuliyatli ishlarni bajarayotgan xodimlarni, shu maqsadlarga ikki oylik mehnat haqi fondi miqdoridagi mablagʻlarni yoʻnaltirgan holda mukofotlash (bunda mukofotlashning miqdorlari ishning umumiy natijalariga ularning shaxsiy ulushiga qarab belgilanadi);
bir oylik ish haqi fondini yoʻnaltirgan holda xodimlarga moddiy yordam koʻrsatish huquqiga ega.
Jamoat fondining Ijro etuvchi devoni Axborot texnologiyalarini joriy etish va axborot xavfsizligi boʻyicha bosh mutaxassisiga xodim lavozim maoshining 100 foizi miqdorida har oylik ustama beriladi.
Jamoat fondi xodimlarini moddiy ragʻbatlantirish maxsus fondi mablagʻlaridan foydalanish tartibi amaldagi qonunchilikka asosan belgilanadi.
37. Jamoat fondining fan nomzodi yoki falsafa doktori (PhD) ilmiy darajasiga (yoki xorijiy davlatlarning unga tenglashtirilgan boshqa ilmiy darajalariga) ega xodimlariga lavozim maoshining 5 foizi, fan doktori yoki fan doktori (Doctor of Science) ilmiy darajasiga (yoxud xorijiy davlatlarning unga tenglashtirilgan boshqa ilmiy darajalariga) ega xodimlariga lavozim maoshining 10 foizi miqdorida har oylik ustama toʻlanadi.
9-bob. Taftish komissiyasi
38. Jamoat fondining moliya-xoʻjalik faoliyatini tekshirish uchun Parlament komissiyasi tomonidan, qoida tariqasida, besh kishidan iborat tarkibda Taftish komissiyasi saylanadi.
Taftish komissiyasining tarkibiga Oʻzbekiston Respublikasi Adliya vazirligi, Hisob palatasi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti Davlat moliyaviy nazorati inspeksiyasining vakillari ushbu idoralar bilan kelishilgan holda kiritilishi mumkin.
39. Taftish komissiyasining aʼzolari bir vaqtning oʻzida Jamoat fondi Ijro etuvchi devonining va Parlament komissiyasining aʼzosi boʻlishi mumkin emas.
40. Jamoat fondining moliya-xoʻjalik faoliyatini tekshirish Parlament komissiyasining qaroriga binoan Jamoat fondining yillik faoliyati yakunlari boʻyicha amalga oshiriladi.
41. Taftish komissiyasining talabiga koʻra Jamoat fondining mansabdor shaxslari unga fondning moliyaviy faoliyati toʻgʻrisidagi hujjatlarni taqdim etishi shart.
42. Taftish komissiyasi Jamoat fondining yillik hisobotlari va buxgalteriya balanslari Parlament komissiyasi tomonidan tasdiqlanguniga qadar ularni majburiy tartibda tekshirishni amalga oshiradi.
10-bob. Hisobga olish va hisobot
43. Jamoat fondi buxgalteriya va statistika hisobi hamda hisobotini yuritadi, Oʻzbekiston Respublikasi qonun hujjatlariga muvofiq soliqlar va boshqa toʻlovlarni toʻlaydi.
44. Jamoat fondi tomonidan oʻtgan yilgi faoliyati natijalari toʻgʻrisidagi hisobotlar har yili 1-martga qadar Parlament komissiyasiga taqdim etiladi. Fondning buxgalteriya balansi hisobotdan keyingi yilning 15-martiga qadar Parlament komissiyasi tomonidan tasdiqlanishi kerak.
45. Jamoat fondining moliya-xoʻjalik va tadbirkorlik faoliyatini tekshirish Oʻzbekiston Respublikasi Hisob palatasi, roʻyxatdan oʻtkazuvchi organlar, soliq va boshqa organlar tomonidan qonun hujjatlariga muvofiq amalga oshiriladi.
46. Qonun hujjatlariga muvofiq Jamoat fondi oʻz faoliyatining har yilgi auditorlik tekshiruvini oʻtkazadi.
Auditorlik tashkilotini tanlash Parlament komissiyasi tomonidan amalga oshiriladi.
11-bob. Ushbu nizomga oʻzgartirish va qoʻshimchalar kiritish
47. Ushbu nizomga oʻzgartirish va qoʻshimchalar Parlament komissiyasining taklifi asosida Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan kiritiladi.
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori tegishincha Oʻzbekiston Respublikasi Oliy Majlisi Qonunchilik palatasi va Senati majlislarida tasdiqlanishi kerak.
48. Jamoat fondi toʻgʻrisidagi nizomga kiritiladigan oʻzgartirish va qoʻshimchalar qonun hujjatlarida belgilangan tartibda davlat roʻyxatidan oʻtkaziladi.
12-bob. Jamoat fondini qayta tashkil etish va tugatish
49. Jamoat fondi Parlament komissiyasining qaroriga binoan Oʻzbekiston Respublikasi Oliy Majlisi Qonunchilik palatasi va Senati tomonidan qayta tashkil etilishi mumkin.
Jamoat fondini qayta tashkil etishga faqat boshqa fondga qoʻshib yuborilgan, boshqa fond qoʻshib olingan yoki boshqa jamoat fondiga qoʻshilingan taqdirda yoʻl qoʻyiladi.
50. Jamoat fondini tugatish manfaatdor shaxslarning arizasi asosida sudning hal qiluv qaroriga binoan amalga oshiriladi.
51. Jamoat fondini tugatish qonun hujjatlarida nazarda tutilgan tartibda amalga oshiriladi.
52. Jamoat fondining kreditorlar talablari qondirilganidan keyin qolgan mol-mulki Parlament komissiyasi, Jamoat fondining Ijro etuvchi devoni, Taftish komissiyasi aʼzolari yoki Jamoat fondining xodimlari oʻrtasida taqsimlanishi mumkin emas va undan Jamoat fondi qaysi maqsadda tuzilgan boʻlsa, oʻsha maqsadda hamda homiylik maqsadlarida ushbu Nizomda nazarda tutilgan tartibda foydalaniladi.
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi toʻgʻrisidagi nizomga
ILOVA
ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi xodimlariga uzoq muddat xizmat qilganlik uchun toʻlanadigan ustama
MIQDORI
Ish staji | Oylik tarif stavkasiga (lavozim maoshiga) nisbatan uzoq muddat xizmat qilganlik uchun har oyda beriladigan ustama miqdori |
2 yildan 5 yilgacha | 10 % |
5 yildan 10 yilgacha | 20 % |
10 yildan 15 yilgacha | 30 % |
15 yildan 20 yilgacha | 40 % |
20 yildan 25 yilgacha | 50 % |
25 yildan ortiq | 60 % |
Izoh: Ustama haq olish huquqi xodimda Jamoat fondida mehnat shartnomasi asosida ishlashni boshlagan kundan eʼtiboran yuzaga keladi.
Ustama haq olish huquqini beruvchi umumiy ish staji amaldagi qonunchilik hujjatlariga muvofiq hisoblab chiqariladi. Ustama haq olish huquqini beruvchi umumiy ish stajiga quyidagilar kiradi:
a) xodimning faoliyat turidan, mulkchilik va xoʻjalik shaklidan qatʼi nazar budjetdan tashqari Pensiya jamgʻarmasiga sugʻurta badallarini toʻlagan taqdirda davlat tomonidan ijtimoiy sugʻurta qilinadigan har qanday ish davri;
b) ichki ishlar, favqulodda vaziyatlar, davlat xavfsizlik xizmati organlaridagi, chegara qoʻshinlaridagi hamda Oʻzbekiston Respublikasi Milliy gvardiyasidagi xizmat davri;
v) idoraviy boʻysunuvidan qatʼi nazar harbiylashtirilgan soqchilikdagi, maxsus aloqa organlari va togʻ-kon-qutqaruv qismlaridagi xizmat;
g) yuridik shaxs tuzmay tadbirkorlik faoliyati bilan shugʻullangan shaxslar va dehqon xoʻjaliklari aʼzolari tomonidan budjetdan tashqari Pensiya jamgʻarmasiga sugʻurta badallarini toʻlagan davri.
Xodimning mehnat daftarchasidagi ish stajiga oid qaydlar ish stajini hisoblash uchun asos hisoblanadi.
Ustama haq olish huquqini beruvchi umumiy ish stajini hisoblash Jamoat fondining xodimlari umumiy ish stajini hisoblash boʻyicha komissiya tomonidan amalga oshiriladi.
Jamoat fondi xodimlari umumiy ish stajini hisoblash boʻyicha komissiyaning tarkibi Jamoat fondining direktori tomonidan tasdiqlanadi.
Jamoat fondi xodimlari umumiy ish stajini hisoblash boʻyicha komissiyaning kotibi xodimlar ish stajining hisobini yuritadi hamda koʻrib chiqish uchun komissiyaga taqdim etadi.
Ustama haq miqdori xodimning oylik tarif stavkasidan (lavozim maoshidan) kelib chiqib hisoblanadi.
Ustama haq ushbu oyda amalda ishlagan vaqt uchun, shu jumladan xodimning maoshi amaldagi qonunchilik hujjatlariga muvofiq toʻliq yoki qisman saqlanib qoladigan taʼtillar vaqti va vaqtinchalik mehnatga layoqatsiz boʻlib qolgan davrlar uchun toʻlanadi.
Xodimda kalendar oy mobaynida ustama haq olish huquqi yuzaga kelsa, ushbu ustama haq miqdorini birinchi marta hisoblash bunday ustama haq olish huquqi yuzaga kelgandan keyin ishlagan vaqt uchun amalga oshiriladi.
Kalendar oy mobaynida ustama haq miqdorini oshirish huquqi yuzaga kelgan xodimga nisbatan ustama haqning yangi miqdori keyingi oyning 1-sanasidan qoʻllaniladi.
Kalendar oy mobaynida tarif stavkasi (lavozim maoshi) oʻzgargan xodimga nisbatan ustama haqning yangi miqdori keyingi oyning 1-sanasidan qoʻllaniladi.
Xodim Oʻzbekiston Respublikasi Mehnat kodeksining 141, 142 va 145-moddalarida koʻrsatilgan tartibda vaqtincha boshqa ishga oʻtkazilganda unga ustama haq asosiy ishi boʻyicha oylik tarif stavkasidan (lavozim maoshidan) kelib chiqib hisoblanadi.
Ustama haq oʻrtacha ish haqiga kiritiladi.
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
2-ILOVA
2-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondining
TUZILMASI
Parlament komissiyasi | Taftish komissiyasi | ||||||||||||||||||||||||||||
Direktor — Ijro etuvchi devon rahbari | |||||||||||||||||||||||||||||
Direktor oʻrinbosari | |||||||||||||||||||||||||||||
Ijtimoiy muammolarni oʻrganish va tanlovlarni shakllantirish boʻlimi 3 | Dasturlar va loyihalarning samaradorligini monitoring qilish boʻlimi 3 | ||||||||||||||||||||||||||||
Tanlovlarni tahlil qilish, texnik baholash va muvofiqlashtirish boʻlimi 3 | Moliya va buxgalteriya hisobi boʻlimi 2 | ||||||||||||||||||||||||||||
Tashkiliy ishlar va kadrlar boʻyicha mutaxassis 1 | |||||||||||||||||||||||||||||
Axborot texnologiyalarini joriy qilish va axborot xavfsizligi boʻyicha bosh mutaxassis 1 | |||||||||||||||||||||||||||||
Matbuot kotibi 1 | |||||||||||||||||||||||||||||
Bosh yuriskonsult 1 | |||||||||||||||||||||||||||||
Jamoat fondining Qoraqalpogʻiston Respublikasi, viloyatlar va Toshkent shahridagi alohida boʻlinmalari 28 | |||||||||||||||||||||||||||||
Izoh: Boshqaruv xodimlarining umumiy cheklangan soni — 45 nafar.
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
3-ILOVA
3-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi Ijro etuvchi devonining
SHTATLAR JADVALI
Lavozim nomi | Shtat birligi soni |
Direktor | 1 |
Direktor oʻrinbosari | 1 |
Ijtimoiy muammolarni oʻrganish va tanlovlarni shakllantirish boʻlimi | 3 |
Boʻlim boshligʻi | 1 |
Bosh mutaxassis | 1 |
Yetakchi mutaxassis | 1 |
Tanlovlarni tahlil qilish, texnik baholash va muvofiqlashtirish boʻlimi | 3 |
Boʻlim boshligʻi | 1 |
Bosh mutaxassis | 1 |
Yetakchi mutaxassis | 1 |
Dasturlar va loyihalarning samaradorligini monitoring qilish boʻlimi | 3 |
Boʻlim boshligʻi | 1 |
Bosh mutaxassis | 1 |
Yetakchi mutaxassis | 1 |
Moliya va buxgalteriya hisobi boʻlimi | 2 |
Boʻlim boshligʻi | 1 |
Bosh mutaxassis | 1 |
Axborot texnologiyalarini joriy qilish va axborot xavfsizligi boʻyicha bosh mutaxassis | 1 |
Matbuot kotibi | 1 |
Bosh yuristkonsult | 1 |
Tashkiliy ishlar va kadrlar boʻyicha mutaxassis | 1 |
Jami | 17 |
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
4-ILOVA
4-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi Ijro etuvchi devoni xodimlarining mehnatiga Yagona tarif setkasi boʻyicha haq toʻlash
RAZRYADLARI
Lavozim nomi | Mehnatga haq toʻlash razryadlari |
Direktor | 18 |
Direktor oʻrinbosari | 17 |
Boʻlim boshligʻi | 16 |
Bosh mutaxassis | 15 |
Matbuot kotibi | 15 |
Bosh yuristkonsult | 15 |
Yetakchi mutaxassis | 14 |
Tashkiliy ishlar va kadrlar boʻyicha mutaxassis | 13 |
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
5-ILOVA
5-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi alohida boʻlinmalarining
SHTATLAR JADVALI
Lavozim nomi | Shtat birligi soni |
Boʻlinma boshligʻi | 14 |
Bosh hisobchi | 14 |
Jami | 28 |
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
6-ILOVA
6-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi alohida boʻlinmalari xodimlarining mehnatiga Yagona tarif setkasi boʻyicha haq toʻlash
RAZRYADLARI
Lavozim nomi | Mehnatga haq toʻlash razryadlari |
Boʻlinma boshligʻi | 14 |
Bosh hisobchi | 12 |
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
7-ILOVA
7-ILOVA
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasi toʻgʻrisidagi
nizom
1-bob. Umumiy qoidalar
1. Ushbu Nizom Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasining (bundan buyon matnda Parlament komissiyasi deb yuritiladi) vazifalarini, vakolatlarini, faoliyatining asosiy yoʻnalishlarini, shuningdek uning ishini tashkil etish tartibini belgilaydi.
2. Parlament komissiyasi fuqarolik jamiyati institutlarini rivojlantirishga hamda ularning mamlakatda demokratik oʻzgarishlarni amalga oshirishda va jamiyatni erkinlashtirishda ishtirok etishiga koʻmaklashish maqsadida qonun hujjatlariga muvofiq tashkil etiladi.
3. Parlament komissiyasi bir vaqtning oʻzida Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondining (bundan buyon matnda Jamoat fondi deb yuritiladi) vasiylik kengashi vazifalarini ham bajaradi, Jamoat fondi faoliyatining ustuvor yoʻnalishlarini shakllantiradi, mazkur faoliyat ustidan nazoratni amalga oshiradi.
4. Parlament komissiyasi oʻz faoliyatini amaldagi qonun hujjatlariga va ushbu Nizomga muvofiq amalga oshiradi.
2-bob. Parlament komissiyasining vakolatlari
5. Parlament komissiyasi:
Jamoat fondi mablagʻlarini fuqarolik jamiyati institutlarini qoʻllab-quvvatlash uchun ochiqlik, shaffoflik va adolatlilik prinsiplari asosida taqsimlaydi, fuqarolik jamiyati institutlarining va respublika ijro etuvchi hokimiyat organlarining takliflarini oʻrganish asosida aniq ijtimoiy-iqtisodiy masalalarini hal etishga, fuqarolarning ijtimoiy faolligini yanada oshirishga qaratilgan sotsial va ijtimoiy ahamiyatga molik va ijtimoiy foydali maqsadlarga erishishga qaratilgan dasturlarni moliyalashtirish boʻyicha qarorlar qabul qiladi;
joylardagi fuqarolik jamiyati institutlarini qoʻllab-quvvatlash uchun Qoraqalpogʻiston Respublikasi budjeti, viloyatlar va Toshkent shahar mahalliy budjetlaridan ajratiladigan mablagʻlarning hajmlarini Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari buyurtmalari asosida aniqlaydi hamda taqsimlaydi;
sotsial va ijtimoiy ahamiyatga molik va ijtimoiy foydali maqsadlarga erishishga qaratilgan loyihalarni qoʻllab-quvvatlash uchun tanlovlarning dolzarb mavzu va yoʻnalishlarini ishlab chiqadi, eʼlon qiladi hamda ularni oʻtkazish muddatlarini tasdiqlaydi;
fuqarolik jamiyati institutlarining va respublika ijro etuvchi hokimiyat organlarining dastur va loyihalarini ijtimoiy sheriklik sohalari kesimida dolzarb ijtimoiy ahamiyatini aniqlash, ularni moliyalashtirish boʻyicha qarorlar qabul qiladi;
Jamoat fondining ajratilgan mablagʻlardan maqsadli foydalanishi hamda fuqarolik jamiyati institutlarining moliyalashtirilgan loyihalari va dasturlarining ijrosi ustidan nazoratni amalga oshiradi;
fuqarolik jamiyati institutlarining davlat organlari bilan ijtimoiy sheriklik munosabatlarini rivojlantirishga koʻmaklashadi;
fuqarolik jamiyati institutlarini qoʻllab-quvvatlash tizimini takomillashtirish yuzasidan tavsiyalar ishlab chiqadi;
mamlakatimizda erkin fuqarolik jamiyatini shakllantirish va rivojlantirish, inson huquqlari va qonuniy manfaatlarini, demokratik qadriyatlarni himoya qilish, aholining siyosiy madaniyati va huquqiy ongini oshirish, davlat organlari va fuqarolik jamiyati institutlari oʻrtasida ijtimoiy sheriklik munosabatlarini mustahkamlash ishlariga munosib hissa qoʻshgan hamda jamiyatimizda barcha sohalarda amalga oshirilayotgan keng koʻlamli islohotlarda faol ishtirok etayotgan fuqarolik jamiyati institutlari vakillari hamda tashabbuskor fuqarolarni “Fuqarolik jamiyatini rivojlantirishga qoʻshgan hissasi uchun” koʻkrak nishoni bilan taqdirlaydi;
mamlakatimizda erkin fuqarolik jamiyatini shakllantirish va rivojlantirishga munosib hissa qoʻshgan fuqarolik jamiyati institutlari va faol jamoatchilik vakillari hamda tashabbuskor fuqarolarni “Fuqarolik tashabbusi” milliy mukofoti bilan taqdirlaydi.
Parlament komissiyasi qonun hujjatlariga muvofiq boshqa vakolatlarni ham amalga oshirishi mumkin.
6. Parlament komissiyasi vakolatlariga taalluqli masalalar Jamoat fondining Ijro etuvchi devoniga yoki Taftish komissiyasiga hal etish uchun topshirilishi mumkin emas.
7. Parlament komissiyasi har yili Oʻzbekiston Respublikasi Oliy Majlisining Qonunchilik palatasi va Senatiga amalga oshirilgan ishlar toʻgʻrisida hisobotlar taqdim etadi.
3-bob. Parlament komissiyasining tuzilmasi va komissiya faoliyatini boshqarish
8. Parlament komissiyasi Oʻzbekiston Respublikasi Oliy Majlisi Qonunchilik palatasining deputatlari, Senatining aʼzolaridan iborat tarkibda shakllantiriladi.
Parlament komissiyasining tarkibi Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan tasdiqlanadigan rais, uning oʻrinbosari, masʼul kotib va komissiya aʼzolaridan iborat boʻladi.
Parlament komissiyasiga Oʻzbekiston Respublikasi Oliy Majlisi Qonunchilik palatasining deputati va Senatining aʼzosi navbatma-navbat raislik qiladi.
9. Parlament komissiyasining raisi:
Parlament komissiyasining faoliyatiga rahbarlik qiladi;
Parlament komissiyasining majlislarini chaqiradi, ularda raislik qiladi;
Parlament komissiyasi ish rejasi loyihasining tayyorlanishini tashkil etadi va Parlament komissiyasining tasdiqlangan ish rejasi bajarilishi ustidan nazoratni amalga oshiradi;
Parlament komissiyasi qarorlarini tasdiqlaydi va ularning ijro etilishiga doir ishlarni tashkil etadi;
qonun hujjatlariga muvofiq boshqa vakolatlarni amalga oshiradi.
Parlament komissiyasining raisi yoʻqligida uning vazifasini rais oʻrinbosari bajarib turadi.
10. Parlament komissiyasining masʼul kotibi Parlament komissiyasining majlislarini tashkil etish va oʻtkazish bilan bogʻliq vazifalarni amalga oshiradi, Parlament komissiyasi majlislarining bayonnomalarini yuritadi, shuningdek Parlament komissiyasi tomonidan belgilanadigan boshqa vazifalarni bajaradi.
11. Parlament komissiyasining tarkibini oʻzgartirish Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan amalga oshiriladi.
Parlament komissiyasi Oʻzbekiston Respublikasi Oliy Majlisi Qonunchilik palatasining Kengashiga va Oʻzbekiston Respublikasi Oliy Majlisi Senatining Kengashiga raisni, rais oʻrinbosarini, masʼul kotibni, ayrim aʼzolarni muddatidan ilgari vazifasidan ozod etish toʻgʻrisidagi masalani Parlament komissiyasi aʼzolari umumiy sonining uchdan ikki qismining talabiga koʻra kiritishi mumkin.
12. Parlament komissiyasining raisi, rais oʻrinbosari, masʼul kotibi va aʼzolari oʻz vazifalarini jamoatchilik asosida bajaradi.
Parlament komissiyasi raisi, rais oʻrinbosari, masʼul kotibi va aʼzolarining oʻz vazifasini bajarish bilan bogʻliq xarajatlarning oʻrni ularning asosiy ish joyidagi mablagʻlar hisobidan qoplanadi.
13. Parlament komissiyasi belgilangan maqsad va vazifalarni bajarishi uchun ekspertlar kengashi va ishchi guruhlarini tuzishi mumkin. Ekspertlar kengashi va ishchi guruhlarning faoliyati Parlament komissiyasi tomonidan tasdiqlangan nizom asosida amalga oshiriladi.
14. Ekspertlar kengashi Parlament komissiyasining qaroriga asosan sogʻliqni saqlash, ekologiya, taʼlim, yoshlar, bandlik va boshqa sohalardagi davlat organlarining 7 — 9 nafar vakillaridan iborat shaklda 2 yil muddatga tuziladi va yangilanib boriladi. Ekspertlar kengashini shakllantirishda ekspertlarning kasbiy va hayotiy tajribasi hisobga olinadi.
15. Parlament komissiyasi aʼzolari bir vaqtning oʻzida Jamoat fondi Ijro etuvchi devoni va Taftish komissiyasining aʼzosi boʻlishi mumkin emas.
4-bob. Parlament komissiyasining faoliyatini tashkil etish
16. Parlament komissiyasining majlislari, zaruratga qarab, lekin har chorakda kamida bir marta oʻtkaziladi.
Parlament komissiyasining majlislari Parlament komissiyasining raisi yoki rais oʻrinbosari tomonidan chaqiriladi, ular bu haqda komissiya aʼzolarini, qoida tariqasida, kamida ikki kun avval xabardor qiladi.
Parlament komissiyasi majlisining kun tartibida koʻriladigan masalalar Parlament komissiyasining raisi, rais oʻrinbosari, masʼul kotibi va aʼzolari, shuningdek Jamoat fondi direktori tomonidan kiritilishi mumkin.
Parlament komissiyasining majlislari, agar ularda Parlament komissiyasi aʼzolarining kamida yarmi hozir boʻlsa, vakolatlidir.
Parlament komissiyasining majlisini Parlament komissiyasining raisi yoki uning oʻrinbosari olib boradi.
Parlament komissiyasining majlisi ochiq tarzda oʻtkaziladi. Zarurat boʻlganda Parlament komissiyasi yopiq majlis oʻtkazish toʻgʻrisida qaror qabul qilishi mumkin.
17. Parlament komissiyasining navbatdan tashqari majlisi Parlament komissiyasi raisining tashabbusi bilan, shuningdek Parlament komissiyasi aʼzolarining yoki Jamoat fondi Taftish komissiyasi aʼzolarining yozma talabiga binoan chaqiriladi.
18. Parlament komissiyasining aʼzolari uning majlislarida hozir boʻlishi shart. Parlament komissiyasi aʼzolari majlislarda ishtirok eta olmasligi haqida Parlament komissiyasi raisini yoki masʼul kotibini oldindan yozma ravishda xabardor qiladi.
19. Parlament komissiyasining barcha aʼzolari teng huquqlardan foydalanadi, Parlament komissiyasining har bir aʼzosi bir ovozga ega.
20. Parlament komissiyasining qarori uning majlisida ishtirok etayotgan aʼzolarning koʻpchilik ovozi bilan qabul qilinadi. Majlisda Parlament komissiyasining masʼul kotibi tomonidan bayonnoma yuritiladi va u raislik qiluvchi tomonidan imzolanadi.
Parlament komissiyasining qarorlari Jamoat fondining Ijro etuvchi devoni ijro etishi uchun majburiydir.
21. Parlament komissiyasining majlislariga davlat organlarining, fuqarolik jamiyati institutlarining, ilmiy muassasalarning vakillari, mutaxassislar va olimlar, ommaviy axborot vositalari vakillari taklif etilishi mumkin.
5-bob. Ushbu nizomga oʻzgartirish va qoʻshimchalar kiritish tartibi
22. Ushbu nizomga oʻzgartirish va qoʻshimchalar Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining qoʻshma qarori bilan kiritiladi.
23. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining Parlament komissiyasini shakllantirish hamda uning faoliyatini tashkil etish masalalari boʻyicha qoʻshma qarori tegishincha Oʻzbekiston Respublikasi Oliy Majlisi Qonunchilik palatasining va Senatining majlislarida tasdiqlanishi kerak.
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
8-ILOVA
8-ILOVA
“Fuqarolik tashabbusi” milliy mukofoti toʻgʻrisidagi
NIZOM
1-bob. Umumiy qoidalar
1. Ushbu Nizom mamlakatimizda erkin fuqarolik jamiyatini shakllantirish va rivojlantirishga munosib hissa qoʻshgan fuqarolik jamiyati institutlari va faol jamoatchilik vakillari hamda tashabbuskor fuqarolarni “Fuqarolik tashabbusi” milliy mukofoti (bundan buyon matnda Milliy mukofot deb yuritiladi) bilan taqdirlash tartibini belgilaydi.
2. Milliy mukofot bilan taqdirlash anʼanaviy tarzda har ikki yilda bir marta fuqarolik jamiyati institutlari va faol jamoatchilik vakillari hamda tashabbuskor fuqarolar oʻrtasida oʻtkaziladi.
3. Milliy mukofotga nomzodlar inson huquqlarini himoya qilish, taʼlim, ilm-fan, madaniyat, ekologiya, tibbiyot, aholining ijtimoiy himoyaga muhtoj qatlamlarini qoʻllab-quvvatlash, aholini ish bilan taʼminlashga koʻmaklashish, homiylik, xayriya, metsenatlik, tarixiy-madaniy merosni muhofaza qilish va ijtimoiy ahamiyatga ega boʻlgan boshqa muhim yoʻnalishlarda faoliyat yuritayotgan fuqarolik jamiyati institutlari va faol jamoatchilik vakillari hamda tashabbuskor fuqarolar orasidan koʻrsatilishi mumkin.
4. Milliy mukofotga nomzodlar “Fuqarolik tashabbusi” milliy mukofotiga taqdim etilgan nomzodlarni koʻrib chiqish boʻyicha tashkiliy qoʻmita (bundan buyon matnda Tashkiliy qoʻmita deb yuritiladi) xulosasi hamda keng jamoatchilik tanlovi asosida tanlab olinadi.
Tashkiliy qoʻmita jamoatchilik asosida faoliyat yuritadi.
Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi Tashkiliy qoʻmitaning ishchi organi (bundan buyon matnda ishchi organ deb yuritiladi) hisoblanadi.
Tashkiliy qoʻmita ishchi organ taqdim etgan nomzodlar haqidagi hujjatlar va maʼlumotlarni puxta koʻrib chiqib, Milliy mukofotga tavsiya etish boʻyicha qaror qabul qiladi.
Tashkiliy qoʻmita qarori yigʻilish bayoni bilan rasmiylashtiriladi.
Oldingi tahrirga qarang.
5. Milliy mukofot uchun nomzodlarni tanlab olish quyidagi nominatsiyalar asosida tashkil etiladi:
1) “Fuqarolarning huquq va erkinliklari faoli;
2) “Yoshlarni ijtimoiy qoʻllab-quvvatlash faoli”;
3) “Tashabbuskor ekologiya faoli”;
4) “Ijtimoiy himoya faoli”;
5) “Xotin-qizlar boʻyicha ijtimoiy faol”.
(5-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qarori tahririda)
6. Milliy mukofot nominatsiyalari boʻyicha maʼlumotlar Milliy mukofot taqdim etiladigan yilning 1-iyuliga qadar ishchi organ tomonidan ommaviy axborot vositalari va Internet jahon axborot tarmogʻi orqali eʼlon qilinadi.
7. Nomzodlarni koʻrib chiqish va tanlab olish quyidagi ikki bosqichda amalga oshiriladi:
birinchi bosqichda — soʻnggi ikki yilda inson huquqlarini himoya qilish, taʼlim, ilm-fan, madaniyat, ekologiya, tibbiyot, aholining ijtimoiy himoyaga muhtoj qatlamlarini qoʻllab-quvvatlash, aholini ish bilan taʼminlashga koʻmaklashish, homiylik, xayriya, metsenatlik, tarixiy-madaniy merosni muhofaza qilish va shu kabi ijtimoiy ahamiyatga ega boʻlgan boshqa muhim yoʻnalishlarda erishgan yutuqlaridan kelib chiqqan holda nomzodlarni koʻrib chiqish va tanlab olish Tashkiliy qoʻmita tomonidan amalga oshiriladi;
ikkinchi bosqichda — Tashkiliy qoʻmita xulosasiga muvofiq faoliyati eng yuqori baholangan nomzodlar jamoatchilik tanlovidan oʻtkaziladi.
8. Milliy mukofot bilan taqdirlash ushbu Nizomning ilovasida keltirilgan sxemaga muvofiq amalga oshiriladi.
2-bob. Milliy mukofot bilan taqdirlash uchun nomzodlarni tanlab olish mezonlari
Oldingi tahrirga qarang.
9. Milliy mukofot bilan taqdirlash uchun tavsiya etilayotgan nomzodlar quyidagi mezonlar asosida tanlab olinadi:
insonning huquqlari, erkinliklari va qonuniy manfaatlarini himoya qilishga, fuqarolik jamiyatini rivojlantirishga, adolat va qonun ustuvorligini taʼminlashga hissa qoʻshganligi;
yoshlarni qoʻllab-quvvatlash, ularning ijtimoiy faolligini oshirish, taʼlim, bandlik, tadbirkorlik va maʼnaviy-maʼrifiy tarbiya borasida fidokorona faoliyat koʻrsatganligi;
atrof-muhitni muhofaza qilish, tabiat resurslaridan oqilona foydalanish, aholida ekologik madaniyatni oshirish borasida, xususan chiqindilarni qayta ishlash, suv va havo tozaligi, daraxt ekish aksiyalari, “yashil iqtisodiyot”, qayta tiklanuvchi energiya manbalari yoki ekologik toza mahsulotlar ishlab chiqarish borasida ilmiy-amaliy ishlar qilganligi, innovatsion yechimlar va texnologiyalar yaratganligi;
aholining ehtiyojmand qatlamlarini, shu jumladan nogironligi boʻlgan shaxslarni, yetim va kam taʼminlangan bolalarni, keksalarni hamda ijtimoiy himoyaga muhtoj boʻlgan boshqa shaxslarni qoʻllab-quvvatlash va ularning hayot sifatini oshirish borasida fidokorona mehnat qilayotganligi, shu bilan birga xayriya ishlarini, volontyorlik faoliyatini amalga oshirganligi yoki saxovat koʻrsatganligi;
jamiyatda xotin-qizlarning ijtimoiy hayotdagi faolligini, oʻrni va nufuzini oshirish, oila va jamiyat barqarorligini mustahkamlash borasida mahalla, tuman (shahar), viloyat yoki respublika miqyosida yuksak hissa qoʻshib kelayotganligi.
(9-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qarori tahririda)
3-bob. Milliy mukofotga nomzodlarning hujjatlarini qabul qilish va koʻrib chiqish tartibi
Oldingi tahrirga qarang.
10. Fuqarolik jamiyati institutlari va faol jamoatchilik vakillari hamda tashabbuskor fuqarolar (nomzodlar) oʻzlari, qonuniy vakillari yoki faoliyat yuritayotgan tashkiloti orqali Milliy mukofot bilan taqdirlanadigan yilning 1-oktabriga qadar arizalarni belgilangan tartibda ishchi organga quyidagi hujjatlarni ilova qilgan holda ngo.gov.uz elektron tizimi orqali taqdim etadi:
(10-bandning birinchi xatboshisi Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qarori tahririda)
nomzodning maʼlumotnoma-obyektivkasini (anketani);
nomzodning maʼlumoti toʻgʻrisidagi hujjatning (shahodatnomaning, diplomning) nusxasini (mavjud boʻlgan taqdirda);
nomzodga berilgan ijodiy tavsifnomani (tasdiqlangan shaklda);
nomzodning ish, oʻqish joyidan yoki harbiy xizmatni oʻtash joyidan yoxud nomzod yashab turgan fuqarolarning oʻzini oʻzi boshqarish organi tomonidan nomzodga berilgan, tasdiqlangan tavsifnomani;
nomzod tomonidan amalga oshirilgan sotsial va ijtimoiy ahamiyatga molik loyihalar (mavjud boʻlgan taqdirda);
nomzod haqida ommaviy axborot vositalari orqali tarqatilgan xabar yoki materiallarni, mamlakatimizda va xorijda chop etilgan maqolalar havolasini (mavjud boʻlgan taqdirda);
nomzodning faoliyati va erishgan yutuqlarini aks ettiruvchi hujjatlarni (sertifikat, faxriy yorliq, diplom nusxasi va shu kabi boshqa hujjatlarni);
yuridik shaxslar va yakka tartibdagi tadbirkorlarga berilgan homiylik xayriyalari toʻgʻrisidagi axborotning ommaviy axborot vositalarida eʼlon qilinganligi toʻgʻrisidagi hujjatni yoki bunday axborotni homiylik xayriyalarini olgan yuridik shaxslar va yakka tartibdagi tadbirkorlarning veb-saytlarida (mavjud boʻlgan taqdirda) eʼlon qilinganligi toʻgʻrisidagi maʼlumotni (ilovani), homiylik xayriyalarining bank operatsiyasi orqali oʻtkazilganligini tasdiqlovchi hujjatni;
metsenat va metsenatlik koʻmagini oluvchi oʻrtasida tuziladigan metsenatlik koʻmagini berish toʻgʻrisidagi shartnoma nusxasini va metsenatlik koʻmagi koʻrsatilganligini tasdiqlovchi hujjatni.
Belgilangan muddatni kechiktirgan holda taqdim etilgan hujjatlar qabul qilinmaydi.
11. Taqdim etilgan hujjatlarning ushbu Nizomning 10-bandiga muvofiqligi ishchi organ tomonidan 1 — 20-oktabr kunlari davomida oʻrganilib, koʻrib chiqish va tegishli qaror qabul qilish uchun Tashkiliy qoʻmitaga taqdim etiladi.
12. Tashkiliy qoʻmita 20 — 30-oktabr kunlari davomida har bir nominatsiya boʻyicha eng yuqori natijalarga erishgan 3 nafardan nomzodni saralaydi.
13. Nominatsiyalar boʻyicha taqdim etilgan nomzodlarning faoliyati samaradorligi mazkur Nizomning 9-bandida koʻrsatilgan mezonlarga mos kelmagan taqdirda, Tashkiliy qoʻmita mazkur nominatsiyalarga gʻoliblar aniqlanmasligi yuzasidan xulosa qabul qilishi mumkin.
14. Tashkiliy qoʻmitaning tegishli qarori bilan Milliy mukofotga munosib deb topilgan uch nafar nomzod toʻgʻrisidagi maʼlumotlar keng jamoatchilik tomonidan ularga ovoz berilishi uchun ommaviy axborot vositalari va Internet jahon axborot tarmogʻida eʼlon qilinadi.
15. Ovoz berish jarayoni Internet jahon axborot tarmogʻi orqali 1 — 20-noyabr kunlari davomida oʻtkaziladi.
Oldingi tahrirga qarang.
16. Ovoz berish natijalariga koʻra har bir nominatsiya boʻyicha uch nafar nomzod ichidan eng koʻp ovoz toʻplagan nomzod Milliy mukofot sovrindoriga aylanadi.
(16-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qarori tahririda)
Oldingi tahrirga qarang.
(17-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qaroriga asosan oʻz kuchini yoʻqotgan)
Oldingi tahrirga qarang.
(18-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qaroriga asosan oʻz kuchini yoʻqotgan)
Oldingi tahrirga qarang.
(19-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qaroriga asosan oʻz kuchini yoʻqotgan)
Oldingi tahrirga qarang.
20. Milliy mukofot sovrindorlari Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasining tegishli qarori asosida taqdirlanadi hamda ularga mazkur jamoat fondi mablagʻlari, homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan bazaviy hisoblash miqdorining 50 baravari miqdorida bir martalik pul mukofoti, Milliy mukofot maxsus statuetkasi va sertifikati topshiriladi.
(20-band Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qarori tahririda)
4-bob. Taqdirlash marosimini tashkil etish va oʻtkazish
21. Milliy mukofotning joriy gʻoliblarini taqdirlash marosimi dekabr oyining birinchi haftasida “Fuqarolik jamiyati haftaligi” doirasida Toshkent shahrida oʻtkaziladi.
22. Milliy mukofot bilan taqdirlanadigan fuqarolik jamiyati institutlari va faol jamoatchilik vakillari hamda tashabbuskor fuqarolar roʻyxati respublika ommaviy axborot vositalarida eʼlon qilinadi.
5-bob. Yakunlovchi qoida
23. Ushbu Nizom talablarining buzilishi bilan bogʻliq nizolar qonunchilikda belgilangan tartibda hal etiladi.
“Fuqarolik tashabbusi” milliy mukofoti toʻgʻrisidagi nizomga
ILOVA
ILOVA
“Fuqarolik tashabbusi” milliy mukofoti bilan taqdirlash
SXEMASI
Oldingi tahrirga qarang.
Bosqichlar | Subyektlar | Tadbirlar | Muddatlar | |||
1-bosqich | Ishchi organ | Nominatsiyalarni ommaviy axborot vositalari va Internet jahon axborot tarmogʻida eʼlon qiladi | Milliy mukofot taqdim etiladigan yilning 1-iyuliga qadar | |||
2-bosqich | Fuqarolik jamiyati institutlari va boshqa tashkilotlar yoki nomzodlar | Ariza va hujjatlarni ishchi organga taqdim etadi | Milliy mukofot taqdim etiladigan yilning 1-oktabriga qadar | |||
3-bosqich | Ishchi organ | Taqdim etilgan nomzodlar hujjatlarini oʻrganadi hamda tegishli qaror qabul qilish uchun Tashkiliy qoʻmitaga taqdim etadi | Milliy mukofot taqdim etiladigan yilning 1 — 20-oktabr kunlari davomida | |||
4-bosqich | Tashkiliy qoʻmita | Taqdim etilgan nomzodlarni saralaydi | Milliy mukofot taqdim etiladigan yilning 20 — 30-oktabr kunlari davomida | |||
5-bosqich | Tashkiliy qoʻmita, keng jamoatchilik | Har bir nominatsiya boʻyicha eng yuqori natijalarga erishgan 3 nafar nomzod roʻyxatini Internet jahon axborot tarmogʻida eʼlon qiladi hamda keng jamoatchilik tomonidan ovoz beriladi | Milliy mukofot taqdim etiladigan yilning 1 — 20-noyabr kunlari davomida | |||
6-bosqich | Ishchi organ | Sovrindorlar Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasining tegishli qarori asosida taqdirlanadi. | Milliy mukofot taqdim etiladigan yil dekabr oyining birinchi haftasida |
(ilova Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 17-noyabrda qabul qilingan 1439-V/KQ-266-V-sonli Qoʻshma qarori tahririda)
Oldingi tahrirga qarang.
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
9-ILOVA
9-ILOVA
“Fuqarolik tashabbusi” milliy mukofotiga taqdim etilgan nomzodlarni koʻrib chiqish boʻyicha tashkiliy qoʻmita
TARKIBI
1. | Safoyev Sodiq Solixovich | — | Oʻzbekiston Respublikasi Oliy Majlisi Senati Raisining birinchi oʻrinbosari, Tashkiliy qoʻmita hamraisi |
2. | Xodjayeva Mavludaxon Islamovna | — | Oʻzbekiston Respublikasi Oliy Majlisi Qonunchilik palatasi Spikerining oʻrinbosari, Tashkiliy qoʻmita hamraisi |
3. | Eshmuratov Abdulxakim Xushbokovich | — | Oʻzbekiston Respublikasi Oliy Majlisi Senatining Sud-huquq masalalari va korrupsiyaga qarshi kurashish qoʻmitasi raisi |
4. | Abdullayev Baxrom Ismoilovich | — | Oʻzbekiston Respublikasi Oliy Majlisi Senatining Fan, taʼlim va sogʻliqni saqlash masalalari qoʻmitasi raisi |
5. | Kozixonova Orzigul Moʻydinovna | — | Oʻzbekiston Respublikasi Oliy Majlisi Senatining Yoshlar, xotin-qizlar, madaniyat va sport masalalari qoʻmitasi raisi |
6. | Agzamova Gulrux Anvarovna | — | Oʻzbekiston Respublikasi Oliy Majlisi Qonunchilik palatasining Demokratik institutlar va fuqarolik jamiyatini rivojlantirish masalalari qoʻmitasi raisi |
7. | Muxtorova Nazira Abdusattarovna | — | Oʻzbekiston Respublikasi Oliy Majlisi Qonunchilik palatasining Mehnat, sogʻliqni saqlash va ijtimoiy masalalar qoʻmitasi raisi |
8. | Gapporov Xayrillo Lutpillayevich | — | Oʻzbekiston Respublikasi Oliy Majlisi Qonunchilik palatasining Ekologiya va atrof-muhitni muhofaza qilish masalalari qoʻmitasi raisi |
9. | Tashkulov Akbar Joʻraboyevich | — | Oʻzbekiston Respublikasi Adliya vaziri |
10. | Tillaboyev Mirzatillo Alisherovich | — | Inson huquqlari boʻyicha Oʻzbekiston Respublikasi Milliy markazi direktorining birinchi oʻrinbosari |
11. | Xodjayev Asadjon Azatbekovich | — | Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori |
12. | Rafiqov Qudratilla Mirsagatovich | — | Oʻzbekiston Kasaba uyushmalari Federatsiyasi raisi |
13. | Ishanxodjayev Kamoliddin Nuriddinovich | — | Oʻzbekiston nodavlat notijorat tashkilotlari milliy assotsiatsiyasi raisi |
14. | Kuranbayev Kaxramon Kuchkarovich | — | Oʻzbekiston mahallalari uyushmasi raisi |
15. | Xusanov Otabek Nishonovich | — | Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi direktori, Tashkiliy qoʻmita masʼul kotibi |
Izoh: Tashkiliy qoʻmita aʼzolari boshqa ishga oʻtgan taqdirda, ularning oʻrniga ushbu lavozimga yangi saylangan (tayinlangan) yoki zimmasiga tegishli vazifalarni bajarish yuklatilgan shaxslar kiritiladi.
(9-ilova Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2025-yil 16-iyundagi 968-V/KQ-199-V-sonli Qoʻshma qarori tahririda)
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2024-yil 28-oktabrdagi 5005-IV/KQ-842-IV-sonli Qoʻshma qaroriga
10-ILOVA
10-ILOVA
Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining oʻz kuchini yoʻqotgan deb topilayotgan qoʻshma qarorlari
1. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2008-yil 3-iyuldagi “Nodavlat notijorat tashkilotlarini, fuqarolik jamiyatining boshqa institutlarini qoʻllab-quvvatlashni kuchaytirish chora-tadbirlari toʻgʻrisida”gi 842-I/513-I-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2008-yil, № 7, 409-modda).
2. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2008-yil 10-iyuldagi “Nodavlat notijorat tashkilotlarini, fuqarolik jamiyatining boshqa institutlarini qoʻllab-quvvatlashni kuchaytirish chora-tadbirlari toʻgʻrisida”gi 843-I/515-I-sonli Qoʻshma qarori 1-bandining ikkinchi va uchinchi xatboshilari, 2-bandi (Oʻzbekiston Respublikasi Oliy Majlisi palatalarining Axborotnomasi, 2008-yil, № 7, 410-modda).
3. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2008-yil 30-sentabrdagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi toʻgʻrisidagi nizomga qoʻshimcha kiritish haqida”gi 873-I/552-I-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2008-yil, № 9, 529-modda).
4. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2014-yil 28-fevraldagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi toʻgʻrisidagi nizomga hamda Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasi toʻgʻrisidagi nizomga oʻzgartish va qoʻshimchalar kiritish haqida”gi 855-II/113-II-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2014-yil, № 3, 84-modda).
5. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2015-yil 13-maydagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi toʻgʻrisidagi nizomga hamda Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasi toʻgʻrisidagi nizomga oʻzgartish va qoʻshimchalar kiritish haqida”gi 132-III/KQ-15-III-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2015-yil, № 5, 219-modda).
6. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2016-yil 2-maydagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi toʻgʻrisidagi nizomga hamda Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasi toʻgʻrisidagi nizomga qoʻshimchalar kiritish haqida”gi 442-III/KQ-87-III-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2016-yil, № 5, 150-modda).
7. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2018-yil 5-apreldagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi toʻgʻrisidagi nizomga oʻzgartish kiritish haqida”gi 1605-III/KQ-330-III-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 259-modda).
8. Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2019-yil 6-maydagi “Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi toʻgʻrisida”gi Nizomga oʻzgartish kiritish haqida”gi 2493-III/KQ-537-III-sonli Qoʻshma qarori (Oʻzbekiston Respublikasi Oliy Majlisi palatalarining Axborotnomasi, 2019-yil, № 5, 326-modda).
