Oʻzbekiston Respublikasi Prezidentining
qarori
Oʻzbekiston Respublikasi milliy malaka tizimini yanada takomillashtirish chora-tadbirlari toʻgʻrisida
Milliy malaka tizimini rivojlantirish, mehnat bozori va taʼlimning oʻzaro integratsiyasini taʼminlash, malakaga boʻlgan talablarni huquqiy va institutsional jihatdan tartibga solish hamda barcha uchun hayoti davomida taʼlim olish va mehnat faoliyatini izchil davom ettirish imkoniyatlarini kengaytirish maqsadida:
1. Quyidagilar Milliy malaka tizimini isloh qilishning asosiy yoʻnalishlari etib belgilansin:
Milliy malaka tizimining normativ-huquqiy, institutsional va uslubiy asoslarini takomillashtirish;
xalqaro standartlar asosida Mashgʻulotlar, kasb va lavozimlar milliy klassifikatorini ishlab chiqish va rivojlantirish;
malaka ramkalari, kasbiy standartlar va malaka talablarini ish beruvchilar talablari asosida ishlab chiqish, joriy qilish va rivojlantirish;
yangi avlod kasbiy standartlar asosida mehnat munosabatlarini tartibga solish, oliy va professional taʼlim dasturlarini takomillashtirish hamda kadrlar tayyorlash tizimini sifat jihatidan yangi bosqichga olib chiqish;
malakalarning xalqaro miqyosda tan olinishini, milliy malaka darajalarining ilgʻor xorijiy davlatlar malaka darajalari bilan integratsiya qilinishini taʼminlash;
norasmiy va informal orttirilgan koʻnikma va malakalarni tan olish (“Recognition of Prior Learning”) tizimini joriy qilish;
koʻnikmalarni prognozlashtirish (“skills anticipation”), koʻnikmalarga boʻlgan ehtiyojlarni tahlil qilish (“skills needs analysis”), koʻnikmalar bilan bogʻliq kamchiliklarni oʻrganish (“skills gap analysis”) vositalari va metodologiyalarini ishlab chiqish va joriy etish;
Milliy malaka tizimini toʻlaqonli yoʻlga qoʻyish boʻyicha strategik rejalar ishlab chiqish hamda xususiy sektor ishtirokini kengaytirish;
Milliy malaka tizimini rivojlantirish jarayonlarini monitoring qilish, jamoatchilik fikrini oʻrganish va axborot almashinuvini samarali yoʻlga qoʻyish.
2. Quyidagilar:
Oʻzbekiston Respublikasining milliy malakalar ramkasi 1-ilovaga muvofiq;
Kasbiy malakalarni rivojlantirish boʻyicha respublika kengashi (keyingi oʻrinlarda — Respublika kengashi) tarkibi 2-ilovaga muvofiq;
Kasbiy malakalarni rivojlantirish boʻyicha respublika kengashining asosiy vazifalari 3-ilovaga muvofiq;
Kasbiy malakalarni rivojlantirish boʻyicha tarmoq kengashlari (keyingi oʻrinlarda — tarmoq kengashlari) faoliyatini tashkil etish uchun masʼul vazirlik va idoralar roʻyxati 4-ilovaga muvofiq;
Kasbiy malakalarni rivojlantirish boʻyicha tarmoq kengashlarining asosiy vazifalari 5-ilovaga muvofiq;
2025-2026-yillarda kasbiy standartlarni ishlab chiqish reja-jadvali 6-ilovaga muvofiq;
Oʻzbekiston Respublikasida Milliy malaka tizimini tubdan modernizatsiya qilish hamda ushbu sohada ilgʻor xorijiy tajribani joriy etish boʻyicha “yoʻl xaritasi” 7-ilovaga muvofiq tasdiqlansin.
3. Kambagʻallikni qisqartirish va bandlik vazirligi hamda “Taʼlim sohasidagi loyihalar markazi” loyiha ofisining (keyingi oʻrinlarda — Loyiha ofisi):
Kambagʻallikni qisqartirish va bandlik vazirligi huzuridagi Mehnat bozori tadqiqotlari institutining 40 ta shtat birligini qisqartirish hisobiga Loyiha ofisi huzuridagi Milliy malaka tizimini rivojlantirish institutini (keyingi oʻrinlarda — Institut) tashkil etish;
Mehnat bozori tadqiqotlari instituti moddiy-texnika bazasi, bino va inshootlari hamda avtotransport vositalarining qisqartirilayotgan shtat birliklariga mutanosib qismini Institutga berish toʻgʻrisidagi takliflari maʼqullansin.
4. Belgilansinki:
Institut yuridik shaxs maqomiga ega davlat muassasasi hisoblanadi;
Institut faoliyatini moliyalashtirish 2024-yilda Bandlikka koʻmaklashish jamgʻarmasidan ajratiladigan maqsadli ajratmalar hisobidan, 2025-yildan boshlab esa Bandlikka koʻmaklashish jamgʻarmasiga tegishli miqdordagi budjetdan ajratmalarni qisqartirish orqali Davlat budjeti parametrlarida nazarda tutiladigan mablagʻlar hisobidan amalga oshiriladi;
Oldingi tahrirga qarang.
Toshkent shahri Olmazor tumani Talabalar shaharchasi 5/1-uy manzilida joylashgan bino va inshootlar tegishli hududi bilan birga operativ boshqaruv huquqi asosida Institutga oʻtkaziladi.
(4-bandning toʻrtinchi xatboshisi Oʻzbekiston Respublikasi Prezidentining 2025-yil 23-oktabrdagi PF-190-sonli Farmoni tahririda — Qonunchilik maʼlumotlari milliy bazasi, 28.10.2025-y., 06/25/190/0985-son)
5. Quyidagilar:
Milliy malaka tizimini rivojlantirish institutining faoliyatini tashkil etish tartibi 8-ilovaga muvofiq;
Milliy malaka tizimini rivojlantirish instituti faoliyatining 2025-2026-yillar uchun asosiy maqsadli koʻrsatkichlari 9-ilovaga muvofiq tasdiqlansin.
Oldingi tahrirga qarang.
6. Taʼlim sifatini taʼminlash milliy agentligi (B. Yuldashev) manfaatdor vazirlik va idoralar bilan birgalikda:
(6-bandning birinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
a) 2025-yil 1-fevralga qadar Institutda Milliy malaka tizimini rivojlantirish boʻyicha malaka oshirish kurslarini yoʻlga qoʻysin;
b) 2025-yil 1-sentabrga qadar:
mehnat bozori va taʼlim integratsiyasini taʼminlash maqsadida koʻnikmalarga boʻlgan ehtiyoj boʻyicha tahliliy maʼlumotlar va takliflar tayyorlasin;
kasbiy standartlar asosida natijaga yoʻnaltirilgan taʼlim dasturlarini ishlab chiqish boʻyicha uslubiy qoʻllanmalar ishlab chiqsin;
malakalarni baholash markazlarini uslubiy qoʻllab-quvvatlash maqsadida asosiy baholash mezonlarini ishlab chiqsin;
v) 2025-yil 1-noyabrga qadar, shu jumladan, quyidagi imkoniyatlarni taqdim etuvchi Milliy malaka tizimining yagona raqamli platformasi ishlab chiqilishini va amaliyotga kiritilishini taʼminlasin:
tarmoq kengashlari, milliy va tarmoq malaka ramkalari, Mashgʻulotlarning milliy klassifikatori, tasdiqlangan kasbiy standartlar, ekspertizadan oʻtkazilgan va amalga kiritilgan taʼlim dasturlari reyestri, malakalarni baholash markazlari toʻgʻrisidagi maʼlumotlar, Milliy malaka tizimini rivojlantirish boʻyicha normativ-huquqiy hujjatlar va uslubiy qoʻllanmalar bilan erkin tanishish va ulardan foydalanish;
kasbiy standartlar loyihalarini ishlab chiqish, muhokamadan oʻtkazish va manfaatdor tomonlar bilan kelishish;
talabgorlar tomonidan malakani baholash va tan olish uchun ariza berish, imtihon natijalari toʻgʻrisida maʼlumot olish hamda malakalarni baholash markazlari qarori ustidan apellyatsiya berish;
kasbiy malakani baholash va tan olish toʻgʻrisida berilgan yoki bekor qilingan hujjatlar toʻgʻrisidagi maʼlumotlar bilan erkin tanishish;
g) 2026-yil 1-dekabrga qadar ilgʻor xorijiy tajriba asosida 1 800 ta kasbni qamrab oluvchi kasbiy standartlar ishlab chiqilishini va amaliyotga kiritilishini taʼminlasin.
7. Belgilansinki:
tarmoq kengashlarining ishchi organi inson resurslarini rivojlantirish va boshqarish boʻlinmalari, yirik tarmoq korxonalari, sohaga oid ilmiy-tadqiqot va taʼlim tashkilotlari boʻlishi mumkin;
ishchi organ tarmoq kengashlari bilan kelishilgan holda ishlab chiqilayotgan kasbiy standartlar va boshqa hujjatlarning xususiyatlarini inobatga olib, ekspertlar ishchi guruhlarini tashkil etishga haqli;
tarmoq kengashlarining faoliyatini tashkil etish uchun masʼul boʻlgan vazirlik va idoralar ekspertlar ishchi guruhlarining ishlariga jalb etiladigan xodim va ekspertlarga oʻz mablagʻlari hisobidan mukofot puli toʻlashi mumkin.
8. Tarmoq kengashlari faoliyatini tashkil etish uchun masʼul boʻlgan vazirlik va idoralar ikki hafta muddatda oʻzlarining markaziy apparati tuzilmasida umumiy shtat birliklari doirasida ushbu qarorga 4-ilovaga muvofiq kasbiy malakalarni rivojlantirish boʻyicha alohida bosh mutaxassis (keyingi oʻrinlarda — masʼul mutaxassis) lavozimini kiritsin.
Masʼul mutaxassis zimmasiga quyidagi vazifalar yuklansin:
tarmoq kengashi kotibi vazifasini bajarish, uning ish rejasini shakllantirish va amalga oshirish masalalari boʻyicha materiallar va takliflarni umumlashtirish;
tarmoq kengashi vakolatiga kiradigan masalalar yuzasidan materiallar va hujjatlarning ekspertiza uchun taqdim etilishini taʼminlash;
tarmoq kengashi aʼzolari bilan hamkorlikda tarmoq malaka ramkalari va kasbiy standartlarni ishlab chiqish boʻyicha kichik ishchi guruhlarni tashkil etish;
ekspertlar, manfaatdor taʼlim tashkilotlari va ilmiy muassasalar bilan oʻzaro hamkorlik qilish;
tarmoq kengashlariga biriktirilgan masʼul xodimlar va ekspertlar faoliyatini muvofiqlashtirish.
Belgilansinki, masʼul mutaxassislar uchun ajratilgan shtat birliklarini qisqartirish Respublika kengashi bilan kelishilgan holda amalga oshiriladi.
9. Respublika kengashi (A. Aripov):
bir oy muddatda tarkibining kamida 50 foizi ish beruvchilarning vakillaridan iborat boʻladigan tarmoq kengashlari tarkiblari tasdiqlanishini;
ikki oy muddatda tarmoq kengashlariga sohaviy taalluqliligi boʻyicha yirik ish beruvchi tashkilotlar, xoʻjalik birlashmalari hamda tayanch taʼlim muassasalarining biriktirilishini;
2024-yil yakuniga qadar ilgʻor xorijiy tajriba asosida tarmoq malaka ramkalari ishlab chiqilishi va amaliyotga kiritilishini;
2025-yil yakuniga qadar barcha tarmoqlar kesimida ehtiyoji eng yuqori boʻlgan kasbiy faoliyat sohalari (turlari) boʻyicha kasbiy standartlar ishlab chiqilishini taʼminlasin.
10. Oʻzbekiston texnik jihatdan tartibga solish agentligi (A. Jumanazarov) Kambagʻallikni qisqartirish va bandlik vazirligi (B. Zaxidov), Oliy taʼlim, fan va innovatsiyalar vazirligi (K. Sharipov), Loyiha ofisi (A. Xudaykulov), boshqa manfaatdor vazirlik va idoralar bilan birgalikda:
2024-yil 1-dekabrga qadar xalqaro tajriba va standartlar asosida Xizmatchilarning asosiy lavozimlari va ishchilar kasblari klassifikatorining qayta koʻrib chiqilishini va oʻrnatilgan tartibda tasdiqlanishini;
2025-yil 1-avgustga qadar Mashgʻulotlarning xalqaro standart klassifikatori (MXSK-2008)dan kelib chiqib Mashgʻulotlarning milliy klassifikatori ishlab chiqilishi va belgilangan tartibda tasdiqlanishini taʼminlasin.
Belgilansinki, ushbu klassifikatorlar tarmoq kengashlari takliflari hamda mehnat bozori tahlili asosida Kambagʻallikni qisqartirish va bandlik vazirligi tomonidan yangilab boriladi.
11. Oliy taʼlim, fan va innovatsiyalar vazirligi (K. Sharipov), Iqtisodiyot va moliya vazirligi (O. Fozilkarimov) ikki oy muddatda Mashgʻulotlarning milliy klassifikatorini ishlab chiqish hamda Milliy malaka tizimining yagona raqamli platformasini yaratish uchun davlat ilmiy dasturlari doirasida grantlar ajratish choralarini koʻrsin.
12. Oʻzbekiston Milliy teleradiokompaniyasi (A. Djurabayev) Oʻzbekiston Milliy axborot agentligi (A. Koʻchimov) bilan birgalikda ommaviy axborot vositalari orqali mazkur qaror amalga oshirilishi toʻgʻrisida aniq koʻrsatkichlar va natijalarni ifodalagan holda, axborot-tahliliy sharhlarni tizimli ravishda tayyorlash va eʼlon qilish choralarini koʻrsin.
13. Oʻzbekiston Respublikasi Prezidentining 2020-yil 31-dekabrdagi “Malakalarni baholash tizimini tubdan takomillashtirish va mehnat bozorini malakali kadrlar bilan taʼminlash chora-tadbirlari toʻgʻrisida”gi PQ-4939-son qarori oʻz kuchini yoʻqotgan deb hisoblansin.
14. Kambagʻallikni qisqartirish va bandlik vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
Oldingi tahrirga qarang.
15. Mazkur qarorning ijrosini samarali tashkil qilishga masʼul va shaxsiy javobgar etib Taʼlim sifatini taʼminlash milliy agentligi direktori B.Gʻ. Yuldashev, oliy taʼlim, fan va innovatsiyalar vaziri K.A. Sharipov hamda kambagʻallikni qisqartirish va bandlik vaziri B.E. Zaxidov belgilansin.
(15-bandning birinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 30-sentabr,
PQ-345-son
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
1-ILOVA
Oʻzbekiston Respublikasining milliy malakalar ramkasi
1-bob. Umumiy qoidalar
1. Oʻzbekiston Respublikasining milliy malakalar ramkasi (keyingi oʻrinda — Milliy malakalar ramkasi) mehnat bozori va taʼlim tizimini bogʻlovchi vosita boʻlib, malaka darajalarining umumlashtirilgan tavsifi va ularga Oʻzbekiston Respublikasi hududida erishishning asosiy yoʻllarini belgilaydi.
2. Milliy malakalar ramkasi Oʻzbekiston Respublikasi milliy malaka tizimining tarkibiy qismi boʻlib, oʻqitish natijalarini milliy baholash tizimini ishlab chiqish uchun asos hisoblanadi.
3. Milliy malakalar ramkasi tarmoq malaka ramkalarini, kasbiy standartlar va taʼlim dasturlarini hamda milliy va xalqaro darajadagi taʼlimning barcha darajalari uchun malakalarga erishish va tan olish mexanizmlarini ishlab chiqish uchun asos boʻlib xizmat qiladi.
2-bob. Milliy malakalar ramkasining mazmuni
4. Milliy malakalar ramkasini joriy qilish quyidagilar uchun imkon yaratadi:
kasbiy standartlar va taʼlim dasturlarini yagona uslubiy asosda ishlab chiqish;
oʻqitish natijalari, malaka va kompetensiyalarga qoʻyiladigan talablarni yagona nuqtai nazardan tavsiflash;
ishga qabul qilish, xodimlarni tashkilot ichida va tashkilotlararo vertikal va gorizontal harakatlantirish jarayonida malaka talablarini belgilash;
baholash vositalarini va taʼlimning barcha bosqichlaridagi bitiruvchilar malakasini aniqlash tartibini ishlab chiqish;
mehnat bozori va taʼlim tizimini rivojlantirishning umumiy strategiyasini shakllantirish, shu jumladan, muayyan malaka olishga, malaka darajasini oshirishga va martaba oʻsishiga olib keladigan turli taʼlim trayektoriyalarini rejalashtirish.
5. Milliy malakalar ramkasi Yevropa malakalar ramkasiga va Oʻzbekiston Respublikasining “Taʼlim toʻgʻrisida”gi Qonuniga muvofiq boʻlgan sakkizta malaka darajasini, shuningdek, mos malakalar darajalariga erishishning asosiy yoʻllarini oʻz ichiga oladi.
6. Milliy malakalar ramkasi jadval koʻrinishida shakllantirilgan boʻlib, unda har bir malaka darajasi boʻyicha kasb faoliyatini amalga oshirish uchun talab qilinadigan bilimlar, mahorat va koʻnikma, masʼuliyat va mustaqillik, shuningdek, tegishli malaka darajasiga erishish yoʻllari belgilanadi, ularning batafsil tafsilotlari esa tarmoq malaka ramkalari va kasbiy standartlarda aks ettiriladi.
7. Milliy malakalar ramkasi quyidagi prinsiplarni hisobga olgan holda qoʻllanadi:
keng qamrovlilik — taʼlimning barcha turlarini, shu jumladan, norasmiy va informal oʻqitish jarayonlarini qamrab olishi va zamonaviy malaka turlarini aks ettirishi;
shaffoflik va taqqoslanuvchanlik — xalqaro taqqoslash uchun qoʻllanma vazifasini bajarishi;
oddiydan murakkabga — quyi bosqichdan yuqori darajaga oʻtishda oʻqitish natijalarining ortishi va murakkabligini aks ettirishi;
moslashuvchanlik — mehnat bozorida paydo boʻladigan malakalarning yangi turlarini ishlab chiqish va malaka ramkasiga oson integratsiya qilish imkonini berishi.
8. Milliy malakalar ramkasidagi koʻrsatkichlar quyidagicha tavsiflanadi:
a) “bilimlar” koʻrsatkichi kasbiy faoliyatda foydalaniladigan bilimlarga qoʻyiladigan talablarni belgilaydi hamda quyidagilar bilan ifodalanadi:
foydalanilayotgan axborotning hajmi va murakkabligi;
qoʻllanayotgan bilimlarning innovatsiyaviyligi;
nazariy va amaliy bilimlar nisbati;
b) “koʻnikma (mahorat)” koʻrsatkichi koʻnikmalarga qoʻyiladigan talablarni belgilaydi hamda quyidagilar bilan ifodalanadi:
kasbiy vazifalarni hal qilish yoʻllarining xilma-xilligi (variativligi);
kasbiy vazifalarni hal qilish yoʻllarini tanlash yoki ishlab chiqish zarurati;
v) “masʼuliyat va mustaqillik” koʻrsatkichi xodimning umumiy kompetensiyasini belgilaydi hamda quyidagilar bilan ifodalanadi:
rahbarlik ostidagi faoliyat;
mustaqil ijro intizomi;
rahbarlik faoliyati;
faoliyat koʻlami — vakolat va masʼuliyatning kengligi, javobgarlik, kasbiy faoliyatdagi ehtimoliy xatoning oqibatlari;
g) “malaka darajasiga erishish yoʻllari” koʻrsatkichi kasbga oʻqitish, taʼlim va amaliy ish tajriba bilan bogʻliq holda tegishli malaka darajasiga erishish yoʻllarining moslashuvchanligi va xilma-xilligini taʼminlovchi sifatida ifodalanadi.
9. Milliy malakalar ramkasi asosida kasbiy malakalarni rivojlantirish boʻyicha tarmoq kengashlari ish beruvchilar birlashmalari bilan hamkorlikda tarmoq malaka ramkalarini hamda kasbiy standartlarni ishlab chiqadi.
3-bob. Milliy malakalar ramkasining tuzilishi

Malaka darajasi

Bilim

Koʻnikma (mahorat)

Masʼuliyat va mustaqillik

Malaka darajasiga erishish yoʻllari

1.

Oʻquv yoki kasbiy faoliyat sohasi boʻyicha elementar va boshlangʻich umumiy bilimlar

Belgilangan qoidalarga muvofiq standart va oddiy vazifalarni bajarish uchun zarur boʻlgan koʻnikmalar

Oʻz harakatlari va ish natijalari uchun javobgarlik;

Oʻzganing bevosita nazorati va kuzatuvi ostida ishlash

boshlangʻich taʼlim

+

ish joyida qisqa muddatli oʻqitish (instruktaj)

yoki

qisqa muddatli kurslar

yoki

amaliy tajriba

2.

Oʻquv yoki kasbiy faoliyat sohasi boʻyicha umumiy amaliy bilimlar

Standart vazifalarni oddiy qoidalar va instrumentlar yordamida bajarish va yoʻriqnoma boʻyicha harakat qilish uchun zarur boʻlgan amaliy va kognitiv koʻnikmalar

Oʻz harakatlari va ish natijalari uchun javobgarlik;

Nazorat ostida standart va oddiy vazifalarni bajarish

1) umumiy oʻrta taʼlim

2) tayanch oʻrta taʼlim

+

ish joyida qisqa muddatli oʻqitish (instruktaj)

yoki

qisqa muddatli kurslar

yoki

amaliy tajriba

3.

Oʻquv yoki kasbiy faoliyat sohasi boʻyicha umumiy amaliy va kasbiy bilimlar

Belgilangan vazifalarni bajarish va muammolarni hal qilish uchun asosiy usullar, vositalar, materiallar va maʼlumotlarni saralash va foydalanish uchun zarur boʻlgan amaliy va kognitiv koʻnikmalar

Oʻz harakatlari, ish natijalari va boshqalarning harakatlari uchun javobgarlik;

Muammolarni hal qilishda zaruratdan kelib chiqib mustaqil qaror qabul qilish

1) boshlangʻich professional taʼlim

2) oʻrta maxsus taʼlim

3) umumiy oʻrta taʼlim

+

norasmiy (informal) taʼlim

yoki

amaliy tajriba

4.

Oʻquv yoki kasbiy faoliyat sohasi boʻyicha keng qamrovli amaliy va nazariy bilimlar

Mehnat holati va uning oldindan aytish mumkin boʻlgan oʻzgarishlarini baholashni talab qiladigan muammolarni hal qilish uchun zarur boʻlgan amaliy va kognitiv koʻnikmalar

Oʻz harakatlari va ish natijalari uchun javobgarlik;

Oʻquv yoki kasbiy faoliyat sohasida oʻz faoliyatini mustaqil rejalashtirish va tashkil qilish

1) oʻrta professional taʼlim

2) umumiy oʻrta (oʻrta maxsus) taʼlim yoki boshlangʻich professional taʼlim

+

norasmiy (informal) taʼlim

yoki

amaliy tajriba

5.

Oʻquv yoki kasbiy faoliyat sohasi boʻyicha ixtisoslashgan nazariy va amaliy bilimlar

Muammolarga ijodiy yechimlarni ishlab chiqish uchun zarur boʻlgan keng qamrovli amaliy va kognitiv koʻnikmalar

Biriktirilgan xodimlar harakatlari va ish natijalari uchun javobgarlik;

Oʻquv yoki kasbiy faoliyat sohasidagi mehnat jarayonlarini mustaqil boshqarish va nazorat qilish, shuningdek, biriktirilgan xodimlar mehnatini tekshirish va rivojlantirish

1) oʻrta maxsus professional taʼlim

2) boshlangʻich professional taʼlim yoki oʻrta professional taʼlim

+

norasmiy (informal) taʼlim

yoki

amaliy tajriba

6.

Oʻquv yoki kasbiy faoliyat sohasi boʻyicha keng va integratsiyalashgan bilimlar, jumladan, ilmiy asoslar, ilmiy va nazariy muammolarni amaliy qoʻllash, shuningdek, eng muhim nazariyalar va usullar

Turli standartlar va tez-tez oʻzgarib turadigan talablarni hisobga olgan holda yangi yechimlarni ishlab chiqish, faoliyat, usullar va ularning natijalarini baholash uchun zarur boʻlgan koʻnikmalar

Oldindan aytib boʻlmaydigan oʻquv yoki kasbiy faoliyat muhitida qarorlar qabul qilish va biriktirilgan xodimlarning kasbiy rivojlanishini boshqarish uchun javobgarlik;

Oʻquv yoki kasbiy faoliyat sohasida qarorlar qabul qilish va masʼuliyatni oʻz zimmasiga olish, murakkab texnik va kasbiy faoliyat va loyihalarni boshqarish, biriktirilgan xodimlarning professional rivojlanishiga rahbarlik qilish va jamoadagi muammolarni hal qilish

1) bakalavriat

2) oʻrta maxsus professional taʼlim va amaliy tajriba

7.

Oʻquv yoki kasbiy faoliyat sohasi boʻyicha innovatsion yondashuvlar va/yoki ilmiy tadqiqotlarga asoslangan yuqori ixtisoslashgan bilimlar, shuningdek, bir soha yoki turli sohalarga oid oʻzaro bogʻliq bilimlar

Yangi bilim va texnologiyalarni ishlab chiqish va turli sohalardagi bilimlarni birlashtirish uchun ilmiy tadqiqot va/yoki innovatsiyalarda talab qilinadigan muammolarni, shu jumladan, strategik muammolarni hal qilish uchun zarur boʻlgan maxsus kasbiy koʻnikmalar

Oldindan aytib boʻlmaydigan sharoitlarda qaror qabul qilish, jamoalar strategik faoliyatini koʻrib chiqish uchun javobgarlik;

Yangi strategik yondashuvlarni talab qiladigan murakkab, oldindan aytib boʻlmaydigan kasbiy faoliyat yoki oʻquv muhitini boshqarish, loyihalash va oʻzgartirish

1) magistratura

2) yuqori darajadagi qoʻshimcha taʼlim (internatura, ordinatura, biznes boshqaruvi, davlat boshqaruvi va boshqa xalqaro tan olingan taʼlim)

3) mutaxassislik (spetsialitet)

4) bakalavriat va amaliy tajriba

8.

Murakkab gʻoyalarni tanqidiy tahlil qilish, baholash va sintez qilish uchun zarur boʻlgan ilmiy va kasbiy faoliyat sohasidagi eng ilgʻor innovatsion va ixtisoslashgan bilimlar

Yangi bilim va yechimlarga olib keladigan loyihalarni tadqiq qilish, ishlab chiqish va amalga oshirish, ilmiy va innovatsion faoliyat natijalarini prognoz qilish, kasbiy va ijtimoiy sohada keng koʻlamli oʻzgarishlarni amalga oshirish, murakkab sanoat va ilmiy jarayonlarni boshqarish, ixtisoslashgan ilmiy tadqiqot, ishlanmalar va innovatsiyalar sohasidagi yangi muammolarni aniqlash va yechimlarini topish uchun zarur boʻlgan eng ilgʻor va maxsus koʻnikmalar

Oʻzining va ilmiy jamoaning tadqiqot natijalari, shuningdek, ularning sanoatdagi mamlakat va xalqaro miqyosdagi iqtisodiy samarasi uchun masʼuliyati;

Yirik institutsional tuzilmalar darajasida qarorlar qabul qilish va strategiyani belgilash, murakkab ijtimoiy, sanoat va ilmiy jarayonlarni boshqarish, yangi va murakkab gʻoyalarni tanqidiy tahlil qilish, baholash va sintez qilish, jamiyatning texnik, ijtimoiy va madaniy taraqqiyoti uchun strategik qarorlar qabul qilish

1) doktorantura (PhD, DSc), unga tenglashtirilgan va undan yuqori boʻlgan xorijiy davlatlar ilmiy darajalari

2) magistratura yoki ilmiy unvon olishga yoʻnaltirilgan oliy taʼlimdan keyingi taʼlim

+

amaliy tajriba

3) yuqori darajadagi qoʻshimcha taʼlim (internatura, ordinatura, biznes boshqaruvi, davlat boshqaruvi va boshqa xalqaro tan olingan taʼlim) va amaliy tajriba
Izoh:
1) 2005-yilga qadar texnikumlarda olingan taʼlim, shuningdek, kasb-hunar kollejlari, oʻrta hunar-texnika bilim yurtlari va hunar-texnika bilim yurtlarida olingan taʼlim oʻrta professional taʼlimga, texnika bilim yurtlarida olingan taʼlim esa — boshlangʻich professional taʼlimga, tugallanmagan bakalavriat bosqichi — oʻrta maxsus professional taʼlimga tenglashtiriladi;
2) Kasbiy malakalarni rivojlantirish boʻyicha respublika kengashiga mazkur jadvalga oʻzgartirish va qoʻshimchalar kiritish huquqi beriladi.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
2-ILOVA
Kasbiy malakalarni rivojlantirish boʻyicha respublika kengashi
tarkibi
Oldingi tahrirga qarang.

1.

A.N. Aripov

—

Oʻzbekiston Respublikasi Bosh vaziri, Respublika kengashi raisi

2.

B.Gʻ. Yuldashev

—

Taʼlim sifatini taʼminlash milliy agentligi direktori, Respublika kengashi raisi oʻrinbosari

3.

M.I. Xodjayeva

—

Oʻzbekiston Respublikasi Oliy Majlisi Qonunchilik palatasining Mehnat va ijtimoiy masalalar qoʻmitasi raisi

4.

K.M. Rafikov

—

Oʻzbekiston kasaba uyushmalari Federatsiyasi raisi

5.

D.A. Vaxobov

—

Oʻzbekiston Savdo-sanoat palatasi raisi

6.

M.B. Nurmuratov

—

Markaziy bank raisi

7.

K.A. Sharipov

—

oliy taʼlim, fan va innovatsiyalar vaziri

8.

X.U. Umarova

—

maktabgacha va maktab taʼlimi vaziri

9.

B.E. Zaxidov

—

kambagʻallikni qisqartirish va bandlik vaziri

10.

L.Sh. Kudratov

—

investitsiyalar, sanoat va savdo vaziri

11.

A.J. Tashkulov

—

adliya vaziri

12.

A.A. Xudayarov

—

sogʻliqni saqlash vaziri v.b.

13.

Sh.X. Shermatov

—

raqamli texnologiyalar vaziri

14.

Sh.S. Xidoyatov

—

qurilish va uy-joy kommunal xoʻjaligi vaziri v.b.

15.

I.Yu. Abduraxmonov

—

qishloq xoʻjaligi vaziri

16.

Sh.R. Xamrayev

—

suv xoʻjaligi vaziri

17.

J.T. Mirzamahmudov

—

energetika vaziri

18.

O.A. Nazarbekov

—

madaniyat vaziri

19.

A.I. Ikramov

—

sport vaziri

20.

I.R. Maxkamov

—

transport vaziri

21.

A.A. Abduxakimov

—

ekologiya, atrof-muhitni muhofaza qilish va iqlim oʻzgarishi vaziri

22.

B.F. Islamov

—

togʻ-kon sanoati va geologiya vaziri

23.

S.S. Abdullayev

—

Oʻzbekiston Respublikasi Prezidenti huzuridagi Ijtimoiy himoya milliy agentligi direktori oʻrinbosari

24.

Sh.D. Kudbiyev

—

Vazirlar Mahkamasi huzuridagi Soliq qoʻmitasi raisi

25.

I.I. Norqulov

—

iqtisodiyot va moliya vazirining birinchi oʻrinbosari

26.

A.R. Jumanazarov

—

Oʻzbekiston texnik jihatdan tartibga solish agentligi direktori

27.

S.T. Zuparov

—

favqulodda vaziyatlar vazirining birinchi oʻrinbosari

28.

U.U. Rozukulov

—

“Oʻzavtosanoat” AJ boshqaruv raisi

29.

T.R. Muxamedjanov

—

“Oʻzkimyosanoat” AJ boshqaruv raisi v.b.

30.

M.M. Sultonov

—

“Oʻztoʻqimachiliksanoat” uyushmasi raisi v.b.

31.

M.M. Yunusov

—

“Oʻzeltexsanoat” uyushmasi raisi

32.

A.A. Sultonov

—

“Oʻzcharmsanoat” uyushmasi raisi v.b.

33.

B.B. Boboqulov

—

“Oʻzsanoatqurilishmateriallari” uyushmasi raisi v.v.b.

34.

E.S. Margeshvili

—

Oʻzbekiston ish beruvchilar konfederatsiyasi ijrochi direktori

35.

M. Umarov

—

Oʻzbekiston iqtisodiyot assambleyasi raisi

36.

F.N. Jurayev

—

“WORLDSKILLS UZBEKISTAN” Ishchi kasblarni rivojlantirish va ommalashtirish assotsiatsiyasi boshqaruv raisi

37.

Lavozimiga koʻra

—

Milliy malaka tizimini rivojlantirish instituti direktori, Respublika kengashi kotibi

Izoh:
1. Respublika kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.
2. Kasbiy malakalarni rivojlantirish boʻyicha Respublika kengashi raisiga mazkur kengash tarkibiga oʻzgartirish va qoʻshimchalar kiritish huquqi beriladi.
(2-ilova Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
3-ILOVA
Kasbiy malakalarni rivojlantirish boʻyicha respublika kengashining
asosiy vazifalari
a) Milliy malaka tizimini joriy etish va rivojlantirish sohasidagi davlat siyosatini belgilash;
b) Milliy malaka tizimi joriy qilinishini monitoring qilish, baholash va strategik rejalashtirish;
v) Milliy malaka tizimini rivojlantirish va joriy qilish jarayoniga respublika ijro etuvchi hokimiyat organlari, ish beruvchilar, oliy va professional taʼlim muassasalari va ilmiy tashkilotlar hamda jamoat birlashmalarini jalb qilish hamda ularning faoliyatini muvofiqlashtirish;
g) kasbiy malakalar boʻyicha tarmoq kengashlarini tashkil etish hamda ularning faoliyatini muvofiqlashtirish;
d) tarmoq malaka ramkalari va kasbiy standartlar maketlari va loyihalarini tasdiqlash, ularning ishlab chiqilishini monitoring qilish hamda yangilab borilishini muvofiqlashtirish;
e) ish beruvchilar talablarining taʼlim dasturlari mazmuni bilan oʻzaro integratsiyasini kuchaytirish, taʼlim sifatini oshirishning taʼsirchan mexanizmlarini joriy etish boʻyicha takliflar tayyorlash;
j) malakalarni baholash markazlari faoliyatini akkreditatsiyadan oʻtkazishni tashkillashtirish;
z) Milliy malaka tizimining xalqaro miqyosda tan olinishini taʼminlash choralarini koʻrish;
i) Milliy malaka tizimini raqamlashtirish va tizimga axborot-kommunikatsiya texnologiyalarini keng joriy etish;
k) kasbiy standartlar sifatli ishlab chiqilishi va amaliyotda qoʻllanishini taʼminlash.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
4-ILOVA
Kasbiy malakalarni rivojlantirish boʻyicha tarmoq kengashlari faoliyatini tashkil etish uchun masʼul vazirlik va idoralar roʻyxati

T/r

Kasbiy malakalarni rivojlantirish boʻyicha tarmoq kengashlari nomlari

Qamrab olish doirasi

Masʼul vazirlik va idoralar

Masʼul mutaxassislar soni

Tarmoq kengashlariga biriktiriladigan taʼlim tashkilotlari

1.

Taʼlim va fan sohasida kasbiy malakalarni rivojlantirish boʻyicha tarmoq kengashi

Maktabgacha va umumiy oʻrta taʼlim sohasi

Maktabgacha va maktab taʼlimi vazirligi

1

A. Avloniy nomidagi pedagogik mahorat milliy instituti

Oʻrta maxsus, professional, oliy hamda oliy taʼlimdan keyingi taʼlim sohasi

Oliy taʼlim, fan va innovatsiyalar vazirligi

1

Oliy taʼlimni rivojlantirish tadqiqotlari markazi, Professional taʼlimni rivojlantirish instituti

2.

Sogʻliqni saqlash va farmatsevtika sohasida kasbiy malakalarni rivojlantirish boʻyicha tarmoq kengashi

Sogʻliqni saqlash va farmatsevtika sohasi

Sogʻliqni saqlash vazirligi

1

Toshkent tibbiyot akademiyasi

Farmatsevtika tarmogʻini rivojlantirish agentligi

1

3.

Axborot texnologiyalari va aloqa sohasida kasbiy malakalarni rivojlantirish boʻyicha tarmoq kengashi

Axborot texnologiyalari va aloqa, shu jumladan, tele- radioaloqa sohalari

Raqamli texnologiyalar vazirligi

1

Toshkent axborot texnologiyalari universiteti

4.

Qishloq xoʻjaligi va veterinariya sohalarida kasbiy malakalarni rivojlantirish boʻyicha tarmoq kengashi

Qishloq xoʻjaligi, veterinariya va oziq-ovqat sohalari

Qishloq xoʻjaligi vazirligi

1

Toshkent davlat agrar universiteti

Veterinariya va chorvachilikni rivojlantirish qoʻmitasi

1

5.

Suv xoʻjaligi sohasida kasbiy malakalarni rivojlantirish boʻyicha tarmoq kengashi

Irrigatsiya va melioratsiya sohasi

Suv xoʻjaligi vazirligi

1

“Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti

6.

Qurilish, uy-joy kommunal xoʻjaligi va qurilish materiallari sanoati sohalarida kasbiy malakalarni rivojlantirish boʻyicha tarmoq kengashi

Qurilish, arxitektura, kadastr va uy-joy kommunal xoʻjaligi sohalari

Qurilish va uy-joy kommunal xoʻjaligi vazirligi

1

Toshkent arxitektura-qurilish universiteti

“Oʻzsanoatqurilish-materiallari” uyushmasi

1

7.

Transport va avtomobilsozlik sohalarida kasbiy malakalarni rivojlantirish boʻyicha tarmoq kengashi

Avtomobil, temir yoʻl, havo va boshqa transport turlari, logistika, yoʻl xoʻjaligi sohalari

Transport vazirligi

1

Toshkent davlat transport universiteti

“Oʻzavtosanoat” AJ

1

8.

Energetika sohasida kasbiy malakalarni rivojlantirish boʻyicha tarmoq kengashi

Elektr energiyasi, energiya tejamkorlik va energiya audit, neft-gaz sohalari

Energetika vazirligi

1

Toshkent davlat texnika universiteti

9.

Togʻ-kon sanoati, geologiya va mineral resurslar sohalarida kasbiy malakalarni rivojlantirish boʻyicha tarmoq kengashi

Togʻ-kon sanoati, geologiya, geofizika va mineral resurslari sohalari

Togʻ-kon sanoati va geologiya vazirligi

1

Geologiya fanlari universiteti

10.

Ekologiya, oʻrmon xoʻjaligi, gidrometeorologiya sohalarida kasbiy malakalarni rivojlantirish boʻyicha tarmoq kengashi

Ekologiya, atrof-muhitni muhofaza qilish, oʻrmon xoʻjaligi, gidrometeorologiya, chiqindilarni utilizatsiya qilish va qayta ishlash sohalari

Ekologiya, atrof-muhitni muhofaza qilish va iqlim oʻzgarishi vazirligi

1

Markaziy Osiyo atrof-muhit va iqlim oʻzgarishini oʻrganish universiteti

(Green University)

11.

Turizm sohasida kasbiy malakalarni rivojlantirish boʻyicha tarmoq kengashi

Turizm, mehmonxona va umumiy ovqatlanish sohalari

Turizm qoʻmitasi

1

Turizmni rivojlantirish ilmiy-tadqiqot instituti

12.

Huquq, arxiv va davlat xizmatlari sohalarida kasbiy malakalarni rivojlantirish boʻyicha tarmoq kengashi

Adliya, huquq, arxiv, davlat boshqaruvi va xizmatlari sohalari

Adliya vazirligi

1

Toshkent davlat yuridik universiteti

13.

Investitsiyalar, bank va savdo sohalarida kasbiy malakalarni rivojlantirish boʻyicha tarmoq kengashi

Investitsiya, bank, lizing, tashqi va ichki savdo sohasi

Investitsiyalar, sanoat va savdo vazirligi

1

Toshkent davlat iqtisodiyot universiteti

14.

Iqtisodiyot, moliya, soliq va sugʻurta sohalarida kasbiy malakalarni rivojlantirish boʻyicha tarmoq kengashi

Iqtisodiyot, moliya, audit, soliq va sugʻurta sohasi

Iqtisodiyot va moliya vazirligi

1

15.

Ommaviy axborot vositalari sohasida kasbiy malakalarni rivojlantirish boʻyicha tarmoq kengashi

Ommaviy axborot vositalari, reklama, kino, video, televideniye dasturlari sohasi

Axborot va ommaviy kommunikatsiyalar agentligi

1

Oʻzbekiston jurnalistika va ommaviy kommunikatsiyalar universiteti

16.

Mehnat va kasbiy faoliyatning yordamchi tarmoqlararo turlari sohasida kasbiy malakalarni rivojlantirish boʻyicha tarmoq kengashi

Mehnat munosabatlari, mehnat resurslarini rivojlantirish va boshqa barcha turdosh sohalar

Kambagʻallikni qisqartirish va bandlik vazirligi

1

Mehnat bozori tadqiqotlari instituti

17.

Ijtimoiy himoya sohasidagi kasbiy malakalarni rivojlantirish boʻyicha tarmoq kengashi

Ijtimoiy himoya sohasi

Ijtimoiy himoya milliy agentligi

1

Ijtimoiy himoya tizimi xodimlarining malakasini oshirish markazi

18.

Madaniyat sohasida kasbiy malakalarni rivojlantirish boʻyicha tarmoq kengashi

Madaniyat, sanʼat, koʻngilochar va dam olish, rassomchilik, yogʻoch va ganch oʻymakorligi sohalari

Madaniyat vazirligi

1

Oʻzbekiston davlat sanʼat va madaniyat instituti

19.

Jismoniy tarbiya va sport sohasida kasbiy malakalarni rivojlantirish boʻyicha tarmoq kengashi

Jismoniy tarbiya va sport sohasi

Sport vazirligi

1

Jismoniy tarbiya va sport universiteti

20.

Favqulodda vaziyatlarning oldini olish va bartaraf etish sohasida kasbiy malakalarni rivojlantirish boʻyicha tarmoq kengashi

Favqulodda vaziyatlar, yongʻin xavfsizligi sohasi

Favqulodda vaziyatlar vazirligi

1

Favqulodda vaziyatlar vazirligi Akademiyasi

21.

Standartlashtirish va texnik jihatdan tartibga solish sohalarida kasbiy malakalarni rivojlantirish boʻyicha tarmoq kengashi

Texnik jihatdan tartibga solish, standartlashtirish, muvofiqlikni baholash, metrologiya sohalari

Oʻzbekiston texnik jihatdan tartibga solish agentligi

1

Standartlashtirish, sertifikatlashtirish va texnik jihatdan tartibga solish ilmiy-tadqiqot instituti

22.

Toʻqimachilik, tikuvchilik va charm sanoati sohalarida kasbiy malakalarni rivojlantirish boʻyicha tarmoq kengashi

Toʻqimachilik, tikuvchilik, ipakchilik va charm mahsulotlarini ishlab chiqarish sohalari

“Oʻztoʻqimachiliksanoat” va “Oʻzcharmsanoat” uyushmalari

1

Toshkent toʻqimachilik va yengil sanoat instituti

23.

Elektrotexnika va mashinasozlik sanoati sohalarida kasbiy malakalarni rivojlantirish boʻyicha tarmoq kengashi

Elektr jihozlari, maishiy elektrotexnika, kabel va sim mahsulotlarini ishlab chiqarish, mashinasozlik va asbobsozlik, nanotexnologiya va mikroelektronika sohalari

“Oʻzeltexsanoat” uyushmasi

1

Elektrotexnika sanoati korxonalari xodimlari malakasini oshirish va baholash boʻyicha “ELTECN-MALAKA” oʻquv markazi

24.

Kimyo sanoati sohasida kasbiy malakalarni rivojlantirish boʻyicha tarmoq kengashi

Kimyo va biotexnologiya sanoati sohasi

“Oʻzkimyosanoat” AJ

1

Toshkent kimyo-texnologiya instituti

Izoh: Kasbiy malakalarni rivojlantirish boʻyicha respublika kengashiga tegishli vazirlik va idoralarning takliflariga binoan ularning umumiy shtat birliklari soni doirasida mazkur roʻyxatga oʻzgartirish va qoʻshimchalar kiritish huquqi beriladi.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
5-ILOVA
Kasbiy malakalarni rivojlantirish boʻyicha tarmoq kengashlarining asosiy vazifalari
a) mehnat bozori monitoringi asosida tarmoqlarning malakalarga boʻlgan ehtiyojlari va tendensiyalarini aniqlash;
b) mehnat bozori talablari va oʻqitish natijalarini (learning outcomes) inobatga olgan holda tegishli sohalar boʻyicha tarmoq malaka ramkalarini ishlab chiqish, joriy etish va takomillashtirib borish;
v) kasbiy standartlarni ishlab chiqish va takomillashtirib borish;
g) tarmoqda malakalarni baholash markazlarini tashkil etish, shuningdek, malakalarni baholash vositalarining ishlab chiqilishini taʼminlash hamda ekspertizadan oʻtkazish;
d) malakalarni baholash jarayonlarida korrupsiyaning oldini olish choralarini koʻrish;
e) taʼlim dasturlarining kasbiy standartlarga muvofiqligini baholash va takomillashtirish boʻyicha takliflar tayyorlash;
j) mehnat bozorini oʻrganib borish, unda paydo boʻlishi kutilayotgan kasblarni klassifikatorga kiritish yuzasidan takliflar ishlab chiqish;
z) Tarmoq kengashi faoliyatida, tarmoq malaka ramkalari va kasbiy standartlarni ishlab chiqish jarayoni hamda muhokamalarida xususiy sektor vakillari bilan hamkorlikni tashkil etish;
i) Kasbiy malakalarni rivojlantirish boʻyicha respublika kengashi tomonidan belgilanadigan boshqa vazifalarni amalga oshirish.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
6-ILOVA
2025-2026-yillarda kasbiy standartlarni ishlab chiqish
REJA-JADVALI

T/r

Kasbiy malakalarni rivojlantirish boʻyicha tarmoq kengashlari nomlari

Kasbiy faoliyat sohasi (turi) boʻyicha ishlab chiqiladigan kasbiy standartlar soni

Qamrab olinadigan kasblarning minimal soni

Masʼul vazirlik va idoralar

Jami

Shundan

2025-yil

2026-yil

1.

Taʼlim va fan sohasida kasbiy malakalarni rivojlantirish boʻyicha tarmoq kengashi

15

5

10

60

Maktabgacha va maktab taʼlimi vazirligi

Oliy taʼlim, fan va innovatsiyalar vazirligi,

Fanlar akademiyasi

2.

Sogʻliqni saqlash va farmatsevtika sohasida kasbiy malakalarni rivojlantirish boʻyicha tarmoq kengashi

20

5

15

80

Sogʻliqni saqlash vazirligi

3.

Axborot texnologiyalari va aloqa sohasida kasbiy malakalarni rivojlantirish boʻyicha tarmoq kengashi

35

10

25

140

Raqamli texnologiyalar vazirligi

4.

Qishloq xoʻjaligi va veterinariya sohalarida kasbiy malakalarni rivojlantirish boʻyicha tarmoq kengashi

25

10

15

100

Qishloq xoʻjaligi vazirligi

5.

Suv xoʻjaligi sohasida kasbiy malakalarni rivojlantirish boʻyicha tarmoq kengashi

5

2

3

20

Suv xoʻjaligi vazirligi

6.

Qurilish, uy-joy kommunal xoʻjaligi va qurilish materiallari sanoati sohalarida kasbiy malakalarni rivojlantirish boʻyicha tarmoq kengashi

30

10

20

120

Qurilish va uy-joy kommunal xoʻjaligi vazirligi,

“Oʻzsanoatqurilishmateriallari” uyushmasi

7.

Transport va avtomobilsozlik sohalarida kasbiy malakalarni rivojlantirish boʻyicha tarmoq kengashi

50

10

40

200

Transport vazirligi,

“Oʻzavtosanoat” AJ

8.

Energetika sohasida kasbiy malakalarni rivojlantirish boʻyicha tarmoq kengashi

40

10

30

160

Energetika vazirligi

9.

Togʻ-kon sanoati, geologiya va mineral resurslar sohalarida kasbiy malakalarni rivojlantirish boʻyicha tarmoq kengashi

30

10

20

120

Togʻ-kon sanoati va geologiya vazirligi

10.

Ekologiya, oʻrmon xoʻjaligi, gidrometeorologiya sohalarida kasbiy malakalarni rivojlantirish boʻyicha tarmoq kengashi

10

5

5

40

Ekologiya, atrof-muhitni muhofaza qilish va iqlim oʻzgarishi vazirligi

11.

Turizm sohasida kasbiy malakalarni rivojlantirish boʻyicha tarmoq kengashi

25

10

15

100

Turizm qoʻmitasi

12.

Huquq, arxiv va davlat xizmatlari sohalarida kasbiy malakalarni rivojlantirish boʻyicha tarmoq kengashi

5

2

3

20

Adliya vazirligi

13.

Investitsiyalar, bank va savdo sohalarida kasbiy malakalarni rivojlantirish boʻyicha tarmoq kengashi

10

5

5

40

Investitsiyalar, sanoat va savdo vazirligi,

Savdo-sanoat palatasi,

Markaziy bank

14.

Iqtisodiyot, moliya, soliq va sugʻurta sohalarida kasbiy malakalarni rivojlantirish boʻyicha tarmoq kengashi

10

5

5

40

Iqtisodiyot va moliya vazirligi,

Soliq qoʻmitasi

15.

Ommaviy axborot vositalari sohasida kasbiy malakalarni rivojlantirish boʻyicha tarmoq kengashi

10

5

5

40

Axborot va ommaviy kommunikatsiyalar agentligi

16.

Mehnat va kasbiy faoliyatning yordamchi tarmoqlararo turlari sohasida kasbiy malakalarni rivojlantirish boʻyicha tarmoq kengashi

30

10

20

120

Kambagʻallikni qisqartirish va bandlik vazirligi

17.

Ijtimoiy himoya sohasidagi kasbiy malakalarni rivojlantirish boʻyicha tarmoq kengashi

5

2

3

20

Ijtimoiy himoya milliy agentligi

18.

Madaniyat sohasida kasbiy malakalarni rivojlantirish boʻyicha tarmoq kengashi

15

5

10

60

Madaniyat vazirligi

19.

Jismoniy tarbiya va sport sohasida kasbiy malakalarni rivojlantirish boʻyicha tarmoq kengashi

5

2

3

20

Sport vazirligi

20.

Favqulodda vaziyatlarning oldini olish va bartaraf etish sohasida kasbiy malakalarni rivojlantirish boʻyicha tarmoq kengashi

5

2

3

20

Favqulodda vaziyatlar vazirligi

21.

Standartlashtirish va texnik jihatdan tartibga solish sohalarida kasbiy malakalarni rivojlantirish boʻyicha tarmoq kengashi

10

5

5

40

Oʻzbekiston texnik jihatdan tartibga solish agentligi

22.

Toʻqimachilik, tikuvchilik va charm sanoati sohalarida kasbiy malakalarni rivojlantirish boʻyicha tarmoq kengashi

5

2

3

20

“Oʻztoʻqimachiliksanoat” va “Oʻzcharmsanoat” uyushmalari

23.

Elektrotexnika va mashinasozlik sanoati sohalarida kasbiy malakalarni rivojlantirish boʻyicha tarmoq kengashi

40

10

30

160

“Oʻzeltexsanoat” uyushmasi

24.

Kimyo sanoati sohasida kasbiy malakalarni rivojlantirish boʻyicha tarmoq kengashi

15

5

10

60

“Oʻzkimyosanoat” AJ

Jami

450

147

303

1800

Izoh: Kasbiy malakalarni rivojlantirish boʻyicha respublika kengashiga mazkur reja-jadvalga oʻzgartirish va qoʻshimchalar kiritish huquqi beriladi.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
7-ILOVA
Oʻzbekiston Respublikasida Milliy malaka tizimini tubdan modernizatsiya qilish hamda ushbu sohada ilgʻor xorijiy tajribani joriy etish boʻyicha
“YOʻL XARITASI”

T/r

Chora-tadbir nomi

Amalga oshirish mexanizmlari

Ijro muddati

Moliyalashtirish manbalari

Masʼul ijrochilar

I. Milliy malaka tizimining metodologik, normativ-huquqiy va tashkiliy asoslarini takomillashtirish

1.

Xalqaro ilgʻor tajribalar asosida Oʻzbekiston Respublikasida Milliy malaka tizimini 2030-yilgacha rivojlantirish konsepsiyasini ishlab chiqish.

1. Xalqaro ilgʻor tajribalar asosida Oʻzbekiston Respublikasida Milliy malaka tizimini 2030-yilgacha rivojlantirish konsepsiyasi loyihasini ishlab chiqish.

2025-yil dekabr

Ilmiy faoliyatga oid davlat dasturlari doirasida ilmiy izlanishlar oʻtkazish uchun ajratiladigan grantlar,

Loyiha ofisiga ajratilgan mablagʻlar, Xalqaro moliya institutlari va donor tashkilotlarining grantlari va maqsadli mablagʻlari

Milliy malaka tizimini rivojlantirish instituti,

Oliy taʼlim, fan va innovatsiyalar vazirligi

(K. Sharipov),

Kambagʻallikni qisqartirish va bandlik vazirligi

(B. Zaxidov),

Savdo-sanoat palatasi

(D. Vaxabov)

2. Konsepsiya loyihasini oʻrnatilgan tartibda vazirlik va idoralar bilan kelishish hamda belgilangan reglamentga muvofiq Vazirlar Mahkamasiga kiritish.

2026-yil mart

2.

Malakalarni mustaqil baholash tizimini normativ-huquqiy jihatdan mustahkamlash.

1. Malakalarni baholash markazlarining amaldagi faoliyatini tahlil qilish.

2024-yil dekabr

Ijrochilarning oʻz mablagʻlari

Milliy malaka tizimini rivojlantirish instituti,

Kambagʻallikni qisqartirish va bandlik vazirligi

(B. Zaxidov),

Oliy taʼlim, fan va innovatsiyalar vazirligi

(K. Sharipov),

Savdo-sanoat palatasi

(D. Vaxabov),

tarmoq kengashlari

2. Malakalarni mustaqil baholashga oid meʼyoriy hujjatlarni (malakani baholash markazlari toʻgʻrisidagi namunaviy nizom, talabgorlarning kasbiy malakasini baholash va tan olish tartibi, malakani baholash vositalarini ishlab chiqish tartibi va boshqalar) ishlab chiqish hamda Vazirlar Mahkamasiga kiritish.

2025-yil yanvar

3. Har bir Kasbiy malakalarni rivojlantirish boʻyicha tarmoq kengashi (keyingi oʻrinlarda — tarmoq kengashi) tomonidan jami 36 ta sohani qamrab oluvchi kamida bittadan malakani baholash markazi faoliyatini toʻliq yoʻlga qoʻyish.

2025-yil may

3.

Taʼlim sifatini taʼminlash boʻyicha vertikal boshqaruv va tashqi nazorat tizimini joriy qilish.

1. Taʼlim sifatini taʼminlash prinsiplari, instrumentlari va standartlari bajarilishini monitoring qilish boʻyicha takliflar ishlab chiqish.

2024-yil noyabr

-

Loyiha ofisi

(A. Xudoykulov),

Oliy taʼlim, fan va innovatsiyalar vazirligi

(K. Sharipov),

Maktabgacha va maktab taʼlimi vazirligi

(X. Umarova)

2. Taʼlim sifatini taʼminlash boʻyicha normativ-huquqiy hujjat loyihasini ishlab chiqish.

2024-yil dekabr

3. Normativ-huquqiy hujjat loyihasini oʻrnatilgan tartibda vazirlik va idoralar bilan kelishish hamda belgilangan reglamentga muvofiq Vazirlar Mahkamasiga kiritish.

2025-yil yanvar

4.

Xizmatchilarning asosiy lavozimlari va ishchilar kasblari klassifikatorini xalqaro standartlar talablari asosida toʻliq qayta koʻrib chiqish va tasdiqlash.

1. Tarmoq kengashlarining malakali mutaxassislaridan iborat ishchi guruhlarini shakllantirish.

2. Ishchi guruhlar tomonidan Xizmatchilarning asosiy lavozimlari va ishchilar kasblari klassifikatorini xalqaro standartlar talablari asosida toʻliq qayta koʻrib chiqish.

3. Yangi tahrirdagi xizmatchilarning asosiy lavozimlari va ishchilar kasblari klassifikatorini tasdiqlash.

2024-yil noyabr

Oʻzbekiston texnik jihatdan tartibga solish agentligining budjetdan tashqari mablagʻlari

Oʻzbekiston texnik jihatdan tartibga solish agentligi

(A. Jumanazarov),

Kambagʻallikni qisqartirish va bandlik vazirligi

(B. Zaxidov),

Milliy malaka tizimini rivojlantirish instituti,

tarmoq kengashlari

5.

Mashgʻulotlarning xalqaro standart klassifikatoridan (MXSK-2008) kelib chiqib Mashgʻulotlarning milliy klassifikatorini ishlab chiqish.

1. Mashgʻulotlarning xalqaro standart klassifikatoridan (MXSK-2008) kelib chiqib Mashgʻulotlarning milliy klassifikatorini ishlab chiqish.

2025-yil may

Ilmiy faoliyatga oid davlat dasturlari doirasida ilmiy izlanishlar oʻtkazish uchun ajratiladigan grantlar

Milliy malaka tizimini rivojlantirish instituti,

Oliy taʼlim, fan va innovatsiyalar vazirligi

(K. Sharipov),

Oʻzbekiston texnik jihatdan tartibga solish agentligi

(A. Jumanazarov),

Kambagʻallikni qisqartirish va bandlik vazirligi

(B. Zaxidov),

boshqa manfaatdor vazirlik va idoralar

2. Klassifikator loyihasini tegishli vazirlik va idoralar bilan oʻrnatilgan tartibda kelishish hamda milliy standart sifatida tasdiqlash.

2025-yil iyul

6.

Kasbiy standartlarni ishlab chiqish bilan bogʻliq tartib va talablarni takomillashtirish.

1. Ilgʻor xorijiy tajribalar asosida kasbiy standartlarni ishlab chiqish, yangilash va joriy etish boʻyicha tartib va talablarni toʻliq qayta koʻrib chiqish.

2024-yil noyabr

-

Milliy malaka tizimini rivojlantirish instituti,

Kambagʻallikni qisqartirish va bandlik vazirligi

(B. Zaxidov),

Oliy taʼlim, fan va innovatsiyalar vazirligi

(K. Sharipov)

2. Kasbiy standartlarni ishlab chiqish, yangilash va joriy etishni belgilaydigan amaldagi normativ-huquqiy hujjatlarga oʻzgartirish va qoʻshimchalar kiritish.

2024-yil dekabr

7.

Oʻzbekiston Respublikasi iqtisodiy faoliyat turlarining umumdavlat tasniflagichini takomillashtirish.

1. Oʻzbekiston Respublikasi iqtisodiy faoliyat turlarining umumdavlat tasniflagichi (IFUT)ni takomillashtirish boʻyicha takliflar tayyorlash uchun ishchi guruh tuzish.

2025-yil mart

Statistika agentligi mablagʻlari

Statistika agentligi

(B. Begalov),

Iqtisodiyot va moliya vazirligi

(I. Norqulov),

Soliq qoʻmitasi

(Sh. Kudbiyev)

2. Ishlab chiqilgan takliflar asosida IFUTni takomillashtirish.

2025-yil may

3. IFUTni oʻzbek va rus tillarida umumfoydalanish uchun joriy qilish.

2025-yil iyul

II. Milliy malaka tizimini joriy etish hamda malakalarni mustaqil baholash mexanizmlarini rivojlantirish

8.

Tarmoq malaka ramkalari va kasbiy standartlarning joriy etilishi va qoʻllanishini tahlil qilish.

1. Tarmoq malaka ramkalari va kasbiy standartlarning tarmoqlarda joriy etilishi va qoʻllanishini tahlil qilish.

2. Tahlil natijasi asosida takliflar tayyorlash hamda Kasbiy malakalarni rivojlantirish boʻyicha respublika kengashiga (keyingi oʻrinlarda — Respublika kengashi) kiritish.

2025-yildan boshlab har chorakda

-

Milliy malaka tizimini rivojlantirish instituti,

Kambagʻallikni qisqartirish va bandlik vazirligi

(B. Zaxidov)

9.

Milliy malaka tizimini rivojlantirishga hamda malakalarni mustaqil baholashga masʼul mutaxassislarning malakasini oshirish tizimini yoʻlga qoʻyish.

1. Milliy malaka tizimini rivojlantirishga hamda malakalarni mustaqil baholashga masʼul mutaxassislarning malakasini oshirish dasturlarini ishlab chiqish hamda kurslarni tashkil qilish.

2. Milliy malaka tizimini rivojlantirishga hamda malakalarni mustaqil baholashga masʼul mutaxassislarning malakasini oshirishni tizimli yoʻlga qoʻyish.

2025-yil yanvar

Manfaatdor vazirlik, idora, tashkilot va malakalarni baholash markazlarining mablagʻlari

Milliy malaka tizimini rivojlantirish instituti,

tarmoq kengashlari,

malakalarni baholash markazlari

10.

Mehnat bozorida yaqin va uzoq istiqbolda paydo boʻladigan malaka va koʻnikmalarni prognoz qilish metodologiyasini ishlab chiqish.

1. Xorijiy tajribalar asosida koʻnikmalarni prognozlashtirish (“skills anticipation”), koʻnikmalarga boʻlgan ehtiyojlarni tahlil qilish (“skills needs analysis”), koʻnikmalar bilan bogʻliq kamchiliklarni oʻrganish (“skills gap analysis”) vositalari va metodologiyalarini ishlab chiqish hamda tasdiqlash uchun Respublika kengashiga kiritish.

2025-yil may

-

Milliy malaka tizimini rivojlantirish instituti,

Kambagʻallikni qisqartirish va bandlik vazirligi

(B. Zaxidov),

Oliy taʼlim, fan va innovatsiyalar vazirligi

(K. Sharipov)

2. Ishlab chiqilgan vositalar va metodologiyalarni amaliyotga joriy etish.

2025-yil iyul

11.

Tarmoq kengashlari bilan birgalikda Milliy malaka tizimini joriy etish boʻyicha faoliyat natijalarini muhokama qilish.

Tarmoq kengashlari bilan birgalikda Milliy malaka tizimini joriy etish boʻyicha faoliyat natijalarini Respublika kengashida muhokama qilishni tashkil etish.

2025-yildan boshlab har chorakda

-

Milliy malaka tizimini rivojlantirish instituti,

tarmoq kengashlari

III. Milliy malaka tizimining infrastrukturasini rivojlantirish

12.

Milliy malaka tizimining yagona raqamli platformasini ishga tushirish.

1. Xorijiy tajriba asosida Milliy malaka tizimining raqamli platformasi boʻyicha texnik topshiriq va konsepsiyani ishlab chiqish.

2025-yil yanvar

Ilmiy faoliyatga oid davlat dasturlari doirasida ilmiy izlanishlar oʻtkazish uchun ajratiladigan grantlar,

Loyiha ofisiga ajratilgan mablagʻlar, Xalqaro moliya institutlari va donor tashkilotlarining grantlari va maqsadli mablagʻlari

Milliy malaka tizimini rivojlantirish instituti,

Raqamli texnologiyalar vazirligi

(Sh. Shermatov),

Oliy taʼlim, fan va innovatsiyalar vazirligi

(K. Sharipov),

Kambagʻallikni qisqartirish va bandlik vazirligi

(B. Zaxidov)

2. Milliy malaka tizimining raqamli platformasini ishlab chiqish va amaliyotga joriy qilish.

2025-yil noyabr

3. “profstandart.uz” kasbiy standartlarning yagona ochiq portalidagi maʼlumotlar bazasini Milliy malaka tizimining raqamli platformasiga integratsiya qilish.

2025-yil dekabr

13.

Milliy malaka tizimini rivojlantirish institutini joylashtirish va Institut faoliyatini tashkil qilish uchun mablagʻlar ajratish.

1. Toshkent shahri, Olmazor tumani, Umid koʻchasi, 16-uy manzilida joylashgan Kasb-hunarga oʻqitish markazi binosining 3-qavatini toʻliq (barcha xonalari bilan) Institutga tekin foydalanish huquqi asosida ajratish.

2024-yil oktabr

Bandlikka koʻmaklashish davlat jamgʻarmasining mablagʻlari

Kambagʻallikni qisqartirish va bandlik vazirligi

(B. Zaxidov),

Iqtisodiyot va moliya vazirligi

(I. Norqulov)

2. Institut faoliyatini yoʻlga qoʻyish uchun belgilangan mablagʻlarni ajratish.

2024-yil noyabr

14.

Milliy malaka tizimini rivojlantirish institutining moddiy-texnik bazasini takomillashtirish.

1. Institutga ajratilgan bino va inshootlarni taʼmirlash va jihozlash, ularni zarur moddiy-texnik vositalar va aloqa vositalari bilan taʼminlash.

2024-yil dekabr

Bandlikka koʻmaklashish davlat jamgʻarmasining mablagʻlari

Milliy malaka tizimini rivojlantirish instituti,

Kambagʻallikni qisqartirish va bandlik vazirligi

(B. Zaxidov)

2. Institutni joylashtirish.

2025-yil aprel

15.

Milliy malaka tizimini rivojlantirish instituti faoliyatini yoʻlga qoʻyish.

1. Institut taʼsis hujjatlarini ishlab chiqish, tasdiqlash va belgilangan tartibda davlat roʻyxatidan oʻtkazish boʻyicha ishlarni tashkil qilish.

2024-yil noyabr

-

Loyiha ofisi

(A. Xudoykulov),

Milliy malaka tizimini rivojlantirish instituti

2. Institutni oʻrnatilgan tartibda tanlov asosida zamonaviy talablarga mos boʻlgan yuqori malakali kadrlar bilan toʻldirish.

Doimiy

16.

Kasbiy malaka tizimini rivojlantirish va tadqiqot jarayonlariga xalqaro loyiha va ekspertlarni jalb etish.

1. Milliy malaka tizimini rivojlantirish instituti faoliyatiga xalqaro loyiha va ekspertlarni jalb etish.

2025-yil aprel

Xalqaro moliya institutlari va donor tashkilotlarning mablagʻlari

Investitsiyalar, sanoat va savdo vaziri

(L. Kudratov),

Iqtisodiyot va moliya vazirligi

(I. Norqulov),

Milliy malaka tizimini rivojlantirish instituti

2. Milliy malaka tizimini takomillashtirish boʻyicha xalqaro moliya institutlari va donor tashkilotlarning mablagʻlarini jalb qilish.

Doimiy
Izoh: Kasbiy malakalarni rivojlantirish boʻyicha respublika kengashiga mazkur “Yoʻl xaritasi”ga oʻzgartirish va qoʻshimchalar kiritish huquqi beriladi.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
8-ILOVA
Milliy malaka tizimini rivojlantirish institutining faoliyatini tashkil etish tartibi
1. Milliy malaka tizimini rivojlantirish instituti (keyingi oʻrinlarda — Institut)ning asosiy faoliyat yoʻnalishlari etib quyidagilar belgilansin:
Kasbiy malakalarni rivojlantirish boʻyicha respublika kengashining (keyingi oʻrinlarda — Respublika kengashi) ishchi organi vazifasini bajarish;
Respublika kengashi, tarmoq kengashlari va malakalarni baholash markazlari faoliyatini tashkiliy-uslubiy, ekspert va tahliliy jihatdan taʼminlash;
tarmoq malaka ramkalari, kasbiy standartlar va baholash vositalarining ishlab chiqilishi boʻyicha umumiy nazoratni amalga oshirish, ularni ekspertizadan oʻtkazish va joriy etish boʻyicha faoliyatni muvofiqlashtirish;
taʼlim dasturlarini tegishli kasbiy standartlar yoki malaka talablariga muvofiqligi boʻyicha xulosalar berish;
malakalarni baholash markazlarini akkreditatsiyadan oʻtkazish, faoliyatini monitoring qilish, ularning reyestrini yuritish va zarur hollarda ularga uslubiy yordam koʻrsatish;
Milliy malaka tizimining yagona raqamli platformasini joriy etish, texnik jihatdan qoʻllab-quvvatlash, boshqa axborot tizimlari bilan integratsiya qilish, shuningdek, Milliy malaka tizimi masalalari boʻyicha maʼlumotlarni kiritish, tahlil qilish va qayta ishlashni amalga oshirish;
Milliy malaka tizimini rivojlantirish va takomillashtirish boʻyicha taklif va tavsiyalar ishlab chiqish hamda bu borada metodologik xizmatlar koʻrsatish;
tarmoq kengashlari aʼzolari va malakalarni baholash markazlari xodimlarining malakasini oshirish;
tasdiqlangan malakaga ega shaxslar milliy reyestrini hamda kasbiy standartlar reyestrini shakllantirish va yuritish;
vazirlik va idoralardagi kasbiy malakalarni rivojlantirishga masʼul boʻlgan mutaxassislar faoliyatini muvofiqlashtirish va ularga amaliy yordam berish.
2. Belgilansinki:
Institutning Davlat budjetidan moliyalashtiriladigan boshqaruv va ilmiy xodimlarining umumiy cheklangan shtatlari soni 40 nafar etib belgilanadi hamda Kambagʻallikni qisqartirish va bandlik vazirligi huzuridagi Mehnat bozori tadqiqotlari institutining shtat birliklari hisobidan butlanadi;
Oldingi tahrirga qarang.
Institut direktori va uning oʻrinbosari Taʼlim sifatini taʼminlash milliy agentligi (keyingi oʻrinlarda — Agentlik) direktori tomonidan lavozimga tayinlanadi va lavozimdan ozod etiladi;
(2-bandning uchinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
Oldingi tahrirga qarang.
Agentlik direktoriga, zarur hollarda, Institut xodimlarining tasdiqlangan umumiy cheklangan soni va mehnatga haq toʻlash fondi doirasida Institut tuzilmasiga oʻzgartishlar kiritish huquqi beriladi;
(2-bandning toʻrtinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
Institut xodimlariga Oʻzbekiston Respublikasi Fanlar akademiyasi ilmiy-tadqiqot muassasalarining tegishli lavozimlari uchun belgilangan mehnatga haq toʻlash va moddiy ragʻbatlantirish shartlari qoʻllaniladi;
Institutga oʻz vazifalarini bajarish maqsadida tegishlicha oliy taʼlim va ilmiy tashkilotlarning professor-oʻqituvchilarini, yosh olimlar va isteʼdodli talabalarni, shuningdek, xorijiy mutaxassislarni jalb etgan holda vaqtinchalik ilmiy guruhlarni tashkil etish vakolati beriladi;
Oldingi tahrirga qarang.
Institut tomonidan xoʻjalik yurituvchi subyektlarning buyurtmalari boʻyicha shartnoma asosida tarmoq malaka ramkalari, kasbiy standartlar va baholash vositalarini ekspertiza qilish hamda malakalarni baholash markazlarini akkreditatsiyadan oʻtkazish boʻyicha pulli xizmatlar koʻrsatiladi. Bunda ushbu xizmatlar uchun toʻlov miqdorlari Agentlik bilan kelishilgan holda Institut tomonidan oʻrnatilgan tartibda belgilanadi.
(2-bandning yettinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
3. Quyidagilar Institut faoliyatini moliyalashtirish manbalari etib belgilansin:
2024-yilda Bandlikka koʻmaklashish jamgʻarmasidan ajratiladigan maqsadli ajratmalar;
2025-yildan boshlab (Bandlikka koʻmaklashish jamgʻarmasiga tegishli miqdordagi budjetdan ajratmalarni qisqartirish orqali) Davlat budjeti parametrlarida nazarda tutiladigan har yillik mablagʻlar;
Oliy taʼlim, fan va innovatsiyalar vazirligi huzuridagi Oliy taʼlim muassasalarini rivojlantirish jamgʻarmasidan ajratiladigan mablagʻlar;
ilmiy faoliyatga oid davlat dasturlarini amalga oshirish uchun Oliy taʼlim, fan va innovatsiyalar vazirligi tomonidan ajratiladigan grantlar;
xoʻjalik faoliyatidan hamda shartnoma asosida koʻrsatilgan xizmatlardan tushadigan tushumlar;
xalqaro moliya institutlari va boshqa xorijiy tashkilotlarning grantlari;
qonunchilik hujjatlarida taqiqlanmagan boshqa manbalar.
4. Institutga:
Milliy malaka tizimini rivojlantirish sohasidagi normativ-huquqiy hujjatlar loyihalarini ishlab chiqish;
Milliy malaka tizimini rivojlantirish sohasidagi istiqbolli loyihalarni amalga oshirish jarayonlarida ishtirok etish;
Oʻzbekiston Respublikasining milliy malakalar ramkasida nazarda tutilmagan taʼlimlar boʻyicha malakalar darajasini belgilash;
malaka tizimining ishtirokchilari sifatida oʻziga yuklatilgan vazifalarni bajarmayotgan vazirlik va idoralar mansabdor shaxslarining javobgarligi masalasini koʻrib chiqish boʻyicha Respublika kengashiga takliflar kiritish huquqi berilsin.
Oldingi tahrirga qarang.
5. Institut direktoriga Agentlik bilan kelishilgan holda Institutning budjetdan tashqari mablagʻlari hisobidan quyidagilarni amalga oshirishga ruxsat etiladi:
(5-bandning birinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
Institutda ishlash uchun xorijiy mutaxassislarni, shu jumladan, chet eldagi vatandoshlarni shartnoma asosida jalb qilish hamda ularning mehnatiga haq toʻlash;
Oldingi tahrirga qarang.
Institut xodimlarini Agentlik tomonidan belgilanadigan tartibda moddiy ragʻbatlantirish.
(5-bandning uchinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
6. Institutning shtat birliklari toʻldirilmaganligi munosabati bilan boʻshaydigan mablagʻlar, shuningdek, xodimlarning ish haqi fondidan iqtisod qilingan mablagʻlar Institut xodimlarini moddiy ragʻbatlantirishga yoʻnaltiriladi.
Oldingi tahrirga qarang.
Institut xodimlarini moddiy ragʻbatlantirish va mukofotlash, shuningdek, Institutning budjetdan tashqari mablagʻlaridan foydalanish tartibi Agentlik tomonidan tasdiqlanadi.
(6-bandning ikkinchi xatboshisi Oʻzbekiston Respublikasi Prezidentining 2026-yil 10-apreldagi PF-58-sonli Farmoni tahririda — Qonunchilik maʼlumotlari milliy bazasi, 13.04.2026-y., 06/26/58/0342-son)
7. Institut oʻzining vaqtincha boʻsh turgan budjetdan tashqari mablagʻlarini, shu jumladan, xorijiy valyutadagi mablagʻlarini Oʻzbekiston Respublikasi tijorat banklarining depozitlariga joylashtirishi va olingan daromadlarni tasarruf etishi mumkin.
Oʻzbekiston Respublikasi Prezidentining 2024-yil 30-sentabrdagi PQ-345-son qaroriga
9-ILOVA
Milliy malaka tizimini rivojlantirish instituti faoliyatining 2025-2026-yillar uchun asosiy maqsadli koʻrsatkichlari

T/r

Koʻrsatkich nomi

Oʻlchov birligi

2025-yil

2026-yil

1.

Kasbiy standartlarni ekspertizadan oʻtkazish

ta

147

303

2.

Malakalarni baholash markazlari faoliyatini akkreditatsiyadan oʻtkazish

ta

24

30

3.

Malakalarni baholash vositalarini ekspertizadan oʻtkazish

ta

48

60

4.

Tarmoq kengashlari aʼzolari va malakani baholash markazlari xodimlari va ekspertlarining malakasini oshirish

nafar

60

80

5.

Milliy malaka tizimini rivojlantirish boʻyicha tarmoq kengashlari, xalqaro ekspertlar, ish beruvchilar, taʼlim va ilmiy-tadqiqot tashkilotlari ishtirokida seminar, konferensiya va davra suhbatlarini tashkil etish

ta

3

4

6.

Milliy malaka tizimini rivojlantirish boʻyicha uslubiy qoʻllanmalar ishlab chiqish

ta

3

5

7.

Tarmoq malakalar ramkalarini ekspertizadan oʻtkazish

ta

24

36

8.

Milliy malaka tizimini rivojlantirish va kasbiy standartlarni takomillashtirib borish boʻyicha takliflar ishlab chiqish

ta

2

4

9.

Milliy malaka tizimini joriy qilish holati boʻyicha tarmoq kengashlarining faoliyatini oʻrganish va tahliliy maʼlumotlar ishlab chiqish

ta

10

24
(Qonunchilik maʼlumotlari milliy bazasi, 05.10.2024-y., 07/24/345/0784-son; 28.10.2025-y., 06/25/190/0985-son; 13.04.2026-y., 06/26/58/0342-son)