PQ-201-сон 03.07.2023. Toshkent shahri Chilonzor tumanining sanoat salohiyati va investitsiya jozibadorligini oshirishga doir qoʻshimcha chora-tadbirlar toʻgʻrisida

Oʻzbekiston Respublikasi Prezidentining

Qarori

Toshkent shahri Chilonzor tumanining sanoat salohiyati va investitsiya jozibadorligini oshirishga doir qoʻshimcha chora-tadbirlar toʻgʻrisida

Toshkent shahrining Chilonzor tumanidagi mavjud zaxiralardan toʻliq va samarali foydalanish, ishlab chiqarish va xizmat koʻrsatish sohalarini jadal rivojlantirish, yuqori qoʻshimcha qiymatga ega mahsulotlar ishlab chiqarish boʻyicha investitsiya loyihalarini amalga oshirish uchun qoʻshimcha sanoat maydonlarini tashkil qilish, muhandislik-kommunikatsiya infratuzilmasini yaxshilash orqali investorlar faoliyatini qoʻllab-quvvatlash hamda aholining turmush darajasini yanada oshirish maqsadida:

1. Investitsiyalar, sanoat va savdo vazirligi hamda Toshkent shahri hokimligining Chilonzor tumani “Beshqoʻrgʻon” va “Tirsakobod” mahalla fuqarolar yigʻinlari hududida joylashgan 320 gektar maydonda 30 yil muddatga kichik sanoat zonasi maqomidagi “Industrial hudud” tashkil etish toʻgʻrisidagi taklifiga rozilik berilsin.

LexUZ sharhi

Qarang: Oʻzbekiston Respublikasi Vazirlar Mahkamasining 2020-yil 9-martdagi 134-son qarori bilan tasdiqlangan Kichik sanoat zonalari toʻgʻrisidagi nizomning 2-bandi.

2. “Industrial hudud”ni rivojlantirishning asosiy yoʻnalishlari etib quyidagilar belgilansin:

hududning sanoat salohiyatini oshirish, shuningdek, yuqori texnologiyalarga asoslangan ishlab chiqarishlarni tashkil etish;

tadbirkorlik subyektlari va xorijiy investorlar oʻrtasida mustahkam sanoat kooperatsiyasi aloqalarini kengaytirish orqali yuqori qoʻshilgan qiymatga ega mahsulotlarni ishlab chiqarish uchun toʻgʻridan-toʻgʻri investitsiyalarni jalb qilish;

xalqaro standartlarga muvofiq energiya tejamkor, atrof-muhit muhofazasini taʼminlashga qaratilgan va ekologik xavfsiz ishlab chiqarish quvvatlarini barpo etish;

“Industrial hudud”ning transport, muhandislik-kommunikatsiya va yoʻl infratuzilmasini rivojlantirish orqali tadbirkorlik subyektlari loyihalarini amalga oshirishga koʻmaklashish;

korxonalarda “amaliy monomarkazlar”ni tashkil qilish orqali tadbirkorlik subyektlari faoliyati uchun malakali mutaxassislarni tayyorlash tizimini yoʻlga qoʻyish.

3. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (J. Xodjayev):

“Industrial hudud” faoliyatini muvofiqlashtirsin, shuningdek, unda joylashgan tadbirkorlik subyektlarini zarur infratuzilma bilan taʼminlash masalalari tezkorlik bilan hal etib borilishini taʼminlasin;

bir oy muddatda “Industrial hudud”da amalga oshiriladigan investitsiya loyihalarining manzilli roʻyxatini tasdiqlasin.

4. Toshkent shahri hokimligi:

a) bir oy muddatda:

“Industrial hudud” tarkibiga kiruvchi hududlarning chegaralari oʻrnatilgan tartibda tasdiqlanishi;

“Industrial hudud”da joylashgan tadbirkorlik subyektlariga “Industrial hudud” kichik sanoat zonasi ishtirokchisi maqomi berilishini taʼminlasin;

LexUZ sharhi

Qarang: Oʻzbekiston Respublikasi Vazirlar Mahkamasining 2020-yil 9-martdagi 134-son qarori bilan tasdiqlangan Kichik sanoat zonalari toʻgʻrisidagi nizomning 2-bandi.

b) Qurilish va uy-joy kommunal vazirligi hamda Iqtisodiyot va moliya vazirligi bilan birgalikda 2023-yil 31-dekabrga qadar “Industrial hudud”ning master rejasi va rivojlantirish strategiyasi xorijiy konsalting kompaniyalarni jalb qilgan holda ishlab chiqilishi va belgilangan tartibda tasdiqlanishini taʼminlasin;

v) 2024-yil 1-fevralga qadar “Industrial hudud”ning tasdiqlangan master rejasi va rivojlantirish strategiyasiga asosan “Industrial hudud”ni muhandislik-kommunikatsiya va yoʻl infratuzilmasi bilan taʼminlash boʻyicha loyihalar roʻyxatini tasdiqlash uchun Vazirlar Mahkamasiga kiritsin.

5. “Industrial hudud” faoliyatini tezkor boshqarish, shuningdek, unda faoliyat yuritadigan tadbirkorlik subyektlari uchun zarur infratuzilma obyektlarini barpo etish, hududni obodonlashtirish va koʻkalamzorlashtirish bilan bogʻliq vazifalarni amalga oshirish uchun Chilonzor tumani hokimligi huzurida davlat muassasasi shaklida “Industrial hudud”ni boshqarish direksiyasi tashkil etilsin.

6. Belgilansinki:

“Industrial hudud”ning master rejasi va rivojlantirish strategiyasini ishlab chiqish Toshkent shahar mahalliy budjetining qoʻshimcha manbalari mablagʻlari hisobidan moliyalashtiriladi;

“Industrial hudud”ni muhandislik-kommunikatsiya va yoʻl infratuzilmasi bilan taʼminlash boʻyicha loyihalarni moliyalashtirish Toshkent shahri hokimligi huzuridagi Tadbirkorlik infratuzilmasini rivojlantirish jamgʻarmasi va mahalliy budjetning qoʻshimcha manbalari mablagʻlari hisobidan amalga oshiriladi.

7. Davlat aktivlarini boshqarish agentligi bir oy muddatda “Industrial hudud”da ishlab chiqarish obyektlari va “amaliy monomarkaz” tashkil etish maqsadida “Toshneftgazqurilish” AJga tegishli Chilonzor tumani, Chorbogʻ koʻchasi, 1-uy manzilida joylashgan bino-inshootlarni tegishli yer uchastkasi bilan birgalikda baholangan qiymatda Agentlikka oʻtkazish masalasini jamiyatning boshqaruv organlari yigʻilishida koʻrib chiqsin.

8. Toshkent shahri hokimligining 2023 — 2025-yillarda Chilonzor tumani, Kichik halqa yoʻli va Bunyodkor shoh koʻchasi hamda Choʻponota va Chilonzor koʻchalari oraligʻida joylashgan “Bunyodkor” stadioni avtoturargohining jami 5,5 gektar yer uchastkasida qiymati kamida 200 million AQSh dollari boʻlgan mehmonxona, savdo va xizmat koʻrsatish obyektlari, koʻp kvartirali uylar va koʻp qavatli avtoturargohni oʻz ichiga olgan zamonaviy ishbilarmonlik markazini qurish loyihasini amalga oshirish toʻgʻrisidagi taklifi maʼqullansin.

Vazirlar Mahkamasi Toshkent shahri hokimligi bilan birgalikda 2023-yil yakuniga qadar zamonaviy ishbilarmonlik markazini qurish loyihasini amalga oshirish uchun yer uchastkalari loyiha tashabbuskorlariga oʻrnatilgan tartibda ajratilishini taʼminlasin.

9. Kambagʻallikni qisqartirish va bandlik vazirligi Toshkent shahri hokimligi, Davlat aktivlarini boshqarish agentligi bilan birgalikda ikki oy muddatda Toshkent shahri, Chilonzor tumani Diyor mahallasidagi Toshkent xodimlarni boshqarish va mehnatni muhofaza qilish kolleji binosining boʻsh turgan maydonlarida yoshlar va xotin-qizlarni zamonaviy kasblarga oʻqitish maqsadida “amaliy monomarkaz” tashkil qilish uchun ijara stavkasining minimal miqdori boʻyicha tadbirkorlik subyektlariga tanlov asosida ijaraga berilishini taʼminlasin.

LexUZ sharhi

Qarang: Oʻzbekiston Respublikasi Vazirlar Mahkamasining 2021-yil 5-apreldagi 183-son qarori bilan tasdiqlangan Bandlik va mehnat munosabatlari vazirligining “Ishga marhamat” monomarkazlari toʻgʻrisida nizom.

10. Quyidagilar:

Oldingi tahrirga qarang.

(Oʻzbekiston Respublikasi Prezidentining 2024-yil 25-dekabrdagi PQ-455-sonli qaroriga asosan 10-band ikkinchi xatboshisining chiqarilish sanasi 2025-yil 1-yanvar — Qonunchilik maʼlumotlari milliy bazasi, 30.12.2024-y., 07/24/455/1092-son)

2023 — 2025-yillarda Toshkent shahri Chilonzor tumanining sanoat va xizmat koʻrsatish sohalarini rivojlantirish boʻyicha investitsiya loyihalarining manzilli roʻyxati 2-ilovaga muvofiq;

2024-2025-yillarda Toshkent shahrining Chilonzor tumanida qurish, rekonstruksiya qilish hamda mukammal taʼmirlash rejalashtirilgan ijtimoiy soha obyektlari roʻyxati 3-ilovaga muvofiq tasdiqlansin.

Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (J. Xodjayev) mazkur qarorga 1 va 2-ilovalardagi chora-tadbirlar va loyihalar oʻz vaqtida va sifatli amalga oshirilishi ustidan nazorat oʻrnatsin va har oyda komissiya yigʻilishlarida muhokama qilib borsin.

11. Toshkent shahri hokimligi Iqtisodiyot va moliya vazirligi, manfaatdor vazirlik va idoralar bilan birgalikda:

Oldingi tahrirga qarang.

(Oʻzbekiston Respublikasi Prezidentining 2024-yil 25-dekabrdagi PQ-455-sonli qaroriga asosan 11-band “a” kichik bandining chiqarilish sanasi 2025-yil 1-yanvar — Qonunchilik maʼlumotlari milliy bazasi, 30.12.2024-y., 07/24/455/1092-son)

b) 3-ilovaga muvofiq markazlashtirilgan mablagʻlar hisobidan moliyalashtiriladigan ijtimoiy soha obyektlarini qurish, rekonstruksiya qilish va mukammal taʼmirlash loyihalarini Oʻzbekiston Respublikasining 2024-2025-yillar uchun ijtimoiy va ishlab chiqarish infratuzilmasini rivojlantirish dasturini shakllantirishda inobatga olsin.

Bunda, mazkur obyektlarning loyiha-smeta hujjatlarini ishlab chiqish bilan bogʻliq xarajatlar 2023-yil va kelgusi yillar uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlari doirasida moliyalashtirilsin.

12. Mazkur qarorning ijrosini samarali tashkil qilishga masʼul va shaxsiy javobgar etib Toshkent shahri hokimi vazifasini bajaruvchi Sh.B. Umurzakov belgilansin.

Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari J.A. Xodjayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2023-yil 3-iyul,

PQ-201-son

Oldingi tahrirga qarang.

(Oʻzbekiston Respublikasi Prezidentining 2024-yil 25-dekabrdagi PQ-455-sonli qaroriga asosan 1-ilovaning oʻz kuchini yoʻqotish sanasi — 2025-yil 1-yanvar — Qonunchilik maʼlumotlari milliy bazasi, 30.12.2024-y., 07/24/455/1092-son)

Oʻzbekiston Respublikasi Prezidentining 2023-yil 3-iyuldagi PQ-201-son qaroriga
2-ILOVA

2023 — 2025-yillarda Toshkent shahri Chilonzor tumanining sanoat va xizmat koʻrsatish sohalarini rivojlantirish boʻyicha investitsiya loyihalarining

MANZILLI ROʻYXATI

T/r	Tashabbuskor nomi	Loyiha nomi	Yillik ishlab chiqarish quvvati			Loyiha qiymati (mln soʻm)	moliyalashtirish manbai		Ish oʻrinlari (nafar)	Ishga tushirish muddati
			Yillik ishlab chiqarish quvvati				oʻz mablagʻi (mln. soʻm)	xorijiy investitsiya va kredit (mln AQSh doll.)
			oʻlchov birligi	natural qiymatda	ishlab chiqarish hajmi (mln soʻm)		oʻz mablagʻi (mln. soʻm)	xorijiy investitsiya va kredit (mln AQSh doll.)
	Jami (51 loyiha)				1 278 530	4 492 049	1 872 026	220,2	4 869
I.	Sanoat loyihalari				139 500	287 103	215 703	6,0	617
1.	“East-West Invest” MChJ	Chips ishlab chiqarishni tashkil etish	tonna	5	20 000	71 400		6,0	150	20.08.2024
2.	“Sirdaryo Montaj Qurilish” MChJ	Polipropilendan qop mahsulotlarini ishlab chiqarish	mln dona	50	15 000	45 000	45 000		200	30.12.2023
3.	“Tarleplast” MChJ	Temir trubalar ishlab chiqarishni kengaytirish	tonna	150	37 500	45 000	45 000		50	25.12.2023
4.	“Alfa Standart Tashkent” MChJ	Metaldan metal profillar ishlab chiqarish	tonna	50	5 700	22 600	22 600		15	30.07.2023
5.	“Toshkent Rizq Baraka” MChJ	Yogʻ va non mahsulotlarini ishlab chiqarish	tonna	20	20 000	20 000	20 000		25	30.12.2023
6.	“Smart Truks” MChJ	Polietilen va polipropilen shpagat ip va arqonlari ishlab chiqarishni tashkil etish	ming tonna	15	14 500	18 000	18 000		35	30.08.2023
7.	“Tovuz Frans” MChJ	Omborxona tashkil etish	tonna	300	5 000	16 703	16 703		40	30.07.2023
8.	“Komprador” MChJ QK	Kanselyariya mahsulotlari ishlab chiqarish sexi, ofis binosi va omborxona tashkil etish	tonna	683	9 800	15 000	15 000		42	30.12.2023
9.	“Wind-Ventilation Systems” MChJ	Ventilyatsion sistemalarni ishlab chiqarish	dona	300	4 000	14 000	14 000		20	30.07.2023
10.	“Vital Max Company” MChJ	Oʻymakorlik mahsulotlarini ishlab chiqarish	tonna	4	5 000	12 800	12 800		20	30.07.2023
11.	“Comfort Table” XK	Ofis mebellarini ishlab chiqarish	dona	600	3 000	6 600	6 600		20	30.07.2023
II.	Xizmat koʻrsatish sohasidagi loyihalar				1 139 030	4 204 946	1 656 323	214,2	4 252
1.	“World Miral” MChJ	“Smart siti” loyihasini (savdo markazi, mehmonxona, biznes markazi, IT markazi, zamonaviy koʻp qavatli avtoturargoh, turar joy majmuasi) amalga oshirish	qatnov	10 000	800 000	2 304 000	400 000	160,0	2 000	30.12.2025
2.	“Future Growth” MChJ	Zamonaviy turar-joy tashkil etish	xonadon	288		380 000	380 000		150	30.12.2023
3.	“Greens Residences” MChJ	Koʻp qavatli turar joy majmuasini qurish	xonadon	130		238 000		20,0	50	01.12.2024
4.	“Eriell Service” SHK	Biznes markaz tashkil etish	mln soʻm		8 500	202 300		17,0	100	01.12.2024
5.	“NRG Park” MChJ	Koʻp qavatli turar joy majmuasini qurish	xonadon	300		119 000	47 600	6,0	200	01.12.2024
6.	“Kinorica” MChJ	Zamonaviy mehmonxona tashkil etish	oʻrin	100	45 000	107 100	107 100		200	31.12.2023
7.	Jismoniy shaxs Joʻrayev Nabijon	Xususiy klinika tashkil etish	oʻrin	50	35 000	70 000	70 000		50	30.09.2023
8.	“Long-Lived Buildings” MChJ	Zamonaviy koʻp qavatli turar joy qurish	xonadon	130		60 000	60 000		20	30.09.2023
9.	“Eastern construction group” MChJ	Pastki qavatlari noturar boʻlgan zamonaviy koʻp qavatli turar joylarni qurish	xonadon	250		59 500		5,0	10	31.12.2024
10.	“Shaxtaquruvchi” MChJ	Koʻp qavatli turar joy qurish	xonadon	44		50 000	50 000		15	10.12.2024
11.	“Ast Lider” MChJ	Tantanalar uyi, kinoteatr majmuasi hamda non va qandolat mahsulotlarini ishlab chiqarish sexlarini rekonstruksiya qilish	xonadon	54		50 000	50 000		10	30.03.2024
12.	“WENCAF” MChJ	Wendy's restoranlarining faoliyatini ishga tushirish	oʻrin	50	35 000	49 623		4,2	75	30.09.2023
13.	“Optima Altima Plyus” MChJ	Biznes markazini tashkil etish	mlrd soʻm		28 000	40 000	40 000		70	30.12.2023
14.	“Woodlands” MChJ	Zamonaviy umumovqatlanish majmuasini tashkil etish	qatnov	1 500	25 000	40 000	40 000		50	30.12.2023
15.	“Seyyam International General Trading” MChJ	Biznes markazini tashkil etish	mln soʻm		2 800	33 963	33 963		50	20.12.2023
16.	“Katta Savob” MChJ	Mehmonxona xizmatini tashkil etish	oʻrin	50	9 000	30 000	30 000		50	30.12.2023
17.	“Salomat Nayot Info” MChJ	Zamonaviy turar joy binosini qurish	xonadon	54		30 000	30 000		30	30.12.2023
18.	“Maxbub Stroy” MChJ	Zamonaviy turar-joylar va savdo kompleksini tashkil etish	xonadon	100		30 000	30 000		50	30.12.2023
19.	“Xasanov Murodjan Xoltaevich 777” MChJ	Biznes markazini tashkil etish	mlrd soʻm		25 000	30 000	30 000		50	30.04.2024
20.	“Oq Tepa Osiyo Stroy” MChJ	Zamonaviy turar joylarni qurish	xonadon	40		25 200	25 200		50	30.12.2023
21.	“Azia City Center” MChJ	Coworking markazini tashkil etish	qatnov	5 000	5 200	25 000	25 000		150	30.10.2023
22.	“Ozun Tashkent Construction” MChJ	Biznes markazi, savdo-koʻngilochar markazlar tashkil qilish	mln soʻm		50 000	23 800		2,0	200	31.12.2023
23.	“Match Trade” MChJ	Mehmonxona xizmatini tashkil etish	oʻrin	50	8 500	20 160	20 160		20	30.12.2023
24.	“Tosh Kuch Favvora” MChJ	Mehmonxona faoliyatini tashkil etish	oʻrin	60	4 500	20 000	20 000		50	30.12.2023
25.	Jismoniy shaxs Qosimova Mupura	Koʻp tarmoqli xususiy klinika faoliyatini tashkil etish	qatnov	800	12 000	20 000	20 000		40	01.12.2023
26.	“Elshodbek Baraka” MChJ	Bolalar uchun sport majmuasini tashkil etish	qatnov	4 000	4 000	20 000	20 000		10	30.12.2023
27.	“Notel Biznes” MChJ	Mehmonxona xizmatini tashkil etish	oʻrin	120	5 000	20 000	20 000		50	30.12.2023
28.	“Magnat Rizq Baraka” MChJ	Mehmonxona, sogʻlomlashtirish maskani va maishiy xizmat koʻrsatishni tashkil etish	oʻrin	35	5 750	19 300	19 300		47	30.12.2023
29.	Jismoniy shaxs Muxammedov Jamshid	Biznes markaz tashkil etish	mln soʻm		7 000	15 000	15 000		30	30.12.2023
30.	“Uniteks Group” MChJ	Mehmonxona faoliyatini kengaytirish	oʻrin	80	3 500	10 000	10 000		15	30.12.2023
31.	Jismoniy shaxs Xojimatov Abdulla	Maishiy xizmat koʻrsatish faoliyatini tashkil etish	mln soʻm		3 500	10 000	10 000		90	30.12.2023
32.	“Madina Plus” MChJ	Savdo va maishiy xizmat koʻrsatishni tashkil etish	mln soʻm		4 200	8 000	8 000		15	10.12.2023
33.	“Gold Trade CN-17” MChJ	Zamonaviy maktabgacha taʼlim tashkilotlarini tashkil etish	oʻrin	30	4 500	8 000	8 000		40	30.12.2023
34.	“Easy Consent Nolding” MChJ QK	Ofis binosi va oʻquv markazi tashkil etish	oʻrin	25	2 000	7 000	7 000		15	30.12.2023
35.	“Tosh Kuch Favvora” MChJ	Maishiy xizmat koʻrsatish majmuasini tashkil etish	mln soʻm		1 500	7 000	7 000		60	30.12.2023
36.	“Beryozoviy Les” MChJ	Mehmonxona tashkil etish	oʻrin	45	1 200	5 000	5 000		23	30.08.2023
37.	“Tezkor ta'lim” NTM	Oʻquv markazi faoliyatini tashkil etish	oʻrin	120	1 580	5 000	5 000		30	30.12.2023
38.	Jismoniy shaxs Yuldashev Diyor	Biznes markazi binosini qurish	mln soʻm		1 800	5 000	5 000		70	30.12.2023
39.	“Kamron Building” MChJ	Koʻp qavatli turar joy majmuasini qurish	xonadon	60		4 500	4 500		2	30.12.2023
40.	“Komgul” MChJ	Zamonaviy turar joylar qurish	xonadon	35		3 500	3 500		15	30.12.2023

Oʻzbekiston Respublikasi Prezidentining 2023-yil 3-iyuldagi PQ-201-son qaroriga
3-ILOVA

2024-2025-yillarda Toshkent shahrining Chilonzor tumanida qurish, rekonstruksiya qilish hamda mukammal taʼmirlash rejalashtirilgan ijtimoiy soha obyektlari

ROʻYXATI

T/r	Tadbirlar nomi	Oʻlchov birligi	Quvvati	Loyiha qiymati (mln soʻm)	Moliyalashtirish manbai
Jami				147 000
I.	Maktabgacha taʼlim tashkilotlari, jami		2 190	51 000
	*Yangi qurilish*		360	15 000
1.	“Beshqoʻrgʻon” MFY hududida 360 oʻrinli maktabgacha taʼlim tashkilotini qurish	oʻrin	360	15 000	Respublika budjeti
	*Mukammal taʼmirlash*		1 830	36 000
2.	“Katta Chilonzor-1” MFYdagi 200-son maktabgacha taʼlim tashkilotini mukammal taʼmirlash	oʻrin	150	3 000	Respublika budjeti
3.	“Beshchinor” MFYdagi 364-son maktabgacha taʼlim tashkilotini mukammal taʼmirlash	oʻrin	360	8 000	Respublika budjeti
4.	“Kichik Xirmontepa” 400-son maktabgacha taʼlim tashkilotini mukammal taʼmirlash	oʻrin	360	5 000	Respublika budjeti
5.	“Botirma” MFYdagi 406-son maktabgacha taʼlim tashkilotini mukammal taʼmirlash	oʻrin	360	6 000	Respublika budjeti
6.	“Mevazor” MFYdagi 496-son maktabgacha taʼlim tashkilotini mukammal taʼmirlash	oʻrin	240	6 000	Respublika budjeti
7.	“Yakkatut” MFYdagi 526-son maktabgacha taʼlim tashkilotini mukammal taʼmirlash	oʻrin	360	8 000	Respublika budjeti
II.	Umumtaʼlim maktablari, jami		7 074	61 000
	*Rekonstruksiya qilish va mukammal taʼmirlash*		7 074	61 000
8.	“Mevazor” MFYdagi 114-son maktabning mavjud binosini mukammal taʼmirlash	oʻrin	1 500	11 000	Respublika budjeti
9.	“Qozirobod” MFYdagi 138-son maktabning mavjud binosini mukammal taʼmirlash, suv havzasi va oshxona binosini qurish va jihozlash	oʻrin	960	11 000	Respublika budjeti
10.	“Xalqlar doʻstligi” MFYdagi 178-son maktabning mavjud binosini mukammal taʼmirlash	oʻrin	1 604	14 000	Respublika budjeti
11.	“Tirsakobod” MFYdagi 201-son maktabning mavjud binosini mukammal taʼmirlash	oʻrin	1 050	9 000	Respublika budjeti
12.	“Yakkatut” MFYdagi 202-son maktabning mavjud binosini mukammal taʼmirlash	oʻrin	1 050	8 000	Respublika budjeti
13.	“Beshqoʻrgʻon” MFYdagi 270-son maktabning mavjud binosini mukammal taʼmirlash	oʻrin	910	8 000	Respublika budjeti
III.	Sogʻliqni saqlash, jami		250	35 000
	*Yangi qurilish*		250	35 000
14.	“Bektoʻpi” MFYdagi 38-son oilaviy poliklinikaga yangi bino qurish hamda zarur mebel va texnikalar bilan jihozlash	qatnov	250	35 000	Respublika budjeti

(Qonunchilik maʼlumotlari milliy bazasi, 04.07.2023-y., 07/23/201/0443-son; 30.12.2024-y., 07/24/455/1092-son)