Oʻzbekiston Respublikasi Vazirlar Mahkamasining
qarori
Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatishning maʼmuriy reglamentini tasdiqlash toʻgʻrisida
Oʻzbekiston Respublikasi Prezidentining “Davlat xizmatlari koʻrsatish infratuzilmasini takomillashtirish va aholining davlat xizmatlaridan foydalanish imkoniyatlarini kengaytirish chora-tadbirlari toʻgʻrisida” 2021-yil 24-iyuldagi PF-6269-son Farmoni ijrosini taʼminlash hamda arxiv ishi va ish yuritish sohasida davlat xizmatlarini koʻrsatish tizimini yanada takomillashtirish maqsadida Vazirlar Mahkamasi qaror qiladi:
1. Quyidagilarni nazarda tutuvchi Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatishning maʼmuriy reglamenti 1-ilovaga muvofiq tasdiqlansin:
davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatish tartibi;
ariza berish va uni koʻrib chiqish tartibi;
ruxsatnomani ariza beruvchiga taqdim etish tartibi;
ruxsatnomani berishni rad etishning asoslari.
2. Oʻzbekiston Respublikasi “Oʻzarxiv” agentligi oʻn kun muddatda Oʻzbekiston Respublikasi Yagona interaktiv davlat xizmatlari portalida (keyingi oʻrinlarda — YIDXP) elektron xizmatlarni joriy qilish boʻyicha texnik hujjatlarni Axborot texnologiyalari va kommunikatsiyalarini rivojlantirish vazirligiga taqdim etsin.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzarxiv” agentligi hamda Adliya vazirligi huzuridagi Davlat xizmatlari agentligi bilan birgalikda ikki oy muddatda:
ushbu qaror bilan tasdiqlangan maʼmuriy reglament boʻyicha davlat xizmatlarining YIDXP orqali joriy etilishini taʼminlasin;
YIDXPda davlat xizmatlari koʻrsatishning har bir bosqichida murojaatlar koʻrib chiqilishini kuzatib borish tartibini joriy etsin.
4. Oʻzbekiston Respublikasi Adliya vazirligi huzuridagi Davlat xizmatlari agentligi “Oʻzarxiv” agentligi tizimidagi davlat arxivlari tomonidan davlat xizmatlarining belgilangan tartibda koʻrsatilishi ustidan, shu jumladan, YIDXP orqali doimiy nazorat oʻrnatsin.
5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar va qoʻshimchalar kiritilsin.
6. Oʻzbekiston Respublikasi “Oʻzarxiv” agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
7. Mazkur qarorning bajarilishini nazorat qilish Vazirlar Mahkamasining IT-texnologiyalar, telekommunikatsiyalar va innovatsion faoliyatni rivojlantirish masalalari departamentiga hamda Oʻzbekiston Respublikasi “Oʻzarxiv” agentligi direktori U.M. Yusupov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 29-dekabr,
788-son
Vazirlar Mahkamasining 2021-yil 29-dekabrdagi 788-son qaroriga
1-ILOVA
1-ILOVA
Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatishning
MAʼMURIY REGLAMENTI
1-bob. Umumiy qoidalar
1. Ushbu Reglament Oʻzbekiston Respublikasi fuqarolariga (voyaga yetmagan shaxslar uchun ularning ota-onasi yoki vasiylariga) (keyingi oʻrinlarda — ariza beruvchi) davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati (keyingi oʻrinlarda — davlat xizmati) koʻrsatish tartibini belgilaydi.
Mazkur Reglament Oʻzbekiston Respublikasi Prezidentining hamda Hukumatning hujjatlari va topshiriqlariga asosan tadqiqot olib boruvchi foydalanuvchilar uchun tatbiq etilmaydi.
2. Davlat xizmati davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) orqali davlat arxivlari tomonidan koʻrsatiladi.
3. Davlat xizmatlari markazlari va davlat arxivlari oʻrtasidagi axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo elektron bogʻlanish yordamida amalga oshiriladi.
4. Davlat xizmati ushbu Reglamentga 1-ilovaga muvofiq sxema boʻyicha koʻrsatiladi.
2-bob. Davlat xizmatini koʻrsatish tartibi
5. Davlat xizmatidan foydalanish uchun ariza beruvchi yoki uning ishonchli vakili davlat xizmatlari markaziga kelib murojaat qiladi yoki davlat xizmatlaridan elektron shaklda foydalanish uchun YIDXPdan roʻyxatdan oʻtadi.
6. Ariza beruvchi yoki uning ishonchli vakili davlat xizmatlari markaziga kelib murojaat qilgan taqdirda, davlat xizmatlari markazi xodimi ariza beruvchi nomidan, YIDXP orqali murojaat etgan taqdirda esa, mustaqil ravishda ushbu Reglamentga 2-ilovaga muvofiq shakldagi soʻrovnomani elektron tarzda toʻldiradi.
7. Arxiv hujjatlaridan tashkilotning rejaga muvofiq xizmat, ishlab chiqarish, ilmiy, madaniy, maʼrifiy, taʼlim va qonun hujjatlarida taqiqlanmagan boshqa ishlarini yoki xodimning xizmat vazifalarini bajarish maqsadida foydalanishda soʻrovnomaga mazkur tashkilotning rasmiy xati nusxasi ilova qilinishi lozim.
8. Davlat xizmatlari markazlari tomonidan soʻrovnoma toʻldirilgandan soʻng ariza beruvchi maʼlumotlarning toʻgʻriligini tekshirib, soʻrovnomani identifikatsiya qilishning zamonaviy vositalari bilan tasdiqlaydi.
9. Ariza beruvchi tomonidan soʻrovnomani ERI bilan tasdiqlash talab etilmaydi.
10. Ariza beruvchi YIDXP orqali murojaat etgan taqdirda, soʻrovnomani yagona identifikatsiya tizimi (One ID) orqali tasdiqlash talab etiladi.
11. Davlat xizmati koʻrsatilganligi uchun yigʻim undirilmaydi (arxiv hujjatlaridan nusxa olish va boshqa pullik arxiv xizmatlari bundan mustasno).
12. Ariza beruvchi sud tomonidan muomala layoqati cheklangan yoki muomalaga layoqatsiz deb topilgan shaxs ekanligi maʼlum boʻlishi, ariza beruvchi tomonidan soʻrovnomada notoʻgʻri maʼlumotlarning koʻrsatilishi yoki uni tasdiqlash rad etilishi davlat xizmati koʻrsatishni rad etish uchun asos hisoblanadi. Sud tomonidan muomala layoqati cheklangan yoki muomalaga layoqatsiz deb topilgan shaxslar davlat arxivlari tomonidan idoralararo elektron tizimlar orqali aniqlanadi.
Davlat xizmati koʻrsatishni boshqa asoslar boʻyicha rad etish taqiqlanadi.
13. Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatidan foydalanishdan bosh tortganda, uning soʻrovnomasi koʻrib chiqilmasdan qoldiriladi.
14. Ariza beruvchi davlat xizmatlari markaziga kelib murojaat etgan taqdirda, uning soʻrovnomasi davlat xizmatlari markazi xodimi tomonidan toʻldirilib, ariza beruvchi tomonidan tasdiqlangandan soʻng 10 daqiqa mobaynida, YIDXP orqali murojaat etganda avtomatik tarzda tegishli davlat arxiviga elektron shaklda yuboriladi.
15. Davlat arxivi soʻrovnoma kelib tushgan vaqtdan boshlab 1 ish kunida ushbu Reglamentga 3-ilovada keltirilgan shaklga muvofiq davlat arxivlari oʻquv zallarida arxiv hujjatlaridan foydalanishga QR-kodli (matrik shtrixli kod) qoʻyilgan ruxsatnomani shakllantiradi hamda (oʻzi kelib murojaat etgan taqdirda) tegishli davlat xizmatlari markaziga yoki (elektron shaklda murojaat etgan taqdirda) YIDXP orqali elektron shaklda yuboradi va bu haqida davlat xizmatlari markazlarini elektron tarzda xabardor qiladi. Davlat xizmatlari markazi ariza beruvchiga axborot-kommunikatsiya tizimi orqali xabar beradi.
Ruxsatnoma bir yil muddatga foydalanish uchun amal qiladi.
Ruxsatnomaning amal qilish muddatini uzaytirish uchun ariza beruvchi ruxsatnomaning amal qilish muddati tugashiga yigirma ish kunidan kam muddat qolganida murojaat qiladi. Ruxsatnomaning amal qilish muddatini uzaytirish ushbu Reglamentga muvofiq umumiy asoslarda amalga oshiriladi.
16. Davlat xizmatlari markazi ruxsatnoma kelib tushgandan soʻng 10 daqiqa mobaynida uni ariza beruvchining elektron manziliga yuboradi va uni bu haqida axborot-kommunikatsiya tizimi orqali xabardor qiladi.
Ariza beruvchi davlat xizmatlari markaziga kelib murojaat qilgan taqdirda, uning soʻroviga koʻra davlat xizmatlari markazi unga ruxsatnomani elektron yoki qogʻoz shaklda taqdim etishi mumkin.
YIDXP orqali yuborilgan ariza boʻyicha ruxsatnoma foydalanuvchining shaxsiy kabinetiga avtomatik ravishda yuboriladi va bu haqida axborot-kommunikatsiya tizimi orqali xabardor qilinadi.
3-bob. Yakunlovchi qoidalar
17. Davlat xizmatlari markazlari va davlat arxivlari oʻz faoliyatini amalga oshirishi natijasida olingan maʼlumotlarning sir saqlanishini taʼminlaydi.
18. Oʻzbekiston Respublikasi Adliya vazirligi huzuridagi Davlat xizmatlari agentligi, uning hududiy boshqarmalari va davlat xizmatlari markazlari ushbu Reglament talablari ijrosi boʻyicha davlat organlari va boshqa tashkilotlarning faoliyatini doimiy nazorat qiladi va monitoring olib boradi.
19. Ariza beruvchi davlat organlari va boshqa tashkilotlar xodimlarining xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.
20. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatishning maʼmuriy reglamentiga
1-ILOVA
1-ILOVA
Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmatini koʻrsatish
SXEMASI
|
Bosqichlar |
Subyektlar |
Tadbirlar |
Bajarish muddatlari | |||
|
1-bosqich |
Ariza beruvchi |
Davlat xizmatidan foydalanish uchun davlat xizmatlari markaziga oʻzi yoki uning ishonchli vakili kelib murojaat qiladi yoki Yagona interaktiv davlat xizmatlari portalida roʻyxatdan oʻtadi. |
Xohishiga koʻra | |||
|
2-bosqich |
1. Davlat xizmatlari markazi |
Soʻrovnomani toʻldirib, tegishli davlat arxiviga yuboradi. |
1. Soʻrovnoma toʻldirilgandan keyin 10 daqiqa ichida | |||
|
2. Yagona interaktiv davlat xizmatlari portali |
2. Avtomatik tarzda | |||||
|
3-bosqich |
Davlat arxivlari |
QR-kod (matrik shtrixli kod) qoʻyilgan ruxsatnomani rasmiylashtiradi hamda (oʻzi kelib murojaat etgan taqdirda) ERI bilan tasdiqlangan holda tegishli davlat xizmatlari markaziga yoki (elektron tarzda murojaat etgan taqdirda) YIDXP orqali elektron shaklda yuboradi. |
1 ish kunida | |||
|
4-bosqich |
Davlat xizmatlari markazi |
1. Ruxsatnomani ariza beruvchining elektron manziliga yuboradi va uni bu haqida axborot-kommunikatsiya tizimi orqali xabardor qiladi. |
1. Ruxsatnoma kelib tushgandan soʻng 10 daqiqa mobaynida | |||
|
2. Ariza beruvchining oʻzi kelib murojaat qilgan taqdirda uning soʻroviga koʻra ruxsatnomani elektron yoki qogʻoz shaklda taqdim etadi. |
2. Ariza beruvchining soʻroviga koʻra |
Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatishning maʼmuriy reglamentiga
2-ILOVA
2-ILOVA
|
|
|
|
|
(sana) |
|
(raqam) |
Davlat arxivlari oʻquv zallarida arxiv hujjatlaridan foydalanishga ruxsatnoma olish (amal qilish muddatini uzaytirish) uchun
SOʻROVNOMA
|
I. Ariza beruvchi toʻgʻrisida maʼlumotlar: | |
|
1. Familiyasi (oʻzgartirilgan boʻlsa, yozilishi kerak): |
|
|
2. Ismi (oʻzgartirilgan boʻlsa, yozilishi kerak): |
|
|
3. Otasining ismi (oʻzgartirilgan boʻlsa, yozilishi kerak): |
|
|
4. Tugʻilgan yili va sanasi: |
|
|
5. Maʼlumoti, ilmiy unvoni va darajasi (agar mavjud boʻlsa) |
|
|
6. Doimiy yashash joyi boʻyicha roʻyxatga olingan manzil: |
|
|
7. Pasport yoki ID-karta seriyasi va raqami: |
|
|
8. Elektron pochta manzili (mavjud boʻlsa): |
|
|
9. Telefon raqami: |
|
|
II. Ilova qilinadigan hujjatlar: | |
|
10. Tegishli tashkilotning rasmiy xati nusxasi (agar mavjud boʻlsa) |
|
|
III. Oʻquv zallaridan foydalanish boʻyicha maʼlumot: | |
|
11. Asosiy maqsad (ilmiy, genealogik, mavzuli va boshqalar) |
|
|
12. Mavzu nomi va davriyligi |
|
|
13. Qaysi arxiv oʻquv zalidan foydalanadi |
|
Ushbu soʻrovnomada keltirilgan maʼlumotlarning haqiqiyligini tasdiqlayman.
Davlat arxivlari oʻquv zallarida arxiv hujjatlaridan foydalanishga ruxsatnoma berish boʻyicha davlat xizmati koʻrsatishning maʼmuriy reglamentiga
3-ILOVA
3-ILOVA
|
_____________ |
Davlat arxivining oʻquv zalida arxiv hujjatlaridan foydalanishga |
| |||||
|
(arxiv nomi) |
|
RUXSATNOMA |
|
| |||
|
QR-kod |
Ruxsatnoma r�qami |
A 00000 | |||||
|
Familiyasi |
| ||||||
|
Ismi |
| ||||||
|
Otasining ismi |
| ||||||
|
Berilgan vaqti |
00.00.0000y. | ||||||
|
Amal qilish muddati |
00.00.0000y. |
uzaytirilgan |
00.00.0000y. | ||||
|
Kim tomonidan berilgan |
| ||||||
|
Direktorning F.I.Sh. |
| ||||||
|
Mazkur ruxsatnoma shaxsni tasdiqlovchi hujjat taqdim etilganda haqiqiy hisoblanadi va faqat ruxsatnoma berilgan arxiv oʻquv zali uchun amal qiladi. | |||||||
Vazirlar Mahkamasining 2021-yil 29-dekabrdagi 788-son qaroriga
2-ILOVA
2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimchalar
1. Vazirlar Mahkamasining “Arxiv ishi va ish yuritish sohasida davlat xizmatlarini koʻrsatishning ayrim maʼmuriy reglamentlarini tasdiqlash toʻgʻrisida” 2020-yil 19-avgustdagi 495-son qarorida:
a) 3-ilovada (Arab alifbosida yaratilgan turk, fors va arab tilidagi hujjatlardagi axborotlar toʻgʻrisida annotatsiya maʼlumotlarini tayyorlab berish boʻyicha davlat xizmati koʻrsatishning maʼmuriy reglamenti):
ikkinchi xatboshidagi “tegishli preyskurantga asosan,” soʻzlari “ushbu bandning birinchi xatboshisida koʻrsatilgan” soʻzlari bilan almashtirilsin;
quyidagi mazmundagi xatboshi bilan toʻldirilsin:
“Ijtimoiy himoya yagona reyestri” axborot tizimida roʻyxatga olingan shaxslarga, shuningdek, I va II guruh nogironligi boʻlgan shaxslarga ushbu bandning birinchi xatboshisida belgilangan yigʻimning 50 foizi miqdorida chegirma qoʻllaniladi”;
16-band quyidagi tahrirda bayon etilsin:
“16. Oʻzbekiston Milliy arxivi soʻrovnoma kelib tushgan vaqtdan boshlab 3 ish kuni mobaynida, qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda 10 ish kuni mobaynida maʼlumotnomani (annotatsiyani) tayyorlaydi hamda (oʻzi kelib murojaat etgan taqdirda) tegishli Davlat xizmatlari markaziga yoki (elektron tarzda murojaat etgan taqdirda) YIDXP orqali elektron tarzda yuboriladi.
Ariza beruvchi tomonidan davlat xizmatini tezkor bajarish istagi bildirilsa va soʻralayotgan hujjatning aniq maʼlumotlari koʻrsatilgan taqdirda, arxivning imkoniyatidan kelib chiqqan holda 2 ish kuni mobaynida maʼlumotnoma (annotatsiya) tayyorlanadi, mazkur Reglamentning 10-bandi birinchi xatboshisida belgilangan narxga 50 foiz qoʻshimcha haq undiriladi.
Agar davlat xizmatini tezkor bajarish boʻyicha ariza beruvchi tomonidan koʻrsatilgan barcha shartlar bajarilgandan soʻng Oʻzbekiston Milliy arxivi tomonidan 2 ish kunida davlat xizmati koʻrsatilmasa, toʻlangan 50 foiz qoʻshimcha haq 1 ish kuni mobaynida mazkur arxivning budjetdan tashqari mablagʻlari hisobidan qaytariladi”;
Reglamentga 1-ilovaning 3-bosqich “Bajarish muddatlari” ustuni quyidagi tahrirda bayon etilsin:
“3 ish kunida (qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda 10 ish kunida), 2 ish kunida (ariza beruvchi tomonidan davlat xizmatini tezkor bajarish istagi bildirilsa)”;
Reglamentga 2-ilova quyidagi mazmundagi 18-pozitsiya bilan toʻldirilsin:
|
“ |
||
|
18. |
Davlat xizmatini tezkor bajarish istagini bildirasizmi (ha/yoʻq) |
|
|
”; |
b) 4-ilovada (Arxiv hujjatlari, kitoblar va qoʻlyozmalarni raqamlashtirish (elektron nusxa olish) boʻyicha davlat xizmati koʻrsatishning maʼmuriy reglamenti):
ikkinchi xatboshidagi “tegishli preyskurantga asosan,” soʻzlari “ushbu bandning birinchi xatboshisida belgilangan” soʻzlari bilan almashtirilsin;
quyidagi mazmundagi xatboshi bilan toʻldirilsin:
“Ijtimoiy himoya yagona reyestri” axborot tizimida roʻyxatga olingan shaxslarga, shuningdek, I va II guruh nogironligi boʻlgan shaxslarga ushbu bandning birinchi xatboshisida belgilangan yigʻimning 50 foizi miqdorida chegirma qoʻllaniladi.”;
16-band quyidagi tahrirda bayon etilsin:
“16. Davlat arxivlari soʻrovnoma kelib tushgan vaqtdan boshlab 3 ish kuni mobaynida 200 betgacha, qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda 15 ish kun mobaynida 200 betgacha boʻlgan arxiv hujjatlari, kitoblar va qoʻlyozmalarni raqamlashtirish (elektron nusxa olish) ishlarini bajaradi hamda (oʻzi kelib murojaat etgan taqdirda) Davlat xizmatlari markaziga yoki (elektron tarzda murojaat etgan taqdirda) YIDXP orqali elektron tarzda yuboradi.
Ariza beruvchi tomonidan davlat xizmatini tezkor bajarish istagi bildirilsa va soʻralayotgan hujjatning aniq maʼlumotlari koʻrsatilgan taqdirda, arxivning imkoniyatidan kelib chiqqan holda 1 ish kuni mobaynida 200 betgacha boʻlgan arxiv hujjatlari, kitoblar va qoʻlyozmalarni raqamlashtirish (elektron nusxa olish) ishlari bajarilib, mazkur Reglamentga 3-ilovada belgilangan narxlarga 50 foiz qoʻshimcha haq undiriladi.
Agar davlat xizmatini tezkor bajarish boʻyicha ariza beruvchi tomonidan koʻrsatilgan barcha shartlar bajarilgandan soʻng, masʼul davlat arxivi tomonidan 1 ish kunida davlat xizmati koʻrsatilmasa toʻlangan 50 foiz qoʻshimcha haq 1 ish kuni davomida tegishli davlat arxivining budjetdan tashqari mablagʻlari hisobidan qaytariladi”;
Reglamentga 1-ilovaning 3-bosqich “Bajarish muddatlari” ustuni quyidagi tahrirda bayon etilsin:
“3 ish kunida (qoʻshimcha oʻrganish va (yoki) tekshirish, qoʻshimcha hujjatlarni soʻrab olish talab etilganda 15 ish kunida), 1 ish kunida (ariza beruvchi tomonidan davlat xizmatini tezkor bajarish istagi bildirilsa)”;
Reglamentga 2-ilova “Arxiv hujjatlari, kitoblar va qoʻlyozmalarni raqamlashtirish (elektron nusxa olish) uchun soʻrovnoma” shakli quyidagi mazmundagi 18-pozitsiya bilan toʻldirilsin:
|
“ |
||
|
18. |
Davlat xizmatini tezkor bajarish istagini bildirasizmi (ha/yoʻq) |
|
|
”; |
Reglamentga 3-ilovaning matni quyidagi tahrirda bayon etilsin:
“Arxiv hujjatlari, kitoblar va qoʻlyozmalarni raqamlashtirish (elektron nusxa olish) uchun
YIGʻIM MIQDORI
|
T/r |
Raqamlashtirish (elektron nusxa koʻchirish va ishlov berish) formatlari |
Hujjat yaratilgan davr |
Oʻlchov birligi |
Yigʻim miqdori |
|
1. |
Raqamlashtirish (elektron nusxa koʻchirish va ishlov berish) bir tomonlama A0 — A2 formatlarda |
1917 yilgacha |
1 bet |
bazaviy hisoblash miqdorining 0,64 baravari |
|
1918 — 1990-yillar |
1 bet |
bazaviy hisoblash miqdorining 0,32 baravari | ||
|
1991-yildan hozirgi kunga qadar |
1 bet |
bazaviy hisoblash miqdorining 0,16 baravari | ||
|
2. |
Raqamlashtirish (elektron nusxa koʻchirish va ishlov berish) bir tomonlama A3 — A5 formatlarda |
1917 yilgacha |
1 bet |
bazaviy hisoblash miqdorining 0,08 baravari |
|
1918 — 1990-yillar |
1 bet |
bazaviy hisoblash miqdorining 0,04 baravari | ||
|
1991-yildan hozirgi kunga qadar |
1 bet |
bazaviy hisoblash miqdorining 0,02 baravari | ||
|
”. |
2. Vazirlar Mahkamasining 2020-yil 10-noyabrdagi 706-son qarori bilan tasdiqlangan Oʻzbekiston Respublikasi davlat arxivlari oʻquv zallarida foydalanuvchilarning arxiv hujjatlari bilan ishlash tartibi toʻgʻrisidagi nizomda:
a) 10-banddagi “uch ish kuni ichida” soʻzlari “bir ish kunida” soʻzlari bilan almashtirilsin;
b) nizomga ilova 2-bosqichining “Bajarish muddatlari” ustunidagi “Uch ish kuni ichida” soʻzlari “Bir ish kunida” soʻzlari bilan almashtirilsin.
(Qonunchilik maʼlumotlari milliy bazasi, 29.12.2021-y., 09/21/788/1215-son)
