“Oʻzbekiston Respublikasining transport qurilishi korxonalarini boshqarish tizimini takomillashtirish toʻgʻrisida”gi Farmonga muvofiq hamda bozor munosabatlariga oʻtish sharoitida transport qurilishining montaj va maxsus qurilish, loyiha-qidiruv, ilmiy-texnologik, sanoat va boshqa korxonalari va tashkilotlarining samarali faoliyat koʻrsatishi uchun zarur tashkiliy v iqtisodiy shart-sharoitlarni yaratish maqsadida Vazirlar Mahkamasi qaror qiladi;

1. Belgilansinki, Oʻzbekiston davlat transport qurilishi korxonalari uyushmasi (“Oʻzbektransqurilish”):

Oʻzbekiston Respublikasi Vazirlar Mahkamasiga hisobot beradi;

oʻz faoliyatida Oʻzbekiston Respublikasi qonunlariga, Oʻzbekiston Respublikasi Oliy Kengashining qarorlariga, Oʻzbekiston Respublikasi Prezidentining farmonlariga, Vazirlar Mahkamasining qarorlari va farmoyishlariga hamda uyushmaning Vazirlar Mahkamasi bilan kelishilgan ustaviga amal qiladi;

subpudrat va toʻgʻridan toʻgʻrituzilgan shartnomalar asosida qurilayotgan va qayta qurilayotgan inshootlarda qurilish, ishga tushirish va sozlash ishlarini olib boradi, maxsus qurilish konstruksiyalari ishlab chiqarishni va yetkazib berishni hamda Oʻzbekiston Respublikasi qonun hujjatlariga zid boʻlmagan faoliyatning boshqa turlarini amalga oshiradi.

2.Uyushma tarkibiga kiradigan korxona va tashkilotlar ilovaga* muvofiq oʻz xoʻjalik mustaqilliklarini saqlab qoladilar va yuridik shaxs huquqiga ega boʻladilar.

3. “Oʻzbektransqurilish” uyushmasini boshqarishning yuqori organi Kengash hisoblanadi, u Boshqaruvni saylaydi, apparat tuzilmasini va uning xodimlariga ish haqi toʻlash shartlarini belgilaydi. Xodimlarning eng koʻp soni 26 nafar qilib tasdiqlansin.

Boshqaruv raisi va uning oʻrinbosarlari uyushma Kengashi tomonidan saylanadi va Vazirlar Mahkamasi tomonidan tasdiqlanadi. Uyushma va Boshqaruv raisining uch nafar rais oʻrinbosari, shu jumladan bir nafar birinchi oʻrinbosari boʻlishi tavsiya etilsin.

Uyushma raisiga va uning oʻrinbosarlariga Oʻzbekiston Respublikasi vazirliklari va idoralarining tegishli xodimlari uchun belgilangan moddiy-maishiy taʼminot va tibbiy xizmat koʻrsatish shart-sharoitlari joriy etilsin.

4. Oʻzbekiston Respublikasi Davlat mulki qoʻmitasi:

“Oʻrtaosiyoqurilishmexanizatsiya” aksionerlik jamiyatining Ustav fondiga kirgan Oʻzbekiston Respublikasi mulki doirasida jamiyatning muassislaridan biri boʻlib ishtirok etsin;

Oʻzbektransqurilish uyushmasi bilan birgalikda aniqlashtirilgan taʼsis hujjatlarini tasdiqlash uchun Rossiya Federatsiyasi Davlat mulki qoʻmitasi va Qozogʻiston Respublikasi Davlat mulki qoʻmitasi ishtirokida “Oʻrtaosiyoquriltishmexanizatsiya” aksionerlik jamiyati aksionerlarining umumiy majlisini oʻtkazish tashabbusi bilan chiqsin.

5. “Oʻzbektransqurilish” uyushmasi:

trestlar bilan hamkorlikda trest tarkibiga kiradigan va Oʻzbekiston Respublikasidan tashqarida joylashgan boʻlinmalarni tezkor boshqarishni taʼminlasin;

Oʻzbekiston Respublikasi Davlat mulki qoʻmitasi bilan birgalikda bir oy muddatda respublika boʻlinmalarini amaldagi qonun hujjatlariga muvofiq davlat tasarrufidan chiqarish va xususiylashtirish dasturini va ularning obyektlar boʻyicha roʻyxatini ishlab chiqsin;

20 kun muddatda Vazirlar Mahkamasiga koʻrib chiqish uchun uyushma Ustavini taqdim etsin.

6. “Oʻzshartnomasavdo” va respublikaning boshqa savdotaʼminot tashkilotlari uyushma korxonalari va tashkilotlarining rivojlanishi va faoliyat koʻrsatishi uchun belgilangan tartibda kvotalar boʻyicha beriladigan moddiy resurslarni ajratishni nazarda tutsinlar, ishlab chiqarish faoliyatida zarur boʻlgan mahsulotlarni sotib olish uchun taʼminotchilar bilan xoʻjalik aloqalarini mustahkamlashga yordam bersinlar.

7. “Oʻzbektransqurilish” uyushmasi apparati quyidagi manzilda joylashtirilsin: Toshkent shahar, Oxunboboyev koʻchasi, 34-uy.

8. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari oʻrtoq K N. Toʻlaganov zimmasiga yuklatilsin. Qarorning qanday bajarilayotganligi 1993-yil mart oyida koʻrib chiqilsin.