Toshkent davlat agrar universiteti Termiz filiali faoliyatini tashkil etish chora-tadbirlari toʻgʻrisida
LexUZ sharhi
Mazkur qaror Oʻzbekiston Respublikasi Prezidentining 2021-yil 28-oktabrdagi PQ-5269-sonli “Termiz agrotexnologiyalar va innovatsion rivojlanish institutini tashkil etish chora-tadbirlari toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Oliy taʼlim tizimini yanada rivojlantirish chora-tadbirlari toʻgʻrisida” 2017-yil 20-apreldagi PQ-2909-son qarori ijrosini taʼminlash hamda mintaqada qishloq xoʻjaligi boʻyicha tarkibiy oʻzgartirishlarni chuqurlashtirish, sohani modernizatsiya qilish va diversifikatsiyalash, ilgʻor va intensiv agrotexnologiyalarni joriy qilishda malakali mutaxassis kadrlarga boʻlgan ehtiyojini qondirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oliy taʼlim tizimini yanada rivojlantirish chora-tadbirlari toʻgʻrisida” 2017-yil 20-apreldagi PQ-2909-son qaroriga muvofiq Toshkent davlat agrar universiteti Termiz filiali tashkil etilganligi maʼlumot uchun qabul qilinsin.
2. Quyidagilar Toshkent davlat agrar universiteti Termiz filialining asosiy vazifalari etib belgilansin:
mintaqaning tuproq-iqlim sharoitida qishloq xoʻjaligi ekinlaridan yuqori hosil olish, ularning kasalliklari va zararkunandalariga qarshi kurashish, ilgʻor, intensiv agrotexnologiyalarni joriy qilish, qishloq xoʻjalik mahsulotlarini saqlash, qayta ishlash, sugʻoriladigan yerlarning meliorativ holatini yanada yaxshilashda zamonaviy bilimlarga ega boʻlgan oliy maʼlumotli mutaxassis kadrlarni tayyorlash;
tayyorlanayotgan mutaxassis kadrlarga mehnat bozorining ehtiyojiga muvofiq tarzda sifatli bilim berish;
bitiruvchilarni ishga joylashtirish boʻyicha buyurtmalarni shakllantirib borish;
professor-oʻqituvchilar tarkibining kasbiy bilimini, mahoratini va ilmiy salohiyatini doimiy ravishda oshirish;
taʼlim-fan-ishlab chiqarish integratsiyasini amaliyotga joriy etish orqali tashkilotlar bilan hamkorlikda qoʻshma innovatsion ishlanmalar va amaliy tadqiqotlarni olib borish, natijalarini ishlab chiqarishga joriy etish.
3. Toshkent davlat agrar universiteti Termiz filialiga har yilgi talabalarni qabul qilish soni belgilangan tartibda tasdiqlanadigan respublika oliy taʼlim muassasalarida oʻqishga qabul qilish kvotalaridan kelib chiqqan holda belgilansin.
(4-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 12-dekabrdagi 988-sonli qaroriga asosan chiqarilgan — Qonun hujjatlari maʼlumotlari milliy bazasi, 13.12.2019-y., 09/19/988/4142-son)
Toshkent davlat agrar universiteti Termiz filialining oʻquv-metodik taʼminotini tashkil etish hamda moddiy-texnika bazasini shakllantirish va mustahkamlash chora-tadbirlari dasturi 2-ilovaga muvofiq tasdiqlansin.
Oʻzbekiston Respublikasi Qishloq xoʻjaligi vaziriga zarur hollarda Toshkent davlat agrar universiteti Termiz filialining tasdiqlangan tuzilmasiga xodimlarning tasdiqlangan umumiy cheklangan soni va mehnatga haq toʻlash fondi doirasida oʻzgartirishlar kiritish huquqi berilsin.
(4-bandning toʻrtinchi xatboshisi Oʻzbekiston Respublikasi Vazirlar Mahkamasining 2019-yil 16-oktabrdagi 874-sonli qarori tahririda — Qonun hujjatlari maʼlumotlari milliy bazasi, 16.10.2019-y., 09/19/874/3919-son)
5. Oʻzbekiston Respublikasi Qishloq va suv xoʻjaligi vazirligi hamda Oliy va oʻrta maxsus taʼlim vazirligi 2017-yil 1-sentabrgacha:
Toshkent davlat agrar universiteti Termiz filialini tanlov asosida yuqori malakali professor-oʻqituvchilar bilan taʼminlash choralarini koʻrsin;
Toshkent davlat agrar universiteti Termiz filialida oʻquv-metodik jarayonining tashkil etilishini taʼminlash, shtatlar jadvali va xarajatlar smetasini tasdiqlash, uni oʻquv adabiyotlari, zamonaviy oʻquv laboratoriya jihozlari va kompyuter texnikasi bilan taʼminlash boʻyicha aniq chora-tadbirlarni amalga oshirsin.
6. Surxondaryo viloyati hokimligi, Oʻzbekiston Respublikasi Qishloq va suv xoʻjaligi vazirligi va Oliy va oʻrta maxsus taʼlim vazirligining Termiz turizm va mehmonxona xoʻjaligi kasb-hunar kollejini tugatish va uning Termiz tumani, Yangiobod qishloq fuqarolar yigʻini, Limonzor qishlogʻi hududida joylashgan binolari va inshootlarini tegishli hududi hamda oʻquv va yotoqxona mebellari bilan Toshkent davlat agrar universiteti Termiz filialiga operativ boshqarish huquqi asosida bepul berish toʻgʻrisidagi taklifi maʼqullansin.
7. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi mazkur qarorning 6-bandida koʻrsatilgan bino va inshootlarni tegishli hududi bilan birga hamda oʻquv va yotoqxona mebellarini belgilangan tartibda topshirsin, Qishloq va suv xoʻjaligi vazirligi qabul qilib olsin hamda ulardan samarali foydalanilishini taʼminlasin.
8. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va Moliya vazirligi Oʻzbekiston Respublikasi Qishloq xoʻjaligi vazirligining asoslangan hisob-kitoblari boʻyicha Oʻzbekiston Respublikasi Investitsiya dasturining 2019-yil va keyingi yillar parametrlarini shakllantirishda Toshkent davlat agrar universiteti Termiz filiali obyektlarini rekonstruksiya qilish, kapital taʼmirlash va jihozlash uchun Oʻzbekiston Respublikasi Moliya vazirligi huzuridagi Budjetdan tashqari taʼlim va tibbiyot muassasalarining moddiy-texnika bazasini rivojlantirish jamgʻarmasi hisobidan mablagʻlar ajratilishini nazarda tutsin.
(8-band Oʻzbekiston Respublikasi Vazirlar Mahkamasining 2020-yil 14-dekabrdagi 777-sonli qarori tahririda — Qonun hujjatlari maʼlumotlari milliy bazasi, 14.12.2020-y., 09/20/777/1620-son)
9. Surxondaryo viloyati hokimligi hamda Oʻzbekiston Respublikasi Qishloq xoʻjaligi vazirligi:
(9-bandning birinchi xatboshisi Oʻzbekiston Respublikasi Vazirlar Mahkamasining 2019-yil 16-oktabrdagi 874-sonli qarori tahririda — Qonun hujjatlari maʼlumotlari milliy bazasi, 16.10.2019-y., 09/19/874/3919-son)
“Yergeodezkadastr” davlat qoʻmitasi bilan birgalikda oʻquv-ishlab chiqarish amaliyotlarini, dala tajribalari va ilmiy tadqiqotlarini oʻtkazish maqsadida filialning oʻquv-tajriba xoʻjaligini tashkil etish uchun 50 gektar sugʻoriladigan yer maydonini ajratilishini;
Toshkent davlat agrar universiteti Termiz filialiga respublikaning boshqa hududlaridan ishga taklif etilgan mutaxassislarni turar joy bilan taʼminlash maqsadida Surxondaryo viloyati Termiz shahri va Termiz tumanida qurilayotgan arzon uy-joylardan imtiyozli shartlar asosida ehtiyojdan kelib chiqqan holda ajratilishini taʼminlasin.
10. Belgilab qoʻyilsinki, Toshkent davlat agrar universiteti Termiz filialini saqlash xarajatlari 2017-yilda “Taʼlim” sohasi boʻyicha tasdiqlangan budjet parametrlari doirasida, 2018-yildan boshlab esa mazkur sohaga har yili ajratiladigan mablagʻlar doirasida amalga oshiriladi.
11. Quyidagilar Toshkent davlat agrar universiteti Termiz filialining faoliyatini moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
xoʻjalik faoliyatidan va shartnoma asosida xizmatlar koʻrsatishdan tushadigan tushumlar;
jismoniy va yuridik shaxslarning homiylik xayriyalari;
xalqaro moliya tashkilotlarining grantlari;
qonun hujjatlarida taqiqlanmagan boshqa manbalar.
12. Oʻzbekiston Respublikasi Oliy va oʻrta maxsus taʼlim vazirligi va Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi 2017-yil 1-sentabrgacha Termiz turizm va mehmonxona xoʻjaligi kasb-hunar kolleji oʻquvchilarining ularning xohish-istaklarini inobatga olgan holda, tegishli yoʻnalish (kasb)lar boʻyicha yashash joyiga yaqin boʻlgan kasb-hunar kollejlariga belgilangan tartibda joylashtirilishini taʼminlasin.
13. Oʻzbekiston Respublikasi Qishloq va suv xoʻjaligi vazirligi manfaatdor vazirliklar va idoralar bilan birgalikda bir oy muddatda oʻzlari qabul qilgan normativ-huquqiy hujjatlarini ushbu qarorga muvofiqlashtirsin.
14. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Z.T. Mirzayev zimmasiga yuklansin.
(14-band Oʻzbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari maʼlumotlari milliy bazasi, 10.12.2018-y., 09/18/995/2287-son)
Oʻzbekiston Respublikasining Bosh vaziri A. ARIPOV
(1-ilova Oʻzbekiston Respublikasi Vazirlar Mahkamasining 2019-yil 12-dekabrdagi 988-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 13.12.2019-y., 09/19/988/4142-son)
Vazirlar Mahkamasining 2017-yil 10-iyuldagi 479-son qaroriga 2-ILOVA
Toshkent davlat agrar universiteti Termiz filialining oʻquv-metodik taʼminotini tashkil etish hamda moddiy-texnika bazasini shakllantirish va mustahkamlash chora-tadbirlari
Toshkent davlat agrar universiteti Termiz filialining ustavini ishlab chiqish, belgilangan tartibda tasdiqlash va davlat roʻyxatidan oʻtkazish.
Bir oy muddatda
-
Qishloq va suv xoʻjaligi vazirligi,
Toshkent davlat agrar universiteti
2.
Filialning shtatlar jadvali va xarajatlar smetasini tuzish va tasdiqlash.
Bir oy muddatda
-
Qishloq va suv xoʻjaligi vazirligi, Toshkent davlat agrar universiteti
3.
Tanlov asosida filialni yuqori malakali kadrlar bilan taʼminlash.
2 oy muddatda
-
Qishloq va suv xoʻjaligi vazirligi,
Oliy va oʻrta maxsus taʼlim vazirligi,
Toshkent davlat agrar universiteti
4.
Filialning Vasiylik kengashi tarkibini shakllantirish va tasdiqlash.
2017-yil avgust
-
Qishloq va suv xoʻjaligi vazirligi,
Surxondaryo viloyati hokimligi,
Toshkent davlat agrar universiteti
va uning Termiz filiali
5.
Filialning talabalari uchun oʻquv va ishlab chiqarish amaliyotlari bazasini yaratish maqsadida filial mutaxassis kadrlarining isteʼmolchilari hisoblangan viloyat tashkilotlari bilan ishga joylashtirish va amaliyotlarni tashkil etish boʻyicha shartnomalar tuzish.
Doimiy ravishda
-
Toshkent davlat agrar universiteti
Termiz filiali
6.
Filial professor-oʻqituvchilarining ilmiy salohiyatini oshirish maqsadida Toshkent shahridan va viloyatlardan taklif etilgan olim va mutaxassislarni turar joy bilan taʼminlash maqsadida Termiz shahrida va Termiz tumanida qurilayotgan arzon uy joylardan imtiyozli shartlar asosida ajratish:
2017-yil — 25 ta
2018-yil — 20 ta
2019-yil — 20 ta
2020-yil — 15 ta
2017 — 2020-yillar
Tijorat banklarining imtiyozli kreditlari
Surxondaryo viloyati hokimligi,
Termiz shahar va Termiz tuman hokimliklari
II. Filial moddiy-texnika bazasini shakllantirish va mustahkamlash
7.
Qishloq xoʻjaligi vazirligining asoslangan hisob-kitoblari boʻyicha Oʻzbekiston Respublikasi Investitsiya dasturining 2018-yil va keyingi yillar parametrlarini shakllantirishda Toshkent davlat agrar universiteti Termiz filiali obyektlarini rekonstruksiya qilish, kapital taʼmirlash va jihozlash ishlarini tashkil qilish.
2017-yildan boshlab
Qishloq xoʻjaligi vazirligi huzuridagi Qishloq xoʻjaligi yoʻnalishidagi oliy taʼlim muassasalarini qoʻllab-quvvatlash jamgʻarmasi
Qishloq xoʻjaligi vazirligi, Moliya vazirligi
8.
Oʻquv-ishlab chiqarish amaliyotlarini, dala tadqiqotlarini oʻtkazish maqsadida filialning oʻquv-tajriba xoʻjaligini tashkil etish uchun 50 gektar sugʻoriladigan yer maydonini ajratish.
2017-yil
-
Surxondaryo viloyati hokimligi,
Qishloq va suv xoʻjaligi vaz�rligi, “Yergeodezkadastr” davlat qoʻmitasi
III. Filialning oʻquv-metodik va pedagogik taʼminotini tashkil etish
9.
Filialni davlat taʼlim standartlari, oʻquv-metodik adabiyotlar, axborot materiallar (shu jumladan ularning elektron variantlari), maxsus davriy nashrlar bilan taʼminlash.
2017-avgust
Filialning budjet va budjetdan tashqari mablagʻlari, Qishloq va suv xoʻjaligi vazirligi huzurida Qishloq xoʻjaligi yoʻnalishidagi oliy taʼlim muassasalarini qoʻllab-quvvatlash jamgʻarmasi
Qishloq va suv xoʻjaligi vazirligi,
Toshkent irrigatsiya va qishloq xoʻjaligini mexanizatsiyalash muhandislar instituti,
Toshkent davlat agrar universiteti
10.
Ilmiy muassasalarning yetakchi ilmiy xodimlarini va ishlab chiqarishning tajribali mutaxassislarini filialning pedagogik faoliyatiga jalb etish.
2018-yildan boshlab
-
Qishloq xoʻjaligi vazirligi, Qishloq xoʻjaligida bilim va innovatsiyalar milliy markazi, vazirlik tizimidagi oliy taʼlim muassasalari
11.
Xorijiy davlatlarning nufuzli universitetlari va ilmiy markazlarida professor-oʻqituvchilarning malakasini oshirish ishlarini tashkil etish.
Toshkent irrigatsiya va qishloq xoʻjaligini mexanizatsiyalash muhandislar instituti,
Toshkent davlat agrar universiteti
12.
Fanlar akademiyasining ilmiy muassasalari, Qishloq xoʻjaligida bilim va innovatsiyalar milliy markazining tarmoq ilmiy-tadqiqot institutlari bilan birga qoʻshma ilmiy-tadqiqot va ilmiy-metodik ishlanmalarni tashkil etish.
Doimiy ravishda
Davlat grantlari va xoʻjalik shartnomalari boʻyicha tushgan mablagʻlar
Qishloq xoʻjaligi vazirligi,
Toshkent davlat agrar universiteti,
Oʻzbekiston Respublikasi Fanlar akademiyasi
13.
Axborotlar, toʻplangan tajriba va mutaxassislarning keng almashinuvini taʼminlash, pedagog kadrlarning yetakchi xorijiy taʼlim va ilmiy muassasalaridagi stajirovkalarini tashkil etish. Filialda leksiyalar va maxsus mashgʻulotlarni oʻtkazish uchun yetakchi xorijiy taʼlim va ilmiy muassasalarning yuqori malakali olimlarini taklif etish.
Doimiy ravishda
Bajaruvchilar va homiylar mablagʻlari, xalqaro tashkilotlar, xorijiy taʼlim va ilmiy muassasalarning grantlari
(2-ilova Oʻzbekiston Respublikasi Vazirlar Mahkamasining 2021-yil 12-avgustdagi 511-sonli qarori tahririda — Qonunchilik maʼlumotlari milliy bazasi, 13.08.2021-y., 09/21/511/0793-son)
(Oʻzbekiston Respublikasi qonun hujjatlari toʻplami, 2017-y., 28-son, 656-modda; Qonun hujjatlari maʼlumotlari milliy bazasi, 10.12.2018-y., 09/18/995/2287-son, 16.10.2019-y., 09/19/874/3919-son, 13.12.2019-y., 09/19/988/4142-son; 14.12.2020-y., 09/20/777/1620-son; Qonunchilik maʼlumotlari milliy bazasi, 05.05.2021-y., 09/21/274/0414-son, 13.08.2021-y., 09/21/511/0793-son)
LexUZ sharhi