Oʻzbekiston Respublikasi Vazirlar Mahkamasining
qarori
Yer osti suvlaridan foydalanish sohasidagi faoliyatni yanada tartibga solish chora-tadbirlari toʻgʻrisida
Oʻzbekiston Respublikasi Prezidentining “2017 — 2021-yillarda yer osti suvlari zaxiralaridan samarali foydalanilishini nazorat qilish va ularni hisobga olishni tartibga solish chora-tadbirlari toʻgʻrisida” 2017-yil 4-maydagi PQ-2954-son qarorini bajarish yuzasidan Vazirlar Mahkamasi qaror qiladi:
1. Quyidagilar tasdiqlansin va 2017-yil 1-iyuldan boshlab amalga kiritilsin:
Oldingi tahrirga qarang.
(1-bandning ikkinchi xatboshisi Oʻzbekiston Respublikasi Vazirlar Mahkamasining 2019-yil 14-avgustdagi 672-sonli qaroriga asosan chiqarilgan — Qonun hujjatlari maʼlumotlari milliy bazasi, 15.08.2019-y., 09/19/672/3568-son)
Yer osti suvlarining davlat monitoringi toʻgʻrisidagi Nizom 2-ilovaga muvofiq.
2. Oʻzbekiston Respublikasi Davlat geologiya va mineral resurslar qoʻmitasi hamda Oʻzbekiston Respublikasi Ekologiya va atrof muhitni muhofaza qilish davlat qoʻmitasi Qoraqalpogʻiston Respublikasi Vazirlar Kengashi, viloyatlar va Toshkent shahri, tumanlar (shaharlar) hokimliklari bilan birgalikda ushbu qaror bilan belgilangan tartibga muvofiq 2018-yil 31-dekabrgacha boʻlgan muddatda quyidagilarni taʼminlasinlar:
ruxsatnoma olinmay, biroq texnik talablarga rioya qilgan holda burgʻulangan foydalanish quduqlarini belgilangan tartibda suvdan maxsus foydalanishga ruxsatnomani rasmiylashtirgan holda hisobga olish;
ruxsatnoma olinmay hamda texnik talablarga rioya qilinmay burgʻulangan foydalanish quduqlarini, keyinchalik Oʻzbekiston Respublikasi Uy-joy kommunal xizmat koʻrsatish vazirligiga muqobil suv manbalariga suvdan foydalanuvchilarni ulash boʻyicha takliflar kiritgan holda tugatish.
3. Oʻzbekiston Respublikasi Davlat geologiya va mineral resurslar qoʻmitasini, mulkchilik shakllaridan qatʼi nazar, yakka va guruhli tartibda suv olish inshootlarini gidrogeologik tekshirishlarni amalga oshirish uchun va yer osti suvlaridan belgilangan tartibda samarali foydalanishni nazorat qilish va hisobga olish boʻyicha vakolatli organ etib belgilansin.
Oldingi tahrirga qarang.
31. 2024-yil 1-yanvardan boshlab suv sarfini oʻlchash uskunalari bilan jihozlanmagan yer osti suv olish inshootlaridan foydalanish taqiqlanishi (jismoniy shaxslarga shaxsiy va xoʻjalik ehtiyojlari uchun yakka tartibda sutkasiga 5 kub metrgacha boʻlgan miqdorda yer osti suvlarini olish bundan mustasno) belgilab qoʻyilsin.
(31-band Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qaroriga asosan kiritilgan)
4. Vazirlar Mahkamasining “Suvga quduqlarni burgʻulash uchun ruxsatnoma berish tartibi toʻgʻrisidagi Nizomni tasdiqlash haqida” 2014-yil 4-avgustdagi 214-son qarori (Oʻzbekiston Respublikasi QT, 2014-y., 8-son, 78-modda) oʻz kuchini yoʻqotgan deb hisoblansin.
5. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
6. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 27-iyun,
430-son
Oldingi tahrirga qarang.
(1-ilova Oʻzbekiston Respublikasi Vazirlar Mahkamasining 2019-yil 14-avgustdagi 672-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 15.08.2019-y., 09/19/672/3568-son)
Vazirlar Mahkamasining 2017-yil 27-iyundagi 430-son qaroriga
2-ILOVA
Yer osti suvlari davlat monitoringi toʻgʻrisida
NIZOM
1-bob. Umumiy qoidalar
1. Ushbu Nizom Oʻzbekiston Respublikasi hududida yer osti suvlari davlat monitoringining maqsadi, asosiy vazifalari, obyektlari va yuritish tartibini belgilaydi.
2. Yer osti suvlari davlat monitoringi (keyingi oʻrinlarda davlat monitoringi deb ataladi) tabiiy muhit va yer qaʼri monitoringining tarkibiy qismi hisoblanadi.
3. Yer osti suvlari ularning maqsadi va foydalanish xarakteri va sifatidan qatʼi nazar, Davlat monitoringi obyektlari hisoblanadi.
Oldingi tahrirga qarang.
4. Davlat monitoringi kuyidagi tizimlardan iborat boʻladi:
yer osti suvlari (shu jumladan, mineral, termal va sanoat ahamiyatiga molik suvlar) holatini muntazam kuzatish;
yer osti suv resurslari va zaxiralari, ularning suv isteʼmolchilari tomonidan foydalanilishi hamda suv olish inshootlari (yer osti suvini olishda foydalaniladigan ekspluatatsion burgʻilash quduqlari, buloqlar, quduqlar va boshqa inshootlar) hisobi;
yer osti suvlari miqdori va sifati koʻrsatkichlarini baholash va oʻzgarishini prognozlashtirish.
(4-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qaroriga asosan birinchi — toʻrtinchi xatboshilar bilan almashtirilgan)
Davlat monitoringi maʼlumotlaridan davlat hisobotlari va rasmiy nashrlarda, belgilangan tartibda idoralararo va xalqaro darajada maʼlumot almashish hamda obyektlarni qurish va loyihalashtirish, yer osti suvlari muhofazasi va foydalanish hisobi va davlat suv kadastrini yuritishda foydalaniladi.
5. Davlat monitoringini yuritish Oʻzbekiston Respublikasida tabiiy muhit monitoringi Dasturi va har yilgi respublika mineral-xom ashyo bazasini rivojlantirish va qayta toʻldirish davlat dasturlari doirasida amalga oshiriladi.
Yer osti monitoringi muayyan vazifalaridan kelib chiqilgan holda davlat va ishlab chiqarish darajasida amalga oshiriladi.
2-bob. Davlat monitoringining maqsadi va asosiy vazifalari
6. Davlat monitoringining asosiy maqsadi yer osti suvlari holati miqdori va sifat oʻzgarishini oʻz vaqtida aniqlash, ularni baholash va prognoz qilish, salbiy hodisalar va ular oqibatining oldini olish uchun takliflar ishlab chiqish va ogohlantirishdan iborat.
7. Quyidagilar Davlat monitoringining asosiy vazifalari hisoblanadi:
yer osti suvlari holatini doimiy kuzatishni amalga oshirish va tashkillashtirish;
olingan maʼlumotlarni yigʻish, qayta ishlash, saqlash va tahlil qilish;
Oldingi tahrirga qarang.
yer osti suv resurslari, zaxiralari va ulardan foydalanishning davlat hisobini yuritish;
(7-bandning toʻrtinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
yer osti suvlari zaxirasi va resurslariga texnogen taʼsir darajasi va xususiyatlarini aniqlash;
yer osti suvlarining kamayib ketishi va ifloslanish darajasini baholash;
yer osti suvlarining gidrokimyoviy va gidrodinamik tarkibi oʻzgarishini baholash;
qisqa va uzoq muddatli davrlar uchun yer osti suvlari holati oʻzgarishini baholashni ishlab chiqish;
davlat idora va tashkilotlarini yer osti suvlarining holati toʻgʻrisidagi maʼlumotlar bilan taʼminlash.
8. Davlat monitoringi yer osti suvlari holati, sifat va miqdor koʻrsatkichlari va prognozi oʻzgarishini baholash uchun belgilangan boʻlib, shu jumladan yer osti suvlari konlaridan foydalanilayotgan, yer osti suvlari zaxirasi va resurslari prognozi hamda ulardan foydalanilishini hisobga olish, davlat suv kadastrining yer osti suvi boʻlimiga qoʻshish uchun maʼlumotlarni tayyorlashga moʻljallangan.
3-bob. Davlat monitoringi obyektlari
9. Davlat monitoringi obyektlari quyidagilarga boʻlinadi:
chuchuk va kam shoʻrlangan suvlar;
mineral, termal va sanoat ishlab chiqarishi yer osti suvlari;
yerning gidrodeformatsion maydoni.
Oldingi tahrirga qarang.
10. Chuchuk va kam shoʻrlangan yer osti suvlari davlat monitoringi gidrodinamik va gidrokimyoviy koʻrsatkichlarning oʻzgarishi va holatini kuzatish axborot-oʻlchash, yer osti suvlari va ulardan foydalanish hisobi hamda ularni suv kadastri talablariga muvofiq baholash tizimlaridan iborat.
(10-band Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
11. Yer osti suvlarining mineral, termal va sanoat ishlab chiqarishidagi davlat monitoringi gidrodinamik va gidrokimyoviy tarkibning oʻzgarishi va holatini kuzatish axborot-oʻlchash tizimi bilan birga ishlab chiqarishda va birga uchraydigan nodir komponentlarni ajratib olish mumkinligini baholashdan iborat.
12. Yerning gidrodeformatsion maydoni davlat monitoringi yer osti suvlarining gidrodinamik tartibi oʻzgarishi va holatini kuzatish axborot-oʻlchash tizimi, yaʼni yer qobigʻidagi chuqurlikdagi seysmotektonik aktivliklarni kuzatishdan iborat.
4-bob. Davlat monitoringini olib borish tartibi
13. Davlat monitoringi respublika (respublikaning butun hududini qamrab oladi) va mahalliy darajalarda (fizik-geografik, maʼmuriy va boshqalar bilan cheklangan hududni qamrab oladi) olib boriladi.
Davlat monitoringi Oʻzbekiston Respublikasi Davlat budjeti hisobiga Oʻzbekiston Respublikasi Davlat geologiya va mineral resurslar qoʻmitasining (keyingi oʻrinlarda Davlat geologiya qoʻmitasi deb ataladi) hududiy gidrgeologiya stansiyalari tomonidan amalga oshiriladi.
14. Ishlab chiqarish (mahalliy) monitoringi yer osti suvlariga texnogen taʼsir koʻrsatuvchi alohida uchastkalar hududida joylashgan bir qancha quduqlarni yoki yakka quduqlarni oʻz ichiga oladi.
Ishlab chiqarish (mahalliy) yer osti suvlari monitoringi yuridik va jismoniy shaxslarning oʻz mablagʻlari hisobidan amalga oshiriladi.
15. Davlat monitoringi mazkur Nizomning 1-ilovasidagi sxemaga muvofiq amalga oshiriladi.
Oldingi tahrirga qarang.
Davlat monitoringi kuzatuv punktlarida yer osti suvlari holatini doimiy oʻlchash hamda yer osti suvlari va ulardan foydalanish boʻyicha axborotlar yigʻish yoʻli bilan amalga oshiriladi.
(15-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
16. Davlat monitoringi kuzatuv punktlari tarmoqlari gidrometrik postlar, quduqlar, buloqlar, yakka va guruhli burgʻulangan quduqlardan tashkil topgan boʻlib, ularda yer osti suvlarining gidrodinamik va gidrokimyoviy koʻrsatkichlarining oʻzgarishi yuzasidan tizimli kuzatuv olib boriladi.
Kuzatuv punktlarini joylashtirish va tanlash mezonlari yer osti suvlari monitoringini yuritish metodikasi asosida Davlat geologiya qoʻmitasi tomonidan belgilanadi.
Barcha kuzatuv punktlari balandlik va plandagi joylashishiga koʻra topografik oʻlchovlar natijasida bogʻlangan boʻlishi kerak.
Oldingi tahrirga qarang.
17. Kuzatuv quduqlarini barpo etish uchun Davlat geologiya qoʻmitasining soʻroviga binoan mahalliy ijro etuvchi hokimiyat organlari tomonidan ularni sozlash va taʼmirlash uchun katta gabaritli texnikalar kirishini inobatga olgan holda tegishli yer uchastkalari ajratiladi.
(17-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
Oldingi tahrirga qarang.
171. Yer osti suvlari va ulardan foydalanish hisobi quyidagilardan iborat:
yer osti suv resurslari va zaxiralari hisobi;
yer osti suvidan foydalanuvchi suv isteʼmolchilari (shu jumladan, suv olish inshootlari) hisobi;
olinayotgan yer osti suvlari hajmi hisobi;
yer osti suvlarining hosil boʻlishi va sarflanishi bilan bogʻliq omillar boʻyicha maʼlumotlar yigʻish;
davlat suv kadastri (yer osti suvlari qismi boʻyicha) maʼlumotlar bazasini yuritish.
172. Yer osti suvlaridan foydalanuvchi barcha suv isteʼmolchilari va suv olish inshootlari Davlat geologiya qoʻmitasining tegishli hududiy gidrogeologiya stansiyalarida qayd etilishi va hisobga olinishi zarur.
Gidrogeologiya stansiyalari manzillari va aloqa qilinadigan raqamlari Davlat geologiya qoʻmitasining rasmiy veb-saytida joylashtiriladi.
173. Mavjud suv olish inshootlarini boshqa suv isteʼmolchisiga vaqtincha yoki doimiy foydalanishga oʻtkazish, konservatsiyaga qoʻyish va undan chiqarish hamda tugatish ishlari hududiy gidrogeologiya stansiyalari bilan kelishgan holda yer osti suv hisobiga tegishli oʻzgartirishlar kiritish maqsadida dalolatnoma tuzish orqali amalga oshiriladi.
174. Foydalanilmayotgan xoʻjasiz suv olish inshootlari keyinchalik maqsadli foydalanilishi uchun suv isteʼmolchilariga biriktirib beriladi. Suv isteʼmolchilari boʻlmagan taqdirda, suv olish inshootlari Davlat geologiya qoʻmitasining gidrogeologik tashkilotlari tomonidan Davlat budjeti mablagʻi hisobidan tugatiladi yoki konservatsiyaga qoʻyiladi.
Oldingi tahrirga qarang.
Umumiy foydalanishda boʻlgan xoʻjasiz suv olish inshootlari hududiy gidrogeologiya stansiyalari tomonidan mahalliy ijro etuvchi hokimiyat organlari vakillari ishtirokida tegishli dalolatnoma rasmiylashtirilgan holda maʼlum shaxsga biriktirib beriladi.
(174-bandning ikkinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
175. Yer osti suv olish hisobi hududiy gidrogeologiya stansiyalari tomonidan suv isteʼmolchilarining 3-ilovaga muvofiq shakldagi yer osti suvlaridan foydalanish boʻyicha idoraviy statistik axborotlarini xamda suv olish inshootlarini kuzatuvdan oʻtkazish natijalarini yigʻish orqali amalga oshiriladi.
176. Yer osti suvlarining hosil boʻlishi va sarflanishi bilan bogʻliq omillar boʻyicha axborotlar hududiy gidrogeologiya stansiyalari tomonidan faoliyati suv resurslari monitoringi, kadastri, foydalanilishi va muhofaza qilinishi bilan bogʻliq boʻlgan tashkilotlarning hamda tabiiy iqlim kuzatuvi maʼlumotlarini yigʻish orqali amalga oshiriladi.
Yer osti suvlari davlat monitoringi doirasida soʻralayotgan maʼlumotlar bepul taqdim etiladi.
(171-176-bandlar Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qaroriga asosan kiritilgan)
18. Davlat monitoringi obyektlaridan olingan birlamchi maʼlumotlar hududiy gidrogeologiya stansiyalari tomonidan qayta ishlanishi, izohlanishi va tahlil qilinishi lozim.
Oldingi tahrirga qarang.
Ishlab chiqarish monitoringidan olingan birlamchi maʼlumotlar (shu jumladan, 3-ilovaga muvofiq shakldagi idoraviy statistik axborot) har yili hisobot yilidan keyingi yilning 15-fevraliga qadar suv isteʼmolchilari tomonidan Davlat geologiya qoʻmitasining tegishli hududiy gidrogeologiya stansiyalariga qogʻoz yoki elektron shaklda qayta ishlash, izohlash va tahlil qilish uchun taqdim etilishi lozim.
(18-bandning ikkinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
Oldingi tahrirga qarang.
Tegishli hududlar boʻyicha yer osti suv monitoringining umumlashtirilgan maʼlumotlari har chorakda, hisobot choragidan keyingi oyning 5-kuniga qadar hududiy gidrogeologiya stansiyalari tomonidan Davlat geologiya qoʻmitasining yer osti suv monitoringi va kadastri markaziga taqdim etiladi.
(18-bandning uchinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
Oldingi tahrirga qarang.
19. Hududiy gidrogeologiya stansiyalari tomonidan yer osti suvlari kadastri va monitoringi markaziga taqdim etilgan maʼlumotlar:
(19-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
respublika boʻyicha yer osti suvlarining gidrokimyoviy va gidrodinamik oʻzgarishi holati boʻyicha axborot hujjatlari tayyorlanadi va umumlashtiriladi;
Oldingi tahrirga qarang.
davlat kadastri maʼlumotlar bazasiga kiritiladi va belgilangan tartibda, tegishliligi boʻyicha Uy-joy kommunal xizmat koʻrsatish vazirligiga, Ekologiya va atrof muhitni muhofaza qilish davlat qoʻmitasiga, Davlat soliq qoʻmitasiga hamda Davlat geologiya qoʻmitasi tomonidan Oʻzbekiston Respublikasi Vazirlar Mahkamasiga, Favqulodda vaziyatlar vazirligiga va mahalliy ijro etuvchi hokimiyat organlariga taqdim etish uchun beriladi.
(19-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qarori tahririda — Qonunchilik maʼlumotlari milliy bazasi, 16.12.2025-y., 09/25/791/1167-son)
20. Yer osti suvlari holati boʻyicha olingan maʼlumotlarda ruxsat etilgan tarkiblar oʻzgarishi va oʻta xavfliligi aniqlanganda, zudlik bilan Davlat geologiya qoʻmitasi, Davlat ekologiya qoʻmitasi va Favqulodda vaziyatlar vazirligiga tegishli choralar koʻrish uchun taqdim etiladi.
5-bob. Davlat monitoringini olib borishni tashkil etish
21. Davlat monitoringini olib borish Davlat geologiya qoʻmitasi tomonidan tasdiqlanadigan hududiy gidrogeologiya stansiyalari loyihalari doirasida amalga oshiriladi.
Davlat monitoringini olib borish boʻyicha kerakli hujjatlar, tegishli hududiy gidrogeologiya stansiyalari tomonidan belgilangan tartibda hisobga olinishi va saqlanishi lozim.
Oldingi tahrirga qarang.
22. Hududiy gidrogeologiya stansiyasi boshligʻi, yetakchi gidrogeologi hamda Davlat geologiya qoʻmitasining mintaqaviy gidrogeologik tashkilotlari bosh geologlari yer osti suvlari monitoringi davlat inspektorlari hisoblanadi.
Yer osti suvlari monitoringi bosh davlat inspektori va uning oʻrinbosari Davlat geologiya qoʻmitasi raisi tomonidan lavozimga tayinlanadi va ozod etiladi.
(22-band Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
23. Davlat inspektori kuzatuv punktlaridagi, shu jumladan yuridik va jismoniy shaxslar rahbarligidagi ishlab chiqarish (mahalliy) monitoringi punktlaridagi yer osti suvlari holatini doimiy kuzatish huquqiga egadir.
Shu bilan birga, yuridik va jismoniy shaxslar rahbarligidagi ishlab chiqarish (mahalliy) monitoringi kuzatuv punktlarida yer osti suvlari holatini kuzatish uchun oldindan tegishli asoslar bilan ularni xabardor qilishi lozim.
24. Yuridik va jismoniy shaxslar yer osti suvlari holati boʻyicha moʻljallanayotgan kuzatish toʻgʻrisida xabarnoma olganlaridan soʻng, ishlab chiqarish monitoringini olib borish boʻyicha maʼlumot bilan birga yer osti suvlaridan foydalanish yuzasidan tegishli hisobotlar nusxasini taqdim etgan holda kuzatuv punktlarini oʻrganishga toʻsqinlik koʻrsatmasliklari talab etiladi.
Oldingi tahrirga qarang.
25. Yer osti suvlaridan foydalanish va ishlab chiqarish monitoringi yuridik va jismoniy shaxslar tomonidan yuritilishi hamda suvga quduq burgʻilash qoidalari buzilganligi aniqlangan taqdirda davlat inspektorlari tomonidan kamchiliklarni bartaraf etish boʻyicha koʻrsatma beriladi, kerakli choralarni amalga oshirish va ularni bajarish muddatlari koʻrsatiladi.
(25-bandning birinchi xatboshisi Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
Davlat inspektorlari tomonidan koʻrsatma nusxasi Davlat geologiya qoʻmitasiga hisobga olish va nazorat qilish uchun taqdim etiladi.
Mazkur Nizomning 2-ilovasida koʻrsatma blankasi keltirilgan. Koʻrsatma blankasi tartib raqamiga ega boʻlib, ular maxsus daftarda roʻyxatga olib boriladi.
Oldingi tahrirga qarang.
26. Koʻrsatmalarning belgilangan muddatlarda bajarilmasligi, yer osti suvlaridan foydalanish shartlari buzilganligi toʻgʻrisidagi hujjatlar bilan birga tegishli davlat nazorati yoki huquqni muhofaza qilish organlariga taqdim etish hamda yuridik va jismoniy shaxslarni qonun doirasida javobgarlikka tortish uchun asos boʻladi.
(26-band Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
Oldingi tahrirga qarang.
27. Davlat inspektorlari oʻz faoliyati doirasida Davlat geologiya qoʻmitasiga javob beradilar, ularning bajarayotgan ishlari hisoboti tizimli ravishda Davlat geologiya qoʻmitasi va gidrogeologik korxonalari ilmiy texnik kengashining yigʻilishida koʻrib chiqiladi.
(27-band Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
6-bob. Yakunlovchi qoidalar
Oldingi tahrirga qarang.
(28-band Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qaroriga asosan oʻz kuchini yoʻqotgan)
29. Davlat inspektorlari va yer osti suvlaridan foydalanuvchi yuridik va jismoniy shaxslar davlat va ishlab chiqarish monitoringi natijalari boʻyicha taqdim etilayotgan maʼlumotlarning haqqoniyligi yuzasidan qonunchilik doirasida javob beradilar.
Yer osti suvlari davlat monitoringi toʻgʻrisidagi nizomga
1-ILOVA
Oldingi tahrirga qarang.
Yer osti suvlari davlat monitoringini amalga oshirish
SXEMASI
(1-ilova Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qarori tahririda)
Yer osti suvlari davlat monitoringi toʻgʻrisidagi nizomga
2-ILOVA

‎‎Oʻzbekiston Respublikasi Davlat gerbi tasviri
‎
‎OʻZBEKISTON RESPUBLIKASI DAVLAT GEOLOGIYA VA MINERAL
‎RESURSLAR QOʻMITASI
‎
‎__________________________ GIDROGEOLOGIYA STANSIYASI ____________________________________________________________________________________________
‎
‎KOʼRSATMA № ____ PREDPISANIYE
‎20__ yil “____” ___________

‎ ‎ ‎‎‎‎Kimga berilgan: ______________________________________________________
‎ ‎ ‎

‎‎(Suvdan foydalanuvchi/ishlatuvchining nomi, lavozimi, F.I.O.)

‎‎Manzili: ___________________________________________________________________________________
‎____________________________________________________________________________________________
‎____________________________________________________________________________________________
Kamchilik turi: _____________________________________________________________________________
‎____________________________________________________________________________________________
‎____________________________________________________________________________________________
‎____________________________________________________________________________________________
‎____________________________________________________________________________________________
‎____________________________________________________________________________________________Xavf solishi: _______________________________________________________________________________
‎____________________________________________________________________________________________
‎Belgilandi: _________________________________________________________________________________
‎____________________________________________________________________________________________
‎____________________________________________________________________________________________
‎____________________________________________________________________________________________
‎‎Berilgan:
‎Yer osti suvlari monitoringi boʻyicha davlat inspektori 		‎ ‎

‎‎______________________________

__________‎

 ‎ ‎ ‎ ‎
‎

(F.I.O.) ‎

 ‎

(imzo)‎

 ‎ ‎ ‎ ‎

‎‎____________________________________________________________________________________________

‎‎Ijroga qabul qildi: ‎ ‎ ‎ ‎ ‎

‎‎_________________________________________________________

‎‎______________

 ‎

(Kimga (idoraviy mansubligi) lavozimi, F.I.O.)

‎‎(imzo)

 ‎
‎‎Maʼlumot uchun: ___________________________________________________________
‎‎________________________________________________ ‎‎tel. _____________________________
Oldingi tahrirga qarang.
Yer osti suvlari davlat monitoringi toʻgʻrisidagi nizomga
3-ILOVA

AXBOROT

Yer osti suvlaridan foydalanish toʻgʻrisida _____________________________________________________________________________________________________________________________________________________________________________________________

__________________________________________________________________________________________________________________________________________________________________________________________________________________________20_____yil uchun

(Suv isteʼmolchisining ismi na uning idoraviy mansubligi)

1. Suv isteʼmolchisining manzili ____________________________________________________________________________________________________________________________________________________________________________________________________,

telefon raqami _______________________________________________, STIR _______________________________________.

2. Suv olish inshootlari toʻgʻrisida maʼlumot

T/r

Suv olish inshooti nomi (quduq, buloq va boshq.), ularning raqami va joylashuvi

Ishga tushirilgan yili

Suv olish usuli (oʻzi chiquvchi, nasos rusumi, quvvati va boshq.)

Suv isteʼmoli maqsadi (IST, ICHTS, YES, TD YAS, davolash va boshq.*)

Izoh (suv olish inshootlarining umumiy soni, ulardan ishlaydiganlari va boshqa maʼlumotlar)

l

2

3

4

5

6

3. Yer osti suvlarini olish toʻgʻrisida maʼlumot

Suv olish inshooti nomi

20 yilda olingan suv hajmi, ming m3

Shu jumladan, oylar boʻyicha, ming m3

Izoh

I

II

Sh

IV

V

VI

VII

VIII

IX

X

XI

XII

1

2

3

4

5

6

7

8

9

10

11

12

13

14

15

4. Olingan suv sifati toʻgʻrisida maʼlumot

Suv olish inshooti raqami va nomi

Tahlil oʻtkazilish sana

Laboratoriya nomi

Suvning kimyoviy tahlili natijasi

rN

Suvning mineralizatsiyasi,

mg/l

Suvning umumiy qattiqligi,

mg-ekv/l

Izoh

Katnonlar, mg/l

Anionlar, mg/l

Sa

Mg

Na

K

SO4

CL

NO3

NSO3

1

2

3

4

5

6

7

8

9

10

11

12

13

14

15


Hisobotni tayyorladi va topshirdi:

Hisobotni koʻrib chiqdi va qabul qildi:

_______________________________

(imzo, mansabdor shaxsning F.I.O.)

________________________________

(imzo, mansabdor shaxsning F.I.O.)

Sana: _________

Sana: ________

* — IST-ichimlik suv taʼminoti; ICHTS — ishlab chiqarish texnik suv; YES — yerlarni sugʻorish; TD — tik drenaj; YAS — yaylovlarni sugʻorish; davolash-shifobaxsh, mineral.
(3-ilova Oʻzbekiston Respublikasi Vazirlar Mahkamasining 2021-yil 3-noyabrdagi 670-sonli qaroriga asosan kiritilgan)
Vazirlar Mahkamasining 2017-yil 27-iyundagi 430-son qaroriga
3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
Oldingi tahrirga qarang.
(1-band Oʻzbekiston Respublikasi Prezidentining 2021-yil 30-dekabrdagi PQ-73-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 30.12.2021-y., 07/21/73/1227-son)
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2018-yil 4-dekabrdagi 983-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 05.12.2018-y., 09/18/983/2271-son)
Oldingi tahrirga qarang.
(3-band Oʻzbekiston Respublikasi Vazirlar Mahkamasining 2026-yil 22-iyundagi 317-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 23.06.2026-y., 09/26/317/0617-son)
4. Vazirlar Mahkamasining 2013-yil 14-iyundagi 171-son qarori bilan tasdiqlangan Suvdan maxsus foydalanish yoki suvni maxsus isteʼmol qilish uchun ruxsatnoma berish tartibi toʻgʻrisidagi nizomda (Oʻzbekiston Respublikasi QT, 2013-y., 6-son, 40-modda):
a) quyidagi mazmundagi 31-band qoʻshilsin:
“31. Quyidagilardan:
belgilangan tartibda hisobga olinmagan suvdagi quduqlardan;
guruhli suv olish uchun (ikki va undan ortiq quduqlardan) belgilangan tartibda tasdiqlanmagan yer osti suvlari ekspluatatsiya zaxiralaridan suvdan maxsus foydalanishga yoki suvni maxsus isteʼmol qilishga yoʻl qoʻyilmaydi)”;
b) 20-bandga quyidagi mazmundagi xatboshi qoʻshilsin:
“Yer osti suvlaridan foydalanish boʻyicha suvdan maxsus foydalanish va suvni maxsus isteʼmol qilish uchun ruxsatnomaga suvdan foydalanuvchi va suv isteʼmolchisining suv resurslaridan oqilona foydalanish, suv hajmining zarur tarzdagi hisobi yuritilishi, suv bulgʻanishi va kamayib ketishining oldini olish, shuningdek vakolatli davlat organlariga belgilangan tartibda muntazam ravishda hisobot taqdim etish boʻyicha majburiyatlari ilova qilinadi”;
v) quyidagi mazmundagi 231 va 232-bandlar qoʻshilsin:
“231. Yer osti suvlaridan foydalanish boʻyicha suvdan maxsus foydalanish va suvni maxsus isteʼmol qilishga ruxsatnomaning amal qilish muddati mobaynida ruxsatnoma olgan yuridik va jismoniy shaxslar tomonidan:
har kuni maxsus jurnalda olinadigan yer osti suvlari hajmining hisobi yuritiladi;
har yili 10-yanvardan kechikmay Davlat geologiya qoʻmitasining hududiy gidrogeologiya stansiyalariga Davlat geologiya qoʻmitasi tomonidan tasdiqlanadigan shakl boʻyicha yer osti suvlaridan foydalanish toʻgʻrisidagi hisobot taqdim etiladi.
232. Yer osti suvlaridan foydalanish boʻyicha suvdan maxsus foydalanish va suvni maxsus isteʼmol qilishga ruxsatnoma olgan yuridik va jismoniy shaxslar uning amal qilishi muddati davrida Davlat ekologiya qoʻmitasining hududiy boshqarmalari, Davlat geologiya qoʻmitasining hududiy gidrogeologiya stansiyalari va “Sanoatgeokontexnazorat” davlat inspeksiyasining inspeksiyalari vakillari ishtirokida tegishli dalolatnomalar bilan rasmiylashtiriladigan ekspluatatsiya quduqlarini konservatsiya qilish va konservatsiya qilishdan chiqarish huquqiga egadirlar”;
g) 24-banddagi “uch yilga” soʻzlari “bir yildan ortiq boʻlmagan” soʻzlari bilan almashtirilsin;
d) 25-bandning toʻrtinchi xatboshiga “va yer osti suvlaridan oqilona foydalanish boʻyicha suvdan foydalanish va suvni isteʼmol qilish majburiyatlarini zarur tarzda bajarish” soʻzlari qoʻshilsin.
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2022-yil 25-fevraldagi 88-sonli qaroriga asosan 2022-yil 1-martdan oʻz kuchini yoʻqotadi — Qonunchilik maʼlumotlari milliy bazasi, 26.02.2022-y., 09/22/88/0165-son)
6. Vazirlar Mahkamasining 2015-yil 3-fevraldagi 19-son qarori (Oʻzbekiston Respublikasi QT, 2015-yil, 2-son, 6-modda) bilan tasdiqlangan Aholi punktlarida davlat kapital qoʻyilmalari hisobiga moliyalashtiriladigan ichimlik suv taʼminoti va oqova suv xizmati obyektlarini qurish va rekonstruksiya qilishni tashkil etish tartibi toʻgʻrisidagi nizomning 5-bandi oltinchi xatboshi quyidagi tahrirda bayon qilinsin:
“suvda quduqlarni burgʻulashga ruxsatnoma — Oʻzbekiston Respublikasi Davlat geologiya va mineral resurslar qoʻmitasi tomonidan belgilangan tartibda beriladigan ruxsat berish xususiyatiga ega hujjat”.
(Oʻzbekiston Respublikasi qonun hujjatlari toʻplami, 2017-y., 26-son, 592-modda; Qonun hujjatlari maʼlumotlari milliy bazasi, 01.04.2018-y., 09/18/255/1034-son, 30.10.2018-y., 09/18/884/2128-son, 05.12.2018-y., 09/18/983/2271-son; 11.02.2019-y., 09/19/111/2596-son, 15.08.2019-y., 09/19/672/3568-son; Qonunchilik maʼlumotlari milliy bazasi, 30.12.2021-y., 07/21/73/1227-son; 26.02.2022-y., 09/22/88/0165-son; 16.12.2025-y., 09/25/791/1167-son; 23.06.2026-y., 09/26/317/0617-son)