Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va 2015-yil 20-avgustdagi OʻRQ-391-son “Oʻzbekiston Respublikasining ayrim qonun hujjatlariga xususiy mulkni, tadbirkorlik subyektlarini ishonchli himoya qilishni yanada kuchaytirishga, ularni jadal rivojlantirish yoʻlidagi toʻsiqlarni bartaraf etishga qaratilgan oʻzgartish va qoʻshimchalar kiritish toʻgʻrisida”gi qonunlariga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2009-yil 16-martdagi 7/2-son qarori (roʻyxat raqami 1948, 2009-yil 27-aprel) (Oʻzbekiston Respublikasi qonun hujjatlari toʻplami, 2009-y., 18-son, 229-modda) bilan tasdiqlangan Oʻzbekiston Respublikasi banklarida ochiladigan bank hisobvaraqlari toʻgʻrisidagi yoʻriqnomaga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Muqaddima quyidagi tahrirda bayon etilsin:

“Ushbu Yoʻriqnoma Oʻzbekiston Respublikasining Fuqarolik kodeksi, “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi, “Valyutani tartibga solish toʻgʻrisida”gi va “Elektron hujjat aylanishi toʻgʻrisida”gi qonunlariga, Oʻzbekiston Respublikasi Vazirlar Mahkamasining 2003-yil 20-avgustdagi 357-sonli “Tadbirkorlik faoliyatini tashkil etish uchun roʻyxatdan oʻtkazish tartibotlari tizimini tubdan takomillashtirish toʻgʻrisida”gi qaroriga muvofiq, banklar tomonidan milliy va chet el valyutasida bank hisobvaraqlarini ochish, ularni qayta rasmiylashtirish hamda yopish tartibini belgilaydi.”.

2. 5-band va 28-bandning “g” kichik bandi oʻz kuchini yoʻqotgan deb topilsin.

3. 8-bandning uchinchi hatboshisidan “, qonun hujjatlarida nazarda tutilgan hollar bundan mustasno” degan soʻzlar chiqarib tashlansin.

4. 13-band quyidagi mazmundagi “d” kichik band bilan toʻldirilsin:

“d) davlat soliq xizmati organlarida hisobga qoʻyilganligini tasdiqlovchi hujjat (maʼlumotnoma).”.

5. 18-bandning uchinchi xatboshisidagi “(roʻyxat raqami 2205, 2011-yil 4-mart) (Oʻzbekiston Respublikasi qonun hujjatlari toʻplami, 2011-y., 9-son, 97-modda)” degan soʻzlar “(roʻyxat raqami 2711, 2015-yil 26-avgust)” degan soʻzlar bilan almashtirilsin.

6. 35-banddagi “imzolanib, muhr qoʻyiladi” degan soʻzlar “imzolanadi va muhrlanadi (muhr mavjud boʻlgan taqdirda)” degan soʻzlar bilan almashtirilsin.

7. 36-band quyidagi mazmundagi xatboshi bilan toʻldirilsin:

“Mazkur band talablari bank mijozida muhr mavjud boʻlgan taqdirdagina qoʻllaniladi.”.

8. 3-ilovada:

nomi “*” belgisi bilan toʻldirilsin;

‎‎old tomoni quyidagi mazmundagi izoh bilan toʻldirilsin:

“*Ushbu varaqchaning muhr iziga tegishli oʻrinlari bank mijozida muhr mavjud boʻlgan taqdirdagina toʻldiriladi.”.