Oʻzbekiston Respublikasi Vazirlar Mahkamasining
qarori
Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibi toʻgʻrisidagi Nizomni tasdiqlash haqida
“Bankrotlik toʻgʻrisida”gi Oʻzbekiston Respublikasi Qonunining 156-moddasiga hamda Oʻzbekiston Respublikasi Prezidentining “Qonunlarning havolaki normalarini amalga oshirishga qaratilgan normativ-huquqiy va boshqa hujjatlarni ishlab chiqish rejalarini tasdiqlash toʻgʻrisida” 2013-yil 15-iyuldagi PQ-2003-son qaroriga muvofiq, shuningdek korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibini belgilash maqsadida Vazirlar Mahkamasi qaror qiladi:
1. Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibi toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi manfaatdor vazirliklar va idoralar bilan birgalikda bir oy muddatda ushbu qarorning maqsadi, mohiyati va mazmunini tadbirkorlik subyektlari oʻrtasida tushuntirish tadbirlari tashkil etilishini va oʻtkazilishini taʼminlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2015-yil 30-aprel,
107-son
Vazirlar Mahkamasining 2015-yil 30-apreldagi 107-son qaroriga
ILOVA
Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibi toʻgʻrisida
NIZOM
I. Umumiy qoidalar
Oldingi tahrirga qarang.
1. Ushbu Nizom “Toʻlovga qobiliyatsizlik toʻgʻrisida”gi Oʻzbekiston Respublikasi Qonunining 172-moddasiga muvofiq korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibini belgilaydi hamda yuridik shaxslarga, shu jumladan ustav fondida (kapitalida) davlat ulushi mavjud boʻlgan korxonalarga nisbatan qoʻllanadi.
(1-band Oʻzbekiston Respublikasi Vazirlar Mahkamasining 2023-yil 21-iyuldagi 304-sonli qarori tahririda — Qonunchilik maʼlumotlari milliy bazasi, 22.07.2023-y., 09/23/304/0510-son)
2. Ushbu Nizomda quyidagi asosiy tushunchalardan foydalaniladi:
Oldingi tahrirga qarang.
shaharni tashkil etuvchi korxona va unga tenglashtirilgan korxona — xodimlari, ularning oila aʼzolarini ham qoʻshib hisoblaganda tegishli aholi punkti aholisining kamida yarmini tashkil etuvchi yoki xodimlarining soni kamida uch ming kishi boʻlgan yoxud davlatning mudofaa qobiliyati va xavfsizligi saqlab turilishini taʼminlaydigan, shuningdek strategik ahamiyatga ega boʻlgan yoki tabiiy monopoliyalar subyekti boʻlgan yuridik shaxs;
(2-bandning ikkinchi xatboshisi Oʻzbekiston Respublikasi Vazirlar Mahkamasining 2023-yil 21-iyuldagi 304-sonli qarori tahririda — Qonunchilik maʼlumotlari milliy bazasi, 22.07.2023-y., 09/23/304/0510-son)
Oldingi tahrirga qarang.
tabiiy monopoliya subyekti — tabiiy monopoliya sharoitlarida tovarlarni (ishlar, xizmatlarni) ishlab chiqarish va (yoki) realizatsiya qilish boʻyicha faoliyatni asosiy faoliyat turi sifatida amalga oshiradigan xoʻjalik yurituvchi subyekt yoki shaxslar guruhi.
(2-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 7-fevraldagi 67-sonli qarori tahririda — Qonunchilik maʼlumotlari milliy bazasi, 15.02.2025-y., 09/25/67/0145-son)
II. Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish mezonlari
3. Shaharni tashkil etuvchi korxonalar va ularga tenglashtirilgan korxonalar jumlasiga quyidagi mezonlardan bittasiga javob beradigan yuridik shaxslar kiritiladi:
korxonaning xodimlari soni, ularning oila aʼzolarini ham qoʻshib hisoblaganda tegishli aholi punkti aholisining kamida yarmini tashkil qiladi;
korxona xodimlarining soni kamida uch ming kishini tashkil qiladi;
korxona davlatning mudofaa qobiliyatini va xavfsizligini saqlashni taʼminlaydi;
korxona tabiiy monopoliya subyekti hisoblanadi;
Oldingi tahrirga qarang.
strategik ahamiyatga ega boʻlgan korxona.
(3-band Oʻzbekiston Respublikasi Vazirlar Mahkamasining 2023-yil 21-iyuldagi 304-sonli qaroriga asosan xatboshi bilan toʻldirilgan — Qonunchilik maʼlumotlari milliy bazasi, 22.07.2023-y., 09/23/304/0510-son)
III. Shaharni tashkil etuvchi korxonalar va ularga tenglashtirilgan korxonalar jumlasiga kiritilgan korxonalarni Shaharni tashkil etuvchi korxonalar va ularga tenglashtirilgan korxonalar reyestriga kiritish tartibi
4. Shaharni tashkil etuvchi korxonalar va ularga tenglashtirilgan korxonalar Shaharni tashkil etuvchi korxonalar va ularga tenglashtirilgan korxonalar reyestriga (keyingi oʻrinlarda Reyestr deb ataladi) ushbu Nizomning ilovasiga muvofiq sxema boʻyicha kiritiladi.
Oldingi tahrirga qarang.
5. Reyestrni yuritish Oʻzbekiston Respublikasi Davlat aktivlarini boshqarish agentligi (keyingi oʻrinlarda — Agentlik) tomonidan amalga oshiriladi.
(5-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
6. Shaharni tashkil etuvchi korxonalar va ularga tenglashtirilgan korxonalar jumlasiga kiritilgan korxonalarni Reyestrga kiritish toʻgʻrisida qaror qabul qilish uchun Agentlikka:
(6-bandning birinchi xatboshisi Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
tuman (shahar) hokimliklari tomonidan — korxona xodimlarining soni, ularning oila aʼzolarini ham qoʻshib hisoblaganda tegishli aholi punkti aholisining kamida yarmini tashkil etishini tasdiqlaydigan maʼlumot;
Oldingi tahrirga qarang.
Oʻzbekiston Respublikasi Milliy statistika qoʻmitasi tomonidan — davlat statistika hisobotlari maʼlumotlariga koʻra ishlovchilarning oʻrtacha yillik soni kamida uch ming kishini tashkil qiladigan tashkilotlar toʻgʻrisidagi maʼlumot hamda tegishli aholi punktlaridagi aholi soni toʻgʻrisidagi statistika maʼlumotlari;
(6-bandning uchinchi xatboshisi Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)
Oldingi tahrirga qarang.
Oʻzbekiston Respublikasi Mudofaa vazirligi tomonidan — korxonaning davlatning mudofaa qobiliyatini va xavfsizligini saqlashni taʼminlashini, shuningdek strategik ahamiyatga egaligini tasdiqlaydigan maʼlumot (ushbu maʼlumot iqtisodiy sudlar va boshqa davlat organlari soʻrovi boʻyicha taqdim etiladi);
(6-bandning toʻrtinchi xatboshisi Oʻzbekiston Respublikasi Vazirlar Mahkamasining 2023-yil 21-iyuldagi 304-sonli qarori tahririda — Qonunchilik maʼlumotlari milliy bazasi, 22.07.2023-y., 09/23/304/0510-son)
Oldingi tahrirga qarang.
Raqobatni rivojlantirish va isteʼmolchilar huquqlarini himoya qilish qoʻmitasi (keyingi oʻrinlarda — Qoʻmita) tomonidan — korxonaning tabiiy monopoliya subyekti ekanligini tasdiqlaydigan maʼlumot taqdim etiladi.
(6-bandning beshinchi xatboshisi Oʻzbekiston Respublikasi Vazirlar Mahkamasining 2023-yil 21-iyuldagi 304-sonli qarori tahririda — Qonunchilik maʼlumotlari milliy bazasi, 22.07.2023-y., 09/23/304/0510-son)
Oldingi tahrirga qarang.
7. Ushbu Nizomning 6-bandida koʻrsatilgan maʼlumot (Oʻzbekiston Respublikasi Mudofaa vazirligi tomonidan taqdim etiladigan maʼlumot bundan mustasno) Agentlikka har yili 1-fevraldan kechikmay, shuningdek ushbu Nizomning 3-bandida koʻrsatilgan mezonlardan bittasiga javob beradigan yangi korxonalar tashkil qilingan taqdirda taqdim etiladi.
(7-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
8. Taqdim etilgan maʼlumotni koʻrib chiqish va korxonalarni Reyestrga kiritish toʻgʻrisida qaror qabul qilish hamda ularni Reyestrdan chiqarish uchun Agentlik tomonidan tegishli Komissiya tuziladi.
(8-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
9. Komissiya tarkibi va uning ish reglamenti Agentlik direktori tomonidan tasdiqlanadi.
(9-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
10. Komissiya ushbu Nizomning 6-bandiga muvofiq Agentlikka taqdim etilgan maʼlumotni va unga ilova qilingan materiallarni bir oy muddatda koʻrib chiqadi, koʻrib chiqish natijalari boʻyicha korxonani Reyestrga kiritish toʻgʻrisida qaror qabul qiladi.
(10-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
11. Agentlik Reyestrga kiritilgan shaharni tashkil etuvchi korxonalar va ularga tenglashtirilgan korxonalar monitoringini doimiy ravishda amalga oshiradi.
(11-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
12. Korxonalar monitoringi natijalariga koʻra ushbu Nizomning 3-bandida koʻrsatilgan mezonlardan birortasiga ham javob bermaydigan korxona aniqlangan taqdirda Agentlik tomonidan Komissiya bilan birgalikda uni Reyestrdan chiqarish toʻgʻrisida qaror qabul qilinadi.
(12-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
13. Reyestrdan koʻchirma Agentlik tomonidan iqtisodiy sudlar, davlat va xoʻjalik boshqaruvi organlari hamda boshqa tashkilotlar soʻroviga binoan, soʻrov olingan kundan boshlab bir hafta muddatda beriladi.
(13-band Oʻzbekiston Respublikasi Vazirlar Mahkamasining 2020-yil 14-apreldagi 217-sonli qarori tahririda — Qonun hujjatlari maʼlumotlari milliy bazasi, 15.04.2020-y., 09/20/217/0426-son)
Oldingi tahrirga qarang.
14. Shaharni tashkil etuvchi korxonalar va ularga tenglashtirilgan korxonalarning toʻlovga qobiliyatsizlik tartib-taomillari qonunchilikda belgilangan tartibda amalga oshiriladi.
(14-band Oʻzbekiston Respublikasi Vazirlar Mahkamasining 2023-yil 21-iyuldagi 304-sonli qarori tahririda — Qonunchilik maʼlumotlari milliy bazasi, 22.07.2023-y., 09/23/304/0510-son)
 LexUZ sharhi
Qarang: Oʻzbekiston Respublikasining “Toʻlovga qobiliyatsizlik toʻgʻrisida”gi Qonuni.
IV. Yakunlovchi qoidalar
Oldingi tahrirga qarang.
15. Ushbu Nizomning talablari buzilishida aybdor boʻlgan shaxslar qonunchilikka muvofiq javobgar boʻladi.
(15-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
16. Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish boʻyicha qabul qilingan qarorlar munosabati bilan paydo boʻladigan bahslar va kelishmovchiliklar qonunchilikda belgilangan tartibda hal etiladi.
(16-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Korxonalarni shaharni tashkil etuvchi korxonalar va ularga tenglashtirilgan korxonalar jumlasiga kiritish tartibi toʻgʻrisidagi nizomga
ILOVA
Shaharni tashkil etuvchi korxonalar va ularga tenglashtirilgan korxonalarni Shaharni tashkil etuvchi korxonalar va ularga tenglashtirilgan korxonalar reyestriga kiritish
SXEMASI
Oldingi tahrirga qarang.

Bosqichlar

Subyektlar

Tadbirlar

Bajarish muddatlari

1-bosqich

Tumanlar (shaharlar) hokimliklari, Milliy statistika qoʻmitasi, Mudofaa vazirligi, Agentlikning hududiy organlari

Agentlikka:

tuman (shahar) hokimliklari tomonidan — korxona xodimlarining soni, ularning oila aʼzolarini ham qoʻshib hisoblaganda tegishli aholi punkti aholisining kamida yarmini tashkil etishni tasdiqlaydigan maʼlumot;

Milliy statistika qoʻmitasi tomonidan — davlat statistika hisobotlari maʼlumotlariga koʻra ishlovchilarning oʻrtacha yillik soni kamida uch ming kishini tashkil qiladigan tashkilotlar toʻgʻrisidagi maʼlumot hamda tegishli aholi punktlaridagi aholi soni toʻgʻrisidagi statistika maʼlumotlari;

Mudofaa vazirligi tomonidan — korxonaning davlatning mudofaa qobiliyatini va xavfsizligini saqlashni taʼminlashini tasdiqlaydigan maʼlumot (ushbu maʼlumot iqtisodiy sudlar va boshqa davlat organlarining soʻrovi boʻyicha taqdim etiladi);

Qoʻmita tomonidan — korxonaning tabiiy monopoliya subyekti ekanligini tasdiqlaydigan maʼlumot taqdim etiladi.

1) har yili

1-fevraldan kechikmay;

2) tegishli mezonlarga javob beradigan yangi korxonalar tashkil etilganda

2-bosqich

Agentlik, Shaharni tashkil etuvchi korxonalar reyestriga kiritish toʻgʻrisida qaror qabul qilish komissiyasi

Taqdim etilgan maʼlumotlarni koʻrib chiqish va tegishli korxonani Reyestrga kiritish toʻgʻrisida qaror qabul qilish.

bir oy muddatda

3-bosqich

Agentlik, Shaharni tashkil etuvchi korxonalar reyestriga kiritish toʻgʻrisida qaror qabul qilish komissiyasi

1. Reyestrga kiritilgan korxonalar monitoringini amalga oshirish.

2. Reyestrga oʻzgartirishlar kiritish (Reyestrga kiritilgan korxonalarning belgilangan mezonlarga muvofiq emasligi aniqlangan hollarda).

doimiy

4-bosqich

Agentlik

Reyestrdan koʻchirma taqdim etish (iqtisodiy sudlar, davlat va xoʻjalik boshqaruvi organlari hamda boshqa tashkilotlar soʻroviga binoan).

soʻrov olingan kundan boshlab bir hafta muddatda

(ilova Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)
(Oʻzbekiston Respublikasi qonun hujjatlari toʻplami, 2015-y., 17-son, 210-modda, 2017-y., 33-son, 863-modda; Qonun hujjatlari maʼlumotlari milliy bazasi, 23.01.2018-y., 09/18/34/0605-son; 15.04.2020-y., 09/20/217/0426-son; Qonunchilik maʼlumotlari milliy bazasi, 05.04.2022-y., 09/22/153/0266-son; 22.07.2023-y., 09/23/304/0510-son; 15.02.2025-y., 09/25/67/0145-son; 07.10.2025-y., 09/25/627/0901-son)