Hujjat kuchini yo‘qotgan " " 13.09.2019
PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
Vazirlar Mahkamasining “Iqtisodiy nochor korxonalarning sud boshqaruvchilari faoliyatini tashkil etish chora-tadbirlari toʻgʻrisida” 2004-yil 23-martdagi 138-son qaroriga oʻzgartirish va qoʻshimchalar kiritish toʻgʻrisida (Oʻzbekiston Respublikasi Vazirlar Mahkamasining “Soxta bankrotlik, bankrotlikni yashirish va qasddan bankrotlikka olib kelish alomatlarini aniqlash qoidalarini tasdiqlash toʻgʻrisida” 2013-yil 14-avgustdagi 224-son qarori)
 LexUZ sharhi
Mazkur qaror Oʻzbekiston Respublikasi Vazirlar Mahkamasining 2019-yil 12-sentabrdagi 765-sonli “Sud boshqaruvchilari faoliyatini tashkil etish chora-tadbirlari toʻgʻrisida”gi qaroriga asosan oʻz kuchini yoʻqotgan.
“Bankrotlik toʻgʻrisida”gi Oʻzbekiston Respublikasi Qonuniga va Vazirlar Mahkamasining “Soxta bankrotlik, bankrotlikni yashirish va qasddan bankrotlikka olib kelish alomatlarini aniqlash qoidalarini tasdiqlash toʻgʻrisida” 2013-yil 14-avgustdagi 224-son qaroriga muvofiq Vazirlar Mahkamasi qaror qiladi:
1. Vazirlar Mahkamasining “Iqtisodiy nochor korxonalarning sud boshqaruvchilari faoliyatini tashkil etish chora-tadbirlari toʻgʻrisida” 2004-yil 23-martdagi 138-son qaroriga (Oʻzbekiston Respublikasi QT, 2004-y., 3-son, 33-modda) ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2013-yil 8-oktabr,
277-son
Vazirlar Mahkamasining 2013-yil 8-oktabrdagi 277-son qaroriga
ILOVA
Vazirlar Mahkamasining “Iqtisodiy nochor korxonalarning sud boshqaruvchilari faoliyatini tashkil etish chora-tadbirlari toʻgʻrisida” 2004-yil 23-martdagi 138-son qaroriga kiritilayotgan oʻzgartirish va qoʻshimchalar
1. Sud boshqaruvchilari toʻgʻrisidagi nizomda (1-ilova):
a) 6-bandga quyidagi mazmundagi xatboshi qoʻshilsin:
“qarzdorning soxta bankrotligi va bankrotlikni yashirish alomatlarini aniqlash harakatlarini amalga oshiradi va ularning yakunlari boʻyicha qonun hujjatlarida belgilangan tartibda tegishli xulosa tayyorlaydi”;
b) quyidagi mazmundagi 181-band qoʻshilsin:
“181. Vaqtincha boshqaruvchi imzolangandan keyin oʻn ish kunidan kechikmay:
soxta bankrotlik va bankrotlikni yashirish alomatlari mavjudligi toʻgʻrisidagi xulosani — kreditorlar yigʻilishiga, xoʻjalik sudiga va prokuratura organlariga;
soxta bankrotlik va bankrotlikni yashirish alomatlari mavjud emasligi toʻgʻrisidagi xulosani — kreditorlar yigʻilishiga, xoʻjalik sudiga taqdim etadi”;
v) 27-bandga quyidagi mazmundagi xatboshi qoʻshilsin:
“qarzdorning bankrotlikni yashirish alomatlarini aniqlash harakatlarini amalga oshiradi va ularning yakunlari boʻyicha qonun hujjatlarida belgilangan tartibda tegishli xulosa tayyorlaydi”;
g) quyidagi mazmundagi 341-band qoʻshilsin:
“341. Tashqi boshqaruvchi imzolanganidan keyin oʻn ish kunidan kechikmay:
bankrotlikni yashirish alomatlari mavjudligi toʻgʻrisidagi xulosani — kreditorlar yigʻilishiga, xoʻjalik sudiga va prokuratura organlariga;
bankrotlikni yashirish alomatlari mavjud emasligi toʻgʻrisidagi xulosani — kreditorlar yigʻilishiga, xoʻjalik sudiga taqdim etadi”;
d) 40-bandga quyidagi mazmundagi beshinchi xatboshi qoʻshilsin:
“qarzdorning bankrotlikni yashirish va qasddan bankrotlikka olib kelish alomatlarini aniqlash harakatlarini amalga oshiradi va ularning yakunlari boʻyicha qonun hujjatlarida belgilangan tartibda tegishli xulosa tayyorlaydi”;
beshinchi xatboshi oltinchi xatboshi deb hisoblansin;
e) 44-banddagi “Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markaziga” soʻzlari “Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markaziga” soʻzlari bilan almashtirilsin;
j) quyidagi mazmundagi 471-band qoʻshilsin:
“471. Tugatuvchi boshqaruvchi imzolangandan keyin oʻn ish kunidan kechikmay:
bankrotlikni yashirish va qasddan bankrotlikka olib kelish alomatlari mavjudligi toʻgʻrisidagi xulosani — kreditorlar yigʻilishiga, xoʻjalik sudiga va prokuratura organlariga;
bankrotlikni yashirish va qasddan bankrotlikka olib kelish alomatlari mavjud emasligi toʻgʻrisidagi xulosani — kreditorlar yigʻilishiga, xoʻjalik sudiga taqdim etadi”.
2. Sud boshqaruvchilarini attestatsiyadan oʻtkazish toʻgʻrisidagi nizomda (2-ilova):
a) 9-bandda:
a) “a” kichik banddagi “attestatning toifasi koʻrsatilgan holda” soʻzlari chiqarib tashlansin;
quyidagi mazmundagi “j” va “z” kichik bandlar qoʻshilsin:
“j) tegishli davlat organining sudlanganlikning bekor boʻlishi yoki sudlanganlikning olib tashlanishi toʻgʻrisidagi maʼlumotnomasi;
z) pasportning nusxasi”;
b) 12-bandning birinchi jumlasi oxiriga “toʻrtinchi toifali attestat talabgori bundan mustasno” soʻzlari qoʻshilsin;
v) 18-banddagi “uchinchi toifali attestat uchun kamida 60 foiz” soʻzlari “toʻrtinchi toifali attestat uchun kamida 50% ijobiy javoblar olish, uchinchi toifali attestat uchun — 60%” soʻzlari bilan almashtirilsin;
g) 21-bandning uchinchi xatboshi oxiriga “toʻrtinchi toifali attestat talabgori bundan mustasno” soʻzlari qoʻshilsin;
d) 55-bandga quyidagi mazmundagi xatboshi qoʻshilsin:
“Qoʻmita tomonidan attestatning amal qilishini toʻxtatish toʻgʻrisida qaror qabul qilingan kundan boshlab uch yil mobaynida attestat talabgori test imtihonlarini qayta topshirishga qoʻyilmaydi”.
(Oʻzbekiston Respublikasi qonun hujjatlari toʻplami, 2013-y., 41-son, 551-modda)