O‘zbekiston Respublikasining “O‘zbekiston Respublikasining Markaziy banki to‘g‘risida”gi, “Kredit axboroti almashinuvi to‘g‘risida”gi qonunlari va O‘zbekiston Respublikasi Prezidentining 2018-yil 23-martdagi PQ-3620-son “Bank xizmatlari ommabopligini oshirish bo‘yicha qo‘shimcha chora-tadbirlar to‘g‘risida”gi qaroriga muvofiq O‘zbekiston Respublikasi Markaziy banki Boshqaruvi qaror qiladi:
1. Kredit byurolarini ro‘yxatga olish va ularning faoliyatini litsenziyalash tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Markaziy banki Boshqaruvining 2018-yil 28-apreldagi 16/23-son qaroriga
ILOVA
ILOVA
Oldingi tahrirga qarang.
Mazkur Nizom kredit byurolarini ro‘yxatga olish va ularning faoliyatini litsenziyalash tartibini belgilaydi.
(muqaddima O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
axborotni kriptografik muhofaza qilish vositalari — axborot xavfsizligini ta’minlash uchun uning kriptografik almashtirilishini amalga oshiruvchi texnik va dasturiy vositalar;
kredit axboroti almashinuvi tizimi (bundan buyon matnda tizim deb yuritiladi) — kredit axboroti almashinuvi ishtirokchilari o‘rtasida vujudga keladigan munosabatlar majmuasi;
elektron axborot — O‘zbekiston Respublikasining “Kredit axboroti almashinuvi to‘g‘risida”gi Qonuniga muvofiq tizim ishtirokchilari o‘zaro almashadigan elektron ma’lumot;
VPN tarmog‘i — elektron axborot almashinuvi jarayonida aloqa kanallarida bir yoki bir nechta tarmoqlari bog‘lanishlarini ta’minlaydigan virtual tarmoq.
2. Kredit byurolari faoliyatini kredit byurosi faoliyatini amalga oshirish uchun beriladigan litsenziya (bundan buyon matnda litsenziya deb yuritiladi) asosida amalga oshiradi.
Kredit byurolarini davlat ro‘yxatidan o‘tkazish va litsenziya berish O‘zbekiston Respublikasi Markaziy banki (bundan buyon matnda Markaziy bank deb yuritiladi) tomonidan amalga oshiriladi.
4. Litsenziyaning amal qilishini to‘xtatib turish, tugatish, bekor qilish va qayta rasmiylashtirish Markaziy bank Boshqaruvi qarori bilan amalga oshiriladi.
5. Kredit byurosini tashkil etish to‘g‘risidagi ta’sis shartnomasini imzolagan yuridik shaxslar va (yoki) norezident yuridik shaxslar kredit byurosining muassislari bo‘lishi mumkin.
6. Imtiyozli soliq rejimini taqdim qiluvchi va (yoki) moliyaviy operatsiyalarni amalga oshirishda ular haqidagi ma’lumotlarni oshkor etmaslikni va taqdim qilmaslikni ko‘zda tutuvchi davlatlar va hududlarda (offshor hududlar) ro‘yxatga olingan norezident yuridik shaxslar kredit byurosining muassislari bo‘lishi mumkin emas.
Oldingi tahrirga qarang.
7. Kredit byurosi o‘zining firma nomi yozilgan shtamplarga, blankalarga va o‘z emblemasiga ega bo‘lishga haqli.
(7-band O‘zbekiston Respublikasi Markaziy banki boshqaruvining 2020-yil 25-maydagi 12/4-sonli qarori (ro‘yxat raqami 3042-1, 10.06.2020-y.) tahririda — Qonun hujjatlari ma’lumotlari milliy bazasi, 10.06.2020-y., 10/20/3042-1/0731-son)
Oldingi tahrirga qarang.
8. Quyidagi shaxslar kredit byurosining ijro organi rahbari lavozimiga muvofiq emas deb topiladi hamda ushbu lavozimni egallashi mumkin emas:
kamida besh yillik ish tajribasiga, shu jumladan kredit amaliyoti bilan bog‘liq yo‘nalishda kamida uch yillik ish tajribasiga ega bo‘lmagan shaxslar;
Oldingi tahrirga qarang.
ijro organi a’zosi, kuzatuv kengashi a’zosi yoki hal qiluvchi egalikka ega bo‘lgan ishtirokchi (aksiyador) sifatida yoxud boshqa usulda o‘zi tomonidan nazorat qilingan yuridik shaxsni harakatlari yoki harakatsizligi oqibatida to‘lovga qobiliyatsizlik va majburiy likvidatsiya holatiga olib kelgan shaxslar;
(8-bandning to‘rtinchi xatboshisi O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qarori (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
iqtisodiyot sohasidagi yoki boshqaruv tartibiga qarshi jinoyat uchun sudlanganlik holati tugallanmagan yoki sudlanganligi olib tashlanmagan shaxslar.
(8-band O‘zbekiston Respublikasi Markaziy banki boshqaruvining 2020-yil 28-oktabrdagi 24/7-sonli qarori (ro‘yxat raqami 3042-2, 06.11.2020-y.) tahririda — Qonun hujjatlari ma’lumotlari milliy bazasi, 06.11.2020-y., 10/20/3042-2/1477-son — 2021-yil 1-yanvardan kuchga kiradi)
9. Kredit byurosi axborot tizimlarida qo‘llaniladigan axborot xavfsizligi va muhofazasining litsenziyalangan va sertifikatlangan dasturiy-texnik vositalari quyidagilarni ta’minlashi kerak:
tizim ishtirokchilari bo‘lgan kredit tashkilotlari va boshqa tashkilotlarni hamda ularning xodimlarini identifikatsiya va autentifikatsiya qilishni;
axborotni shakllantirish, uzatish, foydalanish, qayta ishlash va saqlash jarayonlarida ma’lumotlarning butligini;
normal foydalanish sharoitida tizimning barcha resurslariga avtorizatsiyalashgan ruxsat yordamida kirishni;
foydalanuvchilarning tizimga kirish va chiqish bo‘yicha harakatlarini hamda kirish huquqlarini buzishga urinishlarini qayd etishni;
Oldingi tahrirga qarang.
Kredit byurosi axborot tizimlarida qo‘llaniladigan axborot xavfsizligi va muhofazasining litsenziyalangan va sertifikatlangan dasturiy-texnik vositalari tarkibiy qismi hisoblanuvchi skoring bo‘yicha dasturiy ta’minotga ega bo‘lishi lozim.
(9-band O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) asosan o‘n ikkinchi xatboshi bilan to‘ldirilgan — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
91. Kredit byurosining skoring bo‘yicha dasturiy ta’minoti potensial qarz oluvchining kreditga layoqatlilik darajasini baholash va mavjud kredit axboroti almashinuvi tizimiga integratsiyalashuv imkoniyatini berishi va quyidagilarni o‘z ichiga olishi lozim:
ishlatiladigan koeffitsiyentlar (modellarning ishonchlilik darajasini tasdiqlovchi ko‘rsatkichlar, ehtimoliy defolt ko‘rsatkichlari);
(91-band O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) asosan kiritilgan — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
qo‘riqlash, yong‘in signalizatsiyasi, yong‘in o‘chirish tizimi, yoritish va avariya holatida yoritish tizimlari;
11. Kredit byurosi serverlarini tashqi ta’sirdan himoyalash uchun tarmoqlararo ekranlar (Firewall) hamda axborotni muhofaza qiluvchi litsenziyalangan texnik va dasturiy vositalar o‘rnatilishi zarur.
12. Kredit axborotlari almashinuvi qatnashchilarini autentifikatsiya qilish va kredit byurosi axborot tizimlarini parol va antivirus bilan himoyalash choralari ko‘rilishi lozim.
13. Kompyuter va boshqa jihozlar ishdan chiqqan hollarda kredit byurosining uzilishsiz faoliyat yuritishini ta’minlash maqsadida tizimning zaxira tiklanish rejasi hamda zarur dastur va vositalar bo‘lishi shart.
14. Kredit byuro serverlari va kompyuterlari elektr energiya bilan uzilishlarsiz ta’minlash uchun energiya ta’minoti qurilmalari va dizel-generator bo‘lishi kerak.
15. Kredit byuro tizim ishtirokchilari bilan axborot almashinuvi uchun bank telekommunikatsiya tarmog‘i yoki umumiy foydalanishdagi telekommunikatsiya (internet) tarmog‘idan foydalanadi.
16. Kredit axboroti almashinuvi jarayonida tizim ishtirokchilari axborotni kriptografik muhofaza qilish vositalaridan foydalanishlari lozim.
17. Kredit byurosining Markaziy bank va kredit tashkilotlari bilan elektron axborot almashinuvi Markaziy bankning “Axborotlashtirish bosh markazi” davlat unitar korxonasi bilan tuzilgan shartnoma asosida bank telekommunikatsiya tarmog‘i orqali amalga oshiriladi. Bunda quyidagi xavfsizlik choralari ko‘rilishi kerak:
login va parol (8 ta belgidan kam bo‘lmagan raqam va simvollar kombinatsiyasi hamda parol va loginlarni muddati tugashiga qarab o‘zgartirish imkoniyati bo‘lishi lozim. Parolning amal qilish muddati bir oydan oshmasligi lozim);
v) kredit byurosining kredit axborotlari almashinuvida qatnashuvchi xodimlarining serverlar va kompyuterlar telekommunikatsiya tarmoqlari orqali ishlashi uchun apparat-dasturiy vositalar bilan jihozlanishi kerak;
g) kredit byurosidagi axborotlarni qayta ishlash, uzatish va qabul qilish uchun ajratilgan serverlar va kompyuterlarga umumiy lokal tarmoqqa ulangan boshqa kompyuterlardan kirish imkoniyati bo‘lmasligi kerak;
d) kredit byurosi tomonidan uzatiladigan va qabul qilinadigan har qanday axborot elektron raqamli imzo bilan tasdiqlanishi hamda bajarilgan ishlar bo‘yicha ma’lumot avtomatik ravishda elektron jurnalga kiritilishi kerak. Bunda elektron raqamli imzo yopiq kalitining egasi quyidagilarni amalga oshirishi shart:
elektron raqamli imzo kaliti sertifikatini bergan elektron raqamli imzolar kalitlarini ro‘yxatga olish markaziga elektron raqamli imzoning yopiq kalitidan foydalanish rejimi buzilganligi yoki buzilishi ehtimoli borligi to‘g‘risida xabar qilishi va elektron raqamli imzo kaliti sertifikatining amal qilishini to‘xtatib turishni yoxud mazkur sertifikatni bekor qilishni talab qilishi;
o‘zi vakil bo‘lgan yuridik shaxs qayta tashkil etilganda va tugatilganda, bu haqda elektron raqamli imzo kaliti sertifikatini bergan elektron raqamli imzolar kalitlarini ro‘yxatga olish markaziga xabar qilishi;
e) elektron raqamli imzo ochiq kalitining foydalanuvchisi elektron raqamli imzoning haqiqiyligi tasdiqlanmagan hollarda elektron raqamli imzoning yopiq kaliti egasiga xabar beradi;
j) kredit byurosini tizimlarda kredit axborotiga tegishli bo‘lmagan axborotlarning uzatilishi taqiqlanadi;
z) kredit byurosi tomonidan uzatiladigan va qabul qilinadigan ma’lumotlar so‘nggi yangilangan bazali antivirus dasturi yordamida viruslar mavjudligini aniqlash uchun tekshirilishi kerak;
i) elektron axborotlar almashinuvida virtual tarmoqlar VPN tarmoqlari asosida tashkil etilgan va himoyalangan aloqa kanallari qo‘llanilishi kerak.
Axborotning xavfsizligini ta’minlash uchun qo‘shimcha axborotni muhofaza qilish vositalari qo‘llanilishi mumkin.
18. Mazkur Nizomning 17-bandida ko‘rsatilganlardan tashqari tizim ishtirokchilari kredit axborotlari almashinuvi uchun umumiy foydalanishdagi telekommunikatsiya tarmoqlaridan tegishli shartnomalar asosida foydalanishlari mumkin. Bunda:
foydalanuvchilarni tizimga kirishida autentifikatsiya qilish login va parol (8 ta belgidan kam bo‘lmagan raqam va simvollar kombinatsiyasi) yoki apparat-dasturiy vositalar yordamida amalga oshiriladi. Autentifikatsiya natijasi uch marta noto‘g‘ri bo‘lgan holda, tizim berkitilishi lozim;
kredit byurosining foydalanuvchilar, axborotni yetkazib beruvchilar va boshqa kredit byurosi bilan elektron axborot almashinuvi jarayonida axborotlarni kriptografik himoyalash va xavfsiz uzatishni ko‘zda tutadigan protokol (SSL protokol) bo‘yicha amalga oshirilishi, virtual xususiy tarmoqlar VPN tarmoqlari asosida tashkil etilgan va himoyalangan aloqa kanallari qo‘llanilishi kerak;
kredit byurosi serverlari tomonidan uzatiladigan va qabul qilinadigan ma’lumot so‘nggi yangilangan bazali antivirus dasturi bilan viruslar tekshirilishi zarur.
19. Kredit byurosini davlat ro‘yxatidan o‘tkazish va litsenziya berish uchun Markaziy bankka joylashgan eri (pochta manzili) ko‘rsatilgan holda ariza berilib, unga quyidagilar ilova qilinadi:
Oldingi tahrirga qarang.
(19-bandning uchinchi xatboshisi O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qarori (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
kredit axborotini ruxsat etilmagan holda unga kirishdan, yo‘q qilib yuborishdan, o‘zgartirishdan, undan foydalanishdan yoki uni oshkor etishdan himoya qilishni ta’minlovchi dasturiy-texnikaviy kompleksning parametrlari va joylashuvi ushbu Nizom talablariga muvofiqligini tasdiqlovchi hujjatlar;
Oldingi tahrirga qarang.
(19-bandning oltinchi xatboshisi O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) asosan chiqarilgan — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
(19-bandning to‘qqizinchi xatboshisi O‘zbekiston Respublikasi Markaziy banki boshqaruvining 2020-yil 28-oktabrdagi 24/7-sonli qaroriga (ro‘yxat raqami 3042-2, 06.11.2020-y.) asosan 2021-yil 1-yanvardan chiqariladi — Qonun hujjatlari ma’lumotlari milliy bazasi, 06.11.2020-y., 10/20/3042-2/1477-son)
Arizada muassislarning elektron manzili ko‘rsatilishi mumkin va ularning arizasi bo‘yicha qabul qilingan qaror haqida xabarnomani axborot tizimi orqali elektron shaklda olishga roziligi hisoblanadi.
20. Mazkur Nizomning 19-bandida keltirilgan barcha hujjatlar ikki nusxada yoki elektron shaklda taqdim etiladi.
21. Kredit byurosini davlat ro‘yxatidan o‘tkazish va litsenziya olish yuzasidan taqdim etilgan arizaga va unga ilova qilingan hujjatlardagi barcha ma’lumotlarning to‘g‘riligiga kredit byurosi muassislari javobgardir.
22. Markaziy bank davlat ro‘yxatidan o‘tkazish va litsenziya berish uchun hujjatlar taqdim etilgan kundan e’tiboran o‘ttiz kun ichida kredit byurosini davlat ro‘yxatidan o‘tkazishni amalga oshiradi va unga litsenziya beradi yoki rad etish to‘g‘risida qaror qabul qiladi.
23. Markaziy bank kredit byurosini davlat ro‘yxatidan o‘tkazishni va litsenziya berishni quyidagi hollarda rad etishi mumkin:
Oldingi tahrirga qarang.
davlat ro‘yxatidan o‘tkazish va litsenziya berish uchun zarur bo‘lgan, mazkur Nizomning 19-bandida ko‘rsatilgan hujjatlar taqdim etilmaganda;
(23-bandning ikkinchi xatboshisi O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qarori (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
(23-bandning uchinchi xatboshisi O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
davlat ro‘yxatidan o‘tkazish va litsenziya berish uchun taqdim etilgan hujjatlarda noto‘g‘ri yoki buzib ko‘rsatilgan ma’lumotlar mavjud bo‘lganda;
kredit axborotini ruxsat etilmagan holda unga kirishdan, yo‘q qilib yuborishdan, o‘zgartirishdan, undan foydalanishdan, uni oshkor etishdan himoya qilishni ta’minlovchi dasturiy-texnikaviy kompleks mavjud bo‘lmaganda yoki dasturiy-texnikaviy kompleks mazkur Nizomning 3-bobida belgilangan talablarga muvofiq bo‘lmaganda;
Oldingi tahrirga qarang.
(23-bandning oltinchi xatboshisi O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) asosan chiqarilgan — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
24. Kredit byurosini davlat ro‘yxatidan o‘tkazishni va litsenziya berishni rad etish to‘g‘risidagi qaror, rad etish sabablari hamda ariza beruvchi ko‘rsatilgan sabablarni bartaraf qilib, takroran ko‘rib chiqish to‘g‘risidagi ariza berishi mumkin bo‘lgan muddat ko‘rsatilgan holda, ariza beruvchiga yozma va/yoki elektron shaklda yuboriladi. Bunda kredit byurosini davlat ro‘yxatidan o‘tkazishni va litsenziya berishni rad etish to‘g‘risidagi qarorda ko‘rsatilgan muddat kamchiliklarni bartaraf etish uchun zarur bo‘lgan vaqtga mutanosib bo‘lishi kerak.
25. Kredit byurosini davlat ro‘yxatidan o‘tkazish va litsenziya berish uchun taqdim etilgan hujjatlarni takroran ko‘rib chiqish, ariza va unga ilova qilingan barcha zarur hujjatlar olingan kundan e’tiboran o‘n kunda amalga oshiriladi. Kredit byurosini davlat ro‘yxatidan o‘tkazishni va litsenziya berishni rad etish to‘g‘risidagi qarorda ko‘rsatilgan muddat o‘tganidan keyin berilgan ariza yangidan berilgan hisoblanadi.
26. Kredit byurosini davlat ro‘yxatidan o‘tkazish va litsenziya berish to‘g‘risidagi ariza takroran ko‘rib chiqilayotganda davlat ro‘yxatidan o‘tkazishni va litsenziya berishni rad etish haqidagi xabarnomada ilgari ko‘rsatilmagan yangi asoslar bo‘yicha davlat ro‘yxatidan o‘tkazishni va litsenziya berishni rad etishga yo‘l qo‘yilmaydi.
27. Kredit byurosini davlat ro‘yxatidan o‘tkazishni va litsenziya berishni rad etish to‘g‘risidagi qaror ustidan sudga shikoyat qilinishi mumkin.
Oldingi tahrirga qarang.
29. Markaziy bank ariza beruvchini davlat ro‘yxatidan o‘tkazish va litsenziya berish to‘g‘risida qaror qabul qilinganligi haqida ushbu qaror qabul qilingan kundan boshlab bir ish kuni ichida yozma xabardor qilishi kerak.
(29-band O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qarori (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
30. Kredit byurosi Kredit byurolarining davlat reyestrida ro‘yxatga olingan vaqtdan boshlab yuridik shaxs maqomini oladi. Kredit byurosini davlat ro‘yxatidan o‘tkazish bilan bir vaqtda unga litsenziya beriladi.
(30-band O‘zbekiston Respublikasi Markaziy banki boshqaruvining 2020-yil 28-oktabrdagi 24/7-sonli qarori (ro‘yxat raqami 3042-2, 06.11.2020-y.) tahririda — Qonun hujjatlari ma’lumotlari milliy bazasi, 06.11.2020-y., 10/20/3042-2/1477-son — 2021-yil 1-yanvardan kuchga kiradi)
Oldingi tahrirga qarang.
Litsenziya uning haqqoniyligini onlayn tekshirish imkonini beradigan, Internet butunjahon axborot tarmog‘idagi tegishli axborot resursi manziliga havolani o‘z ichiga olgan QR-kod (matrik shtrixli kod) qo‘yilgan elektron hujjat ko‘rinishida beriladi.
(30-band O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) asosan ikkinchi xatboshi bilan to‘ldirilgan — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
31. Litsenziya reyestrida mavjud bo‘lgan ma’lumotlar Markaziy bankning veb-saytiga joylashtiriladi va tanishib chiqish uchun ochiq bo‘ladi.
Oldingi tahrirga qarang.
32. Kredit byurosini davlat ro‘yxatidan o‘tkazganlik uchun O‘zbekiston Respublikasining “Davlat boji to‘g‘risida”gi Qonunida belgilangan miqdorda davlat boji undiriladi.
(32-band O‘zbekiston Respublikasi Markaziy banki boshqaruvining 2020-yil 25-maydagi 12/4-sonli qarori (ro‘yxat raqami 3042-1, 10.06.2020-y.) tahririda — Qonun hujjatlari ma’lumotlari milliy bazasi, 10.06.2020-y., 10/20/3042-1/0731-son)
Oldingi tahrirga qarang.
(5-bobning nomi O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qarori (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
33. Litsenziyaning amal qilishini to‘xtatib turish, tugatish, uni bekor qilish va qayta rasmiylashtirish O‘zbekiston Respublikasining “Litsenziyalash, ruxsat berish va xabardor qilish tartib-taomillari to‘g‘risida”gi Qonunida nazarda tutilgan holatlarda va tartibda amalga oshiriladi.
(33-band O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qarori (ro‘yxat raqami 3042-3, 23.01.2023-y.) tahririda — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
(34 — 36-bandlar O‘zbekiston Respublikasi Markaziy banki boshqaruvining 2022-yil 30-dekabrdagi 30/25-sonli qaroriga (ro‘yxat raqami 3042-3, 23.01.2023-y.) asosan o‘z kuchini yo‘qotgan — Qonunchilik ma’lumotlari milliy bazasi, 24.01.2023-y., 10/23/3042-3/0050-son)
Oldingi tahrirga qarang.
37. Kredit byurosini qayta tashkil etish va tugatish O‘zbekiston Respublikasining “Kredit axboroti almashinuvi to‘g‘risida”gi Qonuni va boshqa qonunchilik hujjatlarida belgilangan tartibda amalga oshiriladi.
(37-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
38. Qayta tashkil etish yoki tugatish to‘g‘risida qaror qabul qilinganidan keyin kredit byurosi bu haqda bir ish kunidan kechiktirmay Markaziy bankka yozma shaklda xabar qiladi va ikki oy mobaynida ommaviy axborot vositalarida har hafta tegishli e’lon berib boradi.
39. Kredit byurosi qayta tashkil etilgan taqdirda, kredit axboroti ma’lumotlar bazasi kredit byurosining huquqiy vorisiga, agar u litsenziyaga ega bo‘lsa, topshiriladi. Bu holda kredit byurosining huquqiy vorisi bu haqda kredit axboroti yetkazib beruvchilarni va Markaziy bankni kredit axboroti ma’lumotlar bazasi olingan kundan e’tiboran besh ish kuni ichida yozma shaklda xabardor etishi shart. Bunda ommaviy axborot vositalarida joylashtirilgan e’lonlarda kredit byurosining kredit axboroti ma’lumotlar bazasi uning huquqiy vorisiga topshirilganligi ko‘rsatiladi.
40. Kredit byurosining huquqiy vorisi litsenziyaga ega bo‘lmasa, shuningdek kredit byurosi tugatilgan, litsenziyaning amal qilishi tugatilgan yoki u bekor qilingan hollarda, kredit axboroti ma’lumotlar bazasi Markaziy bankka tekin topshiriladi.
Oldingi tahrirga qarang.
41. Kredit byurosining muassis hujjatlariga kiritilgan o‘zgartishlar va qo‘shimchalar qonunchilik hujjatlarida nazarda tutilgan tartibda Markaziy bankda ro‘yxatdan o‘tkazilishi kerak.
(41-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Oldingi tahrirga qarang.
42. Mazkur Nizom talablarini buzganlikda aybdor bo‘lgan shaxslar qonunchilik hujjatlarida belgilangan tartibda javobgar bo‘ladi.
(42-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
43. Ushbu Nizom O‘zbekiston Respublikasi Axborot texnologiyalari va kommunikatsiyalarini rivojlantirish vazirligi hamda Savdo-sanoat palatasi bilan kelishilgan.