Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 21¹-moddalari, “Taʼlim toʻgʻrisida”gi Qonunining 27-moddasi, Oʻzbekiston Respublikasi Vazirlar Mahkamasining 2017-yil 15-martdagi 140-sonli qarori bilan tasdiqlangan “Umumiy oʻrta taʼlim toʻgʻrisida”gi Nizomning 39-bandiga asosan tumanda maktab yoshidagi bolalarni umumiy oʻrta taʼlimga qamrab olish jarayonida umumtaʼlim muassasalariga biriktirilgan hududlar (mikrohudud)ni aniq belgilab olish maqsadida qaror qilaman:

1. Tuman Maktabgacha va maktab taʼlimi boʻlimining 2026-yil 11-iyundagi 586-sonli xati qanoatlantirilsin.

2. Tumanda maktab yoshidagi bolalarni umumiy oʻrta taʼlimga toʻliq qamrab olish boʻyicha umumiy oʻrta taʼlim muassasalariga biriktirilgan hududlar (mikrohudud) roʻyxati ilovaga muvofiq tasdiqlansin.

3. Tuman hokimi oʻrinbosari O.Shakarboyev, tuman maktabgacha va maktab taʼlimi boʻlimi (A.Suyunov) hamda tumandagi umumtaʼlim muassasalari rahbarlari zimmasiga maktab yoshidagi bolalarni umumiy oʻrta taʼlimga toʻliq qamrab olish, oʻquvchilarning darslarga qatnashish xolati yuzasidan monitoring olib borish va uning natijasida aniqlangan muammolarni bartaraf etish boʻyicha zarur choralar koʻrish vazifasi topshirilsin.

4. Belgilansinki, tumandagi umumtaʼlim muassasalari rahbarlari oʻzlari rahbarlik qilayotgan muassasaga biriktirilgan hududdagi maktab yoshidagi bolalarni oʻz vaqtida umumtaʼlim muassasasiga oʻqishga jalb qilish uchun masʼul hisoblanadi.

5. Oʻzbekiston mahallalari uyushmasi tuman boʻlimi (Z.Usmonov)ga mahalla fuqarolar yigʻinlarida maktab yoshidagi bolalarni umumtaʼlim muassasalariga jalb etish jarayonida tuman maktabgacha va maktab taʼlimi boʻlimi hamda umumtaʼlim muassasalarga amaliy yordam berish tavsiya etilsin.

6. Tuman hokimligi axborot xizmati (S.Ismoilov)ga mazkur qarorning mazmun mohiyatini ommaviy axborot vositalarida eʼlon qilish va tuman hokimligining rasmiy veb-saytiga joylashtirish tavsiya qilinsin.

7. Mazkur qarorning qabul qilinishi munosabati bilan hamda Oʻzbekiston Respublikasining 20-aprel 2021-yildagi OʻRQ-682-son qonun talablaridan kelib chiqib, tuman hokimining 2026-yilning 16-iyundagi 176-3-45-Q/26-sonli qaror oʻz kuchini yoʻqotgan deb xisoblansin.

8. Qaror rasmiy eʼlon qilingan kundan eʼtiboran kuchga kiradi.

9. Ushbu qarorning bajarilishini nazorat qilish tuman hokimi oʻrinbosari O.Shakarboyev zimmasiga yuklatilsin.