Qoʻngʻirot tumanidagi fermer xoʻjaliklari hamda qishloq xoʻjaligi korxonalariga 2026-yil vegetatsiya davrida ajratilgan suv limiti va haqiqiy olinadigan suv miqdorini tasdiqlash toʻgʻrisidagi Qoʻngʻirot tumani “Suv yetkazib berish xizmati” DM boshligʻi v.v.b N. Tureev taklifi, Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qarori ijrosini taʼminlash maqsadida hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq, Xalq deputatlari Qoʻngʻirot tuman Kengashi qaror qiladi:

1. Oʻzbekiston Respublikasi Prezidentining 2024-yil 5-yanvardagi PQ-5-sonli qarori ijrosi uchun rahbarlikka olinsin.

2. Qoʻngʻirot tumani “Suv yetkazib berish xizmati” davlat muassasasining 2026-yil 25-martdagi 01/03-32-sonli “Qoʻngʻirot tumanidagi fermer xoʻjaliklari hamda qishloq xoʻjaligi korxonalariga 2026-yil vegetatsiya davrida ajratilgan suv limiti va haqiqiy olinadigan suv miqdorini tasdiqlash toʻgʻrisida”gi taklifi maʼqullansin.

3. Qoʻngʻirot tumanida vegetatsiya davrida qishloq xoʻjaligi ekinlarini sugʻorish uchun fermer xoʻjaliklari hamda qishloq xoʻjaligi korxonalari kesimida ajratilgan suv olish limitlari ilovaga muvofiq tasdiqlansin.

4. Qoʻngʻirot tumani “Suv yetkazib berish xizmati” Davlat muassasasi (Tureyev), Qoʻngʻirot tumani fermer, dehqon xoʻjaliklari hamda tomorqa yer egalari Kengashi tegishli muassasalar bilan birgalikda:

Oʻzbekiston Respublikasi Prezidentining 2024-yil 5-yanvardagi PQ-5-sonli qaroriga asosan 2025-yilning vegetatsiya davri uchun ajratilgan limitlar asosida fermer xoʻjaliklariga suv yetkazib berish boʻyicha zarur chora-tadbirlarni belgilasin.

5. Ushbu qarorning ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosariga va tuman “Suv yetkazib berish xizmati” Davlat muassasasi (Tureev) ga yuklatilsin.

5. Mazkur qarorning ijrosini nazorat qilish Xalq deputatlari Qoʻngʻirot tuman Kengashining agrar, suv xoʻjaligi va ekologiya masalalari boʻyicha doimiy komissiyasiga yuklatilsin.

6. Qaror qabul qilingan kundan eʼtiboran kuchga kiradi.