2026-yilda Kitob tumanida yuridik va jismoniy shaxslarning qishloq xoʻjaligiga moʻljallanmagan yerlariga 2026-yil uchun yer soligʻi stavkalarini belgilash toʻgʻrisida Oʻzbekiston Respublikasi Soliq qoʻmitasining 2025-yil 12-noyabrdagi 24-127593-sonli xati, tuman soliq inspeksiyasining 2025-yil 13-dekabrdagi 21-12830-sonli xati, xalq deputatlari Qashqadaryo viloyat Kengashining 2025-yil 29-dekabrdagi “Qashqadaryo viloyatining 2026-yilgi mahalliy budjetini tasdiqlash toʻgʻrisida”gi VII-20-218-4-0-K/25-sonliqarori, Oʻzbekiston Respublikasi soliq kodeksining 429- va 437- moddalariga muvofiq, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, va 24- moddalariga asosan, xalq deputatlari Kitob tuman Kengashi qaror qiladi:

1. Oʻzbekiston Respublikasi Soliq qoʻmitasining 2025-yil 12-noyabrdagi 24-127593-sonli xati, tuman Soliq inspeksiyasining 2025-yil 13-dekabrdagi 21-12830-sonli xati, xalq deputatlari Qashqadaryo viloyat Kengashining 2025-yil 29-dekabrdagi “Qashqadaryo viloyatining 2026-yilgi mahalliy budjetini tasdiqlash toʻgʻrisida”gi VII-20-218-4-0-K/25-sonli qarori maʼlumot va ijro uchun qabul qilinsin.

2. Kitob tumanidagi mahallalarni iqtisodiy salohiyati va rivojlanishiga qarab, 2026-yilda yuridik va jismoniy shaxslar uchun belgilangan yer soligʻi bazaviy stavkalariga qoʻllaniladigan koeffitsiyentlar miqdorlari 1-va 2-ilovalarga muvofiq tasdiqlansin. Bunda, yer soligʻining amaldagi stavkalari 2-0,5 baravarga indeksatsiya qilinishi inobatga olinsin.

3. Kitob tumani boʻyicha 2026-yilda Yer qaʼridan foydalanganlik uchun soliq stavkalari 3-ilovaga muvofiq tasdiqlansin.

4. Kitob tumanidagi mahalla fuqarolar yigʻinlari boʻyicha 2026-yilda yuridik shaxslar uchun belgilangan mutlaq miqdordagi 1 gektar yer soligʻining bazaviy stavkalariga kiritilayotgan kamaytiruvchi va oshiruvchi Koeffitsiyentlar 4-ilovaga muvofiq tasdiqlansin.

5. Xalq deputatlari Kitob tuman Kengashining 2025-yil 15-yanvardagi VII-4-1-4-62-K/25 qarori 2026-yil 31-dekabrdan oʻz kuchini yoʻqotgan deb hisoblansin.

6. Ushbu qaror 2026-yil 1-yanvar kundan boshlab kuchga kiradi.