Республика нефть ва газ тармоғининг бошқарув тузилмасини янада такомиллаштириш, унинг барқарор ва мувозанатли истиқболли ривожланишини таъминлаш, газ ва нефть геологияси ва қидируви, уларни қазиб олиш, нефть ва газ маҳсулотларини ташиш ва узатиш, қайта ишлаш ва сотиш соҳасидаги фаолиятни мувофиқлаштириш даражасини ошириш, тармоққа чет эл инвестицияларини кенг жалб этиш ва шу асосда экспорт салоҳиятини кенгайтириш, республика иқтисодиёти тармоқлари ва аҳолисини нефть ва газни қайта ишлаш маҳсулотлари билан барқарор таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг 2003 йил 20 июндаги Ф-1791-сон фармойиши билан ташкил этилган Маъмурий ислоҳотларни чуқурлаштириш ва иқтисодиётни бошқариш тузилмасини такомиллаштиришга доир таклифлар тайёрлаш бўйича Республика комиссияси, Ўзбекистон Республикаси Давлат мулки қўмитаси, «Ўзбекнефтгаз» миллий холдинг компанияси, холдинг компания таркибига кирувчи акциядорлик компанияларининг:

«Ўзнефтниқайтаишлаш» акциядорлик компаниясини тугатиш ҳамда илгари «Ўзнефтниқайтаишлаш» акциядорлик компанияси таркибига кирган корхоналар ва ташкилотларни «Ўзнефтмаҳсулот» акциядорлик компанияси таркибига киритиш;

Шўртан газ-кимё комплексини бевосита «Ўзбекнефтгаз» миллий холдинг компанияси тасарруфига бериш;

«Ўзнефтгазишчитаъминот» акциядорлик компаниясини тугатиш;

«Ўзгеонефтгазқазибчиқариш» ва «Ўзбурғунефтгаз» акциядорлик компанияларини бирлаштириш ҳамда уларнинг негизида «Ўзгеобурғунефтгазқазибчиқариш» акциядорлик компанияси ташкил этиш;

«Ўзнефтгазқурилиш» акциядорлик компаниясини пудрат қурилиш ва таъминот-сотиш ташкилотларини бевосита унинг тасарруфига бериш йўли билан «Ўзбекнефтгаз» миллий холдинг компаниясига бирлаштириш шаклида қайта ташкил этиш тўғрисидаги таклифлари қабул қилинсин.

2. «Ўзбекнефтгаз» миллий холдинг компаниясининг ташкилий тузилмаси ҳамда ходимларининг чекланган умумий сони 112 нафар, шу жумладан бошқарув ходимлари сони 109 нафар бўлган ижро этувчи аппарати тузилмаси 1 ва 2-иловаларга мувофиқ тасдиқлансин.

«Ўзбекнефтгаз» миллий холдинг компанияси бошқаруви раисига зарурат бўлганда холдинг компаниянинг ижро этувчи аппарати тузилмасига ходимларнинг белгиланган сони доирасида ўзгартиришлар киритишга рухсат берилсин.

3. Қуйидагилар:

«Ўзнефтмаҳсулот» акциядорлик компаниясининг ташкилий тузилмаси, ходимларининг чекланган умумий сони 168 нафар, шу жумладан бошқарув ходимлари сони 107 нафар бўлган ижро этувчи аппарати тузилмаси ҳамда компания ихтиёрига берилаётган корхоналар ва ташкилотлар рўйхати 3—5-иловаларга мувофиқ;

«Ўзгеобурғунефтгазқазибчиқариш» акциядорлик компаниясининг ташкилий тузилмаси, компания таркибига кирадиган корхоналар ва ташкилотлар рўйхати, ходимларининг чекланган умумий сони 154 нафар, шу жумладан бошқарув ходимлари сони 108 нафар бўлган ижро этувчи аппарати тузилмаси 6—8-иловаларга мувофиқ;

«Ўзгеобурғунефтгазқазибчиқариш» акциядорлик компаниясининг тугатилаётган ва қайта ташкил этилаётган корхоналари рўйхати 9-иловага мувофиқ маъқуллансин.

4. Белгилансинки:

«Ўзгеобурғунефтгазқазибчиқариш», «Ўзтрансгаз», «Ўзнефтмаҳсулот», «Ўзнефтгазмаш» акциядорлик компаниялари «Ўзбекнефтгаз» миллий холдинг компаниясининг шуъба корхоналари ҳисобланади;

«Ўзбекнефтгаз» миллий холдинг компанияси ва унинг акциядорлик компаниялари устав фондларига берилган давлат мулкини ва акциялар пакетларини ўзгаларга бериш фақат Вазирлар Маҳкамасининг қарорига кўра амалга оширилади;

«Ўзнефтмаҳсулот» акциядорлик компанияси «Ўзнефтниқайтаишлаш» акциядорлик компанияси томонидан тузилган тегишли шартномалар ва мажбуриятлар бўйича ҳуқуқий ворис ҳисобланади;

«Ўзгеобурғунефтгазқазибчиқариш» акциядорлик компанияси «Ўзгеонефтгазқазибчиқариш» ва «Ўзбурғунефтгаз» акциядорлик компаниялари томонидан тузилган тегишли шартномалар ва мажбуриятлар бўйича ҳуқуқий ворис ҳисобланади.

5. Маъмурий ислоҳотларни чуқурлаштириш ва иқтисодиётни бошқариш тузилмасини такомиллаштиришга доир таклифлар тайёрлаш бўйича Республика комиссияси (Азимов), Ўзбекистон Республикаси Давлат мулки қўмитаси «Ўзбекнефтгаз» миллий холдинг компанияси билан биргаликда бир ой муддатда:

тугатиш комиссиялари ташкил этсинлар ва белгиланган тартибда «Ўзнефтниқайтаишлаш» акциядорлик компанияси, «Ўзнефтгазишчитаъминот» акциядорлик компанияси тугатилишини, «Ўзнефтгазқурилиш» акциядорлик компанияси қайта ташкил этилишини таъминласинлар;

«Ўзгеонефтгазқазибчиқариш» ва «Ўзбурғунефтгаз» акциядорлик компанияларини бирлаштириш йўли билан «Ўзгеобурғунефтгаз-қазибчиқариш» акциядорлик компаниясини ташкил этиш бўйича зарур чора-тадбирларни амалга оширсинлар;

тугатилаётган «Ўзнефтгазишчитаъминот» акциядорлик компанияси таркибига кирган таъминот-сотиш ташкилотларини пухта хатловдан ўтказсинлар ҳамда улар фаолиятининг ихтисосини ҳисобга олган ҳолда идоравий мансублиги ва мулкчилик шаклларини белгиласинлар;

қайта ташкил этилаётган акциядорлик компанияларида акциядорларнинг умумий йиғилишларини ўтказсинлар, ушбу компанияларнинг кузатувчи кенгашлари шахсий таркиби бўйича таклифларни Вазирлар Маҳкамасига киритсинлар, устав фондлари миқдорлари аниқланишини ва компанияларнинг уставлари белгиланган тартибда тасдиқланишини таъминласинлар;

тугатилаётган ва қайта ташкил этилаётган акциядорлик компаниялари ва корхоналарнинг устав фондларига берилган давлат мулкидан фойдаланиш масалалари ҳал этилишини таъминласинлар.

6. Вазирлар Маҳкамасининг 2003 йил 19 майдаги 225-сон қарорига мувофиқ, ишлаб чиқарилган нефть маҳсулотларини етказиб бериш нефть базалари билан тузиладиган тўғридан-тўғри шартномалар бўйича, нефтни қайта ишлайдиган заводлар томонидан амалга оширилиши маълумот учун қабул қилинсин.

Вазирлар Маҳкамасининг 2003 йил 19 майдаги 225-сон қарорига 1-иловада кўрсатилган автосервис комплекс пунктлари тегишли равишда Тахиатош, Қарши, Мароқанд, Термиз, Гулистон ва Урганч нефть базалари филиалларига айлантирилсин.

7. Қуйидагилар:

Вазирлар Маҳкамасининг «Ўзбекнефтгаз» миллий холдинг компаниясини ташкил этиш ва унинг фаолияти масалалари тўғрисида» 1998 йил 15 декабрдаги 523-сон қарорининг 8-банди, қарорга 1, 2, 5, 6 ва 7-иловалар;

Вазирлар Маҳкамасининг «Вазирлар Маҳкамасининг «Ўзбекнефтгаз» миллий холдинг компаниясини ташкил этиш ва унинг фаолияти масалалари тўғрисида» 1998 йил 15 декабрдаги 523-сон қарорига ўзгартиришлар киритиш ҳақида» 2000 йил 19 июндаги 233-сон қарори;

Вазирлар Маҳкамасининг «Нефть маҳсулотлари билан таъминлаш тизимини ва уларни сотишда ҳисоб-китоб қилиш механизмини янада такомиллаштириш тўғрисида» 2003 йил 19 майдаги 225-сон қарорининг 4-банди ҳамда қарорга 5 ва 6-иловалар ўз кучини йўқотган деб ҳисоблансин.

8. Ўзбекистон Республикаси Адлия вазирлиги Иқтисодиёт вазирлиги, «Ўзбекнефтгаз» миллий холдинг компанияси ҳамда бошқа манфаатдор вазирликлар ва идоралар билан биргаликда бир ой муддатда Вазирлар Маҳкамасига амалдаги қонун ҳужжатларига ушбу қарордан келиб чиқувчи ўзгартириш ва қўшимчалар тўғрисида таклифлар киритсин.

9. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.

1. «Фарғона нефтни қайта ишлаш заводи» УШК

2. «Бухоро нефтни қайта ишлаш заводи» УШК

3. «1-ТҚМБ» УШК, Фарғона шаҳри

4. 2-ТҚМБ, Қоровулбозор шаҳри

5. «Нефтчи» спорт комплекси

6. «Нефтчи» маданият саройи

7. «Нефтчи» санаторий-профилакторийси

1. «Муборакнефтгаз» унитар шуъба корхонаси

2. «Шўртаннефтгаз» унитар шуъба корхонаси

3. «Устюртгаз» унитар шуъба корхонаси

4. «Жарқўрғоннефть» ОАЖ

5. «Андижоннефть» ОАЖ

6. «Муборак газни қайта ишлаш заводи» унитар шуъба корхонаси

7. «Устюрт разведка-бурғулаш бошқармаси» унитар шуъба корхонаси

8. Косон нефть-газ-разведка экспедицияси унитар шуъба корхонаси

9. «Ҳисоролди нефть-газ-разведка экспедицияси» унитар шуъба корхонаси

10. «Қоровулбозор нефть-газ-разведка экспедицияси» унитар шуъба корхонаси

11. «Олот нефть-газ-разведка экспедицияси» унитар шуъба корхонаси

12. «Ўзбекгеофизика» ОАБ

12.1. «Яккабоғ геофизика экспедицияси» унитар шуъба корхонаси

12.2. «Устюрт геофизика экспедицияси» ОАЖ

12.3. «Фарғона геофизика экспедицияси» ОАЖ

12.4. «Амиробод кон-геофизика экспедицияси» ОАЖ

12.5. «Бухоро геофизика экспедицияси» ОАЖ

13. «Қўқоннефтгазпармалаш» ОАЖ

14. «Бухоронефтгазпармалаш» ОАЖ

15. «Қашқадарё пармалаш ишлари» ОАЖ

16. «Сурхон пармалаш ишлари» ОАЖ

17. «Минора қуриш экспедицияси» ОАЖ

18. «Нефтгазқурилиштаъмирлаш» трест-майдон ОАЖ

19. «Нефтегазтаъмирлаш» ОАЖ

20. «Ўзнефтгазқудуқтаъмирлаш» ОАЖ

21. «Махсусэнергогаз» ОАЖ

22. «Қашқадарё нефтгаз қурилиш ва таъмирлаш» ОАЖ

23. «Нефть ва газ қудуқларини синаш» ОАЖ

24. «Ўзпарқурилиш» ОАЖ

25. «Нефть ва газ конлари геологияси ва разведкаси институти» ОАЖ

26. «Нефтгазтадқиқот» ОАЖ

27. «Нефтгазмеъёр» ОАЖ

28. «КИВЦ» ОАЖ

29. «Ўзпартампонаж» ОАЖ

30. «Бухоронефтгазавтотранс» ОАЖ

31. «Сарбон-нефтгаз» ОАЖ

32. «Хўжаобод технологик транспорт бошқармаси» ОАЖ

33. «Муборакнефтгазтранс» ОАЖ

34. «Ўзпаравтотранс» ОАЖ

35. «Қашқадарё технологик транспорт» ОАЖ

36. «Асакатранснефть» ОАЖ

37. «Тармоқлараро ўқув курс комбинати» унитар шуъба корхонаси

38. «Нефтгазтраст» унитар корхонаси

39. «Ишлаб чиқариш-техника таъминоти ва бутлаш бошқармаси» унитар корхонаси

39.1. Асака ишлаб чиқариш-техника таъминоти ва бутлаш базаси

39.2. Жарқўрғон ишлаб чиқариш-техника таъминоти ва бутлаш базаси

39.3. Қоровулбозор ишлаб чиқариш-техника таъминоти ва бутлаш базаси

39.4. Олтингугурт заводи ишлаб чиқариш-техника таъминоти ва бутлаш базаси

39.5. Фарғона ишлаб чиқариш-техника таъминоти ва бутлаш базаси

39.6. Чортоқ ишлаб чиқариш-техника таъминоти ва бутлаш базаси

39.7. Тошкент ишлаб чиқариш-техника таъминоти ва бутлаш базаси

40. «Ўзпартаъминот» ОАЖ

41. «Косон ишлаб чиқариш-техника таъминоти ва бутлаш базаси» унитар шуъба корхонаси

42. «Махсусбутлашгаз» ОАЖ

43. «Муборак уй-жойдан фойдаланиш кўп тармоқли» ОАЖ

44. «Ўзмалойл» қўшма корхонаси

45. «Нефтгазтранс» МЧЖ қўшма корхонаси