O‘zbekiston Respublikasi Soliq kodeksi, O‘zbekiston Respublikasi “Davlat soliq xizmati to‘g‘risida”gi Qonunining 7-moddasiga muvofiq O‘zbekiston Respublikasi Moliya vazirligi va Davlat soliq qo‘mitasi qaror qiladi:

1. O‘zbekiston Respublikasi Moliya vazirligi va Davlat soliq qo‘mitasining 2003-yil 26-fevraldagi 37-son va 2003-33-son qarori bilan tasdiqlangan Yuridik shaxs tashkil etmagan holda tadbirkorlik faoliyati bilan shuQullanayotgan jismoniy shaxslarning daromadidan qat’iy belgilangan hajmlarda olinadigan soliqni hisoblab chiqarish va to‘lash tartibi to‘g‘risidagi nizomning (2003-yil 3-aprel, ro‘yxat raqami 1230 — Me’yoriy hujjatlarining axborotnomasi, 2003-y., 7-8-son, O‘zbekiston Respublikasi Qonun hujjatlari to‘plami, 2004-y., 4-son, 50-modda) 3-bandi quyidagi tahrirda bayon etilsin:

“3. Qat’iy belgilangan hajmlarda olinadigan soliqni to‘lovchilar mazkur toifadagi jismoniy shaxslar uchun belgilangan boshqa soliqlar, yig‘imlar va to‘lovlarni O‘zbekiston Respublikasining amaldagi qonunchiligiga muvofiq to‘laydilar.”.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.